गुरुवार 13 दिसंबर 1990 की अव्यक्त मुरली

> 13-12-90 om shanti avyakt baapdaadaamdhuban

tapasya ka foundation behad ka vairaagya

avyakt baapdaada apne tapasveemoorta bachchon bachchon ke prati bole h

aaj baapdaada sarva snehi bachchon ke sneh ke pushpa aarpit karte hue dekh rahe hain। desh videsh ke sarva bachchon ke dil se sneh ke pushpon ki varsa baapdaada dekh rahe hain। sabhi bachchon ke man ka ek hi saaj athva geet sun rahe hain। ek hi geet hai - ''mera baba’’। chaaron or milan manaane ki shubh-aashaaon ke deep jagamga rahe hain। yeh divya drishya saare kalpa mein sivaae baapdaada aur bachchon ke koi dekh nahin sakta। yeh anokhe sneh ke pushpa yahaan is puraani duniya ke kohinoor heere se bhi amoolya hai। yeh dil ke geet sivaae bachchon ke aur koi ga nahin sakta। aisi deepmaala koi mana nahin sakta। baapdaada ke saamne sarva bachche emerge hain। is sthool sthaan mein sabhi baith nahin sakte। lekin baapdaada ka diltakhta ati vishaal hai। isliye sabhi ko emerge roop mein dekh rahe hain। sabhi ki yaadapyaar aur sneh bhare adhikaar ke ulhane bhi sun rahe hain aur saath-saath har ek bachche ko return mein padmaguna jyaada yaadapyaar de rahe hain। bachche adhikaar se kehte - ham sab saakaar swaroop mein milan manaaen। baap bhi chaahte,bachche bhi chaahte। phir bhi samay pramaan brahma baap avyakt pharishte roop mein saakaar swaroop se anek guna teevragti se seva karte hue bachchon ko apne samaan bana rahe hain। na sirf ek do varsha, lekin anek varsha avyakt milan,avyakt roop mein seva ka anubhav karaaya aur kara bhi rahe hain। to brahma baap ne avyakt hote bhi vyakta mein kyon part bajaaya? samaan banaane ke liye। brahma baap avyakt se vyakta mein aaye, to bachchon ko return mein kya karna hai?vyakta se avyakt banna hai। samay pramaan avyakt milan, avyakt roop se seva abhi ati aavashyak hai। isliye samay prati samay baapdaada avyakt milan ki anubhooti ka ishaara dete rehte hain। iske liye tapasya varsha bhi mana rahe ho na। baapdaada ko harsha hai ki majority bachchon ko umang-utsaah achha hai। minority aisa sochte hain ki programme pramaan karna hi hai। ek hai programme se karna aur doosra hai dil ke umang-utsaah se karna। har ek apne se poochhe - main kismen hoon?

samay ki paristhitiyon ke pramaan,sva ki unnati ke pramaan, teevra gati ke seva ke pramaan, baapdaada ke sneh ke return dene ke pramaan tapasya ati aavashyak hai। pyaar karna ati sahaj hai aur sab karte hain - yeh bhi baap jaante hain lekin return swaroop mein baapdaada samaan banna hai। is samay baapdaada yeh dekhne chaahte hain। ismen koi mein koi nikalta hai। chaahna sabhi ki hai। lekin chaahne vaale aur karne vaale - ismen sankhya ka antar hai। kyonki tapasya ka sada aur sahaj foundation hai - behad ka vairaagya। behad ka vairaagya arthaat chaaron or ke kinaare chhod dena। kyonki kinaare ko sahaara bana diya hai। samay pramaan pyaare bane aur samay pramaan shreemat par nimitta bani hui aatmaon ke ishaare pramaan second mein buddhi pyaare se phir nyaari ban jaaye, woh nahin hoti। jitna jaldi pyaare bante ho, utne nyaare nahin bante ho। pyaare banne mein hoshiyaar hai, nyaare banne mein sochte hain, himmat chaahiye। nyaara banna hi kinaara chhodna hai aur kinaara chhodna hi behad ki vairaagya vritti hai। kinaaron ko sahaara banaae pakadna aata hai lekin chhodne mein kya karte ho? lamba question mark laga dete ho। seva ka incharge banna bahut achha aata hai lekin incharge ke saath-saath svayan ki aur auron ki battery charge karne mein mushkil lagta hai। isliye vartamaan samay tapasya dvaara vairaagya vritti ki ati aavashyakta hai।

tapasya ki saphalta ka vishesh aadhaar va sahaj saadhan hai - ek shabd ka paath pakka karo। do-teen likhna mushkil hota hai। ek likhna bahut sahaj hai। tapasya arthaat ek ka banna। jisko baapdaada eknaami kehte hain। tapasya arthaat man-buddhi ko ekaagra karna,tapasya arthaat ekaanta-priy rehna, tapasya arthaat sthiti ko ekras rakhna, tapasya arthaat sarva praapta khazaanon ko vyartha se bachaana arthaat economy se chalna। to ek ka paath pakka hua na - ek ka paath mushkil hai va sahaj hai? hai to sahaj, lekin - aisi bhaasha to nahin bolenge na।

bahut-bahut bhaagyavaan ho। anek prakaar ki mehnat se chhoot gaye। duniya vaalon ko samay karaayega aur samay par majboori se karenge। bachchon ko baap samay ke pahle taiyaar karte hain aur baap ki mohabbat se karte ho। agar mohabbat se nahin kiya va thoda kiya to kya hoga?majboori se karna hi padega। behad ka vairaagya dhaaran karna hi hoga lekin majboori se karne ka phal nahin milta। mohabbat ka pratyakshaphal bhavishya phal banta hai aur majboori vaalon ko kahaan se cross karna padega! cross karna bhi cross mein chadhne ke samaan hai। to kya pasanda hai?mohabbat se karenge। baapdaada kabhi kinaaron ki list sunaayenge। aise to jaanne mein hoshiyaar ho। revise karaayenge। kyonki baapdaada to bachchon ki har roj ki dincharya jab chaahe tab dekh sakte hain। ek ek ke dekhne ka saara din dhandha nahin karte। saakaar brahma baap ko dekha unki najar svatah hi kahaan padti thi। chaahe aapka patra ho, chaahe potaamel ho,chaahe koi chaalachlan ho, chaahe koi aath page ka patra ho lekin baap ki nazar kahaan padti? jahaan direction dena hoga, jahaan aavashyakta hogi। baapdaada dekhte bhi sab hain, lekin nahin bhi dekhte hain। jaante bhi hain, nahin bhi jaante। jo aavashyak nahin - woh na dekhte hain,na jaante hain। khel to bahut achhe dekhte hain woh phir kabhi sunaayenge। achha।

tapasya karna, behad ki vairaagya vritti mein rehna sahaj hai na। kinaaron ko chhodna mushkil hai?lekin banna bhi aapko hi hai। kalpa-kalpa ki praapti ke adhikaari bane ho aur avashya banenge। achha। is varsha kalpa pahle vaale anek kalpon ke puraane aur is kalpa ke naye bachchon ko chance mila hai। to chance milne ki khushi hai na?majority naye hain, teachers puraani hain। to teacher kya karengi? vairaagya vritti dhaaran karengi na?kinaara chhodengi? ki us samay kahengi ki karne to chaahte hain lekin kaise karen? karke dikhlaane vaale ho ki sunaane vaale ho? jo bhi chaaron or ke bachche aaye hue hain sab bachchon ko baapdaada saakaar roop mein dekhne se harshit ho rahe hain। himmat rakhi hai aur madad baap ki sada hai hi। isliye sadaiv himmat se madad ke adhikaar ko anubhav karte sahaj udte chalo। baap madad dete hain lekin lene vaale leve। daata deta hai lekin lene vaale yatha shakti ban jaate hain। to yatha shakti nahin banna। sada sarvashaktivaan banna। to peechhe aane vaale bhi aage number le lenge। samjha। sarvashaktiyon ke adhikaar ko poora praapta karo। achha।

chaaron or ke sarvasnehi aatmaaen, sada baap ke pyaar ka return dene vaale, ananya aatmaaen, sada tapasvi moorta sthiti mein sthit rahne vaale, baap ki sameep aatmaaen, sada baap ke samaan banne ke lakshya ko lakshan roop mein laane vaale, aise desh-videsh ke sarva bachchon ko dilaaraam baap ki dil va jaan, sik va prem se yaadapyaar aur namaste।''

daadiyon se avyakt baapdaada ki mulaakaat

ashta shaktidhaari,ishta aur ashta ho na। ashta ki nishaani kya hai, jaante ho? har karma mein samay pramaan, paristhiti pramaan, har shakti karma mein laane vaale। ashta shaktiyaan ishta bhi bana deti hain aur ashta bhi bana deti hain। ashta shaktiyaandhaari ho isliye aath bhujaayen dikhaate hain। vishesh aath shaktiyaan hain। vaise hai to bahut, lekin aath mein majority aa jaati hai। vishesh shaktiyon ko samay par kaarya mein laana hai। jaisa samay, jaisi paristhiti vaisi sthiti ho। isko kehte hain ashta va ishta। to aisa group taiyaar hai na? videsh mein kitne taiyaar hain? ashta mein aane vaale hain na? achha।

(savere brahm muhoorta ke samay santari daadi ne shareer chhoda)

achha hai,jaana to sabko hi hai। ever ready ho ya yaad aayega - mera centre, abhi jigyaasuon ka kya hoga?mera-mera to yaad nahin aayega na? jaana to sabko hai lekin har ek ke hisaab apne-apne hain। hisaab-kitaab chuktu karne ke bina koi ja nahin sakta। isliye sabne khushi se chhutti di। sabko achha laga na। aisa jaana achha hai na। to aap bhi ever ready ho jaana। achha।

party se avyakt baapdaada ki mulaakaat

pratham group -dilli aur panjaab donon hi seva ke aadi sthaan hain। sthaapna ke sthaan sada hi mahatvapoorvak dekhe jaate hain,gaaye jaate hain। jaise seva mein aadi sthaan hai, vaise sthiti mein aadi ratna ho?sthaan ke saath-saath sthiti ki bhi mahima hai na। aadi ratna arthaat har shreemat ko jeevan mein laane ki aadi karne vaale। sirf sunne-sunaane vaale nahin, karne vaale। kyonki sunne-sunaane vaale to anek hain lekin karne vaale koto mein koi hain। to yeh nasha rehta hai ki ham koto mein koi hain?yeh roohaani nasha, maaya ke nashon se chhuda deta hai। yeh roohaani nasha safety ka saadhan hai। koi bhi maaya ka nasha - pahanne ka,khaane ka,dekhne ka apni taraph aakaarshit nahin kar sakta। aise nashe mein rehte ho ya maaya thoda-thoda aakaarshit karti hai। abhi samajhdaar ban gaye ho na। maaya ki bhi samajh hai। samajhdaar kabhi dhokha nahin khaate। agar samajhdaar kabhi dhokha kha le to usko sabhi kya kahenge? samajhdaar aur dhokha kha liya। dhokha khaana arthaat duhkh ka aahvaan karna। jab dhokha khaate ho to usse duhkh milta hai na। to duhkh ko koi lena chaahta hai kya? isliye sada aadi ratna hain arthaat har shreemat ki aadi apne jeevan mein karne vaale। aise ho? ya dekhte ho - pahle doosra kare, phir ham karenge? yeh nahin karte to ham kaise karenge! karne mein pahle main। doosra badle,phir main badloon… yeh bhi badle to main badloon… nahin,jo karega vo paayega, aur kitna paayenge? ek ka padmaguna। to karne mein maja hai na। ek karo aur padma paao। ismen to praapti hi praapti hai। isliye practical shreemat ko laane mein pahle main। maaya ke vash hone mein pahle main nahin, lekin is purooshaartha mein pahle main - tabhi saphalta har kadam mein anubhav karenge। saphalta hui padi hai। sirf thoda sa raasta badli kar dete ho,badli karne se manzal door ho jaati hai,samay lagta hai। agar koi wrong raaste par chala jaayega। to manzal door ho jaayegi na। to aise nahin karna। manzil saamne khadi hai,saphalta hui padi hai। jab kabhi mehnat karni padti hai to mohabbat ka palda halka hota hai। agar mohabbat ho to mehnat kabhi nahin kar sakte। kyonki baap anek bhujaaon sahit aapki madad karega। vo apni bhujaaon se second mein kaarya saphal kar dega। purooshaartha mein sada udte rahenge। panjaab vaale udte ho ya darte ho? pakke anubhvi ho gaye ho? koi darne vaale ho?kya hoga,kaise hoga…! nahin। unhon ko bhi shanti ka daan dene vaale ho। koi bhi aaye shanti lekar jaaye, khaali haath nahin jaaye। chaahe gyaan nahin do lekin shanti ke vibration bhi shant kar dete hain। achha।

(2) chaaron taraph se aai hui shreshtha aatmaaen sabhi brahman ho,na ki raajasthaani,na mahaaraashtreey,madhya pradesh… sab ek ho। is samay sabhi madhuban nivaasi ho। braahmanon ka original sthaan madhuban hai। seva ke liye bhinna-bhinna area mein gaye hue ho। yadi ek hi sthaan par baith jaao to chaaron or ki seva kaise hogi? isliye seva arth bhinna-bhinna sthaanon par gaye ho। chaahe laukik mein businessmen ho ya government servant ho,ya phaiktari mein kaam karne vaale ho… lekin original occupation eeshvareey sevaadhaari ho। maataaen bhi ghar mein rehte eeshvareey seva par hain। gyaan chaahe koi sune ya na sune, shubh-bhaavna,shubh-kaamna ko vibration se bhi badalte hain। sirf vaani ki seva hi seva nahin hai, shubh-bhaavna rakhna bhi seva hai। to donon hi sevaaen karna aati hain na? koi aapko gaali bhi de to bhi aap shubh-bhaavna, shubh-kaamna nahin chhodo। braahmanon ka kaam hai - kuchh na kuchh dena। to yeh shubh-bhaavna, shubh-kaamna rakhna bhi shiksha dena hai। sabhi vaani se nahin badalte hain। kaisa bhi ho lekin kuchh na kuchh anchali zaroor do। chaahe pakka raavan hi kyon na ho। kai maataaen kehti hai na - hamaare sambandhi pakke raavan hain, badalne vaale nahin hain,aisi aatmaon ko bhi apne khazaanen se, shubh-bhaavna,shubh-kaamna ki anchali zaroor do। koi gaali deta hai to bhi unke mukh se kya nikalta hai? yeh brahma kumaariyaan hain… to brahma baap ko to yaad karte hain, chaahe gaali bhi dete lekin brahma to kehte hain। phir bhi baap ka naam to lete hain na। chaahe jaane va na jaane, aap phir bhi unko anchali do। aisi anchali dete ho ya jo nahin sunta hai usko chhod dete ho?chhodna nahin,nahin to peechhe aapke kaan pakdenge, ulhana denge - ham to besmajh the, aapne kyon nahin diya। to kaan pakdenge na। aap dete jaao,koi le ya na le। baapdaada roj itna khazaana bachchon ko dete hain। koi poora lete hain, koi yatha shakti lete hain। phir baapdaada kabhi kehte hain - main nahin doonga?kyon nahin lete ho? to braahmanon ka kattavya hai dena। daata ke bachche ho na। vo achha kahe,phir aap do to yeh levta hue। levta kabhi daata ke bachche ho nahin sakte,devta nahin ban sakte। aap devta banne vaale ho na?devtaai chola taiyaar hai na?ya abhi silaai ho raha hai, dhulaai ho raha hai ya sirf pres rah gai hai? devtaai chola saamne dikhaai dena chaahiye। aaj pharishta, kal devta। kitni baar devta bane ho? to sadaiv apne ko daata ke bachche aur devta banne vaale hain - yahi yaad rakho। daata ke bachche lekar nahin dete। maan mile, regard de to doon - aisa nahin। sada daata ke bachche dene vaale। aisa nasha sada rehta hai na। ya kabhi kam hota hai, kabhi jyaada? abhi maaya ko vidaai nahin di hai?dheere-dheere nahin dena - itna samay nahin hai। ek to aaye deri se ho aur phir dheere dheere purooshaartha karenge to pahunch nahin sakenge। nishchay hua,nasha chadha aur udo। abhi udti kala ka samay hai। udna fast hota hai na। aap lucky ho - udne ke time par aaye ho। to sadaiv apne ko aisa hi anubhav karo ki ham bahut bade bhaagyavaan hain। aisa bhaagya phir saare kalpa mein nahin mil sakta। to daata ke bachche bano,lene ka sankalp bhi na ho। paise de,kapda de, khaana de। daata ke bachche ko sab svatah hi praapta hota hai। maangane vaalo ko nahin milta hai। daata bano to aape hi milta rahega। achha।

(3) mahaaraashtra mein rehte hue sachche swaroop mein mahaan ban gaye - yeh khushi rehti hai na?ve to naamdhaari mahaan hain, mahaatmaaen hain, lekin aap practical swaroop se mahaatmaaen ho। yeh khushi hai na?to mahaan aatmaaen sadaiv oonchi sthiti mein rehti hain। vo log to oonche aasan par baith jaate hain,shishyon ko neeche bithaayenge,khud oonche baithainge lekin aap kahaan baithte ho? oonchi sthiti ke aasan par। oonchi sthiti hi ooncha aasan hai। jab oonchi sthiti ke aasan par rehte ho to maaya nahin aa sakti। vo aapko mahaan samajhkar aapke aage jhukegi। vaar nahin karegi, haar maanegi। jab oonche aasan se neeche aate ho tab maaya vaar karti hai। agar sada oonche aasan par raho to maaya ke aane ki taakat nahin। woh oonche chadh nahin sakti। to kitna sahaj aasan mil gaya hai! bhaagya ke aage tyaag kuchh bhi nahin hai। chhoda bhi kya? jevar pade hain, kapde pade hain, ghar mein rehte ho। agar chhoda hai to kichde ko chhoda hai। to sada shreshtha aasan par sthit rahne vaali mahaan aatmaaen ho। jitna socha nahin tha utna hi ati shreshtha praapti ke adhikaari ban gaye। is bhaagya ki khushi hai na?duniya mein khushi nahin hai। kaala paisa hai lekin khushi nahin hai। khushi ke khazaanen se sab gareeb hain,bhikhaari hain। aap khushi ke khazaanen se bharpoor ho। yeh khushi kitna samay chalegi? saara kalpa chalti rahegi। aapke jad chitron se bhi khushi lenge। to check karo ki itni khushi jama hui hai? aise to nahin sirf ek do janma chalegi, phir khatma ho jaayegi! itna stock jama karo jo anek janma saath rahe। jiske paas jitna jama hota hai utna uske chehre par khushi aur nasha rehta hai। aap kaho, na kaho,lekin aapki soorat bolegi। kehte hain na - brahmaakumaariyaan sada khush rehti hain, pata nahin kya hua hai inko? duhkh mein bhi khush rehti hain। aap bolo, na bolo, aapki surat, aapke karma bolte hain। brahmaakumaar kumaariyon ki nishaani hi hai - khush rehna। duhkh ke din khatma ho gaye। itna khazaana mila, phir duhkh kahaan se aayega? achha।