गुरुवार 31 दिसंबर 1998 की अव्यक्त मुरली

>

31-12-98 om shanti avyakt baapdaadaamdhuban

is naye varsha mein himmat ke aadhaar par svayan ko mehnat mukta,sada vijayi anubhav karo

aaj nav yug rachta baapdaada apne ati snehi,sada sahayogi aur ati sameep bachchon ko nav yug, nav jeevan aur nav varsha ki mubaarak dene aaye hain। chaaron or ke bachche ati sneh se baapdaada ko dil mein sammukh rakh mubaarak le rahe hain। baapdaada bachchon ke nav varsha ke umang-utsaah ko dekh harshit ho rahe hain। majority bachche chaahe door baithe hain,chaahe sameep baithe hain sabhi ke man mein yahi umang- utsaah hai ki is varsha mein naveenta karke hi dikhaayenge। chaahe sva ke parivartan mein,chaahe seva ki saphalta mein,chaahe har aatma ko shubh bhaavna, shubh kaamna dvaara parivaartit karne mein umang bhi achha hai,utsaah bhi bahut achha hai। saath-saath himmat bhi yatha shakti hai। baapdaada aise himmat vaale bachchon ko ek sankalp ke peechhe padmaguna madad avashya dete hain। isliye himmat se sada aage badhte chalo। kabhi bhi sva prati va anya aatmaon ke prati himmat ko kam nahin karna kyonki yeh navayug hai hi himmat rakhne se udne ka yug, vardaani yug, purooshottam yug, direct vidhaata dvaara sarva shaktiyaan varse mein sahaj praapta hone ka yug, isliye is yug ke mahattva ko sada smriti mein rakho। koi bhi kaarya aarambha karte ho chaahe sva-purooshaartha,chaahe vishwa-seva,sada himmat aur baapdaada ki madad dvaara nishchay hai hi ki sva-purooshaartha mein va seva mein saphalta hui padi hai। hona hi hai। asambhav,sambhav hona hi hai kyonki yeh yug saphalta ka yug hai। asambhav, sambhav hone ka yug hai। isliye hoga ya nahin hoga, kaise hoga, iska question is yug mein aap brahman aatmaon ke liye hai hi nahin। braahmanon ki janma patri mein hai - ‘saphalta uska janma siddha adhikaar hai।’ adhikaari aatmaon ko yeh sochne ki aavashyakta nahin hai, varsa milna hi hai।

to naye varsha mein yeh vishesh smriti emerge karo ki sab taraph se saphalta mujh shreshtha brahman aatma ka adhikaar hai hi। is nishchay se,roohaani nashe se udte chalo। (abhimaani nasha nahin, roohaani nasha) nishchay buddhi sada har kaarya mein vijayi hai hi hai। aise nishchay buddhi brahman aatma ke mastak par vijay ke takdeer ki lakeer sada hai hi hai। vijay ka tilak sada hi mastak par chamak raha hai। isliye is varsha ko sada vijayi varsha anubhav karte chalo। aisa nishchay aur nasha hai? double videshiyon ko hai? double videshi hoshiyaar hain। (sabne haath hilaaya) bahut achha। tilak nazar aa raha hai। aur bhaaratvaasi to hain hi bhaagyavaan,kyon?bhaarat ki dharni hi bhaagyavaan hai। isliye chaahe videshi, chaahe bhaaratvaasi donon hi bhaagya vidhaata ke bachche hain isliye har brahman bachcha vijayi hai। sirf himmat ko emerge karo। himmat samaai hui hai kyonki master sarvashaktivaan ho - aise ho na? (sabhi haath hila rahe hain) haath to bahut achha hilaate hain। abhi man se bhi sada himmat ka haath hilaate rehna। baapdaada ko khushi hai,naaz hai ki mera ek-ek bachcha anek baar ka vijayi hai। ek baar nahin,anek baar ki vijayi aatmaayen ho। to kabhi yeh nahin sochna,pata nahin kya hoga? hoga shabd nahin laana। vijay hai aur sada rahegi। sab pakke hain? bahut achha। abhi phir vahaan jaakar aisa kamzor samaachaar nahin likhna ki daadiyaan, baba maaya aa gai, aise nahin likhna। maayaajeet hain। ham nahin honge to aur kaun hoga,yeh roohaani nasha emerge karo। aur-aur kaarya mein man aur buddhi busy ho jaati hai na to nasha merge ho jaata hai। lekin beech-beech mein check karo ki karma karte hue bhi yeh vijayi-pan ka roohaani nasha hai?nishchay hoga to nasha zaroor hoga। nishchay ki nishaani nasha hai aur nasha hai to avashya nishchay hai। donon ka sambandh hai। isliye abhi99 mein apna nasha sada emerge rakhna, to abhul ho jaayenge। na bhool hogi,na mehnat hogi। baapdaada ne pahle bhi kaha hai ki jab baapdaada bachchon ko mehnat karte hue dekhte hain,yuddha karte hue dekhte hain to bachchon ki mehnat karna baap ko achha nahin lagta hai। isliye is nav varsha ko kaise manaayenge? mukti varsha manaaya। negative, vesta ko samaapta kiya to yeh varsha automatic mehnat mukta varsha ho jaayega। sab mauj mein rahne vaale, mehnat karne vaale nahin। mauj achhi lagti hai ya mehnat achhi lagti hai? mauj achhi lagti hai na? to yeh varsha man mein,sankalp mein bhi mehnat mukta ho।

baapdaada ke paas bachchon ke patra va chitkiyaan bahut achhe-achhe himmat ki aai hain ki ham ab se 108 ki maala mein avashya aayenge। bahuton ke achhe- achhe umang ke patra bhi aaye hain aur rooh-roohaan mein bhi bahuton ne baapdaada ko apne nishchay aur himmat ka achha samaachaar diya hai। baapdaada aise bachchon ko kehte hain - baap ne aap sabke beeti ko bindu laga diya। isliye beeti ko socho nahin, ab jo himmat rakhi hai,himmat aur madad se aage badhte chalo। nav varsha ke naye umang bhi bahut achhe-achhe likhe hain chaahe videsh ke bachchon ne, chaahe desh ke bachchon ne, baapdaada aise bachchon ko yahi vardaan dete hain - isi himmat mein, nishchay mein, nashe mein amar bhav। amar rahenge na! double videshi amar rahenge?bhaaratvaasi bhi rahenge na?bhaarat ko to number lena hi chaahiye।

naye varsha mein kya manaate hain?ek to gift dete aur doosra greetings dete hain। mithaai khoob khaate khilaate hain। naachte gaate bhi bahut hain। to aap sirf 12ke baad ek din naya varsha nahin manaana lekin brahman bachchon ke liye is nav yug mein har ghadi nai hai,har shvaans naya hai, har sankalp naya hai,isliye sada poora varsha, ek din nahin,ek saptaah nahin, ek maas nahin, chaar maas nahin, aath maas nahin, 12hi maas sada ek do ko dilkhush mithaai baantate rehna। baantenge na! dilkhush mithaai baantane aati hai?sabhi hoshiyaar hain। to dilkhush mithaai baantana। koi aapki dil khush mithaai apne svabhaav ke kaaran, sanskaar ke kaaran, samasya ke kaaran agar nahin bhi sveekaar kare to aap dilshikasta nahin hona। aapne baanti,aapka aagyaakaari banne ka chart baapdaada ke paas jama ho gaya। yeh nahin dekhna ki mainne to dilkhush mithaai khilaai lekin yeh to naaraaz ho gaya, koi harja nahin,woh raaz ko nahin jaanta hai na to naaraaz ho gaya। aap to raaz ko jaante ho na! to yeh raaz bhi jaan lo ki yeh hisaab-kitaab va samasya ke vash hai। aap aagyaakaari bano। theek hai na? aagyaakaari banna hai na?yahaan to haan bahut achha karte hain, agar aap yahaan dekho na, haath bhi bahut achha hilaate ho, khush kar dete ho। kaandh bhi hilaate hain,haath bhi hilaate hain। lekin baapdaada to phir bhi har bachche ke oopar sada hi khush rehte hain। jab mera bachcha kah diya, to jo bhi ho, jaise bhi ho, baap to dekh khush hota hi hai। baap ne jo vaayda kiya hai - kaise bhi laayak banaakar saath le hi jaana hai। saath mein chalna hai na? saath chalne ke liye taiyaar hain? sabhi taiyaar hain?ever ready hain? achha,ever ready bhi hain, bahut achha। ever happy bhi hain? aur jab maaya aa jaayegi to? phir thoda-thoda man mein chillaayenge?baba maaya aa gai, aa gai। chillaana nahin, apne ko uda dena। maaya neeche rah jaaye aap oopar ud jaao to maaya dekhti rahegi। achha to khushi mein naachte bhi rehna aur dil khush mithaai baantate bhi rehna। saath mein jo bhi sambandh-samparka mein aaye usko koi na koi gift dena,koi haath khaali nahin jaaye, kaun-si gift denge?aapke paas gift to bahut hai। gift ka stock hai? to dene mein kanjoos nahin banna, dete jaana। faraagdil banna,kisi ko shakti ka sahayog do, shakti ka vibration do, kisko koi gun ki gift do। mukh se nahin lekin apne chehre aur chalan se do। yadi koi gun va shakti emerge nahin bhi ho, to kam-se-kam chhoti si saugaat bhi dena, woh kaun-si? shubh bhaavna aur shubh kaamna ki। shubh kaamna karo ki yeh mera sikeeldha bhaai ya behen,sikeeldha sochenge to ashubh bhaavna se shubh bhaavna ban jaayegi। is bhaai-behen ka bhi udti kala ka part ho jaae, iske liye sahayog va shubh bhaavna hai। kai bachche kehte hain ki ham dete hain woh lete nahin hain। achha shubh bhaavna nahin lete hain, kuchh to dete hain na। chaahe ashubh bol aapko dete hain, ashubh vibration dete hain, ashubh chalan chalte hain to aap ho kaun?aapka occupation kya hai? vishwa-parivartak ho? aapka dhandha kya hai?vishwa-parivartak hain na! to vishwa ko parivartan kar sakte ho aur usne agar aapko ulta bol diya, ulti chalan dikhaai to uska parivartan nahin kar sakte ho? pozitiv roop mein parivartan nahin var sakte ho? negative ko negative hi dhaaran karenge ki negative ko pozitiv mein parivartan kar aap har ek ko shubh bhaavna, shubh kaamna ki gift denge। shubh bhaavna ka stock sada jama rakho। aap de do। parivartan kar lo। to aapka title jo vishwa-parivartak hai woh practical mein use hota jaayega। aur yeh pakka samajh lo ki jo sada har ek ko parivartan kar apna vishvaprivarta ka ka kaarya saakaar mein laata hai vahi saakaar roop mein21 janma ki guarantee se raajya-adhikaari banega। takhta par bhale ek baari baithega lekin har janma mein raajya parivaar mein,raajya-adhikaari aatmaon ke sameep sambandh mein hoga। to vishwa-parivartak hi vishwa-raajya-adhikaari banta hai। isliye sada yeh apna occupation yaad rakho - mera karttavya hi hai parivartan karna। daata ke bachche ho to daata ban dete chalo,tab hi bhavishya mein haath se kisko denge nahin lekin sada aapke raajya mein har aatma bharpoor rahegi, yeh is samay ke daata banne ki praalabdha hai। isliye hisaab nahin karna, isne yeh kiya, isne itna baar kiya,master daata ban gift dete jaao। aur greetings kya denge?dekho kisi ko bhi, kisi se praapti hoti hai na to uske mukh se,man se yahi shabd nikalta hai ki aapko mubaarak ho, ek do ko khushi baantate ho to kehte hain mubaarak ho। utsav manaate ho to kehte hain mubaarak ho। aise jo bhi aapke saamne aave to mukh se aise shabd bolo, sankalp mein aise shreshtha sankalp hon to jo bhi aapse milega woh har samay dil se mubaarak va duaayen avashya dega। to sada aise bol bolo, aisa sambandh-samparka mein aao jo dil se, mukh se mubaarak nikle va duaayen niklen। aisa shabd nahin nikaalo jo mubaarak laayak nahin ho। ek ek bol jaise ratna ho। saadhaaran bol nahin ho। baapdaada ne ab tak result mein dekha hai, kal to badal jaayega lekin ab tak dekha hai ki bol mein jo sanyam aur sneh hona chaahiye woh sneh bhi kam ho jaata hai aur sanyam bhi kam ho jaata hai। isliye aisa bol bolo jo ratna ho। aap svayan jab heere tulya ho to har bol bhi ratna samaan ho। aisa moolyavaan ho। saadhaaran nahin ho। na saadhaaran ho, na vyartha ho। aur kabhi-kabhi baapdaada dekhte hain, result sunaayen, kyonki12 baje ke baad sab samaapta karna hai na! to baapdaada ne yeh bhi dekha hai ki koi-koi bachche chhoti-si baat ka vistaar bahut karte hain, ismen kya hota hai,jo jyaada bolta hai na to jaise vriksha ka vistaar hota hai usmein beej chhip jaata hai, woh aise samajhte hain ki ham samjhaane ke liye vistaar kar rahe hain,lekin vistaar mein jo baat aap samjhaane chaahte hain na uska saar chhip jaata hai aur bol, vaani ki bhi energy hoti hai। jo vesta bol hote hain to vaani ki energy kam ho jaati hai। jyaada bolne vaale ke dimaag ki energy bhi kam ho jaati hai। short aur sweet yeh donon shabd yaad rakho। aur koi sunaata hai na to usko to kah dete hain ki mere ko itna sunne ka time nahin hai। lekin jab khud sunaate hain to time bhool jaata hai। isliye apne khazaanon ka stock jama karo। sankalp ka khazaana jama karo,bol ka khazaana jama karo,shaktiyon ka khazaana jama karo, samay ka khazaana jama karo, gunon ka khazaana jama karo। roz raat ko apne in khazaanon ke bachat ka potaamel check karo। kitne sankalp vesta ke bajaae best ke khaate mein jama kiya? kitna samay best ke khaate mein jama kiya? gun aur shaktiyon se shreshtha kaarya kiya?gun ko kaarya mein lagaaya?shakti ko kaarya mein lagaaya? yeh hai jama karna। to sabhi sankalp,samay, gun,shakti iska potaamel roz raatri ko check karo phir total karo kitna bachat ka khaata hua?yahi bachat svayan ko bhi sahayog deti rahegi aur auron ko bhi degi। to samjha - kya karna hai? sab poochhte hain na kya karna hai?to ab yeh karna hai। greetings bhi leni hai,gift bhi deni hai, jama bhi karna hai aur mehnat ko chhodna hai। jab bachat ke oopar attention denge to mehnat nahin karni padegi। mehnat mukta varsha dhoomdhaam se manaayen। vesta aur negative mukta varsha manaayen। baapdaada mukti varsha ki result abhi nahin poochh rahe hain, baapdaada ko yaad hai। result lenge ki kitnon ne mukti varsha manaaya ya maas manaaya? 6maas manaaya, aadha manaaya,poora manaaya - yeh sab 18taareekh ko hisaab lenge?

double videshiyon ne to achha mana liya hai na,bhaarat vaalon ne bhi manaaya to hai, result18 taareekh ko lenge। jisne saara varsha manaaya, usko kya denge?daadiyaan bataaven jinhonne poora varsha mukti varsha manaaya hai, unko kya denge?mubaarak aur duaayen to hain hi aur yaadgaar kya denge?inaam taiyaar rakhna। dekhenge kitne inaam lete hain?to naya varsha,naya umang,naya utsaah aur nai himmat sab naya hi naya। jo is ghadi stage hai woh doosre ghadi usse shreshtha stage honi chaahiye। theek hai na? achha –

aaj12 baje tak baithna hai। iseelie sab yahaan-vahaan se bhaagkar naya varsha manaane ke liye pahunche hain। achha hai - jo bhi naye-puraane aaye hain har ek ko dil se duaaon bhari mubaarak de rahe hain। bhale padhaare, bhale aaye। shaantivan ka shringaar bhale padhaare। dekho yeh haal kitna saj gaya hai। to sajaane vaale kaun? aap hi hain na! achha –

aaj baapdaada har group se jahaan baithe ho vahaan hi khada kar milan manaayenge। chaahe double videshi ho chaahe bhaarat ke har zone ke ho,ek-ek zone se baapdaada milan manaayenge lekin stage par nahin aana। vahaan hi khade ho karke milan manaana। yeh bhi to nai baat hai na। naya varsha manaane aaye hain,yeh bhi nai baat hai। achha।

double videshi - youth group se (sabhi ne geet gaaya)

umang-utsaah ka geet bahut achha gaaya। youth ko bahut kaarya karna hai। aisa youth group taiyaar ho jo sab nimantran dekar aapko apni stage par bulaaven। bahut achha hai। training dene vaale bhi achhe hain। to jo baapdaada ne is varsha ka kaarya diya hai, usmein youth group number one lenge na? sikhaane vaalon ne bhi achhi mehnat ki hai।

values course mein aaye hue bhaai-bahinon se -- aise hoshiyaar ho jaao jo baapdaada aur saara vishwa aapko thanks deta rahe। sabhi ke jeevan mein values emerge karke dikhaao। jahaan aise koi bahut kade svabhaav ke hon na, vahaan is group mein se koi aise taiyaar ho jaaen jo vahaan ke vaataavran ko chenz kar den। jaise panjaab mein aatankavaad bahut tha na to panjaab vaalon ne yog ke vibration se,sneh se seva ki aur pharka aa gaya,to yeh value vaale bhi aisi koi pratyaksha seva karke dikhaaven। jahaan ekdam value giri hui ho aise ko value ke vibration se parivartan karke dikhaana। mubaarak ho।

Australia, Fiji, NewZealand --Australia vaalon ne himmat karke jo retreat house liya hai uski mubaarak ho। aur usmein aise koi nikaalo jo mike ban aapke badle mein woh anubhav sunaave, to Australia pahle bhi sada aage raha hai। ab retreat house se aise mike taiyaar kar baapdaada ke saamne laana hai।

Europe, yu.ke., dubai,Mauritius --Europe ko to vardaan mila hua hai ki Europe anek aatmaon ko jagaane ke nimitta bana bhi hai aur banega bhi kyonki Europe ke saath yu.ke. bhi hai to bahut achha hai। Europe vaale aap sabko yaad hoga shuru mein baapdaada yooropvaasi yaadav kahke Europe ko yaad karte the aur Europe ko brahma baap ne bahut baari yaad kiya। to abhi bhi jo bhi yu.ke. va Europe mein hain unhon ko aise science vaala mike nikaalna hai jo aapke taraph se mike ban science vaala silence ko siddha karke dikhaave। silence vaale silence ko siddha karte hain yeh badi baat nahin hai lekin science vaale silence ki shakti ko siddha karen - abhi aisi koi kamaal dikhaao। suna - Europe aur yu.ke. vaalon ne। aisa nikaalna। bahut achha hai। kamaal karni hai। honi hi hai। achha।

America - America kya karega?America vaalon ko yu.N. mein aisa mike taiyaar karna hai। yu. N. ka member ho aur aisa mike bane jo kahe ki sachmuch jo ham nahin kar sakte woh yeh eeshvareey vishwa vidyaalay ke kar sakte hain। kar rahe hain aur karke dikhaayenge। aisa koi nikaalo। retreat house le rahe hain to usmein kya karenge? aise yu.N. ka koi member taiyaar karo jo stage par kahe ki yahi hain, yahi hain jo kaarya kar sakte hain। himmat hai na! karna hi hai?aur hua bhi pada hai sirf nimitta banna hai, bas। baaki kamaal karenge,itna varsha yu.N. ka connection raha hai, kuchh to kamaal karenge na! to aisi kamaal karke dikhaana। achha। retreat house ke liye mubaarak ho।

eshiya group --achha yeh kya karenge? eshiya mein aise bahut ratna hain jo brahman parivaar ke hain lekin abhi tak chhipe hue hain। eshiya ke kai bhaag nai duniya mein mil jaayenge, isliye aapki dharni eshiya ki bhaagyavaan hai,to usmein se aise vishesh ratna nikaalo,baapdaada chaahte hain ki abhi aap jo brahman aatmaayen hain woh might banen tatha mike aur banen। aap might ban light do aur woh log mike ban bhaashan karen, parichay den, anubhav sunaaven, to aise eshiya mein hain jinhon ko dhoondho aur nimitta banaao। to aap log might ban jaayenge aur woh mike banenge। theek hai? eshiya vaalon ko karna hai na? bahut achha, phir inaam denge ki pahla bade se bada mike kisne nikaala?eshiya nikaalegi, number one jaayega? har ek soche number one jaana hai। baapdaada dekhenge kaun bade se bada mike taiyaar karta hai। chhote-chhote to connection mein hain, lekin stage par aaven। mike woh jo stage par bedhdak ban bhaashan kare, aise mike taiyaar karo। theek hai?to kaun-sa number lena hai?pahla number lena। chhote bachche bhi himmat vaale hain, bahut achha।

aphreeka, south aphreeka --aphreeka mein bahut achhe-achhe ratna hain। seva karne mein hoshiyaar hain na। to abhi kya karenge?aphreeka mein sabse jyaada gold hai na! to baapdaada ke paas aise golden stage vaale ratna le aao। jaise sthool gold mashhoor hai aise aphreeka ke ratna heere bhi vahaan hain, gold bhi hain, to aise ratna saamne laao। kab laayenge, taareekh bataao। achha march mein le aayenge? haan aphreeka vaale kamaal karke dikhaao। kamaal karenge? bahut achha। ratna bahut achhe-achhe hain। abhi march tak dekhenge phir inaam denge, theek hai, pasanda hai?

Russia -- Russia vaale kya kamaal karenge? jaise Russia mein abhi svatantrata hui hai na। kamyunista ka raajya nahin hai, svatantra hain to aise svatantrata ka jhanda lahraao jo Russia mein yeh aavaaz ho jaae ki sachchi svatantrata yahaan se hi mil sakti hai। yeh aavaaz chaaron or phail jaae, dharma ke hisaab se nahin lekin sachchi svatantrata ke hisaab se। yeh aavaaz lahraayenge?Russia vaale sabhi ko bahut pyaare lagte hain। kyon pyaare lagte hain? kyonki baap bhi bholaanaath hai na,to Russia vaale bhi bhole bahut achhe hain। bholebhaale hain lekin hain teekhe, andar hoshiyaar hain lekin soorat se bilkul bhole,pyaare meethe lagte hain isliye sabka Russia vaalon se vishesh pyaar hai, bahut achha। abhi svatantrata ka aavaaz phailaana। achha।

izraail -- abhi naya-naya khula hai na to laadle ho। jo chhote hote hain na woh laadle hote hain aur jo laadle hote hain woh sada maa-baap ke sameep rehte hain। unhon ke oopar sada maa-baap ki nazar rehti hai isliye kamaal karke hi dikhaani hai। plan achhe banaate hain aur saphalta milti hi hai। thode hain lekin achhe hain, himmat achhi hai। to doosre varsha kamaal karke group le aana। theek hai। achha।

children group ko sambhaalne vaale teachers se -- achha taiyaar kiya hai। achha dil se umang-utsaah se kaarya kiya hai। isliye jo kaarya kiya hai uski saphalta milni hi hai। group achha hai।

jurist meeting mein aaye hue bhaai bahinon se --jurist kya karenge? (law aur lav ka balance rakhenge, bhaarat ko svarga banaayenge) vaise bhi jurist bolne mein hoshiyaar hote hain। achha bola, himmat ke bol bole aur jurist ka kaam hi hai - kamzor case ko himmat vaala banaana। to achha himmat dikhaai aur sada jo bhi maryaadaayen hain, laaz hain us par chalne aur chalaane ka vaayumandal34banaate chalo। baaki quality achhi hai। ek-ek bahut kaarya kar sakte hain,kyon? aapke paas jo klaayanta bankar aate hain woh us samay aapko bhagwan ka roop samajhte hain। aapmen faith hota hai, aise klaayanta ko aap log baap ka bana sakte ho। to vakeel bhi badhte jaayenge, judge bhi badhenge। abhi koi aisa judge taiyaar karo jo nazdeek vaala ho। aur judge apne anubhav ke aadhaar se bole ki agar bhaarat ka kalyaan hona hai, satya siddha hona hai to yahi hai, yahi hai, yahi hai। aisa group taiyaar karo। aisa koi bada judge taiyaar karo jo nirbhay hokar stage par bole,siddha karke bataave ki yeh satya kyon hai। aisi himmat hai na?aapke bolne se hi himmat lag rahi hai। to aisa karna। jisko jo kaha hai, woh is varsha mein last season tak,march ki and tak taiyaar karke laave। pasanda hai? foreign vaalon ko bhi kaam diya hai,youth ko bhi kaam diya hai,jajes ko bhi kaam diya hai। abhi dekhenge kaun karke aata hai। to aapka pahla number hoga na?lekin aisa taiyaar karke aao jo public mein kahen, yahaan conference mein kehna aur baat hai, woh to yeh dharni aisi hai, public stage par kahe - aisa taiyaar karna। (madhuban ki lata behen,vakeel se) yeh vakeel bhi hoshiyaar hai,achha kaam kar rahi hai। shakti aage aave theek hai। mubaarak ho, mubaarak ho। bahut achha।

teachers bahinon se --group to bahut bada hai। (5-6sau teachers hain) teachers kya karengi?is varsha mein teachers inaam lena। kis baat mein? svayan aur centre nivaasi aur saath mein sarva students poore varsha mein nirvighna rahe, koi bhi vighna na svayan mein aave,na saathiyon mein aave, na student mein aave, aisi himmat hai to haath uthaao। party lekar aaye ho to naam to note hain। saugaaten taiyaar rakhna। inaam taiyaar rakhna। dekhenge kitne inaam lene ke paatra bante hain। teen sartiphket lenge। teen sartiphket - ek apna svayan ka sartiphket,doosra saathiyon ka sartiphket aur teesra student ka haan ya na। baaton mein nahin nikaalenge sirf haan nirvighna rahe, ya nahin rahe। kachahri nahin karenge, baaten nahin nikaalenge। to teen sartiphket lene vaale ko inaam milega। haath to sabhi ne uthaaya, jisne nahin uthaaya samajhte hain koshish karenge,pata nahin hove nahin hove, woh haath uthaao। aisa koi hai? sharma to nahin karte ho? agar himmat nahin bhi ho to himmat rakhna,himmat ki madad zaroor milegi। samjha। samjha। samjha? sab teachers ne suna? achha hai - teachers ko dekhkar baapdaada khush hote hai - teachers seva ke saathi hain isliye baapdaada ko teachers ko dekhkar khushi hoti hai। baapdaada regard bhi rakhte hain kyonki bachche bhi hain,saathi bhi hain isliye vishesh madad bhi hai। theek hai na।

madhuban nivaasi, aabu nivaasi --achha group hai। dekho madhuban vaale agar seva mein aage nahin hote to itni aatmaon ko baap se milan ka bhaagya kaise milta। isliye madhuban vaalon ko sabse bade-te-badi den sabke duaaon ki milti hai। duaayen milti hain? duaayen mahsoos karte ho?sikhlaate bhi ho aur nimitta bhi bante ho। to madhuban vaalon ko baapdaada braahmanon ke seva ki chhatrachhaaya kehte hain। madhuban nivaasiyon ke seva ki chhatrachhaaya mein anek aatmaon ka phaayda ho jaata hai। purooshaartha mein aage badhte rehte hain। to sabhi ka punya madhuban vaalon ko share mein milta rehta hai। madhuban vaale share holdar hain। bina mehnat ke bhi milta rehta hai। sabke dil ki duaayen bahut amoolya cheez hai। dil se jisko jitni duaayen milti hain, woh dil ki duaayen jama hoti hain to sahaj purooshaartha ho jaata hai। seva ka punya achha mila hai। yeh seva ka punya sada badhaate rehna। kam nahin karna, sada badhaate rehna। jaise baap ji haazar kehte hain vaise madhuban nivaasi baap ke sameep hain, to madhuban nivaasiyon ko sada ji haazar aur ji hajoor donon hi yaad hai aur rahega।

donon yaad hai na - hajoor bhi yaad hai aur ji haazar bhi yaad hai। koi bhi bulaave,to haan haazar,haan haazar। aise hai? haazar hain na। na na to nahin karte hain na, haan-haan vaale hain। haan ji, haan ji karke hajoor ke aage sameep aa gaye hain। aur sabke laadle ban gaye hain। kis shreshtha nazar se madhuban vaalon ko dekhte hain? bahut laadle ho gaye hain na। jahaan bhi jaayenge, madhuban vaale aaye hain,madhuban vaale aaye hain - yeh seva ka phal hai। to kya yaad hai?ji hajoor aur ji haazar। pakka hai na? kabhi bhi na na nahin। haan ji, haan ji…। bahut achha। baapdaada ko madhuban nivaasiyon se sada pyaar hai। sada pyaare hain। achha।

bhaaratvaasi bhaai-bahnon se avyakt baapdaada ki personal mulaakaat

raajasthaan -- (seva ki bahut achhi duty sambhaali hai) raajasthaan ne seva ka chance achha liya bhi aur kiya bhi,isliye seva ki mubaarak ho। group bahut achha hai, abhi ek do ko sahayog dekar aage badhte chalo। theek hai na। achha।

mahaaraashtra zone -mahaaraashtra naam hi hai maha,to mahaaraashtra kya mahaan kaarya karke dikhaayenge?baapdaada ne aage bhi kaha hai ki quantity to bahut achhi hai, abhi mahaaraashtra ko aisi quality taiyaar karni hai,jo aavaaz phailaane mein sahayogi ban jaaye। abhi mahaaraashtra se koi aisi vishesh aatma taiyaar karo jo saare mahaaraashtra mein uske aavaaz ka prabhaav ho aur mahaaraashtra mein mehnat vaale hain, achhi himmat vaale hain। isliye sahaj aise seva karne se nikal aayenge। is varsha sabhi ko, har zone ko aisa taiyaar karke march tak laana hai। manjoor hai to haath hilaao। march mein mike ki ceremony manaayenge। yeh landan ka mike,yeh America ka mike… yeh bhaarat ka, yeh har zone ka, yeh mahaaraashtra ka, yeh aandhra ka, sab zone ka ho, phir dekhna kya kamaal ho jaati hai।

baambe -- baambe ko brahma baba nar-desaavar kehte hain। iska arth hai sada sampanna rahne vaala। to baambe vaalon ko kya taiyaar karna hai? koi aise seva ke nimitta banaao jo anek chhote-chhote centre ko bhi bada bana den। baambe mein to karte hi ho lekin aisa koi nardesaavar nikaalo jo auron ka bhi sahayogi banen,tab kahenge baambe nardesaavar hai। aise koi vyakti taiyaar karo jo aavaaz phailaaye ki sachcha dhan agar hai to brahmaakumaariyon ke paas hai। sachcha dhan kya hota hai, uske upar chailenz karke dikhaave ki sachcha dhan,avinaashi dhan kisko kaha jaata hai। sahayogi bhi banen aur chailenz karke dikhaave to sabki aankhen khul jaaye ki avinaashi dhan kaun sa hai। aisa march tak nikaalenge?agar haan hai to haath uthaao। himmat nahin ho to na kaho। himmat rakho to kya nahin ho sakta hai। kisko bhi touching hoti hai to second hi lagta hai। yeh to teen maas hain to dekhenge number one prize kaun leta hai। bahut badhiya prize mil rahi hai। is baari sthool prize denge jo yaadgaar rahega। achha।

aandhra pradesh --sab function mein busy hain। thode aaye hain,thode bhi bahut kamaal kar sakte hain। to aandhra pradesh bhi kamaal kar sakta hai kyonki aandhra pradesh mein bhi government education department bahut sahaj connection mein aa sakte hain। aandhra pradesh agar education department mein vishesh seva kare to saphalta bahut sahaj mil sakti hai। aandhra pradesh ke jo mukhya log hain woh sahaj sambandh-samparka mein aa sakte hain,yeh aandhra pradesh ko vardaan hai, isliye himmat rakho to saphalta sahaj hogi। achha।

dilli aur aagra --dilli vaalon ka kaarya aadi se aarambha hua hai। seva ki aadi dilli se hui hai, isliye baapdaada dilli ka naam sada varnan karte rehte hain। dilli vaalon ne invention to samay prati samay ki hai lekin abhi aur bhi nai nai invention kar koi nai saarvis ki rooprekha banaane ke nimitta banna hai। dilli ka aavaaz vishwa tak pahunchta hai। isliye dilli ka vishesh seva ka naam chaaron or baala ho jaata hai। abhi koi naya plan dilli ko practical mein karke dikhaana hai। mike to dilli mein bahut hain, sahayogi hain, samay par sahayog dete hain lekin aavaaj bulanda karna usmein abhi un sahayogi aatmaon ko sameep laana hai। samay par kaarya ke nimitta bante hain lekin aavaaz bulanda karne ke liye sada taiyaar rahen, vo abhi koi nai invention kar unhon ko sahayogi se sada sahayogi banaana hai। dilli mein aisi himmat hai na।

jagdeesh bhaai se -- aadi se seva bahut ki hai। aadi se seva ke nimitta bane ho aur invention bhi achhi-achhi ki hai। abhi dekho vargeekran ki result kitni achhi hai। isliye abhi phir koi nai invention karni hai। sabka aapse pyaar hai। murli mein naam aata hai na to sabhi ka attention jaata hai। abhi shareer ko jabardasti nahin chalaao,abhi aaraam se chalaao। abhi yeh nahin socho yeh karna hi hai। nahin। auron ko aap samaan banaao। mele ki shurooaat bhi dilli se hi shuru hui hai, conference bhi hui abhi nai invention bhi dilli se shuru ho। achha।

yu.pi. -- lakhnau mein bahut achha mela chal raha hai। jaise abhi saare yu.pi. ke sambandh se kaarya kiya hai,vaise abhi yu.pi. mein government ki seva achhi ho sakti hai। agar sabhi milkar yu.pi. mein government ki seva karen to vahaan ka aavaaz chaaron or phail sakta hai। aisi quality yu.pi. mein hai jo seva mein sahayogi ban sakte hain। abhi sabhi busy hain,achha kiya hai। baapdaada khush hai aur mubaarak de rahe hain। anek aatmaon tak aavaaz phaila hai,aise samay prati samay sangathan dvaara aage badhte jaayen,dharni achhi hai, sahaj hai,isliye aage badhaate chalo। achha।

eastern -- achha group aaya hai। seva ki mubaarak to baapdaada ne de hi di hai। abhi aavaaz nikaalne mein sarva ke sahayog se baapdaada khush hai। brahma baap ki pratyakshata ka sthaan hai। isliye jaise brahma baap ka aadi sthaan hai aise abhi sabhi ko naam baala karne ka purooshaartha karna chaahiye। abhi sarva ke sahayog se naam hua hai, mehnat achhi ki hai,sahayog bhi achha diya hai,abhi aise hi sahayogi ban aur aadi sthaan ko mashhoor karte jaaen। kalkatta mein bahut achhe- achhe indastriyal nikal sakte hain। aisi seva karke koi aise nimitta banaao jo anekon ki seva mein nimitta banen। achha hai, abhi himmat achhi hai, umang bhi achha hai, result bhi achhi hai। aage badhte chalo,badhte-badhte manzil par pahunch hi jaayenge। achha।

panjaab -- achha hai,panjaab vaalon ne bhi jagah-jagah par achha naam baala kiya hai। panjaab abhi seva mein achha aage badh raha hai। isliye panjaab vaalon ko va hariyaana,himaachal vaalon ko sabhi ko seva mein aage badhne ki mubaarak ho। jo bhi programme kiye hain, achhe sahayog se aur saphalta poorvak kiye hain, to jaise abhi seva mein fast ja rahe hain aise aage bhi fast rahenge aur saphalta ko praapta karna hi hai। achhi result hai, panjaab vaalon ko mubaarak।

Indore-bhopaal -- chaahe Indore hai,chaahe bhopaal hai lekin har ek apne anusaar seva mein aage to badh hi rahe hain। baapdaada ne dekha hai seva ka umang- utsaah achha hai aur vriddhi bhi hoti rehti hai। abhi jaise vriddhi karte rehte hain, vaise hi chaahe bhopaal mein, chaahe Indore mein,donon jagah aisa powerful group banaao jo sada seva mein aur svaunnati mein ekzaampal banen। donon taraph aisa group banaao jo ekzaampal ban aur taraph bhi apna anubhav suna sake। to madhyapradesh anubhav sunaane ka group taiyaar kare। seva mein to hain hi achhe aur aage bhi karenge parantu aisa koi group ka ekzaampal banaao jo braahmanon ki seva ho,jahaan kuchh bhi ho to aise group ka ekzaampal saamne aave। donon hi madhya pradesh hai na। to donon ko aisi koi taiyaari karni chaahiye। seva ke plan to achhe banaate hi hain। abhi aisa group ban sakta hai? to march mein donon taraph ka aisa group baap ke saamne laana hai। theek hai?vaise to sabhi taraph group banaana hai, lekin pahle aap log banaao। sabhi zone mein banaana hai,nimitta pahla number aap bano। seva mein to hoshiyaar hain hi। plan bhi achhe-achhe banaate hain। achha।

gujraat -- gujraat ne seva ka vihang maarga to dikhaaya, bahut achha kiya। abhi gujraat ko naveenta kya karni hai? seva to kar li, achha kiya। gujraat mein jagah-jagah par vaaris quality hain,abhi gujraat ko vaaris quality ka group taiyaar karke laana hai। baapdaada ko ummeed hai ki gujraat se vaaris quality nikal sakti hai। aur hai bhi lekin unhon ko sangathit roop mein badon ke saamne laao। aise hai na? vaaris hain? to abhi aisa group laana। gujraat ek vaaris quality mein ekzaampal banen। vaaris ki bhaasha to samajhte hain na - jo tan se,man se, sahayog se sabse number one ho aur har kaarya mein har samay ever ready ho? isko kaha jaata hai vaaris। jis samay bulaava aave us samay haazar ho jaaye, isko kaha jaata hai - ‘vaaris quality।’har samay ji hajoor haazar। haazar ho jaae,har kaarya mein number aage aave - isko kaha jaata hai vaaris। to gujraat se aise vaaris nikaalne hain। achha।

karnaatak -- achha group hai। karnaatak vaale jitna hi bhaavna swaroop hain utna hi har kaarya mein sahayogi bhi bahut achhe hain। chaahe koi bhi kaarya ho lekin sankhya sahayogi ban jaati hai। isliye kanaartak ki dharni sevaadhaari bahut achhi hai। karnaatak ke vi.aai.peez bhi bahut achhe bhaav-vaan hone ke kaaran sahayog achha dete hain isliye karnaatak vaalon ko bhi chaaron or ke vi.aai.peez ka group taiyaar karna chaahiye aur aise vi.aai.peez hain jo mike bhi ban sakte hain parantu sangathit roop mein unhon ko paalna chaahiye isliye kanaartak vaale jo nimitta hain unhon ko sangathit roop mein aise vi.aai.peez ka group taiyaar karna chaahiye jo kahaan bhi seva ke nimitta ban sakte hain। vi.aai.pi. ki seva kar rahe hain lekin maidaan par laana chaahiye woh sangathit roop mein kar sakte ho। to abhi sangathit roop mein karna। achha।

taamilnaadu-kerla -- taamilnaadu ki visheshta hai jo nimitta hai (roji behen) uski himmat bahut achhi hai। aur nimitta vaale ki himmat hone ke kaaran chaaron or student mein bhi himmat achhi hai isliye himmate bachche madde baap hai hi। baapdaada taamilnaadu ke sevaadhaariyon ko bahut-bahut mubaarak dete hain। aage bhi seva ki nai-nai invention karte rehna aur aage badhte badhaate rehna।

(1-1-99 ke shubh prabhaat par baapdaada ne sabhi bachchon ko 12 baje ke baad mubaarak di)

chaaron or ke ati snehi sameep brahman aatmaon ko nav yug ke rachta ka mubaarak ho,mubaarak ho,mubaarak ho। yeh ghadi hai vidaai aur badhaai ki। sangam hai। puraane varsha ko vidaai, puraane varsha ke saath-saath puraani baaten,puraani samasyaayen,puraane sanskaar sabko vidaai aur naye umang-utsaah sampanna varsha ko mubaarak ke saath badhaai bhi hai, is varsha ko sada mehnat mukta varsha manaana hai। is varsha ko sada sva aur sarva ko nirvighna bhav ke vardaan se manaana hai। is varsha ko sada vijay hamaara janma-siddha adhikaar hai, -is nishchay aur nashe ko sada har karma karte bhi emerge rakhne ka varsha manaana। is varsha mein har ek ko baapdaada aur daadiyon dvaara number one jaane ka inaam va gift leni hai,iske liye sabhi videshi va bhaaratvaasiyon ko number one ka nishchay rakh aage badhna aur badhaana hai। to bahut-bahut yaadapyaar sahit sab prakaar ki mansa se,vaacha se, sab roop se baapdaada padmaapadma guna mubaarak de rahe hain। abhi ek second sabhi powerful sankalp se, dridhta se puraane vastuon ko,puraane varsha ko, puraani baaton ko sada ke liye vidaai do। ek second sabhi - ‘dridhta saphalta hai’ - is dridh sankalp mein sthit ho jaao।