बुधवार 10 अप्रैल 1991 की अव्यक्त मुरली

>

10-04-91 om shanti avyakt baapdaadaamdhuban

dil takhtansheen aur vishwa takhtansheen banne ke liye sukh do aur sukh lo

avyakt baapdaada apne diltakhtansheen bachchon prati boleh -

aaj vishwa ke maalik,apne baalak so maalik bachchon ko dekh rahe hain। sabhi bachche is samay bhi sva ke maalik hain aur anek janma bhi vishwa ke maalik hain। parmaatma-baalak maalik ban jaate hain। brahman aatmaaen arthaat maalik aatmaaen। is samay sarva karme-ndriyon ke maalik ho,adheen aatmaaen nahin ho। adhikaari arthaat maalik ho। karmendriyon ke vasheebhoot nahin ho, isliye baalak so maalik ho। baalakpan ka bhi eeshvareey nasha anubhav karte ho aur svaraajya ke maalikpan ka nasha bhi anubhav karte ho। double nasha hai। nashe ki nishaani hai avinaashi roohaani khushi। sada apne ko vishwa mein khushanseeb aatmaaen samajhte ho? vaah mera shreshtha bhaagya arthaat shreshtha naseeb! khushanseeb bhi ho aur sada khushi ki khuraak khaate aur khilaate ho। saath-saath sada khushi ke jhoole mein jhoolte rehte ho। auron ko bhi khushi ka mahaadaan de khushanseeb banaate ho। aise amoolya heere tulya jeevan banaane vaale ho। ban gaye hain ya abhi banna hai?brahman jeevan ka arth hi hai - khushi mein rehna, khushi ki khuraak khaana aur khushi ke jhoole mein rehna। aise brahman ho na? sivaae khushi ke aur jeevan hi kya hai! jeevan hi khushi hai। khushi nahin to brahman jeevan nahin। khush rehna hi jeena hai।

aaj baapdaada sarva bachchon ka punya ka khaata dekh rahe the। kyonki aap sabhi punya aatmaaen ho। punya ka khaata anek janmon ke liye jama kar rahe ho। saare din mein punya kitna jama kiya? yeh svayan bhi check kar sakte ho na। ek hai daan karna, doosra hai punya karna। daan se bhi punya ka jyaada mahatva hai। punya karma nisvaartha sevaabhaav ka karma hai। punya karma dikhaava nahin hota hai, lekin dil se hota hai। daan dikhaava bhi hota hai, dil se bhi hota hai। punya karma arthaat aavashyakta ke samay kisi aatma ke sahayogi banna। arthaat kaam mein aana। punya karma karne vaali aatma ko anek aatmaon ke dil ki duvaaen praapta hoti hai। sirf mukh se shukriya va thanks nahin kehte lekin dil ki duvaaen gupta praapti jama hoti jaati hain। punya aatma, parmaatma duvaaen, aatmaon ki duvaaen - is praapta hue pratyakshaphal se bharpoor hote hain। punya aatma ki vritti, drishti auron ko bhi duaayen anubhav karaati hain। punya aatma ke chehre par sada prasannata,santushtata ki jhalak dikhaai deti hai। punya aatma sada praapta hue phal ke kaaran abhimaan aur apmaan se pare rehti hai। kyonki woh bharpoor baadshaah hai। abhimaan aur apmaan se bephikar baadshaah hai। punya aatma punya ki shakti dvaara svayan ke har sankalp,har samay ki halchal ko, har karma ko saphal karne vaale hote hain। punya ka khaata jama hota hai। jama ki nishaani hai - vyartha ki samaapti। aisi punya aatma vishwa ke raajya ke takhtansheen banti hai। to apne khaate ko check karo ki aise punya aatma kahaan tak bane hain? agar poochhenge ki sabhi punya aatma ho? to sab haan ji kahenge na। hai bhi sabhi punya aatma। lekin nambarvaar hai,ki sab number one hai?nambarvaar hai na। satayug-treta ke vishwa ke takhta par kitne baithenge? sabhi ikatthe baithenge? to nambarvaar hai na। number kyon bante hain - kaaran? ek vishesh baat baapdaada ne bachchon ki check ki। aur vahi baat number one banne mein rookaavat daalti hai।

abhi tapasya varsha mein sabhi ka lakshya sampoorn banne ka hai ya nambarvaar banne ka hai?sampoorn banna hai na। aap sabhi ek slogan bolte bhi ho aur likhkar lagaate bhi ho। woh hai - sukh do aur sukh lo। duhkh na do, na duhkh lo। yeh slogan pakka hai। to result mein kya dekha?duhkh na do - ismen to majority ka attention hai। lekin aadha slogan theek hai। dene ke liye sochte hain, dena nahin hai। lekin lene ke liye kehte hain ki usne diya isliye hua। isne yeh kaha,isne yeh kaha,isliye yeh hua। aisi judgement dete ho na। apna hi vakeel ban karke case mein yahi bataate ho। to aadha slogan ke oopar attention theek hai aur bhi hona chaahiye underline। phir bhi aadhe slogan par attention hai lekin aur jo aadha slogan hai us par attention naam maatra hai। usne diya lekin aapne liya kyon? kisne kaha aap lo? baap ki shreemat hai kya ki duhkh lo। jholi bharo duhkh se। to na duhkh do, na duhkh lo। tabhi punya aatma banenge, tapasvi banenge। tapasvi arthaat parivartan to unke dukh ko bhi aap sukh ke roop mein sveekaar karo। parivartan karo tab kahenge tapasvi। glaani ko prashansa samjho। tab kahenge punya aatma। jagat amba maa ne sadaiv sabhi bachchon ko yahi paath pakka karaaya ki gaali dene vaale ya duhkh dene vaali aatma ko bhi apne merciful swaroop se, raham ki drishti se dekho। glaani ki drishti se nahin। woh gaali deve, aap phool chadhaao। tab kahenge punya aatma। glaani vaale ko dil se gale lagaao। baahar se gale nahin lagaana। lekin man se। to punya ke khaate jama hone mein vighna roop yahi baat banti hai। mujhe dukh lena bhi nahin hai। dena to hai hi nahin, lekin lena bhi nahin hai। jab achhi cheej nahin hai to phir kichda lekar jama kyon karte ho?jahaan duhkh liya, kichda jama hua, to kichde se kya niklenge? paap ke ansh roopi germs। abhi mote paap to nahin karte ho na। abhi paap ka ansh rah gaya hai। lekin ansh bhi nahin hona chaahiye। kai bachche badi meethi-meethi baaten sunaate hain। roohrihaan to sabhi karte hain na? ek slogan to sabhi ko pakka ho gaya hai - ‘‘chaahte to nahin the,lekin ho gaya…।'' jab aap nahin chaahte to aur kaun chaahta? jo kehte ho, ho gaya! aur koi aatma hai! hona nahin chaahiye, lekin hota hai - yeh kaun bolta hai?aur koi aatma bolti hai, ki aap bolte ho? to tapasya in baaton ke kaaran siddha nahin kar sakenge। jo hona nahin chaahiye,jo karne nahin chaahte woh na hona hi, na karna hi punya aatma ki nishaani hai। baapdaada ke paas roj bachchon ki anek aisi kahaaniyaan aati hain। bolne mein itni interest vaali kahaaniyaan karke bataate jo sunte raho। koi lambi kahaani bataane mein aadti hain,koi chhoti bataate। lekin kahaaniyaan bahut bataate hain। aaj is varsha ke milan ki antim tubbi hai na। sabhi tubbi lagaane aaye ho na। jabki bhakti maarga mein bhi dubki lagaate hain to koi na koi sankalp zaroor karte hain,chaahe kuchh svaaha karte hain, chaahe kuchh svaartha rakhte hain। donon se sankalp karte hain। to tapasya varsha mein yeh sankalp karo ki saara din sankalp dvaara, bol dvaara, karma dvaara punya aatma ban punya karenge,aur punya ki nishaani bataai ki punya ka pratyakshaphal hai har aatma ki duaaen। har sankalp mein punya jama ho। bol mein duaaen jama ho। sambandh-samparka se dil se sahayog ki shukriya nikle - isko kehte hain tapasya। aisi tapasya vishwa parivartan ka aadhaar banegi। aisi result par prize milegi। phir kahaani nahin sunaana ki aisa ho gaya…! vaise pahla number prize sabhi teachers ko lena chaahiye aur saath mein madhuban nivaasiyon ko lena chaahiye। kyonki madhuban ki lahar, nimitta teachers ki lahar pravritti vaalon tak, godly students tak sahaj pahunchi hai। to aap sab number aage to ho hi jaayenge। ab dekhenge ki kis-kis ke naam prize mein aate hain?teachers ke aate ya madhuban vaalon ke ya godly students ke aate hain?double videshi bhi teevra purooshaartha kar rahe hain। baapdaada ke paas prize bahut hain, jitna chaaho le sakte ho। prize ki kami nahin hain। bhandaare bharpoor hain। achha।

sabhi mele mein pahunch gaye hain। mela achha laga ki takleeph hui?baarish ne bhi svaagat kiya,prakriti ka bhi aapse pyaar hai। ghab-raaye to nahin na?brahma bhojan to achha mila na। 63janma to dhakke khaaye hain। abhi to aur hi thikaana mila na। teen pair prithvi to mili na। itna bada haal jo banaaya hai to haal ki bhi shobha badhaai na। haal ko saphal kiya na। kisi ko bhi takleeph to nahin hui na। lekin aise nahin mela karte rehna। rachna ke saath saadhan bhi saath hi aate hain। achha।

sarva baalak so maalik shreshtha aatmaon ko,sada har kadam mein punya ka khaata jama karne vaali punya aatmaon ko,sada dilat-khtansheen aur vishwa ke takhta adhikaari vishesh aatmaon ko sada sukh dene aur sukh lene vaale master sukh ke saagar aatmaon ko,sada khushi mein rahne vaale aur khushi dene vaale master daata bachchon ko baapdaada ka yaadapyaar aur namaste।

daadiyon se :- baapdaada ne dekha ki sabhi mahaarthiyon ne dil se sabko shaktishaali banaane ki seva bahut achhi ki। iske liye shukriya kya karen lekin khaata bahut jama hua। bahut bada khaata jama hua। baapdaada mahaaveer bachchon ki himmat aur umang-ullaas dekh padmaguna se bhi jyaada harshit hote hain। himmat rakhi hai, sangathan sada sneh ke sootra mein raha hai isliye iski saphalta hai। sangathan majboot hai na! chhoti maala majboot hai। kangan to bana hai। maala to nahin bane,kangan to hai na। isliye chhoti maala bhi pooji jaati hai। badi achhi taiyaar ho rahi hai, woh bhi ho jaayegi, honi hi hai। sunaaya tha na - badi maala daane taiyaar hai lekin daane se daana milne mein thodi si margin hai। lekin chhoti maala achhi taiyaar hai। isi maala ke kaaran hi saphalta sahaj hai aur saphalta sada maala ke mankon ke gale mein piroi hui hai। vijayi ka tilak laga hua hai। baapdaada khush hai,padmaguna mubaarak hai। nimitta to aap hain na। baap to karaavanhaar hai। karne vaala kaun hai? karne ke liye nimitta aap ho,baap to backbone hai। isliye bahut achhi preeti ki reeti bhi nibhaai aur paalna ki reeti bhi achhi nibhaai। achha।

(6.4.91 ko khaas daadi ji tatha daadi jaanki ji se milne deedi ke kamre mein baapdaada padhaare)

karmaateet sthiti ke sameep aa rahe hain। karma bhi vriddhi ko praapta hota rehta hai। lekin karmaateet arthaat karma ke kisi bhi bandhan ke sparsha se nyaare। aisa hi anubhav badhta rahe। jaise mujh aatma ne is shareer dvaara karma kiya na, aise nyaaraapan rahe। na kaarya ke sparsha karne ka aur karne ke baad jo result hui - us phal ko praapta karne mein bhi nyaaraapan। karma ka phal arthaat jo result nikalti hai uska bhi sparsha na ho,bilkul hi nyaaraapan anubhav hota rahe। jaise ki doosre koi ne karaaya aur mainne kiya। kisi ne karaaya aur main nimitta bani। lekin nimitta banne mein bhi nyaaraapan। aisi karmaateet sthiti badhti jaati hai - aisa feel hota hai?

mahaarthiyon ki sthiti auron se nyaari aur pyaari spashta ho rahi hai na। jaise brahma baap spashta the,aise nambarvaar aap nimitta aatmaaen bhi saakaar swaroop se spashta hoti jaateen। karmaateet arthaat nyaara aur pyaara। karma doosre bhi karte hain aur aap bhi karte ho lekin aapke karma karne mein antar hai। sthiti mein antar hai। jo kuchh beeta aur nyaara ban gaya। karma kiya aur woh karne ke baad aisa anubhav hoga jaise ki kuchh kiya nahin। karaane vaale ne kara liya। aisi sthiti ka anubhav karte rahenge। halkaapan rahega। karma karte bhi tan ka bhi halkaapan,man ki sthiti mein bhi halkaapan। karma ki result man ko khainch leti hai। aisi sthiti hai?jitna hi kaarya badhta jaayega utna hi halkaapan bhi badhta jaayega। karma apni taraph aakaarshit nahin karega lekin maalik hokar karma karaane vaala kara raha hai aur nimitta karne vaale nimitta bankar kar rahe hain।

aatma ke halkepan ki nishaani hai -aatma ki jo vishesh shaktiyaan hain man, buddhi,sanskaar, yeh teenon hi aisi halki hoti jaayegi। sankalp bhi bilkul hi halki sthiti ka anubhav karaayenge। buddhi ki nirnay shakti bhi aisa nirnay karegi jaise ki kuchh kiya hi nahin, aur koi bhi sanskaar apni taraph aakaarshit nahin karega। jaise baap ke sanskaar kaarya kar rahe hain। yeh man-buddhi-sanskaar,sookshm shaktiyaan jo hain, teenon mein light (halka), anubhav karenge। svatah hi sabke dil se, mukh se yahi nikalta rahega ki jaise baap, vaise bachche nyaare aur pyaare hain। kyonki samay pramaan baahar ka vaataavran din pratidin aur hi bhaari hota jaayega। jitna hi baahar ka vaataavran bhaari hoga utna hi ananya bachchon ke sankalp, karma,sambandh light (halke) hote jaayenge aur is laaitnes ke kaaran saara kaarya light chalta rahega। vaayumandal to tamopradhaan hone ke kaaran aur bhinna-bhinna prakaar se bhaareepan ka anubhav karenge। prakriti ka bhi bhaareepan hoga। manushyaatmaaon ki vrittiyon ka bhi bhaareepan hoga। iske liye bhi bahut halkaapan bhi auron ko bhi halka karega। achha, sab theek chal raha hai na। kaarobaar ka prabhaav aap log ke oopar nahin padta। lekin aapka prabhaav kaarobaar par padta hai। jo kuchh bhi karte ho, sunte ho to aapke halkepan ki sthiti ka prabhaav kaarya par padta hai। kaarya ki halchal ka prabhaav aap logon ke oopar nahin aata। achal sthiti kaarya ko bhi achal bana deti hai। sab reeti se asambhav kaarya sambhav aur sahaj ho rahe hain aur hote rahenge। achha।

madhuban nivaasi bhaai-bahinon se

madhuban nivaasi arthaat raajarishi kumaar aur kumaariyaan। raajarishi arthaat raajya adhikaari aur tapasvi,kyonki madhuban hai hi tapasya bhoomi। jo rehte hi hain tapasya bhoomi mein vo tapasvi hue na! to raajarishi arthaat raajya adhikaari ke saath tapasya bhi। raajya adhikaari banen bhi tab, jab tapasvi banen। tapasvi nahin to raajya adhikaari nahin। madhuban nivaasiyon ki akhanda tapasya hai na, ya ek saal ki tapasya hai? akhanda tapasvi ho na?jaise yahaan seva ka bhi akhanda paath chalta hai na। sirf vidhi badalti hai seva ki। lekin seva ka akhanda paath chalta hai। to jaise seva akhanda hai, aise madhuban nivaasiyon ki tapasya bhi akhanda hai। akhanda tapasya arthaat kabhi bhi khandit nahin aur madhuban nivaasiyon ki tapasya ati sahaj hai। kyon?kyonki madhuban nivaasi bephikar baadshaah hain। seva bhi karte ho lekin bana banaaya bhi milta hai aur sabse jyaada madhuban nivaasiyon ko sarva braahmanon ki duaaen milti hai। sabke mukh se,dil se kya nikalta hai? madhuban vaale bahut achhe hain। to duaaon ka khazaana madhuban nivaasiyon ko vishwa ki aatmaon ke dvaara milta hai। yog shivir mein bhi chaahe vi.aai.Ps. aaye, chaahe aai.Ps. aaye… sabhi ke mukh se madhu-ban nivaasiyon ke liye duaaen nikalti hain,to sikeeldhe ho gaye na। mehnat zaroor karte ho। lekin mehnat ka pratyakshaphal bhi khaate ho। seva ka record to sada se achha raha hai aur achha rahega। samay pramaan ever ready bhi ban jaate ho aur koi bhi baat ka saamna bhi kar lete ho। pahaad uthaane mein hoshiyaar ho। to abhi is bade mele mein thake to nahin?sabse jyaada kaam hai vaise paani vaalon ka,bhandaare vaalon ka bhi apna hai, bhejne vaalon ka bhi apna hai। harek department vaalon ka apna hai। ek bhi department nahin ho, to nahin chal sakta। sabhi department ke nimitta bane hue milkar athak hokar karte ho। tabhi saphalta praapta hoti hai। to seva ki saphalta mein sada prize milti hai। abhi tapasya mein prize lo। sabhi ne achha sahayog diya hai aur result bhi bahut achhi rahi। naam nahin lete hain lekin har department ne achha kiya hai - to padmaguna mubaarak ho। is baar nirvighna raha। itni badi season hote bhi koi aisa case nahin hua। koi shareer chhodta hai to madhuban nivaasiyon ko do din khaana nahin milta। is baari to kuchh nahin hua। chaahe pattalen mangaai, chaahe tent lagaaya,baarish aai,ya havaaen aai,lekin nirvighna ho। abhi sirf jaana rah gaya,bas na। aane-jaane, khaatiri karne vaale sabhi ne bahut achha nibhaaya। aap sabhi bhi khush hai na ki nirvighna beeta। sabne kamaal ki। pahunchaane vaale bhi raatri mein jaagte rahe। to madhuban nivaasiyon ka jaagran bahut hota hoga tabhi aur log bhi jaagte hain। koi na koi dev ya devi ke roop mein aapka jaagran hota hai। to achhe marks hain। samjha। abhi aisi tapasya karna jo chaaron or madhuban ki tapasya ka sahayog praapta ho। sabhi anubhav karen ki vishesh sahayog mil raha hai। sabki tabiyat to theek rahi na? achha।

(double videshiyon se) - double videshi sada hi double arthaat combined rahne ke aadti hain। company ko pasanda karte hain na। kampe-niyan ko bhi pasanda karte hain। to companion bhi mil gaya aur company bhi mil gai। donon mil gaye na! achha। race to achhi kar rahe ho। double videshi,chaahe videsh ki seva peechhe hui hai, lekin sabmen aage jaane ka umang achha hai aur himmat bhi achhi rakhte hain। isliye baapdaada ki madad bhi milti rehti hai aur sada adhikaari hain madad milne ke। double videshiyon ko sada nasha rehta hai na। puraani duniya mein to bhaasha ki bhi samasya ho jaati hai। apne raajya mein yeh koi samasya nahin hai। achha। sabhi teevra purushaarthi ho na। purushaarthi nahin banna। achha।