सोमवार 16 मार्च 1992 की अव्यक्त मुरली

>

16-03-92 om shanti avyakt baapdaadaamdhuban

holi manaana arthaat dridh sankalp ki agni mein kamzoriyon ko jalaana aur milan ki mauj manaana।

avyakt baapdaada holi hans aatmaon ke prati boleh

aaj roohaani bageeche ke maalik baapdaada double bageecha dekh rahe hain। (aaj stage par bahut sundar bageecha sajaaya hua hai) ek taraph hai prakriti ki sundarta aur doosre taraph hai roohaani roohe gulaab bageeche ki shobha। drama mein aadi kaal satayug mein prakriti ki satopradhaan sundarta aap master aadi dev, aadi shreshtha aatmaon ko hi praapta hoti hai। is samay antim kaal mein bhi prakriti ki sundarta dekh rahe ho। lekin aadi kaal aur antim kaal mein kitna antar hai! aapke satayugi raajya mein prakriti ka swaroop kitna shreshtha sato pradhaan sundar hoga! vahaan ke bageeche aur yahaan aapke bageeche mein kitna antar hai! woh real khushbu anubhav ki hai na? phir bhi prakriti pati aap shreshtha aatmaayen ho। prakriti pati ho,is prakriti ke khel ko dekh harshit hote ho। chaahe prakriti halchal kare, chaahe prakriti sundar khel dikhaae - donon mein prakriti-pati aatmaaen saakshi ho khel dekhti ho। khel mein maza lete hain, ghabraate nahin hai। isliye baapdaada tapasya dvaara saaksheepan ki sthiti ke aasan par achal adol sthit rahne ka vishesh abhyaas kara rahe hain। to yeh sthiti ka aasan sabko achha lagta hai ya halchal ka aasan achha lagta hai?achal aasan achha lagta hai na। koi bhi baat ho jaae chaahe prakriti ki,chaahe vyakti ki donon achal sthiti ke aasan ko zara bhi hila nahin sakte hain। itne pakke ho na ya abhi hona hai?

prakriti ke bhi paanch khilaadi hain aur maaya ke bhi paanch khilaadi hain। in das khilaadiyon ko achhi tarah se jaante ho na?khilaadi khel ke bina rahenge kya?kabhi koi khilaadi saamne aa jaata hai, kabhi koi saamne aa jaata hai। aajkal bhi puraani duniya mein khel dekhne ke bahut shaukeen hai na? kitna pyaar se khel dekhte hain। vo hain puraani duniya vaale aur aap ho sangamayugi brahman aatmaaen to khel dekhna enjaay karna hai ya ghabraana hai?koi girta hai, koi giraata hai, lekin khel dekhne vaale ko girta hua dekh bhi maja aata aur vijay praapta karta hua dekh bhi maja aata hai। to yeh bhi bahut bada khel hai। sirf aasan ko nahin chhodo bas। kitna bhi koi hilaae lekin aap shaktishaali aatmaaen hil nahin sakti ho। to baapdaada aaj har ek roohaani gulaab ko dookh rahe hain। jab bageeche mein bulaaya hai to bageeche mein patte dekhenge ya phoolon ko dekhenge? yeh bhi achha sajaaya hai। mehnat karne vaalon ki kamaal achhi hai। lekin baapdaada roohaani phoolon ko dekh rahe hain। variety to hain na। koi bahut sundar rang roop vaale hain। rang bhi hai, roop bhi hai। or koi rang, roop aur khushbu vaale honge, koi sirf rang roop vaale। rang aur roop to sabhi bachchon mein aa gaya hai। kyonki baap ke sang ka rang to sabko lag gaya hai। koi vyavhaar ki baaton mein, purooshaartha ki baaton mein sampoorn santushtata nahin bhi ho lekin baap ke sang ka rang sabko ati pyaara lagta hai। isliye rang sabhi mein aa gaya hai aur roop bhi parivartan ho gaya hai kyonki brahman aatmaaen ban gayeen। bhal kaisi bhi purushaarthi aatma hai lekin brahman aatma banne se roop zaroor badalta hai। brahman aatma ki chamak sundarta har ek brahman aatma mein aa jaati hai। isliye rang aur roop sabmen dikhaai de raha hai। khushbu nambarvaar hai। khushbu hai sampoorn pavitrata। vaise to jo bhi brahman bante hain, brahmaakumaar aur brahmaakumaari kahlaate hain। kumaar aur kumaari banna arthaat pavitra banna। pavitrata ki paribhaasha ati sookshm hai। sirf brahmacharya nahin। tan se brahmachaari banna isko sampoorn pavitrata nahin kehte। man se bhi brahmachaari ho arthaat man bhi sivaay baap ke aur kisi bhi prakaar ke lagaav mein nahin aae। tan se bhi brahmachaari,sambandh mein bhi brahmachaari,sanskaar mein bhi brahmachaari। iski paribhaasha ati pyaari aur ati guhya hai। iska vistaar phir sunaayenge। aaj to holi manaani hai na,guhya padhaai nahin hain, aaj manaana hai।

holi manaane vaale kaun ho? holi hans ho। holi hans kitne pyaare hai! hans sada paani mein tairne vaale hote hain। holi hans bhi sada gyaan jal mein tairne vaale ho। udne vaale aur tairne vaale। aap sabhi bhi udna aur tairna jaante ho na, gyaan manan karna isko kahenge gyaan amrit mein tairna or udna arthaat sada oonchi sthiti mein rehna। donon jaante ho na? sabhi ke man mein baap se pyaar to 100% se bhi aage hai aur baap ka pyaar bhi har ek bachche se,chaahe woh girta hai, chaahe chadhta bhi hai,khel karta hai phir bhi baap ka pyaar hai। baap khel dekhkar samajhte hain ki yeh thoda natkhat bachcha hai। sab bachche ek jaise to nahin hote na। koi natkhat,koi gambheer,koi ramneek hote hain, koi bahut fast nature ke hote hain। phir bhi hain to bachche na। bachche shabd hi ati pyaara hai। jaise aap sabke liye baap shabd pyaara hai, to baap ke liye bachche pyaare hain। baap kabhi bhi koi bachche se dil shikasta nahin hote hain। sada shubh ummeeden rakhte hain। agar koi kinaara bhi kar lete hain phir bhi baapdaada usmein bhi ummeed rakhte hain ki aaj nahin to kal aa jaayenge। kahaan jaayenge?jaise shaareerik hisaab-kitaab mein koi jyaada beemaar bhi ho jaata hai, unko theek hone mein bhi jyaada samay lagta hai। aur jo thoda samay beemaar hota hai to woh jaldi theek ho jaata hai। lekin hai to beemaar। kaisa bhi beemaar ho sthool reeti pramaan bhi beemaar se kabhi ummeed utaari nahin jaati hai। sada ummeed rakhi jaati hai - aaj nahin to kal theek ho jaayega। isliye baapdaada koi bhi bachche se naaummeed nahin hote hain। sada shubh aashaayen rakhte hain ki aaj thoda sa dheela hai, kal hoshiyaar ho jaayega। jab manzil ek hai,baap ek hai to kahaan jaayenge sivaae baap ke?phir bhi varsa har aatma ko baap se hi milna hai। chaahe baap ko gaali bhi de to bhi baap mukti ka varsa to de hi denge। saare vishwa ki sarva aatmaon ko chaahe mukti,chaahe jeevan mukti ka varsa zaroor milna hai। kyonki baap srishti par avatrit ho bachchon ko varse se vanchit nahin kar sakte hain। baap ko varsa dena hi hai। chaahe leve, chaahe nahin leve baap ko dena hi hai। aur sarva aatmaon ko baap dvaara varsa mila hai tab to baap kahkar pukaarte hain na। baap ka arth hi hai varsa dene vaala। chaahe kisi bhi dharma mein chale gaye hain phir bhi father kah yaad to karte hain na। ek aatma bhi varse ke sivaae rah nahin sakti। to saakaar srishti par part bajaate bachchon ko varsa na de to baap kaise kahenge? lekin aap direct varsa lete ho,pahchaan se lete ho। aapka direct connection hai। chaahe nimitta saakaar maadhyam brahma bana lekin brahma se yog nahin lagaate, yog baap se lagaate hain। brahma baap bhi kehte - baap ko yaad karo। yeh nahin kehte - mujhe yaad karo। kabhi bhi sivaae baap ke full varsa aur koi sambandh mein mil nahin sakta। aap direct baap se sambandh jod varse ka adhikaar teenon kaalon mein praapta karte ho। abhi bhi varsa mil raha hai na! shaktiyon ka,gunon ka varsa mil raha hai। mil gaya hai? aur muktidhaam mein bhi kahaan rahenge? sameep rahenge na! to abhi bhi varsa hai, muktidhaam mein bhi aur phir 21 janma ka bhi varsa hai। to teenon kaalon mein varse ke adhikaari bante ho। log kehte hain na aap sabko ki aapki jeevanmukti se hamaari mukti achhi hai। aap to chakkar mein aayenge, ham to chakkar se chhoot jaayenge। aap phalak se kah sakte ho ki mukti ka varsa to humein bhi milega lekin ham mukti ke baad phir jeevanmukti ka varsa lenge। double milta hai! muktidhaam se via to karenge na, to direct connection hone ke kaaran vartamaan aur phir mrityu ke baad aur phir naya shareer lete teenon hi kaal varse ke adhikaari bante ho। itna nasha hai?

aaj holi mana rahe ho na। holi jalaai bhi jaati hai aur manaai bhi jaati hai। pahle jalaai jaati hai phir manaai jaati hai। holi manaana arthaat kuchh jalaana aur kuchh manaana। jalaane ke bina manaai nahin jaati। to dridh sankalp ki agni dvaara pahle apni kamzori ko jalaana hai tab manaane ki mauj anubhav kar sakenge। agar jalaaya nahin to manaane ki mauj ka anubhav sada kaal nahin rahega। holi shabd ka arth bhi yaad rahe to jala bhi liya phir bhi sada kaal nahin rahega। holi shabd mein jalaana bhi hai, manaana bhi hai। donon hi arth hain। holi shabd to pakka hai na?to holi arthaat ho-li,beeti so beeti। jo baat guzar gai usko kehte hain ho-li । jo hona tha woh ho-li । to beeti ko beeti karna maana holi jalaana। aur jab baap ke saamne aate ho to kehte ho main baap ki ho li,ho gai। to manaaya bhi or ho li, beeti so beeti। beeti ko bhool jaana yeh hai jalaana। to ek hi holi shabd mein jalaana aur manaana hai। geet gaate ho na main to baap ki ho li। pakke ho na? kyonki baapdaada ne sabka tapasya ka potaamel dekha। tapasya agar kabhi bhi kam hui to uska kaaran kya bana hai? beeti ko beeti karne mein bindi ke bajaae question mark laga diya। aur chhoti si galti karte ho,chhoti lekin nuksaan bahut bada hota hai। woh kya galti karte ho? jisko bhoolaana hai usko yaad karte ho aur jisko yaad karna hai usko bhoola dete ho। to bhoolaana aata hai na? baap ko bhoolne nahin chaahte ho to bhi bhool jaate ho aur jis samay bhoolna chaahiye us samay kya kehte ho - bhoolna chaahte hain lekin bhoolte nahin,baar baar yaad aa jaata hai। to yaad karna aur bhoolna donon hi baate aati hain। lekin kya yaad karna hai aur kya bhoolna hai? jis samay bhoolna hai us samay yaad karte ho aur jis samay yaad karna hai us samay bhool jaate ho। chhoti si galti hai na?to isko ho li kar do, jala do। ansh se khatma kar do। gyaani tu aatma ho na?gyaani ka arth hi hai samajhdaar। aur aap to teenon kaalon ke samajhdaar ho। isliye holi manaana arthaat is galti ko jalaana। jo bhoolna hai woh second mein bhool jaaye aur jo yaad karna hai woh second mein yaad aae। kaaran sirf bindi ke bajaae question mark hai। kyon socha aur queue shuru ho jaati hai। aisa vaisa kyon kya badi queue shuru ho jaati hai। sirf question mark lagaane se। aur bindi laga do to kya hoga? aap bhi bindi, baap bhi bindi aur vyartha ko bhi bindi, full stop। stop bhi nahin, full stop। isko kaha jaata hai holi। aur is holi se sada baap ke sang ke rang ki holi,milan holi manaate rahenge। sabse pakka rang kaun sa hai? yeh sthool rang bhal kitne bhi pakke hon lekin sabse shreshtha aur sabse pakka rang hai baap ke sang ka rang। to is rang se manaao। aapka yaadgaar gop gopiyon ke holi manaane ka hai। us chitra mein kya dikhaate hain?baap aur aap donon sang sang holi khelte hain। ek-ek gop va gopi ke saath gopi vallabh dikhaate hain। to yeh sang ho gaya na! saath va sang avinaashi holi hai baap ke sang ke rang ki yaadgaar holi raas ke saath ke roop mein dikhaai hai। to holi manaane aati hai na? yeh ho gaya, kya karoon, chaahte nahin hai lekin ho jaata hai… aaj se iski holi jalaao, samaapta karo। master sarvashaktivaan kabhi sankalp mein bhi yeh soch nahin sakte। achha -

double videshi bhi achhi seva ki vriddhi mein aage badh rahe hain। baap se bhi pyaar hai,to seva se bhi pyaar hai। seva arthaat sva aur sarva aatmaon ki saath-saath seva। pahle sva kyonki sva sthiti vaale hi anya aatmaon ko paristhitiyon se nikaal sakte hain। seva ki saphalta hi hai - sva aur sarva ke balance ki sthiti। aise kabhi bhi nahin kaho ki seva mein bahut busy the na iseelie sva ki sthiti ka chart dheela ho gaya। ek taraph kamaaya, doosre taraph ganvaaya to baaki bacha kya?isliye jaise baap aur aap combined ho,shareer aur aatma combined hai,aapka bhavishya vishnu swaroop combined hai,aise sva-seva aur sarva ki seva combined ho। isko alag nahin karo, nahin to mehnat jyaada aur saphalta kam milti hai। adhoora ho gaya na!

is group ke chart mein bhi second number jyaada hai। first bhi kam hai to chautha paanchava bhi kam hai, second tak gaye hai to second ke baad aage kya hai? first hai na। second tak kadam rakh liya hai baaki abhi ek kadam first mein rakhna hai। uski vidhi hai - combined swaroop ki seva। bachche seva ka bhi plan bana rahe hain na। baapdaada ne to ishaara diya hi tha ki abhi samay pramaan seva jo ki vo bahut achhi ki। isse baap ko, apne ko pratyaksha kiya, vaayumandal aur vibration parivartan hua। snehi aur sahayogi aatmaaen chaaron or kaaphi sankhya mein najdeek aai। abhi aisi seva karo jo ek dvaara anekon ki seva ho। saare vishwa ko sandesh dena hai। ek ek ko sandesh dete jo raajdhaani mein aane vaali aatmaaen hain vo apna bhaagya banaakar aage aa gai hain। lekin abhi to sandesh dene ki sankhya nikle hue raajya adhikaari bachchon se jyaada hai। raajya family mein aane vaale va raajya takhta par baithne vaale donon to achhe nikaale hain। raajya adhikaari bhi aap log hi banenge na। aap banenge ya auron ko banaayenge? auron ko raajya adhikaari banaayenge aur aap kya banenge?

to abhi chaaron or sandesh pahunchaane ke liye aisi aatmaon ko sameep laao jo ek anekon ke nimitta ban jaaye tab sandesh dene ki fast gati hogi। isliye baapdaada ne pahle bhi ishaara diya ki jo jahaan jyaada mein jyaada sankhya hai,chaahe institution hai, chaahe indastreez hain, donon mein sankhya jyaada mein hoti hai। to aisi aatmaon ko nimitta banaao jo woh aapke seva ke saathi bankar auron ko sameep laayen। aap sandesh dete aage badhte jaao। unhon ko nimitta banaao sandesh dene ke liye। abhi to aap aatmaon ki stage ke anusaar aapko bani banaai stage praapta hogi। auron ko seva mein tan-man-dhan lagaane ka chance do। chaahe man lagaayen, chaahe dhan lagaayen, tab to satayugi praja mein aayenge। unhon ko beej bone do aap logon ne to beej bo liya na, phal pa rahe ho। ab aisa group banaao jo ek maas ke liye,do maas ke liye seva ke group mein koi kis taraph, koi kis taraph sandesh dene ke liye nikle। ek hi samay par 7-8 group banaao aur apne area mein ek-ek group seva ke liye nikle। chaahe chhote desh hon, chaahe bade desh hon। jo jo jiske nazdeek nazdeek padte hain, vahaan se group taiyaar karke us group ko bhejo lekin woh group bhi seva karne ki vidhi yahi buddhi mein rakhe ki aise mukhya ko jagaayen jo auron ko jagaate rahen। vahaan se hi taiyaar karo or aage badhte jaao। kyonki jab bhi seva badhaane chaahte ho to pahla prashn uthta hai hands kahaan se aayenge? jagah jagah par aisi aatmaaain taiyaar karo aur phir taiyaar hue ko aur ummeedvaar hands ko vishesh samay nikaal kar training do aur phir woh chalaate rahen। aur jo nimitta hai vo chakkar lagaate rahen। puraane centres to pakke ho gaye hain, to nayon mein chakkar lagaate nayon ko puraana banaao। yogya hands banaane ka saadhan hai - samay prati samay hands ko training dena। jahaan bhi najdeek ho, chaahe8 ho, chaahe10 hon, lekin training samay prati samay milna bahut zaroori hai। jaise pahle bhi bhaarat mein bhi kabhi yuth group, kabhi education ke group, kabhi doctors ke group banaaye the, aise rahe hue sthaanon par group bana kar lakshya rakho ki yahaan se hi koi ko nimitta banaana hai। nimitta banaate jaao, aage badhte jaao। abhi sambandh samparka to aapka achha ban gaya hai। sabhi ke mein prabhaav bhi achha hai। lakshya rakhne se aisi sahayogi aatmaaen bhi mil jaayengi। conference,yog shivir,bhaashan karke aana hai - yeh nahin, hands taiyaar karna hai lakshya yeh ho। chaahe geeta paathshaala ke maaphik chalaao। dheere-dheere geeta paathshaala se upsevaakendra,upsevaakendra se kendra ban jaayega। lekin jo bhi group kahaan bhi jaaye combined seva ke bina saphalta asambhav hai। aisa nahin ki jaao seva karne aur lauto to kaho maaya aa gai, mood oph ho gaya, disturb ho gaye। iske kaaran jo nimitta aatmaaen hai vo seva mein bhejne se bhi darti hain। himmat nahin rakhti hain। sochna padta hai ki auron ki seva karte khud to dheela nahin ho jaayega! isliye yeh andar line karo। seva mein saphalta ya seva mein vriddhi ka saadhan hai sva aur sarva ki combined seva।

sabhi double videshiyon ne sabhi sthaanon se patra bhi bahut yaadapyaar ke laaye hain। baapdaada ke paas teen prakaar ke patra pahunche hain। ek to hai ati sneh ke,khushkhabri ke aur doosre hain purooshaartha mein aage badhne ka lakshya kaise rakha hai, us samaachaar ke patra aur teesre hain thoda-thoda beech-beech mein natkhat hone ke। koi ne kya,koi ne kya likha hai। lekin baapdaada sabhi patra likhne vaale bachchon ko yahi respond kar rahe hain ki sada combined seva aur sthiti arthaat baap aur aap yeh combined sthiti,combined seva aur sada pharishte swaroop ka sampoorn lakshya saamne rakhe। aaj purushaarthi,kal pharishta। sada pharishta swaroop aise saamne ho jaise svayan ka swaroop sada smriti mein rehta hai apna sthool swaroop kabhi bhoolta nahin hai na। to jaise apna sthool swaroop sada yaad rehta hai vaise apna pharishta swaroop sada hi spashta saamne ho। bas abhi abhi bane ki bane। pharishte the, pharishte hain aur kalpa kalpa pharishte hamko hi banna hai। to himmat,umang, utsaah se udte chalo। saaph dil se likhte bahut achha hai, yeh double videshiyon ki visheshta hai। spashta hai। chhipaane vaale nahin hai। spashta ka arth hai shreshtha। check karne ki shakti bahut achhi hai,double videshiyon mein। abhi sirf change karne ki shakti utni maatra mein rakho। chekig ki maatra jyaada hai, change ki thodi kam hai to iska bhi balance rakho। spashta bahut dil se dete hain aur lete bhi hain। return usi samay mil jaata hai। agar sachchi dil se koi apni kamzori bhi likhta hai to baap kshama ka saagar usi samay return mein kshama kar deta hai। bahut pyaar ke card, bahut pyaar ke patra baapdaada dekhte hain। gift dene vaale svayan hi baap ki gift hain। gift dena arthaat lift lena। to sirf gift dena nahin, lekin lift lena bhi hai। achha।

kalpa pahle ka varsa lene ke liye naye naye sabhi bachche pahunch gaye hain iske liye baapdaada welcome kar rahe hain, aur naye birth ke birth de ki mubaarak de rahe hain।

achha - chaaron or ke sarva combined sthiti mein sthiti rahne vaale, sada combined seva mein athak seva se nimitta banne vaale, sada beeti ko beeti kar baap ke sang ke rang ki holi manaane vaale hans aatmaaen, sada teenon kaal ke varse ke khushi mein rahne vaale,sada saakshi ban prakriti ban prakriti aur maaya ka khel dekhne vaale - aise sada vijayi,sada udti kala vaale, sada pharishta swaroop saamne anubhav karne vaale, shreshtha aatmaon ko baapdaada ka yaadapyaar aur namaste।

party se avyakt baapdaada ki mulaakaat

1. jaise aavaaj mein aana ati sahaj lagta hai aise hi aavaaj se pare ho jaana itna sahaj hai? yeh buddhi ki exercise sadaiv karte rehna chaahiye। jaise shareer ki exercise shareer ko tanduroosta banaati hai aise aatma ki exercise aatma ko shaktishaali banaati hai। to yeh exercise aati hai ya aavaaj mein aane ki practice jyaada hai? abhi-abhi aavaaj mein aana aur abhi-abhi aavaaj se pare ho jaana - jaise woh sahaj lagta hai vaise yeh bhi sahaj anubhav ho। kyonki aatma maalik hai। sabhi raajayogi ho,prajaayogi to nahin? raaja ka kaam hai order par chalaana। to yeh mukh bhi aapke order par ho - jab chaaho tab chalaao aur jab chaaho tab nahin chalaao। aavaaj se pare ho jaao lekin is roohaani exercise mein sirf mukh ki aavaaj se pare nahin hona hai। man se bhi aavaaj mein aane ke sankalp se pare hona hai। mukh se chup ho jaao aur man mein baaten karte raho। aavaaj se pare arthaat mukh aur man donon ki aavaaj se pare, shanti ke saagar mein sama jaayen। yeh sweet silence ki anubhooti kitni pyaari hai! anubhvi to ho na। ek second bhi aavaaj se pare ho sweet silence ki sthiti mein sthit ho jaao। to kitna pyaara lagta hai?

silence pyaari kyon lagti hai? kyonki aatma ka svadharma hi shanti hai, original desh bhi shanti desh hai। isliye aatma ko sweet silence bahut pyaari lagti hai। ek sakenda mein bhi aaraam mil jaata hai। kitni bhi man se, tan se thake hue ho lekin agar ek minute bhi sweet silence mein chale jaaase to tan aur man ko aaraam aisa anubhav hoga jaise bahut samay aaraam karke koi uthta hai to kitna fresh hota hai! kabhi bhi koi halchal hoti hai, ladaai jhagda ya halla-gulla kuchh bhi hota hai to ek do ko kya kehte hai?shant ho jaao। kyonki shanti mein aaraam hai। to aap bhi saare din mein samay prati samay, jab bhi samay mile sweet silence mein chale jaao। anubhav mein kho jaao - bahut achha lagega। ashareeri banne ka abhyaas sahaj ho jaayega। kyonki ant mein ashreereepan ka abhyaas hi kaam mein aayega। second mein ashareeri ho jaayen। chaahe apna part bhi koi chal raha ho lekin ashareeri ban aatma saakshi ho apne shareer ka bhi part dekhe। main aatma nyaari hoon,shareer se yeh part kara rahi hoon। yahi nyaarepan ki avastha ant mein vijayi ya paas with honour ka certificate dengi। sabhi paas with honour hone vaale ho? majboori se paas hone vaale nahin। kabhi teacher ko bhi ek do mark dekar paas karna padta hai। aise paas hone vaale nahin hain। khushi-khushi se apne shakti se paas with honour hone vaale। aise ho na? jab title bhi double videshi hai to marks bhi sabse double lenge na! bhaaratvaasiyon ko kya nasha hai? bhaaratvaasiyon ko phir apna nasha hai। bhaarat mein hi baap aate hain। London mein to nahin aate hain na। (aa to sakte hain) abhi tak drama mein part dikhaai nahin de raha hai। drama ki bhaavi kabhi bhagwan bhi nahin taal sakta। drama ko authority mili hui hai। achha।

sabhi mauj manaane vaale ho?beech-beech mein thoda moonjhane vaale to nahin। jahaan mauj he vahaan moonjhana nahin। jab yug hi mauj ka hai,to mauj ke samay bhi koi moonjhata rahe to mauj kab manaayenge?kitne janma moonjhate rahe?baap ke sambandh mein bhi kitna moonjhate rahe?krishna hai,hanoomaan hai,raam hai …kon hai baap? moonjhate rahe na! apne bhaagya mein bhi moonjhate rahe। ham to hain hi charnon ki dhool। yahi maante rahe na। baap ke parichay mein bhi moonjhate rahe to vyavhaar mein bhi moonjhate rahe,parivaar mein bhi moonjhate rahe। lekin abhi mauj। abhi kisi bhi baat mein moonjhane ka margin hi nahin hai। trikaaldarshi aatma kabhi bhi kisi baat mein moonjh nahin sakti। teenon kaal clear hain। jab manzil aur raasta clear heta hai to koi moonjhata nahin। trikaaldarshi aatmaaen kabhi koi baat mein sivaae mauj ke aur koi anubhav nahin karteen। chaahe paristhiti moonjhaane vaali ho lekin brahman aatma usko bhi mauj mein badal legi। itni taakat he?ya kahenge ki kya karen main to moonjhati nahin hoon, lekin baat aisi thi…। baat powerful hai ya aap powerful ho? baat ko khilauna samajh lo to mauj mein khelenge। badi baat hai… yeh hai… woh hai… to khel nahin samjhenge,mushkil samjhenge।kitne baari yeh brahman jeevan ka part paas kiya hai? anginat baar। to koi nai baat nahin hai jo moonjho। isliye koi bhi kaam shuru karo pahle yeh check karo ki har karma mauj mein kar rahi hoon?maza aa raha hai karma yog se?kaisa bhi kaam ho maje se karo। chaahe koi hard work ho,job karne jaate ho - bahut hard hai iseelie kehte hain na ki abhi job(naukri) chhuda do। chhodne chaahte ho na? chhodna nahin hai lekin har karma ko maje mein parivartan karna hai। double videshi samajhte hain ki abhi kaam chhodkar madhuban mein aa jaayen। lekin sabhi madhuban mein baith jaayenge to vishwa parivartan kaun karega? vishwa ke kone-kone mein iseelie hi gaye ho। kisi bhi kone mein jaao, koi na koi brahman aatma zaroor hai।

sabhi holi manaayenge na। holi manaana arthaat mauj manaana। aapki to roj holi hai। roj utsav hai। achha hai,apne bhaagya ke geet gaate raho। vaah mera shreshtha bhaagya! bhagwan ka banaana - isse bada bhaagya aur kya hoga! isliye sada geet gaate raho aur sasda khushi ke jhoole mein jhoolte raho। jhoolna aata hai ya chakkar aata hai?chakkar mein nahin aana। mauj se jhoolte raho। double videshiyon ko abhi tak yeh golden chance hai jo varsha-varsha aate ho। bhaarat vaalon ko to do-teen saal mein tarna milta hai।to lucky ho। achha।

2. sangamayugi braahmanon ka kartavya va seva hi hai khush rehna aur khushi baantana।itni khushi jama ki hai to auron ko bhi baanto? thoda sa stock to nahin ikaththa kiya hai jo kharcha ho jaaye aur khaali ho jaao। baapdaada ne pahle bhi sunaaya hai ki jaisa naazuk samay najdeek aata jaayega to anek aatmaayen aapse thode samay ki khushi ki maangani karne ke liye aayengi। itni seva karni hai jo koi bhi khaali haath nahin jaaye। jitni khushi baantenge utni khushi badhti jaayegi। to yeh dena, dena nahin, lena hai। achha hai,sabke chehre mein umang-utsaah hai। lekin attention kya rakhna he। aisa chehra sada hi rahe। abhi ke chehre ka bhi photo nikaalo। roj is photo ko dekho ki aisa hai ya badal gaya hai। is camera se nahin,divya drishti ke camera se apna photo kheench sakte ho। yeh camera to sabke paas hai na? aur yeh gum bhi nahin hoga। to sada khushi ke aur koi chinha nahin hona chaahiye। kabhi mood oph vaala chehra na ho। kabhi maaya se haar khaane ke kaaran dil-shikasta vaala chehra na ho। aap sabhi hero-heroine actor ho, aapko part hai khush rehna aur khushi baantana। achha - omshaanti।