रविवार 18 जनवरी 2004 की अव्यक्त मुरली

>

18-01-04 om shanti avyakt baapdaadaamdhuban

“world authority ke direct bachche hain - is smriti ko emerge rakh sarva shaktiyon ko order se chalaao''

aaj chaaron or sneh ki lahron mein sabhi bachche samaaye hue hain। sabhi ke dil mein vishesh brahma baap ki smriti emerge hai। amritvele se leke saakaar paalna vaale ratna aur saath mein alaukik paalna vaale ratna donon ke dil ke yaadon ki maalaayen baapdaada ke paas pahunch gai hain। sabhi ke dil mein baapdaada ke smriti ki tasveer dikhaai de rahi hai। aur baap ke dil mein sarva bachchon ki sneh bhari dil samaai hui hai। sabhi ke dil se ek hi sneh bhara geet baj raha hai - ``mera baba''aur baap ki dil se yahi geet baj raha hai -``mere meethe-meethe bachche''। yeh automatic geet, anhad geet kitna pyaara hai। baapdaada chaaron or ke bachchon ko sneh bhari smriti ke return mein dil ke sneh bhari duaayen padamguna de rahe hain।

baapdaada dekh rahe hain abhi bhi desh va videsh mein bachche sneh ke saagar mein lavleen hain। yeh smriti divas vishesh sabhi bachchon ke prati samartha banaane ka divas hai। aaj ka din brahma baap dvaara bachchon ki taajposhi ka din hai। brahma baap ne nimitta bachchon ko vishwa seva ki jimmevaari ka taaj pahnaaya। svayan unknown banen aur bachchon ko saakaar swaroop mein nimitta banaane ka,smriti ka tilak diya। svayan samaan avyakt pharishte swaroop ka, prakaash ka taaj pahnaaya। svayan karaavanhaar ban karanhaar bachchon ko banaaya। isliye is divas ko smriti divas so samarthi divas kaha jaata hai। sirf smriti nahin,smriti ke saath-saath sarva samaarthiyaan bachchon ko vardaan mein praapta hain। baapdaada sabhi bachchon ko sarva smritiyon swaroop dekh rahe hain। master sarva shaktivaan swaroop mein dekh rahe hain। shaktivaan nahin,sarva-shaktivaan। yeh sarva shaktiyaan baap dvaara har ek bachche ko vardaan mein mili hui hain। divya janma lete hi baapdaada ne vardaan diya -sarvashaktivaan bhav! yeh har janma divas ka vardaan hai। in shaktiyon ko praapta vardaan ke roop se kaarya mein lagaao। har ek bachche ko mili hain lekin kaarya mein lagaane mein nambarvaar ho jaate hain। har shakti ke vardaan ko samay pramaan order kar sakte ho। agar vardaata ke vardaan ke smriti swaroop ban samay anusaar kisi bhi shakti ko order karenge to har shakti haajar honi hi hai। vardaan ki praapti ke, maalikpan ke smriti swaroop mein ho aap order karo aur shakti samay par kaarya mein nahin aaye, ho nahin sakta। lekin maalik,master sarvashaktivaan ke smriti ki seat par set ho, bina seat par set ke koi order nahin maana jaata hai। jab bachche kehte hain ki baba ham aapko yaad karte to aap haajar ho jaate ho, hajoor haajar ho jaata hai। jab hajoor haajar ho sakta to shakti kyon nahin haajar hogi!sirf vidhi poorvak maalikpan ke authority se order karo। yeh sarva shaktiyaan sangamayug ki vishesh parmaatma property hai। property kiske liye hoti hai? bachchon ke liye property hoti hai। to adhikaar se smriti swaroop ki seat se order karo, meh-nat kyon karo,order karo। world authority ke direct bachche ho, yeh smriti ka nasha sada emerge rahe।

apne aapko check karo -world almighty authority ki adhikaari aatma hoon, yeh smriti svatahhi rehti hai?rehti hai ya kabhi-kabhi rehti hai?aajkal ke samay mein to adhikaar lene ke hi jhagde hain aur aap sabko parmaatma adhikaar,parmaatma authority janma se hi praapta hai। to apne adhikaar ki samarthi mein raho। svayan bhi samartha raho aur sarva aatmaon ko bhi samarthi dilaao। sarva aatmaayen is samay samarthi arthaat shaktiyon ki bhikhaari hain,aapke jad chitron ke aage maangate rehte hain। to baap kehte hain ``he samartha aatmaayen sarva aatmaon ko shakti do, samarthi do।'' iske liye sirf ek baat ka attention har bachche ko rakhna aavashyak hai - jo baapdaada ne ishaara bhi diya,baapdaada ne result mein dekha ki majority bachchon ka sankalp aur samay vyartha jaata hai। jaise bijli ka connection agar thoda bhi loose ho va leek ho jaae to light theek nahin aa sakti। to yeh vyartha ki leakage samartha sthiti ko sadaakaal ki smriti banaane nahin deti, isliye vesta ko best mein change karo। bachat ki scheme banaao। percentage nikaalo - saare din mein vesta kitna hua, best kitna hua? agar maano40 percent vesta hai, 20 percent vesta hai to usko bachaao। aise nahin samjho thoda sa hi to vesta jaata hai, baaki to saara din theek rehta hai। lekin yeh vesta ki aadat bahut samay ki aadat hone ke kaaran last ghadi mein dhokha de sakti hai। nambarvaar bana degi, number one nahin banne degi। jaise brahma baap ne aadi mein apni checking ke kaaran roj raat ko darbaar lagaai। kiski darbaar?bachchon ki nahin,apni hi karmendriyon ki darbaar lagaai। order chalaaya- he man mukhya mantri yeh tumhaari chalan achhi nahin,order mein chalo। he sanskaar order mein chalo। kyon neeche oopar hua,kaaran bataao,nivaaran karo। har roj official darbaar lagaai। aise roj apni svaraajya darbaar lagaao। kai bachche baapdaada se meethi-meethi roohrihaan karte hain। personal roohrihaan karte hain, bataayen। kehte hain hamko apne bhavishya ka chitra bataao,ham kya banenge?jaise aadi ratnon ko yaad hoga ki jagat amba maa se sabhi bachche apna chitra maangate the,mama aap hamko chitra do ham kaise hain। to baapdaada se bhi roohrihaan karte apna chitra maangate hain। aap sabki bhi dil to hoti hogi ki hamko bhi chitra mil jaae to achha hai। lekin baapdaada kehte hain- baapdaada ne har ek bachche ko ek vichitra darpan diya hai, woh darpan kaun sa hai?vartamaan samay aap svaraajya adhikaari ho na! ho?svaraajya adhikaari ho? ho to haath uthaao। sva-raajya,adhikaari ho?achha। koi-koi nahin utha rahe hain। thoda-thoda hain kya?achha। sabhi svaraajya adhikaari ho,mubaarak ho। to svaraajya adhikaar ka chart aapke liye bhavishya pad ki shakla dikhaane ka darpan hai। yeh darpan sabko mila hua hai na? clear hai na? koi aise kaale daag to nahin lage hue hain na!achha,kaale daag to nahin honge,lekin kabhi-kabhi jaise garam paani hota hai na,woh kohre ke muaaphik aaine par aa jaata hai। jaise foggy hoti hai na,to aaine par aisa ho jaata hai jo aaina clear nahin dikhaata hai। nahaane ke samay to sabko anubhav hoga। to aisa agar koi ek bhi karmendriy abhi tak bhi aapke poore control mein nahin hai,hai control mein lekin kabhi-kabhi nahin bhi hai। agar maanon koi bhi karmendriy,chaahe okh ho,chaahe mukh ho,chaahe kaan ho,chaahe paanv ho,paanv bhi kabhi-kabhi bure sang ke taraph chala jaata hai। to paanv bhi control mein nahin hua na। sangathan mein baith jaayenge,raamaayan aur bhaagvat ki ulti kathaayen sunenge, sulti nahin। to koi bhi karmendriy sankalp, samay sahit agar control mein nahin hai to isse hi check karo jab svaraajya mein controlling power nahin hai to vishwa ke raajya mein control kya karenge!to raaja kaise banenge? vahaan to sab accurate hai। controlling power, ruling power sab svatahhi sang-mayug ke purooshaartha ki praalabdha ke roop mein hai। to sangamayug arthaat vartamaan samay agar controlling power, ruling power kam hai,to puru-shaartha kam to praalabdha kya hogi? hisaab karne mein to hoshiyaar ho na! to is aaine mein apna face dekho,apni shakla dekho। raaja ki aati hai,royal family ki aati hai, royal praja ki aati hai,saadhaaran praja ki aati hai, kaun si shakla aati hai?to mila chitra?is chitra se check karna। har roj check karna kyonki bahutkaal ke purooshaartha se, bahutkaal ke raajya bhaagya ki praapti hai। agar aap socho ki ant ke samay behad ka vairaagya to aa hi jaayega,lekin ant samay aayega to bahutkaal hua ya thoda kaal hua? bahutkaal to nahin kahenge na! to 21 janma poora hi raajya adhikaari banen,takhta par bhale nahin baithen,lekin raajya adhi-kaari hon। yeh bahutkaal (purooshaartha ka),bahutkaal ki praalabdha ka connection hai। iseelie albele nahin banna, abhi to vinaash ki date fix hi nahin hai, pata hi nahin। 8 varsha hoga, 10 varsha hoga, pata to hai hi nahin। to aane vaale samay mein ho jaayenge,nahin। vishwa ke antakaal sochne ke pahle apne janma ka antakaal socho,aapke paas date fix hai, kiske paas pata hai ki is date par mera mrityu hona hai? hai kiske paas? nahin hai na!vishwa ka ant to hona hi hai,samay par hoga hi lekin pahle apni antakaal socho aur jagdamba ka slogan yaad karo- kya slogan tha? har ghadi apni antim ghadi samjho। achaanak hona hai। date nahin bataai jaayegi। na vishwa ki, na aapke antim ghadi ki। sab achaanak ka khel hai। isliye darbaar lagaao, he raaje,svaraajya adhikaari raaje apni darbaar lagaao। order mein chalaao kyonki bhavishya ka gaayan hai,law and order hoga। svatahhi hoga। lav aur law donon ka hi balance hoga। natural hoga। raaja koi law paas nahin karega ki yeh law hai। jaise aajkal law banaate rehte hain। aajkal to pulis vaala bhi law utha leta hai। lekin vahaan natural lav aur law ka balance hoga।

to abhi almighty authority ki seat par set raho। to yeh karmendriyaan,shaktiyaan,gun sab aapke ji hajoor, ji hajoor karenge। dhokha nahin denge। ji haajir। to abhi kya karenge?doosre smriti divas par kaun sa samaaroh manaayenge?yeh har ek zone to samaaroh manaate hain na। sammaan samaaroh bhi bahut mana liye। ab sada har sankalp aur samay ke saphalta ki ceremony manaao। yeh samaaroh manaao। vesta khatma kyonki aapke saphaltaamoorta banne se aatmaon ko tripti ki saphalta praapta hogi। niraasha se chaaron or shubh aashaaon ke deep jagenge। koi bhi saphalta hoti hai to deepak to jagaate hain na! ab vishwa mein aashaaon ke deep jagaao। har aatma ke andar koi na koi niraasha hai hi, niraashaaon ke kaaran pareshaan hain, tension mein hain। to he avinaashi deepkon ab aashaaon ke deepkon ki deevaali manaao। pahle sva phir sarva। suna!

baaki baapdaada bachchon ke sneh ko dekh khush hain। sneh ki subject mein percentage achhi hai। aap itni mehnat karke yahaan kyon pahunche ho,aapko kaun laaya?train laai,plen laaya ya sneh laaya?sneh ke plen se pahunch gaye ho। to sneh mein to paas ho। abhi al-mighty authority mein master hain,ismen paas hona,to yeh prakriti,yeh maaya,yeh sanskaar,sab aapke daasi ban jaayenge। har ghadi inta-jaar karenge maalik kya order hai! brahma baap ne bhi maalik ban andar hi andar aisa sookshm purooshaartha kiya jo aapko pata pada, sampanna kaise ban gaya?panchhi ud gaya। pinjada khul gaya। saakaar duniya ke hisaab-kitaab ka, saakaar ke tan ka pinjada khul gaya, panchhi ud gaya। abhi brahma baap bhi bahut sik va prem se bachchon ka jaldi aao,jaldi aao,abhi aao, abhi aao, yeh aahvaan kar rahe hain। to pankh to mil gaye hain na! bas sabhi ek second mein apne dil mein yeh drill karo, abhi-abhi karo। sab sankalp samaapta karo, yahi drill karo ``O baba meethe baba, pyaare baba ham aapke samaan avyakt roopdhaari banen ki banen।'' (baapdaada ne drill karaai)

achha -chaaron or ke snehi so samartha bachchon ko, chaaron or ke svaraajya adhikaari so vishwa raajya adhikaari bachchon ko, chaaron or ke master almighty authority ke seat par set rahne vaale teevra purooshaarthi bachchon ko, sada maalik ban prakriti ko,sanskaar ko,shaktiyon ko,gunon ko order karne vaale vishwa raajya adhikaari bachchon ko, baap samaan sampoornata ko, sampannata ko sameep laane vaale desh videsh ke har sthaan ke kone-kone ke bachchon ko samartha divas ka, baapdaada ka yaadapyaar aur namaste।

abhi-abhi baapdaada ko vishesh kaun yaad aa raha hai? janak bachchi। khaas sandesh bheja tha ki main sabha mein haajir avashya hoongi। to chaahe london,chaahe America,chaahe Australia,chaahe aphreeka,chaahe eshiya aur sarva bhaarat ke har desh ke bachchon ko ek-ek ko naam aur visheshta sahit yaadapyaar। aapko to sammukh yaadapyaar mil raha hai na! achha।

seva ka tarna mahaaraashtra, aandhra pradesh ka hai:- (5000 aaye hain) achha - mahaaraashtra arthaat sarva se mahaan। jaise desh mahaan hai vaise aatmaayen bhi mahaan hain। baapdaada har bachche ko mahaan roop mein hi dekhte hain। seva ka phal bhi mila, punya jama hua aur bal bhi mila। itne brahman aatmaon ka saath mila। ek do ko dekh-dekh harshit hue। ek do ke sneh ka bal kam nahin hai। to phal bhi mila,bal bhi mila। achha part bajaaya। baapdaada to sada achha, achha,achha kehte aage udaate hi rehte hain। to seva ka chance achha laga na। bahut achha laga। sameep aane ka chance hai। seva ka pratyaksha meva milta hai। achha hai। abhi koi mahaan kartavya bhi karke dikhaayenge na!mahaaraashtra hai to mahaan kartavya ke nimitta bhi banenge। seva bahut achhi karo lekin seva aur sva donon kamba-end hon। jaise baapdaada combined hai na। aatma aur shareer combined hai na!aise sva sthiti aur seva donon combined। percentage mein koi kami nahin ho। kabhi seva ki percentage jyaada,kabhi sva ki percentage jyaada, nahin,sada balance। to aapke balance dvaara vishwa ki aatmaon ko blessing milti rahegi। to abhi vishwa ki aatmaon ko blessing chaahiye। mehnat nahin chaahiye,blessing chaahiye। to aapka balance svatah hi blessing dilaayegi। achha।

aaj madhuban vaalon ko bhi yaad kiya। yeh aage-aage baithte hain na। haath uthaao madhuban vaale। madhuban ki sabhi bhujaayen। madhuban vaalon ko vishesh tyaag ka bhaagya sookshm mein to praapta hota hai kyonki rehte paandav bhavan mein, madhuban mein, shaantivan mein hain lekin milne vaalon ko chance milta hai,madhuban saakshi hoke dekhta rehta hai। lekin dil par sada madhuban vaale yaad hain। aaj aapka group (golak bhaai ko) toli lene aana। mehnat karte hain na!sabhi madhuban vaale sabhi bhujaaon sahit mehnat bahut achhi karte hain। meh-nat mein marks bahut achhi hain। abhi number one banne mein marks lenge। madhuban ke rahne vaalon mein ek-ek number one mahaan hain, yeh naara lagaayen। madhuban se vesta ka naam-nishaan samaapta ho। seva mein,sthiti mein sabmen mahaan। theek hai na!madhuban vaalon ko bhoolte nahin hain lekin madhuban ko tyaag ka chance dete hain। aise to sabhi, sab zone vaale bahut seva mein aage badh rahe hain। sabne programme kiye bahut achhe kiye, bhopaal ne bhi achha kiya। har ek sthaan ki visheshta apni-apni hai। dekho bhopaal vaalon ko prakriti ne kitna sahayog diya। ek din baarish, hava, thandi rooki rahi, aapka kaarya sampanna hua aur shuru ho gaya। to prakriti ne sahayog diya। aise hi prakritijeet banna hi hai,maayaajeet banna hi hai। aap nahin banenge to aur kaun banega। to banna hi hai। achha।

daadi ji se:- bahut mehnat karti hain, thak jaati hain। achha,bahut achha। aadi ratnon se shrangaar hai। aadi ratnon ko dekh baapdaada ko khushi hoti hai। achha।

daada naaraayan se:- sab theek hai। yaad aur mansa seva karte chalo, isi kaarya mein busy raho। baba bhool nahin sakta। khush rehna। khushi kabhi nahin ganvaana।

account group se:- sabhi jo bhi sevaayen kar rahe ho, woh apni samajhkar bahut achhi kar rahe ho। iski mubaarak ho। sirf seva karte double light rehna। koi bhi bojh apne oopar nahin rakhna। jaise brahma baap ke paas kitni jimmevaariyaan thi, phir bhi double light raha, aise follow father। koi bhi bojh ho, baap ko dekar halke ho jaana, baap aaye hi hain bojh lene ke liye,to bojh dena aata hai na। to bojh dekar double light ban udte rehna। achha।

om shanti।