शनिवार 11 नवंबर 2000 की अव्यक्त मुरली

> 11-11-2000 om shanti avyakt baapdaadaamdhuban

sampoornata ki sameepta dvaara pratyakshata ke shreshtha samay ko sameep laao

aaj baapdaada apne holiest,highest, luckiest, sweetest bachchon ko dekh rahe hain। saari vishwa mein samay prati samay holiest aatmaayen aati rahi hain। aap bhi holiest ho lekin aap shreshtha aatmaayen prakritijeet ban, prakriti ko bhi satopradhaan bana deti ho। aapke pavitrata ki power prakriti ko bhi satopradhaan pavitra bana deti hai। isliye aap sabhi aatmaayen prakriti ka yeh shareer bhi pavitra praapta karti ho। aapke pavitrata ki shakti vishwa ke jad, chaitanya,sarva ko pavitra bana deti hai isliye aapko shareer bhi pavitra praapta hota hai। aatma bhi pavitra, shareer bhi pavitra aur prakriti ke saadhan bhi satopradhaan paavan hote hain। isliye vishwa mein holiest aatmaayen ho। holiest ho?apne ko samajhte ho ki ham vishwa ki holiest aatmaayen hain?highest bhi ho, kyon highest ho? kyonki oonche-te-oonche bhagwan ko pahchaan liya। oonche-te-oonche baap dvaara oonche-te-oonchi aatmaayen ban gaye। saadhaaran smriti, vritti,drishti,kriti,sab badalkar shreshtha smriti swaroop, shreshtha vritti, shreshtha drishti ban gai। kisi ko bhi milte ho to kis vritti se milte ho? brotherhood vritti se, aatmik drishti se, kalyaan ki bhaavna se, prabhu parivaar ke bhaav se। to highest ho gaye na? badal gaye na! aur luckiest kitne ho? koi jyotishi ne aapke bhaagya ki lakeer nahin kheenchi hai, svayan bhaagya vidhaata ne aapke bhaagya ki lakeer kheenchi। aur guarantee kitni badi di hai? 21janmon ke takdeer ki lakeer ke avinaashi ki guarantee li hai। ek janma ki nahin, 21janma kabhi duhkh aur ashaanti ki anubhooti nahin hogi। sada sukhi rahenge। teen baaten jeevan mein chaahiye - health,wealth aur happy। yeh teenon hi aap sabko baap dvaara varse mein praapta ho gaya। guarantee hai na, 21janmon ki? sabhi ne guarantee li hai?peechhe vaalon ko guarantee mili hai? sabhi haath utha rahe hain, bahut achha। bachcha banna arthaat baap dvaara varsa milna। bachcha ban nahin rahe ho,ban rahe ho kya? bachche ban rahe ho ya ban gaye ho? bachcha banna nahin hota। paida hua aur bana। paida hote hi baap ke varse ke adhikaari ban gaye। to aisa shreshtha bhaagya baap dvaara abhi praapta kar liya। aur phir richest bhi ho। brahman aatma,kshatriy nahin brahman। brahman aatma nishchay se anubhav karti hai ki main shreshtha aatma,main phalaana nahin, aatma richest in di world hai। brahman hai to richest in di world hai kyonki brahman aatma ke liye parmaatma yaad se har kadam mein padam hain। to saare din mein kitne kadam uthaate honge? socho। har kadam mein padam, to saare din mein kitne padam ho gaye?aisi aatmaayen baap dvaara ban gaye। main brahman aatma kya hoon, yeh yaad rehna hi bhaagya hai। to aaj baapdaada har ek ke mastak par bhaagya ka chamakta hua sitaara dekh rahe hain। aap bhi apne bhaagya ka sitaara dekh rahe ho?

baapdaada bachchon ko dekh khush hote hain ya bachche baap ko dekh khush hote hain?kaun khush hota hai? baap ya bachche? kaun? (bachche) baap khush nahin hota?baap bachchon ko dekh khush hote aur bachche baap ko dekh khush hote hain। donon khush hote hain kyonki bachche jaante hain ki yeh prabhu milan,yeh parmaatma pyaar, yeh parmaatma varsa, yeh parmaatma praaptiyaan abhi hi praapta hoti hain। ‘‘ab nahin to kab nahin।’’ aise hai?

baapdaada abhi sirf ek baat bachchon ko revise kara rahe hain - kaun si baat hogi?samajh to gaye ho। yahi baapdaada revise kara rahe hain ki ab shreshtha samay ko sameep laao। yeh vishwa ki aatmaon ka aavaaj hai। lekin laane vaale kaun? aap ho ya aur koi hai?aise suhaavne shreshtha samay ko sameep laane vaale aap sabhi ho?agar ho to haath uthaao। achha phir doosri baat bhi hai, woh bhi samajh gaye ho tab hans rahe ho?achha - uski taareekh kaun-si hai? date to fix karo na। abhi date fix ki na ki foreigners ka tarna hona hai। to yeh date to fix kar li। to O samay ko sameep laane vaali aatmaayen, bolo,iski date kaun si hai? woh najar aati hai?pahle aapki najron mein aaye tab vishwa par aave। baapdaada jab amritvele vishwa mein chakra lagaate hain to dekh-dekh, sun-sun raham aata hai। mauj mein bhi hain lekin mauj ke saath moonjhe hue bhi hain। to baapdaada poochhte hain ki he daata ke bachche master daata kab apne master daataapan ka part teevragti se vishwa ke aage pratyaksha karenge? ya abhi parde ke andar taiyaar ho rahe ho? taiyaari kar rahe ho? vishwa parivartan ke nimitta aatmaayen ab vishwa ki aatmaon ke oopar raham karo। hona to hai hi, yeh to nishchit hai aur hona bhi aap nimitta aatmaon dvaara hi hai। sirf deri kis baat ki hai?baapdaada yeh ek ceremony dekhne chaahte hain, ki har ek brahman bachche ke dil mein sampannata aur sampoornata ka jhanda lahraaya hua dikhaai de।jab har brahman ke andar sampoornata ka jhanda lahraayega tab hi vishwa mein baap ki pratyakshata ka jhanda lahraayega। to yeh flag ceremony baapdaada dekhne chaahte hain। jaise shivraatri par shiv avatran ka jhanda lahraate ho,aise abhi shiv-shakti paandav avatran ka naara lage। ek geet bajaate ho na - shiv shaktiyaan aa gai। abhi vishwa yeh geet gaaye ki shiv ke saath shaktiyaan,paandav pratyaksha ho gaye। parde mein kahaan tak rahenge! parde mein rehna achha lagta hai? thoda-thoda achha lagta hai! achha nahin lagta, to hataane vaala kaun? baba hataayega? kaun hataayega? drama hataayega ya aap hataayenge? jab aap hataayenge to deri kyon?to aise samjhen na ki parde mein rehna achha lagta hai? bas,baapdaada ki abhi sirf ek hi yeh shreshtha aasha hai, sab geet gaayen - vaah! aa gaye, aa gaye, aa gaye! ho sakta hai?dekho daadiyaan sabhi kehti hain ho sakta hai phir kyon nahin hota? kaaran kya? jab sabhi aise aise kar rahe hain,phir kaaran kya hai? (sabhi sampanna nahin bane hain) kyon nahin bane hain?date bataao na! (date to baba aap bataayenge) baapdaada ka mahaamantra yaad hai? baapdaada kya kehte hain? ‘‘kab nahin ab।’’ (daadi ji kah rahi hain baba final date aap hi bataao) achha - baapdaada jo date bataayega usmein apne ko mould karke nibhaayenge?paandav nibhaayenge?pakka। agar neeche oopar kiya to kya karna padega? (aap date denge to koi neeche oopar nahin karega) mubaarak ho। achha। abhi date bataate hain, dekhna। dekho, baapdaada phir bhi merciful hai, to baapdaada date bataate hain, attention se sunna।

baapdaada sab bachchon se yeh shreshtha bhaavna rakhte hain,aasha rakhte hain - kam se kam 6 maas mein, 6maas kab tak poora hoga? (mai mein) mai mein - ‘main’,’main’ khatma। baapdaada phir bhi margin dete hain ki kam se kam in 6 maas mein, jo baapdaada ne pahle bhi sunaaya hai aur agle season mein bhi kaam diya tha,ki apne ko jeevanmukta sthiti ke anubhav mein laao। satayug ke srishti ki jeevanmukti nahin, sangamayug ki jeevanmukta stage। koi bhi vighna, paristhitiyaan,saadhan va main aur meraapan, main body conscious ka aur mera body conscious ki seva ka,in sabke prabhaav se mukta rehna। aise nahin kehna ki main to mukta rahne chaahta tha lekin yeh vighna aa gaya na,yeh baat hi bahut badi ho gai na। chhoti baat to chal jaati hai,yeh bahut badi baat thi, yeh bahut bada paper tha, bada vighna tha, badi paristhiti thi। kitni bhi bade te badi paristhiti,vighna, saadhnon ki aakarshan saamna kare, saamna karegi yeh pahle hi bata dete hain lekin kam se kam 6 maas mein 75percent mukta ho sakte ho? baapdaada100 percent nahin kah rahe hain, 75percent, paune tak to aayenge tab poore par pahunchenge na! to 6 maas mein, ek maas bhi nahin 6maas de rahe hain, varsha ka aadha। to kya yeh date fix kar sakte ho? dekho,daadiyon ne kaha hai fix karo, daadiyon ka hukm to maanna hai na! result dekhkar to baapdaada svatah hi aakarshan mein aayenge, kahne ki bhi jaroorat nahin padegi। to6 maas aur 75 percent, 100nahin kah rahe hain। uske liye phir aage time denge। to ismen ever ready ho?ever ready nahin 6 maas mein ready। pasanda hai ya thodi himmat kam hai, pata nahin kya hoga? sher bhi aayega, billi bhi aayegi, sab aayenge। vighna bhi aayenge,paristhitiyaan bhi aayengi, saadhan bhi badhenge lekin saadhan ke prabhaav se mukta rehna। pasanda hai to haath uthaao। T.vi. ghumaao। achhi tarah se haath uthaao, neeche nahin karna। achhi scene lag rahi hai। achha - in advance mubaarak ho।

yeh nahin kehna hamko to bahut marna padega,maro ya jeeo lekin banna hai। yeh marna meetha marna hai,is marne mein duhkh nahin hota hai। yeh marna anekon ke kalyaan ke liye marna hai। iseelie is marne mein maja hai। duhkh nahin hai, sukh hai। koi bahaana nahin karna, yeh ho gaya na। iseelie ho gaya। bahaane baaji nahin chalegi। bahaane baaji karenge kya?nahin karenge na! udti kala ki baaji karna aur koi baaji nahin। girti kala ki baaji,bahaane baaji,kamzori ki baaji yeh sab samaapta। udti kala ki baaji। theek hai na! sabke chehre to khil gaye hain। jab 6 maas ke baad milne aayenge to kaise chehre honge। tab bhi photo nikaalenge।

double foreigners aaye hain na to double pratigya karne ka din aa gaya। doosre kisko nahin dekhna, si father, si brahma mother। doosra kare na kare, karenge to sabhi phir bhi unke prati bhi raham bhaav rakhna। kamzor ko shubh bhaavna ka bal dena,kamzori nahin dekhna। aisi aatmaon ko apne himmat ke haath se uthaana,ooncha karna। himmat ka haath sada svayan prati aur sarva ke prati badhaate rehna। himmat ka haath bahut shaktishaali hai। aur baapdaada ka vardaan hai - himmat ka ek kadam bachchon ka,hajaar kadam baap ki madad ka। nihsvaartha purooshaartha mein pahle main। nihsvaartha purooshaartha,svaartha ka purooshaartha nahin, nihsvaartha purooshaartha ismen jo ote woh brahma baap samaan।

brahma baap se to pyaar hai na! tab to brahmaakumaari va brahmaakumaar kahlaate ho na! jab challenge karte ho ki second mein jeevanmukti ka varsa le lo to abhi second mein apne ko mukta karne ka attention। abhi samay ko sameep laao। aapke sampoornata ki sameepta, shreshtha samay ko sameep laayegi। maalik ho na,raaja ho na! svaraajya adhikaari ho? to order karo। raaja to order karta hai na! yeh nahin karna hai,yeh karna hai। bas order karo। abhi-abhi dekho man ko, kyonki man hai mukhya mantri। to he raaja, apne man mantri ko second mein order kar ashareeri,videhi sthiti mein sthit kar sakte ho? karo order ek second mein। (5 minute drill) achha।

sada lavleen aur lucky aatmaon ko baapdaada dvaara praapta hui sarva praaptiyon ke anubhvi aatmaon ko,svaraajya adhikaari ban adhikaar dvaara svaraajya karne vaali shaktishaali aatmaon ko,sada jeevanmukta sthiti ke anubhvi highest aatmaon ko, bhaagya vidhaata dvaara shreshtha bhaagya ki lakeer dvaara luckiest aatmaon ko,sada pavitrata ki drishti, vritti dvaara sva parivartan vishwa parivartan karne vaali holiest aatmaon ko baapdaada ka yaadapyaar aur namaste।

double videshi mehmaanon se

(‘kaal aaph time’ke programme mein aaye hue mehmaanon se)

sabhi apne sweet hom mein, sweet parivaar mein pahunch gaye hain na! yeh chhota sa sweet parivaar pyaara lagta hai na! aur aap bhi kitne pyaare ho gaye ho! sabse pahle parmaatma pyaare ban gaye। bane hain na! ban gaye ya banenge?dekho, aap sabko dekhkar sab kitne khush ho rahe hain। kyon khush ho rahe hain? sabhi ke chehre dekho bahut khush ho rahe hain। kyon khush ho rahe hain? kyonki jaante hain ki yeh sab godly messenger ban aatmaon ko message dene ke nimitta aatmaayen hain। (paanchon khandon ke hain) to 5khandon mein message pahunch jaayega,sahaj hai na। plan bahut achha banaaya hai। ismen parmaatma power bharke aur parivaar ka sahayog leke aage badhte rehna। sabhi ke sankalp baapdaada ke paas pahunch rahe hain। sankalp bahut achhe-achhe chal rahe hain na! plan ban rahe hain। to plan ko practical laane mein himmat aapki aur madad baap ki aur brahman parivaar ki। sirf nimitta banna hai, bas aur mehnat nahin karni hai। main parmaatma kaarya ke nimitta hoon। koi bhi kaarya mein aao to - baba,main instrooment seva ke arth taiyaar hoon, main instrooment hoon, chalaane vaala aapehi chalaayega। yeh nimitta bhaav aapke chehron par nirmaan aur nirmaan bhaav pratyaksha karega। karaavanhaar nimitta banaae kaarya karaayega। mike aap aur might baap ki। to sahaj hai na! to nimitta banke yaad mein haajir ho jaao, bas। to aapki soorat,aapke features svatah hi seva ke nimitta ban jaayenge। sirf bol dvaara seva nahin karenge lekin features dvaara bhi aapki aantarik khushi chehre se dikhaai degi। isko hi kaha jaata hai - ‘alaukikta’। abhi alaukik ho gaye na। laukikpan to khatma hua na। main aatma hoon - yeh alaukik। main phalaana hoon - yeh laukik। to kaun ho? alaukik ya laukik? alaukik ho na! achha hai। baapdaada va parivaar ke saamne pahunch gaye, yeh bahut achhi himmat rakhi। dekho, aap bhi koton mein koi nikle na। kitna group tha, usmein se kitne aaye ho, to koton mein koi nikle na। achha hai - baapdaada ko group pasanda hai। aur yeh dekho kitne khush ho rahe hain। aap se jyaada yeh khush ho rahe hain kyonki seva ka return saamne dekh khush ho rahe hain। khush ho rahe hain na - mehnat ka phal mil gaya। achha। abhi to baalak so maalik ho। baalak master hai। bachche ko sada kaha jaata hai - ‘master’। achha।

sab theek aaraam se rahe hue ho?man bhi aaraam mein, tan bhi aaraam mein। donon hi aaraam hain na! to muskaraao। serious nahin raho। ab to sab mil gaya baaki kya chaahiye। naacho, gaao। muskaraana achha lagta hai na! aise achha nahin lagta। muskaraana achha lagta hai na! dil mein khushi hai na to khushi ka chehre par muskaraana aata hai। muskaraate raho aur auron ko bhi muskaraana sikhaao। theek hai na! achha।

vidaai ke samay:-drama mein jo bhi scene paas hoti hai woh achhe te achhi hai। abhi jo bhi bachchon ne jahaan bhi seva ki hai, woh bhi achhe te achhi hai। aur chaaron or seva to honi hi hai। phir bhi har samay ki aavashyakta ko vishesh sahayog dena hota hai। to vartamaan samay baapdaada ki prerna se sabka attention apni raajdhaani dilli ki taraph hai। to aap sabko bhavishya mein mahal dilli mein banaana hai ya aaspaas banaana hai। kahaan banaana hai? jahaan lakshmi-naaraayan ka mahal hoga uske najdeek banaana hai na। to jagah-jagah par seva karna, yeh to braahmanon ka karttavya hai aur seva ke bina to rah bhi nahin sakte hain। phir bhi is samay dehli ki taraph sabko sahayog ka haath avashya badhaana chaahiye। aap sab chaahte ho dilli mein aavaaj phaile?chaahte ho?to aur sab taraph karte hue bhi vishesh attention us taraph dena aavashyak hai। abhi foundation ke samay sabhi ka svaagat to hua। sabhi desh vaalon ne majority paanv rakha। abhi paanv rakha hai, abhi haath badhaana hai। chaaron or kai aavashyaktaayen hoti hain lekin number to hote hain na pahla, doosra,teesra,chautha,to is samay attention sabka raajya lene mein hai। raajya gaddi banaani hai na! hona to hai hi। aur aap sabko nimitta banna hi hai। abhi tak jo kiya, dehli vaalon ne bhi bahut achhi mehnat ki, mubaarak bhi hai aur aage ke liye bhi in advance aage badhne ki mubaarak। theek hai na! pasanda hai? peechhe vaalon ko pasanda hai? achha।

baapdaada sabki himmat dekhkar khush hote hain। jahaan eeshaara mile vahaan number one mein। doosra number aapehi siddha hoga, rahega nahin। pahla number par poora dhyaan dene se doosre, teesre,chauthe mein bhi madad milti rahegi। braahmanon ke sab kaarya saphal hone hi hain। sirf ek do teen chaar, yeh number thoda dekhna padta hai। ismen to hoshiyaar ho na। double foreigners to haan ji mein hoshiyaar hain hi। jor se bolo - ‘‘haan ji’’।

achha। om shanti।