गुरुवार 2 दिसंबर 1993 की अव्यक्त मुरली

>

02-12-93 om shanti avyakt baapdaadaamdhuban

number one banne ke liye-gun moorta ban gunon ka daan karne vaale

mahaadaani bano

atal-akhanda bhav ka vardaan dene vaale baapdaada apne daani-mahaadaani bachchon prati bole -

aaj behad ke maat-pita chaaron or ke vishesh bachchon ko dekh rahe the। kya visheshta dekhi? kaun se bachche akhut gyaani, atal svaraajya adhikaari, akhanda nirvighna, akhanda yogi, akhanda mahaadaani hain-aise vishesh aatmaayen koton mein koi bane hue hain। gyaani, yogi, mahaadaani sabhi bane hain lekin akhanda koi-koi bane hain। jo akhut, atal aur akhanda hain vahi vijay maala ke vijayi manke hain। baapdaada ne sangamayug par sabhi bachchon ko ‘atal-akhanda bhav’ ka vardaan diya hai lekin vardaan ko jeevan mein sada dhaaran karne mein nambarvaar ban gaye hain। number one banne ke liye sabse sahaj vidhi hai akhanda mahaadaani bano। akhanda mahaadaani arthaat nirantar sahaj sevaadhaari। kyonki sahaj hi nirantar ho sakta hai। to akhanda sevaadhaari arthaat akhanda mahaadaani। daata ke bachche ho, sarvakhzaanon se sampanna shreshtha aatmaayen ho। sampanna ki nishaani hai akhanda mahaadaani। ek second bhi daan dene ke bina rah nahin sakte। dvaapar se daani aatmaayen anek bhakta bhi bane hain lekin kitne bhi bade daani hon, akhutakhzaane ke daani nahin bane hain। vinaashi khazaaneva vastu ke daani bante hain। aap shreshtha aatmaayen ab sangam par akhut aur akhanda mahaadaani bante ho। apne aapse poochho ki akhanda mahaadaani ho? va samay pramaan daani ho? va chance pramaan daani ho?

akhanda mahaadaani sada teen prakaar se daan karne mein busy rehte hain-pahla mansa dvaara shaktiyaan dene ka daan, doosra vaani dvaara gyaan ka daan, teesra karma dvaara gunon ka daan। in teenon prakaar ke daan dene vaale sahaj mahaadaani ban sakte hain। result mein dekha vaani dvaara gyaan daan majority karte rehte ho। mansa dvaara shaktiyon ka daan yatha shakti karte ho aur karma dvaara gun daan ye bahut kam karne vaale hain aur vartamaan samay chaahe agyaani aatmaayen hain, chaahe brahman aatmaayen hain donon ko aavashyakta gundaan ki hai। vartamaan samay vishesh svayan mein va brahman parivaar mein is vidhi ko teevra banaao।

ye divya gun sabse shreshtha prabhu prasaad hai। is prasaad ko khoob baanto। jaise-jab koi se bhi milte ho to ek-do mein bhi sneh ki nishaani sthool toli khilaate ho na, aise ek-do mein ye gunon ki toli khilaao। is vidhi se jo sangamayug ka lakshya hai-’’pharishta so devta’’ yeh sahaj sarva mein pratyaksha dikhaai dega। yeh practice nirantar smriti mein rakho ki main daata ka bachcha akhanda mahaadaani aatma hoon। koi bhi aatma chaahe agyaani ho, chaahe brahman ho lekin dena hai। brahman aatmaon ko gyaan to pahle hi hai lekin do prakaar se daata ban sakte ho।

1- jis aatma ko, jis shakti ki aavashyakta hai us aatma ko mansa dvaara arthaat shuddh vritti, vibrations dvaara shaktiyon ka daan arthaat sahayog do।

2- karma dvaara sada svayan jeevan mein gun moorta ban, pratyaksha sample ban auron ko sahaj gun dhaaran karne ka sahayog do। isko kaha jaata hai gun daan। daan ka arth hai sahayog dena। aajkal brahman aatmaayen bhi sunne ke bajaay pratyaksha pramaan dekhna chaahti hain। kisi ko bhi shakti dhaaran karne ki va gun dhaaran karne ki shiksha dena chaahte ho to koi dil mein sochte, koi kehte ki aise dhaarna moorta kaun bane hain? to dekhna chaahte hain lekin sunna nahin chaahte। aise ek-do mein kehte ho na-kaun bana hai, sabko dekh liya… …। jab koi baat aati hai to kehte hain koi nahin bana hai, sab chalta hai। lekin yeh albelepan ke bol hain, yathaartha nahin hain। yathaartha kya hai? pholobrahma baap। jaise brahma baap ne svayan, sada apne ko nimitta example banaaya, sada yeh lakshya lakshan mein laaya-jo ote so arjun arthaat jo svayan ko nimitta pratyaksha pramaan banaata hai vahi arjun arthaat avval number ka banta hai। agar pholophaadar karna hai to doosre ko dekh banne mein number one nahin ban sakenge। nambarvaar ban jaayenge।

number one aatma ki nishaani hai-har shreshtha kaarya mein mujhe nimitta ban auron ko simple karne ke liye sample banna hai। doosre ko dekhna, chaahe badon ko, chaahe chhoton ko, chaahe samaan vaalon ko lekin doosron ko dekh banna ki pahle yeh-yeh banen to main banoon, to number one to woh ho gaya na-jo banega। to svayan svatah hi nambarvaar mein aa jaate hain। to akhanda mahaadaani aatma sada apne ko har second teenon hi mahaadaan mein se koi na koi daan karne mein busy rakhta hai। jaisa samay vaisi seva mein sada laga hua rehta hai। unko vyartha dekhne, sunne va karne ki phursat hi nahin। to mahaadaani bane ho? abhi underline karo-akhanda bane hain। agar beech-beech mein daataapan mein khandan padta hai to khandit ko sampoorn nahin kaha jaata। vartamaan samay aapas mein vishesh karma dvaara gundaata banne ki aavashyakta hai। har ek sankalp karo ki mujhe sada gun moorta ban sabko gun moorta banaane ka vishesh kartavya karna hi hai। to svayan ki aur sarva ki kamzoriyaan samaapta karne ki is vidhi mein har ek apne ko nimitta avval number samajh aage badhte chalo।gyaan to bahut hai, abhi gunon ko emerge karo, sarvagun sampanna banne aur banaane ka example bano। achha!

sarva akhanda yogi tooaatmaayen, sarva sada gun moorta aatmaon ko, sarva har sankalp har second mahaadaani va mahaashayogi vishesh aatmaon ko, sada svayan ko shreshthata mein sample ban sarva aatmaon ko simple sahaj prerna dene vaale, sada svayan ko nimitta number one samajh pratyaksha pramaan dene vaale baap samaan aatmaon ko baapdaada ka yaad-pyaar aur namaste।

daadi jaanki se mulaakaat

(Australia, singaapur aadi ke chakkar ka samaachaar sunaaya aur sabki yaad di)

sabki yaad pahunch gai। chaaron or ke bachche sada baap ke saamne hain iska pratyaksha pramaan hai jab bhi yaad karte to sameep aur saath ka anubhav karte hain। baba kaha dil se aur dilaaraam haajar। iseeliye hi kehte hain hajoor haajar hai, haajra hajoor hai। jahaan bhi hain, jo bhi hain lekin har sthaan par har ke paas haajar ho jaate hain iseeliye haajra hajoor ho gaya। is sneh ki vidhi ko log nahin jaan sakte। yeh brahman aatmaayen hi jaanti hain। anubhvi is anubhav ko jaante hain। aap vishesh aatmaayen to hain hi combined na। alag ho hi nahin sakte। log kehte hain jidhar dekhte hain udhar tu hi tu hai aur aap kehte ho jo karte hain, jahaan jaate hain baap saath hi hai arthaat tu hi tu hai। jaise kartavya saath hai to har kartavya karaane vaala bhi sada saath hai। isliye gaaya hua hai karnakraavanhaar। to combined ho gaya na-karanhaar aur karaavanhaar। to aap sabki sthiti kya hai? combined hai na। karnakraavanhaar karanhaar ke saath hai hi, karaavanhaar alag nahin hai। isko hi combined sthiti kaha jaata hai। sabhi apna-apna achha part baja rahe ho। anek aatmaon ke aage sample ho, simple karne ke। aise lagta hai na। mushkil ko sahaj banaana-yaheepholo father hai। aise hai na। achha part bajaaya na। jahaan bhi hain, vishesh paartadhaari vishesh part bajaane ke sivaae rah nahin sakte। yeh drama ki noondh hai। achha। chakkar lagaana bahut achha hai। chakkar lagaaya phir sweet hom mein aa gaye। seva ka chakkar anek aatmaon ke prati vishesh umang-utsaah ka chakkar hai। sab theek hai na? achha hi achha hai। drama ki bhaavi kheenchati zaroor hai। aap rehna chaaho lekin drama mein nahin hai to kya karenge। sochte bhi jaana padega। kyonki seva ki bhaavi hai to seva ki bhaavi apna kaarya karaati hai। aana aur jaana yahi to vidhi hai। achha। sangathan achha hai।

avyakt baapdaada ki personal mulaakaat

group.nan. 1

parmaatma pyaar ka anubhav karne ke liye duhkh ki lahar se nyaare bano

baapdaada ne sangam par anekakhzaane diye hain un sabhi khazaanon mein se shreshtha se ba shreshthakhzaana hai - sada khushi ka khazaana। to yeh khushi ka khazaana sada saath rehta hai? kaisi bhi paristhiti aa jaaye lekin khushi nahin ja sakti।

jab paristhiti koi duhkh ki lahar vaali aati hai to bhi khush rehte ho ki thodi-thodi lahar aa jaati hai? kyonki sangam par ho na। to ek taraph hai duhkhadhaam, doosre taraph hai sukhdhaam। to duhkh ke lahar ki kai baaten saamne aayengi lekin apne andar vo duhkh ki lahar duhkhi nahin kare। jaise garmeeke mausam mein garmeeto hogi na lekin svayan ko bachaana vo apne oopar hai। to duhkh ki baaten sunne mein aayengi lekin dil mein prabhaav nahin pade। isliye kaha jaata hai nyaara aur prabhu ka pyaara। to duhkh ki lahar se nyaara tab prabhu ka pyaara banenge। jitna nyaara utna pyaara। apne aapko dekho ki kitne nyaare bane hain? jitna nyaara bante jaate ho utna hi sahaj parmaatma pyaar ka anubhav karte ho। to har roj check karo ki kitne nyaare rahe, kitne pyaare rahe। kyonki ye pyaar parmaatma pyaar hai jo aur koi bhi yug mein praapta ho nahin sakta। jitna praapta karna hai utna abhi karna hai। abhi nahin to kabhi bhi nahin ho sakta। aur kitna thoda sa samay yeh parmaatma pyaar ki praapti ka hai। to thode samay mein bahut anubhav karna hai। to kar rahe ho? duniya vaale khushi ke liye kitna samay, sampatti kharcha karte hain aur aapko sahaj avinaashi khushi ka khazaana mil gaya। kuchh kharcha kiya kya? khushi ke aage kharcha karne ki vastu hai hi kya jo denge। to yahi khushi ke geet gaate raho ki jo paana tha vo pa liya। pa liya na? to jab koi cheezmil jaati hai to khushi mein naachte rehte hain। doosron ko bhi yeh khushi baantate jaao। jitni baantate jaate ho utni badhti jaati hai। kyonki baantana maana badhna। to jo bhi sambandh mein aaye woh anubhav kare ki inko koi shreshtha praapti hui hai, jiski khushi hai। kyonki duniya mein to har samay ka duhkh hai aur aapke paas har samay ki khushi hai। to duhkhi ko khushi dena-yeh sabse bade se bada punya hai। to sabhi nirvighna ban aage ud rahe ho ya chhote-chhote vighna rokte hain? vighnon ka kaam hai aana aur aapka kaam hai vijay praapta karna। jab vighna apna kaarya achhi tarah se kar rahe hain to aap master sarvashaktimaanaapne vijay ke kaarya mein sada saphal raho। sada yeh yaad rakho ki ham vighna-vinaashak aatmaayen hain। vighna-vinaashak ka jo yaadgaar hai uska practical mein anubhav kar rahe ho na। achha।

group.nan. 2

achal sthiti banaane ke liye master sarvashaktimaanka title smriti mein rakho

svayan ko sada sarva khazaanon se bharpoor arthaat sampanna aatma anubhav karte ho?kyonki jo sampanna hota hai to sampannata ki nishaani hai ki vo achal hoga, halchal mein nahin aayega। jitna khaali hota hai utni halchal hoti hai। to kisi bhi prakaar ki halchal, chaahe sankalp dvaara, chaahe vaani dvaara, chaahe sambandh-samparka dvaara, kisi bhi prakaar ki halchal agar hoti hai to siddha hai ki khazaanese sampanna nahin hain। sankalp mein bhi, svapna mein bhi achal। kyonki jitna-jitna master sarvashaktimaanasvaroop ki smriti emerge hogi utna ye halchal merge hoti jaayegi। to master sarvashaktimaanki smriti pratyaksha roop mein emerge ho। jaise shareer ka occupation emerge rehta hai, merge nahin hota, aise yeh brahman jeevan ka occupation emerge roop mein rahe। to yeh check karo-emerge rehta hai ya merge rehta hai? emerge rehta hai to uski nishaani hai-har karma mein woh nasha hoga aur doosron ko bhi anubhav hoga ki yeh shaktishaali aatma hai। to kaha jaata hai halchal se pare achal। achalghar aapka yaadgaar hai। to apna occupation sada yaad rakho ki ham master sarvashaktimaan hain - kyonki aajkal sarva aatmaayen ati kamzor hain to kamzor aatmaon ko shakti chaahiye। shakti kaun dega? jo svayan master sarvashaktimaan hoga। kisi bhi aatma se milenge to vo kya apni baaten sunaayenge?kamzori ki baaten sunaate hain na? jo karna chaahte hain vo kar nahin sakte to iska pramaan hai ki kamzor hain aur aap jo sankalp karte ho vo karma mein la sakte ho। to master sarvashaktimaanki nishaani hai ki sankalp aur karma donon samaan hoga। aise nahin ki sankalp bahut shreshtha ho aur karma karne mein vo shreshtha sankalp nahin kar sako, isko master sarvashaktimaan nahin kahenge। to check karo ki jo shreshtha sankalp hote hain vo karma tak aate hain ya nahin aa sakte? master sarvashaktimaan ki nishaani hai ki jo shakti jis samay aavashyak ho us samay vo shakti kaarya mein aaye। to aise hai ya aahvaan karte ho, thoda deri se aati hai? jab koi baat poori ho jaati hai, peechhe smriti mein aaye ki aisa nahin, aisa karte, to isko kaha jaata hai samay par kaam mein nahin aai। jaise sthool karmendriyaan order par chal sakti hain na, haath ko jab chaaho, jahaan chaaho vahaan chala sakte ho, aise yeh sookshm shaktiyaan itne control mein hon - jis samay jo shakti chaaho kaam mein laga sako। to aisi controlling power hai? aise to nahin sochte ki chaahte to nahin the lekin ho gaya। to sada apni controlling power ko check karte hue shaktishaali bante chalo। sab udti kala vaale ho ki koi chadhti kala vaala, koi udti kala vaala? va kabhi udti, kabhi chadhti, kabhi chalti kala ho jaati hai? badli hota hai va ekras aage badhte rehte ho? koi vighna aata hai to kitne samay mein vijayi bante ho? time lagta hai? kyonki knowledgeful ho na। to vighnon ki bhi knowledge hai। knowledge ki shakti se vighna vaar nahin karenge lekin haar kha lenge। isi ko hi master sarvashaktimaanakha jaata hai। to amritvele se is occupation ko emerge karo aur phir saara din check karo।

group.nan. 3

har ghadi antim ghadi samajhte hue ever ready bano, apne bhaagya ka geet sada gaate raho

sabhi apne bhaagya ko dekh sada harshitrahte ho? dil mein sada ye geet gaate ho ki vaah mera shreshtha bhaagya ki kabhi-kabhi geet bajta hai, kabhi banda ho jaata hai? sada ekras geet bajta hai ya kabhi slow ho jaata hai, kabhi tej ho jaata hai? sada bhaagya ke geet gaate raho। kyonki ye bhaagya kisne banaaya? bhaagya vidhaata ne bhaagya banaaya। oonche te oonche bhagwan ne bhaagya banaaya। to jab svayan oonche te ooncha hai to bhaagya bhi ooncha banaayega। to yeh nasha aur khushi rahe ki bhagwan ne shreshtha bhaagya bana diya aur kitne janmon ka bhaagya banaaya? janma-janma ke liye bhaagya banaaya। sirf 21 janma nahin lekin saare kalpa ke andar bhaagyavaan rahe। 21 janma poojya bante ho aur phir dvaapar se pujaari aapki pooja karte hain। to vo chaitanya poojya raajya adhikaari bante ho aur dvaapar se jad chitra aapke pooje jaate hain। to saare kalpa ka bhaagya hai। ab antim janma mein bhi apne yaadgaar dekh rahe ho na। ek taraph chaitanya mein aap ho aur doosre taraph aapke hi jad chitra hain to chitra aur chaitanya donon saamne hain। chitra ko dekhkarke bhi khushi hoti hai na to aise poojya baap dvaara bane hain। saare kalpa mein koi apna chaitanya roop mein jad chitra dekhe, yeh nahin hota। agar dekhte bhi honge to bhinna janma hone ke kaaran jaante nahin hain। lekin aap jaante ho ki ye hamaare hi jad chitra hain। maataayen jaanti ho? aap sabki pooja hoti hai? to chitra aur chaitanya yahi visheshta hai। kal kya the, aaj kya hain aur kal kya honge-teenon hi kaal saamne hain।

maataayen sada khush rehti ho ki kabhi-kabhi rehti ho? brahman jeevan arthaat sada khush jeevan। brahman bane kisliye? kabhi-kabhi khush rahne ke liye? sada khush rahne ke liye। to kabhi-kabhi khush nahin rehna, sada khush rehna। baap ne avinaasheekhzaana diya hai, kabhi-kabhi ka nahin diya hai। kabhi baap ne kaha hai kya ki kabhi-kabhi khush rehna, kabhi duhkh aaye to koi harja nahin। sada khushi bhav, sada shant bhav। kabhi-kabhi ka vardaan nahin hota hai। to kya karna hai - sada rehna hai na ya kabhi-kabhi bhi theek hai, chalega? ‘kabhi-kabhi’ shabd samaapta kar do। kabhi-kabhi nahin, abhi-abhi। har ghadi kaho abhi khush hain। aapka slogan bhi kya hai? abhi ka slogan hai ya kabhi ka hai? abhi ka hai na। to jis ghadi koi dekhe, koi mile to abhi-abhi khushanseeb hain aise anubhav kare। kabhi-kabhi khush rahne vaale kya kahlaayenge? sooryavanshi ya chandravanshi? to sooryavanshi ho ya chandravanshi ho? sooryavanshi ho pakka ya yahaan kehte ho sooryavanshi, vahaan chandravanshi ban jaayenge? sada sooryavanshi ho na। bhagwan ke bankar phir bhi chandravanshi bane to kya kiya? gaayan hai na ki jab bhagwan ne bhaagya baanta to soye hue the kya? agar aadha lete hain to aadha samay soye hue the tabhi nahin liya। to poora bhaagya lene vaale ho, aadha nahin। to double videshi kaun ho? sooryavanshi। ek bhi chandravanshi nahin। pakka soch liya hai, aise hi to nahin kah rahe ho? phalak se kaho ki ham nahin banenge to kaun banenge? aur koi hai kya? aap hi ho na। to yeh nasha rakho ki ham hi the, ham hi hain aur ham hi banenge। teenon kaal ke liye nishchay hai।

to sabse teevra purushaartheekaun hai? teevra purushaartheeho ya kabhi dheela kabhi teevra? sada teevra। kyonki har ghadi antim ghadi hai agar saadhaaran purushaartheehain aur antim ghadi aa jaaye to dhokha ho jaayega na। isliye har ghadi antim ghadi samajhte hue ever ready raho। ever ready arthaat teevrapurushaarthi। aise nahin socho ki abhi to vinaash hone mein kuchh to time lagega hi phir taiyaar ho jaayenge। antim ghadi ko nahin dekho। lekin apni antim ghadi ka koi bharosa nahin hai isliye ever ready। to double videshi ever ready hain? karna hi kya hai? koi kaam rah gaya hai kya? (myuziymabnaana hai) museum banaana hoga to koi bhi bana dega। aap to ever ready ho na ki museum ke baad ever ready honge। apni sthiti sada upraam। ab bhi jo hoga vo achha। aise ready ho ya sochna padega ki yeh kar len, yeh kar len। nahin। sada nirmohi aur nirvikalp, nir-vyartha। vyartha bhi nahin। isko kaha jaata hai ever ready। maataayen ever ready hain ya thoda-thoda moh hai? potre dhautre mein moh hai? yeh karna hai, yeh sambhaalna hai? paandavon ka moh hai? jeb kharcha mein moh hai? kamaana hai, khaana hai, khilaana hai- yeh nahin sochte ho? nyaare ho gaye ho ya thoda-thoda moh hai? nashtomoha arthaat sarva se nyaare aur baap ke pyaare। to sada kya yaad rakhenge? ham oonche te oonche bhaagyavaan hain। sada apne bhaagya ka sitaara chamakta hua dikhaai de। achha!

group.nan. 4

raajarishi arthaat svaraajya ke saath-saath behad ke vairaagi bano

apne ko raajarishi samajhte ho? raaj bhi aur rishi bhi। svaraajya mila to raaja bhi ho aur saath-saath puraani duniya ka gyaan mila to puraani duniya se behad ke vairaagi bhi ho isliye rishi bhi ho। ek taraph raajya, doosre taraph rishi arthaat behad ke vairaagi। to donon hi ho? behad ka vairaagya hai ya thoda-thoda lagaav hai। agar kahaan bhi, chaahe apne mein, chaahe vyakti mein, chaahe vastu mein kahaan bhi lagaav hai to raajarishi nahin। na raaja hai, na rishi hai। kyonki svaraajya hai to man-buddhi-sanskaar sab apne vash mein hai। lagaav ho nahin sakta। agar kahaan bhi sankalp maatra thoda bhi lagaav hai, to raajarishi nahin kahenge। agar lagaav hai to do naav mein paanv hua na। thoda puraani duniya mein, thoda nai duniya mein। isliye ek baap, doosra na koi। kyonki do naav mein paanv rakhne vaale kya hote hain? na yahaan ke, na vahaan ke। isliye raajarishi raaja bano aur behad ke vairaagi bhi bano। 63 janma anubhav karke dekh liya na? to anubhvi ho gaye phir lagaav kaisa? anubhvi kabhi dhokha nahin khaate hain। sunne vaala, sunaane vaala dhokha kha sakta hai। lekin anubhvi kabhi dhokha nahin khaata। to duhkh ka anubhav achhi tarah se kar liya hai na phir ab dhokha nahin khaao। yeh puraani duniya ka lagaav soni hiran ke samaan hai। yeh shok vaatika mein le jaata hai। to kya karna hai? thoda-thoda lagaav rakhna hai? achha nahin lagta lekin chhodna mushkil hai! kharaab cheezko chhodna aur achchheecheez ko lena mushkil hota hai kya? agar koi sochta hai ki chhodna hai, to mushkil lagta hai। lena hai to sahaj lagta hai। to pahle lete ho, pahle chhodte nahin ho। lene ke aage yeh dena to kuchh bhi nahin hai। to kya-kya mila hai woh lambi list saamne rakho। sunaaya hai na ki geet gaate raho-paana tha vo pa liya, kaam kya baaki raha? to yeh geet gaana aata hai? mukh ka nahin, man ka। mukh ka geet to thoda time chalega। man ka geet to sada chalega। avinaashi geet chalta hi rehta hai। automatic hai।

achha, ye variety group hai। variety phoolon ka bageecha achha lagta hai na। koi kahaan ke, koi kahaan ke lekin hain ek maali ke। ek ke hain aur ek hain। ye to seva ke arth bhinna-bhinna sthaanon par gaye hue hain। nahin to vishwa ki seva kaise hogi। achha!

group.nan. 5

sada ekras sthiti ke aasan par sthit rahne vaale hi tapasvi hain

sabhi apne ko tapasvi aatmaayen anubhav karte ho? tapasvi arthaat sada apni tapasya mein rahne vaale। to tapasya kya hai? ek baap doosra na koi। aise tapasvi ho ya doosra-teesra bhi koi hai? tapasvi sada aasandhaari hote hain, koi na koi aasan par tapasya karte hain। to aapka aasan kaunsa hai? sthiti aapka aasan hai। jaise ekras sthiti yeh aasan ho gaya। pharishta sthiti yeh aasan ho gaya। to aasan par sthit hote hain na, baithte hain arthaat sthit ho jaate hain। to in shreshtha sthitiyon mein sthit ho jaate ho, tik jaate ho isi ko aasan kaha jaata hai। sthool aasan par sthool shareer baithta hai lekin yeh shreshtha sthitiyon ke aasan par man-buddhi ko bithaana hai। man-buddhi dvaara in sthitiyon mein sthit ho jaate ho arthaat baith jaate ho - aise tapasvi ho? to achha aasan mila hai na। yahaan hai aasan phir bhavishya mein milega sinhaasan। to jitna jo aasan par sthit rehta vo utna hi sinhaasanpar bhi sthit rah sakta hai। jitna samay chaaho, jab chaaho, tab aasan roopi sthiti mein sthit hote ho na। hote ho ya halchal hoti hai? kya hota hai? jaise dekho shareer aasan par nahin tik sakta to halchal karega na। aise man halchal to nahin karta? achal hai ya halchal bhi hai ki donon hai? sada achal adol। jara bhi halchal nahin ho। agar kabhi halchal aur kabhi achal hai to sinhaasanbhi kabhi milega, kabhi nahin milega। to sada ka raajya bhaagya lena hai ya kabhi-kabhi ka aur sthit sada hona hai ya kabhi-kabhi? kitna bhi koi hilaave lekin aap achal raho। paristhiti shreshtha hai ya svasthitishreshta hai? kabhi paristhiti vaar kar leti hai? to socho ki ye paristhiti powerful ya svasthiti powerful? to is sthiti se kamzor se shaktishaali ban jaayenge। aap tapasvi aatmaon ki sthiti ka yaadgaar aajkal ke tapasviyon ne copy ki hai lekin ulti ki hai। aap tapasvi ekras sthiti mein ekaagra hote ho aur aajkal ke kya karte hain? ek taang par khade ho jaate hain। to kahaan ekras sthiti aur kahaan ek taang par sthit rehna, pharka ho gaya na। aapka kitna sahaj hai! aur unhon ka kitna mushkil hai! to sahajyogi ho na। ek ko yaad karna sahaj hai va anekon ko yaad karna sahaj hai? to dvaapar se kya kiya? anekon ko yaad kiya aur abhi kya karte ho? ek ko yaad karte ho na। ek ko yaad karna sahaj hai ya mushkil hai ? maaya aati hai? aayegi to ant tak lekin maaya ka kaam hai aana aur aapka kaam hai vijay praapta karna। maaya aaye tabhi to maayaajeet banenge na। to maaya ka aana buri baat nahin hai lekin haar khaanaakamzori hai। to maayaajeet ho na?

sada ye yaad rakho ki anek baar ke vijayi hain aur sada vijayi rahenge। achha!

group.nan. 6

sada isi svamaan mein raho ki main vishwa kalyaankaari aatma hoon, kalyaan karna mera kartavya hai

is samay arthaat sangamayug ko kalyaankaari yug kaha jaata hai। yeh kalyaankaari yug hai aur kalyaankaari aap aatmaayen ho। to sada ye apna svamaan yaad rehta hai ki main kalyaankaari aatma hoon? sangamayug par vishesh kartavya hi hai kalyaan karna। pahle sva ka kalyaan aur saath-saath sarva ka kalyaan। to aise kalyaan karne ki shakti apne mein anubhav karte ho? kisi ke vaayumandal ka prabhaav to nahin padta hai? duniya ka vaayumandal hai akalyaan ka aur aapka vaayumandal hai kalyaan karne ka। to akalyaan ka vaayumandal shaktishaali ya kalyaan ka vaayumandal shaktishaali? to aapke oopar auron ka vaayumandal prabhaav nahin kar sakta। vo kamzor hai aur aap shaktishaali ho। to shaktishaaleekamzor ke oopar jeet praapta karta hai, kamzor shaktishaali ke oopar jeet nahin praapta karta। kaisa bhi tamoguni vaayumandal ho lekin aap sarvashaktimaan baap ke saathi ho। jahaan bhagwan hai vahaan vijay hai। to vaayumandal ko badalne vaale ho। challenge ki hai na ki ham vishwa parivartak hain। to kalyaankaari yug hai, kalyaankaari aap aatmaayen ho aur kalyaankaari baap hai। to kitni shakti ho gai। samay ki bhi shakti, svayan ki bhi shakti aur baap ki bhi shakti। to yeh yaad rakho-duniya ke liye akalyaan ka samay hai, aapke liye kalyaan ka samay hai। duniya vaalon ko sirf vinaash dikhaai deta hai aur aapko vinaash ke saath sthaapna saamne hai। to sada dil mein yeh shreshtha sankalp emerge karo ki sthaapna hui ki hui। apna bhavishya spashta hai na। jaise vartamaan spashta hai aise hi bhavishya bhi spashta hai। shaktiyon ko to nasha hona chaahiye ki sangamayug vishesh shaktiyon ka yug hai। sangam par hi baap shaktiyon ko aage karte hain। paandavon ko bhi khushi hoti hai na ki shaktiyaan aage hain to ham aage hain hi। sada man mein yahi shubh bhaavna rehti hai ki sarva ka kalyaan ho। manushyaatmaayen to kya prakriti ka bhi kalyaan karne vaale। isliye prakritijeet, maayaajeet kahlaate ho। kyonki puroosh ho na, aatma puroosh hai to aatma puroosh prakritijeet banti hai। prakriti bhi sukhdaayi ban jaati hai। is samay dekho prakriti kitna duhkh deti hai। thoda sa bhi toofaan aaya, thoda sa dharni halchal mein aai kitnon ko duhkh milta hai। to aapke liye sukhdaayi prakriti hai aur logon ke liye duhkhadaayi। koi bhi duhkh ki ghatna dekhte ho, sunte ho to duhkh ki lahar aati hai? kabhi potra, dhotra duhkhi hota ho to duhkh ki lahar aati hai? duhkhadhaam se nyaare ho gaye। sangam par ho ya kaliyug mein ho? to duhkhadhaam se kinaara kar liya ya ki thoda-thoda duhkhadhaam se lagaav hai? bilkul nyaare ho gaye? ya ho rahe ho? to sada samay aur svayan ko yaad rakho। svayan bhi kalyaankaari aur samay bhi kalyaankaari। to is smriti se sada hi maayaajeet aur prakritijeet rahenge। jara bhi halchal nahin ho। to achal bhi ho, adol bhi ho, atal bhi ho। koi is nishchay se taal nahin sakta। achha। sabhi udti kala vaale ho na? udte chalo aur udaate chalo।