सोमवार 15 नवंबर 2010 की अव्यक्त मुरली

15-11-10 om shanti avyakt baapdaada madhuban

“sva-parivartan ki gati ko teevra kar sanskaar-svabhaav ke samaapti ka samaaroh manaao har sankalp bol aur karma mein brahma baap ko kaapi karo”

aaj baapdaada sabhi ke mastak par teen bhaagya ki chamakti hui nishaaniyaan dekh rahe hain। ek hai baap dvaara paalna ka bhaagya doosra hai shikshak roop mein shiksha ka bhaagya teesra hai satguru dvaara vardaanon ka bhaagya। teenon bhaagya chamakta hua dekh rahe hain। har ek ka mastak teenon bhaagya se chamak raha hai। aisa bhaagya aur koi ke mastak mein chamakta hua dikhaai nahin deta hai। lekin aap sabka mastak bhaagya se chamak raha hai। aap sabhi bhi apne bhaagya ko dekh rahe ho na! baapdaada ne dekha bhaagya to sabko mila hai lekin bhaagya ki chamak sabhi ki ek jaisi nahin hai। koi ki chamak bahut tej hai koi ki chamak thodi kam dikhaai deti hai। vaise baapdaada ne sabhi ko ek saath ek jaisa hi bhaagya diya hai। padhaai ek hi padhaate hain। paalna ek jaisi di hai aur vardaan bhi ek jaise diye hain। aadi ratna va peechhe aane vaale sabhi ko ek hi murli dvaara paalna milti hai padhaai milti hai। vardaan bhi ek hi sabhi ko milte hain। aadi ratnon ki murli alag nahin hoti ek hi hoti hai। lekin nambarvaar chamakta hua bhaagya dikhaai de raha hai। baap ke pyaar ki paalna sabhi ko ek jaisi mil rahi hai। har ek ke mukh se yahi nikalta “mera baba” chaahe aage aane vaale chaahe peechhe aane vaale lekin har ek apne adhikaar se kehte mera baba। kisi se bhi poochho baap se pyaar mila hai? to phalak se kehte mere ko baap ka pyaar sabse jyaada milta hai। yeh mera baba dil se kahne vaale kya phalak se kehte hain? ki mera pyaar sabse jyaada hai। baba ka pyaar pahle mere se hai kyonki pyaar hi baap ki paalna hai। is mera baba maanne se aap baba ke ban gaye aur baap aapka ban gaya।

aaj aap sabhi aaye ho to pyaar ke plen mein aaye ho। pyaar ne kheench ke sabhi ko yahaan laaya hai। sabhi pyaar se aaraam se pahunch gaye। yeh parmaatma pyaar sirf abhi sangam par praapta hota hai। dev aatmaon ka pyaar praapta hota hai lekin parmaatma pyaar is ek janma mein praapta hota hai। to baapdaada bhi aise paatra aatmaon ko dekh kya kehte hain? vaah bachche vaah! aap hi koton mein koi paatra bane hain aur har kalpa aap hi paatra banenge। aisa nasha chalte phirte rehta hai na! aapki dil bhi yeh geet gaati hai vaah mera bhaagya! yeh geet gaate rehte ho na! baap ko bhi khushi hoti hai ki yeh sabhi bachche adhikaari hain। apne ko koi bhi parmaatma pyaar mein kam nahin samajhte। pyaar mein sab paas hain। baapdaada poochhte hain ki sabse jyaada pyaar kiska hai? to kaun kahenge? sab jaante hain ki hamaara pyaar kam nahin hai baap bhi kehte hain ki pyaar ki subject mein sabhi paas hain tab mera baba kehte hain। kitna pyaar hai woh har ek jaanta hai। to baapdaada ne dekha ki pyaar mein to sab paas hain lekin abhi samay ke pramaan sva parivartan uski bhi aavashyakta hai। sirf sva parivartan vishesh sunaaya bhi tha ki is samay sva parivartan mein vishesh sanskaar parivartan svabhaav parivartan uski aavashyakta hai।

abhi naya varsha shuru hua hai to sva parivartan ki gati fast chaahiye। karte bhi ho attention bhi hai lekin gati abhi fast chaahiye। baapdaada ko yaad hai pahle bhi baap se vaayda kiya ki naye varsha mein sva parivartan sanskaar parivartan karna hi hai lekin baapdaada ne dekha ki sanskaar parivartan mein jitna fast purooshaartha chaahiye uski gati aur fast chaahiye। aap sabhi kya samajhte ho ki samay pramaan jitni fast gati chaahiye us anusaar har ek ka teevra purooshaartha hai ya aur hona chaahiye? kyonki samay anusaar samay mein parivartan fast ho raha hai to aapka bhi teevra parivartan tab hoga jo sankalp kiya aur hua aythaartha sankalp aisa samaapta hona chaahiye jaise koi kaagaj par bindi lagaao। kitne mein lagegi? aythaartha arthaat phaaltu sankalp itna fast parivartan hona chaahiye। kya aisi gati jo baapdaada chaahte hain yeh kar sakte ho? hai himmat? jo samajhte hain ki ab se itni raphtaar se bindi laga sakte hain himmate bachche madde baap woh haath uthaao। baapdaada bachchon ka dridh sankalp dekh mubaarak dete hain। baapdaada ne pahle bhi sunaaya hai ki dridh sankalp ke sankalp hain - karna hi hai।

to aaj ki sabha mein sabhi ne yeh dridh sankalp kiya hai na! aapne dekha daadiyon ne dekha sabhi ne haath majority ne uthaaya। dekha! to kal se svabhaav sanskaar samaapti ki ceremony manaani chaahiye। manaayen? jinhonne haath uthaaya woh haath uthaao ceremony manaayen? iski ceremony to bahut dhoomdhaam se manaana। jaise lakshya himmat ka rakha hai vaise lakshan bhi himmat ka rakhenge to koi badi baat nahin hai। jab lakshya hi hai baap samaan banne ka to abhi lakshya aur lakshan ek karna hai। follow brahma baap। jo bhi sankalp bol karma karo pahle brahma baap se milaao। copy karo। duniya mein copy karna mana hai lekin baapdaada kehte hain brahma baap ko copy karo। niraakaar baap ke liye to kahenge usko deh nahin to dehbhaan kya hai! lekin brahma baap dehdhaari rahe hain। vaastav mein dekho aap jo surrender hue surrender hone vaale haath uthaao jo surrender hain woh haath uthaao। jab surrender kiya to kya sankalp kiya? tan man dhan sab baap aapka। aise kiya na! kiya? kiya tha? ismen haath uthaao। to abhi surrender kiya mera nahin tan bhi mera nahin dhan bhi mera nahin jaise brahma baap ne baap ko sevaartha shareer de diya to brahma baap jaante the ki yeh shareer mera nahin sevaartha hai। to jab aapne tan man dhan teenon arpan kiya to aapka shareer baap ke sevaartha nimitta hai। jaise brahma baap ka shareer seva arth raha। to aapka shareer aapka nahin hai sevaartha hai। to yeh jo sanskaar hain deh abhimaan va dehbhaan ka yeh hona chaahiye? agar yeh smriti mein rakho ki yeh tan vishwa seva arth hai mera nahin hai baap ne aapko sevaartha diya hai। to dehbhaan va deh abhimaan deh abhimaan jyaada nuksaan karta hai। dehbhaan usse halka hai lekin donon jab de diya form bharte ho to kya likhte ho? teachers form bharaati ho na to kya bharaati ho? ki yeh mera jeevan abhi seva prati hai। sabhi ne jo bhi brahman bane hain un sabhi ka baap se vaayda hai tan man dhan baap ka mera nahin। to yeh sanskaar jo paida hote hain woh deh bhaan ya deh abhimaan mein hote hain isliye jo aaj bhi vaayda kiya hai sanskaar samaapti ka kyonki jo vighna daalte hain baap ko pratyaksha karne mein sabhi ko umang yeh hai baapdaada sunte rehte hain kehte bhi rehte ho ki baap ko pratyaksha karna hai abhi tak brahmaakumaariyaan brahmaakumaar pratyaksha hue hain bhagwan baap aa gaya yeh baap ki pratyakshata gupta hai। purooshaartha kar rahe hain lekin yeh pratyaksha aavaaj phaile hamaara baap aa gaya bhagvaanuvaach hai na ki brahmaakumaariyon ke vaach hain। abhi yeh pratyakshata honi hi hai yeh svabhaav sanskaar parivartan hona aap ek-ek ke chehre aur chalan se pratyaksha hoga। baap ko pratyaksha karna hai kar rahe hain lekin sabke kaanon mein yeh aavaaj goonje bhagwan aa gaya baap aa gaya hona hai na! haath uthaao hona hai hona hai? haath to bahut achha uthaaya। baapdaada khush hai ki sabhi ke man mein lagan hai aur hona hi hai। iske liye jaise kal se sanskaar svabhaav ko parivartan karenge vaise hi uska saadhan hai ki har ek jo bhi brahman hain har brahman ko apne chart mein shubh bhaavna shubh kaamna ka vishesh attention rakhna hoga। jaise duniya vaalon ko kaam diya ki kitna samay shubh bhaavna kaamna rakh sakte hain unko kaha rakh sakte hain aur aap to rakh hi sakte hain। kisi bhi samay kiska bhi svabhaav sanskaar tab saamna karta hai jab shubh bhaavna shubh kaamna us aatma prati us samay nahin hai। to aap bhi agar amritvele se yeh sankalp karo ki mujhe har aatma prati shubh bhaavna shubh kaamna rakhni hi hai to jo sankalp kiya parivartan karna hi hai woh poora kar sakenge। baaten aayengi baaton ka kaam hai aana maaya hai na! aur aapka kaam hai vijay praapta karna। to kal aapas mein group banaake jo nimitta hain unhon ko aapas mein roohrihaan kar jo sankalp kiya hai usko aage practical mein kaise laayen us par roohrihaan karna। finish bindi laga dena। haath to uthaaya hai na! aage vaalon ne haath uthaaya। to aapko nimitta banna padega। jaise brahma baap ke aage kitne sanskaar vaale pahle-pahle aaye aadi mein brahma baap ne kitne sanskaaron ka khel dekha। lekin baap ke sahayog se aage badhte auron ko bhi badhaate rahe jiski result aaj kitni sankhya ho gai hai। hilaane vaali baaten aate bhi achal rahe। uska parinaam kitne centre khule kitne programme ho rahe hain।

aajkal kitne programme ho rahe hain? hue hain na! yeh saari result brahma baap ki himmat pahle akela brahma baap tha aap peechhe aaye ho lekin akela himmat rakh aage badha। result mein practical pramaan aap sab saathi ho। to hai na himmat! brahma baap ne akela himmat rakhi aap to bahut saathi hain। to follow father। sabhi apne ko brahma baap ke bachche saathi bachche samajhte ho na saath hain saath chalenge aur brahma baap ke saath raajya mein aayenge। to abhi samay hai jaise brahma baap ne himmat rakhi result dekh rahe ho to itne sangathan mein himmat ka paanv rakho to kya nahin ho sakta hai! kalpa kalpa hua hai hona hi hai।

to abhi baap kya chaahta hai woh sunaaya। sirf aap sabhi ek baat karo woh ek baat hai saadhaaran purooshaartha ko teevra purooshaartha mein parivartan karo। baapdaada ne dekha ki kahaan kahaan albelaapan ho hi jaana hai vijay to hamaara janma siddha adhikaar hai aise gyaan ke hisaab se nishchit hai lekin albelepan mein bhi yahi shabd aate hain hamaari vijay to hai hi hui padi hai। koi kaam rooka nahin hai hona hi hai। ek hai purooshaartha ke yeh shabd doosre albelepan ke bhi yahi shabd hai। koi kaam rookna nahin hai hona hi hai… to yeh albelaapan hai yeh bhi sanskaar check karna। albelepan ki nishaani hai ki unke jeevan mein chhoti-chhoti baaton mein thakaavat dikhaai degi। shakla mein woh khushi ki jhalak nahin dikhaai degi seva se punya ban raha hai to chehre par khushi honi chaahiye। kisi na kisi prakaar ki thakaavat ka kaaran koi na koi baat ka albelaapan hai। jab karna hi hai to khushi se karo। chehra aapki seva kare chalan aapki seva kare। to aaj majority ka sanskaar samaapti ka haath dekh baapdaada baar-baar mubaarak de raha hai।

achha - is group mein jo pahli baar aaye hain woh utho। dekha kitne hain? bahut hain। haath hilaao। jo pahli baar aaye hain unko apne baap se milne ki mubaarak ho। to vishesh samay pramaan abhi aapko teevra purooshaartha karna padega aur baapdaada ka yeh kehna hai ki jo teevra purooshaartha karega dheela dhaala nahin woh last so fast aur fast so first ho jaayega। aisi kamaal karna। chance hai। aise nahin samjho ham to aaye last hain nahin fast ja sakte ho। lekin har samay teevra purooshaartha karna hi hai। badalna hi hai। ge-ge nahin karna dekhenge sochenge… ge-ge nahin karna। achha hai apna ghar daata ka ghar achha laga na! to sabhi bhaai bahinen bhi aapka svaagat karte hain। achha।

abhi chaaron or ke brahman bachchon ko baapdaada ka sneh bhara yaadapyaar sveekaar ho baapdaada jaante hain door baithe bhi kai bachche dekh bhi rahe hain milan bhi mana rahe hain un chaaron or ke bachchon ko baapdaada yahi kehte jaise abhi sabhi majority ne haath uthaaya sanskaar samaapta abhi aap sabhi bhi milkar ek hi sankalp roopi haath utha hi rahe ho ki ham sab milkar samaapti ke samay ko sameep laane ke liye yeh sankalp kar rahe hain aur chaaron or sampoorn samay hone par brahma baap shiv baap donon ko pratyaksha karenge ki hamaara baap aa gaya। sabke mukh par baap ki pratyakshata ho jaae abhi is varsha mein yahi dridh sankalp rakho ki baap ko pratyaksha karna hi hai। aadha kaam to kiya hai bachchon ko baap ne vishwa ke aage pratyaksha kiya hai abhi bachchon ka kaarya hai bhagwan aa gaya yeh aavaaj vishwa ke ek ek bachche tak pahunche। to sabhi ko baapdaada dekh har ek ko dil ka sneh dil ka pyaar dil ke umang utsaah sahit yaadapyaar de rahe hain। achha।

seva ka tarna karnaatak zone ka hai:- seva ka chance lena arthaat baap ke sameep aane ka chance milna। dekho seva ke kaaran kitne logon ko aane ka chance milta hai। sabki duaayen aap nimitta teachers ko milti hain kyonki seva ki himmat rakhi aur chance itnon ko mila। baapdaada ne dekha ki naye naye bhi pahle baari bahut aaye hain jo pahle baari aaye hain karnaatak vaale woh lamba haath uthaao। pahle baari bhi bahut aaye hain। achha hai। karnaatak ki vriddhi achhi hai abhi jaise vriddhi hui hai vaise teevra purooshaartha ki vidhi uski bhi chaaron or lahar phailaao। number le lo। sanskaar samaapti ka number le lo। le sakte ho? jo samajhte hain ham pahla number le sakte hain woh haath uthaao। achha hai। aisa aapas mein sangathan karke programme banaao sab ek hain। bhinna-bhinna sthaan hain lekin hain ek। yeh kamaal karke dikhaao। hai na himmat? himmat hai? to baapdaada ke paas samaachaar to aata rehta hai। to madhuban mein har maas apne parivartan ka samaachaar likhna। likhenge na! har maas ka। beeti so beeti ab number one hoke dikhaao। achha hai। baapdaada ne dekha seva achhi hai abhi sangathan dekhna chaahte hain। example bano। ready। ready hain? haath uthaao। aap dekhna ek maas mein result aayegi। achha bahut-bahut vishesh yaadapyaar।

CAD group:- achha - naam hi dilvaale hain to dil vaale to sada dil mein samaaye hue ho। achha kiya hai aap dil ke nimitta example bane ho auron ke bhi lekin kitna ooncha bhaagya banaane ke nimitta bante ho। to baapdaada ko pasanda hai ki dil vaale auron ki bhi seva achhi karte hain। jo nimitta bane hain apna samaachaar sunaakar auron ko bhi baap ka banaane ke aise nimitta banne ka chance lene vaalon ko baapdaada mubaarak dete hain। sabko yahi mubaarak hai ki aage badhte chalo aur auron ko bhi badhaate chalo। baaki baapdaada ko yeh seva pasanda hai। sirf beemaari ki nahin parmaatma dil mein samaane ka bhi chance milta hai to badhte raho auron ko bhi aage badhaate raho।

double videshi:- baapdaada ko achha lagta hai har group mein videshi bhi aate hi hain। to baapdaada ne dekha ki videshiyon ko jaise double foreigners ka title dete hain vaise double pyaar hai। baba kahne se khushi mein jhoomte hain। seva bhi karte hain double seva bhi karte us government ki bhi aur almighty government ki bhi। aise baba se pyaar bhi bahut achha hai। pharka bhi bahut achha aa raha hai। abhi sabhi parmaatma culture ke ho gaye hain। foreign culture nahin parmaatma culture vaale। sahaj ho gaye hain। pahle sochte the yeh culture kaise badle lekin abhi baba ne dekha hai ki aise samajhte hain ki hamaara pahle yahi culture tha vahi culture ban gaya। sahaj mushkil nahin lagta hai kyon? kyonki har kalpa mein aap baap ke bane hain woh kalpa pahle vaala apna hak le rahe hain। bahut achha। purooshaartha mein bhi aage badh rahe ho yeh baba ko bahut khushi hai। aap bhi double khushi mein rehte ho? double khushi hai? haath uthaao। achha lagta hai behad ka baap behad ka sangathan ho jaata hai। to baap ko bhi khushi hai ki jagah jagah se sabhi apne behad ke ghar mein pahunch jaate hain। achhi result hai aur aage bhi achhi result honi hi hai। nishchit hai। isliye aane ki mubaarak ho mubaarak ho। achha।

mohini behen se:- hisaab chuktu kar rahi hai ho jaayega।

eeshu daadi se:- yeh theek hai! mauj mein ud rahi hain।

daadi jaanki:- aapko raham bahut hai। (jaldi jaldi ho jaae) ho jaayega aapka sankalp phail raha hai। abhi madhuban foreign mein yaad aayega। abhi thodi seva jyaada ki hai। ho jaayega। daadi bhi dekhti rehti hai sabhi ke saath anubhav karti hai। achha hai।

jayanti behen se:- (jayanti behen ne videsh ka samaachaar sunaaya) achha hai yeh bhi hissa baaki hai aapka sun karke unko jo khushi milti hai woh khushi ki lahar ek se anek tak pahunchti hai। part achha mila hai chakkar lagaate raho seva karte raho। is baari foreign vaalon ne India mein bhi seva achhi ki hai chance liya hai। achha kiya hai।

ramesh bhaai se:- tabiyat theek hai। sabhi ko yaad ka return dena। ek ek ko kehna aapko laakh guna yaadapyaar।

teenon bhaaeeyon se:- achha aap sabhi bhi aapas mein baith yagya prati bhavishya kya kya karna hai badhaana hai woh plan banaao। sirf department ka nahin total yagya ya chaaron or kya kya vriddhi karni hai nirvighna aur sabhi nirvikalp kaise banen yeh plan aapas mein socho aage kya karna hai। jo route mein chal rahe hain woh to chal rahe hain lekin aage kya karna hai aise meeting karo। achha।

pardaadi se:- aapko dekh karke sabhi khush hote hain। kyon? (baba ki beti hoon) achha hai tabiyat kaisi bhi hai lekin khush rehti ho yeh khushi dekh karke khush hote hain।