गुरुवार 31 दिसंबर 2009 की अव्यक्त मुरली

31-12-09 om shanti avyakt baapdaada madhuban

‘‘naye varsha mein sabhi aatmaon ko sandesh dekar golden world ki gift do, baap samaan banne ke liye dehi-abhimaani rahne ki nature natural banaao’’

aaj baapdaada har ek bachche ko sneh aur baapdaada ke lav mein lavleen swaroop mein dekh rahe hain। ek ek bachcha parmaatma pyaar mein chamak raha hai। sabhi bachche pyaar ke vimaan mein pahunch gaye hain। vaise to new year manaane ke liye aaye hai lekin sabhi ke naynon mein kya dikhaai de raha hai? new year, naya saal to nimitta maatra hai lekin aap sabhi ke naynon mein kya umang hai? teen badhaaeeyaan de rahe ho। ek apne naye jeevan ki badhaai aur doosri naye yug ki badhaai aur teesri parivaar aur baap se milan ki badhaai। aapke naynon mein kya ghoom raha hai? apna nav yug saamne aa raha hai na! dil mein umang aa raha hai ki naya yug aaya ki aaya। naye yug ki chamkeeli dress itna saamne spashta hai ki aaj sangamayug par hain aur jaldi se yeh chamkeeli dress pahanni hai। saamne dekh dekh khush ho rahe hain। vidaai bhi de rahe hain aur badhaai bhi le rahe hain। jaise puraane saal ko vidaai dete hain phir woh saal bhool jaata hai, naya saal hi saamne aata hai। aise hi aapke saamne puraani duniya ko badhaai nahin, lekin nai duniya ko badhaai de rahe hain। puraani duniya ko vidaai de rahe hain। to aaj sabhi ko umang-utsaah hai naye yug ka, log bhi naye varsha ki badhaai dete hain aur saath-saath gift bhi dete hain। to baapdaada bhi aap bachchon ko puraane svabhaav sanskaar ko vidaai dekarke nai duniya mein jaane ki gift de rahe hain, jis nai duniya mein praapti hi praapti hai। short mein yahi kahe to apraapta nahin koi vastu nai duniya mein। aise golden world ki gift baapdaada ne aap har ek bachche ko saugaat de di hai। aapko bhi nasha hai na ki ham golden world ke adhikaari ban rahe hain। aisi gift aur koi de nahin sakte hain। baap ne har ek bachche ko yeh direction diya hai ki sabhi aatmaon ko yeh baap ka varsa golden world ka sandesh dekarke unko bhi aap gift do। aapke paas kaun si gift hai? ek to nai duniya ki gift do aur doosra aapke paas bahut khazaane hain। gunon ka khazaana, shaktiyon ka khazaana, svamaan ke khazaane, kitne khazaane hain। to sabhi ko koi na koi gun, koi na koi shakti ki gift do jis gift se unhon ki jeevan badal jaae aur golden duniya ke adhikaari ban jaaye kyonki aajkal dekh rahe ho chaaron or duhkh ashaanti badh raha hai। chaaron or bhay aur chinta har ek mein hai। aise duhkhi ashaanta aatmaon ko kam se kam yeh sandesh zaroor do ki ab baap aaye hain ab se avinaashi varse ke adhikaari ban jaao। yeh sandesh har aatma ko de bhi rahe ho lekin abhi bhi kai baap ke bachche sandesh se bhi vanchit rahe hue hain। phir bhi ek baap ke bachche hain na to apne bhaai bahinon ko yeh sandesh ki gift zaroor do। koi bhi rah nahin jaae। kar rahe hain seva, baapdaada bachchon ki seva dekh khush hai lekin baap ki yahi aasha hai ki mera koi bhi bachcha sandesh se rah nahin jaaye। ulhana nahin de ki aapko golden world ki saugaat mili aur hamko pata nahin pada। hamaara baap aaya lekin humein sandesh nahin mila isliye is naye saal mein yahi prayatna karo, aapas mein plan banaao ki koi bhi kona rah nahin jaaye। ulhana nahin mile lekin khush ho jaaye, maaloom to pade ki hamaara baap aa gaya। vanchit nahin rah jaaen। to is naye saal mein kya karenge? aapas mein milke plan banaao, baapdaada ko har ek bachche ke oopar raham aata hai। to aapko bhi bhaai-bahinon ke oopar abhi vishesh merciful, kalyaankaari swaroop dhaaran kar sabko sandesh dena hai। kam se kam aisa to ulhana nahin deve।

to aaj sabhi bachche naye varsha manaane ke umang utsaah se pahunch gaye hain। baapdaada ek-ek bachche ko dekh kya geet gaate?jaante ho na! vaah bachche vaah! jo pahle baari bhi aaye hain unhon ko bhi baapdaada kah rahe hain ki lucky ho jo samay samaapta ke pahle baap ke ban gaye। naye bachchon ko baapdaada padam padamguna lucky banne ki mubaarak de rahe hain। aajkal baapdaada ek baat sabhi bachchon mein dekhne chaahte hain jaante ho kaun si? jaise har ek ke dil mein umang hai, lakshya hai ki ham baap samaan banne vaale hi hain, banenge nahin, banne vaale hi hain to jaise lakshya hai, aise abhi baapdaada lakshya ke saath lakshan bhi dekhne chaahte hain। jaise samaan banne ka lakshya hai aise hi samaan banne ke lakshan bhi hon। abhi lakshya bahut ooncha hai lekin lakshan par vishesh attention dena hai। samaan, jitna bada lakshya utna hi bada lakshan ho। abhi koi-koi bachche lakshan dhaaran karna chaahte hain lekin beech-beech mein phir bhi kah dete hain, chaahte bahut hain lekin… to yeh lekin nikal jaae। aapki chalan aur chehra door se hi jitna bada lakshya hai, itna lakshan chehre se dikhaai de, chalan se dikhaai de। jaise aap pahle deh-abhimaan mein the lekin jab deh-abhimaan mein the to deh-abhimaan ki nature natural thi, kabhi purooshaartha kiya kya ki deh abhimaan aave, nature natural deh-abhimaan raha। aadhaakalpa purooshaartha nahin kiya, aise hi ab bhi dehi-abhimaani banne ki nature natural hai! jab deh-abhimaan ki nature natural rahi, kabhi yaad aata hai ki deh-abhimaan mein aa jaaoon, yeh purooshaartha kiya? abhi bhi deh-abhimaan aur dehi-abhimaan, to dehi-abhimaani banne mein bhi mehnat kyon! kyonki baapdaada ke paas samaachaar aate hain ki kabhi-kabhi deh-abhimaan ko mitaane ki mehnat karni padti hai। jab deh-abhimaan natural raha to dehi-abhimaan mein mehnat kyon? to baapdaada ko mehnat bachchon ki achhi nahin lagti। mehnat mukta ban jaaen aur natural nature ban jaae, isko kaha jaata hai lakshya aur lakshan samaan। phir aap dekho baap samaan banna bahut sahaj aur natural lagega। jaise brahma baap ko dekha itne bade parivaar ki jimmevaari hote bhi natural nature dehi abhimaani ki rahi। chaahe bachchon ke oopar bhi jimmevaari hai lekin brahma baap ke aage woh jimmevaari kya lagti hai! koi bhi jimmevaari hai, maano zone ki jimmevaari hai, ya koi official yagya kaarobaar ki jimmevaari hai lekin woh jimmevaari brahma baba ke aage kya hai! brahma baap ne shivbaaba ki madad se practical mein dikhaaya ki karaavanhaar kara rahe hain, ham karanhaar ban baap samaan nyaare aur pyaare hain। to baap samaan banne chaahte to yeh check karo kuchh bhi chaahe mansa, chaahe vaacha chaahe karmana duties hain lekin main karanhaar hoon, trustee hoon, karaavanhaar maalik shivbaaba hai, yeh karaavanhaar ka paath chalte-chalte bhool jaata hai। to lakshya aur lakshan donon ko samaan banaana hai। ab puraane saal ko vidaai dene ke saath is lakshya ko lakshan mein laana hai। naya saal to nai baaten। kya karoon, maaya aa jaati hai, chaahte nahin hain lekin aa jaati hai yeh shabd va sankalp puraane varsha ke saath isko bhi vidaai do। sirf saal ko vidaai nahin dena। baapdaada ne sunaaya tha ki maaya bhi baapdaada ke paas aati hai aur kya kehti hai? main to samajhti hoon, mere jaane ka samay hai lekin koi-koi bachche aahvaan karte hain mera to main kya karoon। to aaj vidaai ke saath maaya ke bhinna-bhinna roop ko bhi vidaai deni hai। hai himmat? himmat hai? haath uthaao। vidaai dene ki himmat hai? peechhe vaalon ko himmat hai? jismen himmat ho, woh haath uthaao। to baap is himmat ki bahut padam-padam guna badhaai dete hain। kyon? kyon baapdaada is par jor de rahe hain? kyonki aap sabhi dekh rahe ho duniya ki haalten bigadne mein shuru jor se ho rahi hain aur baapdaada ka yeh mahaavaakya kuchh samay se chal raha hai ki achaanak hona hai। to achaanak hona hai aur agar bahut samay ka abhyaas nahin hoga to bataao achaanak ke samay abhyaas ki aavashyakta hai na! abhi-abhi dekho baapdaada ne hom work diya, 10 minute, total 24 baari 10-10 minute ka homework diya, to kai bachchon ko mushkil ho raha hai। to socho, agar 10 minute ka abhyaas ka nahin ho sakta to achaanak mein us samay kya karenge? baapdaada jaante hain ki 24 baari mein kaeeyon ko samay thoda kam milta hai, lekin baapdaada ne trial ki ki 10 minute ek hi smriti mein jab chaahe, jaise chaahe vaise kar sakte hain, baapdaada yeh nahin kehte abhi bhi 10 minute karo, achha nahin ho sakta, jisko ho sakta hai woh kare, agar nahin ho sakta hai to 5 minute karo, 5 minute se 7 minute, 6 minute, jitna bhi badha sako utni trial karo। baapdaada khud hi kah raha hai ismen aisi baat nahin hai। agar 10 minute jyaada time lagta hai to chalo 8 minute karo, 9 minute karo, jitna jyaada kar sako utni aadat daalo kyonki bahutkaal ka vardaan practical mein abhi kar sakte hain। agar abhi bahutkaal ka abhyaas nahin hoga to abhi ke bahutkaal ka purooshaartha ki jo praapti hai, aadhaakalpa ki us bahutkaal mein pharka pad jaayega। agar abhi kam samay denge, jitna ho sakta hai utna baapdaada ne chhutti de di hai, agar 5 minute se jyaada karo, 10 minute nahin ho sakta hai to 7 minute karo, 8 minute karo, 5 minute ki bhi chhutti hai। lekin agar koi bhi samay 10 minute ho to achha hai। aisa samay aayega jo aap logon ko khud apne liye aur vishwa ke liye bhi kirnen deni padegi। iseelie baapdaada chhutti dete hain, jitna jyaada samay kar sako, utna practice karo kyonki abhi ka bahut samay bhavishya ka aadhaar hai। theek hai? mushkil lagta hai, koi baat nahin hai, abhi to koi harja nahin hai aur baap ko sunaaya yeh bahut achha kiya kyonki maano 10 minute baith nahin sako, soch mein hi chala jaae, to 5 minute bhi gaye, iseelie baapdaada kahe kam se kam 5 minute se kam nahin karna। jitna badha sako utna badhaao। theek hai spashta hua? kyonki baapdaada har ek ko bahut shreshtha swaroop mein dekhte hain। baapdaada ne iski nishaani har ek bachche ko kitne svamaan diye hain। svamaan ki list agar nikaalo to kitni badi hai?

aaj baapdaada amritvele chakkar lagaane gaye। kya dekhne gaye? ki baapdaada ne svamaanon ki bahut badi maala di hai। agar ek-ek svamaan mein sthit hoke us sthiti mein baitho, chalo to svamaan kehte jaao aur maala ghumaate jaao to bahut maja aayega। svamaan ki list rakhi hai lekin ek-ek svamaan kitna bada hai aur kisne diya hai! world almighty authority ne ek-ek bachche ko anek svamaanon ki list di hai। usko use karo kyonki aur koi authority nahin jo is svamaan ko aapke kam kar sake। aur kis ko bhi itne svamaanon ki maala nahin mili hai। to baapdaada ne dekha satayug mein to raajya bhaagya milega lekin yeh svamaanon ki maala sangamayug ki den hai। baapdaada jab bhi bachchon ko dekhte hain to har ek bachche ke svamaan ki sthiti se dekhta hai - vaah bachcha vaah! to svamaan ki authority mein raho, main kaun! kabhi kaun sa svamaan saamne rakho, kabhi kaun sa svamaan saamne rakho aur check karo to aaj amritvele jo vishesh svamaan buddhi mein rakha woh svamaan khazaana hai na, isko use kiya! kyonki khazaana badhne ka saadhan hai jitna khazaane ko kaarya mein lagaayenge utna khazaana badhta hai। to aaj baapdaada dekh rahe the kaun-kaun bachcha hai, kiske paas svamaan ke smriti ki maala badi thi kiske paas chhoti। jahaan svamaan hoga vahaan dehbhaan khatma ho jaata hai। to aaj baapdaada ne chakra lagaaya aur dekha jaise svamaan ka khazaana hai, aise ek-ek shakti, ek-ek gun istemaal karo usko, kaarya mein lagaao। to yeh jo problem hoti hai maaya aa gai, maaya aa nahin jaati lekin maaya ke liye to baba ne suna diya hai ki maaya kehti hai mere ko aavaahna karte hain tab jaati hoon, aise nahin jaati hoon, koi bhi halka sankalp karna maana maaya ko aavaahna kiya, shaktiyon ko chhodta hai to maaya ko aavaahna kiya। chaahte nahin hai lekin aa jaati hai। balvaan kaun? chaahte nahin hain lekin aa jaati, to maaya balvaan hui ya aap? to aaj puraana varsha samaapta ho raha hai, naye varsha mein naya umang, naya utsaah, kyonki sangamayug ka gaayan hai, ek-ek din utsaah bhara hua hai arthaat utsav hai। to umang-utsaah hai to har din utsav hai isliye pakka rakhna, raaj apna chalte phirte bhi chart dekhna। check karna, check karenge to change karenge na। check hi nahin karenge to change kaise karenge!

to aaj naye saal ke liye baapdaada ka vishesh yahi sankalp hai ki har bachcha jaise puraane varsha ko vidaai dete ho vaise maaya ko vidaai do। vyartha sankalp ko vidaai do kyonki majority yahi dekha gaya hai ki vyartha sankalp jyaada aate hain। jyaada vikaari sankalp kam hain, hain kam lekin vyartha jo hain, uska naam nishaan samaapta ho jaae, har sankalp samartha ho, vyartha nahin ho kyonki vyartha sankalp mein, sirf sankalp nahin chalta lekin vyartha time bhi jaata aur baap samaan banne mein doori ho jaati hai। aapki chaahna to hai samaan banen, to haath to uthaaya hai। lekin baapdaada sada kehta hai ki man ka haath uthaana, yeh haath uthaana to easy hai। to vidaai dene ki himmat hai? hai himmat? haath uthaao। achha, himmat vaale hain। bas himmat ko kaayam rakhna। agar himmat hogi to jo lakshya rakha hai woh ho hi jaayega kyonki baapdaada bhi saath hai। baapdaada chaahte hain ki mera koi bhi bachcha peechhe nahin rah jaae। haath mein haath deke chale। shiv baap niraakaar hai, haath nahin hai lekin shreemat hi unke haath hain। shreemat par kadam-kadam chalna arthaat haath mein haath deke chalna। to sabhi ko naye varsha ki nav jeevan ki aur nav yug ki teenon ki padam padamguna mubaarak ho।

achha jo is baari naye aaye hain woh uth khade ho jaao। achha। bahut aaye hain। aadha sangathan to naya hai। to aapko sabhi naye aane vaalon ko, saare brahman parivaar, baapdaada sabke taraph se madhuban aane ka mubaarak hai, mubaarak hai, mubaarak hai। mubaarak ke saath ek baat yaad rakhna to abhi common purooshaartha ka samay gaya, abhi samay hai teevra purooshaartha ka, to aap sabhi let aaye ho lekin baapdaada ke pyaare ho। tu let ke bajaae let aaye ho, baapdaada khush hai ki phir bhi luck ke samay pahunch gaye ho isliye jo bhi aaye ho, baapdaada ke pyaare ho isliye chalna nahin udna। abhi chalenge na to number aage nahin le sakenge iseelie udti kala mein chalna। chalna nahin udna। to udna to fast hota hai na। to udti kala se aage ja sakte ho। yeh margin hai। isi ko hi teevra purooshaartha kehte hain। to kya karenge? udenge। udenge? achha। jo bhi baaten aisi aave jo bekaar hain, aani nahin chaahiye lekin aa jaati hain kyonki paper to hona hai na! to kya karenge? agar aisi koi baat aave to baapdaada ko de dena। dena aata hai na! lena to aata hai lekin dena bhi aata hai na। chhote ban jaana। jaise chhote bachche hote hain na woh kya karte hain koi bhi cheez pasanda nahin aati hai to kya karte hain? mummy yeh aap sambhaalo। aise hi chhote banke baap ko de do। phir agar aave, aayegi, baapdaada ne dekha hai ki bahut samay rakhi hai na, to chhodne se phir aati bhi hai lekin agar aave bhi to yahi sochna ki di hui cheez use ki jaati hai kya! dena arthaat aapke paas aai, to amaanat aai। aapne to de di na! to aapki rahi nahin। amaanat mein khyaanat nahin karna chaahiye। aapko madad milegi to yeh meri nahin hai, yeh amaanat hai। mainne de di ismen phaayda ho jaayega। kyonki samay kam hai aur purooshaartha aapko teevra karna hai। to jo bhi naye aaye hain baapdaada unhon ko lucky aur lovely kehte hain, jo aa to gaye abhi mera baba kaha hai na। haath uthaao jo kehte hain mera baba। jo bhi aaye hain, mera baba kehte hain। to jab mera baba kaha to aur koi mera hai kya! baba hi mera hai na। to baap par adhikaar rakh varke amaanat samajhke baap ko de do। apne paas aane nahin dena। achha hai। phir bhi baap ko khushi hai, baap ko pahchaan to liya। abhi sirf yeh dhyaan pakka-pakka rakhna, udna hai, chalna nahin hai udna hai। achha, bahut hain। achha braahmaniyaan jo hain class teachers, unhon ko bhi apne naye bhaai-bahinon ke oopar kshama karni hai। har saptaah inhon ka haalchaal poochhte rehna, koi problem to nahin hai! aur koi bhi problem ho to suna dena, uska nivaaran le lena। chhod nahin dena। aaya aur gaya, dil mein rakhna nahin। achha। saare parivaar ki bhi mubaarak hai।

seva ka tarna gujraat zone ka hai:- (8 hajaar gujraat ke hain) baapdaada ne pahle bhi kaha tha gujraat arthaat gujar gai raat। to gujraat mein sada hi aage se aage badhne aur badhaane ka umang-utsaah rehta bhi hai aur rehna bhi chaahiye kyonki gujraat mein bhi, mahaaraashtra mein bhi hain lekin gujraat mein bhi sankhya ya centre kam nahin hain। to gujraat mein seva to chaaron or hai, geeta paathshaalaayen bhi bahut hain lekin abhi raha hua kaam kya hai? abhi gujraat ko har ek centre, geeta paathshaala ki baat chhodo, apne-apne centre ke vaarison ki list nikaalni chaahiye। vaaris, student nahin vaaris unki list gujraat mein sabse badi honi chaahiye kyonki baapdaada samay ki soochna to de rahe hain to samay anusaar abhi naye varsha mein yeh bhi seva mein attention dena hai। sabhi zone vaalon ko bhi kehte hain ki yeh zone mein list nikaalo, ki sabhi zone mein se vaarison ki list mein number one kaun hai? kyonki abhi golden ej ke liye raajaai taiyaar karni hai na! takhta par to lakshmi naaraayan hi baithenge, ek hi baithenge lekin jo vahaan ki raajya adhikaari sabha hai, woh bhi to banaani hai na। royal praja bhi banaani hai, saadhaaran praja bhi banaani hai। to aise vaaris banaao jo sambandh-samparka mein abhi bhi najdeek hon aur vahaan bhi najdeek hon। jo vaaris hoga uski nishaani kya hogi? ek to vaaris arthaat har shreemat par chalne vaale। baap ne kaha aur bachche ne kiya। har kaarya mein chaahe mansa, chaahe vaacha, chaahe karmana, chaahe sambandh samparka mein family life vaala ho, aane vaala student nahin family nature vaala ho। family ka arth hota hai ek do ko jaanna aur ek do ko samajhkar chalna, parivaar mein bhi theek ho aur 4 nishchay jo sunaaye the, 4 hi nishchay mein jo vaaris hoga woh practical life mein ho। saare parivaar ka pyaara hoga, koi ka pyaara koi ka nahin, nahin। saare parivaar ka pyaara hoga। to aise vaaris quality abhi woh chaahiye। praja to banti jaayegi, saadhaaran praja। lekin abhi najdeek vaale vaaris quality banaao। raajdhaani to yahaan hi taiyaar karni hai na। isliye ismen kaun sa zone vaaris quality mein number one hai, yeh is varsha mein dekhna hai aur doosra kaam diya tha varga vaalon ko, ek vaaris banaana aur doosra jo sambandh samparka mein hain unhon ko mike banaana। to mike aur vaaris yeh donon banaana, abhi samay hai। jaisa samay beetta jaayega to usmein bahut samay ka purooshaartha kam ho jaayega। isliye gujraat kamaal karega na! achha hai। gujraat mein teachers bhi bahut hain। teachers haath uthaao। dekho kitni teachers hain to ek-ek centre ek-ek vaaris to nikaalo aur puraane centre hain। baapdaada ke direct ishaare se gujraat ki seva aarambha hui hai to baapdaada ki drishti se gujraat hua hai। woh bhi to kaam karegi na। hands achhe hain। kar sakte hain। karne vaale hain aur kar bhi sakte hain। to centre ne programme to bahut kiye hain aur achhe karte hain। programme achhe kiye hain abhi vaaris mein number one jaao। theek hai! karenge? teachers haath uthaao। to is varsha mein, varsha ke andar jitni teacher hain utne vaaris madhuban mein laayenge। laayenge? haan aaj to gujraat ka tarna hai isliye usko kah rahe hain lekin baapdaada sabhi zone ko kah raha hai। number one kaun jaata hai usko prize denge। jo one number jaayega usko achhi prize denge। sabhi zone vaali jo baithi hain na woh haath uthaao। aur kaun hai? bhaai bhi uthaao। theek hai। uthaaya। achha hai। abhi dekhenge pahla number kaun jaata hai। quality bhi dekhenge। vaaris to banaaya lekin uski quality kya hai! kyonki baapdaada abhi samay ki soochna baar-baar de rahe hain। phir nahin kehna hamne to samjha abhi time pada hai kyonki apne ko bhi sampanna banaana hai, seva mein bhi aage jaana hai do kaam hain। ek purooshaartha, purooshaartha mein ek yaad aur doosri seva donon mein number one ho। teesra svabhaav sanskaar usmein parivartan। yeh nahin koi kahe yeh hai to achha, hai to achha… nahin kahe। hai achha। isko kaha jaata hai achhe te achha kyonki haalten badalti jaayengi। aap chaahte hue bhi seva nahin kar sakenge। baaten aisi hongi jo vyartha sankalp chala dengi। isliye teevra purooshaartha, dharni par paanv nahin ho, udte raho। pharishte ke paanv dharti par nahin dikhaate hain। to sthool paanv nahin lekin yeh sthiti ke paanv। to gujraat baapdaada ke madhuban ke sahayogi bahut hain। najdeek hain na। to kabhi bhi koi bhi baat ho to pahle kisko bulaava hota hai? aate hain na phone, gujraat se itne bhej do। achha hai। najdeek ka phaayda hai, praapti bhi hai। isliye gujraat ke jo regular student hain un sabko baapdaada ki ek-ek shreemat par chalne vaala sample banna hai। koi bhi centre par jaaye to aise dikhaai de ki yeh sab baapdaada ke najdeek vaale ratna hain। theek hai! student samajhte hain haath uthaao, aisa, koi bhi shreemat kam nahin ho। theek hai himmat vaale hain। achhi himmat hai।

jurist, cultural aur security wing:- achha hai teenon hi wing apna-apna kaarya achha badha rahi hain। baapdaada ne dekha hai ki har ek ko umang rehta hai ki hamko karna hai lekin abhi jo baapdaada ne kaam diya hai ki aise mike taiyaar karo jo sabha mein ek example dikhaaye, jo vaayumandal hai to brahmaakumaar banne se kaarobaar nahin kar sakenge, woh anubhav sunne se practical dekhe ki yahaan ek nahin hai, ek varga ke bhi anek hain। to practical anubhvi dekhne se umang aata hai aur sahaj bhi lagta hai ki ham bhi aise kar sakte hain। to wing mein regular student banaane ki seva bahut achhi ho sakti hai। jitni bhi aapne seva ki hai usse regular student kitne bane hain? jab se vargon ki seva shuru hui hai tab se leke ab tak result nikaalo ki har ek varga vaalon ke student regular kitne bane hain! aur kaun si quality vaale bane hain? kyonki kaaphi samay varga ki seva chali hai aur karte sabhi pyaar se hain। kyonki chance mila hai, alag-alag seva karne ka। iseelie abhi yeh result nikaalo। connection vaale kitne hain? regular kitne hain? jo regular honge unka to chart achha hi hoga। to har ek varga vaale yeh result nikaale, kabhi kabhi aane vaale to hote hain। koi function mein aa gaye, koi programme mein aa gaye lekin baap ke bane kitne? kyonki yeh kaarya chalta hi rehta hai to result bhi to nikalni chaahiye। achha hai। yeh teenon hi wing baapdaada ne dekha hai ki umang utsaah se aapas mein meeting bhi karte hain beech-beech mein utsaah dilaane ke patra vyavhaar bhi karte hain aur result to hogi hi kyonki har vaari har varsha baapdaada bhi direction dete rehte hain to achha hai seva ka chance lete hain। sab santushta hain? teenon ke head haath uthaao। achha। to aapke wing mein jo bhi aate hain, meeting karte hain, programme banaate hain, aapas mein milte rehte hain to sabhi umang utsaah mein hain?jo plan banta hai, maano meeting mein programme bana lekin jo sabhi zone hain usmein jo aapka plan bana, woh aapke wing ka member usi apni area mein practical mein laate hain, yeh samaachaar aap lete rehte ho? kyonki wing ka bada office to ek centre par hota hai lekin seva saare zone mein honi hai, sirf ek do mein nahin, jo member hain woh apne sthaan mein to karaate honge lekin jis centre ke member nahin hain vahaan bhi aapne jo plan banaaya woh chala kyonki world ki baat hai na yeh। to yeh bhi attention rakho result maango, ek-ek centre ne practical mein laaya aur mushkil kya hai, nahin laaya to kya mushkil hai? usko wing vaale salvation den। jaise abhi programme kiya, ek saath kiya to uska prabhaav alag hota hai aise ek hi programme wing ka sabhi jagah chale to woh naam baala ho jaayega। aise report lo aur sabhi shahron mein har ek wing ka kaam chalna chaahiye। tabhi to naam baala hoga na। baaki baapdaada khush hai। mehnat karte hain, teenon hi apna-apna naam samajhna। kaam kar rahe hain lekin phailaao। har sthaan se aisa koi naameegraami nikle। usko umang dilaana padega। theek hai na! achha।

60 deshon se 650 double videshi bhaai bahinen aaye hain:- pahle foreign ka youth group uthe। achha hai। foreign mein youth group seva kar raha hai। yeh baapdaada ne samaachaar bhi suna hai aur baapdaada ko achha laga hai ki aise vishesh youth foreigners taiyaar ho jo ek din dilli mein saare youth nahin lekin thode-thode foreign ke thode yahaan ke aise group banaake dilli mein prime minister ya jo bade minister hain unse milne jaaven, woh practical dekhen to foreign vaale bhi youth badal rahe hain। India vaale bhi badal rahe hain kyonki government ko abhi youth ki problem jyaada hai to aise samay par agar government ke paas practical dekhe, example denkhe to woh samjhenge aur government ka jo vishesh varga ka minister hai us varga vaale unke paas khaas jaake mile to woh samjhe ki aise duhkh aur ashaanti ke vaayumandal mein, ek taraph duhkh ashaanti doosre taraph tamoguni vibration, donon ke beech yeh youth parivartan kar chal raha hai to unka sanstha ke taraph attention jaayega। har varga apne mukhya jo minister hon, prime minister nahin uske varga ka minister, kam se kam uske paas chhota group hi jaaye jo samaachaar sunaave। saare ministry mein yeh pata pad jaayega to yeh sab vargo ki seva karte hain। achha hai। baapdaada bhi youth group mein parivartan dekh khush hote hain। lekin aise youth jaayen jo svayan apne se santushta hon। practical life mein ho। bhale koi sunaaye nahin sunaaye lekin baap ka niyam hai ki example woh banen jo pahle khud mein santushta ho। aur youth problem apni hal karne ke liye jo bhi nimitta hain unki madad len। kuchh bhi ho apni kamzori mitaana hi hai। aise youth vibration phaila sakte hain। aavaaj phaila sakte hain। jaise jaise aavaaj phailega vaise vaise is kaarya ka duniya mein prabhaav padega। to group vaale jo group nimitta bane hain unko bahut apni sambhaal karni hai, poora example banna hai। theek hai na। sab youth theek hain। haath uthaao। to baapdaada aap sabhi ko dekhke bahut-bahut khush hai। aise example bahut kaarya karenge। abhi to aap jaayenge phir aapko khud nimantran denge। achha hai। badh rahe ho aur badhte chalo, baapdaada ki yahi saare youth, India ke youth ya foreign ke youth donon mein bahut bahut shubh aashaayen hain। badhaai bhi hai aur aashaayen bhi hain। achha।

double videshi chhote bachche:- yeh ek hi group hai bachchon ka। (bachchon ne geet gaaya - chhote-chhote phool hain ham aur kisi se nahin hain kam) sabhi bachche phool bankar hi rehte ho na। jo baap ki shreemat hai us par chalte ho? jo chalta hai woh haath uthaao। achha। achha hai lucky bachche ho jo chhotepan mein hi baap ka milan ho gaya। aur sabhi aapko dekh khush ho rahe hain। aisa bhi din aayega jo bade bade log, badi badi company vaale aap bachchon ko bulaayenge, aise takdeervaan bachche kaun hain jo aise bane hain iseelie har bachcha apni dhaarnaayen pakki rakhna। kabhi bhi koi dhaarna bhoolna nahin kyonki aap baapdaada aur laukik baap teen ke bachche ho। to kamaal dikhaayenge na। to sabhi bahut achhi kamaal karke dikhaana। achha।

sabhi double videshi bhaai bahinon se:- achha, sindhi group bhi aaya hai, bahut achha। pyaar hai na baba se। baap se pyaar hai na bahut। baap bhi yaad karte hain kyon? kyon yaad karte hain? sindha mein hi baap aaya na! to jis desh mein aaya vahaan ki saugaat to honi chaahiye na। iseelie baap kehte hain ki sindhi group aisa koi kaarya karke dikhaave jo anek sindhi aatmaon ki seva ke nimitta banen।

baapdaada ko achha lagta hai ki har season mein foreigners madhuban ke shrringaar bante hain। achha umang utsaah hai, 60 deshon se aaye hain to itni seva hai na। aur jo bhi jis desh mein hain vahaan seva ke bina to rah nahin sakte। jo bhi milta hoga usko kya sunaayenge? aur baaton mein to jaayenge nahin to itne deshon mein seva ho rahi hai na। abhi to auron ko sandesh dene ke liye foreigners ke achhe-achhe group ban gaye hain। bhinna bhinna course bhi karaate hain। to baapdaada ne dekha jaise bhaarat vaale seva phaila rahe hain aise foreigners bhi seva phailaate rahenge to saare vishwa mein baap ka sandesh to pahunch jaayega। foreign vaale bhi apni apni area mein koshish kar rahe hain, kiya bhi hai to aas paas mein koi na koi programme banaake bhi sandesh de do। to baapdaada ko achha lagta hai jo seva mein bhinna- bhinna programme karte rehte hain, sandesh dete rehte hain woh haath uthaao। seva karte rehte hain, karte hain na! kyon? baap kehte hain mera ek-ek bachcha paigaam dene vaala paigambar hai। paigaam to dete ho na! to har bachcha paigambar hai, paigaam dene vaala hai। kisi se bhi milenge to kya baat karenge? kam se kam anubhav to zaroor sunaayenge na। to sandesh to diya na! to baapdaada ko bhi achha lagta hai। aur foreigners ko baapdaada khaas kyon yaad karta hai? karte to sabhi bachchon ko hain lekin foreigners ko khaas bhi yaad karta hai kyon yaad karta? ki yahi ek brahmaakumaariyon ki stage hai jahaan ek hi stage par sab bhinna-bhinna dharma vaale, bhinna-bhinna dress vaale, ek hi dress vaale ban stage par baithte hain। abhi aap kis dress mein baithte hain? saphed dress mein baithte hain, to dharma muslim bhi Christian bhi, bauddhi bhi sab ek stage par baithte hain aur ek parivaar ke ban gaye। yeh visheshta bahut achhi hai। sabhi seva karte ho na! abhi naya varsha aa raha hai na to naya varsha ka phaayda uthaana, apne apne connection vaalon ko yeh baat sunaana, gift dena, kehna ki hamaari gift nyaari hai। har ek sambandhi ko, connection vaale ko mubaarak dene jaana aur gift dena koi na koi gun ya shakti ki, kehna ham aapko sabse nyaari gift dene aaye hain। is gift se aapka vartamaan aur bhavishya bahut achha ban jaayega unko aisi achhi achhi baaten sunaana। kyonki naya varsha ek chance hai seva karne ka। achha baapdaada khush hai, foreign seva par khush hai। sangathan bhi achha karte hain। abhi aur aage badhte jaana। har kaarya mein aage se aage badhte rehna। achha। peechhe baithne vaale utho।

peechhe baithne vaalon ko baapdaada vardaan dete hain madhuban mein mele mein aaye ho na। to madhuban ke mele mein jo bhi aaye hain, peechhe baithne ko mila hai to aise nahin samajhna ki ham peechhe vaale hain, jo peechhe baithe hain na woh baap ke dil mein hain। (aane vaale 22 hajaar se oopar hain, total 25 hajaar ka group hai, baahar sab jagah baithe hain) bhale aaye, mausam ko nahin dekha, jagah ko nahin dekha,sardi ko nahin dekha, tent mein bhi soye hain। jo tent mein soye hain na, baapdaada sabhi tent mein khaas chakra lagaane aaya tha। peechhe baithe hue ko baapdaada apne dil mein samaate hain। isliye baapdaada ka jo bhi jahaan baithe hain vahaan unhon ko baapdaada saamne naynon mein samaakar yaadapyaar bhi de rahe hain, mubaarak bhi de rahe hain। abhi to dinapratidin apna brahman parivaar badhna hi hai। to baapdaada bhi parivaar ko dekh khush hote hain, vaah eeshvareey parmaatma parivaar vaah! achha।

aaj 12 baje tak baithna hai। saath baithne ka chance hai।

abhi chaaron or ke desh videsh ke har ek baap ke pyaare, baap ke laadle, baap ke sikeeldhe bachchon ko vidaai aur badhaai। aur baapdaada ne sunaaya ki puraane varsha ke saath puraane sanskaar ko bhi vidaai dene vaale, svabhaav ko bhi vidaai dene vaale mahaaveer bachche, har kadam mein padmon ki kamaai karne vaale baapdaada jo sada svamaan dete hain, us svamaan ki sthiti mein rah anubhav karne vaale, har ek bachche ko baapdaada aise roop mein dekhte ki yeh ek ek bachcha 21 janma ke varse ke adhikaari, saare kalpa mein 21 janma ke adhikaari banne ka varsa aap bachchon ko hi milta hai। to aise shreshtha adhikaari chaaron or ke bachchon ko baapdaada, baap shikshak aur guru ke roop se teenon hi roopon se yaadapyaar aur namaste de raha hai।

daadi rookamni se:- achha hai shareer ko chalaana aata hai। man ki javaani hai, man javaan hai। achha hai। lekin seva ki saathi to bankar rahi hai na। achha।

pardaadi se:- achha hai isko bhi chalna achha aata hai। chalaane vaale bhi achhe hain chalna bhi achha aata hai।

teenon bhaaeeyon se:- naye varsha mein kuchh naya karke dikhaayenge na। (naye varsha mein kya naveenta karna hai?) ek to parivaar ko apni sthiti mein powerful banaane ke plan aur doosra seva mein naye naye prakaar ke, jaise function kiya, yeh bhi ek tareeka hua lekin abhi doosre prakaar se koi group-group ko unhon ka bada sangathan karke jaise vakeel hai, judge hai, unke group ko alag saare zone ko ikaththa kare ek bade sthaan par aur hon alag-alag varga ke lekin zone -wise har varga ke ikaththe ho। aisa bada sangathan, bhale tent lagaao bade sthaan par lekin aisa-aisa ek ek group ki result nikaalo aur unka connection jodo ki iske baad aapko kya karna hai। bhaashan sunkar chale jaaven nahin, lekin bhaashan ke baad aap jitne bhi chaahen yeh yeh kar sakte ho aur unka programme banaao ki connection mein rahen, phone dvaara connection rakhen, likhaapdhi dvaara rakhen, connection uska badhta jaae। ek ek programme bade-bade sthaan par ho। kahaan vakeelon ka rakho, kahaan netaaon ka rakho। aise bade-bade sthaan par group ko najdeek laao, mix group bhi ho। donon prakaar ka kar sakte ho, ek varga ka group hota hai to sabka attention jaata hai। mix karne se attention kam jaata hai। donon karke dekho। ek jagah woh karo, ek jagah woh karo donon ki result dekho phir aage ka programme banaao।

omeksa company ke chairman bhraata rohtaas goyal tatha unke parivaar se:-

jaise building ka kaam saphal ho raha hai na, aise yeh seva ka kaam bhi saphal karna। jahaan bhi jaao vahaan sandesh de do। jaana to hai hi to sandesh to de sakte ho। centres ki bahnen course karaave lekin aap sandesh do। to aapko jo anubhav hua hai, vo anubhav sunaao। aap connection rakho aur doosron ka connection judvaao। achha hai। sabhi milke sandesh vaahak bano, jaayenge centre par। address do, phone par connection rakho bas। paigambar bano, paigaam do। sabhi achhe hain। sabhi seva kar sakte hain।

sabhi achhe hain, umang utsaah mein hain unhon ko sandesh dekar umang dilaao। duhkhi hain unhon ko sukh ka sandesh do। dekho, yeh aayu mein bhi anubhvi hai to bahut seva kar sakte hain।

2009 ki vidaai 2010 ki badhaai - raatri 12 baje ke baad:-

sabhi ne happy new year kaha, lekin ham aap sabhi ke liye sada happy hai, aaj ki duniya ke hisaab se happy new year kiya lekin sangamayug ka har din hamaara utsav hai। sada utsav rehta hai kyonki utsaah rehta hai। sangamayug ka happy sangamayug hai। to aap sabhi ko bahut-bahut-bahut parivartan ki mubaarak ho, mubaarak ho, mubaarak ho। jaise naya varsha hai vaise naye sanskaar, puraane sanskaar ko vidaai aur naye sanskaar ka aagman iseelie sada hi harshit hai aur sada hi harshit rahenge, hamaare liye aapke liye har varsha kalyaankaari hai, aage badhne badhaane vaala hai isliye sada happy, happy, happy।