मंगलवार 30 मार्च 1999 की अव्यक्त मुरली

>

30-03-99 om shanti avyakt baapdaadaamdhuban

teevra purooshaartha ki lagan ko jvaala roop banaakar behad ke vairaagya ki lahar phailaao

aaj baapdaada har ek bachche ke mastak par teen lakeeren dekh rahe hain। jismen ek lakeer hai - parmaatma paalna ke bhaagya ki lakeer। yeh parmaatma paalna ka bhaagya saare kalpa mein ab ek baar hi milta hai,sivaae is sangamayug ke yeh parmaatma paalna kabhi bhi nahin praapta ho sakti। yeh parmaatma paalna bahut thode bachchon ko praapta hoti hai। doosri lakeer hai - parmaatma padhaai ke bhaagya ki lakeer। parmaatma padhaai yeh kitna bhaagya hai jo svayan param aatma shikshak ban padha rahe hain। teesri lakeer hai - parmaatma praaptiyon ki lakeer। socho kitni praaptiyaan hain। sabhi ko yaad hai na - praaptiyon ki list kitni lambi hai! to har ek ke mastak mein yeh teen lakeer chamak rahi hain। aise bhaagyavaan aatmaayen apne ko samajhte ho? paalna,padhaai aur praaptiyaan। saath-saath baapdaada bachchon ke nishchay ke aadhaar par roohaani nashe ko bhi dekh rahe hain। har ek parmaatma bachcha kitna roohaani nashe vaali aatmaayen hain! saare vishwa mein aur saare kalpa mein sabse highest bhi hain, mahaan bhi hain aur holiest bhi hain। aap jaisi pavitra aatmaayen tan se bhi, man se bhi dev roop mein sarva gun sampanna, sampoorn nirvikaari aur koi banta nahin hai। aur phir highest bhi ho,holiest bhi ho saath-saath richest bhi ho। baapdaada sthaapna mein bhi bachchon ko smriti dilaate the aur phalak se akhbaaron mein bhi dalvaaya ki ‘‘om mandali richest in di world’’। yeh sthaapna ke samay ki aap sabki mahima hai। ek din mein kitna bhi bade te bada multi-multi millionaire ho lekin aap jaisa richest ho nahin sakta। itna richest banne ka saadhan kya hai? bahut chhota sa saadhan hai। log richest banne ke liye kitni mehnat karte hain aur aap kitna sahaj maalaamaal bante jaate ho। jaante ho na saadhan! sirf chhoti si bindi lagaani hai bas। bindi lagaai, kamaai hui। aatma bhi bindi, baap bhi bindi aur drama fullstop lagaana, woh bhi bindi hai। to bindi aatma ko yaad kiya, kamaai badh gai। vaise laukik mein bhi dekho, bindi se hi sankhya badhti hai। ek ke aage bindi lagaao to kya ho jaata? 10, do bindi lagaao,teen bindi lagaao, chaar bindi lagaao,badhta jaata hai। to aapka saadhan kitna sahaj hai! ‘‘main aatma hoon’’ - yeh smriti ki bindi lagaana arthaat khazaana jama hona। phir ‘‘baap’’ bindi lagaao aur khazaana jama। karma mein,sambandh-samparka mein drama ka fullstop lagaao,beeti ko fullstop lagaaya aur khazaana badh jaata। to bataao saare din mein kitne baar bindi lagaate ho? aur bindi lagaana kitna sahaj hai! mushkil hai kya? bindi khisak jaati hai kya?

baapdaada ne kamaai ka saadhan sirf yahi sikhaaya hai ki bindi lagaate jaao,to sabhi ko bindi lagaane aati hai? agar aati hai to ek haath ki taali bajaao। pakki hai na! ya kabhi khisak jaati hai,kabhi lag jaati hai? sabse sahaj bindi lagaana hai। koi is aankhon se blind bhi ho, woh bhi agar kaagaj par pencil rakhega to bindi lag jaati hai aur aap to trinetri ho,isliye in teen bindiyon ko sada use karo। question mark kitna tedha hai, likhkar dekho, tedha hai na? aur bindi kitni sahaj hai। isliye baapdaada bhinna-bhinna roop se bachchon ko samaan banaane ki vidhi sunaate rehte hain। vidhi hai hi bindi। aur koi vidhi nahin hai। agar videhi bante ho to bhi vidhi hai - bindi banna। ashareeri bante ho, karmaateet bante ho, sabki vidhi bindi hai। isliye baapdaada ne pahle bhi kaha hai - amritvele baapdaada se milan manaate,roohrihaan karte jab kaarya mein aate ho to pahle teen bindiyon ka tilak mastak par lagaao, woh laal bindiyon ka tilak lagaane nahin shuru karna lekin smriti ka tilak lagaao। aur check karo - kisi bhi kaaran se yeh smriti ka tilak mite nahin। avinaashi, amit tilak hai?

baapdaada bachchon ka pyaar bhi dekhte hain,kitne pyaar se bhaag-bhaag kar milan manaane pahunchte hain aur phir aaj haal mein bhi milan manaane ke liye kitni mehnat se, kitne pyaar se neend,pyaas ko bhoolkar pahle number mein najdeek baithne ka purooshaartha karte hain। baapdaada sab dekhte hain, kya-kya karte hain woh saara drama dekhte hain। baapdaada bachchon ke pyaar par nyochhaavar bhi hote hain aur yeh bhi bachchon ko kehte hain jaise saakaar mein milne ke liye daud-daud kar aate ho aise hi baap samaan banne ke liye bhi teevra purooshaartha karo, ismen sochte ho na ki sabse aage te aage number mile। sabko to milta nahin hai,yahaan saakaari duniya hai na! to saakaari duniya ke niyam rakhne hi padte hain। baapdaada us samay sochte hain ki sab aage-aage baith jaaen lekin yeh ho sakta hai? ho bhi raha hai, kaise?peechhe vaalon ko baapdaada sada naynon mein samaaya hua dekhte hain। to sabse sameep hain nayan। to peechhe nahin baithe ho lekin baapdaada ke naynon mein baithe ho। noore ratna ho। peechhe vaalon ne suna? door nahin ho, sameep ho। shareer se peechhe baithe hain lekin aatma sabse sameep hai। aur baapdaada to sabse jyaada peechhe vaalon ko hi dekhte hain। dekho najdeek vaalon ko in sthool naynon se dekhne ka chance hai aur peechhe vaalon ko in naynon se najdeek dekhne ka chance nahin hai isliye baapdaada naynon mein sama leta hai।

baapdaada muskaraate rehte hain,do bajta hai aur line shuru ho jaati hai। baapdaada samajhte hain ki bachche khade-khade thak bhi jaate hain lekin baapdaada sabhi bachchon ko pyaar ka massage kar dete hain। taangon mein massage ho jaata hai। baapdaada ka massage dekha hai na - bahut nyaara aur pyaara hai। to aaj sabhi is season ka last chance lene ke liye chaaron or se bhaag-bhaagkar pahunch gaye hain। achha hai। baap se milan ka umang-utsaah sada aage badhaata hai। lekin baapdaada to bachchon ko ek second bhi nahin bhoolta hai। baap ek hai aur bachche anek parantu anek bachchon ko bhi ek second bhi nahin bhoolte kyonki sikeeldhe ho। dekho kahaan-kahaan desh-videsh ke kone-kone se baap ne hi aapko dhoondha। aap baap ko dhoondh sake? bhatakte rahe lekin mil nahin sake aur baap ne bhinna-bhinna desh, gaanv,kasbe jahaan-jahaan bhi baap ke bachche hain, vahaan se dhoondh liya। apna bana liya। geet gaate ho na - main baba ka aur baba mera। na jaati dekhi, na desh dekha, na rang dekha, sabke mastak par ek hi roohaani rang dekha - jyoti bindu। double foreigners kya samajhte hain? baap ne jaati dekhi?kaala hai,gora hai, shyaam hai, sundar hai? kuchh nahin dekha। mera hai - yeh dekha। to bataao baap ka pyaar hai ya aapka pyaar hai? kiska hai? (donon ka hai) bachche bhi uttar dene mein hoshiyaar hain, kehte hain baba aap hi kehte ho ki pyaar se pyaar kheenchata hai, to aapka pyaar hai to hamaara hai tab to kheenchata hai। bachche bhi hoshiyaar hain aur baap ko khushi hai ki itna himmat,umang-utsaah rakhne vaale bachche hain।

baapdaada ke paas 15 din ke chart ka bahut bachchon ka result aaya hai। ek baat to baapdaada ne chaaron or ki result mein dekhi ki majority bachchon ka attention raha hai। percentage jitni svayan bhi chaahte hain utni nahin hai,parantu attention hai aur dil hi dil mein jo teevra purushaarthi bachche hain woh apni pratigya ko poora karne ke lakshya se aage badh bhi rahe hain। aur aage badhte-badhte manzil par pahunch hi jaayenge। minority abhi bhi kabhi albelepan mein aur kabhi aalasya ke vash attention bhi kam de rahe hain। unhon ka ek vishesh slogan hai - ho hi jaayenge,jaayenge… jaana hai nahin,jaayenge। ho hi jaayega - yeh hai albelaapan। jaana hi hai, yeh hai teevra purooshaartha। baapdaada vaayde bahut sunte hain, baar-baar vaayde bahut achhe karte hain। bachche vaayde itni achhi himmat se karte hain jo us samay baapdaada ko bhi bachche dilkhush mithaai khila dete hain। baap bhi kha lete hain। lekin vaayda arthaat purooshaartha mein jyaada se jyaada phaayda। agar phaayda nahin to vaayda samartha nahin hai। to vaayda bhale karo phir bhi dilkhush mithaai to khilaate ho na! saath-saath teevra purooshaartha ki lagan ko agni roop mein laao। jvaalaamukhi bano। samay pramaan rahe hue jo bhi man ke, sambandh-samparka ke hisaab-kitaab hain usko jvaala swaroop se bhasma karo। lagan hai,ismen baapdaada bhi paas karte hain lekin abhi lagan ko agni roop mein laao।

vishwa mein ek taraph bhrashtaachaar,atyaachaar ki agni hogi,doosre taraph aap bachchon ka powerful yog arthaat lagan ki agni jvaala roop mein aavashyak hai। yeh jvaala roop is bhrashtaachaar,atyaachaar ke agni ko samaapta karegi aur sarva aatmaon ko sahayog degi। aapki lagan jvaala roop ki ho arthaat powerful yog ho, to yeh yaad ki agni,us agni ko samaapta karegi aur doosre taraph aatmaon ko parmaatma sandesh ki, sheetal swaroop ki anubhooti karaayegi। behad ki vairaagya vritti prajvalit karaayegi। ek taraph bhasma karegi doosre taraph sheetal bhi karegi। behad ke vairaagya ki lahar phailaayegi। bachche kehte hain - mera yog to hai,sivaae baba ke aur koi nahin, yeh bahut achha hai। parantu samay anusaar abhi jvaala roop bano। jo yaadgaar mein shaktiyon ka shakti roop, mahaashakti roop,sarva shastradhaari dikhaaya hai, abhi woh maha shakti roop pratyaksha karo। chaahe paandav hain, chaahe shaktiyaan hain,sabhi saagar se nikli hui gyaan nadiyaan ho, saagar nahin ho, nadi ho। gyaan gangaaye ho। to gyaan gangaayen ab aatmaon ko apne gyaan ki sheetalta dvaara paapon ki aag se mukta karo। yeh hai vartamaan samay ka braahmanon ka kaarya।

sabhi bachche poochhte hain ki is saal kya seva karen? to baapdaada pahli seva yahi bataate hain ki abhi samay anusaar sabhi bachche vaanaprastha avastha mein hain, to vaanaprasthi apne samay, saadhan sabhi bachchon ko dekar svayan vaanaprastha hote hain। to aap sabhi bhi apne samay ka khazaana,shreshtha sankalp ka khazaana abhi auron ke prati lagaao। apne prati samay, sankalp kam lagaao। auron ke prati lagaane se svayan bhi us seva ka pratyakshaphal khaane ke nimitta ban jaayenge। mansa seva,vaacha seva aur sabse jyaada - chaahe brahman, chaahe aur jo bhi sambandh-samparka mein aate hain unhon ko kuchh na kuchh master daata banke dete jaao। nihsvaartha ban khushi do, shanti do, aanand ki anubhooti karaao, prem ki anubhooti karaao। dena hai aur dena maana svatah hi lena। jo bhi jis samay, jis roop mein sambandh-samparka mein aaye kuchh lekar jaaye। aap master daata ke paas aakar khaali nahin jaaye। jaise brahma baap ko dekha - chalte-phirte bhi agar koi bhi bachcha saamne aaya to kuchh na kuchh anubhooti ke bina khaali nahin jaata। yeh check karo jo bhi aaya, mila,kuchh diya va khaali gaya? khajaane se jo bharpoor hote hain woh dene ke bina rah nahin sakte। akhut, akhanda daata bano। koi maange, nahin। daata kabhi yeh nahin dekhta ki yeh maange to den। akhut mahaadaani,mahaadaata svayan hi deta hai। to pahli seva is varsha - mahaan daata ki karo। aap daata dvaara mila hua dete ho। brahman koi bhikhaari nahin hain lekin sahayogi hain। to aapas mein braahmanon ko ek do mein daan nahin dena hai, sahayog dena hai। yeh hai pahla number seva। aur saath-saath baapdaada ne videsh ke bachchon ki khushkhabri suni to baapdaada ne dekha ki jo is srishti ke aavaaj phailaane ke nimitta baapdaada ne jo mike naam diya hai to videsh ke bachchon ne aapas mein is kaarya ko kiya hai aur jab plan bana hai to practical hona hi hai। lekin bhaarat mein bhi jo 13zone hain, har ek zone se kam se kam ek aisa vishesh nimitta sevaadhaari banen, jisko mike kaho ya kuchh bhi kaho,aavaaj phailaane vaale koi nimitta banaao,yeh baapdaada ne kam se kam kaha hai lekin agar bade-bade desh mein aise nimitta banne vaale hain to sirf zone vaale nahin lekin bade deshon se bhi aise taiyaar kar programme banaana hai। baapdaada ne videsh ke bachchon ko dil hi dil mein mubaarak di,abhi mukh se bhi de rahe hain ki practical mein laane ka plan pahle baapdaada ke saamne laaya। vaise baapdaada jaante hain ki bhaarat mein aur hi sahaj hai lekin abhi kuchh quality ki seva kar sahayogi sameep laao। bahut sahayogi hain lekin sangathan mein unhon ko aur sameep laao।

saath-saath baapdaada ka yeh sankalp hai ki har ek bade shahron ki jo area hoti hai, woh bahut badi hoti hai, har ek centre ko apni area se aise vishesh taiyaar karna aavashyak hai kyonki samay sameep aa raha hai aur last samay aap sabhi ko svayan apna parichay nahin dena hai, aapki taraph se woh speech kare, woh speaker ho aur aap searchlight ho। to har ek ko apni area se aisa mike nikaalna hai। har ek area mein koi na koi vishesh businessman kaho va aisa bhinna-bhinna varga ka koi mukhya hota hi hai। apne- apne centre par apni area ki vishesh aatmaon ko taiyaar karo। woh sunaave ki yeh gyaan kya hai। aap abhi last samay saakshaatkaar moorta, pharishta ban drishti do aur woh speaker bane। speaker banna to sabhi seekh gaye hain,chhoti-chhoti teachers bhi speech bahut achha karti hain। speech sabhi karte ho। abhi speaker auron ko taiyaar karo। aapki drishti va do vachan sabhi ko aisi bhaasna den jaise kai samay ki speech kar li hai। aisa samay aana hi hai।

abhi samay bhi fast gati le raha hai,sirf samay baar-baar fast hokar aap logon ko aise peeth karke (mudkar ke) dekhta hai ki hamaare maalik tej raphtaar se aa rahe hain va samay fast ja raha hai? maalik to aap ho na?to aapko baar-baar dekhta hai, fast aa rahe hain! isliye is varsha quality ki seva mein vishesh attention do। har ek centre ki result aani chaahiye ki hamaare centre par kis varga ke aur kitni quality ki seva ho rahi hai। quantity to svatah hi badhti jaayegi। abhi bhi dekho yeh haal bhi chhota ho gaya hai na। quantity to badhni hi hai,abhi aise practical group taiyaar karo।

saath-saath brahman aatmaon mein aur bhi sameep laane ke liye,har ek taraph va madhuban mein chaaron or jvaala swaroop ka vaayumandal banaane ke liye,chaahe jisko bhatthi vahte ho woh karo, chaahe aapas mein sangathan mein roohrihaan karke jvaala swaroop ka anubhav karaao aur aage badhaao। jab is seva mein lag jaayenge to jo chhoti-chhoti baaten hain na - jismen samay lagta hai, mehnat lagti hai, dilshikasta bante hain woh sab aise lagega jaise jvaalaamukhi highest stage aur uske aage yeh samay dena, mehnat karna, ek gudiyon ka khel anubhav hoga। svatah hi sahaj hi safe ho jaayenge। baapdaada ne kaha na ki sabse jyaada baapdaada ko raham tab padta hai jab dekhte hain ki master sarvashaktivaan bachche aur chhoti-chhoti baaton ke liye mehnat karte hain। mohabbat jvaalaamukhi roop ki kam hai tab mehnat lagti hai। to abhi mehnat se mukta bano, albele nahin banna lekin mehnat se mukta hona। aise nahin sochna mehnat to karni nahin hai to aaraam se so jaao। lekin mohabbat se mehnat khatma karo। albelepan se nahin। samjha - kya karna hai?

abhi baapdaada ko aana to hai hi। poochhte hain aage kya hoga?baapdaada aayenge ya nahin aayenge? baapdaada na to karte nahin hain, haan ji, haan ji karte hain। bachche kehte hain hajoor, baap kehte hain ji haajir। to samjha kya karna hai, kya nahin karna hai। mehnat mohabbat se kat karo। abhi mehnat mukta varsha manaao - mohabbat se, aalasya se nahin। yeh pakka yaad rakhna - aalasya nahin।

theek hai - sab sankalp poore hue?koi rah gaya?janak se (daadi jaanki se) poochhte hain - kuchh raha? daadi to muskara rahi hai। khel poora ho gaya?yeh operation bhi kya hai?khel mein khel hai। khel achha raha na! achha –

sabhi vishesh teachers bhi baithi hain। ek panth do kaarya kiya hai,teachers badi hoshiyaar hain। (meeting bhi hai aur baapdaada se milan bhi hua)

achha - anek kalpa mein to aaye ho lekin jo is kalpa mein pahli baar aaye hain woh haath uthaao। jo bhi pahli baar aaye hain chaahe aage baithe hain,chaahe peechhe baithe hain, unhon ko baapdaada vishesh sneh ki drishti bhi de rahe hain aur padam guna mubaarak bhi de rahe hain। bahut achhe samay par aa gaye। aap dekho abhi bhi itni sankhya hai, aage chalkar itna bhi nahin mil sakega। baithna bhi mile,yeh bhi mushkil hoga। iseelie abhi aa gaye, bahut achha kiya। mubaarak ho। achha - garma lag rahi hai sabhi ko। (rang-birangi haath ke pankhe sabke paas hain) dekho bhakti ki yaatraaon se to bahut sukhi baithe ho, mitti mein nahin baithe ho, dari aur chaadar par hi baithe ho। (drill)

second mein bindi swaroop ban man-buddhi ko ekaagra karne ka abhyaas baarbaar karo। stop kaha aur second mein vyartha deh-bhaan se man-buddhi ekaagra ho jaae। aisi controlling power saare din mein use karke dekho। aise nahin order karo - control aur do minute ke baad control ho, 5 minute ke baad control ho,isliye beech-beech mein controlling power ko use karke dekhte jaao। second mein hota hai,minute mein hota hai, jyaada minute mein hota hai, yeh sab check karte jaao।

abhi sabhi ko teen maas ka chart aur pakka karna hai। certificate lena hai। pahle svayan, svayan ko certificate dena phir baapdaada denge। achha।

chaaron or ke parmaatma paalna ke adhikaari aatmaon ko,parmaatma padhaai ke adhikaari shreshtha aatmaon ko,parmaatma praaptiyon se sampanna aatmaon ko,sada bindi ki vidhi se teevra purushaarthi aatmaon ko,sada mehnat se mukta rahne vaale mohabbat mein samaaye hue bachchon ko, jvaala swaroop vishesh aatmaon ko baapdaada ka yaadapyaar aur namaste।

daadi ji se

jo bhi kuchh drama hota hai - sabhi ka sneh badhta hai। nimitta aatmaon mein sabhi ke jaise praan hain। isliye operation to nimitta hai lekin sabke sneh aur duaaon ka khazaana bahut jama ho gaya। dekho, drama mein murliyaan bhi kitni samay pramaan repeat hui, baapdaada ne sabhi ko sakaash dene aur lene ka paath padha liya। samay anusaar murliyaan bhi vahi chali। baapdaada ka to pyaar hai hi lekin har ek bachchon ka bhi dil se pyaar hai। parmaatma pyaar aur brahman aatmaon ka pyaar yeh uda deta hai kyonki aapke saakaar mein thoda samay bhi milne ka sabhi ko mahatva hai। itna samay milne ke bajaae pharishte muaaphik yeh milan - yeh bhi drama mein part achha raha। abhi apne ko brahma baap ke samaan pharishta roop se milna, chalna aur udna - yahi part chal raha hai। jaise brahma baap ko dekha ekdam nyaara, karmaateet anubhav raha। aise aap sabhi mahaarthiyon ko abhi aise brahma samaan karmaateet avastha ke sameep aana hi hai। follow father। ek second ki aapki drishti kai ghanton ki praapti ka anubhav karaayegi। abhi bolne ki,baithne ki bhi mehnat kam hoti jaayegi। ekdam brahma baap hi dikhaai dega। yeh daadiyaan nahin hain, brahma baap hai। avyakt brahma, avyakt roop se paalna de rahe hain aur aap dvaara saakaar brahma baap ki anubhooti badhti jaayegi। aapko daadi nahin dekhenge, brahma dekhenge। hota hai na aise? achha। keemti ratna ho। keemti ratnon ki sambhaal ki jaati hai।

aap nimitta bani hui aatmaon ke umang-utsaah se chaaron or ki aatmaayen umang-utsaah se chal rahi hain kyonki ek do ke sahayogi ho। jaise baap kehte hain na - haajir hajoor। vaise ek do mein haazar - haazar is sneh aur sangathan se shakti auron ko mil rahi hai aur duaayen aapko mil rahi hain। donon ko praapti hai। sabse jyaada duaaon ka khazaana kiska jama hota hai?aapka। ismen pahle main kahne mein abhimaan nahin hai, svamaan hai। kuchh do to duaayen milen।

abhi bhi vairaagya vritti nahin aai hai, ismen baapdaada bhi dekh rahe hain,kab aarambha hota hai। abhi to saadhan use karne ke anubhvi jyaada hain। baapdaada jaante hain ki jab tak braahmanon mein behad ki vairaagya vritti emerge nahin hui hai to vishwa mein bhi vairaagya vritti nahin aa sakti। saare vishwa mein vairaagya vritti hi kuchh paapon se mukta karegi। abhi shakti sena ko raham aana chaahiye। abhi raham kam hai,seva hai। lekin merciful, woh abhi jyaada emerge chaahiye। paap karma ka bichaare bojh uthaate jaate hain। bojh se jhukte ja rahe hain। to raham aana chaahiye, taras aana chaahiye।

achha। om shanti।