शुक्रवार 22 दिसंबर 1995 की अव्यक्त मुरली

>

22-12-95 om shanti avyakt baapdaadaamdhuban

‘‘sarva praapti sampanna jeevan ki visheshta hai - aprasannata mukta aur prasannata yukta’’

aaj pyaar ke saagar baapdaada apne prem swaroop aatmaon ko dekh rahe hain। har ek ke dil mein parmaatma pyaar samaaya hua hai। ye parmaatma pyaar praapta bhi ek hi janma mein hota hai। 83 janma dev aatmaayen va saadhaaran aatmaon dvaara mila। socho,yaad karo, saare kalpa ka chakkar lagaao-svadarshan chakradhaari ho na! to ek second mein saare kalpa ka chakkar lagaaya? 83 janmon mein parmaatma-pyaar mila tha? nahin mila। sirf is sangam par ek janma mein parmaatma pyaar praapta hua। to antar ko jaan liya na! aatmaon ka pyaar aur parmaatma pyaar-kitna antar hai! saadhaaran aatmaon ka pyaar kahaan le gaya? kya praapta karaaya - anubhav hai na? aur parmaatma-pyaar kahaan le jaata?apne sweet hom aur sweet raajdhaani mein। aatma-pyaar raajya-bhaagya ganvaata hai aur parmaatma-pyaar raajya-bhaagya dilaata hai, aur isi janma mein। aise nahin ki sirf bhavishya ke aadhaar par chal rahe ho। nahin। direct parmaatma praapti to ab hai। vartamaan ke aage bhavishya bhi kuchh nahin hai। aap log geet gaate ho na ki svarga mein kya hoga aur kya nahin hoga। aur abhi ka geet kya hai? jo paana tha vo pa liya… va paana hai? pa liya। paandavon ne pa liya? gopiyon ka to gaayan hai hi। is samay ka gaayan hai ki apraapta nahin koi vastu braahmanon ke khazaane mein। devtaaon ke khazaane mein nahin, braahmanon ke khazaane mein। to abhi brahman ho na? to anubhav karte ho ki apraapta nahin koi vastu? aur ye praaptiyaan avinaashi hain, alpakaal ki nahin hain। to jisko sarva praaptiyaan hain uske jeevan mein kya visheshta hogi?sab praaptiyaan hain, ek bhi kam nahin hai to uski chalan aur chehre mein kya visheshta dikhaai degi?sada prasannata। kuchh bhi ho jaaye lekin sarva praaptivaan apni prasannata chhod nahin sakta। aprasannata kabhi bhi hoti hai to check karo ki apraapti ka anubhav hota hai ya sarva praaptiyon ka?

aaj baapdaada ne bahut hi, sevaakendra aur up-sevaakendra dekhe, videsh mein nahin, desh mein sevaakendra dekhe। sevaakendra mein vishesh to sevaadhaari hain,to aaj chakkar lagaate hue sevaadhaari aur sevaasthaan,donon dekhe। har ek sthaan mein, chaahe chhote,chaahe bade,sabhi mein check kiya ki sevaadhaari tan se, man se,dhan se aur seva ke sambandh-samparka se kitne prasanna hain?kyonki vishesh to yahi baaten hain na! to kya dekha?

tan to sabke puraane hain hi,chaahe javaan hain, chaahe bade hain, chhote aur hi badon se bhi kahaan-kahaan kamzor hain, chaahe beemaari badi hai lekin beemaari ki mahsoosta ki main kamzor hoon,main beemaar hoon - ye beemaari ko badha deti hai। kyonki tan ka prabhaav man par aa gaya to double beemaar ho gaye। tan aur man donon se double beemaar hone ke kaaran baar-baar soul conscious ke bajaay beemaari conscious ho jaate hain। to kya dekha? ki tan se to majority, beemaar kaho ya hisaab-kitaab chuktu karna kaho, kar rahe hain, lekin50 percent double beemaar aur 50percent single beemaar hain। baaki hona kya chaahiye?kabhi bhi man mein beemaari ka sankalp nahin laana chaahiye-main beemaar hoon, main beemaar hoon… lekin hota kya hai? ye paath pakka ho jaata hai ki main beemaar hoon… kabhi-kabhi kisi samay beemaar hote nahin hain lekin man mein khushi nahin hai to bahaana karenge ki mere kamar mein darda hai। kyonki majority ko ya to taang darda, ya kamar ka darda hota hai, kai baar darda hota nahin hai phir bhi kahenge mere ko kamar mein darda hai। abhi uski checking kaise ho? doctors ke paas iska koi thermometer hai,jo kamar darda hai ya nahin vo check kar sake?X-ray karaao,ye karaao,vo to aur hi kharcha lagaao। to kya dekha, tan ke baare mein sunaaya। kai sevaadhaari aise dikhaai diye। sevaadhaari aap sabhi ho। aise nahin samajhna sirf teachers ki baat hai। sevaadhaari aap pravritti vaale bhi ho na? ki jo centres par rehte hain vo sevaadhaari hain? aap log pravritti mein rahne vaale bhi sevaadhaari ho। kabhi aapke gharon ka bhi chakkar lagaayenge। dekhenge ki kaise sote ho,kaise uthte ho? double bed hai,single bed hai?achha ye to aaj ke chakkar ki baat hai।

aajkal ke hisaab se davaaiyaan khaana ye badi baat nahin samjho। kyonki kaliyug ka vartamaan samay sabse shaktishaali fruit ye davaaiyaan hain। dekho koi rang-birangi to hain na। kaliyug ke last ka yahi ek fruit hai to kha lo pyaar se। davaai khaana ye beemaari yaad nahin dilaata। agar davaai ko mazboori se khaate ho to mazboori ki davaai beemaari yaad dilaati hai aur shareer ko chalaane ke liye ek shakti bhar rahe hain, us smriti mein khaayenge to davaai beemaari yaad nahin dilaayegi,khushi dilaayegi to bas do-teen din mein davaai se theek ho jaayenge। aajkal ke to bahut naye fashion hain, kaliyug mein sabse jyaada invention aajkal davaaiyaan ya alag-alag therapy nikaali hai, aaj phalaani therapy hai, aaj phalaani,to ye kaliyug ke season ka shaktishaali phal hai। isliye ghabraao nahin। lekin davaai kaanses,beemaari kaanses hokar nahin khaao। to tan ki beemaari honi hi hai,nai baat nahin hai। isliye beemaari se kabhi ghabraana nahin। beemaari aai aur usko fruit thoda khila do aur vidaai de do। achha ye hua tan ki result। phir aur kya dekha?

man,man mein kya dekha? ek baat khushkhabri ki ye dekhi ki majority har ek sevaadhaari ke man mein baap ka pyaar aur seva ka umang donon hain। baaki 25percent koi mazboori se chal raha hai, vo chhodo। lekin majority ke man mein ye donon baaten dekhi। aur ye bhi dekha ki baap se pyaar hone ke kaaran yaad mein bhi shaktishaali ho baithne ka,chalne ka, seva karne ka attention bahut dete hain lekin khel kya hota hai ki chaahte hain ki yaad ki seat par achhi tarah se set hokar baith jaayen lekin thoda time to set hote hain phir hilna-dulna shuru hota hai। jaise bachcha hota hai,usko jyaada time seat par bithaao to hilega zarur। to man bhi agar control mein,order mein nahin hai to thoda time to bahut achhe baithte hain, chalte hain,seva bhi karte hain lekin kabhi set hote hain, kabhi upset bhi ho jaate hain। kaaran kya hai?hona set chaahte hain lekin upset kyon hote hain? kaaran kya hai? ekaagrata ki shakti, dridhta ki shakti, uski kami hai। plan bahut achha sochte hain, aise baithenge,ye anubhav karenge phir ye seva karenge,phir aise chalenge, lekin karma karne mein ya baithe-baithe bhi dridhta ki shakti kam ho jaati hai। aur baaton mein man-buddhi but jaate hain। chaahe kaam mein busy nahin hai lekin vyartha sankalp ye sabse bada kaam hai jo apne taraph kheench leta hai। to sthool kaam nahin bhi ho lekin dridhta ki shakti bantane ke kaaran man aur buddhi seat par set hone ke bajaae halchal mein aa jaate hain।

baapdaada ne aap sabko jo kaam diya tha vo dekha। baapdaada ke paas sab chitkiyaan pahunchi। lekin kai bachche bade chaalaak hain। chaalaaki kya karte hain?chitki likhte hain lekin naam nahin likhte। aise samajhkar karte hain baba to jaanta hai। jaanta hai, phir bhi agar kaam diya hai to kaam to poora karo na। teacher agar kahe ye likhkar aao aur teacher ko kaho ki aap to jaante ho na - mujhe ye likhna aata hai, to teacher maanega?to kai to naam hi nahin likhte। lekin jo bhi jis group mein kaam diya hai,majority sabki ye khushi ki baat dekhi, ki sabne likha hai ki ham diamond jubilee tak karke dikhaayenge। ye majority ka hai। aap sabka bhi hai?jeevanmukta ho jaayenge?agar sabhi baaton se mukta ho gaye to kya ho jaayenge? jeevanmukta ho jaayenge na। to sabhi ne apni himmat,umang achha dikhaaya hai, chaahe foreign vaalon ne, chaahe bhaarat vaalon ne,umang-utsaah sabhi ka achha hai। koi-koi ne, bahut thodon ne likha hai,ki hamko time lagega। lagne do unhon ko। aap log to jeevanmukta ho jaao। to result mein dekha ki sabhi ko umang hai ki diamond jubilee mein kuchh karke dikhaayen। lekin baapdaada ne dekha ki jitna apne aapko diamond banaane ka umang-utsaah hai, utna hi diamond jubilee varsha mein sevaaon ke plan bhi bahut fast banaaye hain। fast banaaye hain ismen baapdaada khush hai lekin aisa nahin kehna ki bahut seva ka bojh tha na iseelie thoda neeche-oopar ho gaya। ye baapdaada nahin chaahte। seva jo svayan ko va doosre ko disturb kare vo seva nahin hai, svaartha hai। aur nimitta koi na koi svaartha hi hota hai isliye neeche-oopar hote hain। chaahe apna, chaahe doosre ka svaartha jab poora nahin hota hai tab seva mein disturbance hoti hai। isliye svaartha se nyaare aur sarva ke sambandh mein pyaare bankar seva karo,tab jo sankalp kiya hai va lakshya rakha hai ki diamond jubilee mein diamond ban diamond jubilee manaayenge, woh poora ho sakega। aadha nahin yaad karna। kai aise javaab dete hain,kehte hain diamond jubilee to manaane ki thi to manaaya,usmein busy ho gaye। lekin baapdaada ke donon shabd yaad rakhna। aadha nahin। diamond ban,diamond jubilee manaani hai। sirf manaani hai nahin,bankar manaani hai। to matlab ka arth nahin lena - mana liya na। lekin bankar manaaya?bankarke manaana - ye hai diamond jubilee ka lakshya। to aadha lakshya nahin poora karna। double hai - banna aur manaana। sirf banna nahin, sirf manaana nahin। donon saath-saath ho। aur aap sabko maaloom hai ki jab aap diamond jubilee ke va diamond banne ke plan bana rahe ho to aap sabse pahle maaya bhi apna plan bana rahi hai। isliye ye nahin kehna - kya karen baba, himmat kam ho gai, maaya bahut tej hai,maaya ko apne paas rakho। raajya aap karenge aur maaya ko baba sambhaalenge! raajya to aapko karna hai na। maayaajeet jagatjeet banta hai, to maaya ko jeetne ke bina jagatjeet kaise banenge? iseeliye chaaron or attention please। samjha?achha।

chakkar ka aadha sunaaya,aadha phir sunaayenge। centre koi-koi to bahut achhe saje-sajaaye aur koi simple to koi bahut royal,koi beech ke bhi the। jyaada hain jo samajhte hain ki royal lage, koi vi.aai.pi. aave to usko lage ki centre achha hai, lekin apna (braahmanon ka) aadi se ab tak ka niyam hai ki na bilkul saada ho, na bahut royal ho। beech ka hona chaahiye। brahma ne to bahut saadhaaran dekha aur raha। lekin abhi saadhan hain,saadhan dene vaale bhi hain phir bhi koi bhi kaarya karo to beech ka karo। aisa bhi koi na kahe ki yeh kya laga diya hai - pata nahin, aur na koi kahe ki ye to abhi raajaai thaath ho gaya hai। to aaj ka paath kya hai? mukta to sabse ho gaye na! sabse mukta hone ki pratigya ho gai hai na! pakki hai ya ghar jaayenge to kahenge ki mushkil hai! pakka rehna। maaya ko diamond jubilee mein maza chakhaakar dikhaao। master sarvashaktimaan ho, kam to nahin ho!

achha,double phorenarsabhi bahut aaye hain। sthaapna ke kaarya ki double shobha-double videshi hain। baapdaada jaante hain ki kitne mehnat se, yukti se yahaan pahunchte hain। agar lagan kam ho to pahunchna bhi mushkil lage। ek taraph baapdaada sunte hain ki mani down ho gai hai aur doosre saal dekhte hain to aur bhi videshi jyaada aa gaye hain। to ye himmat hai। Russia ka group bhi aaya hai na! Russia vaalon ne ticket kahaan se laai? inhon ki kahaaniyaan bahut achhi sunne vaali hain। ticket kaise ikatthi karte hain, uski kahaani bahut achhi hai। ye to sab hona hi hai। jab hai hi kaagaz, paper hi to hai, chaahe dollar kaho, chaahe pound kaho, hai to paper hi, to paper kahaan tak chalega! sone ka moolya hai,heere ka moolya hai, paper ka kya hai?mani down to honi hi hai। aur aapki mani sabse jyaada moolyavaan hai। jaise shuru mein akhbaar mein dalvaaya tha na ki om mandali-richest in di world। kamaai ka saadhan kuchh nahin tha। brahma baap ke saath ek-do samarpan hue aur akhbaar mein daala richest in di world। to abhi bhi jab chaaron or ye sthool halchal hogi phir aapko akhbaar mein nahin daalna padega। aapke paas akhbaar vaale aayenge aur khud hi daalenge,T.vi. mein dikhaayenge ki brahmaakumaareez richest in di world। kyonki aapke chehre chamakte rahenge,kuchh bhi ho jaaye। din mein khaane ki roti bhi nahin mile to bhi aapke chehre chamakte rahenge। to chaaron or hoga duhkh aur aap khushi mein naachte rahenge। isi ko hi kehte hain mirooa maut malu ka shikaar। isliye baapdaada ne aaj kaha ki brahman jo sachche hain, brahman jeevan mein shreshtha jeevan ke lakshya vaale hain uski visheshta hai prasannata। chaahe koi gaali bhar de rahe ho to bhi aapke chehre par duhkh ki lahar nahin aani chaahiye। prasannachitta। gaali dene vaala bhi thak jaayega…,ho sakta hai?yeh nahin ki usne ek ghanta bola, mainne sirf ek second bola। second bhi bola ya socha, shakla par aprasannata aai to fail ho gaye। itna sahan kiya na, ek ghanta sahan kiya, phir gubbaare se gas nikal gai। to gas vaale gubbaare nahin banna। aur chaahiye hi kya? baap mila, sab kuchh mila - geet to yahi gaate ho na। to aise time par aisi-aisi baaten yaad karo to chehra nahin badlega। aise nahin uske aage jor-jor se hansane lag jaao,to vo aur hi garam ho jaaye। prasannata arthaat aatmik muskaraahat। baahar ki nahin, aatmik। to aaj ka paath kya raha? sada aprasannata mukta aur prasannata yukta, double - samjha? achha।

panjaab

panjaab ne koi sher madhuban tak laaya hai? cheeta laaye hain ya sher laaye hain?ki abhi sher ko achhi tarah se sajaate ho! chhote-chhote to aaye hain। phir bhi panjaab ki seva mein pharka to hai। to vo bhi ho jaayega।

Indore

Indore kya taiyaar kar rahe hain? kya naya plan banaaya hai jo madhuban tak bade te bade pahunche?diamond jubilee mein last mein ek aisa programme karo jo sab taraph ke vishesh vi.aai.pi. pahunche। aai.pi. nahin,vi.aai.pi.। chaahe videsh,chaahe desh - donon taraph se vi.aai.pi. group pahunche। chaahe thodi sankhya ho lekin ho saara group vi.aai.pi. ka। aise nahin baapdaada kehte hain ki hazaaron le aao, vo to ho nahin sakta। thode laao lekin quality laao jo ek-ek svayan seva kare। taiyaar kar rahe ho na? seva to vriddhi ko praapta ho rahi hai aur hoti rahegi। honi hi hai। sirf aap diamond ban jaao to chaaron or aapki chamak kheench karke laayegi।

aasaam, gohaati

gohaati vaale kya visheshta kar rahe hain? naya plan kya banaaya hai? gohaati ka koi minister aaya hai? (nahin) to laao na। gohaati ka minister rah jaave to ulahna milega।

bambai

baambe vaale kya kar rahe hain? kya naya plan banaaya hai? dekho bhaashan kiya, minister aaya, president aaya, vo to aaye aur gaye lekin aisa sameep laao jaise Mauritius vaalon ne sameep laakar khud apni himmat se programme banaaya aur india government ne poori madad di। ye pahla himmat vaala hai। nahin to videsh vaale kehte hain aana to chaahte hain,aap log karo। vo nahin hona hai lekin jaise usne himmat rakha, apna programme diya, aise videsh se apna programme banaakar yahaan ke ministry ki aankh khole ki door-door se aate hain aur ham yahin rahe hue hain। to Mauritius ko, chaahe chhota hai Mauritius lekin himmat mein chhote ne hi to kamaal ki। Mauritius ko is seva ki mubaarak ho। achha hai, dekho ye kisi ko bhi drishtaanta to de sakte ho na! ekjaampal de sakte ho ki jaise ye aaya vaise bade ko to aur hi jyaada madad milegi। to Mauritius ne aai.pi. ke aane ka darvaaja khola - ye achha kiya।

achha,baambe vaale kya karenge? (pees park banaayenge) pees park banaayenge, vo bhi achha hai। koi kamaal karke dikhaao। pees park banaana ye bhi achhi himmat rakhi। lekin diamond jubilee mein koi naveenta karo। seva karke koi sher ko le aao… bombe ke sher hain bade-bade naameegraami indastriylista। aise koi laao jo ek anekon ko jagaaye aur seva mein nimitta bane। to baambe vaale aise naameegraami ko laana। aisa laao jo aage bhi samparka mein aaye aur laaye। jaise haidraabaad mein raaju ka chhota misaal dekha na,tha to bahut chhota lekin aaya bhi aur laaya bhi। aisa koi laao। naam to baala karke gaya na।

achha,isi ki training ho rahi hai। (gyaan sarovar mein self management leedarship training ka kaaryakram chal raha hai)dekhenge, training to ki, training ka phal baapdaada ke aage kaun sa laate ho? training karaane vaale diamond jubilee mein baapdaada ke aage phal laao। samjha? seva bahut achhi hai lekin ab sambandh-samparka mein laao, gyaan-yog mein laao। sirf achha hai, achha hai - yahaan tak ye phal nahin ho। ye to chhota sa ek angoor hai। bada phal laao। kahaan bhi jaayenge, kisko phal denge to kya ek angoor le jaayenge?agar gift denge to kuchh bada phal laayenge na। achha hai, kar rahe ho lekin isi lakshya se karo ki diamond ban aur diamond jubilee mein naveenta karke dikhaayenge। isko kaha jaata hai training ki saphalta। chance to achha mila hai। abhi dekhenge kitne fruit thaali bharkar aate hain ya ek fruit aata hai ya ek angoor aata hai? achha।

kerla, karnaatak

kerla kya karega?kerla ki visheshta kya hoti hai? (padhe-likhe bahut hote hain) to is padhaai mein nahin? centre to hone hi hain। krishna ayyar jaisa,vo kerla ne nahin nikaala vo dilli ne nikaala। aisa koi taiyaar karo। aise hi chaar-paanch ka group taiyaar karo। achha,kerla mein naariyal ke ped bahut hote hain na! to aai.Ps.ka bigde hue ko sudhaarna yeh sabse badi seva hai। 79 ped poora le aao। krishna ayyar chhota mike to hai hi, aadi se ant tak seva mein sahayogi hai aur rahega। achha hai। jaise krishna ayyar hai, madraas ka governor hai aise nikaalo। aur aison ka sangathan karo phir dekho aap aaraam se baithe rahenge aur vo aavaaz phailaate rahenge। jaise aajkal ki jo nai-nai teachers aati hain na vo dekhti hain ki puraani daadiyaan to bade aaraam se rehti hain aur ham logon ko bhaag-daud karaati hain। to aap logon ko taiyaar kiya na to vo aaraam se baithi hain। to aap bhi aise taiyaar karo jo aap aaraam se baitho। achha।

aandhra pradesh

aandhra pradesh se ek raaju to nikla lekin vo jaldi chala gaya। abhi aandhra pradesh ko aur group taiyaar karna chaahiye। kyonki aandhra pradesh mein aai.pi. bahut hain। chaahe kahaan bhi minister ban jaate hain lekin phir bhi apne desh ko value dete hain। aandhra pradesh ka koi milega na to usko regard se milte hain। desh ka nasha hota hai na। to aandhra ko bhi group taiyaar karna chaahiye। centre badh rahe hain, geeta paathshaalaayen badh raheen hain,ye to hona hi hai, ye abhi badi baat nahin hai। koi naveenta karo। badhaao, aur bhi geeta paathshaalaayen,centre badhaao,lekin saath-saath mike bhi taiyaar karo jo pratyakshata karen। achha।

belgaam

belgaam kya kar raha hai? kitne aai.pi. taiyaar kiye hain? kam se kam ek kangan to taiyaar karo। maala chhodo। achha।

double videshi

(yu.ke.,jarmani,sabhi se haath uthva kar baapdaada mil rahe hain।) phrenkapharta ne apna vaayda to poora kar liya। baapdaada phrenkapharta vaalon ki himmat par khush hai aur sudesh bachchi bhi seva man se kar rahi hai iseelie usko bhi mubaarak। seva saadhaaran karna ye koi badi baat nahin hai, bigdi ko banaana, anekta mein ekta laana ye hai badi baat। to jarmani vaalon prati aap sabhi bhi mubaarak ki taali bajaao। (spen, … France,haalainda) holaind bhi achha chal raha hai। (south aphreeka, Malaysia, singaapur,ostreliya,NewZealand)achha, ostreliya vaale khush hain,santushta hain? yes ya no bolo। (yes)

dekho kahaan se bhi aaye ho lekin double videshi sada apne mastak par vijay ka tilak (victory ka) laga hua dekho। kyonki aap log baap ke aur sarva braahmanon ke pyaare ho। to ham vijayi hain, vijayi the aur vijayi rahenge। ye vijay ka tilak sada apne mastak mein dekho। bahut-bahut-bahut lucky ho jo kone-kone se baapdaada ne aap sabko nikaala hai। pyaar se dhoondh kar aapko apna banaaya hai। dekho kitne kone-kone mein ho lekin baap ne to pahchaan liya na! isliye sada vijayi hain - ye nasha practical mein anubhav karo। sirf mukh se nahin kehna, mukh se kaho vijay aur haar kha rahe ho, aise nahin। haar ho hi nahin sakti,hain hi vijayi। to vijayi ka nasha double videshiyon ko sahaj aur sada rahe। samjha?

bhaarat vaalon se

aap sabhi ne dekha,aapka parivaar kitna bada hai! panjaab vaalon ne dekha… baambe vaalon ne dekha… sabhi bhaarat vaalon ko ye khushi hoti hai ki hamaara baba ka sthaan kone-kone mein hai। jahaan jaao vahaan falak se kah sakte ho ki hamaara ghar yahaan bhi hai, yahaan bhi hai। jahaan jaao apna ghar hai। to bhaarat vaalon ko double videshiyon ko dekhkar khushi hoti hai? achha!

chaaron or ke baapdaada ke prem swaroop aatmaon ko,sada svayan ko aprasannata se mukta karne vaale teevra purooshaartha aatmaon ko,sada yaad aur seva ke balance dvaara seva ki saphalta paane vaale bhaagyavaan aatmaon ko,sada baap ko pratyaksha karne ke umang-utsaah mein rahne vaale desh-videsh donon ke sarva bachchon ko, baap ko apni khushkhabri likhne vaale,apni seva ka umang rakhne vaale aise baap ke sada snehi aur sameep bachchon ko baapdaada ka yaad-pyaar aur namaste।

(videsh ke 4 bhaai film nikaal rahe hain)

achha,ye group bhi seva ke liye aaye hain। sabhi seva se khush hain? himmat hai na! kya hoga, kaise hoga, ye nahin socho। achha hai, achha hona hi hai। jo shreshtha smriti se kaarya karte ho vo sada hi achha hai। to ye kabhi nahin socho pata nahin kya hoga, pata hai achha hoga। samjha?achha hai himmat bahut achhi rakhi। jahaan himmat hai powerful woh hai jo phauran parakhkar phaisla kar de। 81 vahaan madad hai। achha।

daadiyon se

jab aap aur ye (daadi aur daadi jaanki) milte ho to aapko kya lagta hai? (daadiyon ne kaha-baba aapko kya lagta hai?) baap ko to achha lagta hai। aapko kya lagta hai? (baba ne achhi jodi taiyaar ki hai,desh-videsh alag hote bhi saath hain) ye bhi drama mein part hai। phir bhi brahman parivaar ke foundation ho na। to aap logon ko bhi achha lagta hai na। baapdaada apne nimitta foundation vaali aatmaon ko apne se bhi aage rakhta hai। kyonki abhi dekho baap to hai hi niraakaar,brahma baap bhi aakaari ho gaya, abhi saakaar mein sunna pade, sunaana pade,dekhna pade,dena pade - iske liye nimitta to ye log hain na। aur sahaj chal rahe hain ye dekh aap sabhi bhi khush hote ho na? dekho aap dvaara (daadi jaanki) ye videsh seva noondhi hui thi to drama ko koi badal nahin sakta। aapko jaana pada aur nimitta banna pada। videsh ke liye zaroori hai na? (baba ki sakaash hai) baapdaada to alag ho hi nahin sakta, aisa chipka hua hai। kyonki aap logon ko saara din yahi kehna padta ki baba yeh karte, baba yeh kehte… baba-baba hi nikalta rehta hai na। yaad karaane ke liye bhi kehna padta ki shivbaaba yaad hai? koi ro karke aaye aur aap baba-baba kahkar usko hansa dete ho। theek hai? dekho bahut chhota sa group hai lekin bahut kaam ka hai। kitne thode ginti ke hain। abhi diamond jubilee to hai hi। lekin is baari baapdaada number denge ki real mein diamond kitne banen?dekhenge videsh jeetta hai ya desh? aur ismen bhi yuva jyaada number lete hain, pravritti vaale lete hain va yuva kumaariyaan leti hain? baapdaada ko to khushi hai jo bhi number leve। lekin ismen saathiyon ka bhi certificate chaahiye। aise nahin apne aap sirf kaho main to theek hoon। nahin,certificate chaahiye। dekhenge kitne nikalte hain? vriddhi to honi hi hai।

achha। om shanti।