मंगलवार 14 मार्च 2006 की अव्यक्त मुरली

>

14-03-06 om shanti avyakt baapdaada madhuban

‘‘parmaatma milan ki anubhooti ke liye ulte main pan ko jalaane ki holi manaao,drishti ki pichkaari dvaara sarva aatmaon ko sukh,shanti,prem,aananda ka rang lagaao’’

aaj holiest baap apne holi bachchon se milan mana rahe hain। chaaron or ke holi bachche door baithe bhi sameep hain। baapdaada aise holi arthaat mahaan pavitra bachchon ke mastak par chamakta hua bhaagya ka sitaara dekh rahe hain। aise mahaan pavitra saare kalpa mein aur koi nahin banta। is sangamayug par pavitrata ka vrat lene vaale bhaagyavaan bachche bhavishya mein double pavitra shareer se bhi pavitra aur aatma bhi pavitra bante hain। saare kalpa mein chakra lagaao chaahe kitni bhi mahaan aatmaayen aaye hain lekin shareer bhi pavitra aur aatma bhi pavitra,aisa pavitra na dharma aatma bane hain,na mahaatma bane hain। baapdaada ko aap bachchon ke oopar naaz hai vaah! mere mahaan pavitra bachche vaah! double pavitra, double taajdhaari bhi koi nahin banta,double taajdhaari bhi aap shreshtha aatmaayen banti hain। apna woh double pavitra double taajdhaari swaroop saamne aa raha hai na। isliye aap bachchon ki jo is sangamayug mein practical jeevan bani hai,us ek-ek jeevan ki visheshta ka yaadgaar duniya vaale utsav ke roop mein manaate rehte hain।aaj bhi aap sabhi sneh ke vimaan mein holi manaane ke liye pahunch gaye ho। holi manaane aaye ho na!aap sabhi ne apne jeevan mein pavitrata ki holi manaai hai,har aadhyaatmik rahasya ko duniya vaalon ne sthool roop de diya hai। kyonki body conscious hain na। aap soul conscious vaale hain, aadhyaatmik jeevan vaale hain aur woh body conscious vaale hain। to sab sthool roop le liya। aapne yog agni dvaara apne puraane sanskaar svabhaav ko bhasma kiya, jalaaya aur duniya vaale sthool aag mein jalaate hain। kyon? puraane sanskaar jalaane ke bina na parmaatma sang ka rang lag sakta, na parmaatma milan ka anubhav kar sakte। to aapke jeevan ki itni value hai jo ek-ek kadam aapka utsav ke roop mein manaaya jaata hai। kyon? aapne poora sangamayug utsaah umang ki jeevan banaai hai। aapki jeevan ka yaadgaar ek din ka utsav mana lete hain।to sabhi ki aisi sada utsaah, umang,khushi ki jeevan hai na! hai ya kabhi-kabhi hai?sada utsaah hai va kabhi-kabhi hai? jo samajhte hain ki sada utsaah mein rehte hain,khushi mein rehte hain, khushi hamaare jeevan ka vishesh parmaatma gift hai, aise anubhav hota hai?kuchh bhi ho jaae lekin brahman jeevan ki khushi,utsaah,umang ja nahin sakta। baapdaada har bachche ka chehra sada khushnumah dekhne chaahte hain kyonki aap jaisa khushanseeb na koi bana hai, na ban sakta hai। bhinna-bhinna varga vaale baithe ho to aisa anubhvi moorta banne ka sva prati plan banaaya hai?

baapdaada khush hote hain,aaj phalaana varga, phalaana varga aaye hain,welcome। mubaarak ho aaye hain। seva ka umang utsaah achha hai। lekin pahle sva ka plan,baapdaada ne dekha hai plans sabhi varga vaale ek do se aage banaate hain aur bahut achhe banaate hain, saath-saath sva unnati ka plan banaana bahut aavashyak hai।baapdaada yahi chaahte hain har varga sva-unnati ke practical plan banaaye aur number leve। jaise sangathan mein ikatthe hote ho, chaahe foreign vaale,chaahe desh vaale meeting karte ho, plan banaate ho, baapdaada usmein bhi raaji hai lekin jaise umang-utsaah se sangathit roop mein seva ka plan banaate ho aise hi itne hi umang-utsaah sesva-unnati ka number aur attention deke banaana hai। baapdaada sunne chaahte hain ki is maas mein is varga vaalon ne sva-unnati ka plan practical mein laaya hai?jo bhi varga vaale aaye hain woh haath uthaao। sab varga vaale। achha itne aaye hain, bahut aaye hain। suna hai 5-6 varga aaye hain। bahut achha bhale aaye। abhi ek last tarna raha hua hai,baapdaada ne hom work to de hi diya tha। baapdaada to roj result dekhte hain, aap samjhenge baapdaada hisaab lega last tarna mein,lekin baapdaada roj dekhte hain, abhi bhi aur 15 din hain।is 15 din mein har varga vaale jo aaye hain woh bhi,jo nahin bhi aaye hain un varga ke nimitta bane hue bachchon ko baapdaada yahi ishaara dete hain ki har varga apne sva-unnati ka koi bhi plan banaao, koi vishesh shaktisvaroop banne ka va vishesh koi gunmoorta banne ka va vishwa kalyaan prati koi na koi light-might dene ka har ek varga aapas mein nishchit karo aur phir check karo ki jo bhi varga ke member hain,member bane bahut achha kiya hai lekin har member number one hona chaahiye। sirf naam note ho gaya phalaane varga ke member hain nahin,phalaane varga ke sva unnati ke member hain। yeh ho sakta hai jo varga ke nimitta hain woh utho। haan jo bhi varga hain jo nimitta hain, nimitta vaale utho। foreign vaale bhi utho। foreign mein jo nimitta hain woh utho। phorne vaale jo4-5 nimitta hain woh utho। baapdaada ko to sabhi bahut shaktishaali moorten lagti hain। bahut achhi moorten hain। to aap sabhi samajhte ho 15din mein kuchh karke dikhaayenge। ho sakta hai?bolo, ho sakta hai? (poora purooshaartha karenge) aur bolo, kya ho sakta hai?(prashaasak varga ne plan banaaya hai ki koi bhi gussa nahin karenge) unki inkvaayri bhi karte ho?aap bahnen (teachers se) himmat rakhte hain - 15 din mein inkvaayri karke result bata sakte hain। foreign vaale to haan kar rahe hain। aap kya samajhti ho, ho sakta hai? bhaarat vaale bataao ho sakta hai। baapdaada ko to aap sabhi ki soorten dekh lagta hai ki result achhi hai।lekin agar15 din bhi attention rakhne ka purooshaartha karenge to yeh abhyaas aage bhi kaam mein aayega।abhi aise meeting karna jo jisko lakshya lena ho kisi bhi gun ka, kisi bhi shakti roop ka, ismen baapdaada number denge। baapdaada to dekhte rehte hain। number one varga sva seva mein kaun-kaun hain? kyonki baapdaada ne dekha ki plan bahut achhe bante hain lekin seva aur sva-unnati donon agar saath-saath nahin hain to seva ke plan mein jitni saphalta chaahiye,utni nahin hoti hai। isliye samay ki sameepta ko saamne dekhte hue seva aur sva-unnati ko combined rakho। sirf sva-unnati bhi nahin chaahiye,seva bhi chaahiye lekin sva-unnati ki sthiti se seva mein saphalta adhik hogi। seva ke ya sva-unnati ke saphalta ki nishaani hai - svayan bhi donon mein svayan se bhi santushta ho aur jinki seva karte hain, unhon ko bhi seva dvaara santushtata ka anubhav ho। agar sva ko va jinki seva ke nimitta hain unhon ko santushtata ka anubhav nahin hota to saphalta kam, mehnat jyaada karni padti hai।

aap sabhi jaante ho ki seva mein va sva-unnati mein saphalta sahaj praapta karne ki golden chaabi kaun-si hai? anubhav to sabhi ko hai। golden chaabi hai - chalan chehre,sambandh samparka mein nimitta bhaav,nimaarkanbhaav,nirmal vaani। jaise brahma baap aur jagdamba ko dekha lekin abhi kahaan-kahaan seva ki saphalta mein percentage hoti hai uska kaaran, jo chaahte hain, jitna karte hain, jitna plan banaate hain, usmein percentage kyon ho jaati hai?baapdaada ne majority mein kaaran dekha hai ki saphalta mein kami ka kaaran hai ek shabd,woh kaun sa? ‘‘main’’। main shabd teen prakaar se use hota hai। dehi-abhimaani mein bhi main aatma hoon, main shabd aata hai। deh-abhimaan mein bhi main jo kehta hoon, karta hoon woh theek hai,main buddhivaan hoon, yeh had ki main, main deh abhimaan mein bhi main aata hai aur teesri main jab koi dilshikasta ho jaata hai to bhi main aata hai। main yeh karanheen sakta, mere mein himmat nahin। main yeh sun nahin sakta,main yeh sama nahin sakta… to baapdaada teenon prakaar ke main, main ke geet bahut sunte rehte hain। brahma baap ne, jagat amba ne jo number liya uski visheshta yahi rahi - ulte main pan ka abhaav raha,avidya rahi। kabhi brahma baap ne yeh nahin kaha main raay deta hoon,main right hoon, baba,baba… baba kara raha hai,main nahin karta। main nahin hoshiyaar hoon, bachche hoshiyaar hain। jagat amba ka bhi slogan tha yaad hai, puraanon ko yaad hoga। jagat amba yahi kehti hukmi hukm chalaae raha।main nahin,chalaane vaala baap chala raha hai। karaavanhaar baap kara raha hai। to pahle sabhi apne andar se yeh abhimaan aur apmaan ki main ko samaapta kar aage badho। natural har baat mein baba baba nikle। natural nikle kyonki baap samaan banne ka sankalp to sabhi ne liya hi hai। to samaan banne mein sirf is ek royal main ko jala do। achha krodh bhi nahin karenge। krodh kyon aata hai? main pan aata hai।to holi manaane aaye ho, holi manaane aaye ho na? to pahle holi kaun si manaate hain?jalaane ki।vaise bahut achhe ho, bahut yogya ho। baap ki aashaaon ke deepak ho, sirf yeh thoda sa main ko kat kar do। do main kat karo,ek main rakho। kyon? baapdaada dekh rahe hain,aapke hi anek bhaai bahinen, brahman nahin agyaani aatmaayen, apni jeevan se himmat haar chuki hain। abhi unhon ko himmat ke pankh lagaane padenge।bilkul beshaare ho gaye hain, naaummeed ho gaye hain। to he merciful,kripa daya karne vaale vishwa ki aatmaon ke ishta dev aatmaayen apni shubh bhaavna, raham ki bhaavna, aatma bhaavna dvaara unhon ki bhaavna poorn karo।aapko vibration nahin aata duhkh,ashaanti ka। nimitta aatmaayen ho,poorvaj ho,poojya ho,vriksha ke tana ho, foundation ho। sab aapko dhoondh rahe hain,kahaan gaye hamaare rakshak। kahaan gaye hamaare ishta dev। baap ko to bahut pukaaren sunne aati hain। ab sva-unnati dvaara bhinna-bhinna shaktiyon ki sakaash do। himmat ke pankh lagaao। apne drishti dvaara, drishti hi aapki pichkaari hai,to apni drishti ki pichkaari dvaara sukh ka rang lagaao, shanti ka rang lagaao,prem ka rang lagaao, aanand ka rang lagaao। aap to parmaatma sang ke rang mein aa gaye। aur aatmaon ko bhi thoda sa aadhyaatmik rang ka anubhav karaao। parmaatma milan ka, mangal mele ka anubhav karaao। bhatakti hui aatmaon ko thikaane ki raah bataao।

to sva-unnati ke plan banaayenge,ismen svayan ke checker bankar check karna, yeh royal main to nahin aa rahi hai kyonki aaj holi manaane aaye ho। to baapdaada yahi sankalp dete hain to aaj deh-abhimaan aur apmaan ki jo main aati hai,dilshikasta ki main aati hai,isko jalaake hi jaana, saath nahin le jaana।kuchh to jalaayenge na। aag jalaayenge kya! jvaalaamukhi yog agni jalaao। jalaane aati hai?haan jvaalaamukhi yog, aata hai? ki saadhaaran yog aata hai? jvaalaamukhi bano। light might house। to yeh pasanda hai?attention please, main ko jalaao।baapdaada jab main-main ka geet sunta hai na to switch banda kar deta hai। vaah! vaah! ke geet hote hain to aavaaj bada kar dete hain। kyonki main-main mein khinchaavat bahut hoti hai। har baat mein khinchaavat karenge, yeh nahin,yeh nahin, aisa nahin, vaisa nahin। to khinchaavat hone ke kaaran tanaav paida ho jaata hai। baapdaada ko lagaav,tanaav aur svabhaav, ulta svabhaav। vaastav mein svabhaav shabd bahut achha hai। svabhaav,sva ka bhaav। lekin usko ulta kar diya hai। na baat ki khinchaavat mein karo, na apne taraph koi ko khinchaao। woh bhi bahut pareshaani karta hai। koi kitna bhi aapko kahe,lekin apne taraph nahin kheencho। na baat ko kheechon, na apne taraph kheencho,khinchaavat khatma। baba,baba aur baba। pasanda hai na! teen baaten ya ek main ko chhodkar jaana yahaan, saath nahin leke jaana, train mein bojh ho jaayega। aapka geet hai na - main baba ki,baba mera। hai na। to ek main rakho,do main khatma। to holi mana li, jala diya। sankalp mein। abhi to sankalp karenge। sankalp kiya?haath uthaao। kiya ya thoda-thoda rahega। thoda-thoda chhutti deven। haanthode ki chhutti den?jo samajhte hain thode thode ki chhutti honi chaahiye woh haath uthaao। thoda to rahega na,nahin rahega? aap to bahut bahaadur ho। mubaarak ho। khushi mein naacho,gaao। tanaav mein nahin। kheenchaataan mein nahin। achha। aaj holi hai na। iseelie baapdaada bhi jalaane ka kehta hai। abhi kya karna hai?

seva ka tarna raajasthaan ka hai, saath mein bhopaal vaale bhi sahayogi hain:-baapdaada ko ek baat ki khushi hai ki jis zone ka tarna hota hai,woh ji bharke aa jaate hain। achha hai। chance milta hai aur chance lena yeh bahut achhi baat hai। extra seva aur yaad ka vaayumandal,madad milti hai। apne jeevan ki kahaani mein yeh din vishesh praapti ke sada yaad rakhna। madhuban mein jitne bhi din rahe,koi vighna aaya?jisko koi vighna aaya ho woh haath uthaao। maataayen bhi। agar nahin aaya to jama khaata kitna kiya?vighna nahin aaya iski mubaarak ho lekin aapko jama ka chance mila। golden chance। kitna zama kiya, woh check kiya? extra kamaai jama hui?jiski hui woh haath uthaao। jama hui? ab yeh din golden din jama ke din sada apne jeevan mein vishesh yaadgaar rakhna। kabhi bhi koi vighna aayebhi to yeh din yaad karna। bina train ke ticket ke (buddhi dvaara) madhuban mein pahunch jaana। kyonki yahaan baapdaada ke karma ka vaayumandal hai। catch karna aapka kaam hai। lekin madhuban arthaat baapdaada ke karma ke kirnon ka vaayumandal hai। itne bade-bade mahaarthi hai, jo advance party mein bhi gaye hain, unhon ke bhi karma ki rekhaayen madhuban mein vaayumandal ke roop mein hain। isliye golden chancellor bane ho। chancellor nahin,golden chancellor bane ho। kamaal to karni hi hai na raajasthaan ko bhi। raajasthaan ki aatma ne kamaal ki hai lekin aabu ke vaayumandal ne kamaal ki। gyaan sarovar ke nimitta raajasthaan ka governor bana। tha raajasthaan ka lekin vaayumandal madhuban ka laga। phir bhi aadha laabh to raajasthaan ko bhi milega।ab aise sahayogi nikaalo jo svayan offer kare sahayog ki। kyonki raajasthaan se yahaan aane ke liye koi bahaana nahin hai। kitna bhi bada vi.aai.pi ho agar bada vi.aai.pi hai to raajasthaan se plen mein bhi aana mushkil nahin,special plen। abhi karke dikhaana। teachers to bahut hain, bahut achhi-achhi teachers hain। baapdaada to ek-ek ki visheshta dekh rahe hain। abhi apni visheshta se vishesh snehi sahayogi yaavaaris quality nikaalo। jaise dilli vaalon ne president ko seva mein sahayogi banaaya hai। sameep sahayogeenheen lekin seva mein sahayogi banaaya hai। unki dil mein yeh hai ki brahmaakumaariyaan jo kaarya kar rahi hain woh bahut achha hai। lekin thoda-thoda sahayogi banaaya hai, abhi jyaada banaao। aise hi aandhra pradesh ka nimitta bana, aise koi nimitta banaao,kisi bhi kaarya prati nimitta banaao। koi bana hai nimitta?achha। golden chance ko bhoolna nahin। samay prati samay yaad rakhna। chaahe bhopaal chaahe raajasthaan।bhopaal vaalon ne nimitta banaaya hai? (aaj madhya pradesh ka governor aaya tha) aaya bahut achha, lekin koi kaarya mein sahayogi bane,ya sahayogi banaao ya snehi banaao ya vaaris banaao। teenon mein se kuchh banaao। sabhi ko baapdaada kehte hain, sab zone ko। jo bhi aage aave। abhi vaaris ki list nahin aai hai। snehiyon ki list aati hai vaaris ki list nahin aai hai। achha।

1000 double videshi 60 deshon se aaye hain:-double videshi madhuban ke shrringaar ho। baapdaada dekh karke khush hote hain ki anek desh, anek bhaashaayen, anek culture abhi kya ho gaya?ek brahman culture।pasanda hai? brahman culture pasanda hai? ki thoda mushkil lagta hai? mushkil nahin lagta? jab sthaapna hui,boarding ki to brahma baap kehte the sabhi ko milaakar ek chandan ka vriksha banaana hai। to sab taraph ke videshi abhi brahman vriksha ka ek patta ban gaye hain। seva arth bhinna-bhinna desh mein ho lekin kahaan ke ho?permanent address kaun si hai? madhuban,pakka?achhe hain। baapdaada ne samaachaar suna ki kaise sva ke pratibhi aur seva ke prati bhi bhinna-bhinna group bana karke purooshaartha achha kiya hai। yeh kumaaron ka group hai।

maataaon ki bhi retreat chal rahi hai na। aai.T. group vaale haath uthaao। samaachaar suna hai baapdaada ne himmat bahut achhi rakhi hai। sab apne hain,sab apna hai। yeh himmat bahut achhi rakhi hai। abhi baapdaada dekhenge ki yeh aai.T. group apne saadhnon dvaara pratyakshata ka jhanda kahaan-kahaan lahraate hain। aur shivshaktiyaan maataayen kya kamaal dikhaati hain। kumaar kya jalva dikhaate hain। achha hai। sabhi alag alag group mein purooshaartha ki achhi-achhi baaten nikaalte ho,sirf baapdaada ek shabd ko underline karne chaahta hain, woh hai dridh rehna। dridh purooshaarthi rehna। dheela nahin karna। kitna bhi koi hilaave hilna nahin,achal rehna, adol rehna। dridhta brahman jeevan ka himmat ka haath hai। aur jahaan himmat hai vahaan saphalta haihi hai। bahut achhi raunak lag jaati hai madhuban mein। koi sunte bhi hain na to achha lagta hai na unhon koki yeh vishwa kalyaankaari hain। sirf bhaarat kalyaankaari nahin hain। isliye mubaarak ho,mubaarak ho,mubaarak ho।

6wings aai hain(graam vikaas, sport,transport,mahila,prashaasak,SpARC group)wings ko kaam de diya, abhi15 din ke baad phir dekhenge। achha bachche bhi aaye hain, (5vikaaron ki mallayuddha dikhaai hai)achha। sport wing hai। maaya ke khel ko to jaan gaye ho na। usmein to bahaadur ho na। khel vaale hamesha bahaadur hote hain। to maayaajeet mein bhi bahaadur ho na। kabhi haar khaana nahin hai। baapdaada ke gale ka haar banna hai। haar nahin khaana hai। aise pakke ho na। bahaadur ho? bahaadur hain vaah! bahut achha। achha। to maayaajeet ka bhi sikhaati ho na achha। baith jaao। achha। ab kya karenge?abhi ek second mein apne man se sab sankalp samaapta kar ek second mein baap ke saath paramdham mein oonche te oonche sthaan,oonche te ooncha baap, unke saath oonchi sthiti mein baith jaao। aur baap samaan maastarsarvashaktivaan ban vishwa ki aatmaon ko shaktiyon ki kirnen do। achha।

chaaron or ke holiest,highest bachchon ko sarva vishvakalyaankaari vishesh aatmaon ka, sarva poovarja aur poojya aatmaon ko,sarva baap ke diltakhtansheen bachchon ko baapdaada ka yaadapyaar aur dil ki duaayen sahit, dil ki dulaar aur namaste। door-door se aaye hue patra,card email,computer dvaara sandesh baapdaada ko mile aur baapdaada un bachchon ko sammukh dekh padamguna yaadapyaar de rahe hain। holi ki mubaarak de rahe hain। achha।

daadiyon se:- bahut achha birth de ki bhi bahut-bahut mubaarak ho,saath-saath holi ki bhi mubaarak ho। double holi banne ki mubaarak। (daadi ji se) achha hai prakritijeet to ban gai na। prakriti ko chalaanea gaya hai। maalik ban ke prakriti ko chala rahi ho,aur sabhi ko khush kar rahi ho। aap khush rehti hain na iseelie sab aapko dekh karke khush hote hain। sabha ko dekh sabhi khush hote hain। (aaj sabha mein 21hajaar bhaai bahinen hain) itna bada parivaar dekhkar sabhi khush hote hain। achha hai,kalpa mein ek baari heepahchaan se milte ho। 5 hajaar varsha ke baad aapas mein mile hain aur har kalpa milte rahenge। mauj hi mauj hai na। kitni mauj ki jeevan ji rahe ho! aap jaisa mauj ki jeevan bitaane vaala aur koi nahin। maujon ka yug hai। mauj ki jeevan hai aur sada sabhi ko mauj ka anubhav karaane vaale ho। achha।

teenon bade bhaaeeyon se:- achha hai chaaron or kaarya ko dekhte raho। apne ko nimitta jaan sabko santushtata ki lahar phailaate raho। santushtata baap ke sameepta ka anubhav karaati hai। to chaaron or santushtata ki lahar achhi tarah se phailaao।