सोमवार 7 मार्च 2005 की अव्यक्त मुरली

>

07-03-05 om shanti avyakt baapdaadaamdhuban

sampoorn pavitrata ka vrat rakhna aur main-pan ko samarpit karna hi shiv jayanti manaana hai

aaj vishesh shiv baap apne saaligraam bachchon ka birth de manaane aaye hain। aap bachche baap ka janma din manaane aaye ho aur baapdaada bachchon ka birth de manaane aaye hain kyonki baap ka bachchon se bahut pyaar hai। baap avatrit hote hi yagya rachte hain aur yagya mein braahmanon ke bina yagya sampanna naheen hota hai। isliye yeh birth de alaukik hai,nyaara aur pyaara hai। aisa birth de jo baap aur bachchon ka ikaththa ho yeh saare kalpa mein na hua hai,na kabhi ho sakta hai। baap hai niraakaar,ek taraph niraakaar hai doosre taraph janma manaate hain। ek hi shiv baap hai jisko apna shareer naheen hota isliye brahma baap ke tan mein avatrit hote hain, yeh avatrit hona hi jayanti ke roop mein manaate hai। to aap sabhi baap ka janma din manaane aaye ho va apna manaane aaye ho?mubaarak dene aaye ho va mubaarak lene aaye ho?yeh saath-saath ka vaayda bachchon se baap ka hai। abhi bhi sangam par combined saath hai, avatran bhi saath hai, parivartan karne ka kaarya bhi saath hai aur ghar paramdham mein chalne mein bhi saath-saath hai। yeh hai baap aur bachchon ke pyaar ka swaroop।

shiv jayanti bhagat bhi manaate hai lekin woh sirf pukaarte hain, geet gaate hain। aap pukaarte nahin, aapka manaana arthaat samaan banna। manaana arthaat sada umang-utsaah se udte rehna। iseelie isko utsav kehte hai। utsav ka arth hi hai utsaah mein rehna। to sada utsav arthaat utsaah mein rahne vaale ho na! sada hai ya kabhi-kabhi hai?vaise dekha jaae to brahman jeevan ka shvaas hi hai - umang-utsaah। jaise shvaas ke bina rah naheen sakte hain, aise brahman aatmaaye umang-utsaah ke bina brahman jeevan mein rah naheen sakte hain। aise anubhav karte ho na?dekho vishesh jayanti manaane ke liye kahaan-kahaan se,door-door se bhaag karke aaye hain। baapdaada ko apne janma din ki itni khushi naheen hai jitni bachchon ke janma din ki hai। isliye baapdaada ek-ek bachche ko padamguna khushi ki thaaliyaan bhar- bhar ke mubaarak de rahe hai। mubaarak ho,mubaarak ho,mubaarak ho।

baapdaada ko aaj ke din sachche bhagat bhi bahut yaad aa rahe hain। woh vrat rakhte hain ek din ka aur aapne vrat rakha hai saare jeevan mein sampoorn pavitra banne ka। woh khaane ka vrat rakhte hain. aapne bhi man ke bhojan vyartha sankalp, negative sankalp, apvitra sankalpo ka vrat rakha hai। pakka vrat rakha hai na? yeh double phorenersaaage aagebaithe hain। yeh kumaar bolo,kumaaron ne vrat rakha hai, pakka?kachcha naheen। maaya sun rahi hai। sab jhandiya hila rahe hai na to maaya dekh rahi hai,jhandiyaan hila rahe hain। jab vrat rakhte hain - pavitra banna hi hai, to vrat rakhna arthaat shreshtha vritti banaana। to jaisi vritti hoti hai vaise hi drishti, kriti svatah hi ban jaati hai। to aisa vrat rakha hai na? pavitra shubh vritti,pavitra shubh drishti, jab ek do ko dekhte ho to kya dekhte ho?face ko dekhte ho ya bhrikuti ke beech chamakti hui aatma ko dekhte ho? koi bachche ne poochha ki jab baat karna hota hai,kaam karna hota hai to face ko dekh karke hi baat karni padti hai,aankho ke taraph hi nazar jaati hai, to kabhi-kabhi face ko dekh karke thoda vritti badal jaati hai। baapdaada kehte hai aankho ke saath-saath bhrikuti bhi hai, to bhrikuti ke beech aatma ko dekh baat nahin kar sakte hain! abhi baapdaada saamne baithe bachchon ke aankho mein dekh rahe hai ya bhrikuti mein dekh rahe hai, maaloom padta hai? saath-saath hi to hai। to face mein dekho lekin face mein bhrikuti mein chamakta hua sitaara dekho। to yeh vrat lo,liya hai lekin aur attention dau। aatma ko dekh baat karna hai, aatma se aatma baat kar raha hai। aatma dekh raha hai। to vritti sada hi shubh rahegi aur saath-saath doosra phaayda hai jaisi vritti vaisa vaayumandal banta hai। vaayumandal shreshtha banaane se svayan ke purushaartha ke saath-saath seva bhi ho jaati hai। to double phaayda hai na! aisi apni shreshtha vritti banaao jo kaisa bhi vikaari, patit aapke vritti ke vaayumandal se parivartan ho jaae। aisa vrat sada smriti mein rahe. swaroop mein rahe।

aajkal baapdaada ne bachchon ka chart dekha,apne vritti se vaayumandal banaane ke bajaae kahaan-kahaan, kabhi-kabhi doosron ke vaayumandal ka prabhaav pad jaata hai। kaaran kya hota? bachche roohrihaan mein bahut meethi-meethi baaten karte hain, kehte hain iski visheshta achhi lagti hai,inka sahayog bahut achha milta hai, lekin visheshta prabhu ki den hai। brahman jeevan mein jo bhi praapti hai, jo bhi visheshta hai,sab prabhu prasaad hai, prabhu den hai। to daata ko bhool jaae,levta ko yaad kare! prasaad kabhi kiska personal gaaya naheen jaata, prabhu prasaad kaha jaata hai। phalaane ka prasaad naheen kaha jaata hai। sahayog milta hai, achhi baat hai lekin sahayog dilaane vaala daata to naheen bhoole na! to pakka-pakka birth de ka vrat rakha hai? vritti badal gai hai? sampanna pavitrata, yeh sachcha-sachcha vrat lena va pratigya karna। check karo - bade-bade vikaar ka vrat to rakha hai lekin chhote-chhote unke baal-bachchon se mukta hain? vaise bhi dekho jeevan mein pravritti vaalon ka bachchon se jyaada potre- dhotre se pyaar hota hai। maataaon ka pyaar hota hai na। to bade bade roop se to jeet liya lekin chhote-chhote sookshm swaroop mein vaar to nahin karte?jaise kai kehte hain - aasakti nahin hai lekin achha lagta hai। yeh cheej jyaada achhi lagti hai lekin aasakti nahin hai। vishesh achha kyon lagta? to check karo chhote-chhote roop mein bhi apvitrata ka ansh to naheen rah gaya hain? kyonki ansh se kabhi vansh paida ho sakta hai। koi bhi vikaar chaahe chhote roop mein,chaahe bade roop mein aane ka nimitta ek shabd ka bhaav hai, woh ek shabd hai - “main”। body conscious ka main। is ek main shabd se abhimaan bhi aata hai aur abhimaan agar poora naheen hota to krodh bhi aata hai kyonki abhimaan ki nishaani hai - woh ek shabd bhi apne apmaan ka sahan naheen kar sakta,isliye krodh aa jaata। to bhagat to bali chadhaate hain lekin aap aaj ke din jo bhi had ka main pan ho, usko baap ko dekar samarpit karo। yeh naheen socho karna to hai,banna to hai… to to naheen karna। samartha ho aur samartha ban samaapti karo। koi nai baat naheen hain,kitne kalpa,kitne baar sampoorn bane ho, yaad hai?koi nai baat naheen hain। kalpa- kalpa bane ho, bani hui ban rahi hai, sirf repeat karna hai। bani ko banaana hai, isliye kaha jaata hai bana banaaya drama। bana hua hai sirf abhi repeat karna arthaat banaana hai। mushkil hai ki sahaj hai? baapdaada samajhte hai sangamayug ka vardaan hai - sahaj purushaartha। is janma mein sahaj purushaartha ke vardaan se 21 janma sahaj jeevan svatah hi praapta hogi। baapdaada har bachche ko mehnat se mukta karne aaye hain। 63janma mehnat ki,ek janma parmaatma pyaar, muhabbat se mehnat se mukta ho jaao। jahaan muhabbat hai vahaan mehnat naheen, jahaan mehnat hai vahaan muhabbat naheen। to baapdaada sahaj purushaarthi bhav ka vardaan de raha hai aur mukta hone ka saadhan hai - muhabbat, baap se dil ka pyaar। pyaar mein lavleen aur mahaamantra hai - manamna bhav ka mantra। to yantra ko kaam mein lagaao। kaam mein lagaana to aata hai na। baapdaada ne dekha sangamayug mein parmaatma pyaar dvaara,baapdaada dvaara kitni shaktiyaan mili hain, gun mile hain, gyaan mila hai, khushi mili hai, in sab prabhu den ko,khazaanon ko samay par kaarya mein lagaao।

to baapdaada kya chaahte hain,suna? har ek bachcha sahaj purushaarthi,sahaj bhi, teevra bhi। dradhta ko use karo। banna hi hai, ham naheen banenge to kaun banega। ham hi the, ham hi hain aur har kalpa ham hi honge। itna dridh nichchya svayan mein dhaaran karna hi hai। karenge naheen kehna, karna hi hain। hona hi hai। hua pada hai।

baapdaada desh videsh ke bachchon ko dekh khush hai। lekin sirf aap saamne sammukh vaalon ko naheen dekh rahe hain,chaaron or ke desh aur videsh ke bachchon ko dekh rahe hain। majority jahaan-taho se birth de ki mubaarak aai hain,card bhi mile hain, ee-mel bhi milai hain,dil ka sankalp bhi mila hai। baap bhi bachchon ke geet gaate hain, aap log geet gaate ho na - baba aapne kar di kamaal, to baap bhi geet gaate hain meethe bachchon ne kar di kamaal। baapdaada sada kehte hain ki aap to sanmukh baithe ho lekin door vaale bhi baapdaada ke dil par baithe hain। aaj chaaro or bachchon ke sankalp mein hai - mubaarak ho,mubaarak ho,mubaarak ho। baapdaada ke kaano mein aavaaj pahunch raha hai aur man mein sankalp pahunch rahe hain । yeh nimitta card hain, patra hain lekin bahut bade heere se bhi jyaada moolyavaan gift hain। sabhi sun rahe hain, harshit ho rahe hain। to sabhi ne apna birth de mana liya। chaahe do saal ka ho, chaahe ek saal ka ho,chaahe ek saptaah ka ho,lekin yagya ki sthaapna ka birth de hai। to sabhi brahman yagya nivaasi to hain hi। isliye sabhi bachchon ko bahut-bahut dil ka yaadapyaar bhi hai, duaayen bhi hain, sada duaaon mein hi palte raho, udte raho। duaayen dena aur lena sahaj hai na! sahaj hai? jo samajhte hai sahaj hai, woh haath uthaao। jhandiyaan hilaao। to duaayen chhodte to nahin?sabse sahaj purushaartha hi hai - duaayen dena, duaayen lena। ismen yog bhi aa jaata,gyaan bhi aa jaata, dhaarna bhi aa jaati, seva bhi aa jaati। chaaron hi subject aa jaati hai duaayen dene aur lene mein ।

to double foreigners duaayen dena aur lena sahaj hai na! sahaj hai? 2० saal vaale jo aaye hai woh haath uthaao। aapko to2० saal hue hain lekin baapdaada aap sabko padam guna mubaarak de rahe hain । kitne deshon ke aaye hai? (69deshon ke) mubaarak ho 69 vaan birth de manaane ke liye 69 deshon se aaye hain । kitna achha hai। aane mein takleeph to naheen hui na। sahaj aa gaye na! jahaan muhabbat hai vahaan kuchh mehnat naheen। to aaj ka vishesh vardaan kya yaad rakhegen?sahaj purushaarthi। sahaj kaarya jaldi-jaldi kiya hi jaata hai। mehnat ka kaam mushkil hota hai na to time lagta hai। to sabhi kaun ho?sahaj purushaarthi। bolo, yaad rakhna। apne desh mein jaake mehnat mein naheen lag jaana। agar koi mehnat ka kaam aave bheen to dil se kehna,baba, menra baba, to mehnat khatma ho jaayegi। achha। mana liya na! baap ne bhi mana liya. aapne bhi mana liya। achha।

double videshi 6 group mein alag alag bhattiyaan kar rahe hain

kumaariyonse- ek-ek kumaari 1०० braahmanon se uttam hai। to check karna jo gaayan hai har ek kumaari ko kam se kam 1०० brahman zaroor banaane padege। banaayenge?banaana hai। haan to haath hilaao। kitne samay mein banaayenge?samay najdeek hai na, to aap bataao kitna samay chaahiye? result bhejni padegi। (ek saal mein) ek saal! aapko ek saal kaliyugi duniya mein rehna hai! chalo,aapke mukh mein gulaabjaamun। to 6 maas mein 5० banaana, ek saal mein 1००,to 6 maas mein 5०,6 maas ke baad report bhejna, pasanda hai? kya naheen kar sakte ho, jo chaaho woh kar sakte ho। achha hai kumaariyon ka group achha hai। baapdaada kumaariyon ko dekh vishesh khush hota hai kyonki kumaariyaan seva mein sahayogi number one ban sakti hain। achha। bahut achha kiya hai।

kumaar group - (geet gaaya - mai baba ka, baba mera) achha hai, kumaar,double kumaar ho gaye ho। ek duniya ke hisaab se bhi kumaar ho aur is brahman jeevan mein bhi brahmaakumaar ho। to double kumaar ho। to double kaam karna padega। karenge?hua hi pada hai। dridh sankalp kiya aur saphalta hui padi hai। achha। sabhi ne bahut achhe banner banaaye hain। (har group apna- apna banner baapdaada ko dikha raha hai)

maataaon se - bahut achha। baapdaada dekh rahe hain maataaon mein bahut achha umang-utsaah hai। isliye baapdaada ne maataaon ko hi nimitta banaaya hai। bahut achha baapdaada ko pasanda hai।

adhar kumaar - adhar kumaar bhi kamaal karenge। har ek adharkumaar apna parivartan ka anubhav sunaakar sabhi ko baap ke sameep ka bana sakte hain kyonki duniya vaale samajhte hain ki adharkumaar jeevan bahut mushkil hai lekin aap sabhi nan mushkil ko sahaj banaaya hai। bas sirf apna anubhav sunaate jaao,aise mushkil ko mita sakte ho। ek shabd ka antar karne se, grihasthi se trustee banne se mushkil se sahaj ho jaata hai। to aise adharkumaar seva mein saphalta praapta hai aur hoti rahegi। achha।

yuglon se - (banner dikha rahe hai) lakshmi-naaraayan ka symbol achha banaaya hai। aap to vijayi ratno mein hain। saath rehte nyaare aur pyaare। yuglon ko baapdaada kehte hain yeh kamal puth samaan nyaare aur pyaare hain । rehte bhi saakaar mein aapas mein parivaar mein rehte lekin man se sada baap ke saath rehte hain । bahut achha। sabhi double foreigners ne refreshment achhi li hai,abhi li hui refreshment auro ko deni hai। mubaarak ho,mubaarak ho,mubaarak ho।

centre vaasi - (banner - prem aur daya ki jyoti jaga kar rakhenge) bahut achha sankalp liya hai। apne par bhi daya drishti, saathiyon ke oopar bhi daya drishti aur sarva ke oopar bhi daya drishti। eeshvareey lav chumbak hai,to aapke paas eeshvareey lav ka chumbak hai। kisi bhi aatma ko eeshvareey lav ke chumbak se baap ka bana sakte ho। baapdaada centre par rahne vaalon ko vishesh dil ki duaayen dete hain, jo aap sabhi ne vishwa mein naam baala kiya hai। kone-kone mein brahmaakumaareej ka naam to phailaaya hai na! aur baapdaada ko bahut achhi baat lagti hai ki jaise double videshi ho, vaise double job karne vaale ho। majority laukik job bhi karte hain to alaukik job bhi karte hain aur baapdaada dekhte hain, baapdaada ki TV. bahut badi hai, aisi badi T.vi. yahaan naheen hai। to baapdaada dekhte hain kaise phataaphat class karte,naashta khade-khade karte,job mein time par pahunchte, kamaal karte hain। baapdaada dekhte-dekhte dil ka pyaar dete rehte hain। bahut achha, seva ke nimitta bane ho aur nimitta banne ki gift baap sada vishesh drishti dete rehte hai। bahut achha lakshya rakha hain, achhe ho, achhe rahenge,achhe banaayenge।

aai. T. group

seva ka koi naya plan banaaya hai? (vrahmaakumaareej website ko aur achha bavnaana hai, jo vishwa mein vaapdaada ko pratyaksha karne ki seva mein use kiya ja sake) jo banaaya hai, woh practical karke result likhna। jaise aphreeka vaalo ne result likhi na, aise aap log bhi result bhejna। mubaarak ho banaaya, umang hai, utsaah hai। jahaan umang-utsaah hai, vahaan saphalta hai hi hai। bahut achha kiya।

seva ka tarna – raajasthaan aur U. pi. zone

achha hai, roohaani lashkar hai। bahut achha,seva dil se ki bhi hai aur sabhi ko santushta bhi kiya hai। to jo santushta karta hai usko dil se jo santushtata ki lahre pahuchti hain, usse bahut khushi hoti hai। to bahut khushi mili hai na। aapne sthool seva ki aur sabhi bhaai bahinon ne aapko khushi ki saugaat di hai। santushtata sabse badi khushi ki khuraak hai। saara group santushtamniyon ka ho gaya। santushta karne vaale santushtamni। santushtamniyon ko baapdaada aur saare parivaar ki mubaarak ho,mubaarak ho,mubaarak ho।

achha - bhaarat ki maataayen dekh rahi hai, hamaara naam naheen liya baba ne। baapdaada kehte hai ki jahaan bhi maataayen hoti hai na, to maataaon ki visheshta hai ki us sthaan ka bhandaara aur bhandaari bharpoor hoti hai। maataaon ko vardaan hai, phuri- phuri (boond-boond) talaab bharne ka। to maataayen bahut bhaagyavaan hai,baap ki bhandaari bhar deti hai। bhandaara bhi bhar jaata hai। isliye maataaon ko bahut-bahut mubaarak hai। achha - bhaai bhi kam nahin hai। dekho jahaan bhaai hain na, vahaan seva ko chaar chaand lag jaate hain। bhaaiyon dvaara all-round seva hoti hai। bhandaara bharpoor to karte hi hai,lekin seva badhaane ke nimitta vishesh bhaai nimitta bante hain। to seva ki raunak badhaane vaale bhaai hain। isliye baapdaada sabhi maataaon ko, sabhi bhaaiyon ko bahut-bahut mubaarak de rahe hain। bhale padhaare apne ghar mein। dekho haal ki raunak kaun badhaata hai ' aap bachche jab aate hain to diamond haal, diamond ban jaata hai। achha drishya lagta hai। achha hai daadi ko diamond haal bahut pasanda aa gaya hai। achha,nachaati achha hai। khush ho jaate ho na,jab daadi aake nachaati hai to khush ho jaate hain। bahut achha। abhi ek second mein drill kar sakte ho? kar sakte ho na। achha।

chaaron or ke sada umang-utsaah mein rahne vaale shreshtha bachchon ko,sada sahaj purushaarthi sangamayug ke sarva bardaani bachchon ko, sada baap aur main aatma isi smriti se main bolne vaale,main aatma,sada sarva aatmaon ko apne vritti se vaayumandal ka sahayog dene vaale aise master sarvashaktivaan bachchon ko baapdaada ka yaadapyaar, duaayen,mubaarak aur namaste।

daadiyonse:-

aap sabse madhuban ki raunak hai। vishesh aaj baap ke saath usi samay avatran to aapka bhi hai। vishesh aap sabka hai, aadi ratno ka aadi samay mein avatran hai। to aap logon ko vishesh mubaarak hai। happy birth de hai। ek geet hai na - aap madhuban ki raunak hain। aadi se kuchh to chal gaye, lekin aap amar ho। (baba ki duaayen hai, sabki duaayen hai) yeh achha hai, oopar hi haath jaata hai neeche nahin jaata hai। achha hai। daadiyon ko dekhkar sabhi khush hote ho na!

nirver bhaai, ramesh bhaai se:-

achha hai, paandavon ke bina bhi gati naheen hai। chaahe paandav chaahe shaktiyaan sabka sangathan, sangathan bana raha hai।

double videshi badi bahenonse:-

sabhi ne mehnat achhi ki hai। group-group banaaya hai na to mehnat achhi ki hai। aur yahaan vaayumandal bhi achha hai,sangathan ki bhi shakti hai, to sabko refreshment achhi mil jaati hai aur aap nimitta ban jaate ho। achha hai। door-door rehte hain na, to sangathan ki jo shakti hoti hai woh bhi bahut achhi hai। itna saara parivaar ikattha hota hai to har ek ki visheshta ka prabhaav to padta hai। achha plan banaaya hai। baapdaada khush hai। sabki khushbu aap le lete ho। woh khush hote hain aapko duaayen milti hain । achha hai, yeh jo sabhi ikatthe ho jaate ho yeh bahut achha hai,aapas mein len den bhi ho jaati hai aur refreshment bhi ho jaati hai। ek do ki visheshta jo achhi pasanda aati hai,usko use karte hai, isse sagthan achha ho jaata hai। yeh theek hai।

jayanti behen se:-

abhi thoda-thoda seva mein part liya kyonki khushi milegi। sabki duaayen,woh bhi dava ka kaam karegi। bahut achha।

da. nirmala behen shri lanka ja rahi hain,vahaan retreat hai achha hai unhon ko refreshment chaahiye।

kaathmaandu nepaal ki kiran behen se:-

prakritijeet ho, shiv shakti ho, yeh thoda bahut hisaab-kitaab hai, sab chala jaayega। majboot rehna aur sabhi nepaal nivaasiyo ko yaad dena, ghabraana naheen।

baapdaada ne apne haston se shiv dhvaj phahraaya aur uair 69veen shiv jayanti ki badhaaiyaan di

aap sabke dil mein to baap ki yaad ka jhanda lahra hi raha hai। abhi saare vidh mein jo kone-kone mein seva kar rahe ho, uski saphalta nikalni hai jo chaaron or se yahi aavaaj aayega “mera baba”aa gaya। yahi hai, yahi hai,yahi hai। woh din bhi door naheen hai, aana hi hai, hona hi hai, hua hi pada hai। aise aise mike taiyaar ho rahe hain। aap might dege aur woh mike baapdaada ko pratyaksha karenge। karna hai na। (baapdaada koi vi.aai.pi. mike ko sabha mein dekhkar bole) yeh mike baithi hai na। badhiya mike hai। aisen mike nikaalenge jo aapko sirf drishti deni padegi। vahi din aa raha hai, aa raha hai, aa raha hai 1 achha। om shanti।