मंगलवार 15 फ़रवरी 2000 की अव्यक्त मुरली

>

15-02-2000 om shanti avyakt baapdaadaamdhuban

man ko svachchha,buddhi ko clear rakh double light pharishte sthiti ka anubhav karo

aaj baapdaada apne svaraajya adhikaari bachchon ko dekh rahe hain। svaraajya brahman jeevan ka janma siddha adhikaar hai। baapdaada ne har ek brahman ko svaraajya ke takhtansheen bana diya hai। svaraajya ka adhikaar janmate hi har ek brahman aatma ko praapta hai। jitna svaraajya sthit bante ho utna hi apne mein light aur might ka anubhav karte ho।

baapdaada aaj har ek bachche ke mastak par light ka taaj dekh rahe hain। jitni apne mein might dhaaran ki hai utna hi nambarvaar light ka taaj chamakta hai। baapdaada ne sabhi bachchon ko sarva shaktiyaan adhikaar mein di hai। har ek master sarvashaktivaan hai, parantu dhaaran karne mein nambarvaar ban gaye hain। baapdaada ne dekha ki sarvashaktiyon ki knowledge bhi sabmen hai, dhaarna bhi hai lekin ek baat ka antar pad jaata hai। koi bhi brahman aatma se poochho - har ek shakti ka varnan bhi bahut achha karenge, praapti ka varnan bhi bahut achha karenge। parantu antar yeh hai ki samay par jis shakti ki aavashyakta hai,us samay par woh shakti kaarya mein nahin laga sakte। samay ke baad mahsoos karte hain ki is shakti ki aavashyakta thi। baapdaada bachchon ko kehte hain - sarva shaktiyon ka varsa itna shaktishaali hai jo koi bhi samasya aapke aage thahar nahin sakti hai। samasya-mukta ban sakte ho। sirf sarva shaktiyon ko emerge roop mein smriti mein rakho aur samay par kaarya mein lagaao। iske liye apne buddhi ki line clear rakho। jitni buddhi ki line clear aur clean hogi utna nirnay shakti teevra hone ke kaaran jis samay jo shakti ki aavashyakta hai woh kaarya mein laga sakenge kyonki samay ke pramaan baapdaada har ek bachche ko vighna-mukta,samasya-mukta,mehnat ke purooshaartha-mukta dekhne chaahte hain। banna to sabko hai hi lekin bahutkaal ka yeh abhyaas aavashyak hai। brahma baba ka vishesh sanskaar dekha - ``turat daan mahaapunya''। jeevan ke aarambha se har kaarya mein turat daan bhi, turat kaam bhi kiya। brahma baap ki visheshta - nirnay-shakti sada fast rahi। to baapdaada ne result dekhi। sabko saath to le hi jaana hai। baapdaada ke saath chalne vaale ho na! ya peechhe-peechhe aane vaale ho?jab saath chalna hi hai to follow brahma baap। karma mein follow brahma baap aur sthiti mein niraakaari shiv baap ko follow karna hai। follow karna aata hai na?

double videshiyon ko follow karna aata hai? follow karna to sahaj hai na! jab follow hi karna hai to kyon, kya,kaise… yeh samaapta ho jaata hai। aur sabko anubhav hai ki vyartha sankalp ke nimitta yeh kyon, kya,kaise… hi aadhaar bante hain। follow father mein yeh shabd samaapta ho jaata hai। kaise nahin- aise! buddhi phauran judge karti hai aise chalo, aise karo। to baapdaada aaj vishesh sabhi bachchon ko chaahe pahle baari aaye hain,chaahe puraane hain,yahi ishaara dete hain ki apne man ko svachchha rakho। bahuton ke man mein abhi bhi vyartha aur negative ke daag chhote-bade hain। iske kaaran purooshaartha ki shreshtha speed, teevragti mein rookaavat aati hai। baapdaada sada shreemat dete hain ki man mein sada har aatma ke prati shubh-bhaavna aur shubh-kaamna rakho - yeh hai svachchha man। apkaari par bhi upkaar ki vritti rakhna- yeh hai svachchha man। svayan ke prati va anya ke prati vyartha sankalp aana - yeh svachchha man nahin hai। to svachchha man aur clean aur clear buddhi। judge karo, apne aapko attention se dekho, oopar-oopar se nahin, theek hai, theek hai। nahin, soch ke dekho - man aur buddhi spashta hai, shreshtha hai? tab double light sthiti ban sakti hai। baap samaan sthiti banaane ka yahi sahaj saadhan hai। aur yeh abhyaas ant mein nahin,bahutkaal ka aavashyak hai। to check karna aata hai?apne ko check karna, doosre ko nahin karna। baapdaada ne pahle bhi hansi ki baat bataai thi ki kai bachchon ki door ki nazar bahut tez hai aur nazdeek ki nazar kamzor hai! isliye doosre ko judge karne mein bahut hoshiyaar hain। apne ko check karne mein kamzor nahin banna।

baapdaada ne pahle bhi kaha hai ki jaise abhi yeh pakka ho gaya hai ki main brahmaakumaari/brahmaakumaar hoon। chalte-phirte-sochte - ham brahmaakumaari hain, ham brahmaakumaar brahman aatma hain। aise abhi yeh natural smriti aur nature banaao ki ``main pharishta hoon।'' amritvele uthte hi yeh pakka karo ki main pharishta parmaatma-shreemat par neeche is saakaar tan mein aaya hoon, sabhi ko sandesh dene ke liye va shreshtha karma karne ke liye। kaarya poora hua aur apne shanti ki sthiti mein sthit ho jaao। oonchi sthiti mein chale jaao। ek-do ko bhi pharishte swaroop mein dekho। aapki vritti doosre ko bhi dheere-dheere pharishta bana degi। aapki drishti doosre par bhi prabhaav daalegi। yeh pakka hai ki ham pharishte hain? `pharishta bhav' ka vardaan sabhi ko mila hua hai?ek second mein pharishta arthaat double light ban sakte ho? ek second mein,minute mein nahin, 10second mein nahin,ek second mein socha aur bana, aisa abhyaas hai? achha jo ek second mein ban sakte hain, do second nahin,ek second mein ban sakte hain, woh ek haath ki taali bajaao। ban sakte hain? aise hi nahin haath uthaana। double foreigner nahin utha rahe hain! time lagta hai kya?achha jo samajhte hain ki thoda time lagta hai, ek second mein nahin, thoda time lagta hai,woh haath uthaao। (bahuton ne haath uthaaya) achha hai, lekin last ghadi ka paper ek second mein aana hai, phir kya karenge?achaanak aana hai aur second ka aana hai। haath uthaaya, koi harja nahin। mahsoos kiya, yeh bhi bahut achha। parantu yeh abhyaas karna hi hai। karna hi padega nahin, karna hi hai। yeh abhyaas bahut-bahut-bahut aavashyak hai। chalo phir bhi baapdaada kuchh time dete hain। kitna time chaahiye?do hazaar tak chaahiye। 21veen sadi to aap logon ne challenge ki hai,dhindhora peeta hai, yaad hai?challenge kiya hai - golden aged duniya aayegi ya vaataavran banaayenge। challenge kiya hai na! to itne tak to bahut time hai। jitna sva par attention de sako, de sako bhi nahin, dena hi hai। jaise deh-bhaan mein aane mein kitna time lagta hai! do second? jab chaahte bhi nahin ho lekin deh bhaan mein aa jaate ho, to kitna time lagta hai? ek second ya usse bhi kam lagta hai? pata hi nahin padta hai ki deh-bhaan mein aa bhi gaye hain। aise hi yeh abhyaas karo - kuchh bhi ho, kya bhi kar rahe ho lekin yeh bhi pata hi nahin pade ki main soul-conscious,powerful sthiti mein natural ho gaya hoon। pharishta sthiti bhi natural honi chaahiye। jitni apni nature pharishte-pan ki banaayenge to nature sthiti ko natural kar degi। to baapdaada kitne samay ke baad poochhe? kitna samay chaahiye? jayanti bolo - kitna samay chaahiye? foreign ki taraph se aap bolo - kitna samay foreign vaalon ko chaahiye? janak bolo। (daadi ji ne kaha aaj ki aaj hogi,kal nahin) agar aaj ki aaj hai to abhi sabhi pharishte ho gaye?ho jaayenge nahin। agar jaayenge to kab tak? baapdaada ne aaj brahma baap ka kaun-sa sanskaar bataaya? - `turat daan mahaapunya।'

baapdaada ka har ek bachche se pyaar hai,to aise hi samajhte hain ki ek bachcha bhi kam nahin rahe। nambarvaar kyon? sabhi number one ho jaaen to kitna achha hai। achha - aaj bahut groups aaye hue hain।

prashaasak varga (administration wing) - aapas mein milkar kya programme banaaya?aisa teevra purooshaartha ka plan banaaya ki jalda-se-jalda aap shreshtha aatmaon ke haath mein yeh kaarya aa jaae। vishwa-parivartan karna hai to saari administration badalni padegi na! kaise yeh kaarya sahaj badhta jaae, phailta jaae, aise socha?jo bhi kam se kam bade-bade shahron mein nimitta hain unhon ko personal sandesh dene ka plan banaaya hai? kam se kam yeh to samjhen ki ab aadhyaatmikta dvaara parivartan ho sakta hai aur hona chaahiye। to apne varga ko jagaana iseelie yeh varga banaaye gaye hain। to baapdaada varga vaalon ki seva dekh karke khush hai parantu yeh result dekhni hai ki har varga vaalon ne apne-apne varga ko kahaan tak message diya hai! thoda bahut jagaaya hai va saathi banaaya hai? sahayogi,saathi banaaya hai? brahmaakumaar nahin banaaya lekin sahayogi saathi banaaya?

sabhi vargon ko baapdaada kah rahe hain ki jaise abhi dharma-netaayen aaye, number one vaale nahin the phir bhi ek stage par sab ikatthe hue aur sabhi ke mukh se yeh nikla ki ham sabko milkar aadhyaatmik shakti ko phailaana chaahiye। aise har varga vaale jo bhi aaye ho, us har varga vaale ko yeh result nikaalni hai ki hamaare varga vaalon mein message kahaan tak pahuncha hai?

doosra - aadhyaatmikta ki aavashyakta hai aur ham bhi sahayogi banen - yeh result ho। regular stoodainta nahin bante lekin sahayogi ban sakte hain। to abhi tak har varga vaalon ki jo bhi seva ki hai, jaise abhi dharma-netaaon ko bulaaya, aise har desh se har wing vaalon ka karo। pahle india mein hi karo,peechhe intarneshnal karna, har varga ke aise bhinna-bhinna stage vaale ikatthe ho aur yeh anubhav karen ki ham logon ko sahayogi banna hai। yeh har varga ki result ab tak kitni nikli hai? aur aage ka kya plan hai? kyonki ek varga, ek-ek ko agar lakshya rakhkar sameep laayenge to phir sab varga ke jo sameep sahayogi hain na,unhon ka sangathan karke bada sangathan banaayenge। aur ek do ko dekh karke umang-utsaah bhi aata hai। abhi bante hue hain, koi shahar mein kitne hain, koi shahar mein kitne hain। achhe-achhe hain bhi parantu sabka pahle sangathan ikatthe karo aur phir sabka milkar sangathan madhuban mein karenge। to aise plan kuchh banaaya? bana hoga zaroor। foreign vaalon ko bhi sandesh bheja tha ki bikhre hue bahut hain। agar bhaarat mein bhi dekho to achhi-achhi sahayogi aatmaayen jagah-jagah par nikli hain parantu gupta rah jaati hain। unhon ko milaakar koi vishesh programme rakhkar anubhav ki len-den karen usse antar pad jaata hai, sameep aa jaate hain। kis varga ke 5 honge, kiske8 honge,kiske 25-30bhi honge। sangathan mein aane se aage badh jaate hain। umang-ullaas badhta hai। to abhi tak jo sabhi vargon ki seva hui hai,uski result nikaalni chaahiye। suna,sabhi varga vaale sun rahe hain na! sabhi varga vaale jo aaj vishesh aaye hain woh haath uthaao। bahut hain। to abhi result dena - kitne-kitne,kaun-kaun aur kitni percent mein sameep sahayogi hain? phir unhon ke liye ramneek programme banaayenge। theek hai na!

madhuban vaalon ko khaali nahin rehna hai। khaali rahne chaahte hain?busy rahne chaahte hain na! ya thak jaate hain? beech-beech mein 15 din chhutti bhi hoti hai aur honi bhi chaahiye। parantu programme ke peechhe programme list mein hona chaahiye to umang-utsaah rehta hai, nahin to jab seva nahin hoti hai to daadi ek complain karti hai। complain bataayen? kehti hai sabhi kehte hain - apne-apne gaanv mein jaayen। chakkar lagaane jaayen, seva ke liye bhi chakkar lagaane jaayen। iseelie busy rakhna achha hai। busy honge to khit-khit bhi nahin hogi। aur dekho madhuban vaalon ki ek visheshta par baapdaada padmaguna mubaarak dete hain। 100guna bhi nahin,padmaguna। kis baat par?jab bhi koi aate hain to madhuban vaalon mein aisi seva ki lagan lag jaati hai jo kuchh bhi andar ho, chhip jaata hai। avyakti dikhaai dete hain। athak dikhaai dete hain aur remark likhkar jaate hain ki yahaan to har ek pharishta lag raha hai। to yeh visheshta bahut achhi hai jo us samay vishesh will power aa jaati hai। seva ki chamak aa jaati hai। to yeh sartiphket to baapdaada deta hai। mubaarak hai na! to taali to bajaao madhuban vaale। bahut achha। baapdaada bhi us samay chakkar lagaane aata hai,aap logon ko pata nahin padta hai lekin baapdaada chakkar lagaane aata hai। to yeh visheshta madhuban ki aur aage badhti jaayegi। achha।

media wing - foreign mein bhi media ka shuru hua hai na! baapdaada ne dekha hai ki media mein abhi mehnat achhi ki hai। abhi akhbaaron mein nikalne shuru hua hai aur pyaar se bhi dete hain। to mehnat ka phal bhi mil raha hai। abhi aur bhi vishesh akhbaaron mein,jaise T.vi. mein kisi ne bhi permanent thoda samay bhi de diya hai na! roz chalta hai na। to yeh progress achhi hai। sabhi ko sunne mein achha anubhav hota hai। aise akhbaar mein vishesh chaahe saptaah mein, chaahe roz, chaahe har doosre din ek pees (ek tukda) mukrar ho jaae ki yeh aadhyaatma-shakti badhaane ka mauka hai। aisa purooshaartha karo। vaise saphalta hai, connection bhi achha badhta jaata hai। abhi kuchh kamaal karke dikhaao akhbaar ki। kar sakte hain? group kar sakta hai?haath uthaao - haan karenge। umang-ullaas hai to saphalta hai hi। kyon nahin ho sakta hai! aakhir to samay aayega jo sab saadhan aapki taraph se use honge। offer karenge aapko। offer karenge kuchh do, kuchh do। madad lo। abhi aap logon ko kehna padta hai - sahayogi bano, phir woh kahenge - hamaare ko sahayogi banaao। sirf yeh baat pakki rakhna - pharishta, pharishta,pharishta! phir dekho aapka kaam kitna jaldi hota hai। peechhe padna nahin padega lekin parchhaai ke samaan woh aapehi peechhe aayenge। bas sirf aapki avasthaaon ke rookne se rooka hua hai। ever ready ban jaao to sirf switch dabaane ki deri hai, bas। achha kar rahe hain aur karenge।

SpARC group - yeh bahut bada group hai। SpARC vaale research karte hain na! SpARC vaalon ko vishesh yeh attention mein rahe ki jaise science pratyaksha anubhav karaati hai, maano garma hai to science ke saadhan thandi ka pratyaksha anubhav karaate hain। aise reesarcha vaalon ko vishesh aisa plan banaana chaahiye ki har ek jo baap ki ya aatma ki visheshtaayen hain, gyaan-swaroop,shant-swaroop,aananda-swaroop,shakti-swaroop… is ek-ek visheshta ka practical mein anubhav kya hota hai। woh aisa sahaj saadhan nikaalo jo koi bhi anubhav karne chaahe to chaahe thode samay ke liye bhi anubhav kar sake ki shanti isko kehte hain, shakti ki anubhooti isko kehte hain। ek second, do second bhi anubhav karaane ki vidhi nikaalo। to ek second bhi agar81 kisko anubhav ho gaya to woh anubhav aakarshit karta hai। aisi koi invention nikaalo। aapke saamne aave aur jis visheshta ka anubhav karne chaahe woh kar sake। kya-kya bhinna-bhinna sthiti hoti hai, jaise saadhna karne vaale jo saadhu hain woh practical mein unhon ko anubhav karaate hain, chakra naabhi se shuru hua phir oopar gaya,phir oopar jaake kya anubhooti hoti hai। aise aap apne vidhipoorvak,man aur buddhi dvaara unko anubhav karaao। light baithkar nahin dikhaana hai lekin light ka anubhav karen।

research ka arth hi hai - `pratyaksha vidhi dvaara anubhav karna-karaana।'to aisa plan banaake practical mein iski vidhi nikaalo। jaise yog shivir ki vidhi nikaali na to temporary time mein yog shivir mein jo bhi aate hain woh us samay to anubhav karte hain na! aur unhon ko woh anubhav yaad bhi rehta hai। aise koi-na-koi gun, koi-na-koi shakti, koi-na-koi anaadi sanskaar, unhon ki anubhooti karaao। to aisi research vaalon ko pahle svayan anubhooti karni padegi phir vidhi banaao aur doosron ko anubhooti karaao। aajkal logon ko bhakti mein jaise chamatkaar chaahiye na, mehnat nahin - `chamatkaar।'aise aadhyaatmik roop mein anubhav chaahiye। anubhvi kabhi badal nahin sakta। jaldi-jaldi anubhav ke aadhaar se badhte jaayenge। suna। abhi nai-nai vidhi nikaalo। aap kehte jaao woh anubhav karte jaayen, iske liye bahut powerful abhyaas karna padega।

samaaj seva prabhaag (social wing) -inhon ka bhi kaarya hai bigdi ko practical banaana। woh to gaanv ko badalte hain, parivaar ko badalte hain,parivaar ki samasyaaon ko samaapta kar dikhaate hain। lekin unka hota hai temporary। social wing vaalon ko aise koi misaal dikhaane chaahiye jo pahle koi bahut duhkhi parivaar hon aur parivartan ho sukhi ban jaae,aise yahaan parivaar to bahut aate hain। to government ke aage practical misaal dikhaane chaahiye। itne parivaar badalkar aur kya anubhav karte hain, woh government ke saamne laana chaahiye। jaise bataaya ki koi aise pratyaksha pramaan parivartan ke abhi stage par laao। message to de rahe hain,kaarya to kar rahe hain। lekin abhi government ki aankhon mein aana chaahiye ki spiritual power se social varga kya nahin kar sakta ya kya nahin kar raha hai। abhi jaise park ka sunaaya (baambe ke park), kitni seva ho rahi hai। kitne bachchon ko aaraam mil raha hai,yeh result government ke saamne aana chaahiye। to jo social varga ke netaayen hain, unhon ke paas result aani chaahiye। agar list nikaalo to mukhya-mukhya parivaar ki list kaaphi nikaal sakte ho। yahaan to hai hi practical। woh social work kya karte hain! kapda baantate hain,paise ki madad karte hain… to aap log parivaar mein jo santushtata laate hain, jisse uski economy bhi achhi ho jaati hai, kapde,khaane peene mein mushkilaat khatma ho jaati hai। aaraam se rehte hain। thode mein bhi bahut aaraam se jidangi bita rahe hain, to jo woh karte hain usko bhent karke alaukik roop se aap kya kar rahe hain,woh bataao,aur aise-aise jo ekdam bigde hue ho, unhon ka sangathan bulaakar unhon ko bataao ki dekho kya ham kar rahe hain। to kya hoga ki government ki nazar mein aane se, government ka koi bhi aata hai to advertise bhi sahaj ho jaati hai। aap bulaayenge pres vaalon ko to thode aayenge aur woh bulaayenge to peechhe-peechhe aayenge। to aise dhang se sabko practical drishtaanta dikhaao ki ham kya kar rahe hain। kar bahut rahe hain lekin gupta hai। achha।

raajneta seva prabhaag -politishiyan vaale bhi apne-apne sthaan vaalon ki seva to kar hi rahe hain। seva kar rahe hain aur hoti rahegi। politishan vaalon ko vishesh yeh attention rakhna chaahiye - jaise samaachaar suna ki haidraabaad mein chief minister prabhaavit hone ke kaaran vahaan ke government ki seva sahaj ho rahi hai। aise har sthaan par koi na koi aise samparka vaale hain jinhon ko thoda aur aage la sakte hain। har ek shahar mein apni-apni government mein kuchh-na-kuchh achhe hain,to baapdaada samajhte hain ki jaise haidraabaad vaala vishesh hai, uske dvaara bhinna-bhinna sthaan par aise quality jo aage aa sakti hai,thoda sa uske peechhe mehnat karen to quality nikal sakti hai। aisa group ek taiyaar karo। bhale bhinna-bhinna shahron ke hon lekin aisi quality ho jo samajhte ho, sameep aa sakte hain। aur phir us haidraabaad vaale ko us sangathan mein bulaakar auron ki seva karaao। woh practical uska anubhav sunne se himmat mein aayenge to ham bhi kar sakte hain। to aisa sangathan pahle ikatthe karo, report to aati hai na। to sangathan ikatthe karke phir jagah-jagah par thoda-sa government ke andar jaate rahenge to badon tak bhi pahunch jaayenge kyonki badon ko phursat kam hoti hai lekin beech vaale aa sakte hain। jaise dharma-netaaon mein beech vaale aaye na। koi pahla number vaale to nahin aaye। lekin beech vaalon dvaara unhon tak pahunch sakte hain, raasta hai। to aise aap bhi aisa group taiyaar karke aage thoda jaate raho। aap is samay `raajya aur dharma' - donon sthaapan kar rahe hain to raajdhaani vaale vanchit to nahin rahe na। phir bhi saathi to hain। to aise karke dekho। achha।

dhaarmik seva prabhaag -dharma ke varga vaalon ne ek kaarya karke to dikhaaya lekin yeh rehearsal thi। rehearsal mein saphalta mili yeh to achha hua। abhi aur jo mukhya hain unhon ko bhi sirf aadhyaatmik-shakti ka mahattva bataake,aadhyaatmik shakti se aap kya kar sakte hain, woh bataao। bhale diskashan mein nahin jaao,lekin pahle sameep aaven aur isi par hi charcha ho to aadhyaatmik shakti milkar kya kar sakti hai। aadhyaatmik-shakti vaalon ki kitni badi zimmevaari hai, is topic ko lekar unhon ko sameep laao aur sameep laakar phir samparka mein laao, yahaan aabu tak le aao। to aabu ka pravaah,prabhaav aapehi unhon ko aakarshit karega। aise nahin sochna ki yaatra nikaali, netaaon ka sammelan ho gaya, bahut achha। nahin। aur aage badhna hai, phir aur aage badhna hai। aage badhte hi jaana hai।

rath yaatri -rath yaatriyon ki to svaagat bahut ho chuki hai aur abhi bhi dekho rath yaatriyon ko sabhi ne kitni taaliyaan bajaai,aur group mein nahin bajaai। to bahut achha,is yaatra ko vardaan tha,baapdaada ne pahle bhi sunaaya ki rath yaatriyon ko vishesh baapdaada dvaara vardaan the - ek to - nirvighna,kisi bhi prakaar ka vighna nahin aaya। doosra - sabhi ke sabhi svastha rahe। beemaari ka vighna bhi nahin aaya। aur teesra - vishesh sabhi mein umang-utsaah hone ke kaaran athak rahe। to yeh vardaan pratyaksha roop mein sabhi ne dekha aur anubhav kiya। jahaan umang-utsaah hota hai vahaan yeh sab baaten svatah praapta hoti hain। to saphaltaapoorvak sabhi pahunch gaye aur abhi bhi shivraatri ke utsav mein rath to jahaan-tahaan ja nahin sakte lekin jo video film nikaali hai to har sthaan par is video film dvaara seva achhi honi hi hai। to aapki yaatra video mein aa gai arthaat amar ho gai, chalti rahegi। achha hai। nimitta to invention jagdeesh ne kiya। aise hi shuru se vardaan hai - invention karne ka। abhi bhi is vardaan ko aage badhaate rehna। achha hai। ek ki invention se sabhi taraph umang-utsaah aa gaya। to invention ki mubaarak ho। achha।

videsh ka international service group - double foreigners double phaayda uthaane mein hoshiyaar hain। madhuban ki bhi refreshment aur seva ke plan bhi ban gaye। to achha chance lete hain। baapdaada ko bhi khushi hoti hai,jab sangathit roop mein milkar seva ka plan banaate hain। jis plan mein sab taraph ke nimitta bani hui aatmaon ki drishti pad jaati hai, vibration mil jaate hain to us plan mein duaayen bhar jaati hain aur chaaron or ek hi seva ka plan chalne se chaaron or ka phaila hua aavaaz,aavaaz bulanda karta hai। to abhi bhi plan banaaya hai na - culture aur pees ka। topic achhi hai। dekho donon reeti se is topic par seva kar sakte ho। chaahe culture par karo,chaahe pees par karo। chaahe donon milaakar karo। lekin shanti ki anubhooti to aajkal sabhi chaahte hi hain aur apna culture bhi achha banaane to chaahte hi hain। samajhte hain ki kuchh aur addition chaahiye jisse culture achhe te achha, oonche-te ooncha ho jaae। to topic achhi hai aur jaise umang-utsaah se chaahe bhaarat,chaahe videsh donon taraph plan bana rahe hain, saphalta to hai hi। aur achha hai, isi bahaane se topic unhon ki hai aur practical aap hain। to topic aur practical mil jaayega to achha hoga। achha hai। yu.N. ki seva bhi achhi ho rahi hai, uske kaaran aur-aur ki bhi seva ho rahi hai। dheere-dheere non-government se government tak bhi pahunch jaayenge। achha chal raha hai na! connection bhi achha badhta jaata hai। sahayog bhi dete rehte hain। to sahayogi banaana,samparka mein laana। jitna-jitna samparka mein aayenge utna hi sahayogi svatah hi bante jaate hain aur jitni seva phailti jaati hai to ulta-sulta vaayumandal usmein dab jaata hai। to achhi baat hai। baapdaada project ke baare mein pahle hi mubaarak de rahe hain। achha।

baaki double videshi chaahe meeting vaale, chaahe groups mein aane vaale sabhi ko baapdaada bahut-bahut sneh sampanna mubaarak de rahe hain। achhi himmat rakhte hain। baapdaada ne seva ka umang-utsaah aur himmat ismen result achhi dekhi hai। baaki add karna hai - `seva aur sva-unnati ka balance।' seva achhi chal rahi hai aur seva hi vighna-vinaashak bani hui hai। to sabhi double foreigners ko baapdaada sadaiv yaadapyaar dete hain aur sada hi yaad-pyaar saath rahega। achha।

mahaaraashtra zone seva mein aaya hai -achha - aadha haal to mahaaraashtra hai। mahaaraashtra mein seva ki vriddhi achhi ho rahi hai। to mahaaraashtra 9 laakh jaldi bana sakega। aisa hai na! 9laakh banaane mein number one lenge na! achha hai। aap sabko bhi khushi hoti hai na! agar aapke parivaar mein vriddha hoti hai to khush hote ho na! aur sab yahi chaahte hain ki jaldi-jaldi vriddhi ho jaae। to mahaaraashtra vriddhi kar raha hai aur sabhi zone bhi aise vriddhi kar jaldi-jaldi sampanna ban, sampoorn ban baap ke saath chal sakenge। saath chalna hai,yeh bhoolna nahin। baapdaada ne pahle bhi kaha hai ki pyaar se nahin chalenge to 86 jabardasti bhi le chalenge! saath nahin chalenge to peechhe-peechhe bhi leke chalenge। lekin maza nahin hoga। achha।

chaaron or ke desh videsh ke saakaar swaroop mein ya sookshm swaroop mein milan manaane vaale sarva svaraajya adhikaari aatmaon ko,sada is shreshtha adhikaar ko apne chalan aur chehre se pratyaksha karne vaale vishesh aatmaayen, sada baapdaada ko har kadam mein follow karne vaale, sada man ko svachchha aur buddhi ko clear rakhne vaale aise svatah teevra purushaarthi aatmaon ko,sada saath rahne vaale aur saath chalne vaale double light bachchon ko baapdaada ka yaadapyaar aur namaste।