बुधवार 9 मार्च 1994 की अव्यक्त मुरली

>

09-03-94 om shanti avyakt baapdaadaamdhuban

nyaara-pyaara, wonderful, sneh aur sukhabhra avatran - shiv jayanti

vrat, jaagran aur bali ke yathaartha swaroop mein sthit karaane vaale shiv bholaanaath baba apne saaligraam bachchon prati bole-

tridev rachta baap apne poojya saaligraam bachchon se milne aaye hain। jaise aaj bindu jyoti swaroop baap ki pooja hoti hai, yaadgaar manaate hain to baap ke saath-saath aap saaligraam aatmaon ki bhi pooja hoti hai। baap ek trimoorti shiv gaaya aur pooja jaata hai aur aap saaligraam aatmaayen anek ho। pooja donon ki hoti hai। kyonki baap ne sabhi bachchon ko apne samaan poojya banaaya hai। kabhi bhi saaligraam ko dekhte ho to kya anubhav karte ho? ye ham hi hain-aise lagta hai? to baap ne bachchon ko samaan to kya lekin apne se bhi shreshtha poojya banaaya hai। bachchon ki pooja double roop mein hoti hai। baap ki pooja ek hi shivaaling ke roop mein hoti hai। aap bachchon ki saaligraam ke roop mein bhi hoti hai aur dev aatmaon ke roop mein bhi hoti hai। baap se bhi jyaada double roop ke pooja ke adhikaari aatmaayen aap ho। jaise double videshi kahlaate ho to double poojya bhi ho। double taajdhaari bhi aap bante ho। niraakaar baap nahin bante। kahaan-kahaan bhakta log shiv ki pratima ko taaj daal dete hain। kyonki taajdhaari banaaya hai isliye kahaan-kahaan taaj dikha dete hain। lekin baap kabhi bhi ratna jadit sone-chaandi ke taajdhaari nahin bante। kyonki taaj dhaaran hota hai practical mein, mastak mein। to niraakaar baap ko mastak hai kya? shareer hi nahin hai to taaj kya dhaaran karenge! lekin sneh ke kaaran taaj dikha dete hain। to baap ne bachchon ko apne se bhi aage rakha hai। itni khushi aur itni shreshtha smriti rehti hai? baapdaada ko apni jayanti manaane ki khushi nahin hai lekin aap sabki bhi jayanti hai, isliye bachchon ki jayanti ki khushi hai। kyonki baap akela kuchh nahin kar sakta aur aap bhi akele kuchh nahin kar sakte। chaahe kahin-kahin koi-koi bachchon ko thoda aa jaata hai ki main hi karne vaala hoon lekin sivaae baap ke saphalta nahin milti। to na baap akela kuchh kar sakta, na bachche akele kuchh kar sakte hain। agar baap bachchon se milan manaane bhi saakaar mein chaahe va aakaar mein bhi chaahe to brahma ka aadhaar lena hi padta hai। brahma ke bina bhi kuchh kar nahin sakta। maadhyam ke bina saakaar milan nahin mana sakta। to kitna pyaar baap ka bachchon se hai aur bachchon ka baap se hai! ek-do ke bina kuchh nahin kar sakte। agar baap ko kinaara kiya, saath nahin rakha to akele kuchh kar sakte ho। baap kar sakta hai? baap bhi nahin kar sakta। to ye baap aur bachchon ka saath-saath divya janma lena, saath-saath vishwa parivartan karna aur saath-saath apne sweet hom mein jaana-ye drama ki avinaashi noondh hai। isko koi badal nahin sakta। to yeh noondh achhi hai na, pyaari lagti hai na?to aaj sab baap ka birth de manaane aaye ho ya apna? baap kahenge aapka aur bachche baap ko kahenge ki aapka।

ye divya avatran, jisko shiv jayanti va shivraatri kehte hain, kitna aatmaon ke liye snehabhra, sukhabhra avatran hai। satayug mein bhi aisa birth de nahin manaayenge। aatmaayen, aatmaon ka birth de manaayengi lekin is samay aatmaayen param aatma ka birth de manaati hain। saare kalpa mein aisa nyaara aur pyaara, wonderful birth de, jo ek hi samay par baap ka bhi ho aur bachchon ka bhi ho - aisa kabhi hota hai kya? agar taareekh ek bhi hogi to varsha ka ya maas ka ya date ka antar hoga। lekin ye avatran divas kitna wonderful hai jo baap aur bachchon ka saath-saath hai।

is yaadgaar divas par vishesh bhakta log bhi do visheshtaaon se ye divas manaate hain। do visheshtaayen kaun-si hain? ek-vishesh vrat dhaaran karte hain aur doosra-svayan ko samaarpit na karte hue aur kisi ko bali chadhaate hain। to bali chadhaana aur vrat dhaaran karna ye donon visheshtaaen is divas ki hain। anek prakaar ke vrat dhaaran karte hain। chaahe koi bhojan ka karte hain, koi jaagran ka karte hain, koi door-door se paidal karte hue chalne ka karte, kitna bhi thak jaayen lekin vrat apna poora karte hain। chaahe kitne din bhi lag jaayen, kitna samay bhi lag jaaye lekin vrat nahin chhodte। to yeh yaadgaar kisse copy ki? aapka hai brahman jeevan ka vrat aur bhakton ka hai ek din ka vrat। aapne bhi jab brahman janma va divya birth liya to kya vrat liya? sada agyaan neend se jaagran ka vrat liya na ki thoda-thoda neend karenge yeh vrat liya? va thode-thode jhutke kha lenge aise to nahin kiya? to aap sabhi ne bhi shiv jayanti va divya birth de par jaagran ka vrat liya isliye bhakta bhi yaadgaar roop mein jaagran karte hain। aur aap sabne bhi shuddh bhojan ka vrat liya। isliye bhakta log bhi, kuchh bhi ho jaaye, chaahe beemaar bhi ho jaate hain to bhi anna ke vrat ko todenge nahin। to aap sab bhi koi bhi man ke aage, tan ke aage, paristhitiyaan aa jaayen to vrat todte ho kya? kabhi kuchh mix kha liya-aise karte ho kya? koi dekhta to hai nahin, chalo kha liya, apna niyam pakka rakhte ho na ki kachche ho?kabhi-kabhi dekhkarke thodi dil hoti hai? ek hi jaisa khaana khaate-khaate kabhi doosra bhi khaane ki dil hoti hai? achha, ismen America, Australia, Europe, eshiya va Russia sabhi pakke ho na ya thoda-thoda kachche ho?

to double videshi sabhi paas ho gaye aur bhaarat vaale to paas hain hi na!bhaarat vaalon ko phir bhi sahaj hai। double videshiyon ko ismen double mehnat bhi hai। lekin paas ho iski mubaarak। to ek birth de ki mubaarak, doosri paas hone ki mubaarak aur teesri kabhi bhi halchal mein na aae sada achal rehna, ismen paas ho? ismen kah dete hain-kya karen-sam-time। aaj baapdaada ne double videshiyon ke liye bahut ramneek bhaasha emerge ki, kyonki double videshi enjoy jyaada pasanda karte hain na। kuchh hona chaahiye, kuchh enjoy ho, aise shant-shant kya rahen। to baapdaada shivraatri par in shabdon ka sabhi se dridh vrat karaate hain। vrat lene ke liye taiyaar ho? ya jab sunenge tab kahenge ki ye to thoda, thoda mushkil hai। pahle to ‘mushkil’ shabd sankalp mein bhi nahin laayenge-yeh vrat lene ke liye taiyaar ho? to baapdaada ne dekha ki jab tak sankalp mein dridhta nahin tab tak saphalta nahin hoti। sankalp hota hai lekin dridh nahin hota to kamzori aati hai। bahut karke kamzori ke yahi shabd kehte hain ki kya karen - what। to abhi what nahin kehna lekin what ke bajaay kya kahenge? fly (udna)। to jab bhi what shabd aaye to brahman dictionary mein what ke bajaae fly shabd hai। doosra shabd kya bolte ho? why (kyon), to why ko kya karenge? boy-boy। sada ke liye boy-boy karenge ya thode time ke liye? aur teesra shabd kya bolte hain? how। to how (How) nahin, no (Know), jaante hain, kaise nahin, no arthaat jaanne vaale। jab trikaaldarsheeban jaayenge, jaanne vaale ban jaayenge to phir how kahenge kya? how kehna maana hauvva aana। to hauvva achha lagta hai kya? iseeliye yahi shabd hain jokamzori laate hain। yahi shabd hain jo vyartha sankalp ka get kholte hain। socho, jab bhi vyartha sankalpon ki queue lagti hai to kis shabd se lagti hai? inheen shabdon se lagti hai na। ya kyon hoga, ya kya va kaise hoga। ye kaise hua! ye kaise kaha! ye kyon kaha! ab kya karen! … kaise karen! to kamzori ke ya vyartha sankalpon ke get ye shabd hain। isko dictionary mein change kar do। phir kya hoga? aap bhi change ho jaayenge na। to bhakta log aapko hi copy kar rahe hain। aapki behad ki baat hai aur unhonne had ke roop mein yaadgaar rakha hai। to yeh dridh vrat rakhna-yahi shiv jayanti va shivraatri manaana hai। manaana arthaat banna। aise nahin, sirf cake kaat liya light jala li, deepak jala liya, to ye manaana nahin, ye manoranjan bhi aavashyak hai lekin iske saath-saath kuchh kaatna hai aur kuchh jalaana bhi hai।

ek taraph deepak va mombatti jalaate ho, doosra cake kaatte ho, teesra jhanda lahraate ho, chautha-geet gaate ho, paanchava-dance bhi karte ho। aur kya karte ho? meetha baantate aur khaate ho। to abhi ye 6 baaten hi karni padengi। pahle todridh sankalp ka apne man mein deep jalaao ki ab se dridhta dvaara saphalta ko paana hi hai। dekhenge, pata nahin, pata nahin, nahin। hona hi hai, karna hi hai, ge shabd nahin, hai। aur doosra cake kaun-sa kaatenge? cake poora nahin khaaya jaata, kaatkar khaaya jaata hai। to kya kaatenge? jo bhi sampanna banne mein ya sampoorn banne mein koi bhi sankalp maatra bhi rookaavat ho usko ab se kaat lo, khatma। aur jo kamzori ho uske bajaay shakti dhaaran karne ka cake mukh mein daalo। pahle kaato, phir mukh mein khaao। samjha? jhanda kaun-sa lahraayenge? ye to yaadgaar ke roop se jhanda lahraate hain lekin apne dil mein baap ko har sankalp, bol aur karma dvaara sada pratyaksha karne ka jhanda dil mein lahraao। koi bhi sankalp, bol aur karma aisa nahin ho jo baap ko pratyaksha karne ka nahin ho। kyonki sabke dil mein baap ke sneh ke kaaran yahi sankalp hai ki baap ko pratyaksha karna hai। to kaise karenge?sada apne sankalp, bol aur karma dvaara dil mein pratyaksha karne ka jhanda lahraao aur sada khush rahne ki dance karte raho। kabhi khush, kabhi udaas-yeh nahin। jab udaas hote ho to us samay bhi apna ek photo nikaalo। aur jab khush hote ho to bhi photo nikaalo। phir donon photo saath rakho। phir dekho achha kya hai?main ye hoon ya vo hoon? to sada harshit rahne ka, khush rahne ka dance karo। kuchh bhi ho jaaye, koi kitna bhi khushi churaane ki koshish kare। kyonki maaya kisi ke dvaara hi to karaayegi na। kuchh bhi ho jaaye, kitna bhi koi kisi bhi prakaar se khushi kam karne ya khushi gum karne ka prayatna kare lekin jab tak jeena hai tab tak khush rehna hai। yeh pakka vrat liya hai na। kya nahin kar sakte ho, will power hai na? to jiske paas will power hai vo kya nahin kar sakta agar aap maastarsarvashaktimaan nahin kar sakenge to aur kaun karega! koi aur paida hone vaale hain ya aap hi ho? maala ke manke aapko hi banna hai ya auron ka intajaar kar rahe ho? first division mein aana hai na ki second bhi chalega? to yeh dridh sankalp arthaat vrat lo ki jab tak jeena hai tab tak khush rehna hai। aur jo khush rahega vo khushi ki mithaai baantata rahega। us mithaai se to sirf mukh meetha hota hai aur isse man, tan, dil sab khush ho jaate hain। to yeh meetha baantana hai। aur geet sada kya gaate ho? meetha baba, pyaara baba, mera baba-yahi geet gaate ho na sada yeh geet automatic bajta rahe। aise nahin, sel khatma ho jaaye to geet khatma ho jaaye। battery slow ho jaaye। nahin। jab battery slow hoti hai, to pata hai kaise geet gaate ho? sabko anubhav to hai na। phir kya hota hai? mera hai to baba, to to aa jaata hai। sirf mera baba nahin kahenge, mera hai to baba। mix ho gaya na। battery slow hoti hai to aavaaj slow ho jaata hai aur usmein to to shabd add ho jaata hai। mera baba phalak se nahin, mera hai to baba।

to shivraatri manaana arthaat ye dridh vrat lena। aisi shivraatri manaai na? ya sochkar peechhe javaab denge! achha, bahut hoshiyaar ho, abhi-abhi soch liya। double videshi ho iseeliye double hoshiyaar ho। achha!

double videshiyon ne madhuban mein kaun-si vishesh seva ki? kya kiya? brahma baba ko pratyaksha kiya। stempa ka function manaaya। vishesh yog bhi lagaaya na। powerful yog lagaaya to vighna vinaashak ho gaye na। chaahe madhuban nivaasiyon ke yog ne, chaahe double videshiyon ke yog ne, chaahe chaaron or brahman bachchon ke yog ne kamaal ki na। kyonki chaaron or sabka yeh ek hi sankalp tha ki brahma baap ko pratyaksha karna hi hai। phir koi ne bhaag-daud ki seva ki, koi ne mansa seva ki, koi ne vaacha seva ki, lekin jinhonne jo bhi yogayukta hokar seva ki aise sevaadhaariyon ko saphalta ki mubaarak। kitni khushi hui! kyonki brahma baap se sabka dil ka ati sookshm pyaar hai। sabhi ne brahma baap ko dekha hai ya jaante ho? kya kahenge-dekha hai ya jaana hai? jo kehte hain hamne dekha hai woh haath uthaao। jo kehte hain jaana to hai lekin abhi dekhna hai vo haath uthaao। (thode logon ne uthaaya) achha, anubhav kiya hai? brahma hamaara baap hai yeh anubhav kiya hai?kyonki anubhav bhi ek aankh hai, jaise sthool aankhon se dekha jaata hai to sabse badi aankh hai anubhav। anubhav ki aankh se dekha to bhi dekha kahenge। agar anubhav bhi nahin kiya aur avyakt roop se, avyakt sthiti dvaara dekha nahin to phir apna naam daadiyon ko note karaana to vo anubhav kara dengi। rah nahin jaana। kyonki doosron ko stamp dvaara brahma baap ka anubhav kara rahe ho aur khud nahin karo to achha nahin hai na। isliye jab brahma baap ke chitra ke aage baithte ho to chitra se chaitanyata ke milan ki, anubhav ki anubhooti nahin hoti hai? roohrihaan ka response nahin milta hai? milta hai na। to baap hai tabhi to sunta hai aur deta hai। phir bhi is anubhav se vanchit nahin rah jaana। samjha? to sabhi ne jo seva ki, vishesh bhaaratvaasiyon ne jyaada seva ka chance liya to baapdaada naam nahin lete hain lekin sabhi apne seva ke return mein naam sahit mubaarak sveekaar karen। double videshiyon ko bhi seva ka chance mil gaya। achha laga na! naach rahe the na! achha!

chaaron or ke brahman janma ke divya janma ke adhikaari aatmaon ko, sada baap aur aap saath-saath rahne vaale sameep aatmaon ko, sada double poojya swaroop ke smriti mein rahne vaale samartha aatmaon ko, sada dridh sankalp va dridh vrat ko nibhaane vaale saphalta ke adhikaari aatmaon ko, sada khush rahne vaale aur auron ko bhi khush karne vaale khushanseeb bachchon ko, tridev rachta baap ki aur brahma baap ki vishesh birth de ki mubaarak bhi ho aur yaad-pyaar bhi। saath-saath sarvashreshtha aatmaon ko namaste।

daadiyon se avyakt baapdaada ki mulaakaat -

(daadi ji ne brahma baba ki stempa ka album baapdaada ko dikhaaya)

sabke buddhiyon ko touch kiya hai। sabke purooshaartha aur sabke shreshtha sankalp ne vijay praapta kara li। saphalta adhikaar hai। purooshaartha karna bhi drama mein noondh hai aur saphalta praapta hona bhi nishchit hai। sirf nishchay ko dekhne ke liye beech-beech mein halchal hoti hai। to anubhav kiya, yog ke prayog se sahaj ho gaya na। sirf purooshaartha se nahin, purooshaartha mein jyaada lag jaate, yog ka prayog kam karte to saphalta thodi door ho jaati hai। purooshaartha aur yog ke prayog se sabki vrittiyon ko parivartan karna-ye saath-saath rehta hai to saphalta sameep aati hai। to yog ke prayog ka yeh bhi anubhav dekh liya। ek dridh nishchay aur doosra prayog dvaara kisi ki bhi buddhi ko parivartan kar sakte hain lekin itna powerful yog ho। yeh sangathan ke prayog ne saphalta pratyaksha roop mein dikhaai। history mein dekho, aadi se seva ki history mein jab bhi koi halchal hui hai to saphalta yog ke prayog ki visheshta se hi hui hai। purooshaartha nimitta banta hai, purooshaartha dharni banaata hai, vo bhi zaroori hai। lekin saphalta ka beej utpanna hone ka saadhan, baahar aane ka saadhan phir bhi yog ka prayog hi raha। yeh sabko anubhav hai na। dharni ko banaana bhi zaroori hai lekin beej se phal pratyaksharoop mein aaye uske liye balance chaahiye। balance mein jara bhi, 5%, 10% bhi kami padti hai to pharka ho jaata hai। lekin sabhi ne umang-utsaah se sahayog diya aur saphalta praapta ki। to baapdaada sabhi bachchon ko saphalta ki mubaarak dete hain। achha!

avyakt baapdaada ki personal mulaakaat

double videshiyon bhaai bahnon se

group nan. 1

svayan aur samay par bharosa nahin-isliye dridh sankalp se kamzoriyon ko nikaal do

sabhi apne ko vishwa sevaadhaari anubhav karte ho? vishwa sevaadhaari va vishwa kalyaankaari vahi ban sakta hai jiske paas sarvashaktiyon ka khazaana sampanna hai। to sarvashaktiyon ka stock jama hai? sarvashaktiyaan hain va koi shakti hai, koi nahin hai? kabhi-kabhi koi kam ho jaati hai? sada apne aapko check karo ki sarvashaktiyaan hain va koi shakti ki kami hai? agar kami hai to uske kaaran ko socho। kyonki kaaran ko samjhenge to nivaaran kar sakenge। kyonki ye maaya ka niyam hai ki jokamzori aapmen hogi usi kamzori ke dvaara hi aapko maayaajeet banne nahin degi। to vartamaan samay bhi samay prati samay maaya usi kamzori ka laabh legi aur aage chalkar jab ant samay aayega to bhi vo kamzori dhokha de degi। to aise nahin sochna ki thodi si kamzori hai, ek hi kamzori hai, baaki to bahut achha hoon, achhi hoon! ek kamzori bhi dhokha de degi। isliye koi bheekamzori apne andar rahne nahin do। agar svayan nahin mita sakte ho to koi ka sahayog lo, jo shaktishaali aatmaayen hain, unka sahayog lo। vishesh yog ka prayog karo। kisi bhi vidhi se kamzori ko mitaana hi hai-yeh dridh sankalp karo। yeh bhi nahin socho ki aage chalkar ho jaayega। nahin, abhi se nikaal do। kyonki svayan par aur samay par koi bharosa nahin hai। aise nahin socho ki aage chalkar ye karenge, ho jaayega। nahin। aapka salogan hai ‘ab nahin to kab nahin’ to jo karna hai vo abhi karna hai। kyonki baap sampanna hai aur aapka baap se pyaar hai to baap jaisa banna hi pyaar ka practical swaroop hai। jitna baap se bahut-bahut pyaar hai itna hi purooshaartha se bhi bahut-bahut pyaar hai?jitna baap se pyaar ke liye phalak se kehte ho ki 100% se bhi jyaada pyaar hai, aise purooshaartha ke liye bhi kaho। sochenge, karenge… nahin। sab kamzoriyaan khatma। gen, gen nahin। shivraatri manaane aaye ho to kuchh to bali chadhenge na। baapdaada sabhi bachchon ko sampanna dekhna chaahte hain। baap ka pyaar hai isliye bachchon ki kami achhi nahin lagti। to kya yaad rakhenge ki sada sampanna, sampoorn rehna hi hai ki thodi-thodi complain karte rahenge? complete! complain khatma। sampanna banna hi manaana hai।

group nan. 2

vesta ko best banaana arthaat holeehans banna

sabhi apne ko sada holi hans anubhav karte ho? holi hans ka arth hai sankalp, bol aur karma jo vyartha hota hai usko samartha mein badalna। kyonki vyartha jaise patthar hota hai, patthar ki value nahin, ratna ki value hoti hai। to vyartha ko samaapta karna arthaat holi hans banna। to vyartha aata hai? holi hans phauran parakh leta hai ki ye kaam keecheez nahin hai, ye kaam ki hai। to aap holi hans ho na। to vyartha samaapta hua? kyonki abhi knowledgeful bane ho ki agar abhi sankalp, bol ya karma vyartha ganvaate hain to saare kalpa ke liye apne jama ke khaate mein kami ho jaati hai। jaante ho na, knowledgeful ho? to jaante hue phir vyartha kyon karte ho? chaahte nahin hain lekin ho jaata hai-aise kahenge? jo samajhte hain abhi bhi ho sakta hai vo haath uthaao। aap ho kaun? (raajayogi) raajayogi ka arth kya hai? raaja ho na, to man ko control nahin kar sakte! king mein to ruling power hoti hai na! to aap mein ruling power nahin hai? amritvele aur phir saare din mein beech-beech mein apna occupation yaad karo-main kaun hoon? kyonki kaam karte-karte yeh smriti merge ho jaati hai ki main raajayogi hoon। isliye emerge karo। ye niyam banaao। aise nahin samjho ki ham to hain hi raajayogi। lekin raajayogi ki seat par set hokar raho। nahin to chalte-chalte karma mein busy hone ke kaaran yog bhool jaata hai, sirf karma hi rah jaata hai। lekin aap karmayogi combined ho। yogi sada hi ruling power, controlling power mein rahen। phir raajayogi double power vaale kabhi bhi vyartha soch nahin sakte। to abhi kabhi nahin kehna, sochna bhi nahin ki raajayogi vesta kar sakte hain। to ye kaun-sa group hai? best group। baapdaada ko bhi best group ati pyaara hai kyon? 63 janma bahut vesta kiya na, abhi yeh chhota-sa janma best hi best। achha!

group nan. 3

purity ki royalty hi brahman jeevan ki visheshta hai

sabhi brahman jeevan ki visheshta va foundation ko jaante ho? kya hai? (purity) yeh pakka hai ki purity hi foundation hai? to sabhi pakke brahman hain na! purity ki raayalti brahman jeevan ki visheshta hai। jaise koi royal family ka bachcha hoga to uske chehre se chalan se maaloom padta hai ki yeh koi royal kul ka hai। aise brahman jeevan ki parakh yeh purity ki jhalak se hi hoti hai। aur chehre va chalan se purity ki jhalak tab dikhaai degi jab sada sankalp mein bhi purity ho। sankalp mein bhi apvitrata ka naam nishaan na ho। to aise hain ya kabhi sankalp mein thoda sa prabhaav padta hai? kyonki pavitrata sirf brahmacharya vrat nahin। lekin purity arthaat kisi bhi vikaar arthaat ashuddhi ka prabhaav na ho। to foundation pakka hai ya kabhi kabhi krodh ko chhutti de dete ho? baal bachcha aa jaata ya ansh aur vansh sab khatma। kya samajhte ho?maataaon mein moh aata hai? body konshasnes ki attachment hai? koi vikaar ka ansh maatra bhi nahin। kyonki badon se to moh va lagaav jaldi nikal jaata hai, lekin chhoton-chhoton se thoda jyaada hota hai। jaise laukik sambandh mein bhi bachchon se itna pyaar nahin hoga jitna potron aur dhotron se hota hai। aise vikaaron ke bhi great children se pyaar to nahin hai? foundation purity hai isliye is phaadandeshan ke oopar sada hi attention rahe। sabka lakshya bahut achha hai। to jaise lakshya hai vaise hi lakshan svayan ko bhi anubhav hon aur doosron ko bhi anubhav hon। kyonki anek apvitra aatmaon ke beech mein aap pavitra aatmaayen bahut thode ho। to thodi si pavitra aatmaon ko apvitrata ko khatma karna hai। to kitni power chaahiye! to sada check karo ki apvitrata ka ansh maatra bhi na ho। kyonki aapke jad chitron ka bhi sada hi nirvikaari kahkar gaayan karte hain। yeh kiski mahima karte hain? aapki hai ya bhaaratvaasiyon ki hai? to practical chetan mein bane hain tab to mahima ho rahi hai। yeh pakka nishchay hai na ki yeh ham hi hain! to brahman arthaat purity ki royalty mein rahne vaale। purity brahman jeevan ki visheshta hai। himmat rakhkar aage badh rahe ho aur aur bhi aage se aage badhna hi hai। udti kala vaale ho na ki chalne vaali kala mein ho? kabhi neeche oopar hote ho? sada fine hai ya kabhi-kabhi fine? sam time khatma hua? abhi - roohrihaan mein to aakar nahin kahenge ki nahin thoda thoda rah gaya hai? nahin। abhi kya roohrihaan karenge? O.ke.। O.ke. kahne se hi dekho chehre muskaraate hain। aur jab sometime kehte ho to aankhe neeche ho jaati hain। sadaiv yeh smriti mein rakho ki ab nahin banenge to kab banenge। abhi banna hai। purooshaartha karenge, dekhenge, nahin। hona hi hai, to isko kaha jaata hai nishchay buddhi vijayi। to kaun ho? purity ki royalty mein rahne vaale। achha, sabhi svayan ko first division vaali aatmaayen anubhav karte ho?sada first rehna hai aur sada hi auron ko bhi fast gati se aage badhaana hai।

group nan. 4

santushtamni banne ke liye apne anaadi aur aadi swaroop ki smriti mein raho

sada apne anaadi aur aadi swaroop ko sahaj smriti mein la sakte ho? anaadi roop hai niraakaar jyoti swaroop aatma aur aadi swaroop hai dev aatma। to donon swaroop sada smriti mein rehte hain aur sahaj smriti rehti hai?jitna dehbhaan mein rehna sahaj hai, utna hi dehi abhimaani sthiti mein sthit hona bhi sahaj hai? body kaannshas mein kitne time mein aa jaate hain? time lagta hai?na mehnat lagti hai, na time lagta hai। kyonki abhyaas hai। to aise hi jab ab knowledge mili to knowledge ki light, knowledge ki might ke aadhaar par abhi soul konshasnes ki smriti ka aisa sahaj anubhav ho। yeh bhi abhyaas karte-karte sahaj ho gaya hai na। ya 63 janma ka abhyaas shaktishaali hai? vismriti ke 63 janma aur smriti ka yeh ek chhota-sa janma bhi 63 janmon se shaktishaali hai।

kyonki is samay knowledge ki lift mili hui hai to lift mein pahunchna sahaj hota hai। lift se second mein pahunch jaate ho na ki utarte chadhte ho? second mein smriti aai aur anubhav mein tik jaayen। kyonki smriti shaktishaali hai, vismriti kamzor karti hai। to shaktishaali ho na? kitni power hai? full hai? power full hai na?power shabd alag nahin kehte, powerful kehte hain। aise bahaadur ho ya kabhi fail, kabhi full! har kalpa mein smriti swaroop bane hain, abhi bhi bane hain aur har kalpa mein bante rahenge। kitne kalpon ka abhyaas hai? anek baar ka abhyaas hai na, anek baar kiya hai na ki nai baat hai? baap ka banna arthaat parivartan hona। brahman banna arthaat smriti swaroop banna। is apne anaadi swaroop mein sthit hone se svayan bhi svayan se santushta rehte aur auron ko bhi santushtata ki visheshta anubhav karaate hain। to sabhi santushta maniyaan ho ya banna hai? asantushtata ka kaaran hota hai apraapti। to aapko koi apraapti hai kya? aapka salogan kya hai? paana tha vo pa liya। to pa liya ki thoda-thoda rah gaya hai? kyonki baap ka banna arthaat varse ka adhikaari banna। to adhikaari aatmaayen ho na? to sada kya geet gaate ho? pa liya … ye aapka geet hai ya koi-koi ka hai, koi ka nahin hai?sabhi ka hai? koi ka doosra geet ho to bolo। kyonki ek ke hain to geet bhi ek hi hai। aur ab nahin paaya to kab paayenge? to apne ko sada padmaapdambhaagyavaan samjho। padam bhi aapke aage kuchh nahin hain। itna nasha hai na? kitne bhi saadhan praapta karne vaali aatmaayen hain lekin jitne hi vinaashi praapti vaale hain utne hi avinaashi praapti ke bhikhaari hain। yeh anubhav hai na? jitne jyaada saadhan honge utni shanti ki neend bhi nahin hogi। aur aapki jeevan kitni shant hai!koi ashaanti hai? kabhi tan va man ki ashaanti to nahin hai? ever healthy hai na?mind bhi healthy to health bhi healthy। donon hai na? duniya ke aage challenge karne vaale ho। agar ever healthy dekhna ho to kisko dekhen? aapko! harek kehta hai mere ko dekhen ya jaanki daadi ko dekhen-aise to nahin kehte? aap hi ho na?kyon, baap ke khazaanon ke maalik ho to jo maalik hota hai vo sada bharpoor, sampanna hota hai। to aise complete ho ya complain aur complete-donon hi chalta hai। to yahi sada smriti mein rakho ki adhikaari hain aur anek janma adhikaari rahenge। guarantee hai na? yeh sukh-shanti-pavitrata ka adhikaar janma-janma rahega। to phalak se kaho ek janma to kya, anek janma ke adhikaari hain। achha!

group nan. 5

sahjayog ka aadhaar-sambandh aur praapti

sabhi apne ko sahaj yogi aatmaayen anubhav karte ho? sahaj yog ka aadhaar kya hai? vishesh do baaten hain। kaun-si? sahaj ka aadhaar hai - sneh, lekin sneh ka aadhaar sambandh hai। sambandh se yaad karna sahaj hota hai aur sambandh se pyaar paida hota hai। aur doosri baat hai praaptiyaan। jahaan praapti hogi, chaahe alpakaal ki bhi praapti ho to man aur buddhi vahaan sahaj hi chali jaayegi। to mukhya do baaten hain-sambandh aur praapti। anubhav hai na? vaise bhi dekho, ‘baba’ kahkar yaad karo aur ‘mera baba’ kahkar yaad karo, to pharka padta hai? ‘mera’ kahne se sahaj hota hai na। kyonki jahaan meraapan hota hai vahaan adhikaar hota hai। aur adhikaar hone ke kaaran adhikaari ko praapti zaroor hoti hai। to sarva sambandh hai na ki ek-do nahin hain, baaki sab hain? aur praaptiyaan kitni hain? sab hain na। jab dene vaala de raha hai to lene mein kya harja hai? (kaun-si praaptiyaan?) jo baap ne shaktiyon ka, gyaan ka, gunon ka khazaana diya, sukh-shanti, aananda, prem, sab khazaane diye। to kitni praaptiyaan hain! kyonki baap ke paas ye khazaane hain hi bachchon ke liye। to bachche nahin lenge to kaun lenge? to bachche hain ya nahin hain-yeh bhi soch rahe ho? phir adhikaar lene mein kyon kami karte ho? agar abhi adhikaar nahin liya to kab lenge? jo bhi bhinna-bhinna praaptiyaan hain, un praaptiyon ko saamne rakho। praapti ko emerge karne se praapti ki khushi ki anubhooti hogi। sirf baap mera hai, nahin, lekin baap ke saath varsa bhi mera hai। bachche ko praaparteeki khushi hoti hai na। to yeh behad ki praaparteehai। baalak so maalik hoon-is khushi mein sada raho। koton mein koi aur koi mein bhi koi jo gaayan hai woh kiska hai? aap koton mein koi ho na? baapdaada sabhi bachchon ko itna shreshtha aatma ke roop mein dekhte hain। duniya bhatak rahi hai aur aap mauj mana rahe ho। mauj mein rehte ho na ki abhi bhi yahaan vahaan bhatakte ho? thikaana mil gaya na? to din-raat khushi mein naachte raho, khushi mein so jaao। agar jeevan hai to brahman jeevan hai। to svayan ke mahatva ko sada smriti mein rakho। kya the aur kya ban gaye! shreshtha ban gaye na। apne is shreshtha bhaagya ko karma karte hue bhi smriti mein rakho। vaah mera shreshtha bhaagya! dil mein yeh aata hai? isliye apna birth de manaane aaye ho na! apna bhi birth de manaane aaye ya sirf baap ka manaane aaye ho? ye divya janma kitna nyaara bhi hai aur pyaara bhi hai! kyonki baap ke pyaare bane ho na। jo bhagwan ke pyaare hain uske jeevan mein pyaar har samay hai। to dil se yahi geet gaate raho-vaah baba vaah aur vaah mera bhaagya vaah! achha!

baapdaada ne sabhi bachchon se milan manaane ke pashchaat stage par khade hokar jhanda lahraaya tatha 58veen trimoorti shiv jayanti ki badhaai di:-

aaj ke is vishesh shiv jayanti ke divas par chaaron or ke bachchon ko heere tulya jayanti ki heere tulya jeevan vaali aatmaon kopdamguna mubaarak ho, mubaarak ho, mubaarak ho।

purity ki raayalti brahman jeevan ki visheshta hai।

jaise koi royal family ka bachcha hoga to uske chehre se chalan se maaloom padta hai ki yeh koi royal kul ka hai। aise brahman jeevan ki parakh yeh purity ki jhalak se hi hoti hai। aur chehre va chalan se purity ki jhalak tab dikhaai degi jab sada sankalp mein bhi purity ho। sankalp mein bhi apvitrata ka naam nishaan na ho।