शुक्रवार 17 अक्टूबर 2003 की अव्यक्त मुरली

> 17-10-03 om shanti avyakt baapdaadaamdhuban

“poora varsha - santushtamni ban sada santushta rehna aur sabko santushta karna”

aaj dilaaraam baapdaada apne chaaron or ke, saamne vaalon ko bhi aur door so sameep vaalon ko bhi har ek raaj dulaare,ati pyaare bachchon ko dekh harshit ho rahe hain। har ek bachcha raaja hai isliye raaj-dulaare hain। yeh parmaatma pyaar,dulaar vishwa mein bahut thodi si aatmaon ko praapta hota hai। lekin aap sabhi parmaatma pyaar, parmaatma dulaar ke adhikaari hain। duniya ki aatmaayen pukaar rahi hain aao,aao lekin aap sabhi parmaatma pyaar anubhav kar rahe ho। parmaatma paalna mein pal rahe ho। aisa apna bhaagya anubhav karte ho?baapdaada sabhi bachchon ko double raajya adhikaari dekh rahe hain। abhi ke bhi sva raajya adhikaari raaje ho aur bhavishya mein to raajya aapka janma siddha adhikaar hai। to double raaje ho। sabhi raaja ho na, praja to nahin! raajayogi ho ya koi-koi prajaayogi bhi hai?hai koi praja yogi, peechhe vaale raajayogi ho?prajaayogi koi nahin hai na!pakka? soch ke haan karna!raaj adhikaari arthaat sarva sookshm aur sthool karmendriyon ke adhikaari kyonki svaraajya hai na?to kabhi-kabhi raaje bante ho ya sada raaje rehte ho? mool hai apne man-buddhi-sanskaar ke bhi adhikaari ho?sada adhikaari ho ya kabhi-kabhi?sva raajya to sada svaraajya hota hai ya ek din hota hai doosre din nahin hota hai। raajya to sada hota hai na? to sada svaraajya adhikaari arthaat sada man-buddhi-sanskaar ke oopar adhikaar। sada hai?sada mein haan nahin karte? kabhi man aapko chalaata hai ya aap man ko chalaate?kabhi man maalik banta hai? banta hai na! to sada svaraajya adhikaari so vishwa raajya adhikaari।

sada check karo - jitna samay aur jitni power se apne karmendriyon,man-buddhi-sanskaar ke oopar abhi adhikaari bante ho utna hi bhavishya mein raajya adhikaar milta hai। agar abhi parmaatma paalna,parmaatma padhaai,parmaatma shreemat ke aadhaar par yeh ek sang-mayug ka janma sada adhikaari nahin to 21 janma kaise raajya adhikaari banenge? hisaab hai na! is samay ka svaraajya,sva ka raaja banne se hi 21janma ki guarantee hai। main kaun aur kya banoonga,apna bhavishya vartamaan ke adhikaar dvaara svayan hi jaan sakte ho। socho,aap vishesh aatmaon ki anaadi aadi personality aur royalty kitni oonchi hai! anaadi roop mein bhi dekho jab aap aatmaayen paramdham mein rehti to kitni chamakti hui aatmaayen dikhaai deti ho। us chamak ki royalty,personality kitni badi hai। dikhaai deti hai? aur baap ke saath-saath aatma roop mein bhi rehte ho,sameep rehte ho। jaise aakaash mein koi-koi sitaare bahut jyaada cham-kane vaale hote hain na! aise aap aatmaayen bhi vishesh baap ke saath aur vishesh chamakte hue sitaare hote ho। paramdham mein bhi aap baap ke sameep ho aur phir aadi satayug mein bhi aap dev aatmaon ki personality,royalty kitni oonchi hai। saare kalpa mein chakkar lagaao, dharma aatma ho gaye,mahaatma ho gaye,dharma pitaayen ho gaye, netaayen ho gaye, abhinetaayen ho gaye, aisi personality koi ki hai, jo aap dev aatmaon ki satayug mein hai?apna dev swaroop saamne aa raha hai na? aa raha hai ya pata nahin ham banenge ya nahin?pakka hai na!apna dev roop saamne laao aur dekho,personality saamne aa gai?kitni royalty hai, prakriti bhi personality vaali ho jaati hai। panchhi, vriksha,phal, phool sab personality vaale,royal। achha phir aao neeche,to apna poojya roop dekha hai?aapki pooja hoti hai! double foreigners poojya banenge ki India vaale banenge?aap log deviyaan,devtaayen bane ho? soondh vaala nahin, poonchh vaala nahin। deviyaan bhi woh kaali roop nahin, lekin devtaaon ke mandir mein dekho, aapke poojya swaroop ki kitni royalty hai, kitni personality hai? moorti hogi, 4 foot, 5 foot ki aur mandir kitna bada banaate hain। yeh royalty aur personality hai। aajkal ke chaahe prime mini-star ho, chaahe raaja ho lekin dhoop mein bichaare ka but banaake rakh denge, kya bhi hota rahe। aur aapke poojya swaroop ki personality kitni badi hai। hai na badhiya!kumaariyaan baithi hain na! royalty hai na aapki?phir ant mein sangamayug mein bhi aap sabki royalty kitni oonchi hai। brahman jeevan ki personality kitni badi hai!direct bhagwan ne aapke brahman jeevan mein personality aur royalty bhari hai। brahman jeevan ka chitrakaar kaun?svayan baap। brahman jeevan ki personality royalty kaun si hai? purity। purity hi royalty hai। hai na! brahman aatmaayen sabhi jo bhi baithe ho to purity ki royalty hai na! haan,kaandh hilaao। peechhe vaale haath utha rahe hain। aap peechhe nahin ho,saamne ho। dekho najar peechhe jaati hai, aage to aise dekhna padta hai peechhe automatic jaati hai।

to check karo - purity ki personality sada rehti hai?mansa-vaacha-karmana, vritti,drishti aur kriti sabmen purity hai? mansa purity arthaat sada aur sarva prati shubh bhaavna, shubh kaamna - sarva prati। woh aatma kaisi bhi ho lekin purity ki royalty ki mansa hai -sarva prati shubh bhaavna, shubh kaamna, kalyaan ki bhaavna, raham ki bhaavna, daataapan ki bhaavna। aur drishti mein ya to sada har ek ke prati aatmik swaroop dekhne mein aaye va pharishta roop dikhaai de। chaahe woh pharishta nahin bana hai,lekin meri drishti mein pharishta roop aur aatmik roop hi ho aur kriti arthaat samparka sambandh mein, karma mein aana, usmein sada hi sarva prati sneh dena,sukh dena। chaahe doosra sneh de,nahin de lekin mera kartavya hai sneh dekar snehi banaana। sukh dena। slogan hai na- na duhkh do,na duhkh lo। dena bhi nahin hai,lena bhi nahin hai। dene vaale aapko kabhi duhkh bhi de den lekin aap usko sukh ki smriti se dekho। gire hue ko giraaya nahin jaata hai,gire hue ko sada ooncha uthaaya jaata hai। woh parvash hoke duhkh de raha hai। gir gaya na! to usko giraana nahin hai aur bhi us bichaare ko ek laat laga lo,aise nahin। usko sneh se ooncha uthaao। usmein bhi first charity begins at hom। pahle to charity begins at hom hai na, apne sarva saathi, seva ke saathi,brahman parivaar ke saathi har ek ko ooncha uthaao। woh apni buraai dikhaave bhi lekin aap unki visheshta dekho। nambarvaar to hain na! dekho,maala aapka yaadgaar hai। to sab ek number to nahin hai na! 108 number hain na!to nambarvaar hain aur rahenge lekin mera pharja kya hai? yeh nahin sochna achha main 8 mein to hoon hi nahin, 108mein shaayad aa jaaoongi,aa jaaoonga। to108 mein last bhi ho sakta hai to mere bhi to kuchh sanskaar honge na, lekin nahin। doosre ko sukh dete-dete,sneh dete-dete aapke sanskaar bhi snehi, sukhi ban hi jaane hain। yeh seva hai aur yeh seva first charity begins at hom।

baapdaada ko aaj ek baat par hansi aa rahi thi,bataayen। dekhna aapko bhi hansi aayegi। baapdaada to bachchon ka khel dekhte rehte hain na! baapdaada ek second mein kabhi kis centre ka T.vi.khol deta hai,kabhi kis centre ka, kabhi foreign ka, kabhi India ka switch on kar deta hai, pata pad jaata hai,kya kar rahe hain kyonki baap ko bachchon se pyaar hai na। bachche bhi kehte hain samaan banna hi hai। pakka hai na, samaan banna hi hai!kumaariyaan samaan banna hai ya drama mein kuchh bhi ban gaye theek hai? nahin। samaan banna hai,sabhi kumaariyon ko banna hi hai। marna pade, kya bhi karna pade!soch ke haath uthaao। haan jo samajhte hain,marna pade,jhukna pade,sahan karna pade,sunna pade,woh haath uthaao। kumaariyaan soch ke haath uthaana। inhon ka photo nikaalo। kumaariyaan bahut hain। marna padega? jhukna padega? paandav uthaao। suna,samaan banna hai। samaan nahin banenge to maja nahin aayega। paramdham mein bhi sameep nahin rahenge। poojya mein bhi pharka pad jaayega, satayug ke raajya bhaagya mein bhi pharka pad jaayega।

brahma baap se aapka pyaar hai na, double videshiyon ka sabse jyaada pyaar hai। jiska brahma baba se jigri, dil ka pyaar hai woh haath uthaao। achha,pakka pyaar hai na? abhi question poochhenge, pyaar jisse hota hai,to pyaar ki nishaani hai jo usko achha lagta,woh pyaar karne vaale ko bhi achha lagta, donon ke sanskaar,sankalp, svabhaav tally khaate hain tabhi woh pyaara lagta hai। to brahma baap se pyaar hai to 21 hi janma,pahle janma se lekar, doosre teesre mein aaye to achha nahin hai lekin first janma se leke last janma tak saath rahenge,bhinna-bhinna roop mein saath rahenge। to saath kaun rah sakta hai? jo samaan hoga। woh number one aatma hai। to saath kaise rahenge?number one banenge tab to saath rahenge,sabmen number one,mansa mein,vaani mein,karmana mein,vritti mein,drishti mein,kriti mein,sabmen। to number one hain ya nambarvaar hain? to agar pyaar hai to pyaar ke liye kuchh bhi kurbaani karna mushkil nahin hota। last janma kaliyug ke ant mein bhi body conscious pyaar vaale jaan bhi kurbaan kar dete hain। to aapne agar brahma baba ke pyaar mein apne sanskaar parivartan kiya to kya badi baat hai! badi baat hai kya?nahin hai। to aaj se sabke sanskaar change ho gaye!pakka? report aayegi, aapke saathi likhenge,pakka?sun rahi hain daadiyaan,kehte hain sanskaar badal gaye। ya time lagega? kya?mohini (Newyork)sunaave,badlenge na! yeh sabhi badlenge na? America vaale to badal jaayenge। hansi ki baat to rah gai।

hansi ki yeh baat hai -to sabhi kehte hain ki purooshaartha to bahut karte hain,aur baapdaada ko dekh karke raham bhi aata hai purooshaartha bahut karte hain,kabhi-kabhi mehnat bahut karte hain aur kehte kya hain- kya karen,mere sanskaar aise hain! sanskaar ke oopar kahkar apne ko halka kar dete hain lekin baap ne aaj dekha ki yeh jo aap kehte ho ki mera sanskaar hai,to kya aapka yeh sanskaar hai?aap aatma ho,aatma ho na!body to nahin ho na! to aatma ke sanskaar kya hain? aur original aapke sanskaar kaun se hain? jisko aaj aap mera kehte ho woh mera hai ya raavan ka hai?kiska hai?aapka hai? nahin hai? to mera kyon kehte ho!kehte to aise hi ho na ki mera sanskaar aisa hai?to aaj se yeh nahin kehna, mera sanskaar। nahin। kabhi yahaan vahaan se udke kichda aa jaata hai na!to yeh raavan ki cheez aa gai to usko mera kaise kehte ho! hai mera?nahin hai na?to abhi kabhi nahin kehna, jab mera shabd bolo to yaad karo main kaun aur mera sanskaar kya?body conscious mein mera sanskaar hai, aatma-abhimaani mein yeh sanskaar nahin hai। to abhi yeh bhaasha bhi parivartan karna। mera sanskaar kahke albele ho jaate ho। kahenge bhaav nahin hai, sanskaar hai। achha doosra shabd kya kehte hain? mera svabhaav। abhi svabhaav shabd kitna achha hai। sva to sada achha hota hai। mera svabhaav, sva ka bhaav achha hota hai, kharaab nahin hota hai। to yeh jo shabd use karte ho na, mera svabhaav hai, mera sanskaar hai, abhi is bhaasha ko change karo,jab bhi mera shabd aave, to yaad karo mera sanskaar original kya hai?yeh kaun bolta hai? aatma bolti hai yeh mera sanskaar hai? to jab yeh sochenge na to apne oopar hi hansi aayegi, aayegi na hansi? hansi aayegi to jo khitkhit karte ho woh khatma ho jaayegi। isko kehte hain bhaasha ka parivartan karna arthaat har aatma ke prati svamaan aur sammaan mein rehna। svayan bhi sada svamaan mein raho, auron ko bhi svamaan se dekho। svamaan se dekhenge na to phir jo koi bhi baaten hoti hain, jo aapko bhi pasanda nahin hain, kabhi bhi koi khitkhit hoti hai to pasanda aata hai? nahin aata hai na? to dekho hi ek do ko svamaan se। yeh vishesh aatma hai, yeh baap ke paalna vaali brahman aatma hai। yeh koton mein koi, koi mein bhi koi aatma hai। sirf ek baat karo - apne naynon mein bindi ko sama do, bas। ek bindi se to dekhte ho, doosri bindi bhi sama do to kuchh bhi nahin hoga, mehnat karni nahin padegi। jaise aatma,aatma ko dekh rahi hai। aatma,aatma se bol rahi hai। aatmik vritti, aatmik drishti banaao। samjha- kya karna hai?abhi mera sanskaar kabhi nahin kehna,svabhaav kaho to sva ke bhaav mein rehna। theek hai na।

baapdaada is season ke pahle tarna mein,pahla tarna to aap sabka hai na,to jab pahla tarna liya hai, to pahla number return bhi dena hai। dena padega na! aur double videshiyon ki yeh visheshta to janma se hai- jo bhi karenge woh pakka hi karenge। adhoora nahin karte hain, pakka hi karte hain। haan ya na। haan na ke beech mein latakte nahin hain। to return karna hai na!bas is season mein,poori season mein,aaj first chance hai, baapdaada yahi chaahte hain ki yeh poora varsha chaahe season 6maas chalti hai lekin poora hi varsha sabhi ko jab bhi milo,jisse bhi milo,chaahe aapas mein,chaahe aur aatmaon se lekin jab bhi milo, jisse bhi milo usko santushtata ka sahayog do। svayan bhi santushta raho aur doosre ko bhi santushta karo। is season ka svamaan hai - santushtamni। sada santushta-mani। bhaai bhi mani hain, mana nahin hota hai, mani hota hai। ek ek aatma har samay santushtamni hai। aur svayan santushta honge to doosre ko bhi santushta karenge। santushta rehna aur santushta karna। theek hai,pasanda hai?kumaariyon ko pasanda hai? jisko pasanda hai aur karega,sirf sunne mein pasanda nahin,karne mein pasanda hai - woh sabhi haath uthaao। haath dekh karke to baapdaada ki dil khush ho gai। bahut achha,mubaarak ho,mubaarak ho। kuchh bhi ho jaae, apne svamaan ki seat par ekaagra raho,bhatko nahin,kabhi kis seat par, kabhi kis seat par, nahin। apne svamaan ki seat par ekaagra raho। aur ekaagra seat par set hoke agar koi bhi baat aati hai na to ek cartoon show ke muaaiphak dekho,cartoon dekhna achha lagta hai na, to yeh samasya nahin hai, cartoon show chal raha hai। koi sher aata hai,koi bakri aati hai, koi bichchhu aata hai, koi chhipakli aati hai gandi - cartoon show hai। apni seat se upset nahin ho। maja aayega। achha sher bhi aaya,kutta bhi aaya,billi bhi aai,aane do -dekhte raho।

baapdaada ne sunaaya tha -to aap sab apne svamaan ke shaan ki seat par raho to pareshaan nahin honge। svamaan ki shaan mein nahin rehte ho to pareshaan hote ho। chhota sa paper tiger hota hai lekin pareshaan ho jaate hain। to is varsha ekaagra hoke svamaan ki seat par rehna, aise nahin kehna main jaanti to hoon,suna bhi hai,jaana bhi hai,lekin …nahin। sunna aur jaanna to theek hai lekin apne ko maan kar ekaagra hoke seat par baithna, maan karke nahin chalte ho, sirf jaante aur sunte ho। seat par swaroop mein sthit hoke baitho। samjha।

baapdaada ko samaachaar mila tha - ki yeh chaar group hain na। ek kumaariyon ka,ek computer group, ek management group, ek health ka… chaar hi group ka samaachaar mila,achha hai lekin computer chalaate bhi computer vaali kursa par bhale baithna lekin apne svamaan ki seat ko chhodna nahin। double seat par baithna,sirf computer ki seat par nahin। to double seva ho jaayegi। bahut seva kar sakte ho। health vaale bhi bahut seva kar sakte hain। dikhaaya tha, kitaab banaaya hai na, sab samaachaar suna hai। kitaab kisne banaaya hai?achha banaaya hai। lekin health ke saath svamaan pahle। svamaan ki seat ko nahin chhodna,kabhi kis seat par, kabhi kis seat par nahin। shreshtha swaroop ke smriti ki seat par। apni seat nahin chhodna। kumaariyon ne bhi jo promise kiya hai, bahut achha kiya hai। baapdaada abhi promise ki mubaarak de rahe hain lekin leni kaun si mubaarak hai? practical ki। to aaj sirf promise ki mubaarak de rahe hain phir practical result ki mubaarak denge। woh mubaarak leni hai na। achhe-achhe baithe hain,dikhaai de raha hai। achhi svamaan vaali kumaariyaan hain। (10 saal vaale bhi baithe hain)yeh bhi bahut kamaal hai, 10 saal amar rahe hain। to amarnaath baba ki taraph se amar bhav ka vardaan hai। haath uthaao10 saal vaale। aunty uncle ko to bahut saal ho gaye।

to 10saal vaalon ko baapdaada 9 ratnon ki maala pahna rahe hain। 9 ratna nirvighna banaane ke hote hain।8 shaktiyaan aur baap, sada smriti mein rahe। achha hai। foreign mein rehte abhi 10 saal paas kiya to amar ho gaye na! ki samajhte ho pata nahin aage kya ho?achha 10 saal vaalon ne jo haath uthaaya, unhon ko apne future ka bhi nishchay hai ki samajhte hain pata nahin chal sakenge ya nahin chal sakenge?jo samajhte hain ant tak saath rehna hi hai, amar rehna hai, kuchh bhi ho jaae, himaalay jitna pahaad bhi gir jaae, girega,pakke hain?bahut achha। achha India vaalon ne uthaaya। India vaale samajhte hain ham hain hi pakke?yeh 10 saal vaale nahin lekin sabhi ko apna nishchay chaahiye kuchh bhi ho jaae, saath rahenge,saath chalenge,saath raajya mein aayenge। pakka hai na! saath rahenge na! baap ko akela chhodke nahin chale jaana। akela thode hi achha lagega। aapko bhi achha nahin lagega, baap ko bhi achha nahin lagega। isliye chhodna nahin। koi bhi baat aave aap dil se bolo baba, mera baba, baba haajir hai। aapki samasya ko hal kar denge। dil se bolna, baba yeh baat hai, baba yeh karo, baba yeh… baap bandha hua hai। lekin dil se, aise nahin matlab ke time yaad karo aur phir bhool jaao।

to sabhi double foreigners apne bhaagya ko dekh ke khush ho rahe hain। pahla chance mila hai aur special chance mila hai। to poora season jo baap ne kaha woh nibhaayenge na। sochne vaale nahin banna,nibhaane vaale। jab mera kah diya,mera baba aur baba ne bhi kaha mera bachcha,pakka sauda ho gaya na! daadiyaan theek hai? foreigners ko dekhke khushi ho rahi hai na!bahut khushi। daadi ko to bahut umang aata hai। agar kuchh ho sake na, to daadi sabko yahaan hi bitha deve। yeh sab haajir hain ki sochenge,london ke diamond hall ka kya hoga?nahin, yeh sab ever ready hain। agar baapdaada order kare aa jaao, kuchh bhi socho nahin,seva ko,centre ko,saathiyon ko kuchh nahin socho, aa jaao, to aa jaayenge? (haan ji) achha hai। woh bhi din aayega,order aayega aa jaao kyonki baap ka pyaar hai na, to alag-alag nahin karke,saath chalenge। jo pakke honge woh rahenge। to sabhi nirvighna,ki abhi kone mein koi vighna rah gaya। nahin na!koi vighna abhi andar hai? thoda thoda to hai?nahin hai? sabhi nirvighna hain?aaj sab yahaan chhod ke jaao, om shanti bhavan hai na, to om shanti ho jaayega। kya karna hai? kaante ko phauran nikaala jaata hai। agar kaanta jaldi nahin nikaalo to taang katvaani padti hai, isliye vighna ko samaapta karo। apne original sanskaar ko emerge karo। achha -sab group theek hai।

abhi group-group haath uthaao।

kumaariyon ka group haath uthaao। computer group peechhe baithe hain,health vaale,S.em.L. vaale,achha hai,chaaron hi group ka samaachaar achha hai। achha। saamne patra bhi rakhe hain।

chaaron or ke patra aur card bhi aaye hain,dil ke patra bhi aaye hain, kaagaj ke patra bhi aaye hain, donon hi baapdaada ke paas pahunchte hain। baapdaada ko apne dil ka pyaar bhi bhejte aur saath-saath koi-koi seva ka samaachaar bhi apna achha bhejte hain। koi-koi thoda sa yaad ke saath phariyaad bhi karte hain,baba yeh kar lena,yeh kar lena। lekin achha hai- agar likhte hain to likhne vaale ko sahayog bhi milta hai। sachchi dil aur saaph dil hoti hai na, to saaph dil muraad haansil ho jaati hai। abhi bhi chaaron or sunte bhi hain, koi-koi dekhte bhi hain lekin sunte to kaaphi hain। aap is hall mein baithe ho woh apne desh ke haal mein baithe hain। yeh bhi science ke saadhan aap braahmanon ke liye hi nikle hain। aap sthaapna ke kaarya mein lagaate aur koi phir vinaash ke kaarya mein lagaate। lekin baapdaada science vaale bachchon ko bhi mubaarak dete hain ki invention achhi nikaali hai jo door baithe bhi bachche sun rahe hain, dekh rahe hain। achha।

chaaron or ke raaj dulaare bachchon ko,sarva snehi,sahayogi,samaan banne vaale bachchon ko, sada apne shreshtha sva bhaav aur sanskaar ko swaroop mein emerge karne vaale bachchon ko, sada sukh dene, sarva ko sneh dene vaale bachchon ko,sada santushtamni ban santushtata ki kirnen phailaane vaale bachchon ko baapdaada ka yaadapyaar aur namaste।

daadi ji se:- bahut achhi tandaroosta ho gai। koi aisi baat nahin,baaki bhi theek ho jaayega। (baba ka vardaan hai) khud bhi var-daani hai na,isliye vardaan jaldi lag jaata hai। sabhi ka aapse bahut pyaar hai। sabhi ka pyaar hai kyonki baap ne aapko nimitta banaaya hai। baap svayan to avyakt hue,lekin saakaar roop mein aapko nimitta banaaya।

gangen daadi se:- mahaarthiyon ki mahphil achhi lagti hai। abhi sabhi mahaarthi ikatthe hue na। baapdaada ko bhi bahut achha laga।

rookamni daadi se:- vartamaan bhavishya achha bana rahi ho।

videsh ki badi bahinon se:- sabhi achhi service mein lage hue hain। baapdaada ko bhi khushi hoti hai ki vriddhi kar rahe hain aur vidhi poorvak chal rahe hain। vidhi bhi hai,vriddhi bhi hai। jahaan tahaan programme to bahut achhe ho hi rahe hain। aapas mein milkar vishwa mein aavaaj phailaane ka plan banaate hi rehte hain।

(computer se seva ka plan bana rahe hain) kone kone mein computer to hai hi, samay bhi kam aur chaaron or phail jaata। kumaariyaan bhi achhi-achhi hain। achhe plan banaaye hain, baapdaada khush hain। chaaron taraph ke banaaye hain,health bhi aa gai,computer bhi aa gaye, course bhi aa gaye।

videsh ke mukhya bhaaeeyon se:- bahut achha,paandav sena bhi kam nahin hain। shaktiyaan, shaktiyaan hain lekin paandav subhaan allaah। paandavon ke saath to paandavapti hai hi। dekho ek-ek ki apni-apni visheshta hai, baapdaada to ek-ek ki visheshta ko dekh rahe hain aur har ek apni visheshta ka part achha baja rahe hain। aise hai na। uncle bhi apna part achha baja rahe hain, yeh robin bhi baja rahe hain, gobinda,nijaar bhi baja rahe hain। achha part bajaaya na। achhe-achhe paandav bhi nikle hain to shaktiyaan bhi nikli hain। baapdaada ko yahi khushi hai ki double foreigners ka group seva ke liye bahut achha taiyaar hua hai। sabmen seva ka umang hai। hai na umang? uncle foundation hai। achhe hain। sada amar bhav। yaad aur seva mein amar bhav। achha। aaj se question poochhna khatma। maayaajeet hain ye question poochhenge kya?maayaajeet ho gaye na! abhi koi kisse yeh nahin poochhna ki maayaajeet hain? hain nahin lekin maayaajeet ke nashe mein bahut ud rahe hain। udti kala vaale hain,kisse bhi poochho to kaho dilkhush pharishta hai। maaya ka naam hi nahin lo। naam sahit khatma karo kyonki kuchh samay maayaajeet banke rahne ka abhyaas zaroor karna pade। jo bahutkaal maayaajeet rehte hain unhein bahutkaal raajya bhaagya milta hai। isliye sada maayaajeet। hain hi maayaajeet। baapdaada ki najar hai, sangathan ko najar se nihaal to hona hi hai। achha।

om shanti।