शुक्रवार 5 मार्च 2004 की अव्यक्त मुरली

>

05-03-04 om shanti avyakt baapdaadaamdhuban

"kamzor sanskaaron ka sanskaar kar sachchi holi manaao tab sansaar parivartan hoga"

aaj baapdaada apne chaaron or ke raaj dulaare bachchon ko dekh rahe hain। yeh parmaatma dulaar aap koton mein koi shreshtha aatmaon ko hi praapta hai। har ek bachche ke teen raaj takhta dekh rahe hain। yeh teen takhta saare kalpa mein is sangam par hi aap bachchon ko praapta hote hain। dikhaai de rahe hain teen takhta? ek to yeh bhrakuti roopi takhta,jis par aatma chamak rahi hai। doosra takhta hai - parmaatma dil takhta। dil takhta nasheen ho na!aur teesra hai- bhavishya vishwa takhta। sabse bhaagyavaan bane ho dil takhtansheen banne se। yeh parmaatma dil takhta aap takdeervaan bachchon ko hi praapta hai। bhavishya vishwa ka raajya takhta to praapta hona hi hai। lekin adhikaari kaun banta? jo is samay svaraajya adhikaari banta hai। svaraajya nahin to vishwa ka raajya bhi nahin kyonki is samay ke sva raajya adhikaar dvaara hi vishwa raajya praapta hota hai। vishwa ke raajya ke sarva sanskaar is samay bante hain। to har ek apne ko sada svaraajya adhikaari anubhav karte ho?jo bhavishya raajya ka gaayan hai -jaante ho na!ek dharma,ek raajya,law and order,sukh-shanti,sampatti se bharpoor raajya,yaad aata hai- kitne baar yeh svaraajya aur vishwa raajya kiya hai?yaad hai kitne baar kiya hai?clear yaad aata hai? ki yaad karne se yaad aata hai?kal raajya kiya tha aur kal raajya karna hai - aise spashta smriti hai? yeh spashta smriti us aatma ko hogi jo abhi sada svaraajya adhikaari hoga। to svaraajya adhikaari ho?sada ho ya kabhi-kabhi? kya kahenge? sada svaraajya adhikaari ho? double foreigners ka tarna hai na। to svaraajya adhikaari sada ho? paandav sada hain? sada shabd poochh rahe hain?kyon?jab is ek janma mein,chhota sa to janma hai, to is chhote se janma mein agar sada svaraajya adhikaari nahin hain to 21janma ka sada svaraajya kaise praapta hoga! 21 janma ka raajya adhikaari banna hai ki kabhi-kabhi banna hai? kya manjoor hai? sada banna hai? sada?kaandh to hilaao। achha, 21 janma hi raajya adhikaari banna hai? raajya adhikaari arthaat royal family mein bhi raajya adhikaari। takhta par to thode baithenge na,lekin vahaan jitna takhta adhikaari ko svamaan hai, utna hi royal family ko bhi hai। unhon ko bhi raajya adhikaari kahenge। lekin hisaab abhi ke connection se hai। abhi kabhi-kabhi to vahaan bhi kabhi-kabhi। abhi sada to vahaan bhi sada। to baapdaada se sampoorn adhikaar lena arthaat vartamaan aur bhavishya ka poora-poora 21 janma raajya adhikaari banna। to double foreigners poora adhikaar lene vaale ho ya aadha ya thoda? kya?poora adhikaar lena hai? poora। ek janma bhi kam nahin। to kya karna padega?

baapdaada to har ek bachche ko sampoorn adhikaari banaate hain। bane hain na? pakka?ki banenge ya nahin banenge question hai? kabhi-kabhi question uthta hai - pata nahin banenge,nahin banenge?banna hi hai। pakka? jisko banna hi hai woh haath uthaao। banna hi hai? achha,yeh sab kis maala ke manke banenge? 108 ke? yahaan to kitne aaye hue hain? sabhi 108mein aane hain?to yeh to 1800hain। to 108 ki maala ko badhaayenge?achha। 16hajaar to achha nahin lagta। 16hajaar mein jaayenge kya? nahin jaayenge na!yeh nishchay aur nishchit hai,aisa anubhav ho। ham nahin banenge to kaun banega। hai nasha? aap nahin banenge to aur koi nahin banega na। aap hi banne vaale ho na! bolo,aap hi ho na!paandav aap hi banne vaale ho?achha। apna darpan mein saakshaatkaar kiya hai? baapdaada to har bachche ka nishchay dekh balihaar jaate hain। vaah!vaah! har ek bachcha vaah! vaah vaah vaale ho na! vaah!vaah! ki why। why to nahin?kabhi-kabhi why ho jaata? ya to hai why aur haay aur teesra cry। to aap to vaah!vaah! vaale ho na!

baapdaada ko double foreigners ke oopar vishesh phakhur hai। kyon?bhaaratvaasiyon ne to baap ko bhaarat mein bula liya। lekin double foreigners ke oopar phakhur isliye hai ki double foreigners ne baapdaada ko apne sachchaai ke pyaar ke bandhan mein baandha hai। majority sachchaai vaale hain। koi-koi chhipaate bhi hain lekin majority apni kamzori sachchaai se baap ke aage rakhte hain। to baap ko sabse badhiya cheez lagti hai - sachchaai। isliye bhakti mein bhi kehte hain god is tatrtha। sabse pyaari cheez sachchaai hai kyonki jismen sachchaai hoti hai usmein saphaai rehti hai। clean aur clear rehta hai। isliye baapdaada ko double foreigners ke sachchaai ki prem ki rassi kheenchati hai। thoda bahut mix to hota hai, koi-koi। lekin double foreigners apni yeh sachchaai ki visheshta kabhi nahin chhodna। satyata ki shakti ek lift ka kaam karti hai। sabko sachchaai achhi lagti hai na! paandav achhi lagti hai?aise to madhuban vaalon ko bhi achhi lagti hai। sabhi chaaron or ke madhuban vaale haath uthaao। daadi kehti hai na bhujaayen hain। to madhuban,shaantivan sab haath uthaao। bada haath uthaao। madhuban vaalon ko sachchaai achhi lagti hai?jismen sachchaai hogi na, usko baap ko yaad karna bahut sahaj hoga। kyon? baap bhi satya hai na!to satya baap ki yaad jo satya hai usko jaldi aati hai। mehnat nahin karni padti hai। agar abhi bhi yaad mein mehnat lagti hai to samjho koi na koi sookshm sankalp maatra,svapna maatra koi sachchaai kam hai। jahaan sachchaai hai vahaan sankalp kiya baba, hajoor haajar hai। isliye baapdaada ko sachchaai bahut priy hai।

to baapdaada sabhi bachchon ko yahi ishaara dete hain - ki poora varsa21 hi janmon ka lena hai to abhi svaraajya ko check karo। ab ka svaraajya adhikaari banna,jitna jaisa banenge utna hi adhikaar praapta hoga। to check karo -jaise gaayan hai ek raajya…, ek hi raajya hoga,do nahin। to vartamaan svaraajya ki sthiti mein sada ek raajya hai?svaraajya hai va kabhi-kabhi par-raajya bhi ho jaata hai?kabhi maaya ka raajya agar hai to par-raajya kahenge ya svaraajya kahenge?to sada ek raajya hai, par-adheen to nahin ho jaate?kabhi maaya ka,kabhi sva ka?isse samjho ki sampoorn varsa abhi praapta ho raha hai, hua nahin hai, ho raha hai। to check karo sada ek raajya

hai?ek dharma - dharma arthaat dhaarna। to vishesh dhaarna kaun si hai? pavitrata ki। to ek dharma hai arthaat sankalp,svapna mein bhi pavi-trata hai?sankalp mein bhi,svapna mein bhi agar apvitrata ki parchhaai hai to kya kahenge?ek dharma hai?pavitrata sampoorn hai? to check karo,kyon?samay fast ja raha hai। to samay fast ja raha hai aur svayan agar slow hai to samay par manzil par to nahin pahunch sakenge na! isliye baar-baar check karo। ek raajya hai?ek dharma hai?law aur order hai?ki maaya apna order chalaati hai?par-maatma bachche shreemat ke law aur order par chalne vaale। maaya ke law and order par nahin। to check karo - sabhi bhavishya ke sanskaar abhi dikhaai den kyonki sanskaar abhi bharne hain। vahaan nahin bharne hain, yahaan hi bharne hain। sukh hai? shanti hai? sampattivaan hain? sukh abhi saadhnon ke aadhaar par to nahin hai?ateendriy sukh hai? saadhan,indriyon ka aadhaar hai। ateendriy sukh saadhnon ke aadhaar par nahin hai। akhanda shanti hai?khandit to nahin hoti hai? kyonki satayug ke raajya ki mahima kya hai? akhanda shanti,atal shanti। sampa-nnata hai? sampatti se kya hota hai?sampannata hoti hai। sarva sampatti hai? gun,shaktiyaan,gyaan yeh sampatti hai। uski nishaani kya hogi? agar main sampatti mein sampanna hoon- to uski nishaani kya? santushtata। sarva praapti ka aadhaar hai santushtata,asantushtata apraapti ka saadhan hai। to check karo- ek bhi visheshta ki kami nahin honi chaahiye। to itna check karte ho?saara sansaar aap abhi ke sanskaar dvaara banaane vaale ho। abhi ke sanskaar anusaar bhavishya ka sansaar banega। to aap sabhi kya kehte ho? kaun ho aap? vishwa parivartak ho na!vishwa parivartak ho? to vishwa parivartak ke pahle sva-parivartak। to yeh sab sanskaar apne mein check karo। isse samajh jaao ki main 108 ki maala mein hoon ya aage peechhe hoon? yeh checking ek darpan hai, is darpan mein apne vartamaan aur bhavishya ko dekho। dekh sakte ho?

abhi to holi manaane aaye ho na!holi manaaye aaye ho, achha। holi ke arth ko varnan kiya hai na! to baapdaada aaj vishesh double foreigners ko kehte hain,madhuban vaale saath mein hain, yeh bahut achha hai। madhuban vaalon ko bhi saath mein kah rahe hain। jo bhi aaye hain, chaahe bombe se aaye hain,chaahe dilli se aaye ho, lekin is samay to madhuban nivaasi ho। double foreigners bhi is samay kahaan ke ho?madhuban nivaasi ho na! madhuban nivaasi banna achha hai na! to sabhi bachchon ko chaahe yahaan saamne baithe hain, chaahe apne apne chaaron taraph ke sthaanon par baithe hain, baapdaada ek parivartan chaahte hain - agar himmat ho to baapdaada bataave। himmat hai? himmat hai? himmat hai? karna padega। aise nahin haath utha liya to ho gaya,aisa nahin। haath uthaana to bahut achha hai lekin man ka haath uthaana। aaj sirf yeh haath nahin uthaana,man ka haath uthaana।

double foreigners najdeek baithe hain na,to najdeek vaalon ko dil ki baaten sunaai jaati hain। majority dekhne mein aata hai,ki sabhi ka baapdaada se, seva se bahut achha pyaar hai। baap ke pyaar ke bina bhi nahin rah sakte aur seva ke bina bhi nahin rah sakte hain। yeh majority ka certificate theek hai। baapdaada chaaro or dekhte hain lekin…,lekin aa gaya। majority ka yahi aavaaj aata hai ki koi na koi aisa sanskaar,puraana jo chaahte nahin hain lekin woh puraana sanskaar abhi tak bhi aakarshit kar leta hai। to jab holi manaane aaye ho to holi ka arth hai -beeti so beeti। ho li, ho gai। to koi bhi jara bhi koi sanskaar5 percent bhi ho, 10 percent ho, 50 percent bhi ho, kuchh bhi ho। kam se kam 5percent bhi ho to aaj sanskaar ki holi jalaao। jo sanskaar samajhte hain sabhi ki thoda sa yeh sanskaar mujhe beech-beech mein disturb karta hai। har ek samajhta hai। samajhte hain na? to holi ek jalaai jaati hai,doosri rangi jaati hai। do prakaar ki holi hoti hai aur holi ka arth bhi hai, beeti so beeti। to baapdaada chaahte hain -ki jo bhi koi aisa sanskaar raha hua hai, jiske kaaran sansaar parivartan nahin ho raha hai,to aaj us kamzor sanskaar ko jalaana arthaat sanskaar kar dena। jalaane ko bhi sanskaar kehte hain na। jab manushya marta hai to kehte hain sanskaar karna hai arthaat sada ke liye khatma karna hai। to kya aaj sanskaar ka bhi sanskaar kar sakte hain? aap kahenge ki ham to nahin chaahte ki sanskaar aaven,lekin aa jaata hai, kya karen?aise sochte ho?achha। aa jaata hai, galti se। agar kisko di hui cheez, galti se aapke paas aa jaae to kya karte ho?sambhaal ke almaari mein rakh dete ho?rakh denge?to agar aa bhi jaaye to dil mein nahin rakhna kyonki dil mein baap baitha hai na! to baap ke saath agar woh sanskaar bhi rakhenge, to achha lagega?nahin lagega na!isliye agar galti se aa bhi jaaye,to dil se kehna baba, baba,baba, bas। khatma। bindi lag jaayegi। baba kya hai? bindi। to bindi lag jaayegi। dil se kahenge to। baaki aise hi matlab se yaad karenge- baba le lo na,le lo na,rakhte hain apne paas aur kehte hain le lo na, le lo na। to kaise lenge? aapki cheez kaise lenge?pahle aap apni cheez nahin samjho tab lenge। aise thode hi doosre ki cheez le lenge। to kya karenge?holi manaayenge?ho li, ho li। achha, jo samajhte hain ki dridh sankalp kar rahe hain,woh haath uthaao। aap ghadi-ghadi nikaal denge na,to nikal jaayegi। andar rakh nahin do, kya karen,kaise karen,nikalta nahin hai। yeh nahin,nikaalna hi hai। to dridh sankalp karenge? jo karega woh man se haath uthaana, baahar se nahin uthaana। man se।(koi-koi nahin utha rahe hain)yeh nahin utha rahe hain। (sabhi ne uthaaya) bahut achha, mubaarak ho, mubaarak ho। kya hai ki ek taraph advance party baapdaada ko baar-baar kehti hai - kab tak, kab tak,kab tak? doosra- prakriti bhi baap ko arja karti hai, abhi parivartan karo। brahma baap bhi kehte hain ki ab kab paramdham ka darvaaja kholenge?saath mein chalna hai na, rah to nahin jaana hai na!saath chalenge na!saath mein get kholenge! chaahe chaabi brahma baba lagaayega, lekin saath to honge na!to abhi yeh parivartan karo। bas, laana hi nahin hai। meri cheez hi nahin hai,doosre ki,raavan ki cheez kyon rakhi hai! doosre ki cheez rakhi jaati hai kya? to yeh kiski hai?raavan ki hai na!uski cheez aapne kyon rakhi hai?rakhni hai?nahin rakhni hai na, pakka?achha। to rang ki holi bhale manaana lekin pahle yeh holi manaana। aap dekhte ho, aapka gaayan hai - merciful। aap merciful deviyaan aur devtaayen ho na! to raham nahin aata hai? apne bhaai-bahinen itne duhkhi hain, unhon ka duhkh dekh karke raham nahin aata? aata hai raham? to sanskaar badlo, to sansaar badal jaayega। jab tak sanskaar nahin badle hain, tab tak sansaar nahin badal sakta। to kya karenge?

aaj khushkhabri suni thi ki sabko drishti leni hai। achhi baat hai। baapdaada to bachchon ke aagyaakaari hain lekin…lekin sunkar hansate hain। bhale hanso। drishti ke liye kehte hain- drishti se srishti badalti hai। to aaj ki drishti se srishti parivartan karna hi hai, kyonki sampannata va jo bhi praaptiyaan hui hain, uska bahut samay se abhyaas chaahiye। aise nahin samay par ho jaayega,nahin। bahut samay ka raajya bhaagya lena hai, to sampannata bhi bahut samay se chaahiye। to theek hai? double foreigners khush hain?achha।

is baari shaantivan ke behad ghar mein rahe ho na!dekho har sthaan ka apna-apna laabh hai। oopar ka laabh apna hai aur shaantivan ka laabh apna hai। yahaan parivaar ke sameep hain, daadiyon ke sameep hain,aur vahaan baapdaada ki karmabhoomi ke sameep hote hain। lekin achha lagta hai ya nahin?thoda-thoda yaad aata hai?baapdaada ko to yahi khushi hai ki double foreigners ki ek hi samay ki sankhya badh rahi hai। sankhya ke kaaran oopar nahin rah sake na। to sankhya badhna to khushi ki baat hai na! aur ek hi samay par aapas mein ek saath rehna,yeh bhi to anubhav hai na! aur madhuban vaalon ko double foreigners ko thanks dena chaahiye ki double foreigners ne apne time par vishesh madhuban nivaasiyon ko chance diya hai। madhuban vaale taali bajaao। dekho,madhuban vaale kitne khush ho rahe hain। nahin to madhuban vaalon ko poori season mein chance kahaan mila hai aur double foreigners ne chance diya, to baapdaada bhi thanks dete hain। achha।

double foreigners ke seva ke programmes bhi sune hain। achhe programmes banaaye hain। jinhonne bhi sevaaon ke sandesh bheje hain woh baapdaada ne sune hain aur achha hai kyonki foreign mein agar bade-bade programmes karenge to foreign ka aavaaj abhi media dvaara bhaarat mein pahunch sakta hai kyonki abhi bhaarat vaalon ne trial ki hai na, ki bhaarat ka aavaaj media dvaara foreign mein pahunche। to foreign vaalon ko bhi media dvaara bhaarat mein aavaaj phailaana hai। media ka saadhan achha hai। to jo bhi programmes banaaye hain woh baapdaada ko pasanda hain। practical mein laao। to practical mein laane se aavaaj phailega। theek hai na! achha hai। aur ek baat dekhi- ki foreign ki baapdaada ko list mili hai। kis baat ki list mili?jo baapdaada ne kaha tha ki jo bhi seva se snehi,sahayogi bane hain,chaahe vargeekran ki seva se,chaahe konaphrensa ki seva se,to kaun-kaun snehi sahayogi bane hain, woh list do। to aaj baapdaada ke paas number one list foreign se mili,iske liye mubaarak ho। achhi mehnat ki hai। yu.ke.ki, Europe ki aur kahaan ki list hai? achha hai bhaarat vaalon ko bhi list nikaalni chaahiye to kabhi international snehi sahayogiyon ka sangathan karenge। ek do ka anubhav sunkar bhi umang mein aate hain। to yeh bhi number one foreign ki list aai hai, isliye baapdaada khush hain। baaki sabhi ke patra aur card to aate hi hain। aajkal to email bahut aate hain। to jin bachchon ne bhi samaachaar diye hain, chaahe bhaarat ke chaahe videsh ke। bhaarat mein bhi shivraatri ke programmes bahut dhoomdhaam se kiye hain aur samaachaar bhi diye hain। abhi samay ki raphtaar se aage raphtaar karo। achha।

baapdaada ne suna ki bahut deshon ke aaye hue hain। sab deshon ke mukhya double foreign se jo bhi aaye hain,to har ek desh ke ek-ek mukhya nimitta teacher utho।77 deshon se aaye hue hain। achha। paandav bhi hain,bahnen bhi hain। sabko T.vi.mein dikhaao। achha kiya hai, mubaarak ho। apne-apne group ko le aaye hain, yahaan tak banaake taiyaar kiya hai, iske liye baapdaada aap ek-ek ko personal mubaarak de rahe hain। achhi seva ki hai। achha।(sabhi ki group -wise bhatthi chali hai) yeh achha kiya hai। special ek-ek sangathan ki jo bhatthi rakhi,usmein har ek ko apne-apne department mein rahkar, sangathan mein rahkar maja bhi aata hai। to yeh jo vidhi rakhi, woh achha hai। bahut achha hai। achha laga na! (pahli baar yuglon ki,kumaaron ki alag bhatthi hui hai)kumaar utho। achha laga? alag bhatthi ki to achha laga। vaise kumaaron ki hoti bhi rehti hai। achha hai। sabhi kumaar amar bhav ke vardaani ho na। amar bhav ka vardaan mila hua hai na!amar hi rehna। achha।

(yugal utho) bahut achha।(vishnu ke symbol ka jhanda sabke haath mein hai)bahut achha। baapdaada ko achha laga। abhi sada hi pravritti ko pravritti nahin, par vritti,par vritti maana nyaari aur pyaari vritti mein rehna। to pravritti vaale nahin, par vritti vaale yugal hain। bahut achha,mubaarak ho।

(adhar kumaar utho) sabhi adharkumaar jo bhi hain unhon ko kya nasha rehta hai? hamaara companion almighty authority hai। companion bhi baap hai, company bhi baap ki। to adhar kumaar sada isi nashe mein rehna। baap ke saath combined hain। apne ko single nahin samajhna। combined hain। baap aur aap combined hain। bahut achha।

(kumaariyaan utho) kumaariyaan bhi hain to brahmaakumaariyaan bhi hain। vaise bhi kumaari hain aur brahmaakumaari to hain hi। to kumaariyaan kya karengi?kamaal karke dikhaayengi?abhi baapdaada ke seva ke right hand hain। right hand ho na!achha hai kumaariyon ko dekh karke baapdaada bahut khush hote hain ki yeh kitni aatmaon ke kalyaan ke nimitta banengi। vishwa kalyaankaari banengi। bahut achha।

(maataayen utho) maataayen hoshiyaar bahut hain। dekho baapdaada ne maataaon ko hi vishesh aage badhne ka chance diya hai। to chance ko praikti-kal mein laaya iske liye bahut-bahut mubaarak ho। bahut achha shakti avtaar,apne sangathan ko aur badhaao। jahaan tahaan maataaon ki sankhya jyaada hai। double foreign mein bhi maataaon ki sankhya abhi bhi jyaada hai,bhaarat mein bhi maataaon ki sankhya jyaada hai। saare kalpa mein abhi to chance mila hai to apna chance achha liya hai।

(centre nivaasi aur N.si.O. meeting ke bhaai bahinen utho) bahut achha- centre nivaasi arthaat punya ka khaata badhaane vaale। jo bhi aata hai unko baap ka parichay deke baap ka banaate ho,yeh punya jama hota hai। to centre nivaasi sada apne ko main punya aatma hoon, punya jama karne ka chance mila hai। jitna-jitna punya jama hota jaayega to jara bhi svapna maatra, agar thoda bhi paap ki rekha rah gai,woh khatma ho jaayegi। to punya aatmaon ka group hai। achha hai kumaar, paandav bhi seva ke nimitta bane hain, yeh bhi bahut achha chance mila hai। sada seva ko badhaane ke nimitta aatmaayen hain। paandav,chaahe shaktiyaan donon ko baapdaada seva ki mubaarak de rahe hain। achha।

(chhote bachchon ne bhi retreat ki hai, bachche utho) achha laga, bachchon ko bahut achha laga! achha hai। bachche kamaal karke dikhaayenge। bachche aisi seva karenge jo koi badon ne nahin ki ho kyonki bachchon se sabko pyaar hota hai। to bahut achha kiya hai,bahut achha। achha।

SpARC group bhi aaya hai :- bahut achha hai। anubhvi moorta ban,anubhav karaane ka practical mein research kar rahe hain। aur isi ko, anubhooti karaane ki reesarcha ko aur badhaao। practical mein saboot laao to duniya example dekh karke sahaj maan jaati hai। achha hai। aage badhte chalo aur example ban auron ko bhi example banaao। bahut achha।

madhuban nivaasi utho:- (sabhi ne khoob taaliyaan bajaai) dekho,sabhi ka madhuban nivaasiyon se kitna pyaar hai। madhuban nivaasiyon ki seva ko dekh sab bahut khush hote hain। log bhi kehte hain ki yeh kaun chalaata hai, kaun direction de raha hai, yeh pata hi nahin padta hai। jaise masheen chal rahi hai। to madhuban nivaasiyon ki yeh seva ka bhaagya bahut bada hai। jo bhi group aata hai,uske aage example to madhuban nivaasi hote hain। chaahe bhaashan nahin karo,centre par baithkar murli nahin sunaao,lekin example banna, yeh sabse badi seva hai। sabko santushtata ka anubhav karaana,yeh bahut badi seva hai। isliye madhuban vaalon se chaahe foreigners,chaahe bhaarat ke sabka pyaar hai। aur kahaan bhi madhuban vaale jaate hain,to madhuban ki har aatma ko bahut regard se dekhte hain। sabke mukh se nikalta hai- madhuban se aaye hain। to madhuban vaale kam nahin hain। saakaar brahma baba kehte the``jo chul par hai woh dil par hai।''to madhuban nivaasi chul par bhi hain,dil par bhi hain। baapdaada ka har ek madhuban nivaasi se pyaar hai। pyaar ke paatra hain kyonki seva mein santushta karne ka lakshya rakha hai। achha hai। sangathan bhi dekho kitna bada hai। to seva aur sangathan ki mubaarak। double foreigners ko khushi ho rahi hai। madhuban vaalon ko dekh ke khushi hoti hai।

achha -baapdaada ki baat yaad rakhna - bhool nahin jaana। abhi puraane sanskaar ki samaapti ki ceremony manaayenge,pasanda hai na!us ceremony mein aapko bulaayenge। jo karega, usko bulaayenge। achha।

chaaron or ke sarva teen takhta nasheen,vishesh aatmaon ko, sada svaraajya adhikaari vishesh aatmaon ko,sada merciful ban aatmaon ko sukh-shanti ki anchali dene vaale mahaadaani aatmaon ko,sada dridhta aur saphalta ka anubhav karne vaale baap samaan aatmaon ko baapdaada ka yaadapyaar aur namaste।

daadiyon se:- bephikar baadshaah hain। baapdaada sada hi bephikar baadshaah ke roop mein dekhte hain। kaaran kya hai? bephikar kyon hain? kyonki dil badi hai। jahaan dil badi hoti hai na to jo hona hai woh ho jaata hai। jo aana hai woh aa jaata hai। (bada baba,badi dil,bada parivaar)

(pardaadi se) bahut achha,sangathan mein aa gai bahut achha kiya। sabhi yaad to karte hain na!bahut achha। dil mein baaten bahut karti hai। sab dil se kah deti hai। roohrihaan bahut karti hai na!roohrihaan bahut karti hai। bahut achha। tabiyat ko bhi chala to rahi hai na! yeh theek hai। achha hai na!puraana shareer hai, lekin puraane shareer mein bhi aapko dekhkar sab khush hote hain। aadi ratna hain na, to sab khush hote hain। sabka naam lete hain kitna aapko yaad karte hain। achha hai।

(manohar daadi se) sabhi ko apna-apna part achha mila hai। jahaan bhi rehte hain woh sthaan shaandaar sthaan ho jaata hai। sabko khushi hoti hai koi daadi baithi hai। madhuban ke shrringaar ho। hain na!achha।

videsh ki badi bahinon se:- yeh group bhi bahut achha nikla hai। achha hai,sabhi all-round sevaadhaari hain। seva mein maja aata hai na! achha hai vishwa ke chaaron konon mein aavaaj to phailaaya na। theek hai, sabki tabiyat theek hai?bahut achha group hai। baapdaada ka seva se pyaar hai, bachchon se pyaar hai। bahut achha, jo bhi aaye hain, unki seva ka plan bhi bahut achha banaaya hai, mubaarak ho। sabhi ne milkar bahut achha banaaya hai।

achha -om shanti।