गुरुवार 19 जनवरी 1995 की अव्यक्त मुरली

>

19-01-95 om shanti avyakt baapdaadaamdhuban

brahma baap ke kadam par kadam rakh aagyaakaari aur sarvansh tyaagi bano

aaj behad ka baapdaada apne behad ke seva saathiyon ko dekh rahe hain। do prakaar ke saathi hain-ek hain sneh sambandh ka saath nibhaane vaale aur doosre hain sneh, sambandh aur seva ka saath nibhaane vaale। donon prakaar ke saathiyon ko dekh rahe hain। chaahe vishwa ke last kone mein bhi hain lekin baapdaada ke saamne hain। baapdaada aur bachchon ka vaayda hai ki kahaan bhi rahenge, jahaan bhi hain lekin sada saath hain। ye brahman jeevan aadi se ant tak baap aur bachchon ka avinaashi saath hai। chaahe bachche saakaar mein hain aur baapdaada aakaar niraakaar hain lekin alag hain kya? nahin hai na! to door ho ya sameep ho? ye dil ki sameepta saakaar mein bhi sameepta anubhav karaati hai। chaahe kisi bhi desh mein hain lekin dil ki sameepta saath ka anubhav karaati hai। alag ho nahin sakte, asambhav hai। parmaatma vaayda kabhi tal nahin sakta। parmaatma vaayda bhaavi ban jaata hai to bhaavi taali nahin tale। isliye sada sameep hain, sada saathi hain aur saathi ban haath mein haath, saath lete hue kitne mauj se chal rahe hain। mauj hai ki mehnat hai? thodi­thodi mehnat hai? jab koi baat aa jaati hai to baap kinaare ho jaata hai। koi baat ko nahin laao to baap nahin jaayega। baat baap ko kinaare karti hai। jaise beech mein koi parda aa jaaye, to parda aane se kinaara ho jaata hai na! to ye baat roopi parda beech­beech mein aa jaata hai। lekin laane vaala kaun? parde ka kaam hai aana aur aapka kaam kya hai? hataana ya thoda­thoda maja lena? baapdaada dekhte hain, bachche kabhi­kabhi baaton mein bade maje lete hain।

jisse pyaar hota hai, pyaar ki nishaani hai saath rehna। saath rahne ka matlab yeh nahin hai ki aabu mein rehna। aabu mein to dekho abhi thodi bhi sankhya jyaada hai to paani ki mushkil ho gai hai na! to saakaar mein saath rehna nahin lekin dil se saath nibhaana। agar dil se saath nahin nibhaate to madhuban mein hote bhi door hain। videsh aur last desh mein rehte bhi dil se sameep hain to vo saath hain। iseeliye baapdaada ko dilaaraam kehte hain, shareer raam nahin kehte। to dil baap mein hai na? baap ke dil mein aapka dil hai aur aapke dil mein baap ka dil hai। to dil jaane is roohaani saath ko। anubhvi ho na? ki yahaan se jaayenge to kahenge door ho gaye? nahin। sada saath nibhaana-yeh koi bhi aatma, aatma se nahin nibha sakti। ek hi param aatma aatmaon se saath nibha sakta hai। aur ye parmaatma saath nibhaane ka bhaagya aap sabhi bachchon ko hi hai na?

(aaj poore haal mein sabhi bhaai­bahinen pat par baithe hue hain) bahut achhi scene hai। baapdaada ko aaj ki sabha ka drishya dekh karke yaadgaar yaad aa raha hai। yaadgaar mein roodra maala dikhaate hain, usmein sirf face dikhaai dete hain, shareer nahin dikhaai dete। to yahaan se bhi sirf face hi dikhaai de rahe hain, baaki kuchh nahin dikhaai deta। to roodra maala ka yaadgaar dikhaai de raha hai। ek ke peechhe ek baithe hain na to shareer chhip gaye hain, face dikhaai de rahe hain।

ye hai sneh ka pratyaksha swaroop - brahma baap se sabhi ka sneh hai tab to aaye ho na! aur kahlaate bhi sabhi brahmaakumaar aur brahmaakumaari ho, shiv kumaar, shiv kumaari nahin kehte। to brahma baap se jyaada pyaar hai na! aur brahma baap ka bhi sada bachchon se pyaar hai। tabhi to avyakt hote bhi avyakt paalna kar rahe hain। avyakt paalna mil rahi hai na? ya aap kahenge ki hamne brahma baba ka anubhav nahin kiya hai? brahmaakumaar­brahmaakumaari kahlaate ho to kya bina baap ki paalna ke paida ho gaye! agar brahma baap ki paalna nahin hoti to aaj sirf niraakaar baap ki paalna se yagya ki rachna aur yagya ki vriddhi nahin hoti। double foreigners ko brahma baap ki paalna milti hai na? (haan ji) dekho, foreign mein baap jaata hai, to india mein nahin karta hai kya! to ulhana to nahin dete ki baba hamne dekha hi nahin! sada milte, sada dekhte, sada saath rehte hain। saakaar shareer mein, saakaar roop mein to sada saath nahin de sakte lekin avyakt roop mein sabhi ko saath de sakte hain। jab chaaho milan ke darvaaje khule hue hain। avyakt vatan mein nahin kahenge ki abhi jagah nahin hai, abhi time nahin hai, nahin। deh mein deh ke bandhan hain aur avyakt mein na deh ka bandhan hai, na deh ki duniya ke kaaydon ka bandhan hai। yahaan to kaayde rakhne padte hain na-aage baitho, peechhe baitho। abhi bhi samay pramaan bahut­bahut­bahut bhaagyavaan ho! phir bhi baithne ki jagah to mili hai na! phir to khade rahne ki bhi jagah mushkil hogi। kyonki aap sabhi ko auron ko chance dena padega। abhi to aap logon ko chance mila hai। jaise abhi dekho madhuban vaalon ko chance dena pada na! (sabhi madhuban nivaasi tatha aabu nivaasi sabhi paandav bhavan mein murli sun rahe hain) ye bhi parivaar ka pyaar hai।

brahma baap se pyaar arthaat baap samaan banna। niraakaar ke samaan banna, vo thode samay ka anubhav karte ho। lekin brahman arthaat sada brahma samaan brahmaachaari। jo brahma baap ka aachran vo hi sarva braahmanon ka aachran arthaat karma। uchchaaran bhi brahma baap samaan hai, aachran bhi brahma baap samaan hai, jisko kehte ho pholophaadar। to brahma baap ke har kadam par kadam rakhna isko kaha jaata hai pholophaadar। to brahma baap ne baap ke shreemat par pahla kadam kya uthaaya?

pahla kadam aagyaakaari bane। jo aagya mili usi aagya ko pratyaksha swaroop mein laaya। to check karo ki aagyaakaari ke pahle kadam mempholo father hain? amritvele se lekar raat tak mansa, vaacha, karmana, sambandh, samparka mein jo aagya mili hui hai usi aagya pramaan chalte hain? ki koi aagya paalan hoti hai aur koi nahin hoti hai? sankalp bhi aagya pramaan hai, ki mix hai? agar mix hai to full aagyaakaari hain ya adhoore aagyaakaari? har samay ke sankalp ki aagya spashta mili hui hai। amritvele kya sankalp karna hai ye bhi spashta hai na! to pholokarte ho ki kabhi paramdham mein chale jaate ho aur kabhi nidraalok mein chale jaate ho? har karma mein, har samay kadam par kadam hai? baap ka kadam ek aur bachche ka kadam doosra ho to use aagyaakaari nahin kahenge na! chaahe parmaartha mein, chaahe vyavhaar mein, donon mein jo jaisi aagya hai vaise aagya ko paalan karna-iski percentage check karo। check karna aata hai? to pahla kadam aagyaakaari bane, isliye aagyaakaari ko sada baap ki duaaen svatah milti hain aur saath­saath brahman parivaar ki bhi duaaen hain। to check karo ki jo bhi sankalp kiya, chaahe sva prati, chaahe seva ke prati, chaahe sthool karma ke prati ya anya aatmaon ke prati usmein sabki duaayen mili? kyonki aagyaakaari banne se sarva ki duaayen milti hain aur yadi duaayen mil rahi hain to uski nishaani hai ki duaaon ke prabhaav se dil sada santushta rahegi, man santushta rahega। baahar ki santushtata nahin lekin man ki santushtata। aur man ki santushtata yathaartha hai va miyaan miù§ hain-iski nishaani, agar yathaartha reeti se yathaartha aagyaakaari hain, duaaen hain to sada svayan aur sarva double light rahenge। agar double light nahin rehte to samjho man ki santushtata nahin। baap ki va parivaar ki duaaen bhi nahin mil rahi hain। parivaar ki bhi duaaen aavashyak hain। aise nahin samjho ki baap se hamaara connection hai, baap ki to duaaen hain, parivaar se nahin banta koi harja nahin। pahle bhi sunaaya ki maala mein sirf yugal daana nahin hai, usse maala nahin banti। to maala mein aana hai isliye poora lakshya rakho ki harek aatma mujhe dekhkar khush rahe, dekh karke halke ho jaayen, bojh khatma ho jaae। to dil ki santushtata va aagyaakaari ki duaaen svayan ko bhi light aur doosre ko bhi light banaayengi। isse samjho ki aagyaakaari kahaan tak hain? jaise brahma baap ko dekha har ek chhota­bada santushta hokar khushi mein naachta। naachne ke time to halke honge na tabhi to naachenge na। chaahe koi mota hai lekin man se halka hai to bhi naachta hai aur patla hai lekin bhaari hai to nahin naachega। to bol aise hon jo svayan bhi apne aapse santushta ho aur doosre bhi santushta rahen। aise nahin, hamaara to bhaav nahin tha, hamaari to bhaavna nahin thi, lekin bhaav aur bhaavna pahunchti kyon nahin? agar sahi hai to doosre tak vibrations kyon nahin jaata hai? koi to kaaran hoga na? to check karo duaaon ke paatra kahaan tak bane hain?

jitna abhi baap aur brahman aatmaon ki duaaon ke paatra banenge utna hi raajya ke paatra banenge। agar abhi brahman parivaar ko santushta nahin kar sakte, to raajya kya chalaayenge! raajya ko kya santushta karenge! kyonki brahman aatmaayen aapki royal family banenge to jo family ko santushta nahin kar sakte vo praja ko kya karenge? sanskaar to yahaan bharna hai na! ki vahaan yog karke bharenge! yahaan hi bharna hai। agar vartamaan brahman parivaar mein kaaran ka nivaaran nahin kar sakte, kaaran­kaaran hi kehte rehte hain, to jahaan kaaran hai vahaan nivaaran shakti nahin hai। agar parivaar mein nivaaran shakti nahin to vishwa ke raajya ko kya nivaaran karenge! kyonki aapke raajya mein har aatma sada nivaaran swaroop hai। vahaan kaaran honge kya? jaise abhi raajya sabha mein kaaran bataate hain-ye kaaran hai, ye kaaran hai, ye kaaran hai… vahaan aise raajya darbaar hogi kya? vahaan to sirf khush khairaaphat poochhenge। sirf darbaar nahin hai lekin bahut achha milan hai। to kaaran kahkar apne ko duaaon se vanchit nahin karo। brahma baap ne kaaran ko nivaaran kiya iseeliye number one hua। baapdaada ke paas sabhi ke kaarnon ke file hi ikatthehote hain। sabhi ke file hain-kiska chhota, kiska bada file hai। to abhi bhi file rakhni hai, file badhaate rehna hai ya refine hona hai? to aaj se file sab khatma kar den? phir doosra naya file to nahin rakhna padega। agar naya file rakha to fine padega। soch lo! bolo-khatma karen ki thoda din rakhen? shiv raatri tak rakhen! jo samajhte hain shivraatri tak thodi margin milni chaahiye, tab tak purooshaartha karke refine ho jaayenge, vo haath uthaao। achha hai, himmat rakhna bhi achhi baat hai। lekin sirf abhi himmat nahin rakhna। aise to nahin baapdaada ke saamne the to himmat thi, neeche utre to thodi himmat kam ho gai aur apne deshon mein gaye to aur kam ho gai। koi baat aai to aur kam ho gai। aise to nahin karenge? dekho jab koi bhi kaaran saamne aata hai aur kaaran ke kaaran himmat kam hoti hai, kamzori aati hai aur jab vo baat samaapta ho jaati hai to apne oopar sharma aati hai na! apne oopar hi sankoch hota hai ki ye achha nahin kiya, ye achha nahin hua। karke aur phir pashchaataap kare… ye to aapki praja ka kaam hai ya aapka hai? pashchaataap vaale kya raaja banenge? to socho saakshi sthiti ke sinhaasan par baith jaao aur apne aapko hi judge karo। apna judge banna, doosre ka judge nahin banna। doosre ka judge banna sabhi ko aata hai, doosre ka judge bahut jaldi ban jaate hain aur apna vakeel ban jaate hain। to saaksheepan ke sinhaasan par apne aapka nirnay bahut achha hoga।sinhaasan ke neeche rahkar judge karte ho to nirnay achha nahin hota। second mein takhtansheen ban jaao। ye sthiti aapka takhta hai। yathaartha sahaj nirnay ka takhta ye saaksheepan ki sthiti hai। saakshi nahin hote hain to doosre ki baat, doosre ki chalan vo jyaada saamne aati hai, apni nahin aati। agar saakshi hokar dekhenge to apni bhi najar aayegi, doosre ki bhi najar aayegi। phir judgement jo hogi vo yathaartha hogi, nahin to yathaartha nahin hoti। baapdaada ne pahle bhi sunaaya tha ki drama mein jo bhi baaten aati hain un baaton mein bahut achha akla hai lekin kabhi­kabhi brahman bachchon mein akla thoda kam ho jaata hai। baat aati hai aur chali jaati hai, lekin brahman bachche baat ko pakadkar baithte hain। baat rookti nahin, chali jaati hai lekin svayan baat ko nahin chhodte। to baaton mein akla jyaada hua ya braahmanon mein? baaten akla vaali hui na! kai bachche kehte hain do din se ye baat chal rahi hai, do ghante ye baat chali aur do ghante mein ganvaaya kitna? do din mein ganvaaya kitna? to akla vaale bano।

to pahla kadam aagyaakaari, doosra kadam hai sarvansh tyaagi। pahle aagyaakaari ki duaaen mili aur duaaon ke bal se sarvansh tyaagi। to tyaag mein bhi number one example brahma bana। deh ke sambandhon ka tyaag badi baat nahin hai। lekin deh ke puraane svabhaav­sanskaar ka tyaag zaroori hai। sambandh ka tyaag to aur dharma mein bhi karte hain lekin svabhaav­sanskaar ka sarva vansh sahit tyaag karna-isko kaha jaata hai sarvansh tyaagi। agar ansh maatra bhi deh ka svabhaav­sanskaar rah jaata hai to samay prati samay vo vansh badhta rehta hai aur vo vansh itna tej hota hai jaise laukik parivaar mein dekha hai na bade boodhe bade sheetal honge lekin potre­dhotre bahut tej honge। to agar koi vansh bhi puraana raha hua hai vo bhi ulti kamaal karke dikhaata hai। us samay ki haalat baapdaada dekhte hain bilkul aise lagta hai jaise koi duniya mein divaala nikaalte hain-to second mein lakhapti se kakhapti ban jaate hain। saare khazaane second mein khatma। phir mehnat karni pade na। isliye sarvansh tyaagi arthaat deh ke sambandh aur deh ke puraane svabhaav­sanskaar se tyaagi। kabhi bhi apni avastha ko check karo agar dhokha deta hai to kaun deta hai? svabhaav­sanskaar na! to tyaag ka bhaagya samaapta karne vaala ye svabhaav­sanskaar hain। aur baapdaada to braahmanon ke liye aur andar line karte hain ki tyaag ka bhi tyaag karo। ‘‘main tyaagi hoon’’-is abhimaan ka bhi tyaag। isko kaha jaata hai tyaag ka bhi tyaag। mainne kiya, sahan kiya, ye kiya, ye kiya-ye kathaayen nahin karo। agar kisne sahan bhi kiya to sahan ke peechhe shakti hai। sirf sahan nahin hai, sahan karna arthaat shakti dhaaran karna, isliye sahan shakti kehte hain। sahan karna arthaat shakti roop ko pratyaksha roop dikhaana। to achha hi hua na। kya sahan kiya? aur hi laabh le liya na! aur kiske prati sahan kiya? baap ke aagyaakaari banne ke liye sahan kiya, doosre ke liye nahin sahan kiya। baap ki aagya maani। to aagya ki duaaen milegi na! to sahan kya kiya? duaaen li na! baat ko saamne rakhte ho to sochte ho bahut sahan kiya, kab tak sahan karenge, sahan karne ki bhi koi had honi chaahiye। lekin jitna behad sahan, utni behad ki duaaen। kyonki baap ke aagyaakaari ban rahe hain। baap ne kaha hai sahan karo। to aagya ko maanna khushi ki baat hai ya majboori ki baat hai? majboori se sahan nahin karo। kai sahan karte bhi hain aur kehte bhi hain ki mere jaisa koi sahan nahin karta। phir daadiyon ko aakar bataate hain-aapko nahin pata hamne kitna sahan kiya! lekin nuksaan kya kiya! phaayda heeikattha hua।

to tyaag ki paribhaasha samjhi? dekho bhakti maarga mein bhi ye nishaani hai ki jab bali chadhaate hain to agar bali ka bakra chillaata hai to vo prasaad nahin maana jaata। ek dhak se bina chillaaye svaaha ho jaata hai to prasaad ho jaata hai। to bali ke bakre ko bhi kehte hain chillaaye nahin। aur aap kehte hain sahan kiya, sahan kiya to kya ye chillaana nahin hua? chaahe man mein, chaahe mukh se agar thoda bhi chillaate hain to prasaad nahin hua। baap ko sveekaar nahin hota hai to duaaen kaise dega? to kya karenge, thoda­thoda andar chillaayenge? thoda kone mein, bathroom mein, chhipkar ek­do aansu bahaayenge? thodi to chhutti milni chaahiye! maataaon ko bachche tang karen to kya karengi? thoda man mein to royengi? maataayen man mein roti ho? thoda­thoda roti ho! aur bhaai kya karte hain? vo aankhon se nahin rote hain lekin krodh karke andar se ro lete hain। josh aana bhi rona hai। to paandav sena kya samajhti hai? thoda rone ki chhutti chaahiye? jisko thodi­thodi chhutti chaahiye vo haath uthaao। nahin chaahiye? to aaj se rone ka file bhi khatma, ki sirf taali bajaakar khush kar diya? phir to aaj se post bhi kam ho jaayegi। post ka phaaltu kharcha gyaan sarovar ke liye bach jaayega, jab koi aisi baat aaye to post ke paise bhandaari mein daal dena। gyaan sarovar mein to abhi bhi lagna hai na।

gyaan sarovar se pyaar sabhi ka bahut achha hai। gyaan sarovar se pyaar arthaat seva se pyaar। sthaan se pyaar nahin hai lekin seva ke nimitta sthaan hai to seva se pyaar। jo bhi sabhi yahaan baithe hain koi aisa hai jisne gyaan sarovar mein apna kanaadaana nahin daala hai? jinhonne daala hai vo haath uthaao। sabhi ne kiya hai। madhuban vaale, hospital vaale, sevaadhaari sabhi daalte hain? to sabke sahayog se dekho kitna achha seva ka sthaan ban gaya। sabhi ko achha laga na, pasanda aaya? haan, rahne mein thodi takleeph hui hai lekin theek ho jaayega। phir doosre baari aayenge to mauj manaayenge। abhi to kabhi garam paani nahin, kabhi thanda paani nahin। naye makaan mein hota hai। lekin gyaan sarovar mein rahne vaale sabhi khush hain? sunaaya na aap to phir bhi bahut­bahut­bahut bhaagyavaan ho। bhakti maarga ke mele mein to mitti par sote hain, yahaan gadela, rajaai to mili hai na! to sab achhe soye hue hain? naya bistara hai, naya makaan hai। phir bhi dekho itnon ko aane ka chance to mila hai na! achha, daadiyon ko gyaan sarovar pasanda hai na!

gyaan sarovar mein do lakshya hain - ek to vishesh seva, doosra braahmanon ka asylum। to donon lakshya ke kaaran isi vidhi se banaaya hai। yahaan paandav bhavan mein sivaae braahmanon ke allow nahin karte lekin vahaan anek samparka vaale najdeek sambandh mein aayenge। jo naam hai eeshvareey vishvavidyaalay, to jo naam hai vidyaalay us naam ko bhi pratyaksha karenge। to double seva hai na? yahaan braahmanon ke hisaab se bana hua hai aur vahaan vishwa ki sarva aatmaon ke hisaab se। isliye antar ho gaya na, lakshya mein antar ho gaya। achha!

aur kadam phir peechhe bataayenge। lekin ye donon kadam achhi tarah se check karna aur yaad rakhna file saare khatma। bhool nahin jaana। kaun se file? kaaran ke aur rone ke। josh bhi rona hai। aaveshta mein aana ye bhi man ka rona hai। vo samajhte hain hamne roya thode hi। lekin man mein to bahut roya। to donon file khatma! fine nahin daalna apne oopar, refine banna।

brahma baap apne aadi saathiyon ko dekh karke khush ho rahe hain। saathi ho na? teachers sab saathi ho na? paandav bhi aadi saathi hain to shaktiyaan bhi saathi hain। right hand hain isliye brahma ki anek bhujaayen dikhaai hain। bhuja arthaat sahayogi­saathi। sabhi right hand ho na? yahaan left bhi right ho jaata hai। left ko left nahin kahenge, sarva saathi kahenge। achha! chaaron or se aaye hain।

ek hain bhaarat ki seva ke nimitta sabhi zone। to bhaarat ke sevaadhaari bachchon ko baapdaada seva ki mubaarak bhi dete hain aur saath­saath sada sapoot aur saboot dene vaale bachchon ko vishesh divya gunon ki jvelri gift mein de rahe hain। sapoot ki nishaani hai saboot dena arthaat pratyaksha pramaan dikhaana। to sapoot bachche apna­apna saboot arthaat seva ke phal ka pramaan dikha rahe hain aur aage bhi dikhaate rahenge। iske liye jo sapoot bachche hote hain unhon ko baapdaada, maa sada badhiya te badhiya shrringaar karte hain, sajaate hain। jo achha bachcha lagta hai usko sada badhiya cheez dete hain। to yahaan to sabhi ek­do se badhiya ho। isliye baapdaada aise sapoot aur saboot dene vaale bachchon ko vishesh divya gunon ki jvelri gift mein de rahe hain। to ye gift sambhaal ke rakhna। kaanon mein bhi pahanna aur mastak par bhi pahanna, sir par taaj pahanna, utaarna nahin। maaya ko chori karne nahin dena। maaya ko bhi pata pad raha hai ki inhon ko gift mil rahi hai। to double lock hai na? yaad aur seva donon ke balance mein sada rehna arthaat double lock lagaana। to sabhi ke paas double lock hai ya ek lock hai ek dheela hai? dekhna chaabi to nahin kho gai hai। aap samjho chaabi bahut sambhaal ke rakhi hai lekin jab aavashyakta ho to dikhaai na de, aise to nahin? achhe hain!

(baapdaada ne sabhi jonsa ke bhaai­bahinon se se haath uthvaaye)

dilli -chaabi sambhaal ke rakhna। maaya billi nahin aa jaaye dilli mein! dilli vaale kya karenge? bade­bade mike laana, chhote nahin। kyonki dilli ka aavaaj sahaj chaaron or phailta hai। dilli ki news international news hoti hai। isliye dilli vaalon ko ek mike nahin, mike ka group laana hai। jhanda lahraana hai। dilli mein raajya ka jhanda lahraayenge to raajya ke flag ke pahle seva ka flag। to ek mike nahin laana, jhunda laana। ek ka aavaaj chaaron or nahin phailta phailta। sangathan mein aate hain to sabki najar jaati hai।

panjaab, hariyaana, himaachal, jammu - panjaab to hai hi sher, sher ke aage billi kya aayegi! panjaab sher hai na!

bangaal, bihaar, udeesa, nepaal, aasaam - ye paanch nadiyaanikatthi hain। achha hai, paanchon ka milan hai। sabse pahle bangaal mein sooryoday hota hai to maaya ka andhakaar to aa nahin sakta। achha hai abhi thodi aur sankhya ko badhaao। koi vaaris nikaalo, paanch pradesh hain, to paanchon pradeshon se achhe se achhe vaarison ko stage par laao। agar gupta hain to stage par laao। agar nahin hain to nikaalo। doosre season mein sabse jyaada sankhya in paanch nadiyon ki honi chaahiye। samjha?

yu.pi., banaaras - yu.pi. banaaras kya karenge? bhakta to jyaada yu.pi. mein hain। to bhakton ka jaldi­jaldi kalyaan karo, bichaare bhatakte rehte hain। kabhi kumbha ke mele mein, kabhi kisi mele mein, kabhi mandiron mein to kabhi kahaan, bhatakne vaale bhakton ko baap ka parichay dekar madhuban tak pahunchaao। samjha?

raajasthaan -raajasthaan kya karega? raajaaon ko phir se raajya­bhaagya ke adhikaari banaao। jab naam hi raajasthaan hai to kitne raajaayen honge। ab raajaayen nahin hain, lekin raajaayen bana to sakte ho na। kitni duaayen denge ki hamko phir se raajya adhikaari banaaya! to himmat hai na? raajasthaan, aisa group taiyaar karo jo saare raajaayen, raajya adhikaar ki khushi mein madhuban ki stage par dance kare।

baambe, mahaaraashtra - mahaaraashtra ki dharni to bahut achhi hai, uski mubaarak hai। lekin abhi baambe va mahaaraashtra ek vaaris quality ka group taiyaar karo। jaise vo raajaaon ka group laayenge to mahaaraashtra va baambe vaarison ka group laaye। la sakte hain? dekhenge doosre season mein vaarison ka guldasta aayega। achha।

gujraat -vo to chul par aur dil par hai। chul par hai tabhi dekho roti achhi banaate hain na! to dil ke chul par hain aur saath­saath himmat ki mubaarak to baapdaada sada hi gujraat ko dete hain। gujraat vaaris bana sakta hai। gujraat mein vaaris quality nikal sakti hai। jaise baambe vaaris quality ka group banaayenge aap mahaavaaris ka group banaao। dharni achhi hai। abhi quantity mein jyaada lag gaye hain, pahle­pahle kuchh vaaris nikle, abhi quantity mein quality chhip gai hain। naam lete hain to dikhaai dete hain, isliye abhi phir se vaaris quality nikaalo। ek vaaris hajaaron quantity ke barobar hai। samjha gujraat kya karega? mahaavaaris laayenge, one number lenge na! sabhi number one lena, tu koi nahin lena।

taamilnaadu -taamil vaale kaun­sa group laayenge? taamil mein sthool knowledgeful quality bahut achhi hai। to jo knowledge ki authority kahlaai jaati hai aise authority vaalon ka group taiyaar karke laana। himmat hai na? saara group knowledge ke authority vaale ho। ye bhi chhote­chhote mike ho jaate hain।

karnaatak -karnaatak vaale kaun­sa group laayenge? gyaan ka naatak karne vaale। vahaan jo bhi dharma ke nimitta, dharma aatmaayen sambandh­samparka mein hain unhein bachchon ke roop mein group banaakar lekar aayen। dharma neta bankar nahin aave, chaandi ki kursa chaahiye, vo chaahiye… nahin। lekin dharma netaaen bachche bankar aayen। to jaise raajya adhikaariyon dvaara naam baala hota hai vaise dharma netaaon dvaara bhi, ye bhi bade mike hain, to aisa group laao। ek dharma aatma nahin laana, sangathan mein laana। dharma netaaon ko sambhaal sakenge ki vo aapas mein hi ladenge? nahin, bhaavna vaale hain, chaahe dharma netaayen bhi hain phir bhi maataaon mein bhaavna achhi hai। isliye kanaartak vaale dharma netaaon ka naatak dikhaana। achha!

aandhra pradesh - aandhra vaale kya karenge? aandhra mein bhi achhe­achhe position vaale hain aur bhaavna vaale bhi hain isliye aandhra vaalon ko jo aajkal ke naameegraami gaaye hue hain un sabhi ko baap ke ghar mein pahunchaao। samjha? dekhenge kaun apna achha group laata hai? agle season mein sab group­group aayenge na! dekhenge number one, tu, three kaun hain? tab to pratyakshata hogi na! nahin to kaise hogi?

Indore -sankhya to achhi hai Indore ki। Indore vaale kya karenge? Indore mein bhi naameegraami achhe hain, jisko seth log kehte hain na, to seth log bahut hain। to sethon ka group laana। jab sabhi sethon ka group aayega to kitna achha lagega। koi topi vaale, koi pagdi vaale। Indore vaale kya samajhte hain? baapdaada ne Indore mein bheja hi hai sethon ki seva ke liye। lekin abhi tak koi seth nahin aaya hai। aap logon ko pahle seth ke paas bheja na। lekin vo kahaan aaya hai? kitne seth aaye hain? chhote­chhote business vaale nahin, seth log। to ek seth aayega to uske sevaadhaari kitne hote hain! to kitne aa jaayenge? lekin abhi saahookaar saahookaar nahin hai, chinta ke ghar hain। isliye abhi samay badal raha hai। abhi woh saahookaari ka nasha nahin hai। apne bachne ka nasha hai। saahookaari ka nahin।

bhopaal, aagra - aagra ne to abhi kaam poora nahin kiya hai। taajamhal ke saath gyaan ke taaj ka saakshaatkaar ho, abhi vo soch rahe hain। abhi pahle aagra vaalon ko vo hi karna hai। samjha! peechhe group laayenge। jab sthaan ban jaayega to international group laayenge।

achha, bhopaal vaale kya karenge? vahaan chhote­chhote mike bahut hain। edmiynistri ke log bahut hain। to chhote­chhote mike ke group bhi aavaaj phaila sakte hain। vahaan bhi officer quality achhi hai। to achhe­achhe seva mein sahayogi officers group sameep aane vaale aur laayenge, laate hain lekin aur sameep laayenge। to kitne group aayenge? bahut group aayenge na। aur sab variety group dekhkarke aap kya karenge? taali bajaayenge। pratyakshata ki taali bajaana, ye taali nahin। to sabhi khush ho na? achha।

is group mein beemaar aaye hue hain? beemaar jo aaye hain woh haath uthaayen। koi nahin hai। is samay sab tanduroosta hain, beemaari bhool gai। hospital mein patient aaye hain? nahin aaye hain। to ye group achha hua na patient koi nahin hai। patience mein rahne vaale hain isliye patient nahin hain। achha।

double videshi - double videshiyon ko baapdaada dil se yaad­pyaar ke saath­saath duaaon ki gift de rahe hain। kyonki inhon ki himmat bhaaratvaasiyon se bhi jyaada hai। kai deevaaren paar kar baap ke bane hain। isliye baapdaada sada umang­utsaah ke pankh dekar udaate rehte hain, is himmat ki duaaon ke saath sabhi deshon ke bachchon ko vishesh gift de rahe hain aur yahi gift lift ka kaam karegi। mehnat nahin karni pade। samjha? abhi pankhon ki gift ko sada saath rakhna। duaaen sada saath rakhna। achha hai, sab deshon se thode­thode pahunch jaate hain yahi baapdaada ko dekh­dekh khushi hoti hai। kaise bhi circumstance ho lekin dil ki duaaen salvation ban jaati hain isliye pahunch jaate hain। ek bhi group videshiyon ke bina nahin gaya hai। har group mein hain, to haajir­naajir ho gaye na!

madhuban nivaasi, hospital parivaar - (madhuban nivaasi, hospital vaale sab paandav bhavan mein baith murli sun rahe hain) unhon ka khyaal aa raha hai। madhuban vaale to har roj ki lottery lene vaale hain। kitni lottery milti hai। mehnat nahin karni padti hai, lottery aa jaati hai। chaahe madhuban mein ya hospital mein ya gyaan sarovar mein, neeche­oopar jo bhi hain, roj ki lottery nikalti hai। aur lottery se hi chal rahe hain। aaraam se kha pi rahe hain। centre vaalon ko kitni mehnat karni padti hai bhandaari bharne ki aur madhuban vaalon ki bhandaari aur bhandaara sada bharpoor hai। madhuban hai kharcha karne vaale aur madhuban mein ikatthaakarne vaale centre vaale hain। to centre vaale kamaau bachche ho। to kamaane ka nasha apna, lottery ka nasha apna। to sabko apna­apna bhaagya mila hua hai। kisi ka bhaagya kisi se kam nahin। kyonki bhaagya vidhaata ke bhaagya ka bhandaara bharpoor hai। iseeliye sabka ek­do se jyaada bhaagya hai। sirf apna­apna hai lekin hai ek­ek ka ek­do se badhiya। achha!

teachers -teachers kaun hain? right hand hain na! right hand ke bina koi kaam nahin hota। baap ke kaarya ko saphal karne vaale right hand। achha।

chaaron or ke sarva baapdaada ke sneh ko pratyaksha karne vaale, pholophaadar karne vaale shreshtha aatmaayen, sada baapdaada ke kadam par kadam rakhne vaale aagyaakaari shreshtha aatmaayen, sada dridh sankalp dvaara brahma baap samaan sarvansh tyaagi vishesh aatmaayen, sada sapoot ban har samay saboot dene vaale supaatra aatmaon ko baapdaada ka yaad­pyaar aur namaste।

daadiyon se - sab sahaj sampanna ho raha hai na? khushi sab bhula deti hai। khushi ke aage aur kuchh lagta nahin। to madhuban hai khushiyon ki khaan। khushi ke kaaran sab sahaj ho jaata hai। chaahe khaana mile, nahin mile lekin khushi ki khuraak milti rehti hai। (sabha ko dekhte hue) sabhi bahut khush ho na? ki thodi­bahut kami rah gai? nahin। khushiyon ki khaan par aa gaye ho na! kuchh bhi ho lekin santushtata ka vardaan mila hua hai। to santushtata ka phal hai prasannata। sab prasanna rehte hain। neeche­oopar bhi hoga phir prasanna ho jaate hain। agar prasanna chitta aatmaayen dekhni ho to kahaan dekhen? madhuban mein ya centre par bhi? prasannachitta dekhna ho to braahmanon ko dekho। sada santushta, sada prasanna chitta। chitta mein aur kuchh hai kya? prasannata hi prasannata। aise hai na! sabhi prasannachitta hain ki prashnachitta hain? aisi koi sabha hogi jo sab muskaraate rahen? aur satsang mein jaao to koi ka chehra kaisa hoga, koi ka kaisa hoga? aur yahaan sabke chehre dekho to kya hain? muskaraate hue। braahmanon ke muskaan ki nishaani devtaaon ke chitra mein bhi dikhaate hain। vo kiske chitra hain? aapke hain na? ki badi daadiyon ke hain? aapke mandir hain? kaun­si devi ya devta ho? maaloom hai? ganesh ho, hanoomaan ho, deviyaan ho, kya ho? koi bhi devi­devta ho lekin divyagundhaari aatma devta hai। phir koi hanoomaan kahe ya ganesh kahe ya devi kahe, lekin divyagundhaari dev aatma ho।

achha - (daadiyon se) aap logon ko maaloom padta hai ki aapke bhakta kis samay praarthana karte hain? jis samay bhakta pukaarte hain to aap logon ko maaloom padta hai? ki apni masti mein masta rehte hain? bichaare bhakta aise hi chillaate hain! feel hota hai na! bhakton ke pukaar ki feeling zaroor aati hai। tab to shubh bhaavna, shubh kaamnaayen dete ho na! vaayumandal mein shanti kyon phailaate ho, light house, might house kyon bante ho? sarva bhakta aatmaayen ya anya aatmaayen santushta, khush rahe, shant rahe। (daadi jaanki se) vishwa ke gole par khadi ho na! ki london ke gole par khadi ho? vishwa ke gole par hain na! madhuban ke gole par nahin, vishwa ke gole par। aana aur jaana to practice hai। abhi aana­jaana kya lagta hai? videsh lagta hai ya ghar lagta hai? ghar se haal mein aaye ya haal se ghar mein aaye! achha-london vaalon ko bhi vishesh seva ki mubaarak। mushkil ko sahaj karna ye ek achha example hai। achha hai koi ne tan se, koi ne man se, koi ne dhan se, sarva ke sahayog se hi saphalta mili hai aur milti hi rahegi। london bhi videsh ka light house hai। jaise bhaarat ke liye madhuban light house hai to london bhi light house hai। isliye donon daadiyon se bahut pyaar hai na। donon ka baap se pyaar aur baap ka inhon se pyaar aur sabka bhi daadiyon se pyaar। bahut pyaar hai na! achha hai pyaar hi kila hai। agar pyaar ka kila nahin hota to yagya ki sthaapna ka kaarya hilta lekin pyaar ka kila avinaashi akhanda banaakar chala raha hai। jodi achhi hai। pyaar rakho to aise pyaar rakho, pyaare bhi aur nyaare bhi। achha!

(jvel oph light pustak ka hindi anuvaad (ratna prabha - daadi prakaash­mani) chhapvaaya gaya hai jiska baapdaada ne apne haston se anaavran kiya) jo bhi ho raha hai vo seva ko aur udti kala mein le jaane ka saadhan hai। ye bhi seva ka saadhan hai, aise hi sevaaon ki pratyakshata hote seva karaane vaala baap pratyaksha ho jaayega। saadhan achhe hain - pratyakshata ke liye।

achha - om shanti।