बुधवार 18 जनवरी 2006 की अव्यक्त मुरली

>

18-01-06om shanti avyakt baapdaadaamdhuban

“sankalp, samay aur bol ke bachat ki scheme dvaara saphalta ki ceremony manaao niraash aatmaon mein aasha ke deep jagaao”

aaj sneh ka din hai। chaaron or ke sabhi bachche sneh ke saagar mein samaaye hue hain। yeh sneh sahajyogi banaane vaala hai। sneh sarva anya aakarshan se pare karne vaala hai। sneh ka vardaan aap sabhi bachchon ko janma ka vardaan hai। sneh mein parivartan karaane ki shakti hai। to aaj ke din do prakaar ke bachche chaaron or dekhe। lovely bachche to sabhi hain lekin ek hain lovely bachche doosre hain lavleen bachche। lavleen bachche har sankalp, har shvaans mein,har bol, har karma mein svatah hi baap samaan sahaj rehte hain, kyon?bachchon ko baap ne samartha bhav ka vardaan diya hai। aaj ke din ko smriti so samartha divas kehte ho, kyon?baap ne aaj ke din svayan ko backbone banaaya aur lavleen bachchon ko vishwa ki stage par pratyaksha kiya। vyakta mein pratyaksha bachchon ko kiya aur svayan avyakt roop mein saathi bane। aaj ka yeh smriti so samartha divas bachchon ko baalak so maalik banaae sarva shaktivaan baap ko master sarvashaktivaan ban pratyaksha karne ka kaarya diya aur baap dekhke khush hai ki yathaayog tatha shakti sabhi bachche baap ko pratyaksha karna arthaat vishwa kalyaan kar vishwa parivartan karne ke kaarya mein lage hue hain। baap dvaara sarvashaktiyon ka varsa jo mila hua hai woh sva prati aur vishwa ki aatmaon ke prati kaarya mein laga rahe hain। baapdaada bhi aise master sarvashaktivaan baap samaan umang-utsaah mein rahne vaale all-round sevaadhaari, nihsvaartha sevaadhaari, behad ke sevaadhaari bachchon ko padam-padamguna dil se mubaarak de rahe hain। mubaarak ho, mubaarak ho। desh-videsh, desh ke bachche bhi kam nahin aur videsh ke bachche bhi kam nahin hain। baapdaada aise bachchon ki dil hi dil mein mahima bhi karte aur geet bhi gaate vaah ! bachche vaah ! aap sabhi vaah ! vaah ! bachche ho na। haath hila rahe hain,bahut achha। baapdaada ko phakhur hai, bachchon ke oopar phakhur hai- saare kalpa mein aisa koi baap nahin hai jiska har bachcha svaraajya adhikaari raaja ho। aap sabhi to svaraajya adhikaari raaja ho na? praja to nahin na। kai bachche jab roohrihaan karte hain to kehte hain ham bhavishya mein kya banenge,uska chitra hamko dikhaao। baapdaada kya kehte hain? puraane bachche to kehte hain jagtaamba maa chitra deti thi har ek ko। to humein bhi chitra do। baapdaada kehte hain har ek bachche ko baap ne vichitra darpan diya hai,us darpan mein apne bhavishya ka chitra dekh sakte ho ki main kaun। jaante ho, woh darpan aapke paas hai? jaante ho kaun sa darpan? pahli line vaale to jaante honge na। jaante hain?woh darpan hai vartamaan samay ki svaraajya sthiti ka darpan। vartamaan samay jitna svaraajya adhikaari hain us anusaar vishwa ke raajya adhikaari banenge। ab apne aapko darpan mein dekho svaraajya adhikaari sada hain? va kabhi adheen, kabhi adhikaari? agar kabhi adheen, kabhi adhikaari bante hain, kabhi aankh dhokha deti,kabhi man dhokha deta, kabhi mukh dhokha deta,kabhi kaan bhi dhokha de deta hai। vyartha baaten sunne ka shauk ho jaata hai। agar koi bhi karmendriy dhokha deti hai,parvash bana deti hai, isse siddha hai ki baap dvaara jo sarva shaktiyaan vardaan mein mili hain, va varse mein mili hain woh controlling power, ruling power nahin hai। to socho jo sva ke oopar rule nahin kar paate woh vishwa par rule kaise karega? apne vartamaan sthiti ke svaraajya adhikaari ke darpan mein check karo। darpan to sabhi ko mila hai na? darpan mila hai to haath uthaao। darpan mein koi daag to nahin ho gaya hai? spashta hai darpan?

baapdaada ne har ek bachche ko svaraajya adhikaari ka svamaan diya hai। master sarvashaktivaan ka title sabhi bachchon ko baap dvaara mila hua hai। master shaktivaan nahin,sarvashaktivaan। kai bachche roohrihaan mein yeh bhi kehte - baba aapne to sarvashaktiyaan di lekin yeh shaktiyaan kabhi-kabhi samay par kaam nahin karti। report karte hain - samay par emerge nahin hoti, samay beet jaata hai peechhe emerge hoti hain। kaaran kya hota? jis samay jis shakti ko aahvaan karte ho us samay check karo ki main maalik banke seat par set hoon? agar koi seat par set nahin hota to bigar seat vaale ka koi order nahin maanta hai। svaraajya adhikaari hoon,master sarvashaktivaan hoon, baap dvaara varsa aur vardaan ka adhikaari hoon,is seat par set hokar phir order karo। kya karoon, kaise karoon,hota nahin,seat se neeche baith, seat se utarkar order karte ho to maanega kaise! aajkal ke jamaane mein bhi agar koi prime minister hai, seat par hai, aur seat se utar gaya,to koi maanega? to check karo seat par set hoon?adhikaari hokar order karta hoon? baap ne har ek bachche ko authority di hai,parmaatma authority hai,koi aatma ki authority nahin mili hai,mahaatma ki authority nahin mili hai, parmaatma authority hai to authority aur adhikaar is sthiti mein sthit hokar koi bhi shakti ko order karo, woh ji hajoor,ji hajoor karegi। sarvashaktiyon ke aage yeh maaya, prakriti,sanskaar,svabhaav sab daasi ban jaayenge। aap maalik ka intajaar karenge, maalik koi order karo।

samartha divas hai na,to baapdaada kya-kya samarthiyaan hain bachchon mein, woh revise kara raha hai। underline kara raha hai। shaktiheen samay par kyon ho jaate? baapdaada ne dekha hai,majority bachchon ki leakage hai, shaktiyaan leakage hone ke kaaran kam ho jaati hain aur leakage vishesh do baaton ki hai - woh do baaten hain- sankalp aur samay vesta jaata hai। kharaab nahin hota lekin vyartha,samay par bura kaarya nahin karte hain lekin jama bhi nahin karte hain। sirf dekhte hain aaj bura kuchh nahin hua lekin achha kya jama kiya? ganvaaya nahin lekin kamaaya? duhkh nahin diya lekin sukh kitnon ko diya? ashaanta kisko nahin kiya,shanti ka vibration kitna phailaaya?shaantidoot banke shanti kitnon ko di - vaayumandal dvaara ya mukh dvaara, vibration dvaara? kyonki jaante ho ki yahi thoda sa samay hai purooshottam kalyaankaari jama karne ka samay hai। ab nahin to kab nahin, yeh har ghadi yaad rahe। ho jaayega, kar lenge… ab nahin to kab nahin। brahma baap ka yahi teevragti ka purooshaartha raha tab number one manzil par pahuncha। to jo baap ne samaarthiyaan di hain, aaj samartha divas par yaad aai na! bachat ki scheme banaao। sankalp ki bachat,samay ki bachat,vaani ki bachat,jo yathaartha bol nahin hain,aythaartha vyartha bol ki bachat। baapdaada sabhi bachchon ka sada authority ki seat par set hua svaraajya adhikaari raaja roop dekhne chaahta hai। pasanda hai? yeh roop pasanda hai na! kabhi bhi baapdaada kisi bhi bachche ko T.vi. mein dekho, to isi roop mein dekhe। baapdaada ki natural T.vi. hai,switch nahin dabaana padta। ek hi samay par chaaron or ka dekh sakte hain। har ek bachche ko, kone-kone vaale ko dekh sakte hain। to ho sakta hai?kal se T.vi. kholen to kya dikhaai denge?pharishte ki dress mein, pharishte ki dress hai chamkeeli dress,chamkeeli light ki dress,yeh shareerbhaan ke mitti ki dress nahin pahanna। chamkeeli dress ho, saphalta ka sitaara ho,aisi moorti har ek ki baapdaada dekhne chaahte hain। pasanda hai na! mitti ki dress pahnenge to mitti ke ho jaayenge na। jaise baap ashareeri hai, brahma baap chamkeeli dress mein hai, pharishta hai। follow father। sthool mein dekho koi aapke kapde mein mitti lag jaae,daag ho jaae to kya karte ho? badal lete ho na! aise hi check karo ki sada chamkeeli pharishte ki dress hai?jo baap ko phakhur hai ki har ek bachcha raaja bachcha hai, usi swaroop mein raho। raaja banke raho। yeh maaya aise aapki daasi ban jaayegi aur vidaai lene aayegi,aadhaakalpa ke liye vidaai lene aayegi,vaar nahin karegi। baapdaada sada kehte hain - baap ke oopar balihaar jaane vaale kabhi haar nahin kha sakte। agar haar hai to balihaar nahin hain।

abhi aap sabhi ki meeting hone vaali hai na,date fix hoti hai na meeting ki। to is baari sirf service ke plan ki meeting baapdaada nahin dekhne chaahte,service ke plan banaao lekin meeting mein saphalta ki ceremony ka plan banaao। bahut ceremony kar li ab saphalta ki ceremony ki date fix karo। chalo sochte hain ki sabhi kaise honge! baapdaada kehte hain kam se kam 108 ratna to saphaltaamoorta ki ceremony manaayen। example banen। yeh ho sakta hai? bolo। pahli line vaale bolo, ho sakta hai?javaab dene ki himmat nahin rakhte। sochte hain pata nahin karenge,nahin karenge? himmat se sab kuchh ho sakta hai। daadi bataaven। 108saphaltaamoorta ban sakte hain? (haan zaroor ban sakte hain, saphalta ki ceremony ho sakti hai) dekho,daadi mein himmat hai। aap sabki taraph se himmat rakh rahi hai। to sahayogi banna। to yeh jo meeting hogi na, usmein baapdaada report lenge। paandav bataao na,kyon chup hain? chup kyon hain? yeh himmat kyon nahin rakhte? karke dikhaayenge?aise? achha hai, himmat to rakh sakte hain? jo samajhte hain ham to himmat rakh karke dikhaayenge,woh haath uthaao। karenge?koi sanskaar nahin rahega? koi kamzori nahin rahegi? achha,madhuban vaale bhi haath utha rahe hain। vaah ! mubaarak ho, mubaarak ho। achha 108 to phir sahaj ho jaayega। itnon ne haath uthaaya to 108kya badi baat hai। double foreigners kya karenge?haan, daadi jaanki sun rahi hai, usko umang aa raha hai main boloon। foreign ki maala bhi dekhenge,theek hai? haath uthaao, theek hai? achha aaj yeh kitne baithe hain? (200) ismen se 108 to taiyaar ho jaayenge! theek hai na। ismen karna pahle main। ismen doosre ko nahin dekhna, pahle main। aur main-main nahin karna, yeh main zaroor karna। aur bhi kaam baapdaada deta hai।

aaj samartha divas hai na to samarthata hai। baapdaada ek vichitra deevaali manaane chaahte hain। aapne to deevaali kai baar manaai hai lekin baapdaada vichitra deevaali manaane chaahta hai, sunaayen?sunaayen?sunaayen? achha। vartamaan samay ko to dekh hi rahe ho, din pratidin chaaron or manushya aatmaon mein niraasha bahut badh rahi hai। to chaahe mansa seva karo, chaahe vaacha karo, chaahe sambandh-samparka ki karo, lekin baapdaada niraash manushyon ke andar aasha ka deep jagaane chaahte hain। chaaron or manushya aatmaon ke man mein aasha ke deepak jag jaayen। yeh deevaali aasha ke deepkon ki baapdaada chaahte hain। ho sakta hai? vaayumandal mein kam se kam yeh aasha ka deepak jag jaae to ab vishwa parivartan hua ki hua। golden savera aaya ki aaya। yeh niraasha khatma ho jaae - kuchh hona nahin hai, kuchh hona nahin hai। aasha ke deep jag jaaen। kar sakte hain na, yeh to sahaj hai na ya mushkil hai?sahaj hai?jo karega woh haath uthaao। karega?itne sabhi deepak jagaayenge to deepmaala to ho jaayegi na! vibration itna powerful karo, chalo saamne pahunch nahin sakte hain lekin light house,might house ban door tak vibration phailaao। jab science light house dvaara door tak light de sakti hai to kya aap vibration nahin phaila sakte! sirf dridhsankalpa karo- karna hi hai। busy ho jaao। man ko busy rakhenge to svayan ko bhi phaayda aur aatmaon ko bhi phaayda। chalte-phirte yahi vritti mein rakho ki vishwa ka kalyaan karna hi hai। yeh vritti vaayumandal phailaayegi kyonki samay achaanak hone vaala hai। aisa na ho ki aapke bhaai bahinen ulaahna deven ki aapne humein bataaya kyon nahin! kai bachche sochte hain ant tak kar lenge lekin ant tak karenge to bhi aapko ulaahna denge। yahi ulaahna denge hamko kuchh samay pahle bataate,kuchh to bana lete। isliye har sankalp mein baapdaada ki yaad se light lete jaao, light house hoke light dete jaao। time vesta nahin karo, baapdaada jab dekhte hain bahut yuddha karte hain, to baapdaada ko achha nahin lagta। master sarvashaktivaan aur yuddha kar raha hai! to raaja bano, saphaltaamoorta bano, niraasha ko khatma kar aasha ke deep jagaao। achha। sabhi taraph ke bachchon ke sneh ke yaad ki maalaayen to bahut pahunch gai hain। baapdaada yaad bhejne vaalon ko sanmukh dekhte hue yaad ka respond dil ki duaayen, dil ka pyaar de rahe hain। achha - abhi kya karna hai?

seva ka tarna karnaatak ka hai, karnaatak vaalon ne 5mega programme kiye hain:-achha, bahut aaye hain। achha mega programme kiya, mubaarak ho। lekin har ek mega programme se student kitne banen?woh result nikaali hai? kyonki mega programme sandesh dene ke liye to achha hai, ulaahna nahin milega। ek kaam to theek ho gaya। lekin mega programme ke baad address to hoti hai na! jin bhi aatmaon ki address hai unko samay prati samay bulaate raho। seva karte raho, apne hi centre par kyonki zone mein to nahin ho sakta hai,vahaan ki vahaan to aa sakte hain। unmein se niklenge। karnaatak ki sankhya to bahut hai। achha hai। seva ki hai tabhi sankhya badhi hai lekin ab aisa guldasta banaao jo mike aur might ban sandesh dene mein saathi ban jaaen। aise koi group taiyaar karo। sabhi majority bade bade zone vaalon ne mega programme kiya hai lekin yeh samaachaar nahin aaya hai ki kaun se aise mike nikle jo sandesh dene mein madadgaar bane hain। kyonki vishwa ki aatmaayen abhi bhi bahut rahi hui hain। to jitni sankhya hai, karnaatak ki, har ek sthaan par kuchh to aisi list honi chaahiye na! honi chaahiye na! to woh baapdaada ke paas naam aane chaahiye। result aani chaahiye। madhuban mein lekar nahin aao,pahle report likhkar do kitne kitne nikle hai, kis-kis prakaar ke hain। chaahe foreign mein hon,chaahe desh mein ho। achha hai। programme kiye uski mubaarak hai। abhi aisi list bhejna, har ek centre aisi list bheje। theek hai na! achha hai, abhi karnaatak mein kuchh kamaal karke dikhaao। har centre nirvighna svaraajya adhikaari ban sakta hai? ho sakta hai? teen maas diye hain,to nirvighna,sirf teen maas ke liye nahin, sadaakaal ke liye vighna samaapta। agar sanskaar sankalp mein emerge bhi kab ho, vahaan hi khatma kar do। karma mein,bol mein nahin aave। to aisi result dikhaayenge –karnaatak number one nirvighna। karenge? karna padega। ek do ke sahayogi bankar madad dekar bhi banaana padega kyonki do chaar bhi agar nirvighna nahin banen to certificate kaise milega। karnaatak nirvighna ka certificate to nahin milega na। iseelie sahayogi ban, ek do ko himmat dilaake karna padega। taiyaar hain? teachers taiyaar hain? karna padega?dekho T.vi. mein aa raha hai। sab karnaatak ki teachers haath utha rahi hain। achha dekhenge। pahli mubaarak to de rahe hain aur aage dekhenge। theek hai na। peechhe aage vaale karna padega। apne sanskaar ko emerge nahin karne dena। sankalp mein hi parivartan kar dena। achha hai। sankhya jitni hai utna bahut kuchh kar sakte hain। achha hai golden chance liya hai seva ka, to thode dinon mein bahut apna punya jama kiya hai। yagya seva arthaat punya ka khaata jama karna। to achhe himmat rakh karke aaye hain aur aage bhi himmat rakhte aage badhte rahenge।

medical wing:- koi naya plan banaaya? naya plan koi banaaya? (svaasthya mein moolyon ko kaise badhaayen) (uske baare mein saara varsha programme karenge) abhi plan banaaya hai, abhi practical karna hai। isse bhi sandesh pahunchta hai na। achha himmat vaale ho na। jo bhi aaye hain sirf meeting nahin ki, practical karna hi hai। aur aap logon ka to double phaayda hai। double duaayen milti hain। tan theek hota hai uski bhi duaayen, aur man khush hota hai to uski bhi duaayen। sabhi mein umang hai na! bahut achha। achha hai। medical mein woh heart ka bhi achha chal raha hai। ab baambe ke hospital ki bhi report achhi hai। automatic vi.aai.pi. aate rehte hain kyonki pahle samajhte the brahmaakumaariyaan social work nahin karti hain,abhi samajhte hain ki brahmaakumaariyaan jo kaam karti hain uski result bahut achhi nikalti hai। jab se global hospital khuli hai aabu mein, tab se yeh vaayumandal mein pharka aaya hai। aabu vaale bhi badal rahe hain। to achha hai, aapki department chaahe koi sthool kaam bhi karte ho, davaai dene ka, lekin yeh seva phail rahi hai ki brahmaakumaariyaan double kaam kar sakti hain। to achha kar rahe hain, karte rehna। kone kone mein apne medical dvaara bhi sabke man mein khushi, aasha ka deepak jagaate chalo। achha hai,mubaarak hai।

education wing:- yeh vidhi achhi banaai hai, milna bhi ho jaata hai। connection bhi ho jaati hai। achha hai,baapdaada ne samaachaar suna tha, dheere-dheere education mein bhi chance milta rehta hai aur karte rehte hain। abhi aisa achha koi proof lo, jahaan bhi seva karte ho vahaan ka aisa example spashta ho jo aur deshon mein bhi uski result dekh karke badhaate rahen। education aur medeesin donon hi bahut zaroori hoti hain। baapdaada ne to dekha hai har varga apne varga mein achhi seva kar rahe hain। himmat rakh rahe hain। sahayogi bhi ban rahe hain lekin abhi aur thoda teevra karo kyonki samay sameep aa raha hai। har varga ki apni-apni visheshta hai। kam se kam abhi yeh to ulhana utra ki hamaare varga ko aapne sandesh hi nahin diya। abhi vistaar badhta jaayega। to achha education se government ka bojh to utrega na। youth group achha ho jaae to government bhi kahegi ki hamaare saathi to bane hain। achha kar rahe hain, mubaarak ho aur aage karna। achha।

jo pahle baari aaye hain woh utho hachchha hai,har tarna mein dekha hai majority naye hote hain। to service badhaai hai na, itnon ko sandesh diya hai। jaise aap logon ko sandesh mila aise aap bhi aur dugna, dugna sandesh do। yogya banaao। achha hai। har subject mein aur umang-utsaah se aage badho। achha hai। achha - abhi lakshya rakho,chalte-phirte chaahe mansa,chaahe vaacha,chaahe karmana seva ke bina bhi nahin rehna hai aur yaad ke bina bhi nahin rehna hai। yaad aur seva sada hi saath hai hi। itna apne ko busy rakho, yaad mein bhi seva mein bhi। khaali rehte hain to maaya ko aane ka chance milta hai। itna busy raho jo door se hi maaya himmat nahin rakhe aane ki। phir jo lakshya rakha hai baap samaan banne ka woh sahaj ho jaayega। mehnat nahin karni padegi,snehi swaroop rahenge। achha। aaj ke din to sneh udaake laaya hai। sneh ka plen kitna fast hai? to sneh mein udke aaye hain aur sneh mein udte rehna aur udaate rehna। baapdaada chaaron or ke bachchon ko dekh rahe hain, sabhi ke man mein is samay 100percent umang-utsaah hai, karke dikhaayenge। koi badi baat nahin hai, hona hi hai। lekin is samay ka umang-utsaah aur dridh sankalp sada saath rakhna।

baapdaada ke naynon mein samaaye hue noore ratna bachche, baap ki sarva property ke adhikaari shreshtha aatmaayen bachche, sada umang-utsaah ke pankhon se udne vaale aur udaane vaale mahaaveer mahaaveerniyaan bachche, ek baap hi sansaar hai is lagan se magan rahne vaale lavleen bachchon ko, lavleen banna arthaat baap samaan sahaj banna। to lovely aur lavleen donon bachchon ko bahut-bahut padam-padamguna yaadapyaar aur namaste। achha

daadi ji se:- aapki himmat dekhkar baapdaada bhi khush hai। shareer ka hisaab shareer khatma kar raha hai। aap himmat mein ud rahi ho। theek hai। (daadiyon se) aap log bhi bahut sabhi ko himmat dilaane ke nimitta ho। aapko dekh karke sabhi ko yeh umang aata hai to ham bhi kar sakte hain। to achha nimitta bane hue ho। (mohini behen se) nimitta ho na। (eeshu daadi se) saath nibhaane mein number one hain। (munni behen) jitna baap se pyaar hai na utna yagya se bhi bahut pyaar hai। achha sambhaal rahi ho। bharpoor yagya hai, sada bharpoor rahega। achha। (nirmalshaanta daadi se, kalkatta vaalon ne phoolon ka bahut achha shrangaar kiya hai) gaddi ki maalik ho na। achhi। shareer ki maalik banke chal rahi ho। shareer ko chalaana,yeh seekh gai ho। aapki shakla seva kar rahi hai। achha hai। group bhi achha hai। seva ka umang hai, dil hai। yagya ka shrringaar ho jaata hai na। aur jo dil se karta hai na,uska vibration phailta hai। phoolon se bhi vibration aata hai। sabko umang utsaah ka vibration aata hai। to achha karte hain aur baapdaada ne dekha hai har varsha achhe se achha karte hain, umang se karte hain,iski mubaarak ho। achha yaad se karte ho। respond diya na। yaad bheji thi na। vaise to bahuton ne yaad bheji hai, jo bhi milta hai,kehta hai hamaari yaad dena। sandeshi ko dete rehte hain hamaari yaad dena। to jinhonne yaad bheji, unhon ko baapdaada naam se personal yaad ka respond de raha hai। achhe hain aur achhe rahenge aur achhe te achha banaate rahenge। jo sabhi baithe hain sab yaad de rahe hain aur sabko yaad mil rahi hai। (America se uncle, aunty ne bhi yaad bheji hai) aaj ke din to ek-ek bachche ki ek-ek shahar se yaadapyaar mili hai। koi bhi aisa desh nahin hai jinhonne yaadapyaar nahin bheji ho। achha।