बुधवार 31 मार्च 2010 की अव्यक्त मुरली

31-03-10 om shanti avyakt baapdaada madhuban

‘‘poorvaj aur poojya ke svamaan mein rah mansa dvaara sarva ki paalna karo, poore vriksha ko sakaash do’’

aaj baapdaada apne chaaron or ke poorvaj aur poojya aatmaon ko dekh rahe hain। poorvaj aatmaayen apne ko samajhte ho na। poojya aatmaon ka nivaas kahaan hain? apne jhaad ko saamne laao usmein dekho, aapka sthaan kahaan hai? jaante ho ki aap poorvajon ka sthaan jad mein hai। jhaad ke jad mein bhi hai, tana mein bhi hai। to jad ke dvaara hi saare vriksha ko paalna milti hai। to aap is saare vriksha ke taal taaliyaan va patton ki paalna karne vaale, sakaash dene vaale poorvaj ho। poorvaj ke saath poojya bhi ho। tana dvaara last patte ko bhi sakaash milti hai। to apne ko saare vriksha ko sakaash dene vaale anubhav karte ho? nasha rehta hai ki ham poorvaj sarva aatmaon roopi taal taaliyaan ya patton ko sakaash de rahe hain! jaise brahma baap ko great great grand father kehte hain to unke aap bachche saathi bhi master great great grand father ho। saare vriksha ke aatmaon ki aap poorvaj aatmaon ki taraph aakarshan hai। aap poorvaj aatmaayen unhon ki paalna shaktiyon dvaara karte। jaise aap sabhi poorvaj aatmaon ki paalna baap ne ki to baap ne kaise ki? shaktiyon dvaara। vaise aap bhi poorvaj ke naate se shaktiyon dvaara unhon ki paalna karne vaale ho। aajkal dekhte ho ki sabhi aatmaayen duhkhi hain, pukaar rahi hain, apne-apne devi devtaaon ko, aao hamaari raksha karo। humein shanti do, humein shakti do। O kshama ke saagar poorvaj humein paalna do। to yeh aavaaj aap poorvaj aatmaon ke kaanon mein sunaai de raha hai? anubhav karte ho ki ham hi poorvaj hain? saare vriksha mein dekho jo bhi anya dharma vaali aatmaayen bhi hain to vriksha mein taal taaliyaan hone ke kaaran woh bhi aapko usi najar se dekhte hain। unhon ke bhi poorvaj aap hi ho। koi bhi dharma vaali aatmaon se aap jab milte ho to yeh samajhte ho ki yeh bhi hamaare hi vriksha ki taal taaliyaan hain! woh bhi jab aapse milte hain to samajhte hain ki yeh apne hain! apnepan ka anubhav un aatmaon ko bhi ho raha hai aur hona hai। to itna nasha, itna andar se aap logon ke paas raham aata hai? woh chilla rahe hain raham karo to abhi samay anusaar aap sabhi poorvaj aatmaon ko mansa dvaara shaktiyon ki paalna karni hai। unhon ko aavashyakta hai। to jitna aap apne poorvaj ke nashe mein rahenge utna hi aap dvaara unhon ki paalna hogi। vaise bhi dekho kisi ki bhi paalna laukik mein bhi badon se hoti hai। vahi unhon ke shareer ke khaane peene, padhaai jo source aaph income hai, unka prabandha karte hain। to jaise baap ne aap sabhi bachchon ki bhinna-bhinna shaktiyon se paalna ki hai vaise abhi aapka kaarya hai saare vriksha ke taal taaliyon aur patton ki paalna karna। aisa umang aap poorvaj aatmaon ko aata hai? nasha hai poojya bhi ho। dekho, saare drama mein jitni aap aatmaon ki kaayde pramaan pooja hoti hai utni pooja koi bhi mahaatma, dharma pita ki nahin hoti। aapki pooja niyam pramaan aarti hona, bhog lagna, aisi kiski bhi nahin hoti। gaayan dekho aapka kaayde pramaan keertan hota hai। kisi ka bhi aise gaayan nahin hota। to aap poorvaj ke saath poojya bhi ho। drama mein aap jaisa poojan aur gaayan kisi ka bhi nahin hai।

to baapdaada aisi aap poojya aur poorvaj aatmaon ko dekh kitna khush hote hain! baap ke dil se baar-baar yeh geet bajta vaah mere sarva vriksha ke poorvaj aur poojya aatmaayen vaah! to aajkal baapdaada aap sabhi bachchon ko jo aapka svamaan hai, baap samaan sampanna sampoorn banne ka, vahi roop dekhne chaahte hain। uske liye ek baat bachchon ko dhyaan mein rakhni hai, baapdaada ne dekha ki sabhi bachche purooshaartha bahut achha bhi karte hain lekin sada shabd har ek ko apne purooshaartha mein add karna hai। attention dena hai। baapdaada bachchon se poochhte hain ki jaise baapdaada aap sabhi bachchon ko shreshtha svamaandhaari aatma ke roop se dekhte hain vaise aap apne ko bhi aise svamaandhaari samajhte ho? to baapdaada ne dekha javaab mein kya kehte? rehte to hain, lakshya to yahi hai, haath bhi uthaate hain, phir dheere se kehte kabhi-kabhi ho jaata hai। to baapdaada abhi kabhi-kabhi shabd ko samaapta karne chaahte hain kyonki samay samaapta hone ke sameep aa raha hai। aur laane vaale kaun? bachche baap se poochhte hain baba aap time bata do, 20 varsha hain, 16 varsha hain, 10 varsha hai, kitna hai? aur baap phir bachchon se prashn poochhte hain ki samay ko sameep laane vaale kaun hain? akela baap laayega? baap ne sthaapna ki, akela kiya? yagya racha bina braahmanon ke yagya racha? baap bachchon ke saath hai। bachche bhi kehte hain baba ham abhi bhi aapke saath hain, chalenge bhi aapke saath। to baap bachchon se poochhte hain ki samay ko sameep laane vaale bachche aap hi date fix karo। kisko date fix karni hai? baap ko ya baap ke saath aap aur baap donon ko?

to aaj is varsha ke milan ka last hai। to baapdaada ne dekha ki bachche bhi chaahte hain ki ham bhi abhi apne raajya mein chale। ab ghar jaana hai yeh bhi geet gaate rehte hain, man mein। ab ghar jaana hai, ab return journey karni hai। iske liye baapdaada ne pahle hi kaha ki saara samay apne ko koi na koi seva mein busy rakho। baapdaada ne dekha hai seva ki roochi, seva ka umang-utsaah abhi bhi bachchon mein hai। achhi seva ke samaachaar bhi baapdaada sunte hain। lekin baapdaada teevragti mein aage badhne ke liye bachchon ko vishesh attention dilaate hain ki sirf ek vaacha ki seva nahin, seva karte ho to ek hi samay par teen sevaayen ikatthi karo - mansa dvaara sakaash do, vaacha dvaara gyaan do aur karmana arthaat apne samparka dvaara, sambandh dvaara, chehre dvaara aisi seva karo jo uska bhi prabhaav saath-saath seva mein ho। ek samay mein teen seva ikatthi karo kyonki abhi aatmaayen seva ke liye chaahti hain, kuchh pharka ho। kuchh badalna chaahiye। to ek samay par teenon seva kar sakte ho? kar sakte ho? check karte ho ki jis samay vaani ki service karte us samay mansa dvaara aur karmana arthaat samparka-sambandh dvaara bhi seva ho rahi hai! hoti hai saath-saath? jo samajhte hain ki ham ek hi samay mein teen seva karte hain, woh haath uthaao। karte hain, teenon seva? achha, pahli line kam utha rahi hai kyon? kyon? pahli line soch rahi hai? yeh madhuban vaale karte hain? madhuban vaale haath uthaao, karte hain to haath uthaao। ek hi samay teen seva। to abhi attention please। kabhi kabhi nahin। kya hota hai? seva to karte hain lekin seva mein saath-saath apne mein aur saathiyon mein santushtata kyonki seva ka phal hai santushtata va khushi। to check karo seva to ki lekin pahle bhi sunaaya ki seva ki khushi tab hoti hai jab svayan saathi aur vaayumandal jab sabhi santushtata ke vibration mein ho। seva ke saphalta ki teen baaten vishesh sunaai thi, yaad hogi। pahla number seva arthaat nimitta bhaav। doosra - nirmaan bhaavna। teesra - nirmal vaani। bhaav, bhaavna aur svabhaav। yeh sabhi saath-saath seva mein hai to svayan bhi santushta aur saathi bhi santushta aur jinhon ki seva ki woh bhi aage badhte jaayen। nimitta bhaav vaale baap ke taraph sambandh jodenge। agar nimitta bhaav nahin to baap ke najdeek itne nahin aayenge। to jab bhi seva karte ho to yeh check karo ki bhaav, bhaavna aur svabhaav theek raha? aur aajkal baapdaada ne dekha ki jo mool baat hai, baapdaada ki। har ek ko aur apne ko chaahe kahaan bhi seva ke liye jaate ho, to yeh check karo ki saathi santushta rahe? kyonki seva ki saphalta hai santushtata ka phal praapta ho। khushi praapta ho। saath-saath ek baat baapdaada ishaara dete hain ki chalte phirte, sangathan mein bhi rehte ho, koi na koi saath mein seva mein hota hi hai, to ek do ko aatma ke roop mein dekho। aatma ke roop mein dekhte bhi hain, abhyaas bhi karte hain, lekin jab aatma dekhte ho to aatma ke original sanskaar se dekhte ho? ya jo mix sanskaar hain, woh bhi dikhaai dete hain? aatma dekho ismen paas ho, lekin kis sanskaar se dekhte ho? kya aatma ke original sanskaar se connection mein aate ho? ya vartamaan sanskaar bhi aate hain saamne?to baap kehte hain ki aaj se kisi ko bhi ek to aatma roop mein dekho lekin aatma ke jo original sanskaar hain us roop mein dekho। to kabhi bhi aapas mein jo kabhi kabhi baaten ho jaati hain, woh nahin hongi। abhi aatma roop mein dekhte ho lekin jo saath mein woh bhi aa jaata hai, vartamaan sanskaar। to aapas mein jo sampoorn sthiti honi chaahiye, usmein doori pad jaati hai। to original sanskaar vaali aatma dekho। to yeh jo abhi sangathan mein rookaavat aati hai woh rookaavat khatma ho jaayegi।

yeh brahman parivaar shreshtha parivaar hai। parivaar ki bahut mahima hai। yeh eeshvareey parivaar baar-baar nahin milta। kalpa mein ek hi baar yeh eeshvareey parivaar mila hai, itna bada parivaar saare kalpa mein kabhi nahin milta। parivaar ki bhi visheshta ko jaanna aur parivaar mein chalna, ek mahaan subject hai। pahle bhi sunaaya tha ki is gyaan ka foundation hai nishchay aur nishchay mein chaar baaten hain। baap, daada saath mein hai hi aur knowledge mein, drama mein, parivaar mein sabhi mein nishchay hai। to nishchay buddhi ho, sahaj purooshaarthi ban jaate ho। jaise baapdaada mein nishchay hai aise parivaar mein bhi nishchay aavashyak hai। jaise dekho jab aap koi bhi baat ki packing karte ho to kya karte ho? chaar hi taraph tight karte ho na, ek taraph bhi agar tight nahin kiya to halchal hoti hai। aise hi baap, knowledge, knowledge mein bhi vishesh drama aur parivaar। agar chaar hi baaten majboot nahin hain to vighna aate hain। vighnon ko paar karne mein attention dena padta hai। isliye parivaar ki pahchaan, parivaar se pyaar, ek do ko samajhna, yeh bahut aavashyak hai।

to poorvaj ho, poojya ho, to yeh baaten bhi apne mein ya saathiyon mein laani hai। kya bhi ho, nambarvaar to hain na! lekin brahman parivaar ka vishesh kaarya hai dua dena, dua lena। kai bachche kehte hain ki doosra krodh karta hai, abhi dua lega kaise! dua to lega nahin, krodh karega। baapdaada kehte hain achha sanskaar vash woh baddua deta hai, aap dua dene chaahte ho lekin woh baddua deta hai, lekin baddua di lene vaala kaun? lene vaale aap ho ya woh hai? woh dene vaala hai aap lene vaale hain। to uski baddua aapne li kyon? agar aatma ko original sanskaar se dekho to aapko raham aayega। svayan bhi safe raho, baddua lo nahin, lene vaale aap ho। na do na lo।

to abhi baapdaada aaj ka ya jab tak phir aana ho tab tak ka homework dete hain ki kabhi bhi kisi ko aatma roop mein dekho to vartamaan sanskaar ke roop mein nahin dekho। aatma kaha to aatma ko niji sanskaar aatma ke jo hain us niji sanskaar ke roop mein, sambandh mein bhi aao aur drishti mein bhi usi drishti mein dekho to yeh jo vighna padte hain jiske kaaran purooshaartha mein teevrata nahin aati hai, to abhi vritti badlenge, drishti badlenge to baaten samaapta ho jaayengi। kisi ki kya bhi baaten dekhte ho, baapdaada ne pahle bhi kaha hai to sada aap brahman parivaar ka ek ek ka pharja hai shubh bhaavna, shubh kaamna dena aur shubh bhaavna, shubh kaamna lena। us sanskaar se dekho aur chalo। ek aur bhi baat bataate hain - pahle bhi bataaya hai to kahaan kahaan sangathan mein kabhi kabhi pardarshan, parchintan aur parmat ke taraph aakarshit ho jaate hain। abhi in teen par ko kaat do, ek par rakho woh ek par hai par upkaar। par upkaar karna hai, par upkaari hain, brahman ka svabhaav hai par upkaari। pardarshan nahin, yeh par kaat do। yeh teenon bahut nuksaan dete hain। iseelie apna svamaan sada yahi yaad rakho ki mujh brahman aatma ka svamaan hi hai par upkaari। to doosri season mein baapdaada har ek bachche mein yeh parivartan dekhne chaahte hain। ho sakta hai? ho sakta hai? haath uthaao। haath uthaane mein to theek। to kya karna? achha hai baapdaada mubaarak dete hain, ek do ko attention dilaate rehna। kya karna?roz raat ko sone ke pahle baapdaada ko good night karne ke pahle apne saare din ka potaamel dena। achha kiya ya bura kiya?jo bhi kiya woh potaamel deke aur apne buddhi ko khaali karke good night karna। baap se bhi aur baap ki yaad mein hi aap bhi so jaana। aapki neend bahut achhi hogi। pahle khaali karna apne ko, buddhi mein koi baat nahin rakhna, baap ke roop mein saara potaamel sachchi dil ka de diya to aapko dharmaraajpuri mein jaane ki aavashyakta nahin padegi। sachchi dil par saaheb raaji ho jaayega। to hom work mila - ek to apne poorvaj aur poojya swaroop ki seva chalte phirte kar sakte ho। baap ne dekha yeh janak bachchi ne tabiyat kharaab hote, karaachi ki seva mein vishesh mansa sakaash di chaahe nimitta koi bhi hai lekin isne practical mein kiya। vahaan ki aatmaon ko sakaash mili। aur aage-aage umang mein badh rahe hain। to aise baapdaada ne practical example dekha to aap sabhi bhi kar sakte ho। duhkhi ko khushi ki lahar pahuncha sakte ho। chillaane vaale ko, aapke hi bhakta aapko hi pukaar rahe hain hamaari devi hamaara devta kab aake raham karenge। aapko sunaai nahin deta lekin baap ko bahut sunaai deta hai। har ek eeshta ko, aap nahin jaante ho ki hamaare bhakta kaun se hain lekin bhakta to jaante hain na। woh to pukaarte hain aur aap har brahman aatma ke bhakta hain। chaahe dheele hon chaahe hoshiyaar ho, bhakta aapke bhi hain। kyonki jad mein baithe ho na to aapka sakaash ka part hai। to abhi mansa seva ko badhaao। aur jitna busy rahenge na utna nirvighna rahenge। kar sakte ho na! mansa seva karna jaante ho na! jaante ho? haath uthaao jaante ho। achha haath neeche karo। jaante ho, achha jo karte rehte hain beech-beech mein, woh haath uthaao। karte rehte hain, achha। achha niyam poorvak karte hain ya kabhi kabhi? agar kabhi kabhi karte hain to usko regular karo aur agar thodi karte hain usko aur badhaao। kyonki saare kalpa ka aadhaar abhi ki seva ka phal hai। chaahe pujaari banenge chaahe raajya adhikaari banenge donon ka aadhaar abhi ki seva, abhi ki avastha, abhi ka bol, abhi ka sambandh samparka hai। isliye baapdaada yahi chaahte hain ki agle baari jab aayen, pahle baari। aap soch rahe honge baap ne to kah diya kab tak chalega? iska matlab yeh hai ki aap ever ready raho। iseelie pahle baari sabka result lenge। jitni percent abhi hai, usse badhni chaahiye। vaise to baapdaada pahle se hi kehte hain karna hai to abhi karo। kabhi nahin। baapdaada ko kabhi ke geet bahut sunaate hain। bahut achhe achhe karke sunaate hain lekin baapdaada ko kabhi ke geet achhe nahin lagte। abhi abhi ke geet achhe lagte। turat daan mahaapunya। to samjha agle varsha ke liye kya karna hai? achha।

seva ka tarna mahaaraashtra zone ka hai:- achha yeh scene sabhi ko dikhaao। abhi dekho mahaaraashtra ka pauna class hai। puraane hain ya naye hain lekin mahaaraashtra ke hain। achha jo khade hue hain usmein jo regular student hain, seva karne vaale hain, centre sambhaalne vaale hain woh baith jaao। to bhi dekho naye bhi kitne hain। achha jo naye hain woh utho aur sabhi baith jaao। achha। nayon ki bhi sankhya to kaaphi hai, baapdaada khush hote hain ki toolate ke pahle aa gaye ho। iseelie aap sabhi aane vaalon ko mubaarak hai। aane vaalon ko baapdaada yahi vardaan dete hain ki thode samay mein fast purooshaartha teevra purooshaartha kar aage badh sakte ho। agar har samay attention rakhenge, parivartan karne ka aur saare din mein apne padhaai aur praapti ikatthi karte rahenge to aap bhi aage badh sakte ho। chance hai। abhi toolate nahin hai, let hai iseelie aap jitna ho sake utna apne chaar hi subject mein, padhaai mein attention dete rehna। baap bhi dekhte rehte hain kaun-kaun last vaala bhi fast jaata hai। aise nahin hai ki nahin jaate hain, jaate hain। to baap ki to ek ek bachche mein yahi aasha hai ki har ek bachcha aage se aage jaaye aur apna svaraajya aur baapdaada ke dil ka takhta le। achha।

mahaaraashtra naam hi maha hai। pahle maha aata hai na! to mahaan aatmaayen to ho aur mahaan aatmaon mein mahaan umang-utsaah teevra purooshaartha sada baap ki aashaaon ko practical mein laane ka lakshya aur lakshan bhi hai। donon hai na! lakshya bhi hai aur lakshan bhi hai। samaan hai ya pharka hai? jitna bada lakshya hai utna hi lakshan ki bhi speed hai va pharka hai?jo samajhte hain ki lakshya ooncha hai aur lakshan ke taraph bhi attention itna hi hai, woh haath uthaao। lakshya aur lakshan hain? woh thodon ne uthaaya hai। abhi mahaaraashtra ki ek ek aatma amritvele baapdaada se milan manaane ke baad yeh attention dena ki aaj ke din lakshya aur lakshan ek karna hai। yeh kar sakte ho na! aur raat ko baapdaada ko samaachaar dena ki aaj ke din lakshya aur lakshan samaan raha ya pharka raha! aur doosre din khaas attention rakhke jo kami hui na usko bharna। teesre din us kami ko sada ke liye samaapta karna। aise aage aage badhte rehna। to mahaaraashtra number one ho jaayega na! sabmen। chaar hi subject mein। gyaan, yog, dhaarna… dhaarna ko pahla number rakhna। dhaarna mein number one ho sakta hai! ho sakta hai? teachers ho sakta hai? haath uthaao। karna padega, aise nahin। jo karenge woh haath uthaao। achha hai। jitni sankhya hai aur teachers ne haath uthaaya hai to baapdaada vardaan deta hai ki baap bhi extra madad denge kyonki mahaaraashtra hai। kamaal karke dikhaana। baba kahenge aur extra taakat anubhav karenge। dil se kehna baba to extra madad anubhav hogi। baapdaada ka attention rahega। achha hai। aap karenge na practical to sabko umang aayega। koi bhi baat aave na, aap nahin kar sakte ho, himmat thodi kam hai to extra baap ko jo apna himmat kam karne vaala kaam hai, use baba ko supurda kar do, baba main yeh nahin kar sakti hoon। aap le lo। main yeh sankalp mein bhi nahin laaoongi। bilkul us sankalp ko aane nahin dena। de do। vaapas aave to dil mein nahin rakhna। phir vaapas kar dena। baapdaada chaahta hai ki mera ek ek bachcha jo soche woh karke dikhaave। sochte to sabhi achha hain, to karna!। paandav bhi karenge na! karenge? paandav haath uthaao karenge? achha। phir baapdaada bahut ek achhi baat sunaayega, karne ke baad। achha। baaki seva to achhi kar rahe hain। aapne kya certificate diya। achhi ho rahi hai seva।

double videshi :- double videshiyon ko baapdaada ek baat ki bahut-bahut mubaarak dete hain। kaun si baat ki? double videshiyon mein ek visheshta dekhi jo pahle apna culture badalna mushkil lagta tha, Indian culture mushkil lagta tha lekin abhi yeh problem majority samaapta hai। abhi kai aatmaon mein jo hai videshi lekin purooshaartha mein achhe hain, unhon ko aisi mahsoosta aati hai ki ham to the hi baba ke, seva ke liye sirf videsh mein yeh janma liya hai। yeh dekhkar baapdaada ko is change ki khushi hai। aap mein se jo samajhte hain ham to hain hi yahaan ke, sirf seva ke liye yeh janma liya hai chaaron or seva ke liye। woh haath uthaao। yahaan ke hi the aur yahaan ke hi rahenge kyonki vaayda hai, brahma baba ke saath abhi bhi baapdaada ke saath jaayenge, pakka। saath jaayenge, kaandh hilaao। aur satayug mein bhi saath aayenge। kaandh hilaao। achha। aur dvaapar mein bhakti mein bhi saath mein rahenge। saath hi rahenge na! woh thode honge। saara kalpa brahman parivaar ke koi na koi ke samparka mein honge। yeh avinaashi naata bhinna-bhinna roop mein thoda door ya najdeek kaeeyon ka rahega। to double videshiyon mein ki yeh bhi vishesh ek kamaal hai, agar samajh mein baat aa jaati hain na to samajhne vaale dagmag nahin hote, pakke rehte hain। samajh mein aa jaaye to hilte kam hain। samajh mein jab tak nahin aayegi tab tak question bhi hoga aur thoda hilna julna hoga lekin samajh liya to pakke chalte rehte hain। aise kai bachche baba ke aankhon mein samaaye hue jo hilne vaale nahin hain। udne vaale hain। baapdaada sada videsh mein chakkar lagaane aate hain। amritvele mein bhi aate hain। to kya dekhte hain? result mein thoda-thoda missing bhi hoti hai aur koi koi mehnat karte hain। chhodte nahin hain, mehnat karke baithte hain aur mehnat mein beech beech mein saphalta bhi hoti hai। lekin jo niyam hai usmein majority achhe result mein hain। baapdaada khush hai। aur jo homework diya woh kiya hai? jisne kiya hai woh haath uthaao। krodh chhoda hai? krodh chhoda hai? haath uthaao। krodh nahin kiya? man mein। haath uthaao। thode hain। abhi yeh hom work bhi karte paas marks lena। attention hai bachchon ka, baapdaada ne total result dekhi ki jab bhi krodh karte hain na us samay aadhe mein yaad aa jaata hai, haan। aur apne ko check karte hain nahin nahin, krodh nahin karna hai। lekin thoda man mein aa jaata hai। mukh ko control kar lete hain lekin man mein aa jaata hai। lekin karna hai pakka। karna hai na! pakka hai na! sabhi ko yeh result sabhi ki baapdaada ne sunaai। chaahe India chaahe videsh। lekin saath chalna hai to yeh to baap samaan banna hi padega na। baaten to aayengi lekin baaten aati hain aur chali jaati hain aapka promise nahin jaana chaahiye। baaki baapdaada ne dekha ki videsh mein bhi vriddhi achhi ho rahi hai। programmes bhi achhe karte hain। purooshaartha ke taraph jo nimitta bane hue hain woh attention dilaate bhi achha hain। mehnat karte hain। achha। jo sada khush rehte hain, woh haath uthaao। khush rehte hain। khushi to rehti hai na! khushi jaati to nahin? khushi nahin jaani chaahiye। kyonki khushi parmaatma gift hai। parmaatma gift sambhaal ke rakhni chaahiye। baat, baat mein ho gai, khushi kyon jaaven। baat powerful ya khushi parmaatma gift? to yeh bhi koshish karo khushi nahin jaaye। sada face khushnuma rahe। khushnuma। rah sakti hai khushi? rah sakti hai? kaandh hilaao। rah sakti hai attention denge to ho jaayegi na। ho jaayegi? peechhe vaale? to baapdaada sabhi ke liye kah rahe hain ek maas ke baad sabhi se yeh chart mangaayenge ki ek hi maas khush raha? aaj ki taareekh yaad karna। sabhi ko kah rahe hain sirf foreigners ko nahin। ek maas ki trial karo, koi bhi baat aave dil mein nahin samaana। samajhna baat right hai wrong hai kya karna hai lekin dil mein nahin samaana। dil mein sama jaati hai tabhi khushi jaati hai। samajhne vaala khush rahega aur baat ko samajhke poori karega। to ek maas ka paper hai yeh। khush rehna hai। ho sakta hai? yeh sabhi haath uthaao, ho sakta hai? to baapdaada ek maas ke liye aapko ikaththi mubaarak dete hain। kyonki karna hi hai। ho jaayega, ka paath nahin, karna hi hai। aakhir bhi aap logon ke oopar chaahe naye aaye hain ya puraane, hai to brahman parivaar ke। to brahman parivaar duniya ke liye vishwa parivartak hai। to parivartak parivartan nahin karenge to vishwa ka parivartan kaise hoga! jimmevaari samjho। albelaapan chhodo। ho jaayega, ho jaayega nahin। karna hi hai। kyonki baapdaada jaante hain ki samay aap braahmanon ke rokne se rooka hua hai। samay ko sameep laane vaale aap ho। to teevra purooshaartha karo। dridh sankalp karo to ho jaayenge।roz yeh geet yaad karo ab ghar chalna hai। theek hai। achha।

baapdaada sabhi chaaron or ke bachchon ko dekh khush bhi hote hain kyonki baapdaada bachchon ke sivaae akela kuchh nahin karne chaahta। isliye har roz bachchon ka aahvaan karte rehte hain। teevra purooshaarthi bachche, meethe bachche, pyaare bachche ab chalo। achha।

chaaron or ke bachchon ko baapdaada dekhkar chaahe sammukh baithe hain, chaahe kahaan bhi baithe hain lekin sabhi ko yaad baap hai। aur baap ko bhi kaun yaad hai? chaaron or ke bachche yaad hain kyonki baap har bachchon ke liye yahi aasha rakhte hain ki har bachcha baap samaan banna hi hai। baap ki har ek bachche mein jo aashaayen hain woh jaanta hai ki nambarvaar hain lekin phir bhi apne number anusaar bhi sampanna to banna hai na। har ek ke purooshaartha ko bhi dekhte hain kya-kya kar rahe hain, baap ko bahut pyaar aata hai, jab mehnat karte hain na to bahut pyaar aata hai ki mehnat se chhoot jaaen। pyaar mein kho jaayen। jitna pyaar mein kho jaayenge utni mehnat kam aur baapdaada haath uthvaata ki baap se pyaar hai to sabhi bada-bada haath uthaate hain। baap bhi maante hain ki baap se pyaar hai, pyaar mein majority paas hain lekin baaton mein aa jaate to baap ko bhool jaate।

to chaaron or ke bachchon ko baapdaada ka padam padam guna pyaar aur dil ka dulaar sveekaar ho। sabhi ko, maalik bachchon ko baap laakh-laakh badhaaeeyaan de rahe hain। udte chalo, udaate chalo। achha।

neelu behen se:- seva dil se karti hai। seva karna arthaat dil par chadhna। to baap ke dil par chadhi hui ho। seva vyartha nahin jaati hai। padamguna badh karke phaayda deti hai। achha hai। baapdaada mubaarak de rahe hain।

daadi jaanki se:- aapki double seva hai। foreign ki bhi hai jimmevaari aur India ki bhi hai। (aapne najar mein rakha hai) najar kya lekin dil par rakha hai। achha hai। attention dena hi padta hai।

daadiyon se:- baapdaada ne dekha ki jo bhi nimitta hain, chaahe bhaai, paandav chaahe shaktiyaan। jo bhi nimitta bane hue ho woh achhi tarah se apna kaarya kar rahe ho aur baapdaada khush hota hai jab dekhte hain ki har ek apni jimmevaari achhi tarah se sambhaal rahe hain। aapas mein miljul ek ne kiya, das ne sahayog diya। chal raha hai aur chalta rahega। yagya saphal hai। aap bhi saphalta swaroop ho। sabhi theek hai। baapdaada ko koi aisa dikhaai nahin deta hai, achha dikhaai deta hai। jo jo jiske arth nimitta hai woh nimitta ban sambhaal raha hai। baapdaada sirf sampoornata ki baat karta hai। baaki kaarya theek chal raha hai।

mohini behen se:- kursa par to aa gai na। aise thode hi chhodengi। chalega। abhi to samaapti karni hai। chal raha hai, chalta rahega।

pardaadi se:- achha hai, aap ek moorti banke yagya mein ek achha darshaneey moorta bani hui ho। aapki shakla ko dekhkar sabhi khush hote hain।

nirver bhaai se:- abhi jo bhi paandav chaahe shaktiyaan jo nimitta banke kaarya kar rahe hain, woh achha kar rahe hain, achha karke aur aage se aage yagya ki jo mahima hai, yagya ke seva ki jo vriddhi hai, baap ki pratyakshata karna, woh bhi plan bana rahe ho। abhi yeh lakshya rakho ki baap ki pratyakshata ho। sab kahen ki yeh kaarya karne vaala kaun! bhagwan aa gaya, hamaara baap aa gaya, abhi yeh bhaasna aave। abhi yeh koshish karo। brahmaakumaariyon tak pahunche hain। brahmaakumaar-kumaariyaan achhe hain lekin pratyakshata to honi hai na। to aisa koi tapasya karo, seva ka plan banaao jismen yeh siddha ho jaae। baaki jo chala rahe ho woh theek chal raha hai। har ek apni-apni seva achhi kar rahe hain baaki jo parivartan laana hai, woh sabhi ke dhyaan par hai।

ramesh bhaai, usha behen se:- baapdaada ka to har kadam mein vardaan hai। achha hai donon apni tabiyat ka khyaal rakh rahe ho, yeh achha hai। (account ka kal naya varsha shuru ho raha hai) achha hai naye varsha ki mubaarak ho।