रविवार 23 फ़रवरी 1997 की अव्यक्त मुरली

>

23-02-97 om shanti avyakt baapdaadaamdhuban

saathi ko saath rakh saakshi aur khushnumah ke takhtansheen bano

aaj vishwa kalyaankaari baap vishwa ke chaaron taraph ke bachchon ko dekh harshit ho rahe hain। sabhi bachchon ke sneh aur sahayog ki rekhaayen bachchon ke chehre se dikhaai de rahi hain। har ek ke dil se ''mera baba``, yeh geet baapdaada sun rahe hain। baapdaada bhi respond mein kehte hain ''O mere ati priy, ati snehi laadle bachche``। har ek bachcha priy bhi hai, laadle bhi hain, kyon?koton mein koi aur koi mein bhi koi ho। to laadle hue na! to baapdaada bhi laadle bachchon ko dekh khush hote hain। bachchon ko bhi sada khushi mein dance karte hue dekhte hain aur sada dekhne chaahte hain। khushi mein rehte to hain lekin baap sada chaahte hain। sada khush rehte ho ya khushi mein pharka padta hai? kabhi bahut khushi, kabhi thodi kam aur kabhi bahut kam!

baap ne pahle bhi sunaaya hai ki vartamaan samay aap bachchon ki vishwa ko is seva ki aavashyakta hai jo chehre se, naynon se, do shabd se har aatma ke duhkh ko door kar khushi de do। aapko dekhte hi khush ho jaaen। isliye khushnuma chehra ya khushnuma moorta sada rahe kyonki man ki khushi soorat se spashta dikhaai deti hai। kitna bhi koi bhatakta hua,pareshaan,duhkh ki lahar mein aaye, khushi mein rehna asambhav bhi samajhte hon lekin aapke saamne aate hi aapki moorta,aapki vritti,aapki drishti aatma ko parivartan kar le। aaj man ki khushi ke liye kitna kharcha karte hain, kitne manoranjan ke naye-naye saadhan banaate hain। woh hain alpakaal ke saadhan aur aapki hai sadaakaal ki sachchi saadhna। to saadhna un aatmaon ko parivartan kar le। haay-haay le aaven aur vaah-vaah lekar jaaye। vaah kamaal hai - parmaatma aatmaon ki! to yeh seva karo। samay prati samay jitna alpakaal ke saadhnon se pareshaan hote jaayenge,aise samay par aapki khushi unhon ko sahaara ban jaayegi kyonki aap hain hi khushanseeb। khushanseeb hain ya nahin? adhoore to nahin? hain hi khushanseeb। aap jaisa khushanseeb saare kalpa mein koi aatmaayen nahin। itna nasha chehre aur chalan se anubhav karaao। kara sakte ho ya karaate bhi ho?

brahman jeevan mein agar khushi nahin to brahman bankar kya kiya! brahman jeevan arthaat khushi ki jeevan। kabhi-kabhi baapdaada dekhte hain,koi-koi ke chehre jo hote hain na woh thoda sa… kya hota hai?achhi tarah se jaante hain,tabhi hansate hain। to baapdaada ko aisa chehra dekh raham bhi aata aur thoda sa aashcharya bhi lagta। mere bachche aur udaas! ho sakta hai kya? nahin na! udaas arthaat maaya ke daas। lekin aap to master maayaapti ho। maaya aapke aage kya hai?cheenti bhi nahin hai, mari hui cheenti। door se lagta hai jinda hai lekin hoti mari hui hai। sirf door se parakhne ki shakti chaahiye। jaise baap ki knowledge vistaar se jaante ho na,aise maaya ke bhi bahuroopi roop ki pahchaan, knowledge achhi tarah se dhaaran kar lo। woh sirf daraati hai, jaise chhote bachche hote hain na to unko maa baap nirbhay banaane ke liye daraate hain। kuchh karenge nahin, jaanboojhkar daraane ke liye karte hain। aise maaya bhi apna banaane ke liye bahuroop dhaaran karti hai। jab bahuroop dhaaran karti hai to aap bhi bahuroopi ban usko parakh lo। parakh nahin sakte hain na, to kya khel karte ho? yuddha karne shuru kar dete ho haay,maaya aa gai! aur yuddha karne se buddhi, man thak jaata hai। phir thakaavat se kya kehte ho?maaya badi prabal hai, maaya badi tej hai। kuchh bhi nahin hai। aapki kamjori bhinna-bhinna maaya ke roop ban jaati hai। to baapdaada sada har ek bachche ko khushanseeb ke nashe mein, khushnuma chehre mein aur khushi ki khuraak se tandaroosta aur sada khushi ke khazaanon se sampanna dekhne chaahte hain। jeevan mein chaahiye kya?khuraak aur khazaana। aur kya chaahiye?to aapke paas khushi ki khuraak hai ya stock kabhi khatma ho jaata hai? khushi ka khazaana akhut hai। akhut hai na? aur jitna kharcho utna badhe। agar aur koi bhi purooshaartha nahin karo sirf ek lakshya rakho - kuchh bhi ho jaae, chaahe apne man ke sthiti dvaara, chaahe koi anya aatmaon dvaara, chaahe prakriti dvaara, chaahe vaayumandal dvaara kuchh bhi ho jaae, mujhe khushi nahin chhodni hai। yeh to sahaj purooshaartha hai na ya khushi khisak jaati hai?sahaj hai ya kabhi-kabhi mushkil hai?dridh sankalp rakho aur baaton ko bhool jaao। ek hi baat pakki rakho - mujhe khush rehna hai। to baaten kya lagengi?khel। aur apni khel dekhne ki saaksheepan ki seat par sada sthit raho। chaahe koi apmaan karne vaala ho, aapko pareshaan kar neeche utaarne vaale hon, lekin aap saaksheepan ki seat se neeche nahin aao। neeche aa jaate ho tabhi khushi kam ho jaati hai।

baapdaada ne pahle bhi do shabd sunaaye hain - saathi aur saakshi। jab baapdaada saath hai to saaksheepan ki seat sada majboot rehti hai। kehte sabhi ho baapdaada saath hai, baapdaada saath hai lekin maaya ka prabhaav bhi padta rehta aur kehte bhi rehte ho baapdaada saath hai, baapdaada saath hai। saath hai, lekin saath ko aise samay par use nahin karte ho, kinaare kar dete ho। jaise koi saath mein hota hai na, koi bahut aisa kaam pad jaata hai ya koi aisi baat hoti hai to saath kabhi khyaal nahin hota, baaton mein pad jaate hain। aise saath hai yeh maante bhi ho,anubhav bhi karte ho। koi hai jo kahega saath nahin hai?koi nahin kehta। sab kehte hain mere saath hai, yeh bhi nahin kehte ki tere saath hai। har ek kehta hai mere saath hai। mera saathi hai। man se kehte ho ya mukh se? man se kehte ho?

baapdaada to khel dekhte hain, baap saath baithe hain aur apni paristhiti mein, usko saamna karne mein itna masta ho jaate hain jo dekhte nahin hain ki saath mein kaun hain। to baap bhi kya karte? baap bhi saathi se saakshi bankar khel dekhte hain। aise to nahin karo na। jab saathi kehte ho to saath to nibhaao,kinaara kyon karte ho?baap ko achha nahin lagta। baap yahi shubh aasha rakhte hain aur hai bhi ki ek-ek bachcha svaraajya adhikaari so vishwa adhikaari hai। aap log praja hain kya! praja to nahin banna hai na?raaje, mahaaraaje,vishwa raaje ho na! praja banaane vaale ho,praja banne vaale nahin ho। raaja banne vaale, praja banaane vaale ho। to raaja kahaan baithta hai?takhta par baithta hai na! jab practical mein raaja ke nashe mein hota hai to takhta par baithta hai na! to saaksheepan ka takhta chhodo nahin। jo alag- alag purooshaartha karte ho usmein thak jaate ho। aaj mansa ka kiya, kal vaacha ka kiya,sambandh-samparka ka kiya to thak jaate ho। ek hi purooshaartha karo ki saakshi aur khushnumah takhtansheen rehna hai। yeh takhta kabhi nahin chhodna hai। koi raaja aise serious hokar takhta par baithe,baitha takhta par ho lekin bahut krodhi ho,official ho to achha lagega? kahenge yeh to raaja nahin hai। to aap sada takhtansheen hai na! woh raaje to kabhi takhta par baithte, kabhi nahin baithte lekin saaksheepan ka takhta aisa hai jismen har kaarya karte bhi takhtansheen, utarna nahin padta hai। sote bhi takhtansheen, uthte-chalte,sambandh-samparka mein aate takhtansheen। takhta par baithna aata hai ki baithna nahin aata hai, khisak jaate ho? saaksheepan ke takhtansheen aatma kabhi bhi koi samasya mein pareshaan nahin ho sakti। samasya takhta ke neeche rah jaayegi aur aap oopar takhtansheen honge। samasya aapke liye sir nahin utha sakegi, neeche dabi rahegi। aapko pareshaan nahin karegi aur koi ko bhi daba do to andar hi andar khatma ho jaayega na। to baapdaada ko aise samay par aashcharya lagta hai, aap nahin aashcharya karna। apne par bhale karna, doosre par nahin karna। to aashcharya lagta hai ki yeh mere bachche kya kar rahe hain! takhta se utar rahe hain। jab takhtansheen rahne ke sanskaar ab se hi daalenge tab vishwa ke takhta par bhi baithenge। yahaan sadaakaal takhtansheen nahin honge to vahaan bhi sada arthaat jitna samay full hai, utna samay nahin baith sakenge। sanskaar sab abhi bharne hain। phir vahi bhare hue sanskaar satayug mein kaarya karenge। royalty ke sanskaar abhi se bharne hain। aise nahin sochna ki abhi kuchh samay to pada hai, itne mein vinaash to hona nahin hai,yeh nahin sochna। vinaash hona hai achaanak। poochhkar nahin aayega ki haan taiyaar ho! sab achaanak hona hai। aap log bhi brahman kaise banen? achaanak hi sandesh mila,pradarshani dekhi, samparka-sambandh hua badal gaye। kya socha tha ki is taareekh ko brahman banenge? achaanak ho gaya na! to parivartan bhi achaanak hona hai। aapko pahle maaya aur hi albela banaayegi, sochenge hamne to do hajaar socha tha - woh bhi poora ho gaya, abhi to thoda rest kar lo। pahle maaya apna jaadu phailaayegi,albela banaayegi। kisi bhi baat mein, chaahe seva mein, chaahe yog mein, chaahe dhaarna mein, chaahe sambandh-samparka mein yeh to chalta hi hai,yeh to hota hi hai …, aise pahle maaya albela banaane ki koshish karegi। phir achaanak vinaash hoga,phir nahin kehna ki baapdaada ne sunaaya hi nahin, aisa bhi hona hai kya! isliye pahle hi suna dete hain - albele kabhi bhi kisi bhi baat mein nahin banna। chaar hi subject mein alert, abhi bhi kuchh ho jaae to alert। us samay nahin kehna baapdaada abhi aao, abhi saath nibhaao, abhi thodi shakti de do,us samay nahin denge। abhi jitni shakti chaahiye, jaisi chaahiye utni jama kar lo। sabko khuli chhutti hai, khule bhandaar hain,jitni shakti chaahiye, jo shakti chaahiye le lo। paper ke samay teacher va principal madad nahin karta।

double videshi bachchon ko dekh baap ko bhi double khushi hoti hai। kyon hoti hai?kyonki double videshiyon ko svayan ko parivartan karne mein double mehnat karni padi। iseelie jab baapdaada double videshi bachchon ko dekhte hain to double khushi hoti hai, vaah mere double videshi bachche vaah! double videshi haath uthaao। (vishwa ke anek deshon ke kareeb 1hajaar bhaai bahinen sabha mein upasthit hain) vaah bahut achha। double taali bajaao। baapdaada videsh ki seva ke samaachaar sunte rehte hain,dekhte bhi rehte hain, result mein seva ka umang-utsaah bahut achha hai। sirf kabhi-kabhi apne oopar seva ka thoda sa bojh utha lete ho। bojh nahin uthaao। bojh baap ko de do। baap ke liye woh bojh kuchh bhi nahin hai lekin aap seva ka bojh utha lete ho to thak jaate ho। seva bahut achhi karte ho,seva ke samay nahin thakte ho। us samay bahut achhe chehron ka photo nikaalne vaala hota hai lekin koi-koi (sabhi nahin) seva ke baad thoda sa thakaavat ke chehre mein dikhaai dete hain। baap kehte hain bojh uthaate kyon ho? kya bojh uthaana achha lagta hai ya aadat padi hui hai? bojh nahin uthaao। bojh tab lagta hai jab baap saath nahin hai। mainne kiya,main karti hoon, main karta hoon to bojh ho jaata hai। baap saath hai, baap ka kaarya hai, baap kara raha hai to bojh nahin hoga। halke ho naachte rahenge। jaise dance bahut achhi karte ho na। double videshiyon ki dance dekho to bahut achhi hoti hai। apne ko thakaate nahin hain, pharishte maaphik karte ho। Indian jo karenge woh paanv thakaayenge, haath bhi thakaayenge। lekin videshi dance bhi light karte ho, to aise seva bhi ek dance samjho, khel samjho। thako nahin। baapdaada ko woh photo achha nahin lagta hai। seva ka umang-utsaah achha hai aur yeh bhi result baap ke paas hai ki abhi thodi si baat mein halchal mein aane ki percentage bahut kam hai। majority theek hain, baaki thodi sankhya kabhi-kabhi thoda sa halchal mein dikhaai deti hai। lekin aadi ki result aur ab ki result mein bahut achha antar hai। aisa dikhaai deta hai na?abhi naazukpan chhodte ja rahe hain। baapdaada ko result dekh karke khushi hai।

abhi chhote-chhote mike bhi taiyaar kar rahe hain। abhi chhote mike hain, lekin chhote se bade tak bhi aa jaayenge। baapdaada ko yaad hai-aadi mein yeh videshi teachers kehti thi ki vi.aai.Ps ko milna hi mushkil hai, aana to chhodo, milna hi mushkil hai। aur abhi sahaj ho gaya hai kyonki aap bhi vi.vi.vi.aai.pi. ho gaye to aapke aage vi. aai. pi. kya hain! total videsh ki result achhi hai। centres bhi achhe hain, vriddhi ko praapta karte ja rahe hain। bhaarat mein hands nahin hain, nahin to bhaarat mein bhi sevaakendra to bahut khul jaayen। ek-ek zone vaala kehta hai - hands nahin hain। to abhi is varsha hands nikaalne ki seva karo। hands maango nahin, nikaalo;aur hi daan-punya karo।

videsh mein yeh bahut achha tareeka hai - jahaan bhi centre khulta hai,vahaan ke hi laukik kaarya bhi karte hain centre bhi chalaate hain। kaise chalega,kaun chalaayega,yeh problem kam hai। aap log yeh nahin sochna ki ham laukik kaam kyon karen! yeh to aapki seva ka saadhan hai। laukik kaarya nahin karte ho lekin alaukik kaarya ke nimitta banne ke liye laukik kaarya karte ho। jahaan bhi jaate ho vahaan centre kholne ka umang rehta hai na। to laukik kaarya kab tak karenge-yeh nahin socho। laukik kaarya alaukik kaarya nimitta karte ho to aap surrender ho। laukikpan nahin ho, alaukikpan hai to laukik kaarya mein bhi samarpan ho। laukik kaarya ko chhodkar samarpan samaaroh manaana hai - yeh baat nahin hai। aisa karne se vriddhi kaise hogi! iseelie laukik kaarya karte alaukik kaarya ke nimitta bante ho, to jo nimitta laukik samajhte hain aur rehte alaukikta mein hain, aisi aatmaon ko double kya, padam mubaarak hai। samjha। iseelie yeh nahin kehna-daadi hamko chhudaao,hamko chhudaao। nahin, aur hi double praalabdha bana rahe ho। haan aavashyakta agar samjhenge to aapehi chhudaayenge,aapko kya hai! jimmevaar daadiyaan hain,aap apne laukikta mein alaukikta laao। thako nahin। laukik kaam karke thak kar aate hain to kehte hain kya karen! nahin khushi-khushi mein donon nibhaao kyonki dekha gaya hai ki double videshi aatmaon mein donon taraph kaarya karne ki shakti hai। to apni shakti ko kaarya mein lagaao। kab chhodenge, kya hoga … yeh baap aur jo daadiyaan nimitta hain unke oopar chhod do,aap nahin socho। kaun-kaun hain jo laukik kaarya bhi karte hain aur centre bhi sambhaalte hain, woh haath uthaao। bahut achha। aap nishchint raho। number aap logon ko vaise hi milenge,jo saara din karte hain unhon jitna hi milega। sirf trustee hokar karna, main-pan mein nahin aana। main itna kaam karti hoon, main-pan nahin। karaavanhaar kara raha hai। main instrooment hoon। power ke aadhaar par chal rahi hoon।

aaj double videshiyon ka tarna hai na। aap logon ko bhi double videshiyon ko dekh khushi hoti hai na! to sabhi double videshi khushnumah ho?haath ki taali bajaao। abhi madhuban mein to maaya nahin aati hai na?

bhaarat ki teachers aur double videshi donon ka mel dekho kitna achha hai। aap teachers ne double videshiyon ki season kam hi dekhi hogi aur double videshiyon ne sabhi teachers ka sangathan pahle baari dekha hoga। donon ke mele mein achha lag raha hai na। teachers ko achha lagta hai?double videshiyon ko achha lagta hai?achha hai। teachers bhi nimantran par pahunch gai hain। aisa kabhi socha tha ki aisa nimantran aayega? yeh bhi dekho achaanak hua to achha laga na! achha-sabhi teachers haath uthaao jo nimantran par aai hain।

dilli vaalon ne bhi achha sandesh diya। baapdaada ko vishesh yeh khushi hai ki sangathit roop mein nirvighna hokar kaarya kiya, iski mubaarak ho। nimitta to koi banta hi hai। baapdaada ne result dekhi ki nimitta bachchon ne chaahe raat ho,chaahe din ho,chaahe khade hon, chaahe baithe hon, lekin athak ban lakshya rakha, us lakshya ki saphalta hui। prime minister aana, president aana ya koi ka bhi aana-yeh lakshya ki saphalta hai। jab lakshya ek hota hai ki ham sabko anguli deni hai aur khushi-khushi se karna hai, athak banna hai-yeh lakshya pratyaksha roop mein aaya,iseelie yeh dridhta saphalta ki chaabi ban gai। kahaan bhi kaarya karo lekin yeh lakshya pakka karke sangathit roop mein karo। ek bhi yeh nahin kahe ki hamne kaarya nahin kiya। koi bhi kaarya kare lekin sabka sangathit roop mein sahayog hona chaahiye aur sabko khushi honi chaahiye ki ham programme kar rahe hain। aise nahin ki phalaane kar rahe hain, ham to dekh rahe hain,nahin। ham dekhne vaale nahin hain, karne vaale hain। chaahe mansa,chaahe vaacha,chaahe karmana। chhote bade jo bhi hain,chaahe stage par kaarya karen,chaahe ghar baithe mansa seva karen, vaacha seva karen, lekin sabko seva mein sahayog ki anguli deni hi hai।

dilli ko vardaan hai aur usmein bhi aadi ratna jagdeesh ko vardaan hai-sthaapna ke kaarya mein। is baari baapdaada ne dekha ek bhi dilli ka centre aise nahin raha jiska koi na koi sahayog nahin ho। 100 se hi jyaada honge,door vaale sthaan ki baat chhodo, lekin jo dilli mein the unmein se har ek ne apne khushi se seva li aur practical kiya to yahi saphalta ka saadhan hai। aise tha na?jagdeesh se poochhte hain। to kahaan bhi karo,pahle sabko milaao। chaahe meeting karo,chaahe phone mein baat karo,samay nahin ho to phone mein hi meeting ho sakti hai। inhonne bhi meeting ki, ek hi dilli hai na to dilli mein meeting hona sahaj hai। lekin ek baat yeh samajh lo ki jahaan sangathan ki shakti hai vahaan vijay hai। baaki vighna to aane hi hain। nahin to vighna-vinaashak naam kyon rakha hai! vighna vinaashak ka arth kya hai?vighna aave aur vinaash karo। yeh to hona hi hai। vighnon ka kaam hai aana aur aapka kaam hai vinaashak banna। iski parvaah nahin karo। yeh khel hai। khel mein khel aur khel dekhne mein to maja hai na।

doosri baat sabhi yeh dhyaan rakhen ki jahaan bhi jo bhi sahayogi aatmaayen hain,maanon london mein koi programme karte hain aur America mein koi najdeek vaala sahayogi vishesh aatma hai, to aise time par jo jahaan sahayogi ho sakte hain,jaisa kaarya hai us anusaar sahayogi aatmaon ko nimitta banaao। jisko baapdaada kehte hain chhote mike। uska bhi prabhaav padta hai, aur jo samparka mein aate hain unhon ko samay prati samay sahayogi banaate raho। sirf conference hove to aap jaao, aao aur phir apni seva mein lag jaao। nahin। nai-nai seva karte rehte ho aur jo puraani aatmaayen, samparka mein aane vaali hain unke liye phursat kam nikaalte ho। ab aisa sahayogiyon ka group taiyaar karo। kahaan bhi ho, chaahe videsh mein ho to India mein uska laabh le sakte ho ya videsh ka videsh mein, India ka India mein,lekin sahayogiyon se laabh lo। dilli vaale haath uthaao। bahut achha। saath bhi ek do ko achha diya hai। brijmohan kahaan hai। dekho nimitta banne vaalon ke haan ji, haan ji karne se, ek do ke sahayog se saphalta sameep aai। isliye is paath ko sada yaad rakhna। svabhaav-sanskaaron ko seva ke samay dekho hi nahin। dekhte hain na-isne yeh kiya, isne yeh kaha -to saphalta door ho jaati hai। dekho hi nahin। bahut achha, bahut achha। haan ji aur bahut achha,yeh do shabd har kaarya mein use karo। svabhaav variety hain aur rahne bhi hain। svabhaav ko dekha to seva khatma। baba kara raha hai,baba ko dekho, baba ka kaam hai। iski duty nahin hai, baba ki hai। to baap mein to svabhaav nahin hai na। to svabhaav dekhne nahin aayega। baaki dilli ne ek achha naksha taiyaar kar diya। to baapdaada bhi dilli vaalon ko mubaarak dete hain।

foreign ka jo sneh milan (aabu phoram va retreat) ka programme chala, woh bhi har varsha saphalta mil rahi hai। foundation taiyaar ho raha hai। baapdaada ke ghar mein dharni taiyaar hoti hai। baaki beej ko badhaana,yeh aap logon ka apne-apne sthaan ka kaam hai। baapdaada ne yahaan madhuban mein dharni bhi taiyaar ki, beej bhi daala abhi paani dena, phal nikaalna aapka kaam hai। niklenge phal। sirf ek group banaao jo list ko dekh karke samparka karta rahe। nai-nai sevaaon mein busy ho jaate ho na to yeh thoda dheela ho jaata hai। baaki double videshiyon ki vriddhi bhi hai aur vidhi bhi bahut achhi banaate jaate ho isliye nimitta janak ko aur aap sab right hands ko, sabhi brahman parivaar ki taraph se mubaarak ho। achha।

sab khush hain aur khush sada rahne vaale hain। aise hai na! baapdaada theek kehta hai ya koi paper aayega to chehra badal jaayega? nahin,badle nahin। us samay pata hai kya hota hai?baapdaada ko kya dikhaai deta hai? jaise aajkal ka fashion hai - svaang banaate hain to aur shakla (maaska) laga dete hain na। us samay jaise aap logon ka chehra orijinal nahin hota, maaska laga dete ho। koi lobh ka koi moh ka, koi abhimaan ka, koi main pan ka, koi mere pan ka,chehre hi badal jaate hain। phir pareshaan hote hain na। doosra face agar laga lo to pareshaan hote hain na। garmi lagti hai na,yeh kya pahna hai to aur face nahin lagaao। apna orijinal swaroop ka chehra sada rakho। baapdaada ke paas har ek ke bahut photo hain। yahaan saakaar duniya mein to jagah hi nahin hai jo aapke photo rakhen।

achha-ek second mein bilkul baap samaan ashareeri ban sakte ho? to ek second mein full stop lagaao aur ashareeri sthiti mein sthit ho jaao। (baapdaada ne 3 minute drill karaai)achha-yeh saare din mein baar-baar abhyaas karte raho।

chaaron or ke sarva maayaajeet, prakritijeet,saaksheepan ke takhtansheen,saathi ke saath ka sada anubhav karne vaale, sada dridhta se saphalta ko gale ka haar banaane vaale, sada baap samaan light rahne vaale, sada apne might dvaara vishwa ko duhkh-ashaanti ki kamjori se chhudaane vaale aise master sukh ke saagar,khushi ke saagar, prem ke saagar, gyaan ke saagar baap samaan bachchon ko yaadapyaar aur namaste।