मंगलवार 20 मार्च 2012 की अव्यक्त मुरली

20-03-12 om shanti avyakt baapdaada madhuban

“santushtata ki shakti chehre aur chalan mein dhaaran kar brahma baap samaan bano, sada khush raho aur khushi baanton”

aaj chaahe sammukh chaahe door ke santushtamni bachchon ko dekh rahe hain। har ek bachcha apne santushtata ki shakti se chamakte hue muskaraate milan mana rahe hain। yeh santushtata ki shakti sabse mahaan hai isliye ismen sarva praaptiyaan hain। santushtata ki shakti dhaaran karne vaali santushtamniyaan svayan ko bhi priy, baap ko bhi priy,parivaar ko bhi priy hain kyonki santushtata jahaan hai vahaan sarvashaktiyaan santushtata mein samaai hui hain। santushtata ki shakti ka vaayumandal chaaron or phailta hai। santushtamni vaali aatmaayen kabhi bhi maaya se haar nahin kha sakti, maaya haar khaati hai। santushtamni aatmaayen sarva ki dil ko apna bana sakti hain। santushtamni aatma chaahe maaya, chaahe prakriti ke bhinna-bhinna halchal ko aise anubhav karti jaise ek cartoon ko dekh rahe hain। aise har ek bachcha apne ko santushtata ki shakti mein sampanna samajhte hain? apne se poochho ki main santushtamni hoon? kai bachche kehte hain kabhi-kabhi rehte hain, sada nahin lekin kabhi-kabhi,to baapdaada ko kabhi-kabhi shabd achha nahin lagta hai। baapdaada sada har ek bachche ko yaadapyaar dete hain, khushi dete hain। to baapdaada ko yeh kabhi kabhi shabd achha nahin lagta, sada khushnuma। to baapdaada yahi chaahte hain ki is kabhi-kabhi shabd ko kya parivartan kar sakte ho! kabhi-kabhi shabd braahmanon ki dictionary mein hi nahin hai,sada। to kya aaj sabhi bachche jo baap ke pyaare, maaya ke prabhaav se nyaare bane hain, to kya aaj is kabhi kabhi shabd ko samaapta kar sakte hain? kar sakte hain? kyonki baapdaada bahut samay se kah rahe hain koi bhi halchal achaanak aani hai। uski taiyaari ke liye agar abhi se kabhi kabhi ke sanskaar honge to kya sadaakaal ke raajyabhaagya ke adhikaari ban sakenge? brahma baap se sabka dil ka pyaar hai। brahma baba se vaayda saath hain, saath chalenge, saath raajya karenge। yeh vaayda pakka hai na! kaandh hilaao। pakka hai? kitna pakka! brahma baap ne kabhi bhi shabd bola! aap sabko bhi sada amritvele yaadapyaar diya aur sada baap ke saath milkar gyaan ki baaten, sneh ki baaten, umang-ulhaas ki baaten sunaai। to sabhi se haath uthvaayen ki baapdaada se pyaar hai to sabhi do do haath uthaayenge। hai na! pakka?jab pyaar hai to pyaar vaale ke ek-ek shabd se bhi pyaar hota hai। brahma baap ne kabhi shiv pita se yeh nahin kaha ki kabhi-kabhi hota hai। sada follow father kiya aur saath mein aapko bhi karaaya kyonki brahma baap ka bachchon se jigri pyaar hai iseelie aapka naam bhi kya hai? brahmaakumaari,shivkumaari naam nahin hai। to brahma baap se pyaar arthaat brahma baap ka kehna aur brahmaakumaar kumaari ka maanna। pyaar arthaat nyochhaavar। to kis par nyochhaavar honge? unki aagya par। jo bola woh kiya kyonki brahma baap ke saath shiv baap hai। akela nahin। baapdaada,baapdaada kehte ho na!

to aaj baapdaada kabhi-kabhi shabd ko har bachche ke mukh se samaapta karne chaahte hain। to aap sabhi bachche baap ke saathi ho। pyaar hai na! pyaar mein to apne aapko nyochhaavar bhi kar dete hain yeh to sirf shabd ko nyochhaavar karna hai kyonki baapdaada har bachche ko maala ka vijayi ratna banaane chaahte hain। to apne ko maala ka manka samajhte ho?vijayi samajhte ho? kai bachche kehte hain braahmanon ki sankhya to bahut hai aur maala 108 ki hai to 108 hi aayenge na! lekin baapdaada agar aap sampanna banen, vijayi banen to 108ki maala hai yeh nahin socho, baapdaada beech mein ladiyaan bhi laga dega। lekin aap vijayi bano। kai bachche sochte hain pata nahin,number milega ya nahin milega। aap agar sampanna banen to baap number de hi dega kyonki baap ka har bachche se pyaar hai। sunaaya bhi tha bhale koi last bachcha hai, unse bhi baap ka pyaar hai kyonki us bachche ne chaahe svabhaav ke vash hai lekin baap ko jaanke mera baba to kaha। duniya mein kitne bade-bade martabe vaale unhonne baap ko nahin pahchaana lekin usne to pahchaana, chaahe koi kamzori vash hai lekin baap ko to pahchaana। mera baba to pyaar se kehte hain isliye baap ne pahle bhi sunaaya tha ki last bachche ke oopar baap ka pyaar to hai hi lekin uske oopar khaas kalyaan ki drishti, kalyaan ki vritti bhi hai ki yeh bachcha kuchh na kuchh aage badhta rahe। to baapdaada aaj spashta suna rahe hain, ki aap aur baaten nahin socho yeh kaise hoga, yeh kya hoga, aap apne ko yogya aatma banaao। karmayogi aatma banaao। baaki baap har bachche ko aisa yogya bachcha jo banega usko sarva praapti ka vardaan bhi deke aage badhaayega, peechhe nahin rakhega।

to baapdaada aaj amritvele chaaron taraph ke chaahe desh chaahe videsh mein chakra lagaane gaye। vaise to baapdaada majority chakra lagaate hi hain lekin aaj jab chakra lagaaya,sunaaya tha to baapdaada chakra lagaane jaata hai to vishesh aapke poorvaj daadiyaan bhi saath mein chakra lagaane chalti hain। to chakra lagaate kya dekha? jaante to ho aap bhi। achhe-achhe sankalp karte hain, karke hi dikhaayenge,banke hi dikhaayenge,haath mein haath leke hi chalenge। to haath kya hai?shiv baap ko to pharishta roop bhi nahin hai to haath kaun sa hai? shreemat haath hai। foreign mein fashion hai haath mein haath deke chalne ka। to yahaan haath hai shreemat to sabhi haath mein haath milaake chalne vaale ho na! hai taakat?brahma baap ne dekho kadam-kadam shreemat par chalke aap sabhi ko karke dikhaaya। kya karna hai, kaise karna hai, example hai। saakaar mein example hai। niraakaar ki baat to chhodo lekin brahma baap saakaar mein aapke saathi the। to jaise brahma baap shreemat ka haath mein haath milaake pharishta ban gaya। aise hi follow father hai na! follow father yaad hai na! to follow kya karna hai? saari baaten spashta karke dikhaai,brahma baap ke chehre aur chalan ko sabhi jaante hain na! apni buddhi dvaara to brahma baap ko emerge kar sakte hain na! jo dincharya jaise dincharya brahma baap ne ki, saakaar tan mein hote,saakaar mein bhi sab anubhav kiya। brahma baap ke charitra to sab jaante hi hain। to follow father। aapko pakka karne ke liye brahma baap ke har kadam revise bhi kiye hain। 8 kadam padhte ho na, kya-kya kiya! bas usko follow karna hai। follow karna arthaat brahma baap samaan banna। to socho baap se pyaar hai, donon baap se pyaar hai। pyaar maana pahle bhi sunaaya to pyaar ka practical roop hai brahma baap ka karna aur kehna aur bachchon ko baap samaan karna, yeh hai sachcha dil ka pyaar। kai bachche kya karte hain? brahma baap samaan karna hai, yeh sochte hain lekin pahle karke peechhe sochte hain, brahma baap samaan to kiya nahin। lekin kar to liya। lekin follow karna hai to pahle socho, sankalp karne ke pahle socho kya yeh sankalp brahma baap ka hai! agar hai to practical karo। karke peechhe nahin socho। lekin pahle sochke phir follow karo। brahma baap ko follow karna arthaat brahma baap samaan banna। himmat hai? follow karne ki himmat hai?jo samajhte hain karna hi hai, woh haath uthaao। pahle sochna phir karna। karke nahin sochna।

to aaj baapdaada vishesh santushtata ki shakti har ek bachche mein brahma baap samaan dekhne chaahte hain। is ek santushtata ki shakti mein sab shaktiyaan aa jaayengi। to aaj baapdaada ka vishesh vardaan hai santushtata ke shakti bhav! kuchh bhi ho apni santushtata ko kabhi nahin chhodna। kai bachche kehte hain, roohrihaan karte hain na! to kehte hain santushta banna sahaj hai, lekin santushta banaana bahut mushkil hai। aap svayan koi kuchh bhi karta hai, karta hai to aap samajhte bhi ho yeh theek nahin hai phir dil mein kya rakhte ho? yeh aisa karta, yeh aisa karta hai,iska svabhaav aisa hai, iska aisa hai। dil mein nahin rakho kyonki aapne dil mein baap ko bithaaya hai। bithaaya hai na?kaandh hilaao। bithaaya hai pakka? ki nikaalte bhi ho bithaate bhi ho?agar bithaaya hai to dil mein baat rakhenge,to baap ke saath dil mein baat bhi rakhenge। to dil mein nahin rakho। baapdaada ne yeh yukti bhi pahle hi sunaai hai ki sada aisi aatma ke prati shubh bhaavna shubh kaamna rakhkar apni shubh kaamna ko kaarya mein lagaao aur vaise bhi dekho aap samajhte ho yeh achha nahin karti, to kharaab cheez hai। to agar koi aapko kharaab cheez deve to aap lenge? to jab kharaab samajhte ho to buddhi mein rakhna, dil mein rakhna to kharaab cheez liya kyon? aise apni dil mein sada baap ko rakhte hue baap samaan ban jaayenge। yeh to vaayda hai na, baap samaan banna hai na! banna hai pakka? ki pata nahin banenge ya nahin banenge?yeh to nahin sochte? pyaar maana follow father। to baapdaada abhi ek-ek bachche ko shubh kaamna,shubh bhaavna sampanna aatma dekhne chaahte hain।

teachers banengi? teachers se baapdaada ka vishesh pyaar hai। kyon pyaar hai? kyonki baap ki gaddi par baithne ki himmat rakhi hai। to teachers mein himmat hai na! har ek teacher se baap yeh chaahta hai ki har ek ke feature se future dikhaai de। nimitta teachers ko baapdaada kah rahe hain lekin aap bhi saathi ho na! baapdaada ne75 varsha pahle chhote-chhote bachchon ko boarding mein yahi shiksha di, khushnuma aur khushkismat,har ek ka chehra aise ho। to abhi bhi baapdaada yahi chaahta hai har ek bachcha shakla se dikhaai de ki yeh khushnuma aur khushkismat vaali aatma hai। vaani dvaara seva bahut ki aur achhi ki uska certificate to hai lekin abhi apne chehre aur chalan se seva mein aage badho। jaise koi gareeb hota hai usko lottery mil gai to uska chehra aur chalan bolta hai na! uska chehra dekh karke sab anubhav karte hain aaj isko kuchh mila hai। aise hi aapki chalan aur chehre se maan jaaen ki inhon ko kuchh vishesh praapti hai।

to aaj baapdaada kya chaahta hai?brahma baap samaan bano। follow father kyonki samay ki haalten to halchal mein aa bhi rahi hain aur aani bhi hain isliye baapdaada har bachche ko yahi shiksha dene chaahte hain ki sada khush raho aur khushi baanto। jitni khushi baantenge utni khushi badhegi। aapko khushnuma dekh doosre bhi 5minute ke liye to khush hove। duhkhi aatmaayen agar aapko dekh karke5 minute bhi khush ho jaaen to unhon ke liye to bahut dilapsanda baat hai। to aaj baapdaada vishesh santushtata ki shakti har ek bachche ko chalan aur chehre se dhaaran kar aur anya ko bhi karaane ka vishesh dhyaan khinchava rahe hain। achha।

sabhi aaj jo pahli baar aaye hain woh utho। dekho,aapko dikhaai de raha hai। aadha class pahle baari ke hain। haath uthaao। dekho sabhi ke haath dekho। aapke naye-naye bhaai behen kitne aapke saathi bane hain। mubaarak ho, bahut-bahut mubaarak ho। abhi jaise yahaan tak pahunche ho na! baapdaada se milne tak pahunche ho, aage kya karna hai? follow father brahma baap। baapdaada ko bhi aap bachchon ko dekh karke khushi hoti vaah! bachcha aa gaya! saare parivaar ko bhi khushi hoti hai hamaare bhaai behen aa gaye, aa gaye, aa gaye। abhi follow brahma baap। kabhi bhi kuchh bhi hove, koi question ho ya koi problem ho,problem ki to duniya hi hai। to phauran apni teacher dvaara uska hal kara dena। do din ho gaya hai, aisa hai,yeh nahin karna kyonki bahut peechhe aaye ho na aur jaana to aage chaahte ho na! peechhe rehna chaahte ho?nahin। aage jaane chaahte ho to aage jaane ki yahi ek baat karna, dil mein koi bhi vyartha baat nahin rakhna। iske liye apna amritvele baap se milne ke baad, ek to amritvela zaroor karna aur uske baad apne saare din ki dincharya jismen man busy rahe, koi na koi drill,anek drill baapdaada ne sunaai hai, lekin koi na koi drill saath-saath karte rehna। baapdaada sabhi ke liye kehte hain ki beech-beech mein samay nikaal ke chaahe puraane,chaahe naye sabhi ko ekdam ashareeri banne ki drill zaroor karna hai kyonki aane vaale samay mein second mein ashareeri banna hi padega। to yeh drill koi kahe samay nahin mila,kitna bhi koi busy ho,paani ki pyaas lagti hai to kya paani peene nahin uthenge। zaroori samajhke uthenge na। to yeh ek minute ashareeri banne ki drill yeh practice zaroor karo। us samay practice nahin kar sakenge। kai samajhte hain na,samay aayega kar lenge। lekin nahin। yeh janma-janma ka body conscious ka abhyaas us samay ashareeri banne nahin dega isliye abhi se koi bhi samay nikaal saare din mein samay prati samay jo bhi samay nishchit karo ek second mein ashareeri aatma hoon, aatma swaroop mein sthit ho jaae। body conscious apne taraph kheechen nahin। yeh abhyaas sabhi ko karna hai। chaahe puraane chaahe naye kyonki baapdaada ne kuchh samay se yeh baat kahi hai। lekin karna zaroori hai। nahin to shreemat ka haath mein haath dekarke nahin chal sakenge। aapka vaayda hai saath chalenge, saath raajya mein aayenge। to yeh drill sabhi ko karna hai। baaki naye jo bhi aaye hain, khush raho aabaad raho,aage se aage badhte raho। achha।

seva ka tarna mahaaraashtra, aandhra aur mumbai ka hai:-achha। is zone ki bhi sankhya bahut hai। naam hai mahaaraashtra। to maha honge na! to jaise naam hai vaise hi sankhya bhi mahaan hai। baapdaada ka baambe aur dilli donon taraph ek baat ka umang utsaah hai। service to karte ho,woh to kahne ki baat nahin hai। achhi kar rahe hain, karte rahenge lekin baapdaada dehli aur baambe se yahi chaahte hain ki jo aapke sambandh samparka mein aaye hue vishesh aatmaayen jo mike bhi ban sakte hain aur phir vaaris bhi ban sakte hain,aise koi group nikaalo kyonki list sabhi vargo ne majority baapdaada ko bheji thi। dekhi hai woh list। achhe achhe hain list mein jo naam baala kar sakte hain। abhi unko pratyaksha karo। aapke bajaae woh bhaashan karen। anubhav sunaayen aapka,gyaan kya hai, hamne jeevan mein kya antar kiya hai,woh varnan karen। jab function hota hai, abhi bhi to apna anubhav kai achhe-achhe sunaate bhi hain lekin woh to function mein sunaaya, lekin lagaataar jeevan ka anubhav karen। yeh attention denge to nikalne vaale hain kyonki baapdaada ne list jo dekhi sabhi ki usmein aise yogya hain lekin thoda purooshaartha karke unhon ko aage badhaao। har ek varga ko vaastav mein yeh list pratyaksha roop mein parivaar aur baap ke saamne laani chaahiye। kaarya kiya hai vargo ne। baapdaada ne dekha kaarya kiya hai lekin bahut samay se kar rahe hain abhi koi naveenta laao। naveenta yeh hai vaaris banaao। kam se kam jo samparka vaale hain woh sambandh mein aave, sambandh ke baad seva mein lage। sambandh yeh nahin, aane jaane ka sambandh nahin lekin baap aur parivaar ke saathi ban jaaen। yeh bhi hona hai,abhi baapdaada ne dekha ki brahman milke koi bhi ek sankalp karen to hua hi pada hai lekin sabka ek hi sankalp ho to kyonki abhi vaayumandal badal gaya hai। jab se aapne yeh 75 varsha ka manaaya hai tab se logon ko samajh mein aaya hai ki yeh kuchh kar rahe hain aur jo kehte hain woh achha kehte hain, kar sakte hain। abhi itne tak change aai hai isliye abhi aap bhi change dekh karke aur thodi mehnat karenge to aapka parivaar kitna badh jaayega। to baapdaada aison ka kahaan bhi sangathan karaana chaahte hain। madhuban mein milne aate hain woh baat alag hai lekin parivaar ke banke aave kyonki service mein koi na koi naveenta to chaahiye na! achha। baapdaada khush hai kyonki yeh uthe hain na to baapdaada dekh karke khush hai। baaki baapdaada ki ek aasha rah gai hai aur bhi। zone vaalon ke prati। woh kaun si hai? har centre yeh khushkhabri likhe ki hamaara centre nirvighna hai। milansaar hai। sab baba ke bachche accurate, jo kaaryakram bana hua hai us taraph busy hain। nirvighna hain। yeh abhi kisi zone ka nahin aaya hai। to mahaaraashtra to mahaan kaarya karenge na! kisi bhi zone ne abhi yeh khushkhabri nahin bheji hai। banna hai, banna to aapko hi hai aur kaun banenge! aapki tapasya kam nahin hai। chaahe teacher hai,chaahe student hain duniya ke hisaab se har ek mahaan aatmaayen hain। abhi-abhi dekhna aapko yeh nirvighna ka thoda sa karo to sabhi aapko jaise aapke jad chitra mein shubh bhaavna se dekhte hain, aise aapko chaitanya roop mein deviyon ke roop mein,devtaaon ke roop mein dekhenge। baaki seva sabhi ne achhi ki hai। uski baapdaada mubaarak de rahe hain।

yeh nizaar utho। (baapdaada ne nizaar bhaai ko uthaaya)

baapdaada ne samaachaar suna to jo aapki rooprekha bani hui hai,aise hi achha hai aur aage bhi achha banta jaayega isliye aage badhte chalo। baapdaada ne samaachaar sune hain।

aai.T. group:- chitra aur board bhi achha banaate hain। baapdaada ne pahle bhi suna diya hai, baapdaada ne dekha har ek varga kuchh na kuchh naveenta bhi kar rahe hain aur abhi har varga mein aavaaj bhi baahar phaila hai,jaise doctor ki service mein, medical mein abhi heart ke ilaaj ka official daala hai, to yeh jo official book mein daala hai yeh baapdaada ne dekha, to woh advertise ke liye achha hai। aise hi aur bhi zone vaalon ne achhe achhe nimitta bane hue jo aavaaj phaila sakte hain unse connection rakha hai aur uski result bhi hai। to baapdaada har varga vaalon ko yahi kehte hain to jaise abhi aage badhe ho aise aur bhi aage badhte jaayenge to sabki nazar aapke oopar jaayegi। dheere-dheere vishwa mein prasiddha hote jaayenge isliye baapdaada is varga ko bhi mubaarak de rahe hain। sabhi purooshaartha achha kar rahe hain aur purooshaartha ke saath baapdaada aap sabke saath hai। achha।

double videshi bhaai bahinen:-double videshi,double se double hote jaate hain। baapdaada ne dekha ki sva ke oopar,svamaan ke oopar aur apne vritti ke oopar attention achha de bhi rahe hain aur dila bhi rahe hain। yagya snehi ka part bhi, yagya sahayogi ka part bhi achha baja rahe hain isliye baapdaada double videshiyon ko anek baar ki mubaarak de rahe hain। baapdaada aap logon ki kahaaniyaan sunte rehte hain। sirf snehi nahin hain lekin snehi ke saath sahayogi, har kaarya mein bante hain aur apna bhavishya jama karne mein hoshiyaar hain isliye dekho kitne deshon ke aa gaye hain। baapdaada yeh sangathan dekh snehi sahayogi har kaarya mein haath badhaane vaala group dekh karke khush ho rahe hain। khush hai, aap bhi khush baap bhi khush aur parivaar bhi khush। madhuban vaale to kehte hi hain ki double videshi madhuban ka shrringaar hain aur baap ka vishwa kalyaani naam videsh ne siddha kiya hai isliye sabhi teevra purooshaarthi banke rehna। purooshaarthi nahin teevra purooshaarthi kyonki abhi samay hai,sabhi ke liye teevra purooshaarthi banne ka। purooshaartha ka samay abhi gaya,abhi teevra purooshaartha ka samay hai। to kabhi bhi saadhaaran purooshaarthi nahin banna। sada check karna,teevrata hai?saadhaaran to nahin ho gaya! vaise abhi samay bhi soochna de raha hai - teevra purooshaarthi banne ka। to baapdaada khush hai, parivaar bhi khush hai aur sabko mubaarak de rahe hain। khushi hai baap ko। kitne deshon se dekho ikaththe hue hain। achha।

chaaron or ke door baithe dil mein samaane vaale bachchon ko baapdaada bhi dekh rahe hain। sabhi ke pyaar ki khushbu madhuban mein pahunch rahi hai। to sabhi abhi teevragti se chalna hai, teevra purooshaartha karna hai, teevrata duniya ke logon mein sukh ki laani hai। duhkhi ko sukhi karna hai। yeh sukhi karne ka sandesh de karke sabhi ko sukhi banaana hai,is seva mein teevrata hai bhi aur laani bhi hai। achha। sabko dil ka bahut-bahut yaadapyaar sveekaar ho।

mohini behen se:- aise hi emergency mein teevra purooshaartha karna। aisa teevra purooshaartha karo jo sab dekh karke chakrit ho jaaen vaah isne to kamaal kar di। pahle se hi check karaate raho। chhod deti ho na, checking beech-beech mein karaati raho to kya hai, hone ke pahle hi davaai ho jaayegi। samjho har 15 din ya maas mein karaana hi hai checking। phir theek rahengi। bahut achha।

neelu behen se:- sahaj hai na yaatra। mushkil to nahin hai। (paas ho gai) paas hi rehna। (guljaar daadi ne mohini behen aur neelu behen donon ko bahut achhi sakaash di) sabhi ne di। madhuban ko koi bhool nahin sakta hai। madhuban to sabhi ke rag rag mein samaaya hua hai। achha।

daadi jaanki se:-london to ja rahi ho na,agar tabiyat chalne laayak ho jaae to jaana,nahin to nahin jaana। (America vaale bahut taiyaari kar rahe hain) taiyaariyaan kya bhi karen,aap chala sakti ho to chalaana। aap apni tabiyat ko dekh chal sakti ho to chalaao।

teenon varishtha bhaaeeyon se:- baapdaada ne aapki meeting ka samaachaar suna। to jo socha hai woh achha socha hai aur usi anusaar karte chalo। madad mil bhi jaayegi। thoda phailaayenge na to madad dene vaale bhi aa jaayenge। baaki jaise socha hai vaise theek hai। (university ke baare mein ramesh bhaai ne poochha)

baapdaada samajhte hain pahle bhinna-bhinna university mein seva karo। jaise ek university mein connection kiya hai na aise aur university mein pahle seva karo। unhon ki seva karke saathi banaao। abhi kitni university rahi hui hain,pahle unki seva karo, peechhe aapehi aapko offer karenge,kahenge aapko itna kharcha karne ki jaroorat nahin hai। jaise ek university mein kiya hai to usse prasiddha to hua hai na। aise 10-12university jo badi-badi hain usko apnaakar dekho। to vahi aapko university banaakar denge,aapko kharcha karne ki jaroorat nahin hai। baapdaada khush hai aise milte raho aur final karte raho।

(chandeegadh mein platinum jubilee ka kaaryakram bahut achha hua, puri mein hone vaala hai)sabhi jagah mein apne apne vidhi pramaan khushi se aur khuli dil se kiya hai। sab taraph ki result achhi hai।

bhraata raamnaaraayan meena, upaadhyaksha - raajasthaan vidhaanasbha

abhi brahman kul mein vishesh part bajaao। (aapke bachche hain) sabse achha bachche baalak so maalik ho। baalak sada maalik hota hai। amritvele uthke jitne baje bhi uth sako to amritvele baap ko yaad karke roz baap se aasheervaad lo। baap se aasheervaad milegi jisse khush bhi rahenge,nirvighna bhi rahenge। sab theek ho jaayenge। aapmen shakti bharegi to unhon mein bhi shakti bharegi। ho jaayega sirf yeh thoda uthke baap ko yaad karke shakti lete raho। mera baba kehna aur shakti lena।

madhuban dekha, parivaar dekha achha lagta hai na। abhi isi parivaar mein jitna najdeek aayenge na utna laabh milta jaayega।

suresh oberaay:-jaise service uthaai hai na vaise karte chalo।

shivaani behen se:-vardaani hai। baap se vardaan achha mila hai।