बुधवार 18 दिसंबर 1991 की अव्यक्त मुरली

>

18-12-91 om shanti avyakt baapdaadaamdhuban

har karma mein honesty ka prayog karna hi tapasya hai

avyakt baapdaada apne honest bachchon prati bole h

aaj baapdaada chaaron or ke sarva tapasvi kumaar aur tapasvi kumaariyon mein tapasya ki vishesh nishaani dekh rahe hain। tapasvi aatma ki visheshtaayen pahle bhi sunaai hai। aaj aur visheshta suna rahe hain। tapasvi aatma arthaat sada honest aatma। honesty hi tapasvi ki visheshta hai। honest aatma arthaat har karma mein,shreemat mein chalne mein honest hogi। honest arthaat vaphaadaar aur imaandaar। shreemat par chalne ke honest arthaat vaphaadaar। honest aatma svatah hi har kadam shreemat ke ishaare pramaan uthaati hai। unka har kadam automatic shreemat ke ishaare par hi chalta hai। jaise science ki shakti dvaara kai cheejen ishaare se automatic chalti hain, chalaana nahin padta ,chaahe light dvaara, chaahe vibration dvaara switch on kiya aur chalta rehta hai। lekin science ki shakti vinaashi hone ke kaaran alpakaal ke liye chalti hai। avinaashi baap ke silence ki shakti dvaara is brahman jeevan mein sada aur svatah hi sahaj chalte rehte hain। brahman janma milte hi divya buddhi mein baapdaada ne shreemat bhar di। honest aatma usi shreemat ke ishaare se natural sahaj chalti rehti hai। to honest ki pahli nishaani - har second har kadam shreemat par accurate chalna। chalte sabhi hain lekin chalne mein bhi anek prakaar ki bhinnata ho jaati hai। koi sahaj aur teevragti se chalte hain। kyonki us aatma ko shreemat spashta sada smriti mein rahne ke kaaran samartha hai। yeh hai number one honesty। number one aatma ko sochna nahin padta ki yeh shreemat hai ya nahin, yeh right hai ya wrong hai, kyonki spashta hai। doosri aatmaon ko spashta na hone ke kaaran kai baar sochna padta hai। isliye teevra gati se madhyam gati ho jaati hai। saath-saath koi sochta hai, koi thakta hai। chalte sabhi hain lekin sochne aur thakne vaale second number ho jaate hain। thakte kyon hain? chalte-chalte shreemat ke ishaaron mein manmat parmat mix kar dete hain, isliye spashta aur seedhe raaste se bhatak tedhe baanke raaste mein chale jaate hain। result mein phir bhi vaapas lautna hi padta hai। kyonki manzil ka raasta ek hi spashta seedha aur sahaj hai। seedhe ko tedha bana dete hain। to aap socho tedha chalne vaala kahaan tak chalega, kis speed se chalega? aur parinaam kya hoga? thakna aur niraash hokar lautna। isliye second number ho jaata hai। anek second ganvaaya, anek shvaans ganvaaya, sarva shaktiyaan ganvaai, isliye second number ho gaya। sirf ismen nahin khush ho jaana ki ham to chal rahe hain। lekin apni chaal aur gati donon ko check karo। to samjha,honesty kisko kaha jaata hai?

honest aatma ki aur nishaani hai - woh kabhi kisi bhi khazaane ko vesta nahin karega। sirf sthool dhan va khazaane ki baat nahin hai lekin aur bhi anek khazaane aapko mile hain। honest sangamayug ke samay ke khazaane ko ek second bhi vesta nahin karega। kyonki sangamayug ka ek second, varsha se bhi jyaada hai। jaise gareeb aatma ka sthool dhan aath aana aath sau ke baraabar hai। kyonki aath aane mein sachche dil ki bhaavna aath sau se jyaada hai। aise sangamayug ka samay ek second itna bada hai। kyonki ek second mein padmon jitna jama hota hai। second ganvaaya arthaat padmon jitni kamaai ka samay ganvaaya। aise hi sankalp ka khazaana, gyaan dhan ka khazaana,sarva shaktiyon, sarva gunon ka khazaana vesta nahin karenge। agar sarva shaktiyon, sarva gunon va gyaan ko sva-prati va seva-prati kaam mein nahin lagaaya to isko bhi vesta kaha jaayega। daata ne diya aur lene vaale ne dhaaran nahin kiya, to vesta hua na! jo honest hota hai woh sirf dhan ko praapta kar rakh nahin deta। honest ki nishaani hai khazaane ko badhaana। badhaane ka saadhan hi hai kaarya mein lagaana। agar gyaan-dhan ko bhi samay pramaan sarva aatmaon ke prati ya sva ki unnati ke prati use nahin karte ho to khazaana kabhi bhi badhega nahin। honest manager ya director usko hi kaha jaata hai jo koi bhi kaarya mein prophit karke dikhaaye। pragti karke dikhaaye। aise hi sankalp ke khazaane ko, gunon ko, shaktiyon ko kaarya mein lagaakar prophit karne vaale hain ya vesta karne vaale hain? honest ki nishaani hai - vesta nahin karna, prophit karna। apna tan,man aur sthool dhan - yeh teenon hi baap ka diya hua khazaana hai। aap sabne tan, man, dhan va vastu, jo bhi thi vo arpan kar di। sankalp kiya ki sab kuchh tera, aisa nahin thoda dhan mera thoda baap ka, thoda dhan kinaare rakhen , jeb kharcha rakha hai,thoda-thoda aaeevel ke liye kinaare karke rakha hai। aaivel ke liye kinaare kar rakhna yeh samajhdaari hai। jitna hi mera hoga utna hi jahaan mera-mera hota vahaan bahut baaten heraapheri hoti hain। kyonki usko chhipaana padta hai na! bhakti maarga vaale bhi samajhte hain- ye mere mere ka phera hai। isliye jab sab kuchh tera kah diya to koi bhi tan, man ya dhan, vaastu,sirf dhan nahin lekin vastu bhi dhan hai। vastu banti kisse hai? dhan se hi banti hai na, to koi bhi vastu, koi bhi sthool dhan,koi bhi man se sankalp aur tan se vyartha karma karna ya vyartha samay ganvaana tan dvaara, yeh bhi vesta mein gina jaayega। to honest tan ko bhi vyartha ke taraph nahin lagaate। sankalp ko bhi vesta mein nahin lagaate। jahaan bhi rehte ho, chaahe pravritti vaale hain, chaahe centre vaale hain, chaahe madhuban vaale hain,sabka tan-man-dhan baap ka hai va pravritti vaale samajhte hain ki ham samarpan to hai nahin to mera hi hai। nahin। yeh to baap ki amaanat hai। to honesty arthaat amaanat mein kabhi bhi khyaanat nahin karen। vesta karna arthaat ama-nat mein khyaanat karna। honest ki nishaani woh amaanat mein kabhi bhi khyaanat kar nahin sakta। chhoti si vastu ko bhi vesta nahin karega। kai baar apne buddhi ke albelepan ke kaaran va shareer dvaara kaarya mein albelepan ke kaaran chhoti-chhoti vastu vesta bhi ho jaati hai। phir yeh sochte hain ki mainne yeh jaanboojh kar nahin kiya, to ho gaya arthaat albelaapan। chaahe buddhi ka ho, chaahe shareer ke mehnat ka albelaapan ho, donon prakaar ka albelaapan vesta kar deta hai। to vesta nahin karna hai। ek se das guna badhaana hai, na ki vesta karna hai। jisko baapdaada sada ek salogan mein kehte hain - kam kharcha baala nasheen। ye hai badhaana aur vo hai ganvaana। honest arthaat tan man aur dhan ko sada saphal karne vaala। yeh hai honest aatma ki nishaani। to tapasvi arthaat yeh sab honesty ki visheshtaayen har karma mein prayog mein aave। aise nahin ki samaaya hua to sab hain, jaante bhi sab hain। lekin nahin,tapasya, yog ka arth hi hai prayog mein laana। agar in visheshtaaon ko prayog mein nahin laate to prayogi nahin,to yogi bhi nahin। yeh sab khazaane baapdaada ne prayog karne ke liye diye hain। aur jitna prayogi banenge,to prayogi ki nishaani hai pragti। agar pragti nahin hoti hai to prayogi nahin। kai aatmaayen aise apne andar samajhti bhi hain ki na aage badh rahe hain, na peechhe hat rahe hain। jaise hain,vaise hi hain। aur kai aise bhi kehte hain ki shuru mein bahut achhe the, bahut nasha tha abhi nasha kam ho gaya hai। to pragti hui ya kya hua? udti kala hui ya thaharti kala hui to prayogi bano। honesty ka arth hi hai pragti karne vaala prayogi। aise prayogi bane ho ya andar samaakar rakhte ho- khazaana andar hi rahe?aise honest ho?

jo honest hota hai uske oopar baap ka, parivaar ka svatah hi dil ka pyaar aur vishvaas hota hai। vishvaas ke kaaran full adhi-kaar usko de dete hain। honest aatma ko svatah hi baap ka va parivaar ka pyaar anubhav hoga। badon ka,chaahe chhoton ka, chaahe samaan vaalon ka,vishvaaspaatra anubhav hoga। aise pyaar ke paatra va vishvaas ke paatra kahaan tak bane hain? yeh bhi check karo। aise chalaao nahin ki iske kaaran mere mein vishvaas nahin hai,to main vishvaaspaatra kaise banoon, apne ko paatra banaao। kai baar aise kehte hain ki mai to achha hoon lekin mere mein vishvaas nahin hai। phir uske kaaran lambe chaude sunaate hain। woh to anek kaaran bataate bhi hain aur kai kaaran bante bhi hain। lekin honesty dil ki, dimaag ki bhi honesty chaahiye। nahin to dimaag se neeche oopar bahut karte hain। to dil ki bhi honesty dimaag ki bhi honesty। agar sab prakaar ki honesty hai to honesty avishvaas vaale ko aaj nahin to kal vishvaas mein la hi legi। jaise kahaavat hai satya ki naanv doobti nahin hai lekin dagmag hoti hai। to vishvaas ki naanv satyata hai, honesty hai to dagmag hogi lekin avishvaaspaatra banna arthaat doobegi nahin। isliye satyata ki himmat se vishvaaspaatra ban sakte ho। pahle sunaaya tha na ki satya ko siddha nahin kiya jaata hai। satya svayan mein hi siddha hai। siddha nahin karo lekin siddhi swaroop ban jaao। to samay ke gati ke pramaan abhi tapasya ke kadam ko sahaj aur teevra gati se aage badhaao। samjha- tapasya varsha mein kya karna hai? abhi bhi kuchh samay to pada hai। in sab vidhiyon ko svayan mein dhaaran kar siddhi swaroop bano। achha-

sarva honest aatmaon ko,sada sarva khazaanon ko kaarya mein laate aage badhaane vaali aatmaon ko, sada tan-man-dhan ko yathaartha vidhi se kaarya mein lagaane vaali aatmaon ko,sada apne ko vishvaas aur pyaar ke paatra banaane vaali aatmaon ko,sada vesta ko best mein parivartan karne vaali shreshtha aatmaon ko,desh-videsh mein door baithe hue bhi sameep sammukh baithi hui aatmaon ko baapdaada ka yaadapyaar aur namaste।

party se mulaakaat

group number 1- apne ko sada master sarvashaktivaan shreshtha aatmaayen hain anubhav karte ho? kyonki sarvashaktiyaan baap ka khazaana hai aur khazaana bachchon ka adhikaar hai, birth right hai। to birth right ko kaarya mein laana - yeh to bachchon ka karttavya hai। aur khazaana hota hi kislie hai? aapke paas sthool khazaana bhi hai,to kislie hai? kharcha karne ke liye,ki bank mein rakhne ke liye?bank mein bhi iseelie rakhte hain ki aise samay par kaarya mein laga saken। kaam mein lagaane ka hi lakshya hota hai na। to sarvashaktiyaan bhi janma siddha adhikaar hain na। jis cheej par adhikaar hota hai to usko sneh ke sambandh se,adhikaar se chalaate hain। ek adhikaar hota hai order karna aur doosra hota hai sneh ka। adhikaar vaale ko to jaise bhi chalaao vaise woh chalega। sarvashaktiyaan adhikaar mein honi chaahien। aise nahin - chaar hai do nahin hai,saat hai ek nahin hai। agar ek bhi shakti kam hai to samay par dhokha mil jaayega। sarva shaktiyaan adhikaar mein hongi tabhi vijayi ban number one mein aa sakenge। to check karo sarva shaktiyaan kahaan tak adhikaar mein chalti hain। har shakti samay par kaam mein aati hai ya aadha second ke baad kaarya mein aati hai। second ke baad bhi hua to second mein fail to kahenge na। agar paper mein final marks mein do mark bhi kam hai to fail kahenge na। to fail vaala full to nahin hua na?to har paristhiti mein adhikaar se shakti se use karo, har gun ko use karo। jis paristhiti mein dhairyata chaahiye to dhairyata ke gun ko use karo। aisa nahin thoda sa dhairya kam ho gaya। nahin। agar koi dushman vaar karta hai aur ek second bhi koi peechhe ho gaya to vijay kiski hui? iseelie ye donon checking karo। aise nahin sarvashaktiyaan to hain lekin samay par use nahin kar sakte। koi badhiya cheej de aur usko kaarya mein lagaane nahin aaye to uske liye woh badhiya cheej bhi kya hogi? kaam ki to nahin rahi na। to sarvashaktiyaan use karne ka bahutkaal ka abhyaas chaahiye। yadi bahutkaal se koi bachcha aapki aagya par nahin chalta to samay par kya karega? dhokha hi dega na। to yeh sarvashaktiyaan bhi aapki rachna hai। rachna ko bahut kaal se kaarya mein lagaane ka abhyaas karo। har paristhiti se anubhvi to ho gaye na। anubhvi kabhi dubaara dhokha nahin khaate। to har samay smriti se teevra gati se aage badhte chalo। sabhi tapasya ki race mein achhi tarah se chal rahe ho na। sabhi prize lenge na। sada khushi khushi se sahaj udte chalo। mushkil hai nahin, mushkil banaao nahin। kamzori mushkil banaati hai। sada mushkil ko sahaj karte udte raho। achha।

group nan. 3- sabhi apne ko svadarshan chakradhaari shreshtha aatmaayen anubhav karte ho?sirf sva ka darshan kiya to srishti chakra ka svatah hi ho jaayega। aatma ko jaana to aatma ke chakra ko sahaj hi jaan gaye। vaise to 5000varsha ka vistaar hai। lekin aap sabke buddhi mein vistaar ka saar aa gaya। saar kya hai?kal aur aaj- kal kya the, aaj kya hai aur kal kya banenge। ismen saara chakra aa gaya na। kal aur aaj ka antar dekho kitna bada hai! kal kahaan the aur aaj kahaan hain, raat aur din ka antar hai। to jab vistaar ka saar aa gaya to saar ko yaad karna sahaj hota hai na। kal aur aaj ka antar dekhte kitni khushi hoti hai! behad ki khushi hai? aise nahin aaj thodi khushi kam ho gai,thoda sa udaas ho gaye। udaas kaun hota hai? jo maaya ka daas banta hai। kya karen, kaise karen, ye question aana maana udaas hona। jab bhi kyon ka question aata hai - kyon hua,kyon kiya to isse siddha hai ki chakra ka gyaan poora nahin hai। agar drama ke raaz ko jaan jaaye to kyon kya ka question uth nahin sakta। jab svayan bhi kalyaankaari aur samay bhi kalyaankaari hai to yeh kya… ka question uth sakta hai? to drama ka gyaan aur drama mein bhi samay ka gyaan iski kami hai to kyon aur kya ka question uthta hai। to kabhi uthta hai ki kya yeh mera hi hisaab hai… mera hi kada hisaab hai doosre ka nahin… kitna bhi kada ho lekin yog ki agni ke aage kitna bhi kada hisaab kya hai! kitna bhi loha kada ho lekin tej aag ke aage mom ban jaata hai। kitni bhi kadi pareeksha ho,hisaab kitaab ho, kada bandhan ho lekin yog agni ke aage koi baat kadi nahin, sab sahaj hai। kai aatmaayen kehti hain - mere hi shareer ka hisaab hai aur kiska nahin… mere ko hi aisa parivaar mila hai… mere ko hi aisa kaam mila hai… aise saathi mile hain… lekin jo ho raha hai woh bahut achha। yeh kada hisaab shaktishaali bana deta hai। sahan shakti ko badha deta hai। tej aag ke aage koi bhi cheej parivartan na ho - yeh ho hi nahin sakta। to yeh kabhi nahin kehna - kada hisaab hai। kamzori hi sahaj ko mushkil bana deti hai। eeshvareey shakti ka bahut bada mahatva hai। to sada sva ko dekho, svadarshan chakradhaari bano। aur baaton mein jaana, auron ko dekhna maana girna aur baap ko dekhna, baap ka sunna arthaat udna। svadarshan chakradhaari ho ya pardarshan chakradhaari ho?yeh prakriti bhi par hai, sva nahin hai। agar prakriti ki taraph bhi dekhte hain to pardarshandhaari ho gaye। body konshasnes hona maana pardarshan aur aatma abhimaani hona maana svadarshan। parad-rshan ke chakra mein aadhaakalpa bhatakte rahe na। sangamayug hai svadarshan karne ka yug। sada sva ke taraph dekhne vaale sahaj aage badhte hain। achha।

baapdaada ne sabhi bachchon ko Christmas din ki in advance mubaarak di

duniya vaale Christmas ka din manaate hain, usko kehte hain - bada din। woh to hai had ke chakkar ke hisaab se lekin aap sabka bada yug sangamayug chal raha hai। aayu ke hisaab se sabse chhota sa yug hai lekin praaptiyon ke hisaab se sabse bade se bada yug sang-mayug hai। to sangamayug arthaat bade se bade yug ki bhi mubaarak ho। unhon ko to ek din ke liye Christmas father aakar gift dete hain lekin aapko sada ke liye god father golden world ki gift dete hain। jo ek din nahin, thode samay ke liye gift nahin hai lekin anek janmon ki janma- janma ki gift hai। to kitna bada din ho gaya! va bada yug ho gaya! bade se bade yug ka har din bada din hai। aur manaate kaun hai? bade se bade baap ke bade se bade bachche, bade dil se, bade yug ka, bada din sada manaate rahe hain। varsha ke hisaab se to ek din ka utsav manaane ka din hai। kalpa ke hisaab se aap sabke liye bada yug manaane ka bhaagya hai। yeh sabse bade se bada utsav hai। har din utsav ka din hai। to bada yug ho gaya na! Christmas ke din vo naachenge-gaayenge-khaayenge। lekin unhon ka naachna, unhon ka gaana, unhon ka manaana aur aap sabka manaana kitna raat-din ka antar hai! isliye bade yug mein bade din ki mubaarak aur varsha ke hisaab se Christmas ke din ki mubaarak। sabhi double videshi apne-apne prati Christmas ki va naye varsha ki mubaarak baap dvaara sveekaar karen। bachche greetings ke korda bhejte hain aur baapdaada greetings card ke return mein shreshtha bhaagya ka record noondh raha hai। isliye sabhi card bhejne vaalon ko padmaguna return mein mubaarak ho। sabhi apne- apne naam se yaad-pyaar sveekaar karen। bhaarat vaale aur videsh vaale donon ko mubaarak।

daadi ji se - baap ki srishti mein bhi aap hain aur drishti mein bhi aap hain। apni sakhi janak ko yaadapyaar bhejo। yahi kehna ki shareer aur seva donon ko sambhaalne ka balance rakhe। attention rakhna kyonki aage bhi samay naajuk aayega। shareer naajuk hote jaayenge aur seva adhik hoti jaayegi। abhi shareer se bahut kaam lena hai। achha। om shanti।