मंगलवार 31 दिसंबर 2002 की अव्यक्त मुरली

>

31-12-02 om shanti avyakt baapdaadaamdhuban

“is naye varsha mein sarva khazaane saphal kar saphaltaamoorta banne ki visheshta dikhaao”

aaj nav yug rachta,nav jeevan daata baapdaada nav varsha manaane aaye hain। aap sabhi bhi nav varsha manaane aaye ho va nav yug manaane ke liye aaye ho?nav varsha to sabhi manaate hain lekin aap sabhi nav jeevan, nav yug aur nav varsha teenon hi mana rahe ho। baapdaada bhi trimoorti mubaarak de rahe hain। nav varsha ki ek do ko mubaarak dete hain aur saath mein koi na koi gift bhi dete hain। gift dete ho na! lekin baapdaada ne aap sabko kaun si gift di hai?golden duniya ki gift di hai। sabhi ko golden duniya ki gift mil gai hai na! jis golden duniya mein, nav yug mein sarva praaptiyaan hain। yaad hai apna raajya?koi apraapti ka naam-nishaan nahin hai। aisi gift sivaae baapdaada ke aur koi de nahin sakta। saare vishwa mein agar koi bade te badi saugaat denge bhi to kya denge?bade te bada taaj va takhta de denge। jab sthaapna hui thi, (aage-aage baithe hain sthaapna vaale) tab aadi mein hi brahma baap bachchon se poochhte the ki agar aapko aajkal ki koi bhi raani taaj aur takhta deve to aap jaayenge?yaad hai na! to bachche kehte the is taaj aur takhta ko kya karenge, jab baap mil gaya to yeh kya! to is golden world ki gift ke aage koi bhi gift badi nahin ho sakti। kai bachche poochhte hain vahaan kya-kya praapti hogi? to baapdaada kehte hain praaptiyon ki list to lambi hai lekin saar roop mein kya kahenge! apraapta koi nahin vastu,jo jeevan mein chaahiye woh sab praapta honge। to aisi golden gift ki adhikaari aatmaayen ho। adhikaari hain na! double videshi adhikaari hain? (haath hilaate hain) sabhi raaja banenge? raaja banenge, achha। itne takhta taiyaar karne padenge। baapdaada kehte hain woh takhta to takhta hai,sarva praapti hain lekin is sangamayug ka svaraajya usse kam nahin hai। abhi bhi raaja ho na! praja ho ya royal family ho? kya ho? ek hi baap hai jo phalak se kehte hain ki mera ek-ek bachcha raaja bachcha hai। raaja ho na! raajayogi ho ki praja yogi ho?is samay sab diltakhtansheen,svaraajya adhikaari raaja bachcha ho। itna roohaani nasha rehta hai na? kyonki is samay ke svaraajya se hi bhavishya raajya praapta hota hai। yeh sangamayug bahutabhut- bahut amoolya shreshtha hai। sangamayug ko baapdaada aur sabhi bachche jaante hain, khushi-khushi mein sangamayug ko naam kya dete hain? maujon ka yug। kyon?yahaan sangam jaisi mauj saare kalpa mein nahin hai। kaaran? parmaatma milan ki mauj saare kalpa mein ab milti hai। sangamayug ka ek ek din kya hai? mauj hi mauj hai। mauj hai na? mauj hai, moonjhate to nahin ho na! har din utsav hai kyonki utsaah hai। umang hai, utsaah hai ki apne sarva bhaai bahnon ko paramatma pita ka banaayen। seva ka umang-utsaah rehta hai na! yeh karen, yeh karen, yeh karen… plan banaate ho na! kyonki jo shreshtha praapti hoti hai to doosre ko sunaane ke bina rah nahin sakte hain। isi sangamayug ki praapti golden world mein bhi hogi। abhi ke purooshaartha ki praalabdha bhavishya golden world hai। to sangamayug achha lagta hai ya satayug achha lagta hai? kya achha lagta hai?sangam achha hai na? sirf beech-beech mein maaya aati hai। thoda-thoda kabhi-kabhi moonjh jaate hain। kai bachche sahaj yog ko mushkil yog bana dete hain, hai nahin lekin bana dete hain। vaastav mein hai bahut sahaj, mushkil lagta hai? jisko mushkil lagta hai woh haath uthaao। sada nahin, kabhi kabhi mushkil hai? ya sahaj hai? jo mushkil yogi hain woh haath uthaao। mushkil vaale haath uthaao। maataayen mushkil yogi ho ya sahaj hogi? koi mushkil yogi hai? haath nahin uthaayenge, saari sabha mein kaise uthaayenge!

sabhi bachche phalak se kehte hain mera baba। kehte hain,mera baba?mera baba hai ki daadiyon ka baba hai?mera baba hai na! har ek kahega pahle mera। aise hai?yeh sindhi log sabhi baithe hain na! mera baba hai ya daadi jaanki ka hai? daadi prakaashamni ka hai? kiska hai? mera hai? mera hai? saara din kya yaad rehta hai? mera na! baap kehte hain bahut sahaj yukti hai jitne baar mera- mera kehte hain,saare din mein kitne baar mera shabd kehte ho? agar ginti karo to bahut baar mera shabd bolte ho। jab mera shabd bolte ho to bas mera kaun? mera baba। mushkil hai?kabhi-kabhi bhool to jaate ho?baapdaada koi naya shabd nahin deta hai, jo sadaiv kaarya mein laate ho main aur mera,to main kaun aur mera kaun! kai bachche mushkil purooshaartha kyon karte?sirf sochte hain bindu saamne aa jaae,bindu-bindu-bindu… aur bindu khisak jaati hai। bindu to hai lekin kaun-si bindu? main kaun hoon, yeh apne svamaan smriti mein laao to ramneek purooshaartha ho jaayega sirf jyoti bindu kehte ho na to mushkil ho jaata hai। sahaj purooshaartha,mauj ka purooshaartha karo।

is naye varsha mein purooshaartha bhi shreshtha ho lekin shreshtha ke saath pahle sahaj ho। sahaj bhi ho aur shreshtha bhi ho yeh ho sakta hai? donon saath ho sakta hai? double foreigners bolo, ho sakta hai? to baapdaada dekhenge। baapdaada to check karte rehte hain na! to mushkil yogi kaun-kaun banta hai! sahaj yogi ka yeh matlab nahin hai ki albelepan ka purooshaartha ho। shreshtha bhi ho aur sahaj bhi ho। to paandav sahaj yogi hain? sahajyogi jo hain woh haath uthaao। dekhna T.vi. mein aa raha hai। mubaarak ho। to yeh varsha koi ke aage koi mushkilaat nahin aayegi kyonki sahaj yogi ho। albele nahin banna। samay pramaan is naye varsha mein sabhi ko vishesh yeh lakshya rakhna hai ki jo bhi khazaane praapta hain - samay hai, sankalp hain, gun hain, gyaan hai, shaktiyaan hain… sabse bada khazaana sankalp hai - shreshtha sankalp, shuddh sankalp। in sabhi khazaanon ko har roj saphal karna hai। khoob baanto। daata ke bachche master daata bano। khoob baanton। kyon? saphal karna arthaat saphalta ko praapta karna। to yahi is varsha ki visheshta sada kaayam rakhna। saphal karna hai aur saphalta hai hi hai। sabhi kehte bhi ho na ki saphalta hamaara janma siddha adhikaar hai। hai adhikaar?to saphal karo aur saphalta praapta karo। koi bhi kaarya karo, koi na koi khazaana saphal karte jaao aur saphalta ka anubhav karte chalo। socho - saphalta ka adhikaar aap brahman aatmaon ke sivaae aur kiska adhikaar ho sakta hai! kyon? kyonki baap ne aapko saphalta bhav ka vardaan diya hai। baapdaada sada kehte hain ki ek-ek brahman aatma saphalta ka sitaara hai। saphalta swaroop hai। saphalta ki sitaare ho na ya mehnat ke sitaare ho? baapdaada sabhi bachchon ko saphalta ka sitaara isi swaroop mein dekhte hain। yaad hai brahma baap ne aadi mein kitne samay mein sab saphal kiya?ant tak apna samay saphal kiya, chaahe karmaateet bhi ban gaye phir bhi kitne patra likhe! samay saphal kiya na! last din bhi mukh se mahaavaakya uchchaaran kiye। last din tak sab saphal kiya iseelie saphalta ko praapta ho gaye। to follow father। vaastav mein sangamayug ka ek-ek sankalp, ek-ek second saphal karna hi saphalta moorta banna hai। sabhi nishchay se kehte hain na ki brahma baap se to hamaara bahut pyaar hai। to pyaar ki nishaani hai jo baap ko priy tha woh bachchon ko priy ho। samay, sankalp aur sarva khazaane saphal ho। vyartha nahin ho। pyaar ki nishaani follow father। brahma baap ne visheshta kya dikhaai?jo socha woh second mein kiya। sirf socha nahin, sirf plan nahin banaaya,practical mein karke dikhaaya। to aise hai? follow karne vaale hain na? achha hai।

aaj bahut hi aa gaye hain new year manaane ke liye। achha hai। agar haal chhota pad gaya to dil to badi hai। dekho dil badi hai to sama gaye hai na? (aaj sabha mein 18-19 hajaar bhaai bahnen baithe hain) sabhi baahar baithe hue bhi sun rahe hain na? baahar baithne vaale sun rahe hain,woh to dikhaai nahin denge। baapdaada ne suna ki foreign mein sabse jyaada Australia vaale 12 baje baithte hain। raat ke 12baje baithte hain aur 4 baje amritvela karke uthte hain। to baapdaada ne bhi aaj Australia ko yaad kiya। sun rahe hain। yahaan Australia vaale hain haath uthaao। trimoorti mubaarak pahle Australia ko phir sabhi ko।

is varsha ka lakshya to bataaya - saphal karo, saphalta hai hi। yeh sabhi ne pakka kiya?saphal karna hai। vyartha nahin। sangamayug samartha yug hai,saphalta ka yug hai, vyartha ka nahin hai। vyartha ke 63 janma samaapta hue। ab yeh chhota sa yug saphal karne ka yug hai। agar samay saphal karenge to bhavishya mein bhi aadhaakalpa ka poora samay raajya adhikaari banenge। agar kabhi-kabhi saphal karenge to raajya adhikaari bhi kabhi-kabhi banenge। samay saphal ki praalabdha yeh hai। shvaans saphal kar rahe ho to 21 janma hi svastha rahenge। chalte-chalte heartfail nahin hogi। kiski heart rook jaati, kiski naliyaan banda ho jaati, woh nahin hogi।

gyaan ke khazaane ko bhi saphal karo to gyaan ka arth hai samajh, vahaan itne samajhdaar ban jaayenge jo koi mantriyon ki jaroorat nahin hai। aajkal to dekho shapath lete hi pahle mantreemandal banaate hain। vahaan saathi honge lekin mantri nahin hoge। royal family har ek darbaar mein baithne vaale taajdhaari honge। royal family kam nahin hogi, chaahe takhta par nahin bhi baithe lekin martaba ek hi jaisa hoga। isliye yeh nahin socho ki takhtansheen bahut thode banenge lekin aap log bhi raaj darbaar mein raajya adhikaari ke roop mein honge। aapke sir par bhi taaj hoga aur aapka poora adhikaar hoga। to kya banenge? number one ya nambarvaar?kya banenge? nambarvaar banenge ya number one banenge? kya banenge? number one ya nambarvaar?to kya karna padega,pata hai? himmat dikhaai, yeh bahut achha hai। lekin one number banne ke liye pahle win karna padega। kar rahe hain na! karenge nahin kehna, kar rahe hain। doosre bhi sun rahe hain। aaj suna ki puraane sindha ke brahma ke saathi bahut aaye hain। haath uthaao। hindi nahin sindhi। bachche utho, parivaar ke parivaar aaye hain। achha। koi kamaal dikhaayenge na! kya dikhaayenge? (message denge) woh to kar hi rahe ho। achha 38aaye hain, to kya kamaal karenge? chalo jyaada nahin kehte hain, chhoti-si baat kehte hain,karne ke liye taiyaar ho? bachche bhi kamaal karenge na? (38 laakh banaayenge) padmaguna mubaarak ho। aapne to badi baat bata di lekin baapdaada chhoti baat kehte hain woh ek ek, ek ko laao। laana hai? ek, ek ko laao। bachche hain to bachchon ko laao। maataayen hain to bhaai ko laayen ya behen ko laayen, lekin ek-ek ko ek laana hai। yeh group dekh lo,aap isko guide karna, agle saal lekar hi aana,double group lekar aana। baapdaada yahi chaahte hain ki jahaan se aadi hui, vahaan hi pratyakshata honi hai। raham aata hai na! brahma baap ke desh ke vaasi ho to desh vaasiyon se pyaar hota hai।

aapke paas khazaane bahut hain,gunon ka khazaana kitna bada hai,shaktiyon ka khazaana kitna bada hai। to gun daan,shaktiyon ka daan karne vaale master daata bano। jo bhi aaye chaahe sambandh mein aaye, chaahe samparka mein aaye lekin unko koi na koi gun ya shakti ki gift de dena। koir khaali haath nahin jaaye। aur kuchh nahin to baap ke sandesh ke meethe bol, woh meethe bol bhi gift dena। duniya vaale to koi bhi utsav hota hai na to ek do ko mukh meetha karaate hain। lekin baapdaada kehte hain mukh meetha to karaana hi hai lekin apna meetha mukhda bhi dikhaana hai। sirf mukh meetha nahin, mukhda bhi meetha। itni madhurta jama hai na! jo baanto to bhi bharpoor raho aur is khazaane ko to jitna baantenge utna badhega,kam nahin hoga। to is varsha note karna,jo bhi aatma aai usko kuchh diya? agar sunne vaala nahin hai to meethi shaktishaali drishti dena। lekin dena zaroor। khaali nahin jaaye। yeh to sahaj hai na! ki mushkil hai?youth group sahaj hai? haath to bahut achha hila rahe hain। youth group bhi achha aaya hai।

double videshi youth retreat group - sabse shreshtha shakti youth ke liye hai - parivartan shakti। socha aur kiya। youth ne vaayde bahut kiye hain na! baapdaada ne samaachaar suna hai। sabhi youth kaun ban gaye? (sabhi youth haath hila rahe hain) sab tilakdhaari bankar aaye hain,jinhonne vishesh refreshment ki hai woh tilakdhaari khade raho। (tilak lagaakar baithe hain) achhi nishaani lagaai hai। aatma chamak gai hai na? jo samajhte hain ki hamaari is training se golden heart ban gai, woh haath uthaao। golden heart ban gai। yeh to sabse aage chale gaye। golden star nahin,golden heart। phir to saphalta moorta ho gaye। abhi golden heart plen mein thoda neeche to nahin aa jaayegi,achha apne desh mein jaake thoda golden silver banengi?nahin banegi?achha hai। aise taiyaar ho jaao jo bhaarat ki aatmaon ko jagaao। hai himmat?bhaarat ko jagaayenge? bahut tedhe-baanke question karenge bhaarat vaale। uttar denge? aap sabka photo T.vi. mein aa raha hai। to aap sabko nimantran aayega bhaarat ko jagaane ke liye। to ever ready rehna। agar ticket nahin hogi to mil jaayegi। baapdaada ko pata hai ki double foreigners ki visheshta hai,ek saal hokar jaate hain, doosre saal ki taiyaari saare varsha mein karte jaate hain। achha hai। kitne deshon ke youth hain? (21 deshon ke) baapdaada jaante hain ki yeh golden heart kamaal karenge। attention achha rakha hai। sva-purooshaartha ka attention jyaada is baari underline kiya hai। baapdaada khush hai। achha hai group-group banne se attention jaata hai। saare sangathan ke bajaae group achha hota hai lekin positive ho।

achha-(baapdaada group-group utha rahe hain) (antarmukhi group) achha purooshaartha kiya hai। baapdaada dekhte hai ki har group yahi chaahta hai ki ham aage se aage jaayen। rees nahin karte,race karte hain। achha hai,antarmukhi sada sukhi। (shakti group) - baapdaada shakti group se poochhte hain ki pratyakshata ka jhanda kab lahraayenge?bolo, shaktiyaan to jhanda lahraane vaali hain na! to pratyakshata ka jhanda shaktiyaan lahraayengi na! achha hai। abhi aapas mein roohroohaan kar date ko fix karna। jaise aur date fix karte ho vaise yeh bhi date fix karna ki pratyakshata ka jhanda kab lahrega?lahraayenge na! (mahaaveer group)mahaaveer group kya karega?saal ke saath-saath sada ke liye maaya ko bhi vidaai dena। ho sakta hai? maaya ko vidaai denge? ki aave koi harja nahin? mahaaveer ka arth hi hai jaise brahma baap ne jo kaha woh kiya hai,jo socha woh turat daan mahaapunya samaan kiya। aise hi mahaaveer group ka yeh lakshya hai na! karenge? achha hai। himmat to aati hai। (videsh ke chhote bachchon ka group) sabhi ne apni nishaani lagaai hai। (youth ne tilak lagaaya hai, inhonne banner banaaya hai,jhandi haath mein hai।) enjil se devta ban gaye,kitna achha hai। to devta maana divya gun vaale। to divya gun ko kabhi nahin chhodna। achha hai। bachchon ka umang-utsaah badhta hai। india ke bachche bhi utho - (bhaarat se 1000bachche aaye hain) achha hai bhaarat aur videsh ke sab deshon ke milkarke dilli ko gheraav karo। dilli ko apni raajdhaani banaana hai na?to pahle raajdhaani taiyaar karenge,tab to raajya karenge na! aisa dilli ke chaaron or gheraav karo jo saare bhaarat ke vi.aai.pi. jag jaaven। bhaarat ke bachche bhi karenge na! achhe hain, bhaarat bhi kam nahin hai। bachche achhe-achhe aaye hain। achha।

abhi is varsha naveeta kya karenge?abhi baapdaada ne jo kaam diya hai, woh kiya nahin hai। mike aur vaaris ka group kahaan laaya hai। baapdaada yahi kehte hain wait and si। pratyakshata ka jhanda yeh mike lahraane mein hoshiyaar hote hain। hain alag-alag deshon mein koi-koi mike hain lekin sangathit roop mein saamne nahin aaye hain,abhi unhon ko ikattha karo। ikattha karne se kya hota hai? ek do ko dekhkarke unhon ko umang aata hai,utsaah aata hai। bhaarat mein bhi mike chaahiye,to videsh mein bhi chaahiye। taiyaar ho rahe hain na? lekin abhi chhipe hue hain, parde ke andar hain,abhi baahar laao। baahar laana hai na! bahut achha।

maataaon ka jhunda to bahut bada hai। agar uthaayenge to saara haal chhip jaayega। maataaon ko dekhkar baapdaada khush hote hain। kyon khush hote hain?kyonki sangam mein maataaon ko hi baapdaada ke dvaara chance milta hai। dvaapar,kaliyug mein nahin mila, abhi mil raha hai। chaahe mahaatmaaon mein bhi abhi din pratidin jyaada chance mil raha hai। government mein bhi abhi maataaon ko seva karne ka chance mil raha hai। baapdaada sada kehte hain ki yeh maataayen jis bhi centre par hongi na woh centre sada phaleebhoot hoga। chaahe kamaayen nahin lekin dil badi hoti hai, bhaavna badi hoti hai। to baap bhi bhaavna aur sachchi dil ko pasanda karte hain। har group mein dekha hai maataayen jyaada hi hoti hain। to maataayen abhi hamjinsa ko aur jagaao। aap laao haal aapehi bada ho jaayega। yeh nahin socho haal abhi bhar gaya,kahaan baithenge, laao to sab kuchh ho jaayega। ho jaayega na? daadi yeh to nahin sochti ki kya karenge?kam se kam 9 laakh baith saken, itni praja to taiyaar karenge ya nahin? kab karenge? kab karenge, woh date fix karenge। 9laakh laayenge pahle, paandav laayenge। baapdaada haal taiyaar kar lenge lekin 9laakh laao। (ek ek laakh har varsha laayenge) aisa nahin। woh to aaven, uski to mana hai hi nahin। lekin aakhir stage par9 laakh to laayenge ya nahin? nahin to raajya kis par karenge? aapke pahle janma mein 9laakh bhi praja ya royal family nahin hogi to kis par raajya karenge? madhuban vaale kya sochte hain? 9 laakh chaahiye ya nahin? 9laakh chaahiye, mukhya paandav kya kehte hain? chaahiye,nahin chaahiye?ho jaayega। jab 9 laakh aayenge to saadhan svatah jut jaayega। ghabraao nahin,haal banaana padega। dekho,bhavishya bahut-bahut ujjaval hai। sab saadhan mil jaayenge। bane banaaye haal aapko milenge। banaane nahin padenge। sirf jo is varsha ka slogan diya hai na - saphal karo,saphalta hai hi। achha। paandav haath hilaao।

teachers - teachers abhi svayan bhi saphal karo aur saphal karaao। seva mein vriddhi hona arthaat khazaanon ko saphal kiya aur karaaya। to is varsha is slogan ko practical mein laana to svatah hi vriddhi hoti jaayegi। himmat dilaao। baapdaada ne dekha hai, koi-koi sthaan mein himmat kam dilaane ki shakti hai। himmat dilaao,har kaarya mein mansa mein bhi, vaacha mein bhi, sambandh-samparka mein bhi, karma mein bhi himmat dilaao। teachers ki seat hi hai -himmat mein rehna aur himmat dilaana। kyon? kyonki teachers ko jo baap ki murli sunaane ka chance mila hai aur takhta mila hai,yeh extra madad hai। to himmat aur ulhaas dilaao। saara class roohaani khila hua gulaab dikhaai de। suna teachers ne। ulhaas mein laao class ko।

seva ka tarna Indore zone ka hai - achha Indore ka group utho। achha hai - seva ke liye diamond chance mila hai। ek karmana aur doosra sva-unnati ka bhi diamond chance। achha - sabhi ne himmat achhi rakhi hai। seva ka umang bhi achha raha hai। sabse bade group ko sambhaala hai। to himmat ke return mein baapdaada ka padam-padmaguna mubaarak hai। sada hi diamond ban seva mein diamond chance lete rehna। achha hai। bahut achha। jurist wing ke bhaai bahnon ki meeting ho rahi hai - international hai na। agar itne vakeel ya judge ho gaye,phir to geeta ka bhagwan siddha ho jaayega। achha hai। bahut achha। aisa plan banaao jo koi ne nahin kiya ho, varga to bahut bane hue hai na! to aapka varga sabse number one le leve। achha hai। group achha hai। lekin aise plan banaao jo saamp mare aur laathi bhi nahin toote। pratyakshata ho, dhamaal nahin ho, kamaal ho। achha hai aur bhi sangathan ikattha karo। (plan banaaya hai) mubaarak ho। achha।

cultural group -naachna gaana to sabhi ko aata hai,baap ke gunon ka geet gaana bhi aata hai aur khushi mein naachna bhi aata hai। achha hai। culture dvaara bhaarat ka character prasiddha karo। ho culture lekin character siddha ho jaae ki shreshtha character kya hai! achha hai varga jabse bane hain, alag-alag seva to kar rahe hain। kamaal karke dikhaana। sab kamaal karne vaale hain na?kamaal karna hai na! har varga ko abhi naya-naya plan banaana chaahiye। yeh varga banke kitna saal ho gaye hain? (20saal) baapdaada ne sabhi varga vaalon ko kaha tha, yaad hai ki apne-apne varga ka vishesh seva mein mike bane, ya vaaris banen,aisa sangathan taiyaar karo। to aapke cultural mein kaun taiyaar hua hai? laaya hai? to baap ka sandesh dene ke liye aapki taraph (baambe ke prasiddha actor parikshit sahaani parivaar baapdaada ke saamne khada hai)sab anguli kar rahe hain। achha hai। plan banaayega। himmat aapki,madad baap ki hai hi hai।

achha - ek second mein man ki drill yaad hai?har ek saare din mein kitne baar yeh drill karte ho? yeh note karo। yeh man ki drill jitna baar karenge utna hi sahaj yogi,saral yogi banenge। ek taraph mansa seva doosre taraph mansa exercise। abhi-abhi niraakaari, abhi-abhi pharishta। brahma baap aap pharishton ka aahvaahan kar rahe hain। pharishta banke brahma baap ke saath apne ghar niraakaar roop mein chalna। phir devta ban jaana। achha -

chaaron taraph se bahut-bahut yaadapyaar chaahe card ke roop mein, chaahe patron ke roop mein baapdaada ke paas pahunch gaye hain। baapdaada jaante hain ki har bachcha yahi samajhte hain meri yaad baba ko dena, lekin mil gai hai। yaadapyaar dene vaale bahut laadle bachche baapdaada ke saamne hain। isliye baapdaada kehte hain ki har ek bachcha apne-apne naam se mubaarak aaur dil ki duaayen sveekaar kare।

aap sabhi ko bhi nav jeevan, nav yug aur naye varsha ki bahut-bahut padam-padam-padam-padmaguna mubaarak aur dil ki duaayen hain,yaadapyaar aur namaste।

daadi ji, daadi jaanki ji se -aap donon ek mat hokarke saare parivaar ko chalaane ke nimitta bani ho। yeh sabhi aapke saathi hain। sunaaya na - agar saphal karte jaayenge to maayaajeet ban hi jaayenge। daadiyaan kehti hain ki is saal mein sabhi ekmat ho jaaen। jisko bhi dekho ek hain। jaise daadiyon ke liye kehte ho ek hain,aise aap deediyaan, daade sab ekmat। iska slogan hai abhi-abhi baalak bano, abhi-abhi maalik bano। baalak ke samay maalik nahin bano,maalik ke samay baalak nahin bano। to daadiyon ko yeh sankalp utha hai,vo poora kaun karega? aap sabhi karenge na?agar vichaaron mein pharka ho jaaye to kya karenge? achha। sabhi ko dekh baapdaada khush ho rahe hain। ek din aayega,bahut jaldi aayega jo sab kahenge ki ham sabhi sva-parivartan karne vaale shakti paandav sena hain। sva-parivartan। puraane saal ko vidaai dene ke saath-saath maaya ko bhi vidaai de do। woh bhi thak gai hai। vidaai aur badhaai donon saath-saath।

naya varsha 2003 ka shubhaarambha - 31 December 2002,raatri 12baje ke baad baapdaada ne sabhi bachchon ko naye varsha ki badhaai di।

chaaron or ke bahut meethe, bahut pyaare bachchon ko padam-padam guna new year ki mubaarak ho। yeh jo ghadi beet gai,yeh hai vidaai aur badhaai ki ghadi। ek taraph vidaai deni hai,jo apne mein sampanna banne mein kami anubhav karte ho, usko vidaai, sada ke liye vidaai dena aur aage udne ke liye badhaai। badhaai ho,badhaai ho,badhaai ho। achha

om shanti।