गुरुवार 2 फ़रवरी 2012 की अव्यक्त मुरली

02-02-12 om shanti avyakt baapdaada madhuban

“ab smriti swaroop anubhav ki authority bano, jvaalaamukhi yog dvaara sabko light might ki kirnon ka sahayog do”

aaj baapdaada apne saamne ya chaaron taraph ke apne chhote se sansaar ko dekh harshit ho rahe hain kyonki yeh sansaar hai chhota lekin ati pyaara hai kyonki yeh sansaar ki ek-ek aatma shreshtha aatma hain। koton mein koi aatmaayen hain। baap ke varse ke adhikaari aatmaayen hain। baapdaada har bachche ko dekh khush hote hain ki yeh ek-ek bachcha raaja bachcha hai। baapdaada ne har ek bachche ko svaraajya adhikaari aur vishwa raajya adhikaari banaaya hai। is samay sabhi svaraajya adhikaari hain arthaat man-buddhi,sanskaar, karmendriyon ke raaja hain। karmendriyon ke vash nahin hain। man ke bhi maalik hain। to aise hi aap har ek bachcha apne ko man ke maalik,sanskaaron ke bhi maalik samajhte ho? aise to nahin kabhi aap man ke maalik hote va kabhi man aapka maalik hota! kyonki kehte hi ho mera man, main man nahin kehte ho। to mere ke aap maalik ho। check karo kabhi man to maalik nahin ban jaata? kyonki is samay baapdaada ne har ek ko svaraajya adhikaari ke seat par bithaaya hai। ab ke svaraajyadhaari ho aur bhavishya ka raajya to aapka hai hi। double raajya adhikaari ho। baapdaada dekhte hain har bachcha svaraajya adhikaari ke saath svamaandhaari bhi hai। to main svamaandhaari aatma hoon, is smriti mein baitho to dekho kitne svamaanon ki list aapke saamne aati hai। anek svamaan ki maala saamne aa jaati hai na!

baapdaada ne bachchon ke svamaanon ki maala har bachche ko daali hai। svamaan sunte hi aapke saamne bhi apne svamaan smriti mein aa gaye! yaad karo, anaadi swaroop mein aapka svamaan kitna bada hai! chale gaye anaadi swaroop mein?har ek ka svamaan hai ek to baap ke saath-saath hai chamakti hui aatma, baap ke saath ke kaaran vishesh chamakti hui dikhaai de rahi hai। dekh rahe ho? jaise aakaash mein bhi yahaan koi-koi sitaara vishesh chamakta hai, aise baap ke saath-saath hone kaaran chamakti hui aatma ho। yaad aaya apna anaadi swaroop?second mein apne anaadi swaroop mein sthit ho sakte ho? abhi ek second mein us anaadi swaroop mein ek second ke liye sthit ho jaao। kitna nasha chadhta hai! aage badho, is srishti chakra ke aadi mein aa gaye! yeh drill karo satayug aadi mein apna swaroop dekho,kitna shreshtha sukh swaroop hai। kitna sarva praapti swaroop hai। duhkh ka naamnishaan nahin hai। prakriti kitni sundar satoguni hai। anubhav karo apne devta swaroop ka। dekh rahe ho apna swaroop? koi bhi raaja ho,mahaatma ho,neta ho aisa sarva praapti swaroop koi dekha! to ek second ke liye apne devta swaroop mein sthit ho jaao। apne svamaan mein maja aata hai na! ham so devta … baapdaada yeh drill kara raha hai। phir neeche aao kaun sa yug aa gaya? dvaapar mein bhi aapka svamaan poojya ka hai। poojya swaroop hai। apne poojya swaroop ko dekh rahe ho?kitne sabhi bhaavna se kaayde pramaan pooja karte hain। aise kaayde pramaan pooja aur kisi ki bhi nahin hoti। chaahe dharma pitaayen aaye, chaahe guru banen, netaayen banen, abhinetaayen banen lekin aisi kaayde pramaan pooja kiski nahin hoti। to apna svamaan dekha,anubhav kiya?ab aao sangam mein, sab chakra laga rahe ho? peechhe vaale chakra laga rahe ho! haath uthaao। dekho apna svamaan kyonki svaraajya adhikaari ho na! to sangam par svayan bhagwan,aapki jeevan mein svayan maalik aap bachchon mein pavitrata ki visheshta bharta hai। jo pavitrata aapke sarva avinaashi sukhon ki khaan hai। aur banaane vaala kaun? svayan bhagwan। woh to abhi bhi pratyaksha pramaan aapko pavitrata ki jaaydaad baap se praapta ho gai hai। ab check karo - pavitrata sarva praaptiyon ka aadhaar hai,pavitrata se aap sabhi master sarvashaktimaan ban gaye। to check karo sarvashaktiyaan praapta hain?koi-koi bachche kehte hain baap ne to sarva shaktiyaan di lekin koi-koi samay jis shakti ki aavashyakta hoti hai woh thoda time ke baad aati hai। baat poori ho jaati hai phir aati hai। iska kaaran kya? vardaan mein baap ne di phir bhi samay par nahin aati hai uska kaaran kya?apne master sarvashaktimaan ke smriti ki seat par nahin hote ho, koi bhi kiska order maante hain to seat vaale ka order maante hain। to jab bhi aap koi bhi shakti ka order karte ho, pahle yeh dekho smriti ki seat par hain? svamaan ke seat par hain?smriti ki seat par sthit ho jaao to sarva shaktiyaan aapke paas samay par bandhi hui hain aane ke liye kyonki sarvashaktimaan baap ne aapko master sarvashaktimaan banaaya hai। to itne powerful svamaandhaari ban chal rahe ho na? apne svamaan dekhe?sangam ke baad kahaan jaayenge?return journey karenge na! isliye baapdaada yahi chaahte hain ki har ek saare din mein yeh exercise karte rahen। samay nikaalo baar-baar yeh svamaan ki maala pahnaane se, anubhav karne se jo baapdaada ne svaraajya adhikaari banaaya hai, woh ho nahin sakta ki svamaan aapke order par nahin chale। sirf seat par set raho।

baapdaada ne dekha sabhi attention rakhte hain lekin niymit roop se apni dincharya set karo। beech-beech mein yeh apne svamaan ke smriti swaroop mein sthit raho। jaise traffic control karte ho aise yeh svamaan ki smriti aadikaal se return journey tak ki, beech-beech mein time fix karo। yeh chalte phirte bhi kar sakte ho kyonki man ko seat par bithaana hai। baapdaada ne dekha, pahle bhi kaha hai yog sab lagaate ho lekin ab aavashyakta kiski hai? samay ki haalton ko dekh pahle bhi sunaaya ab jvaalaamukhi yog ki aavashyakta hai,jisse double kaam hoga। ek to apne puraane sanskaar ka sanskaar ho jaayega, abhi sanskaaron ko maarte ho lekin jalaate nahin ho। maarne ke baad phir bhi kabhi-kabhi woh jaag jaate hain। jaise raavan ko sirf maara nahin, jalaaya। aise aap bhi apne puraane sanskaaron ko jo beech-beech mein teevra purooshaartha mein kami kar dete hain, uske liye jvaalaamukhi yog ki aavashyakta hai। ek svayan ke liye aur doosra jvaalaamukhi yog dvaara auron ko bhi light roop hone ke kaaran, might roop hone ke kaaran unhon ko bhi apni kirnon dvaara sahayog de sakte ho। to abhi sabhi ne yog ko jvaalaamukhi yog mein parivartan kiya? samay anusaar abhi aatmaon ko aapke sahayog ki aavashyakta hai। baaki baapdaada to amritvele har bachche ko sneh dete hain।

baapdaada dekhte hain lakshya bahut achha rakhte hain,himmat bhi rakhte hain lekin saara din usi attention mein rahen, jaise amritvele rehta hai, woh kam ho jaata hai। kaaran kya hota hai? yeh jo karma mein lagte ho, karmayogi ban karma karna,ismen antar pad jaata hai। aap sirf yog lagaane vaale nahin ho, yogi jeevan vaale ho। to jeevan sada rehti hai, kabhi-kabhi nahin। to baapdaada abhi kya chaahte hain? pyaar mein to bahut karke paas hain, pyaar ki subject mein baap ne dekha majority baap ke saath mera baba, mera baba kah pyaar ka anubhav karte hain। pyaar mein to majority paas hain, ab kismen paas hona hai? baap samaan banne mein। sabhi kya chaahte hain? baap samaan banna hai ki baap baap rahega aap bachche hain,to baap samaan to banna padega। pyaar maana kya? pyaar vaala jo kahe woh karna hi hai। to sabhi baap ke pyaare ho, baap ka pyaar aapse hai,ismen haath uthaao। pyaar hai achha, pyaar hai? to abhi baapdaada yahi chaahte hain ki jaise pyaar hai, aise yeh lakshya rakho ki humein baap samaan banna hi hai, ismen haath uthaao। to nishchay rakhte hain, haath to bahut achha uthaate hain। baapdaada dekh rahe hain।

baapdaada chaahta hai ek-ek bachcha aisa khushnuma,khushanseeb dikhaai de, chehre se chalan se kyonki samay pramaan abhi aapka chehra bahut seva karega। aavashyakta padegi। iske liye baapdaada chaahta hai ki abhi se lakshya rakho jaise abhi yeh 75 varsha ke kaaran sabko umang hai seva karne ka। aise umang ho chehre se seva karne ka kyonki dinapratidin samay naazuk aana hi hai। to aise samay par aapka chehra aatmaon ko cheerful bana de।

baapdaada ne aaj amritvele chakra lagaaya,to kya dekha? baithte sabhi apne roochi se bhi hain lekin sabse badi authority hai anubhav ki। to dekha baithte hain lekin anubhav ki authority, smriti mein baithte hain lekin smriti swaroop anubhav ho। anubhav ki authority ka aanand woh thoda samay hota hai। sochte hain main baapdaada ke takhtansheen hoon lekin swaroop ke smriti swaroop anubhvi moorta,anubhav mein kho jaaye uska abhi aur bhi aage badhaana hoga kyonki anubhav ki authority sabse bade te badi hai। smriti swaroop rehna isko kaha jaata hai anubhav। to anubhav mein kho jaana jo swaroop ki smriti rakhte hain us swaroop ki anubhooti mein rehna iski aur aavashyakta hai kyonki anubhav kabhi bhi bhoolta nahin hai। kisi ko bhi aap kisi ke anubhav dvaara sunaane ki koshish karte ho kyonki anubhav ka prabhaav padta hai। to svayan ko jo swaroop smriti mein rakhte ho uske swaroop ki anubhooti mein kho jaaye, anubhav apne purooshaartha mein bhi bahut madad karta hai। to baapdaada ne dekha anubhav ki authority mein nambarvaar hain। to abhi is anubhav ki authority ke abhyaas ke oopar aur attention do। anubhav swaroop ki sthiti sada samaai hui rehti hai, uski shakla, chalan seva karti hai।

to aaj baapdaada bachchon ka record dekh rahe the। to ek to jvaalaamukhi yog ke oopar aur attention do jisse svabhaav sanskaar parivartan mein sahayog milega। sanskaar abhi bhi jisko aap nature kehte ho woh abhi bhi apna kaarya beech-beech mein kar leti hai। baaki baapdaada khush hai, kis baat par? jaante ho, kis baat par baapdaada khush hai? jaante ho? aajkal ki murliyaan sunte hue baapdaada ne dekha apne dincharya mein attention jyaada gaya hai। attention badha hai to tension sanskaaron ka kam hota jaayega। baapdaada ne pahle bhi kaha jab bhi tension aave na, A laga do, add kar do A attention। chalna to sabko hai hi। yeh to vaayda hai hi pakka। saath chalenge, saath raajya karenge। to sabhi khush hai? ki kabhi-kabhi khush hai? jo samajhte hain ham sada khush hain,kabhi-kabhi nahin, sada khush hain, dekho sochke haath uthaao। achha। haath bhi sochke utha rahe hain। khushi apni cheez hai। apni cheez kyon jaaye?to abhi kya karenge? aage chalna to hai hi। to abhi aage kya karenge?

har centre nirvighna, vyartha sankalp rahit ho sakta hai? ho sakta hai? ki iske liye samay chaahiye? abhi tak baapdaada ke paas koi centre ne yeh report nahin di hai ki hamaara centre sada nirvighna hai। saathi bhi। sirf svayan nahin, saathi bhi nirvighna। woh bhi time aana hai। ho jaayega kyonki banna to bachchon ko hi hai aur koi example mein aayenge jo peechhe teevra purushaarthi ban aage jaayenge lekin majority to aapko hi aage jaana hai। baapdaada ne dekha murli se pyaar majority ka hai lekin jaise jagat amba ne pratyaksha jeevan mein dikhaaya ki jo baap ne kaha woh karna hi hai, lakshya rakha aur purooshaartha ke taraph attention bhi diya। aapki deedi daadiyaan jo advance party mein bhi gai hain unhonne bhi attention diya, abhi aap logon ka intajaar kar rahe hain। poochhti hain woh ki samaapti ka get kab kholenge? ek do to nahin kholega na! to abhi purooshaartha karo ki samay ko, get khulne ke samay ko sameep laao। sampanna banna arthaat sameep laana।

achha। sabhi chaaron or ke bachchon ko baapdaada dil ka sneh de rahe hain। saath-saath jo baapdaada ne do maas ka kaarya diya hai, uski bhi smriti dila rahe hain kyon? bahut karke yeh vyartha sankalp purooshaartha ko teevra ke bajaae saadhaaran kar dete hain isliye chaaron or ke bachchon ko baapdaada yaadapyaar ke saath yeh bhi smriti dila rahe hain ki ab sangam ka samay kitna shreshtha suhaavna hain,is sangam ke samay hi sarva khazaane baap dvaara praapta hote hain, sangam ka ek- ek second mahaan hai isliye sangam ke samay ka moolya sada apne buddhi mein rakho। sangam ka ek second praapti kitna karaata hai। aapse koi poochhe aapko kya mila hai,to kya javaab denge?apraapta nahin koi vastu ham braahmanon ke dil mein। paana tha vo pa liya। ab usko kaarya mein lagaate hue teevra purooshaarthi ban samay ko sameep laao। achha। baapdaada dekhte hain sabhi ko umang bhi aata hai aur yeh umang sada aage badhaate raho। achha।

seva ka tarna panjaab zone ka hai:-aadha haal to panjaab hai। achha hai। panjaab vaalon ne panjaab mein seva ka chance lekarke sevaasthaan aur student achhe banaaye hain। panjaab mein ek visheshta yeh hai ki sabhi ko sandesh pahunchaane mein achha purooshaartha kiya hai aur panjaab ke jo vi.aai.Ps hain unhon ko bhi sambandh-samparka mein laaya hai isliye baapdaada panjaab ki seva mein sevaadhaari bachchon ke oopar khush hai। himmat, teachers bhi himmat vaali hain। sankhya bhi teachers ki bahut hai। abhi panjaab vaaris quality laayega। theek hai na! example aap laana। pahla number aap le lo। koi sahayogi ko, jinka aavaaj anekon ko umang dilaaye,aise vaaris quality taiyaar karke baap ke saamne laana। la sakte hain। aisi koi baat nahin hai mushkil, sahaj hai। to ab kya karenge?vaaris laayenge na! laayenge? nimitta teachers achhi hain, kar sakti hain। abhi number le lena। pahle panjaab vaaris laaye, sab dekhenge। abhi aur bhi season hai aage to is varsha ki season mein koi aisa laao jo panjaab number one ho jaae। koi badi baat nahin, sirf sankalp karne ki baat hai। to achhe hain, student bhi achhe hain। baapdaada ne dekha ki student bhi umang-utsaah vaale hain। jahaan umang-utsaah hai vahaan saphalta hai hi hai। to baapdaada panjaab ke sher kehte hain na। to panjaab ke sher bachchon par khush hai। abhi jaake plan banaana ki number one panjaab vaaris laave, yeh abhi margin hai। achha hai। yeh chance jo milta hai ismen bhi shakti bhar jaati hai। baapdaada ko khushi hoti hai ek hi zone all-round seva ke nimitta banta hai। chance bhi milta hai aur bhaagya bhi banta hai। abhi tak jo bhi zone seva karte hain,baapdaada ne dekha bahut karke santushta karke hi jaate hain। theek hai?report theek hai na! achha hai। baapdaada khush hai। achha।

chaar wings ki meeting hai:- (SpARC,media, sport,religious):- achha yeh chaar hi wing service ke liye bahut madadgaar hain bhi aur aage bhi ban sakte hain kyonki chaar hi wings anekon ko connection mein la sakte hain। chaahe media hai to media abhi to ghar-ghar mein sandesh pahunchaane ka plan achha bana rahe hain। baapdaada khush hai ki ek do sahayogi ban kar rahe hain, aage badh gaye hain,badh bhi rahe hain। to baapdaada abhi media dvaara yahi chaahte hain ki sandesh yeh mile ki ab samay pramaan har ek aatma ko apne baap se varsa lene ki prerna aave। sunte to hain lekin kitne vaaris nikle, media dvaara kitne vaaris abhi tak bhi nikle hain,woh list aani chaahiye। baapdaada ne suna hai prabhaav achha hai aur student badhte bhi hain lekin list nikaalo, har ek centre par,har ek zone mein kitne media seva se nikle hain। aise hi jo bhi varga hain woh abhi list nikaalo, kaeeyon ne aaj list di bhi hai connection mein aane vaalon ki,vi.aai.pi. hain woh list di bhi hai lekin unhon ka sangathan karke unhon ko umang utsaah deke aage badhaao। connection mein to aate hain lekin aage ke liye aisa programme banaao jo woh bhi samjhe to hamko aage kya karna hai। suna, lekin aage badhna hai uska spashteekran thoda sunaao। aur list nikaalo kitne is varga ke taraph se add hote hain। hote hain lekin pata nahin padta hai। baaki baapdaada sabhi wings ko mubaarak de rahe hain kyonki har ek wing yeh koshish karti hai ki seva ki vriddhi ho aur vriddhi ke plan bhi achhe banaati hai। chaar hi varga apni-apni seva achhi kar rahe hain kyonki wings abhi samajhte hain ham jimmevaar hain। koshish bhi achhi karte hain wings iseelie baapdaada khush hai aur isi reeti se jaise attention dekarke wings ke kaarya mein lage hue ho aise aur bhi aage badhte raho, mubaarak baapdaada dete hain। badh rahe hain badhte raho। chaar hi wings ke liye baapdaada kah rahe hain। koi bhi wing kamzor nahin hai apne hisaab se aage hi badh rahi hai। baaki baapdaada ne jo kaam diya hai woh to dhyaan par hoga hi। koi aise samajhdaar vi.aai.pi. har wing se aate hain unhein taiyaar karo। aise samajhdaar himmat vaale ka ek group banaao jo woh bhinna-bhinna varga vaale group mil karke ek-ek baat ko spashta kare। yeh kaam zaroor karo। yeh kaam aage vaale kar sakte hain, himmat dila sakte hain। abhi practical mein aavaaj nikle ki brahmaakumaariyaan kya chaahti hain। is 75varsha ki service ne sabhi ko brahmaakumaareez ka mahatva spashta kiya hai। aavashyak hai,kar sakti hain,yahaan tak aaye hain, sab varga ka sahayog hai। lekin paramatma aaya hai, brahmaakumaariyon tak pahunche hain। paramatma aa gaya abhi yeh samajh mein aata bhi hai jis samay sunte hain us samay nasha chadhta hai lekin maidaan mein aave woh himmat abhi aa rahi hai। aayegi। aani to hai hi। abhi aane ki himmat aai hai, koi bhi programme aap dekhenge dull nahin jaata hai,success jaata hai, pahle naam sunke hi bhaagte the na। abhi samajhte hain ki brahmaakumaariyaan kaarya achha kar rahi hain aur vidhipoorvak karte hain। itna attention gaya hai। baapdaada chaar hi wing ke naam bhi dekhe, jinhonne diye hain, connection mein to achhe hain lekin unhon ko thoda saamne laao। unhon ka programme karo। plan do unhon ko kya kar sakte hain ham। dharni taiyaar hui hai abhi phal nikalna hai isliye baapdaada khush hain। mehnat karte ho us par khush hain। to chaar hi wings ko mubaarak ho, mubaarak ho,mubaarak ho। achha purooshaartha kar rahe ho। achha।

double videshi sabhi mukhya bhaai bahinen aaye hain:- double videshiyon ko title diya hai madhuban ka shrringaar hain। madhuban mein raunak kar dete hain aur pharka bhi achha laaya hai। baapdaada purooshaartha aur parivartan donon hi dekh karke khush hai। pahle why why karte the, abhi vaah! vaah! karte hain। change achhi laai hai। abhi koi baat mein mushkil nahin lagta। koi bhi baat, niyam,baapdaada ka jo murli mein direction jaata hai woh karne mein ever ready hain aur sahayog bhi achha hai। snehi hai lekin sahayogi bhi achhe hain। baapdaada record dekhte hain to gupta sahayogi bhi achhe- achhe nikle hain। to dil ke bhi bade hain। chhoti dil vaale nahin hain। to baapdaada khush hai, seva bhi chaaron or ki achhi chal rahi hai। baapdaada ko do cheez chaahiye, ek seva ki vriddhi ho aur doosra nirvighna ho। to dekha in donon baaton mein abhi kaaphi pharka aa gaya hai। aur yeh to baapdaada ko bahut achha lagta hai ki madhuban mein sab nimitta bane hue ikaththe ho jaate hain। ek to madhuban ka shrringaar ban jaate hain doosra jo parivartan kiya hai woh kahaan na kahaan se aate hain to pata bhi padta hai, anubhav sunte bhi hain usse bhi prabhaav padta hai ki jab videshi kar sakte hain to ham kyon nahin kar sakte hain। umang aata hai। abhi jo baapdaada chaahte hain jvaalaamukhi yog ho, ismen videshi number one lo kyonki videshiyon ke sanskaar hain jo lakshya rakhte hain na woh poora karte hain। do baaton mein number lo - ek vyartha samaapti aur doosra service mein nirvighna। pyaar to saare parivaar ka bhi hai। sirf baapdaada ka nahin hai lekin saare parivaar ka bhi double videshiyon se pyaar hai। abhi donon baaton mein videsh number one jaake dikhaaye। jaayenge। koi badi baat nahin hai। baapdaada chakra bhi lagaate hain videsh mein। amritvele bhi chakra lagaate hain। ismen abhi anubhav swaroop banke baithna, ismen aur attention kyonki anubhav ki authority bahut badi hai। lakshya achha rakhke baithte hain lekin uska prabhaav subah ki taakat ka karmayog mein bhi pade, centre ke vaayumandal mein bhi pade,yeh thoda addition chaahiye। baaki baapdaada khush hai। himmat nahin chhodte hain, himmat rakhte hain aur ek do ko bhi himmat deke chala rahe hain aur baap bhi madad karte hain। to videsh vaale nahin lekin apna jo desh hai paramdham, uske achhe anubhav karke bas samay ko sameep karna hai, ismen paan ka beeda uthaao। pahle ham karke dikhaayenge। nimitta banke dikhaayenge। achha hai। baapdaada khush to hai, to nahin khush hai।

teachers ko dekh karke khush ho rahe hain। himmat rakhke, himmat rakhaake aage badhaate hain। aur jo sabhi vishesh teachers ikaththi hoti hain yeh drishya baapdaada ko bahut achha lagta hai। sabhi baaten spashta ho jaati hain। umang-utsaah bharke bhi jaate ho aur aapko dekh karke yahaan umang utsaah aata hai woh bhi karte hain। achha hai,ek-ek ratna ko baapdaada vishesh dil ka pyaar aur saath mein pyaar ke saath mein man ke umang-utsaah ki lahar bhi de rahe hain। achha।

sabhi ne apne liye yaadapyaar liya ki sirf varga vaale ya double videshiyon ne liya। sabko baapdaada dekhta hai, nazar daudaata hai to nazar se yaadapyaar dete hain। achha।

aaj pahli baar aane vaale utho। pahle baari aaye ho to kamaal karo। kya kamaal karo?pahle number ka purooshaartha karo। last se fast aur first hoke dikhaao। ho sakta hai, koi ratna aise bhi nikalne hain to aap hi dikhaao। baapdaada ki madad sabhi ko hai। teevra purooshaartha,aane se hi saadhaaran purooshaartha nahin, teevra purooshaartha karo। karna hi hai, banna hi hai। aage jaana hi hai। yeh dridh sankalp rakho aur aise koi example nikalne bhi hain। baapdaada ko khushi hai ki samay se pahle to aa gaye। varse ke adhikaari to ban gaye। achha। baapdaada khush hai, aaye,bhale aaye, aapka season tha lekin abhi aage se aage jaake dikhaao। ham peechhe aaye hain yeh nahin socho, aage ja sakte ho। baapdaada ki, drama ki madad milegi। achha hai। dekho, kitne aate hain। aadha class to pahle baari ka aata hai। baapdaada ko khushi hai ki baap ko pahchaan to liya। varse ke adhikaari ban to gaye। achha। sabhi ko baapdaada aur saare parivaar ki mubaarak ho,mubaarak ho,mubaarak ho।

mohini behen se:-sangathan hai na usmein thoda umang aa jaata hai। umang aane se thoda jabardasti bhi kar leti ho,woh thoda nahin karo। sambhaalo apne ko। baaki madad hai, aisi koi baat nahin hai। theek ho jaayengi। apni tabiyat ko dekh karke kadam uthaao। nishchint raho।

daadi jaanki se:-bahut achha sabhi ko refresh kar rahi ho। karna hi hai। (karaane vaala kara raha hai) woh to hai hi lekin aap kar rahi ho, yeh karna hi hai। theek hai। achha part baja rahi hai। (hansa behen se) yeh bhi achha part baja rahi hai,sabhi khush hain।

pardaadi se:- aap bhi ek example ho। aapko dekh karke sabko brahma baap yaad aa jaata hai। theek hai। takleeph to nahin hai। aise hi chalte chalo। theek hai, theek rahengi।

ramesh bhaai se:-achha hai lekin saath mein tabiyat ka bhi theek rakho। tu mach mein nahin jaao kyonki aage bahut kaam karna hai। sirf studio ka kaam nahin hai,aur bhi bahut kaam karne hain iseelie tabiyat ka bhi dhyaan rakho। (solar ka kaam chal raha hai) solar ke liye jaise aap akhbaar ke liye lete ho, aise iske liye nahin le sakte? jo badi-badi firm hai, jaise woh advertise ka lete ho vaise yeh bhi kai aise connection vaale hain jinhon ko pata hi nahin hai, unhon ke paas jaake le sakte ho kyonki yeh seva hai koi khaane-peene ka to kaam nahin hai। koi apne khaane ke liye apne rahne ke liye nahin lete,yeh seva bhaav hai। to yeh karke dekho, jo parichit hon।

nirvair bhaai ne sunaaya ki kitchen bhi taiyaar ho raha hai- ho jaayega।

teenon bhaaeeyon se:-jimmevaari samajhke aapas mein raay karke agar koi bhi raay par thoda sa pharka bhi hota hai to ek-do ko spashta karke, milke ek raay karke inhon ke (daadiyon ke) aage rakho। yeh jimmevaari samjho।

meeting mein seva ke liye kya lakshya rakhen:- seva ke liye abhi pharka yeh karo ki doosre aapko nimantran deven। aise kai log hain jinki aap logon ne seva ki hai aur woh kar sakte hain। abhi yeh samjho ki woh stage deve aur aap jaake seva karo। apni stage par to bahut kiya aur result bhi achhi hai। abhi thoda change karke dekho।

(kya ghar ghar mein sandesh pahunchaane ka saadhan media hi hai) woh to media hi hai। thoda kaaydemujeeb ho, itna jo T. vi. ka liya hai,usmein itna kar rahe hain,uska result kya! (aadhe naye bhaai bahinen T.vi se hi aate hain) achha hai woh sabko maaloom hona chaahiye। nahin to samajhte hain pata nahin kya ho raha hai। uska samaachaar thoda hona chaahiye। woh result sabko pata pade। to umang aayega na। pata nahin padta hai, chal rahe hain, chal rahe hain। (brijmohan bhaai ne poochha geeta ke bhagwan ke liye)- woh to aapko kaam diya na। pahle chaar paanch jo vishesh hon, jinka thoda sa naam ho, chaar paanch ko pahle ikaththa karo, chaar paanch nikal sakte hain, unhon ko taiyaar karke unhon se meeting karo ki aap kya samajhte hain। ham jo chaahte hain woh kaise ho sakta hai,unko hi nimitta banaao। chaar paanch to hain abhi bhi। tabiyat ka dhyaan rakho।

videsh ki badi bahinon se:- achha hai ek do se utsaah milta hai,thoda sa unhon ke prati dhyaan dete hain to theek ho jaata hai। chakra lagaao ya lagvaao। chakra lagvaate raho to unhon ko umang aayega aur aur aage badhenge। baaki nirvighna hain yeh samaachaar achha hai। abhi ikaththe bhi honge, ikaththe honge to aisi-aisi jo khushkhabri hai na woh sabhi ko sunaao। to unhon ko yeh sunaao jaise kahaan ke 8centre hain,woh sab achhe chal rahe hain to yeh bhi achha hai na। himmat hai na। yeh samaachaar sabko sunaao।

gaayatri ne phool bheje hain, saare parivaar ne yaad bheji hai:-do chaar parivaar bahut lucky hain। jaise woh (vajeeha behen) beemaar hai, lekin last aai hai fast ja rahi hai। aise achhe nikle hain। achha hai, aap sabhi dekho Indian hi hain। sab India ke hain। head to aap hi ho na।