शनिवार 31 दिसंबर 1994 की अव्यक्त मुरली

>

31-12-94 om shanti avyakt baapdaadaamdhuban

naye varsha ko shubh bhaavna, gun swaroop varsha ke roop mein manaao

aaj navayug rachta baapdaada apne navayug raajya adhikaari bachchon ko dekh rahe hain। nav varsha ko dekh apna navayug yaad aata hai! navayug ke aage yeh nav varsha koi badi baat nahin। jis navayug mein har vastu, har vyakti, prakriti-sab naya hai। naya varsha jab shuru hota hai to puraani vastu va vyakti ke puraane svabhaav, sanskaar, chaal­chalan kuchh naye hote hain, kuchh puraane hote hain। lekin aapke navayug mein puraane ka naamaynishaan nahin। vyakti bhi naya arthaat satopradhaan hai aur prakriti bhi satopradhaan arthaat nai hai। prakriti mein bhi aajkal jaisa puraanaapan nahin hoga। to navayug ki mubaarak ke saath nav varsha ki mubaarak।

aaj vishesh naya varsha manaane ke umang­utsaah se, khushi­khushi se sabhi pahunch gaye hain। to baapdaada bhi dil se dil ki duaaon sahit nav yug ki aur naye varsha ki double mubaarak dete hain। aap sabhi ko bhi double yaad hai ya single yaad hai? apna naya yug naynon ke aage buddhi mein spashta hai na? jaise kahenge kal se naya varsha shuru hai, aise hi kahenge kal navayug aaya ki aaya-itna spashta hai? nasha hai? sabhi navayug ke raajya adhikaari hain? sabhi raaja banenge to praja banaai hai? aap sab to raaja ho lekin raajya kis par karenge? apne oopar! to baapdaada navayug aur naya varsha double dekh rahe hain। kal ki baat hai na, vo bhi kal aur ye bhi kal ki baat hai। phir navayug hoga na! apne navayug ki dress (shareer) saamne dikhaai deti hai? bas, puraani dress chhodenge aur nai dress dhaaran karenge। to vo dress achhi, chamkeeli, sundar hai na! abhi to dekho har vyakti mein koi na koi nuksa hoga। koi ki naak tedhi hogi, kiski aankh tedhi hogi, kiske onth aise honge aur navayug mein sab number one, har karmendriy accurate। to aisi dress saamne khooti par lagi hui hai na! bas pahanni hai। apni dress achhi, pasanda hai? dekh rahe ho na?

baapdaada sadaiv jab har ek bachche ko dekhte hain to kya dekhte hain? ek to har ek ke mastak ki chamakti hui mani shreshtha aatma ko dekhte hain aur saath­saath har ek bachche ke bhaagya ki shreshtha lakeer ko dekhte hain। har ek ka bhaagya kitna shreshtha hai! sabhi ka bhaagya shreshtha hai na! ki kiska madhyam bhi hai? sabhi one hain? second, third aur aane vaale hain? achha hai, duniya vaale kehte hain aapke mukh mein gulaab aur baapdaada kehte hain aapke mukh mein gulaab­jaamun। gulaab­jaamun sabko bahut achha lagta hai na? gulaab­jaamun ya mithaai khaane ke liye hi baapdaada ne har guroovaar bhog ka rakha hai। bhog mein khud bhi khaate ho aur baapdaada ko bhi sveekaar karaate ho। ghar mein banaaye, nahin banaaye, lekin guroovaar ko to meetha milega na। aur jab kabhi khushi ka utsav hota hai to mukh hi meetha karaate hain। meetha mukh arthaat meetha mukhda। mukh meetha to sab karte hain lekin aap sabka mukh bhi meetha hai to mukhda (face) bhi meetha hai, ya thoda­thoda kaduva bhi hai? agar ek lakeer bhi kaduve ki ho to aaj varsha ko vidaai dene ke saath­saath is thode se kaduve­pan ko bhi vidaai de dena। vidaai dena aata hai ki paas mein rakhna achha lagta hai? ya vidaai dekar phir bula lenge? phir kahenge ham to chhodna chaahte hain lekin maaya nahin chhodti hai! aise to nahin kahenge ki hamne chhod diya lekin maaya aa gai? vahaan jaakar phir aise patra likhenge? vidaai, to sada kaal ke liye vidaai। vidaai dene ka arth hi hai phir aane nahin dena। ki kabhi­kabhi aa jaaye to koi harja nahin? kyonki puraane sanskaar kaiyon ko bahut achhe lagte hain। aaj kahenge kal se nahin hoga aur phir parson parvash ho jaayenge। to usko vidaai nahin kahenge na। to vidaai dena bhi seekho। varsha ko vidaai dena to common baat hai lekin aap sabko ansh, vansh sahit maaya ko vidaai dena hai। ansh maatra bhi nahin rahe। kai bachche kehte hain 75% to pharka pad gaya hai, aur bhi pad jaayega। lekin maaya ansh se vansh bahut jaldi paida karti hai। 25% ansh maatra bhi raha to 25 se 50 tak bhi bahut jaldi pahunch sakta hai। iseeliye ansh sahit samaapta karna hai। to naye varsha mein kya karenge? puraane varsha ko vidaai dene ke saath­saath maaya ke ansh ko bhi vidaai dena। aur vidaai ke saath badhaai bhi dete ho na! kal sabhi ek­do ko milenge to kahenge naye varsha ki mubaarak ho, badhaai ho। to vidaai do aur vidaai ke saath­saath apne ko bhi aur doosron ko bhi sada pharishte swaroop ki badhaai do। hain hi pharishta। oopar se neeche aaye, apna kaarya kiya aur uda। pharishte yahi karte hain na! udti kala ki nishaani pankh dikhaaye hain। koi artificial pankh nahin hain। lekin ye pharishton ko jo pankh dikhaate hain uska arth hai pharishta arthaat udti kala vaale। to pharishte swaroop ki badhaai svayan ko bhi do aur doosron ko bhi। sada pharishte swaroop ke smriti mein bhi raho aur doosre ko bhi usi swaroop se dekho। phalaani hai, phalaana hai…। nahin, pharishta hai। ye pharishta sandesh dene ke nimitta hai। samjha? to sabhi ko pharishte swaroop ki mubaarak do। chaahe koi kaisa bhi ho lekin drishti se srishti badal sakti hai। jab drishti se srishti badal sakti hai to kya brahman nahin badal sakta? aapki drishti­smriti har aatma ko badal degi।

baapdaada ko kabhi­kabhi bachchon par hansi aati hai। aap logon ko bhi apne oopar aati hai? ek taraph kehte hain ki ham vishwa parivartak hain, vishwa kalyaankaari hain… aur phir vishwa parivartak aakar kehta hai ki ye mere se badli nahin hota! apne prati bhi kabhi roohrihaan mein kehte hain-chaahte hain, ye nahin karen, phir bhi kar lete hain… to vishwa parivartak aur svayan ke liye hi kahe ki main chaahta hoon lekin kar nahin paata hoon to uska title kya hona chaahiye? usko vishwa parivartak kehna chaahiye ya kamzor kehna chaahiye? geet sunaate hain na-kya karen, kaise karen, pata nahin kab hoga… yeh geet baapdaada to sunte hain na! jab vishwa parivartak hain, vishwa kalyaankaari hain to kya koi aatma ko nahin badal sakte? svayan ko nahin badal sakte? agar sva parivartak bhi nahin to vishwa parivartak kaise honge?

baapdaada kehte hain is varsha ki vishesh dridh pratigya svayan se karo। pratigya ka arth hi hai - ki shareer chala jaaye lekin jo pratigya ki hai, woh pratigya nahin jaaye। to pratigya karne ki itni himmat hai? karenge? darenge to nahin? to yahi pratigya svayan se karo ki ‘‘ kabhi bhi kisi ki kamzori va kami ko nahin dekhenge। kisi ki kamzori­kami ko nahin sunenge, nahin bolenge।’’ na sunenge, na bolenge, na dekhenge - to ye varsha kya ho jaayega? ye varsha ho jaayega shubh bhaavna gun swaroop varsha। har varsha ko apna­apna naam dete ho na। jab ye pratigya sabhi kar lenge to ye varsha hua - shubh bhaavna gun swaroop varsha। manjoor hai? phir vahaan jaakar nahin badal jaana! phir kahenge madhuban mein to vaayumandal achha tha na aur yahaan to vaayumandal ka sang hai na! parivartak kisi ke sang mein nahin aata, kisi ke prabhaav mein nahin aata। agar parivartak hi prabhaav mein aa jaayega to parivartan kya karega? isliye is varsha ko gun moorta, shubh bhaavna varsha ke roop mein manaao। kiski ashubh baat ko bhi aap apne paas shubh karke uthaao। ashubh dekhte hue bhi aap shubh drishti se dekho। jab prakriti ko badal sakte ho to manushyaatmaaon ko nahin badal sakte ho? aur usmein bhi brahman aatmaayen hain, unko nahin badal sakte ho? jab sabke prati shubh bhaavna hogi to ‘kaaran’ shabd samaapta hokar ‘nivaaran’ shabd hi dikhaai dega। is kaaran se ye hua, is kaaran hua…। nahin, kaaran ko nivaaran mein parivartan karo। himmat hai? achha! baapdaada jab T.vi.kholte hain to bada maja aata hai। ye kaliyugi T.vi.nahin dekhte। braahmanon ki T.vi.dekhte hain। aise nahin, aap log woh T.vi. khol lo, aise nahin karna। to jab bachchon ka khel dekhte hain to bahut maja aata hai। Mickey mouse ka khel to karte ho na! thode time ke liye koi sher ban jaata, koi kutta ban jaata। jis samay krodh karte ho us samay kya ho? jis samay kisse discuss karte ho, uske oopar vaar karte jaate ho, siddha karte jaate ho to us samay kya ho? Mickey mouse hi ban jaate ho na। to is varsha Mickey mouse nahin banna। pharishta banna। Mickey mouse ka khel bahut kiya। to ye varsha aise shaktishaali varsha manaana। kyonki samay to sameep aana bhi hai aur laana bhi hai। draamaanusaar aana to hai hi lekin laane vaale kaun hain? aap hi ho na?

doosri visheshta is varsha mein kya karenge? naye varsha mein ek to badhaaiyaan dete ho aur doosra gift dete ho। to is naye varsha mein sadaiv har ek ko, jo bhi jab bhi sambandh­samparka mein aaye, chaahe brahman parivaar, chaahe aur aatmaayen ho, un sabko ek to madhur bol ki gift do, sneh ke bol ki saugaat do aur doosra sadaiv koi na koi gun ki, shakti ki saugaat do। yeh saugaat second mein bhi de sakte ho। aise nahin kah sakte ho ki time hi nahin mila, na lene vaale ko time tha, na dene vaale ko time tha। lekin agar apni shreshtha bhaavna, shreshtha kaamna ki vritti hai to second ke sankalp se, drishti se apne dil ke muskaraahat se second mein bhi kisi ko bahut kuchh de sakte ho। jo bhi aave usko gift deni hai, khaali haath nahin jaave। to itni gift aapke paas hai? ki do din denge to khatma ho jaayegi? sabhi ka stock bharpoor hai? ki koi ka stock thoda kam ho gaya hai? jiske paas kam ho vo haath utha lo। bhar denge। jiske paas kami ho vo chitki likhkar janak (daadi jaanki) ko dena vo class kara legi। kami to nahin rahni chaahiye na! daata ke bachche aur kami ho to achha nahin hai na! isliye bharpoor hokar jaana। kami ko lekar nahin jaana। varsha ke saath kamiyon ko bhi vidaai dekar jaana। aise nahin, ki sirf kal ek din hi gift dena hai। nahin, saara varsha sabko gift baantate jaao। bina gift ke koi nahin jaaye। to kitna achha lagega। agar koi aata hai usko chhoti­si pyaar se gift de do to kitna khush hota hai। cheez ko nahin dekhte hain lekin gift arthaat sneh ke swaroop ko dekhte hain। gift se koi maalaamaal nahin ho jaate hain lekin sneh se maalaamaal ho jaate hain। to sneh dena aur sneh lena। agar koi aapko sneh nahin bhi de, to bhi aap unse le lena। lena aayega ki sharma karenge-kaise len? is lene mein koi harja nahin hai। vo aap par krodh kare, aap sneh ke roop mein le lena। aap vishwa parivartak ho na। to vishwa parivartak kisi ke negative ko positive mein nahin badal sakta! to ye varsha sada sneh dena aur sneh lena। aise nahin kehna-koi ne diya hi nahin, kya karoon…। vo de ya na de, aap le lo। kuchh to dega na, negative de ya positive de kuchh to dega na! lekin he vishwa parivartak, aap negative ko positive mein parivartan kar lena। samjha, is varsha kya karna hai! achha। double videshi kya karenge? gift denge? daata ban gaye ho? vaah, daataapan ki mubaarak ho।

baapdaada roj bachchon ki ek baat dekhte hain। kaun­si? ki ye ‘main’ aur ‘mera’ ye pareshaan kar deta hai। kabhi ‘mera’ aa jaata hai, kabhi ‘main’ aa jaata hai, jo beech­beech mein pareshaan karta hai। to jab varsha parivartan ho raha hai to is ‘main’ aur ‘mere’ ko bhi parivartan karo। shabd bhale ‘main’ bolo lekin main kaun? original ‘main’ kisko kehte hain? shareer ko ya aatma ko? main aatma hoon। to jab bhi ‘main’ shabd use karte ho to kyon nahin ‘main’ shabd ka original swaroop, oreejinal arth smriti mein rakhte ho। aur saare din mein kitne baar ‘main’ shabd use karte ho? karna hi padta hai na। ‘mera’ bhi kai baar use karte ho aur ‘main’ bhi kai baar use karte ho। to jitne baar ‘main’ shabd use karte ho utne baar agar vaastavik arth se ‘main’ smriti mein laao to ‘main’ dhokha dega ya udaayega? to jab bhi ‘main’ shabd use karte ho us samay yahi socho main aatma hoon। kyonki ‘main’ aur ‘mere’ shabd ke bina rah bhi nahin sakte ho। bolna hi padta hai aur aadat bhi hai, ‘main’ ‘mere’ ke pakke sanskaar ho gaye hain। to jis samay ‘main’ shabd use karte ho us samay ye socho ki main kaun? main shareer to hoon hi nahin na। body consciousness tab aave jab main shareer hoon। shareer to mera kehte ho na? ki main shareer kehte ho? kabhi galti se kehte ho ki main shareer hoon? galti se bhi nahin kahenge na ki main shareer hoon। to ‘main’ shabd aur hi smriti aur samarthi dilaane vaala shabd hai, giraane vaala nahin hai। to parivartan karo। vishwa parivartak pakke ho na? dekhna kachche nahin banna। to ‘main’ shabd ko bhi arth se parivartan karo। jab bhi ‘main’ shabd bolo, to us swaroop mein tik jaao aur jab ‘mera’ shabd use karte ho to sabse pahle mera kaun? saare din mein mera­mera to bahut banaate ho! mera svabhaav, mera sanskaar, meri ye cheezen, mera parivaar, mera centre, mera jigyaasu, meri seva, meri seva isne kyon ki? ye kehte ho na? khel to karte ho na। to jab ‘mera’ shabd bolte ho to ‘mera’ kahne se pahle ye yaad karo ki mera kaun? pahle ‘mera baba’ yaad karo। phir mera aur yaad karo। to jahaan baap hoga vahaan deh abhimaan va giraavat nahin aayegi। to ‘main’ aur ‘mera’ in donon shabdon ko us vritti se, us drishti se, us arth se dekho aur bolo। ‘mera’ shabd mukh se nikle aur pahle ‘mera baba’ yaad aaye। to nirantar yogi to ho jaayenge na! kyonki har ghante mein ‘mera’ aur ‘main’ shabd use karte ho। kaarobaar mein bhi karna padta hai na! to jitne baar ye repeat karo, mukh se bolo va man se socho-main ya mera, to arth ka parivartan karo।

had se behad mein jaana hai na। jab behad srishti ki parivartak aatmaayen ho to had mein kyon jaate ho? sirf bhaarat parivartak to nahin ho na? ya double videshi sirf foreign parivartak to nahin ho na? vishwa parivartak ho। vishwa arthaat behad। vishwa parivartak hain-yeh pakka yaad hai na? to automatically nirantar yogi sahaj ban jaayenge। mehnat nahin karni padegi। kyonki bhaav aur bhaavna badal jaayegi। jab main aatma sochenge to har karma ya bol mein bhaav bhi badal jaayega, bhaavna bhi badal jaayegi। kyonki bhaav aur bhaavna hi dhokha bhi deti hai, sukh bhi deti hai। to yeh parivartan karenge na? phir yeh patra nahin likhna kya karen, kaise karen…? O.ke. ka patra aayega ya ye hua, vo hua… hua­hua to nahin aayega na? baapdaada ke paas sabke patron ke file hain। kabhi dekhte hain shuru se lekar kya­kya patra hain, jo man mein sochte hain, vo bhi sabka tape record hai।

to naya varsha arthaat naveenta laana। naveenta sabhi ko priy lagti hai na? puraani cheezsho mein rakhne ke liye to pasanda karenge lekin use karne ke liye nahin। use karne ke liye to sochenge naya। to har baat mein naveenta ho, sankalp bhi naya ho। ramneekta se purooshaartha karo। kabhi­kabhi koi­koi bachche itna hath se purooshaartha karte hain jo baapdaada ko dekhkarke taras padta hai। bahut yuddha karte hain। aavashyakta nahin hai lekin karte hain, kyon? apneekamzori ke kaaran। to mehnat ka purooshaartha nahin karo। purooshaartha bhi mauj­mauj se karo। karna bhi kya hai? yaad koi na koi to rehta hi hai, koi nai baat to hai nahin। ek ghadi bhi bina yaad ke rehte ho kya? koi na koi to yaad rehta hi hai। chaahe baat yaad rahe, chaahe koi vyakti yaad rahe, chaahe koi vastu yaad rahe lekin yaad to rehti hai na। bina yaad ke hota hai kya? kisi ko to yaad karna hi hai। to jo matlab ki baat hai usko yaad karo। yaad varna kise nahin aata hai? koi hai jisko yaad karna nahin aata ho? chhoti kumaariyon ko yaad karna aata hai? achha। to jab yaad karna hi hai to kyon nahin jisse phaayda hai, praapti hai usko karen, jisse nuksaan hai usko kyon karen? yaad bhi karte hain aur phir pareshaan bhi hote hain। kyon yaad aaya, nahin yaad aana chaahiye… to apne aapko pareshaan kyon karte ho? bas mera baba। merepan ki anek had ki bhaavnaayen ek ‘mere baba’ mein sama do। khilaune hote hain na, ek mein ek, ek mein ek hote hain na? ek kholo to doosra hota hai, doosra kholo to aur hota hai। to ek ‘mere baba’ mein sab sama lo। andar banda kar do। lekin ek hota hai mukh se kehna ‘mera baba’, ek hota hai dil se lag jaaye ‘mera baba’, jo dil se mera maan lete hain vo kabhi nahin bhoolte hain। dekho, sambandh mein bhi agar koi najdeek parivaar ka shareer bhi chhodta hai aur gyaan nahin hai to kitna mera­mera kehte hain। uskeecheez dekhenge, uska chitra dekhenge, aur mera­mera kah pareshaan honge। to jaane vaale ko bhi yaad karte hain। pata bhi hai jaane vaala aana nahin hai phir bhi mera hai to yaad aata hai। to jab dil se maan liya ‘mera baba’ to isse badi baat aur hai hi kya? to jo common shabd bolte ho, use hi udti kala ka saadhan bana lo-main aur mera। purooshaartha bhi ramneek karo। kai yaad mein baithte hain sochte hain ‘‘main jyoti bindu, main jyoti bindu’’ aur jyoti tikti nahin, shareer bhoolta nahin। jyoti bindu to hain hi lekin kaun­si jyotibindu hain! har roj apna naya­naya title yaad rakho ki jyoti bindu bhi kaun hai? roj sarva praaptiyon mein se koi na koi praapti ko yaad karo। praaptiyon ki list to buddhi mein hai na? agar nahin ho, yaad nahin padti ho to apne teacher se list le lena, agar teacher ke paas bhi nahin ho to madhuban se le lena। to roj ek naya title parivartan karo। aaj noore ratna hain to kal mastak mani hain… kitna achha lagega। aur har roj variety praaptiyon ko saamne rakho-baap ne kya diya, kya mila! to jab avinaashi praapti saamne rahengi to praapti se khushi hoti hai na? agar maanon kisi ko bahut darda ho raha hai aur koi aisi praapti ki soochna aa jaaye ki ek karod lottery mein aa gaye hain to darda yaad rahega ki lottery yaad aayegi? to praapti duhkh ko, pareshaani ko bhula deti hai। to roj nai praapti ki point ko yaad rakho। apne title yaad rakho। title ki seat par set hokar baitho। chhote bachche ki tarah ghadi­ghadi neeche nahin aao। jaise chhote bachche ko kursa par bithaao to neeche aa jaata hai। man bhi natkhat hota hai, to kitna bhi seat par bithaao neeche aa jaata hai। to apne title ke nashe ki seat par achhi tarah se set hona aata hai na? plen mein bhi dekho koi neeche nahin aa jaaye to belt baandh dete hain। to dridh sankalp ki belt sabke paas hai! jab dekho thoda halchal mein aate hain to belt baandh lo।

to is varsha ki naveenta yeh hai ki kisi ka bhi negative samaachaar nahin aayega। theek hai? haan ji ya na ji? abhi ye aapka aavaaj bhi tape mein bhar raha hai। aap sabhi bhi chaahte ho, sirf baap nahin chaahta lekin aap sabhi bhi chaahte ho ki bas abhi­abhi pharishte ban jaayen, chaahte ho na? (sabhi ne haan ji ki) haan bahut achhi karte ho। haan sunkar baap bhi khush ho jaata hai। parantu aise­ aise patra aate hain jo vesta paper box mein daalne vaale hote hain, aise bhi patra aate hain jo padhne ki bhi dil nahin hoti। liphaaphe se hi samajh jaate hain ki ye aisa hi koi samaachaar hai। achhe bhi aate hain। pyaar ke bhi aate hain, umang ke bhi aate hain, khushi ke bhi aate hain lekin phaaltu bhi aate hain। vesta mani, vesta time, apna bhi aur doosron ka bhi। aapke sevaakendra par aise patra likhne vaale hon to unhein bhi parivartan karna। phir ye varsha kaun­sa varsha hoga? mauj ka varsha। pharishta swaroop, pharishton ki duniya mein rahne vaale। jahaan dekho vahaan pharishta hi pharishta। koi pharishta ud raha hai, koi sandesh de raha hai, koi neeche dharni par aakar karmendriyon se karma kar raha hai-aise hi dikhaai de। srishti badal jaaye। jahaan bhi dekho pharishton ki duniya। drishti parivartan, vritti parivartan। achha!

seva kya karenge? is varsha mein koi vishesh seva bhi karenge? kya karenge? mela karenge, pradarshaniyaan karenge, kaamphrensakrenge? ye to karte hi rehte ho। naveenta kya laayenge? baapdaada ka ek sankalp abhi bachchon ne poora nahin kiya hai। baapdaada baar­baar ishaara dete hain ki vartamaan samay quantity to badhaate jaate ho lekin quality arthaat vaaris, list mein to aa jaata hai itne badh gaye, prize bhi le li na। baapdaada ne suna tha ki chaandi ka gilaas bhi gift mein le liya। vo bhi achhi baat hai। kyonki raajdhaani mein sab prakaar ke chaahiye। lekin abhi bahut samay se vaaris quality bahut kam nikalti hai। samparka vaale badh rahe hain, sankhya badh rahi hai। vo bhi draamaanusaar honi hi hai aur aavashyak hai lekin ye miss hai। ab vaaris quality pratyaksha karo। quantity ko dekhkar baapdaada bhi khush hote hain lekin saath­saath iske oopar bhi underline karo। aur doosri baat, abhi gyaan sarovar bhi taiyaar ho jaana hai aur ise vishesh banaaya hi hai samparka vaalon ko vaaris banaane ke liye। baapdaada ne pahle bhi kaha hai kigyaan sarovar hai hi - seva ke vriddhi ki khaan। to jab seva ka sthaan taiyaar ho hi raha hai aur hona hi hai, hua hi pada hai to seva bhi to karenge? ki sirf dekhkar khush honge ki bahut achha bana, bahut achha bana? to ek aisa vishaal programme karo - jaise koi vishesh sthaan banaate hain to vishesh sthaan ki ceremony mein alag­alag desh vaale sabhi, ya paani daalte hain, ya mitti daalte hain। to aap paani ya mitti to nahin dalvaayenge lekin saare vishwa mein ek bhi state khaali nahin rahe, sab taraph ke aaven, chaahe videsh, chaahe desh ki jo bhinnabhinna state hain uska ek­ek zaroor aave। to international isko kahenge na। ya do chaar london ke aa gaye, America ka aa gaya to international ho gaya kya? to international programme banaao। ab double sthaan ho gaya na। nahin to sochte hain sthaan chaahiye, vo chaahiye, salvation chaahiye। to abhi gyaan sarovar ka sthaan bhi mila hai। isliye is varsha mein aisa deshayvidesh donon milkar, donon ki raay se, donon ke plan se, donon ke haan ji se, donon ki samaanta se aisa programme banaao jo videsh vaale bhi kahe ki haan, hamaare yogya hai aur desh vaale bhi kahen ki hamaare yogya hai। videsh ki bhi vidhi aur desh ki bhi vidhi-donon vidhi ko sammilit karke ek­do ko aage rakhkar, desh videsh ko aage rakhe, videsh desh ko aage rakhe, aur aisa achha programme banaao jo koi ek desh bhi vanchit nahin rah jaaye। videsh vaale bataao, ho sakta hai? hona hi hai na! desh vaale bataao, karna hai? achha, inka (daadi ka) to sankalp hai। daadi ko sankalp bahut aate hain, seva ke achhe sankalp, neend nahin karne dete hain। achha hai। shuddh sankalpon se neend ki kamzori ka prabhaav nahin padta। vaise neend khul jaaye to kamzori ya kami mahsoos hoti hai। to achha hai, sabki mitti nahin laana lekin sabke vichaaron ki mitteeikatthi karenge। duniya vaale to mitti, mitti kar dete hain na, mitti mitti mein mil jaati hai। aur ye sabhi ke vichaar, sab taraph vishwa mein aavaaj phailaayenge। koi bhi desh vanchit kyon rah jaaye। aur agar ek koi aata hai to apne desh mein apne akhbaar mein to daalega। to harek vishwa ke chaaron konon ki seva bhi ho jaayegi।। lekin baapdaada is varsha deshvidesh ki vidhi ka mila hua programme chaahte hain। videsh vaale bhi peechhe nahin haten aur desh vaale bhi peechhe nahin haten। vichaar bhi to milaane hain na। ek­do ko kaho-pahle aap। achha ho sakta hai na।

to gyaan sarovar ka aisa programme banaao jo vishwa mein aisa seva samaachaar kisi sthaan ka nahin ho। chaahe yu.N. ho ya usse bhi bada sthaan ho, usse bhi bada ho jaaye। ismen sabka tan bhi laga hai, man bhi laga hai aur chhote bachchon se lekar boodhon tak sabhi ka dhan bhi laga hai। to jaise sabke sahayog ki anguli lagi hai to seva mein bhi sabke sahayog ki anguli lagni hi hai। plan dete raho lekin plan banaane ke time, dene ke time, maalik bankar do aur jab final majority kare to baalak ban jaana। baalak kya karta hai? haan ji aur maalik kya kehta hai? nahin, aisa karo। to baalak aur maalik। plan dena achha hai lekin plan hona hi chaahiye, ye soch ke nahin। jo hoga vo achha। kinaara nahin karo, plan do lekin baalak bhi bano, maalik bhi bano। banaane ke time maalik aur final ke time baalak। baalak aur maalik banna aata hai ki sirf maalik banna aata hai? kyonki sabhi hoshiyaar ho gaye hain na। maalik jaldi ban jaate hain। abhi samjha, naye varsha mein kya karna hai? seva bhi karni hai aur seva ke pahle svayan parivartak। donon hi chaahiye na!

to naya varsha mana liya। manaana arthaat banna aur banaana। yahi manaana hai, na ki sirf dance kar liya to manaaya। vo bhi karo, dance bhi baapdaada ko achhi lagti hai। lekin man ki bhi dance karo। baapdaada sab geet bhi sunte hain, dance bhi dekhte hain, koi programme miss nahin karte। kyon? dekho, koi bhi programme aap karte ho to pahle geet mein baap ko yaad karte ho na? jab baap ko yaad karenge to aana hi padega, dekhna hi padega। jab programme karte ho to baapdaada ko bhi achha lagta hai। achha!

hostel ki kumaariyon seh­ hostel ki kumaariyon ko dekhkar aadi sthaapna ka samay yaad aata hai। pahle to aise hi hostel kholi thi na। pahle jab brahma baap ne, hostel athva gurookul va bo\dag khola to foundation nikle। aaj yagya ke jo bhi nimitta foundation hain, vo sabhi bo\dag ke hi to hain। chaahe teacher hain, chaahe student hain, lekin hain to aadi sthaapna ke na। to jahaan bhi hostel hai vahaan se aise foundation taiyaar hone chaahiye। samjha? sirf college­school mein padh liya, centre sambhaal liya। nahin, itna bada kaarya karna hai। achha hai, saadhan achha hai।

double videsheeh­

yu.ke.­yooropah­ yu.ke. aur Europe vaale donon ikatthe haath uthaao। second mein dekho, haath neeche kar liye। aise man ki drill bhi second mein। abhi­abhi udti kala, abhi­abhi karmayogi। haath ki exercise achhi hai, man ki exercise bhi aise hai? to yu.ke. ya Europe ki visheshta kya hai? yu.ke. videsh seva ke vriksha ka beej hai। to beej ki visheshta kya hoti hai? beej mein paani de do to saare jhaad ke patte­patte ko paani pahunch jaata hai। to aaj bhi videsh ke vriksha ki seva ka foundation yu.ke. nimitta hai, videsh ke sabhi deshon ko paalna ka paani kahaan se milta hai? yu.ke. se na! to yu.ke. apna beej ka kaarya achha kar rahe hain। aise nahin, sirf ek, lekin sabhi sahayogi ho। aap sab bhi yu.ke. vaale ya Europe vaale sahayogi ho na? daadiyon ko madad dete ho? ki kehte hain ki daadi ka kaam daadi jaane। aise to nahin kehte na! bhujaayen achhi mili hai na! to baapdaada beej ko sada shaktishaali dekh harshit hote hain। aur doosri yu.ke. ya Europe ki visheshta yeh hai ki seva mein tan­man­dhan teenon mein ever ready hain। koi bhi kaarya jo saadhaaran sochne mein lagta-kaise hoga lekin yu.ke. ki visheshta hai ki koi bhi kaarya dridh sankalp aur sahayog ke anguli se sahaj ho jaata hai। sahaj ho jaata hai na! myujayam banne ke pahle karne vaale taiyaar hai na! to isko kaha jaata hai visheshta। sarva ke sahayog ki anguli shaktishaali hai। agar koi himmat bhi dilaate hain ki haan kar lo, kar lo, kar lo to vo himmat bhi sahayog ki anguli hai। lekin result mein dekha gaya hai ki tan­man­dhan teenon mein sada ji haan karne vaale hain, sochne vaale nahin hain। isliye sab kaarya sahaj ho jaata hai। agar sochne vaale hote hain na to vo sookshm vibration, vo anguli kam ho jaati hai। to sarva ke anguli se saphalta hoti hai। agar thoda bhi sochne vaale hote hain ki kaise hoga, kya hoga to sangathan ki sneh ki anguli na hone ke kaaran saphalta mein kami pad jaati hai। isliye yu.ke. va Europe vaalon ko vishesh aur sarva videsh ke sahayogi aatmaon ko kaarya mein aage badhne ki mubaarak ho। samjha!

ostreliya-baapdaada jab ostreliya ka naam sunte hain to naam sunkar ostreliya ka bachpan bahut yaad aata hai। ostreliya aur NewZealand vaale haath uthaao। ostreliya mein bahut achhe­achhe ratna paida hue। ostreliya ki ye visheshta rahi ki yu.ke. mein phir bhi mix hain, bhaaratvaasi bhi hain to videshi

bhi hain, mix class hai lekin ostreliya ki seva ne videshiyon ki sankhya ko kaaphi badha diya। aur class ki raunak, videsh ki aatmaon ke class ki raunak sabse number one ostreliya ki rahi। koi thoda bahut aate­jaate hain, chakkar lagaate hain lekin foundation to nimitta bane। aur jaane vaale bhi kahaan jaayenge? aana to hai hi। sirf chakkar lagaane jaate hain। phir jab chakkar poora ho jaata hai to kehte hain baba main aapka hi hoon, aapka hi rahoonga। aur ostreliya ki visheshta ye hai ki vahaan plainning buddhi bahut achhi hai। seva ke plan banaane mein aur seva mein sahayog dene mein, badi­badi invention ko practical mein laane mein plen buddhi bhi hain aur sahayogi bhi hain। plen buddhi hokar plan ko practical mein laane mein aur thoda sirf underline karo। samjha? thoda andar line karna hai - planning ke saath plen buddhi। jab plen buddhi hokar plan banaate hain to plen mein sarva shaktiyaan bhar jaati hain aur jahaan sarvashaktiyaan hoti hain vahaan saphalta bhi nirvighna 100% hoti hai। to ostreliya ke achhe­achhe ratna baapdaada ke najar mein sada rehte hain। saphalta swaroop bhi hain, seva mein aage badhne vaale bhi hain, badhaane vaale bhi hain। to ostreliya ki visheshta bhi kam nahin। ostreliya ko baapdaada sada aage badhne vaalon ki najar se dekhte hain। aur teesri visheshta hai ki paandav aur shaktiyaan donon hi centre kholne ke nimitta hain। paandav bhi shaktiyon se kam nahin hain। paandav bhi nimitta banne mein achhe sahayogi hain। vahaan jaayenge to kya dekhenge? ye paandavon ka centre hai, vo shaktiyon ka centre hai aur donon ki saath­saath race chal rahi hai। samjha? ostreliya vaalon ne apni visheshtaayen suni? achha।

south eshiya - eshiya ki bhi visheshta hai। har sthaan ki visheshta hai। eshiya bhaarat ke najdeek hai। to eshiya ka aavaaj bhaarat mein jaldi pahunchega। bhaarat ke kumbhakran ko jagaane mein eshiya sahaj kaarya kar sakta hai। jaise yu.ke., Europe, America mein christians jyaada nikle hain, aise eshiya mein bauddha dharma vaale jyaada nikle hain। vo christians aur ye bauddhi। to dekho doosre dharma ka vistaar jyaada eshiya mein hai। vaise bhi buddha dharma ko bhaarat se connect jyaada karte hain। to eshiya ki visheshta aur bhi hai ki ek hi eshiya mein

official president samparka vaala hai। Malaysia ka president, philipinsa ka president homely hai na aur sankhya bhi achhi hai। vaise to har sthaan ki sankhya vriddhi ko praapta kar rahi hai। sabhi achhe umang­utsaah se badh rahe hain। abhi sirf eshiya ko kya karna hai ki jo vahaan nimitta bane hue hain, unhon ko bhaarat tak pahunchaana hai। abhi bhaarat tak nahin pahunchaaya hai। ye addition karna hai। jo vishesh seva ke nimitta hain, vo sabhi milkar jo bhi samparka mein hain unhein sameep laao। jitna desh sameep hai utna aavaaj bhi sameep laao। aur aisa ho jo aavaaj ko jaldi pahuncha sake। to abhi jaldi­jaldi bhaarat tak aavaaj pahunchaao। abhi bhaarat tak nahin pahuncha hai। achha!

morishiysah­ morishiyas ki visheshta hi ye hai ki morishiyas ke student achhe ekras hokar chalne vaale hain। thoda bahut neeche­oopar hota hai, vo koi baat nahin। lekin majority dekha jaata hai ki morishiyas ke student jyaada halchal mein nahin aate। to morishiyas ki visheshta-ek to halchal kam hai, achal jyaada hain aur doosra sahayogi sahaj ban jaate hain, chaahe aai.pi. ho, chaahe vi.aai.pi. ho lekin sahayog dene mein achhe nimitta ban jaate hain। aai.pi. ya vi.aai.pi. ki seva mein mehnat nahin lagti। easy dharni hai। khitpit vaali dharni nahin। mehnat lene vaali dharni nahin। aur iseeliye morishiyas bhi bhaarat ke bahut najdeek hai। morishiyas vaale to bhaarat ki philosophy ko bhi maante hain। isliye morishiyas ki aavaaj bhi bhaarat mein jaldi pahunch sakti hai। pratyakshata karne mein pahle jhanda kiska pahunchega? morishiyas ka ya eshiya ka? morishiyas ka pahle pahunchega? eshiya vaale bhi daud­daud kar flag le aayenge aur morishiyas vaale bhi le aayenge। sab videsh ki taraph se pratyakshata ka jhanda bhaarat mein aayega। to achha hai morishiyas vaalon ki bhi sahaj saphalta hai। ye vishesh dharni ko aur brahman sevaadhaariyon ko vardaan hai।

aphreekaah­ aphreeka ki visheshta ye hai jo ye desh sada hi bhay ke desh hain aur bhay mein nirbhay rehna, ye aphreeka vaalon ki visheshta hai। baapdaada sada billi ke poongaron ki kahaani yaad karte hain, ki chaaron or aag ke beech mein billi ke poongare safe rahe। to jaise aphreeka ke circumstance hain, us sarkam­staansh ke anusaar jo bhi baap ke bachche hain vo himmat aur nirbhayta mein bahut achhe A­one hain। kamaal hai unhon ki। kaisi bhi haalat ho lekin seva ko chhodte nahin। pakke hain। to baapdaada unhon ke nirbhayta aur himmat ko dekhkarke sada chhatrachhaaya bhi dete aur mubaarak bhi dete hain ki kamaal ke bachche hain। kaisi bhi haalat ho lekin paristhiti mein sva sthiti ka saboot dene vaale hain। isliye jo aane vaale hain unhon mein bhi himmat bharte rehte hain। agar nimitta halchal mein aa jaaye to aane vaale bhi halchal mein aa jaaye aur ye desh vanchit rah jaaye। lekin bachchon ki kamaal hai jo achal rah karke himmat rakhi hai। sada aage badhte rehte hain aur sevaakendra kholte jaate hain, log bhaagte jaate hain aur ye kholte jaate hain। to ye visheshta hai। aur jo naam hai ki baap vishwa kalyaankaari hai, to kaale ho ya gore ho lekin kaalon ko bhi saphed banaana - ye bhi vishesh seva hai। vishwa kalyaan mein ye bhi to hone chaahiye na। agar ye nahin ho to vishwa kalyaan to nahin kahenge na। south aphreeka bhi dekho seva ke umang ke kaaran svatantra ho gaya na। to ye himmat ki kamaal hai। south aphreeka mein bhi seva ka chance abhi sahaj mil gaya na। to ye kisne himmat rakhi? bachchon ne himmat rakhi aur svatantra ho gaye। aapki seva ne desh ko svatantra kar diya। to aphreeka ki result achhe umang­utsaah vaali hai। sabse himmat mein number one hai। samjha? aphreeka vaale himmat vaale hain? darte to nahin hain na? achha, saboot dene vaale hain। to saboot dene vaale ko baapdaada sapoot kehte hain। jo sapoot hota hai vo saboot deta hai। to achha badh raha hai aur badhta rahega। samjha? shri lanka bhi chhota hai lekin kamaal kar raha hai।

jaapaanah­ jaapaan mein seva ki mehnat hai lekin mehnat se darne vaale nahin। koi­koi dharni mehnat vaali hoti hai। to jaapaan mein mehnat jyaada karni padti hai lekin foundation pakke ho gaye hain na। to foundation mein mehnat lagti hai, abhi foundation achhe hain isliye abhi sahaj hona chaahiye। to jo seva ke foundation nimitta bante hain vo baapdaada ke sada saamne rehte hain। to jaapaan bhi achha progress kar raha hai। achha।

amerikaah­ America ki bhi visheshta ye hai ki America mein vistaar bahut achha kiya hai। America ke chaaron or achhe­achhe sevaasthaan khule hain, chal rahe hain। to America ne vistaar achha kiya hai। kone­kone mein aavaaj phailaaya hai। area ke hisaab se sabse jyaada sevaakendra achhi himmta se khol rahe hain aur khulte rahenge। to jaise America desh ka vistaar hai na, to seva ka bhi vistaar achha kiya hai। aur har sthaan mein baap ke bachche nikal hi aate hain। chaahe kahaan thode hain, kahaan jyaada hain lekin aavaaj to pahunch gaya na। aur doosri America ki visheshta-brahmaakumaari eeshvareey vishvavidyaalay, usko prasiddha karne ke liye yu.N. ke dvaara America hi to nimitta hai na। to America, vishvavidyaalay ko, kaarya ko sahaj pratyaksha karne ke nimitta bana hua hai। aur jo bhi sunte hain to sab aashcharya khaate hain, brahmaakumaariyaan yu.N. tak pahunch gai! to ye bhi vishesh seva ka saadhan hai। aur saadhan banaane ke nimitta America hi hai। to America ka vistaar chaaron or naam phailaane mein achha aage badh raha hai। achha।

rashiyaah­ aapke chitron mein bhi Russia aur America vishesh dikhaaya hua hai। ek billa bichaara kamzor ho gaya hai। lekin Russia vaalon ne, jo ek bhaag seva ka raha hua tha vo bhaag poora kar liya। aur himmat hai inhon ki jo economy down hote hue bhi ye svayan down nahin hote। himmat nahin haarte। phir bhi dekho itna group pahunch jaata hai। samaachaar suno to kehte hain bada mushkil hai, bada mushkil hai phir group bhi pahunch jaata hai। isko kaha jaata hai sachchi dil par saahab raaji। kahaan na kahaan se pahunchne ki himmat achhi rakhte hain। number peechhe nahin hatte। aur bhi agar sankhya mil jaayegi to aa jaayenge। to economy hote hue eknaami mein hoshiyaar hain। economy ki parvaah nahin karte lekin eknaami banne mein aage badhte hain। to achha hai, baapdaada ka naam baala karne mein sahayogi hain, snehi hain aur sada aage badhte rahenge।

bhaartah­ achha, bhaarat to pahle hai, videsh vaale bhaarat mein hi to aaye hain। lekin hain bhaaratvaasi। bhaaratvaasi ho ya videshi? asli to bhaaratvaasi ho na? ye to seva ke liye gaye ho। original aatma ke sanskaar kaun­se hain? videsh ke ya bhaarat ke ki videsh ka culture alag hai? pahle bahut kehte the, pahle videshiyon ki ye complain aati thi, ki videshiyon ka culture aur hai, bhaarat ka culture aur hai। abhi parivartan ho gaya hai। abhi aisi complain koi birle ki aati hai। abhi badal gaye hain, abhi sanskaar emerge ho gaye hain, ki mushkil lagta hai bhaarat ka culture? mushkil to nahin lagta? to bhaarat vaalon ki visheshta hai sada double videshiyon ki mehmaan nivaaji karna। aane aur jaane vaale ko bhi mehmaan kaha jaata hai। aise to maalik ho lekin aate ho aur jaate ho to us hisaab se mehmaan bhi ho। baapdaada bhi mehmaan hokar aata hai। to baapdaada bhi bhaarat ka mehmaan ho gaya na! videsh ka mehmaan bana? nahin bana। bhaarat ke hi mehmaan bane। to bhaarat ki visheshta hai ki bhagwan bhi bhaarat mein hi mehmaan hokar aate hain aur aap sabhi ko raajya­bhaagya bhi bhaarat vaale denge na। bhaarat mein mahal banaayenge ya videsh mein? kahaan mahal banaayenge? bhaarat mein banaayenge na? to dekho, bhaarat kitna bade dil vaala hai। jo bhagwan ko bhi mehmaan bana sakte hain vo kitne bade ho gaye। to bhaarat ki visheshta hai ek to sabhi ki bade dil se mehmaan nivaaji karte hain aur doosra bhaarat sthaapna ke nimitta hai। agar bhaarat ki bahnen videsh seva mein nahin jaateen to aap log kaise aate? videsh seva ke arth bhaarat ki bahnen nimitta bani na। to bhaarat sthaapna ke nimitta hai। aur bhaarat hi aap sabko raajya ke saathi banaane ke nimitta hai। pahle aapko mahal denge, pahle aapko rakhenge। bhaartaphreekhdil hai, ‘pahle aap’ karne vaale hain। ‘main­main’ karne vaale nahin hain। bhaarat sada hi daan­punya karne mein hoshiyaar hai। to auron ko aage badhaana ye punya hai। achha-

(videsh se sindhi bhaai­bahinon ka group aaya hai) sindhi group haath uthaao। yeh brahma baap ke desh ke saathi hain। to najdeek ke saathi ho। sirf aaye thoda deri se ho। lekin last so fast, fast so first - aise hai na? peechhe rahne vaale nahin hain। sneh aur sahayog mein sindhi group pahla number jaata hai। baaki ek baat add karni hai। teen shabd hain-ek sahayog, doosra sneh, teesra shakti। to sneh aur sahayog mein sabhi paas ho। abhi shakti roop mein thoda aur aage badhna hai। shakti roop banenge na to raajdhaani mein bhi number lenge। abhi sabhi aapko sneh ki drishti se dekhte hain ki ye desh ke saathi hain, baba ke desh ke saathi hain। abhi shakti roop banne se aur sindhiyon ko sahaj jagaayenge। abhi sneh roop ka anubhav to sunaate ho। shakti roop ka anubhav sunaao, ki itni shakti aa gai hai। dhaarna ki shakti, chalne ki shakti। abhi ye add karna hai। baaki baapdaada ko pasanda ho, achhe lagte ho। achha। ek­ek kam se kam kitnon ko jagaayenge? ek deepak kitni deepmaala banaayenge? (laakhon ki! ) vaah! achhi himmat rakhi hai! hajaar bhi nahin, laakh। mukh mein gulaab jaamun। achha hai aur ye to zaroor hai ki ek aata hai to anekon ka vaayumandal badalta hai। chaahe aane mein deri karte hain lekin vaayumandal to badalta hi hai। vaayumandal badal raha hai na? abhi achha­achha sab kahne lage hain। achha banne ki himmat nahin hai lekin achha hai, yahaan tak to pahunche hain na? pahla kadam to hua hai, dharni to bani hai na। abhi aur beej daalkar phal nikaalna। abhi jahaan tahaan dekhne mein aata hai ye vaayumandal badalta jaata hai। pahle aana nahin chaahte the, abhi aana chaahte hain lekin yahaan se mana hoti hai। pharka to pad gaya na। aap log aate hain, sunaate hain to doosre bhi kehte hain na ki hamko bhi le chalna, hamko bhi le chalna। to pharka aa gaya na। abhi maala taiyaar karke aana। abhi doosri baari aao to maala taiyaar karke aayenge ya kangan taiyaar karke aayenge? (maala) maala taiyaar karke aayenge। achha hai, himmate bachche madde baap। sada madadgaar hai baap। sirf himmat ka ek kadam badhaao aur baap hajaar kadam badhaane ke liye bandha hua hai। baap ko bhi baandhane vaale ho na। sneh ki rassi mein baandhane mein hoshiyaar ho। achha! baap ko shuddh dil vaale priy lagte hain aur baap aapko priy lagta hai-aise? jaadu to nahin lag gaya। yeh jaadu phaayde vaala hai, nuksaan vaala nahin। to achhi tarah se jaadu laga? thoda to nahin laga jo vahaan utar jaaye। jaadu maana parivartan। to parivartan ho hi gaya na। is jaadu se khush ho na, ghabraate to nahin ho?

sabhi charity begins at hom siddha karne vaale bane ho। nahin to jab ye seva karte hain to sabhi log poochhte hain-sindhi log kyon nahin aate? to aap kahenge aate hain na, to sahayogi ban gaye na। toolate mein nahin aaye, let mein aaye। phir bhi lucky hain। (sabhi hansate hain) achha hai rote to nahin hain na। log to roolaate hain, aap hansaate ho to achha hai na। rone vaale ko bhi hansa do। parvaah nahin karo, hansane do। phir ye hansane vaale aapko namaskaar karne vaale hain। aaj hansate hain, kal namaskaar karenge। achha!

dubai -achha, gupta sevaadhaari। unknown but very well known। raajya ke hisaab se gupta roop mein seva kar rahe hain aur avinaashi ratna hain, chaahe kitni bhi halchal ho jaaye lekin avinaashi ratna hone ke kaaran achal hain। gupta mein bhi aage badh rahe hain। dubai vaale pakke hain na! hilne vaale to nahin hai na? to achhi himmat rakhne vaale hain। iseeliye baapdaada ki special madad aur mubaarak। achha!

naya varsha manaaya ki 12 baje manaayenge? aapki to har ghadi nai hai na ki 12 baje naya hoga? har ghadi nai hai, har second naya din hai। jab bhi manaao aapke liye naya varsha hai। jab yug hi naya hai to navayug sthaapan karne vaalon ka sab naya hai ki 12 baje naya hoga? aapke liye naya hai na। kyonki aap naye ban gaye na! vo to ghanta bajaayenge। abhi 12 ghante baja do ismen kya hai? achha!

chaaron or ke navayug ke raajya adhikaari shreshtha aatmaon ko sada sva parivartan aur vishwa parivartan ke nimitta vishesh aatmaon ko, sada purooshaartha mein naveenta­shreshthata laane vaale sarva snehi aatmaon ko, sada baap ka naam pratyaksha karne vaale sapoot aatmaon ko, sada ‘mera’ aur ‘main’ ko yathaartha bhaav aur arth mein laane vaale sahajyogi aatmaon ko baapdaada ka yaad­pyaar aur namaste।

achha, chaaron or ke new varsha ke card bahut aaye। vaise to card khareed karte ho aur baapdaada ke paas pahle hi aapki mubaarak pahunch jaati hai। card mein likhne ke pahle baap ke dil mein likh jaati hai। lekin phir bhi suhej manaane ke liye bhej dete hain। to baapdaada sabhi deshayvidesh ke new varsha ke patra va card bhejne vaalon ko vishesh padamguna mubaarak ke saath sada udne vaale aur udaane vaale, sada sahaj vishwa parivartak banne vaale, is swaroop se padamguna mubaarak de rahe hain-mubaarak ho! mubaarak ho! !

daadi ji se - aapke sankalp poore ho rahe hain na! achha hai, jo nimitta banta hai usko touching hoti hai। brahma baap ke samaan ho। brahma baap ko neend aati thi kya? to nimitta banne vaalon ko nimitta banne ke kaaran sankalp achhe aate hi hain। achha hai, aapke sahayogi bhi achhe­achhe hain। aadi ratnon ka group achha hai। foundation jo hote hain, foundation ke pillars agar majboot hote hain to chaahe kitna bhi koi hilaaye, agar pillars pakke hain to sab sahaj hota hai। (daadiyon se) baapdaada aap nimitta pillars ka group dekhkar khush hota hai। majboot pillar hain na? hilne vaale hain hi nahin। chaahe kitna bhi koi pillar ko hilaave lekin avinaashi hain। achha hai, bhaarat aur videsh donon hi seva­sthaan aur seva mein race kar rahe hain। advance mubaarak ho। jo seva kar rahe hain unhon ko vishesh yaad­pyaar dena। achha hai। kya nahin ho sakta! jo chaahe vo kar sakte hain। (aap jo chaahe kara sakte ho) aur bachche nimitta ban sakte hain। achhe hain, chaaron or ke, chaahe desh, chaahe videsh, lekin sahayogi bahut achhe hain। aur samay par sahayogi banne ke kaaran, jo samay par sahayogi hote hain-unko ek ka padamguna phal mil jaata hai। sthaan apna saadhan lekar aata hai। gyaan sarovar ka dekhkar samajhte ho na, itna kaise hoga, kya hoga, lekin sahaj badhta jaata hai, hota jaata hai। practical sabhi braahmanon ki anguli umang­utsaah se pad rahi hai iseeliye sahaj ho raha hai। kharcha bhi khoob ho raha hai aur sahayog bhi khoob mil raha hai, milta rahega। abhi aage bhi to sahayog dena hai ya makaan ban gaya, bas। (abhi daadi ko mela karna hai) mela to uske aage kuchh bhi nahin hai। vo to sahaj hai। ye karodon ki baat hai vo laakhon ki baat hai। pharka hai na! achha hai, jo kaarya ho jaaye aur jitna turanta ho jaaye utna achha hai।

(12 baje raat tak bhaai­bahinon ne khoob geet gaaye phir baapdaada ne sabhi bachchon ko naye varsha (1995 ki mubaarak di)

chaaron or ke sabhi bachchon ko naye varsha keepdam padam padamguna mubaarak ho। is naye varsha mein yahi dridh sankalp karo ki sada khush rahenge aur sabhi ko dilkhush mithaai baantenge। kaisi bhi paristhiti ho, paristhiti chali jaaye lekin khushi nahin jaaye। koi aapko duhkh dene ki baaten bhi kare lekin ham sada sukh denge, sukh lenge-is dridh pratigya ke saath naye varsha ko aarambha kiya? to puraani baaton ko, puraani duniya ki baaton ko vidaai di? vaapas to nahin lenge? to sada vidaai ki badhaaiyaan ho, mubaarak ho। achha!