मंगलवार 28 मार्च 2006 की अव्यक्त मुरली

>

28-03-06 om shanti avyakt baapdaada madhuban

"vishwa ki aatmaon ko duhkhon se chhudaane ke liye mansa seva ko badhaao, sampanna aur sampoorn bano"

aaj sarva khazaanon ke maalik baapdaada apne chaaron or ke sarva khazaane sampanna bachchon ko dekh rahe hain। baapdaada ne har ek bachche ko sarva khazaane ka maalik banaaya hai। ek hi dene vaala aur sarva ko ek jaise sarva khazaane diye hain। kisko kam, kisko jyaada nahin diye hain। kyon? baap akhut khazaane ke maalik hain। behad ka khazaana hai isliye har ek bachcha akhut khazaane ka maalik hai। baapdaada ne sarva bachchon ko ek jitna ek jaisa diya hai। lekin dhaaran karne vaale koi sarva khazaane dhaaran karne vaale hain aur koi yatha shakti dhaaran karne vaale hain। koi number one hain aur koi nambarvaar hain। jinhonne jitna bhi dhaaran kiya hai unhon ke chehre se, naynon se khazaanon ka nasha spashta dikhaai deta hai। khazaane se bharpoor aatma chehre se, naynon se bharpoor dikhaai deti hai। jaise sthool khazaana praapta karne vaali aatma ke chalan se, chehre se maaloom pad jaata hai, to yeh avinaashi khazaanon ka nasha, khushi spashta dikhaai deti hai। sampannata ka phakhur bephikar baadshaah bana deti hai। jahaan eeshvareey phakhur hai vahaan phikar ho nahin sakta,bephikar baadshaah, begampur ke baadshaah ban jaate hain। to aap sabhi eeshvareey sampannata ke khazaane vaale bephikar baadshaah ho na ! begampur ke baadshaah ho। koi phikar hai kya? koi gam hai? kya hoga, kaisa hoga iska bhi phikar nahin। trikaaldarshi sthiti mein sthit rahne vaale jaante ho jo ho raha hai woh sab achha,jo hone vaala hai woh aur achha। kyon?sarvashaktivaan baap ke saathi ho, saath rahne vaale ho। har ek ko nasha hai, phakhur hai ki baapdaada sada hamaare dil mein rehte hain aur ham sada baap ke diltakhta par rehte hain। to aisa nasha hai na! jo diltakhta nasheen hain uske sankalp to kya svapna mein bhi duhkh ki lahar, lais bhi nahin aa sakti usmein। kyon? sarva khazaanon se bharpoor ho, jo bharpoor cheez hoti hai usmein halchal nahin hogi।

to chaaron or ke bachchon ki sampannata dekh rahe the,har ek ka baapdaada ne jama ka khaata check kiya। khazaana to akhut mila hai lekin jo mila hai us khazaane ko kaarya mein lagaate khatma kiya hai va mile hue khazaane ko kaarya mein bhi lagaaya hai lekin aur hi badhaaya hai? kitni percent mein har ek ke khaate mein jama hai?kyonki yeh khazaana sirf ab is samay ke liye nahin hai, yeh khazaana bhavishya mein bhi saath mein chalna hai। jama hua hi saath jaayega। to percentage dekh rahe the। kya dekha? seva to sabhi bachche yatha yog va yatha shakti kar rahe hain lekin seva ka phal jama hona usmein antar ho jaata hai। kai bachchon ka jama khaata dekha, seva bahut karte lekin seva karne ka phal jama hua ya nahin, uski nishaani hai - agar seva karne vaali aatma chaahe mansa, chaahe vaacha, chaahe karmana teenon mein 100percent mark hoti hain। teenon mein 100 hain। seva to ki lekin agar seva karne ke samay va seva ke baad svayan apne man mein,apne se santushta hain aur saath mein jinki seva ki,jo seva mein saathi bante hain va seva karne vaale ko dekhte hain, sunte hain woh bhi santushta hain to samjho jama hua। sva ki santushtata,sarva ki santushtata nahin hai to percentage jama ka kam ho jaata hai। yathaartha seva ki vidhi pahle bhi bataai hai teen baaten vidhi poorvak hain to jama hai,woh sunaaya hai - ek nimitta bhaav,doosra nirmaan bhaavna, teesra nirmal svabhaav, nirmal vaani। bhaav, bhaavna aur svabhaav, bol agar yeh teen baaton se ek baat bhi kam hai,ek hai do nahin hai, do hain ek nahin hai to woh kamzori jama ki percentage kam kar deti hai। to chaar hi subject mein apne aap check karo - kya chaar hi subject mein hamaara khaata jama hua hai? kyon?baapdaada ne dekha ki kaeeyon ki chaar baaten jo sunaai, bhaav,bhaavna… us pramaan kai bachchon ka seva samaachaar bahut hai lekin jama ka khaata kam hai। har khazaane ko check karo - gyaan ka khazaana arthaat jo bhi sankalp, karma kiya woh knowledgeful ho karke kiya? saadhaaran to nahin hua? yog arthaat sarva shakti ka khazaana bharpoor ho। to check karo har din ki dincharya mein samay pramaan jis shakti ki aavashyakta hai,usi samay woh shakti order mein rahi? master sarvashaktivaan ka arth hi hai maalik। aise to nahin samay beetne ke baad shakti ka sochte hi rah jaayen। agar samay par order par shakti emerge nahin hoti, jab ek shakti ko order mein nahin chala sakte to nirvighna raajya ke adhikaari kaise banenge? to shaktiyon ka khazaana kitna jama hai?jo samay par kaarya mein lagaate hain, woh jama hota hai। check karte ja rahe ho? mera khaata kya hai?kyonki baapdaada ko sabhi bachchon se ati pyaar hai,baapdaada yahi chaahte hain ki sabhi bachchon ka jama ka khaata bharpoor ho। dhaarna mein bhi, dhaarna ki nishaani hai har karma, gun sampanna hoga। jis samay jis gun ki aavashyakta hai woh gun chehre,chalan mein emerge dikhaai de। agar koi bhi gun ki kami hai, maanon saralta ke gun ki karma ke samay aavashyakta hai, madhurta ki aavashyakta hai, chaahe bol mein, chaahe karma mein agar saralta, madhurta ke bajaae thoda bhi aaveshta ya thakaavat ke kaaran madhur nahin hai,bol madhur nahin hai, chehra madhur nahin hai,serious hai to gun sampanna to nahin kahenge na। kaise bhi circumstance ho lekin mera jo gun hai, woh mera gun emerge hona chaahiye। abhi short mein suna rahe hain।

aise hi seva - seva mein sabse achhi nishaani sevaadhaari ki hai - svayan bhi sada halka,light aur khushnuma dikhaai de। seva ka phal hai khushi। agar seva karte khushi gaayab ho jaati hai to seva ka khaata jama nahin hota। seva ki,samay lagaaya,mehnat ki to thodi percentage mein woh jama hoga, phaaltu nahin jaayega। lekin jitni percentage mein jama hona chaahiye utna nahin hota। aise hi sambandh-samparka ki nishaani - duaaon ki praapti ho। jiske bhi sambandh-samparka mein aaye unke man se aapke prati duaayen niklen - bahut achha। baahar se nahin, dil se, dil se duaayen nikle aur duaayen agar praapta hain,to duaayen milna yeh bahut sahaj purooshaartha ka saadhan hai। bhaashan nahin karo। chalo mansa seva bhi itni powerful nahin hai। koi naye-naye plan nahin banaane aate hain,koi harja nahin। sabse sahaj purooshaartha ka saadhan hai duaayen lo, duaayen do। aise kai bachchon ke baapdaada man ke sankalp read karte hain। kai bachche samay anusaar, circumstance anusaar kehte hain ki agar koi kharaab kaam karta hai to usko duaayen kaise den? us par to krodh aata hai na, duaayen kaise denge?chalo krodh ke baal-bachche bhi to bahut hain। lekin usne kharaab kaam kiya, woh kharaab hai aapne theek samjha ki yeh kharaab hai। yeh achha hai nirnay to achha kiya,samjha achha lekin ek hota hai samajhna, doosra hota hai unke kharaab kaam, kharaab baaton ko apne dil mein samaana। samajhna aur samaana pharka hai। agar aap samajhdaar ho, kya samajhdaar koi kharaab cheez apne paas rakhega ! lekin woh kharaab hai,aapne dil mein samaaya arthaat aapne kharaab cheez apne paas rakhi, sambhaali। samajhna alag cheez hai, samaana alag cheez hai। samajhdaar banna to theek hai, bano lekin samaao nahin। yeh to hai hi aisa, yeh sama liya। aise samajh karke vyavhaar mein aana, yeh samajhdaari nahin hai।

to baapdaada ne check kiya,abhi samay sameep aana nahin hai, aapko laana hai। kai poochhte hain thoda sa ishaara to de do na - 10 saal lagenge, 20 saal lagenge, kitna samay lagega ! to baap bachchon se prashn karta hai, baap se to prashn bahut karte hain na, to aaj baap bachchon se prashn karta hai – samay ko sameep laane vaale kaun? drama hai lekin nimitta kaun?aapka ek geet bhi hai, kiske roke rooka hai savera। hai na geet? to savera laane vaala kaun? vinaashkaari to tadap rahe hain ki vinaash karen, vinaash karen… lekin nav nirmaan karne vaale itna ready hain? kya puraana khatma ho jaae, naya nirmaan ho nahin to kya hoga? isliye baapdaada ne abhi baap ke bajaae teacher ka roop dhaaran kiya hai। homework diya hai na?kaun homework deta hai? teacher। last mein hai satguru ka part। to apne aapse poochho sampanna aur sampoorn stage kahaan tak bani hai? kya aavaaj se pare va aavaaj mein aana, donon hi samaan hain?jaise aavaaj mein aana jab chaaho sahaj hai,aise hi aavaaj se pare ho jaana jab chaahe,jaise chaahe vaise hai? second mein aavaaj mein aa sakte hain,second mein aavaaj se pare itni practice hai?jaise shareer dvaara jab chaaho, jahaan chaaho vahaan aa-ja sakte ho na। aise man buddhi dvaara jab chaaho jahaan chaaho vahaan aa-ja sakte ho? kyonki ant mein paas marks usko milegi jo second mein jo chaahe jaisa chaahe, jo order karna chaahe usmein saphal ho jaae। science vaale bhi yahi prayatna kar rahe hain, sahaj bhi ho aur samay bhi kam mein ho। to aisi sthiti hai?kya minute tak aaye hain, second tak aaye hain,kahaan tak pahunche hain?jaise light house might house second mein on karo aur apni light phailaate hain,aise aap second mein light house ban chaaron or light phaila sakte ho?yeh sthool okh ek sthaan par baithe door tak dekh sakti hai na! phaila sakti hai na apni drishti! aise aap teesre netra dvaara ek sthaan par baithe chaaron or vardaata,vidhaata ban najar se nihaal kar sakte ho?check kar rahe ho apne ko sab baaton mein? itna teesra netra clean aur clear hai?agar thodi bhi kamzori hai, sabhi baaton mein to kaaran pahle hi sunaaya hai। yeh had ka lagaav ‘‘main aur mera’’, jaise main ke liye spashta kiya tha - homework bhi diya tha। do main ko samaapta kar ek main rakhni hai। sabhi ne yeh homework kiya?jo saphal hue,is homework mein, woh haath uthaao। saphal hue, baapdaada ne sabko dekha hai। himmat rakho aisi, daro nahin। achha hai mubaarak milegi। bahut thode hain। kiya hai to haath uthaao। yeh T.vi. mein haath dikhaao। peechhe bhi dikhaao। bahut thode ne haath uthaaya hai। abhi kya karen? sabhi ko apne oopar hansi bhi aa rahi hai।

achha - doosra homework tha,krodh ko chhodna hai, yeh to sahaj hai na! to krodh ko kisne chhoda,krodh nahin kiya itne dinon mein? (ismen bahuton ne haath uthaaya) ismen thode jyaada hain। jinhonne krodh nahin kiya, aapke aas paas rahne vaalon se bhi poochhenge। bahut hain। krodh nahin kiya hai? sankalp mein, man mein krodh aaya?chalo, phir bhi mubaarak ho,agar man mein aaya mukh se nahin kiya to bhi mubaarak hai। bahut achha। to aap hi dekho result ke hisaab se kya sthaapna ka kaarya, sva ko sampanna banaana aur sarva aatmaon ko mukti ka varsa dilaana,yeh sampanna hua hai? svayan ko jeevanmukti swaroop banaana aur sarva aatmaon ko mukti ka varsa dilaana - yeh hai sthaapna karta aatmaon ka shreshtha karma। to baapdaada iseelie poochhta hai ki sarva bandhanon se mukta, jeevanmukta ki stage par sangam par hi pahunchna hai va satayug mein pahunchna hai?sangamayug mein sampanna hona hai ya vahaan bhi raajayog karke seekhna hai? sampanna to yahaan banna hai na? sampoorn bhi yahaan hi banna hai। sangamayug ke samay ka bhi sabse bade te bada khazaana hai। to kiske roke rooka hai savera?bataao। to baapdaada kya chaahte hain? kyonki baap ki aashaaon ka deepak bachche hi hain। to apna khaata check karo achhi tarah se। kai bachchon ko to dekha kai bachche to maujeeraam hain,mauj mein chal rahe hain। jo hua so achha। abhi to mauj mana lo। satayug mein kaun dekhta,kaun jaanta। to jama ke khaate mein aise maujeelaal kaho,maujeeraam kaho, aise bhi bachche dekhe। mauj kar lo। doosron ko bhi kehte are kya karna hai,mauj karo। khaao, pio mauj karo। kar lo mauj, baap bhi kehte kar lo। agar thode mein raaji rahne vaale ho to thode mein raaji ho jaao। vinaashi saadhnon ki mauj alpakaal ki hoti hai। sadaakaal ki mauj ko chhod agar alpakaal ke saadhan ki mauj mein rehna chaahte hain to baapdaada kya kahega? ishaara dega aur kya karega? koi heeron ki khaan par jaaye aur do heere lekar khush ho jaae usko kya kahenge?to aise nahin banna। ateendriy sukh ke mauj ke jhoole mein jhoolo। avinaashi praaptiyon ke jhoole ki mauj mein jhoolo। drama mein dekho, maaya ka part bhi vichitra hai। isi samay aise aise saadhan nikle hain, jo pahle the hi nahin। lekin bina saadhan ke bhi jinhonne saadhna ki, seva ki woh bhi to example saamne hain na! kya yeh saadhan the? lekin seva kitni hui? quality to nikli na! aadi ratna to taiyaar ho gaye na! yeh saadhnon ki aakarshan hai। saadhnon ko use karna wrong nahin kehte hain lekin saadhna ko bhool saadhan mein lag jaana,isko baapdaada wrong kehte hain। saadhan jeevan ke udti kala ka saadhan nahin hai,aadhaar nahin hai। saadhna aadhaar hai। agar saadhna ke bajaae saadhnon ko aadhaar banaaya to result kya hogi? saadhan vinaashi hain,result kya?saadhna avinaashi hai,uski result kya hogi? to baapdaada bachchon se prashn poochhta hai - kab tak har ek svayan ko sampanna aur sampoorn banaayenge? doosre ko nahin dekho,yeh albelaapan aa jaata hai। doosre bhi karte hain, mainne kiya to kya hua! yeh albelaapan hai। mujhe sva ko sampanna banaana hai। ab iske liye kitna time chaahiye? iska bhi hisaab rakhen ya nahin? sangathan hai, baap jaante hain, sangathan mein bahut kuchh sunna bhi padta hai, dekhna bhi padta hai,bahut kuchh chalne mein bhi saamne baaten aati hain, lekin yeh to aayengi। baaten khatma hon to sampanna banen, woh hona nahin hai। jitna aage badhenge, roop zaroor change hoga lekin baaten to aayengi। last paper mein hi dekho kitni baaten hain। baaten dikhaai na den, baba dikhaai de। baba ne kya kaha, baaten kya karti hain,baaten kya kehti hain, nahin। baba ne kya kaha। baba ko follow karna hai। follow baaten karna hai, ya follow father karna hai? aur baapdaada abhi yeh dekhne chaahte hain, agar vatan mein switch on karen to sab bachche chaahe desh mein,chaahe videsh mein, chaahe gaanvon mein,chaahe bade shahron mein sab bachche sampanna roop mein raaja bachche dikhaai den। abhi baap ki har ek bachche mein yahi shreshtha aasha hai। to aap sabhi baap ke aasha ke deepak banenge?banenge?haath uthaao। aise nahin haath uthaao। file mein patra daal den haan ka, nahin final। sabhi poori karenge। achha mubaarak ho। jisne nahin uthaaya woh uthaao। koi hai?achha inhon ko time chaahiye?ek saal chaahiye? teevra purooshaartha karo। karna hi hai, hona hi hai। majority ne to uthaaya hai। baapdaada ko yeh khushi hai aur dil ki duaayen de rahe hain,ab practical karke dikhaana। phir baapdaada aayega। abhi teacher banega। aise nahin aayega। abhi to beech mein samay hai। jab pahla tarna baapdaada aave, pahla tarna foreign vaalon ko milta hai, to pahle foreign vaalon ko taiyaar hona padega। ready। foreign vaale taiyaar ho jaayenge? agar foreign taiyaar nahin hoga to pahla tarna India ko denge। pahle madhuban vaalon ko taiyaar hona padega kyonki baapdaada ko madhuban mein hi aana hai na aur to kahaan bhi jaate nahin। baapdaada ko foreign vaalon par faith hai, aise nahin India vaalon par nahin hai। lekin foreign ka pahla tarna hota hai to foreign vaale bankar hi dikhaayenge। theek hai na! aap bolo,foreign ke liye (daadi jaanki se) saakaar mein to nimitta aapko banna padega।

abhi to time hai, 5-6 maas hai। nahin to phir aisa karenge,raay bataao ki jo sachchi dil se likhte hain,baapdaada to dekhta hai na,baapdaada ke paas bhi dikhaai deta hai, ki thoda mix hai। to jo likhenge ever ready, unhon se baapdaada milenge, auron se nahin। chaahe madhuban mein ho chaahe kahaan bhi ho। theek hai?madhuban vaale theek hai? double foreigners to ever ready honge na! baapdaada sabka sampanna swaroop dekhega। ever ready honge? theek hai? majority ne to haath uthaaya hai। mubaarak ho। sabhi ko mubaarak advance mein de rahe hain। phir sabhi ek do ko mubaarak denge,vaah! sampoorn vaah! vaah! sampanna vaah! kyonki bahut duhkh badh raha hai,aap aavaaj nahin sunte ho na, baapdaada sunta hai। bilkul himmatheen,dilshikasta ho gaye hain। mansa seva se,jaise science vaale apne jagah par rehte hue jahaan apna yantra bhejne chaahen vahaan bhej sakte hain, aise aap mansa seva ko badhaao। vaacha to karni hai lekin saari vishwa ki aatmaon ko varsa dilaana,duhkh se chhudaana, uske liye aapko sampanna banna padega। aur mansa seva chaaron or phailaao tab vishwa ka kalyaan hoga। mansa seva kar sakte ho? jinhon ko mansa seva ka abhyaas hai,chaahe thoda hai chaahe bahut hai lekin abhyaas hai, kar sakte hain,woh haath uthaao। ismen to sab paas hain। itni aatmaayen agar mansa seva se vaayumandal phaila sakte ho to kya badi baat hai! jitna mansa seva mein busy rahenge utna samasyaaon se mukta ho jaayenge kyonki aapka man buddhi busy rahegi। free nahin hogi to maaya aayegi kahaan,vaapas chali jaayegi। samasya himmat nahin rakh sakti। to mansa seva ko badhaao। samjha।

achha। abhi ek minute ke liye sabhi light house,might house sthiti dvaara vishwa mein apni light might phailaao। achha - aisa abhyaas samay prati samay kaarya mein hote hue bhi karte raho। baapdaada ne suna london ke programme ke liye topic bahut achhi rakhi hai। sunaao sabhi ko (jasta A minute- ek minute mein silence ka anubhav, apne parivartan ka anubhav, vishwa ke liye) achhi topic rakhi hai aur aisa abhyaas us samay sab India mein va foreign mein brahman bhi karenge na! (yeh vichaar hai sab jagah vishvavyaapi yeh programme ho) achha hai,yeh abhyaas zaroori hai। ek minute bhi agar yeh chaaron or vaayumandal ban jaae to yeh bhi sabhi ko maaloom pad jaayega ki brahmaakumaariyaan kya chaahti hain, kya karti hain। yeh bhi phailega achha। agar chaaron or yeh saath saath ho jaae to seva ka saadhan achha hai। achha। aaj tarna kiska hai?

seva ka tarna mahaaraashtra, bambai aur aandhra pradesh :- jiska tarna hota hai, aadha class unhon ka hi hota hai। achha - mahaaraashtra sada mahaan sthiti mein rahne vaale aur vishwa mein jeevan ki mahaanta pratyaksha karne vaale, achha hai,sankhya bhi kaaphi hai। lekin abhi tak 9 laakh nahin poore hue hain na। 9 laakh poore hue hain?nahin hue hain? to mahaaraashtra ko jab sankhya bhi itni hai to jab doosri season mein baapdaada aave to jitne bhi aaye hain,kitni sankhya hai aane vaalon ki (mahaaraashtra 5500 aaye hain), to mahaaraashtra saamne baithe ho to kaam bhi to karenge na। to jitne aaye ho doosri season mein ek-ek ko ek taiyaar karke laana hai। achha taiyaar karna, kyonki6 maas hai,aapka niyam ek varsha ka hai। to 6maas mein itna taiyaar karo jo ek varsha jitna ho। 9 laakh to poora karna chaahiye, kitne hain। total sankhya kitni hai? (8 laakh 12 hajaar,) to baaki thode hi chaahiye, to aise karo। abhi meeting hai na। har zone ko apne-apne zone ke hisaab se sankhya baantana aur baapdaada aave to yahaan roobru bhale nahin aaven lekin taiyaar karke aave, woh list leke aave। to yeh homework theek hai? zone vaale? karenge zone vaale। achha, 9laakh to poora karo। kya badi baat hai। double foreigners chaahe India9 laakh is baari poori karna hi hai। hona chaahiye na ki abhi peechhe hona chaahiye? madhuban vaale bhi karenge, aas paas seva to karte ho na,taiyaar karke aana sab zone। yahaan nahin hain to bhi sunenge to sahi। aur meeting mein final karna,phir achha hai, baapdaada ko itni sankhya dekh karke bhi khushi hoti hai। (9laakh brahman honge na। karodon ko sandesh dena hai na) woh programme to karte ho na! woh to karna hi hai। lekin pahle sva ko sampanna banaana hai saath mein yeh seva karni hai। woh to haath uthaaya hai na। taiyaar karenge na! abhi dheere-dheere chalne ka samay gaya, abhi udo, jab chaaho jahaan chaaho seva mein haajir ho jaao। achha। aap sabhi bhi taiyaar karke aayenge na, aur jyaada nahin ek-ek। agar jyaada karenge to mubaarak ho। achha hai mahaaraashtra ne golden chance liya hai, svayan ko sampoorn banaane ka, kyonki yahaan ka vaayumandal sahaj hi ashareeri banne mein madad karta hai। to jo bhi zone chance leta hai,usko yeh golden praapti hoti hai। karmana ka bhi phal aur vaayumandal mein sthiti ka bhi phal milta hai। double phal ki praapti ho jaati hai। achha hai। baapdaada ko har bachcha ek do se pyaara lagta hai। kaisa bhi bachcha ho lekin parmaatma pyaar ke paatra to banta hi hai। aur yeh parmaatma pyaar sirf abhi milta hai। pyaar to sabhi ka baapdaada se100 percent hai, ya kam hai? jo samajhte hain pyaar mein 100 percent hai,woh haath uthaao। 100percent pyaar hai? to pyaar mein to thoda bahut hai woh kurbaan karna sahaj hai। mubaarak ho। pyaar ka pramaan hai kurbaan hona। to sapoot bachche ho na,to sapoot bachcha vahi hai jo pratyaksha pramaan dikhaata hai। baapdaada ko bachchon ka pyaar to pahunchta hai lekin shaktishaali sthiti kam pahunchti hai। pyaar mein baapdaada bhi achhi percent dekhte hain lekin abhi shakti swaroop sampanna swaroop mein sabse jyaada marks leni hain। to mahaaraashtra number one jaayega? jaayega?achha hai। jo ote woh arjun। arjun number one। achha।

chaaron or ke bachchon ke purooshaartha aur pyaar ke samaachaar patra baapdaada ko mile hain,baapdaada bachchon ka umang-utsaah dekh yeh karenge,yeh karenge,yeh samaachaar sun khush hote hain। abhi sirf jo himmat rakhi hai,umang-utsaah rakha hai, isko baar-baar attention de practical mein laana। yahi sabhi bachchon ke prati baapdaada ke dil ki duaayen hain aur sabhi chaaron or ke sankalp, bol aur karma mein,sambandh-samparka mein sampanna banne vaale shreshtha aatmaon ko sada svadarshan karne vaale, svadarshan chakradhaari bachchon ko, sada dridh sankalp dvaara maayaajeet ban baap ke aage svayan ko pratyaksha karne vaale aur vishwa ke aage baap ko pratyaksha karne vaale serviceable,knowledgeful,successful bachchon ko baapdaada ka yaadapyaar aur dil se padam-padamguna duaayen ho, namaste ho। namaste।

daadiyon se:- aapka bhi lakshya yahi hai na ki jaldi se jaldi pratyakshata ho। iseelie baapdaada homework deta hai। satguru ka part chalega to samaapti ho jaayegi। iske liye sabko taiyaar kar rahe hain। (hamaare saamne teenon hain) baapdaada ko swaroop official dhaaran karna padta hai। hai to sada hi teen roop mein। abhi baapdaada yahi chaahte hain ki sabhi kahen vijayi ho gaye। hona hai, ho rahe hain, nahin। ho gaye। sabke mastak mein chamakta hua sitaara spashta anubhav ho। yeh anubhav ki aankh abhi doosron ko anubhav karaayegi। abhi anubhav chaahte hain। svayan bhi har shakti, har gun ke anubhvi banen, tabhi anubhav kara sakenge। to apne anubhav ko badhaao to auron ko anubhav ho hi jaayega। achha hai। aap sabhi ki dil ki aashaayen poorn honi hi hain। theek hai na! theek hai? kitna achha hai। achha hai, brahman kul ki shobha ho। sabhi daadiyon ko dekhkar khush hote hain na! dekho inhon ki kamaal yeh hai,ki bina saadhnon ke saphalta praapta ki। (kitna paidal chale honge, na motor na gaadi…) isi tapasya ne itna vistaar paida kiya। abhi thode saadhan praapta hue hain na, to thodi aakarshan hoti hai। achha।