मंगलवार 5 दिसंबर 2017 की अव्यक्त मुरली

> 05-12-17 om shanti ‘‘avyakt baapdaada’’ madhuban

om shanti। sabhi mahaarthi bachche baba ki lagan mein magan hain aur sabhi bachche prem mein kitna leen hai। yeh baap aur bachchon ka milan bahut bahut amoolya hai। baba ko sabhi itna yaad karte hain, jaise moti maala mein sama jaata hain। aise sab bachche sneh ke dhaage mein piroye hue hain। har ek bachcha apne man mein kya-kya bol rahe hain woh to woh jaanen। lekin ham yahi jaante hain ki har ek bachcha is samay aise sneh mein samaaye hue hain jaise moti haar mein samaaya hua hota hai। har ek ke man aur mukh se yahi nikal raha hai vaah mere dil mein samaane vaale vishesh moti vaah! is samay har ek apne ko woh moti samajhte hain jo baba ke hday mein samaaya hua hai। kaise chamak raha hai, unki chamak hi sabhi ko chamka rahi hai। to baapdaada yahi bachchon ka baap se milan ka na॰jaara dekh-dekh khush ho rahe hain। vaah bachche vaah! bachchon ke dil mein baap hai, baap ki dil mein bachche hain। yeh drishya samaane vaala bahut madhur hai। ek-ek apne dil mein kya-kya anubhav kar rahe hain, woh to aap sabhi anubhav mein leen ho aur sabhi ek do ko dekh haarshit ho rahe ho।

nirvairbhaai ne baba se poochha - baba abhi varsha 2017 poora ho raha hai, naya varsha aane vaala hai to naye varsha mein sabhi ke dil mein kya umang hona chaahiye?

sabhi kitne haarshit ho rahe hain। yeh varsha hai hi ‘‘sneh ka varsha’’। sabhi sneh mein samaane ka anubhav karenge। sabhi ke dilon mein sneh ka heera chamak raha hai। woh ek-ek heera apna anubhav kara raha hai। agar koi bhi aake dekhe to samjhe ki yeh aatmaayen kahaan se aai hain,inhon ke chehron par to pata nahin kaun si jhalak hai, jo kheench rahi hai। baap ko bhagwan maante hain lekin baap, bhagwan aur bachche kaise aapas mein milte hain, woh dekha nahin hai। aap to bhagwan aur bachche kaise milte hain, uska anubhav kar rahe ho, yeh milan anokha hai। har ek man mein yahi geet aa raha hai - hamne dekha, hamne paaya shiv bhola bhagwan। woh kitna meetha hai, varnan karne jaisa hi nahin hai, samaane jaisa hai। baba aur bachche donon ka milan, yaheemilan bahut madhur hai, har ek ek do ko dekh karke haarshit ho rahe hain।

baba 22 hajaar aaye hain, panjaab aur raajasthaan ki seva ka tarna hai:-yeh milan jo abhi ho raha hai, yeh raajasthaan aur panjaab ka hai। ek-ek ratan ismen kitne valuable hain। ek do ko dekh karke bhi kitni khushi, kitna umang utpanna ho raha hai। sabhi ki dil kah rahi hai vaah, vaah! yeh vaah kyon nikalta hain, kyonki svayan baba ne, bhagwan ne bachche dhoondhe aur bachchon ko aisa yogya banaaya jo koi bhi dekhta hai to unke mukh se aatometikgeet nikalta hai vaah prabhu ke bachche vaah! vaah baba vaah, sabke dil se kya nikalta hai, vaah baba vaah! vaah milan vaah! achha।

15-12-06 om shanti avyakt baapdaadaamdhuban

‘‘smriti swaroop, anubhvi moorta ban second ki teevragti se parivartan kar paas with honour bano’’

aaj baapdaada chaaron or ke bachchon mein teen vishesh bhaagya ki rekhaayen mastak mein chamakti hui dekh rahe hain। sabhi ke mastak bhaagya ki rekhaaon se chamak rahe hain। ek hai parmaatma paalna ke bhaagya ki rekha। doosri hai shreshtha shikshak dvaara shiksha ke bhaagya ki rekha। teesri hai satguru dvaara shreemat ke bhaagya ki rekha। vaiso bhaagya aapka athaah hai phir bhi aaj yeh vishesh teen rekhaayen dekh rahe hain। aap bhi apne mastak mein chamakti hui rekhaayen anubhav kar rahe ho na! sabse shreshtha hai parmaatma pyaar ke paalna ki rekha। jaise baap oonche te ooncha hai to parmaatma paalna bhi oonche te oonchi hai। yeh paalna kitne thodon ko praapta hoti hai, lekin aap sab is paalna ke paatra bane ho। yeh paalna saare kalpa mein aap bachchon ko ek hi baar praapta hoti hai। ab nahin to kab praapta nahin ho sakti। yeh parmaatma paalna, parmaatma pyaar, parmaatma praaptiyaan koton mein koi aatmaon ko hi anubhav hoti hain। aap sabhi to anubhvi ho na! anubhav hai?paalna ka bhi anubhav hai, padhaai ka bhi aur shreemat ka bhi। anubhvi moorta ho। to sada apne mastak mein yeh bhaagya ka sitaara chamakta hua dikhaai deta hai,sada? ki kabhi chamakta hua sitaara dull bhi ho jaata hai kya! dheela nahin hona chaahiye। agar chamakta hua sitaara dheela hota hai, uska kaaran kya hai?jaante ho?

baapdaada ne dekha hai ki kaaran yeh hota hai, smriti swaroop nahin bane ho। sochte ho main aatma hoon, lekin sochta swaroop bante ho, smriti swaroop kam bante ho। jab tak smriti swaroop sada nahin bante to smriti hi samarthi dilaati hai। smriti swaroop hi samartha swaroop hai। isliye bhaagya ka sitaara kam chamakta hai। apne aapse poochho ki jyaada samay soch swaroop bante ho va smriti swaroop bante ho? soch swaroop banne se sochte bahut achha ho, main yeh hoon, main yeh hoon, main yeh hoon… lekin smriti na hone ke kaaran sochte,vyartha sankalp saadhaaran sankalp bhi mix ho jaate hain। vaastav mein dekha jaae to aapka anaadi swaroop smriti so samartha swaroop hai। sochne vaala nahin, swaroop hai। aur aadi mein bhi is samay ke smriti swaroop ki praalabdha praapta hoti hai। to anaadi aur aadi smriti swaroop hai aur is samay ant mein sangam samay par bhi smriti swaroop bante ho। to aadi anaadi aur ant teenon kaalon mein smriti swaroop ho। sochna swaroop nahin ho। isliye baapdaada ne pahle bhi kaha ki vartamaan samay anubhvi moorta banna shreshtha stage hai। sochte ho aatma hoon,parmaatma praapti hai,lekin samajhna aur anubhav karna ismen bahut antar hai। anubhvi moorta kabhi bhi na maaya se dhokha kha sakta,na duhkh ki anubhooti kar sakta। yeh jo beech-beech mein maaya ke khel dekhte ho, ya khel khelte bhi ho,uska kaaran hai anubhvi moorta ki kami hai। anubhav ki authority sabse shreshtha hai। to baapdaada ne dekha ki kai bachche sochte hain lekin swaroop ki anubhooti kam hai। aaj ki duniya mein majority aatmaayen dekhne aur sunne se thak gaye hain lekin anubhav dvaara praapti karne chaahte hain। to anubhav karaana, anubhvi hi kara sakta hai। aur anubhvi aatma sada aage badhti rahegi,udti rahegi kyonki anubhvi aatma mein umang-utsaah sada emerge roop mein rehta hai। to check karo har point ke anubhvi moorta bane hain? anubhav ki authority aapke har karma mein dikhaai deti hai? har bol,har sankalp anubhav ki authority se hai ya sirf samajhne ke aadhaar par hai?ek hai samajhna,doosra hai anubhav karna। har subject mein, gyaan ki points varnan karna,woh to baahar ke speaker bhi bahut speech kar lete hain। lekin har point ka anubhvi swaroop banna,yeh hai gyaani tu aatma। yog lagaane vaale bahut hain, yog mein baithne vaale bahut hain,lekin yog ka anubhav arthaat shakti swaroop banna aur shakti swaroop ki parakh yeh hai ki jis samay jis shakti ki aavashyakta hai, us samay us shakti ko aahvaan kar nirvighna swaroop ban jaae। agar ek bhi shakti ki kami hai, varnan hai lekin swaroop nahin hai to bhi samay par dhokha kha sakte hain। chaahiye sahanshakti aur aap use karo saamna karne ki shakti, to yogayukta anubhvi swaroop nahin kahenge। chaar hi subject mein smriti swaroop va anubhvi swaroop ki nishaani kya hogi? sthiti mein nimitta bhaav, vritti mein sada shubh bhaav, aatmik bhaav, nihsvaartha bhaav। vaayumandal mein va sambandh-samparka mein sada nirmaan bhaav,vaani mein sada nirmal vaani। yeh visheshtaayen anubhvi moorta ki har samay natural nature hogi। natural nature। abhi kai bachche kabhi-kabhi kehte hain ki ham chaahte nahin hain yeh karen lekin meri puraani nature hai। nature natural kaam vahi karti hai,sochna nahin padta, lekin nature natural kaam karti hai। to apne ko check karo- meri natural nature kya hai? agar koi bhi puraani nature ansh maatra bhi hai,to har samay woh kaarya mein aate-aate pakka sanskaar ban jaata hai। usko samaapta karne ke liye puraani nature, puraana svabhaav, puraana sanskaar ko samaapta karne ke liye chaahte ho lekin kar nahin paate ho, uska kaaran kya hai?knowledgeful to sabmen ban gaye ho, lekin jo chaahte ho hona nahin chaahiye lekin ho jaata hai, kaaran kya hai? parivartan karne ki shakti kam hai। majority mein dikhaai deta hai ki parivartan ki shakti, samajhte hain, varnan bhi karte hain,agar sabhi ko parivartan shakti ki topic par likhne ke liye kahen ya bhaashan karne ke liye kahen to baapdaada samajhte hain sabhi bahut hoshiyaar hain, bahut achha bhaashan bhi kar sakte hain,likh bhi sakte hain aur doosra koi aata hai usko samjhaate bhi bahut achha hai - koi harja nahin, parivartan kar lo। lekin svayan mein parivartan karne ki shakti aur vartamaan samay ke mahatva ko jaante hue parivartan karne mein samay nahin lagaana chaahiye। second mein parivartan ki shakti, kyonki jab samajhte ho - hona nahin chaahiye, samajhte hue bhi agar parivartan nahin kar paate ho, uska kaaran hai - sochte ho lekin swaroop nahin bane ho।

sochna swaroop jyaada saare din mein bante ho, smriti so samartha swaroop woh majority kam hai। abhi teevragti ka samay hai, teevra purooshaartha ka samay hai, saadhaaran purooshaartha ka samay nahin hai,second mein parivartan ka arth hai - smriti swaroop dvaara ek second mein nirvikalp,vyartha sankalp nivritta ho jaae, kyon?samay ko samaapti ko sameep laane vaale nimitta ho। to abhi ke samay ke mahatva pramaan jab jaante bhi ho ki har kadam mein padam samaaya hua hai, to badhaane ka to buddhi mein rakhte ho lekin gavone ka bhi to buddhi mein rakho। agar kadam mein padam banta bhi hai to kadam mein padam ganvaate bhi to ho, ya nahin? to abhi minute ki baat bhi gai, doosron ke liye kehte ho one minute silence mein raho lekin aap logon ke liye second ki baat honi chaahiye। jaise haan aur na sochne mein kitna time lagta hai? second। to parivartan shakti itni fast chaahiye। samjha theek hai,nahin theek hai,na theek ko bindi aur theek ko practical mein laana hai। abhi bindi ke mahatva ko kaarya mein lagaao। teen bindiyon ko to jaante ho na! lekin bindi ko samay par kaarya mein lagaao। jaise science vaale sab baat mein teevragti kar rahe hain, aur parivartan ki shakti bhi jyaada kaarya mein laga rahe hain। to silence ki shakti vaale abhi lakshya rakho agar parivartan karna hai, knowledgeful ho to abhi powerful bano,second ki gati se। kar rahe hain, ho jaayenge… kar lenge…, nahin। ho sakta hai ya mushkil hai?kyonki last samay second ka paper aana hai,minute ka nahin, to second ka abhyaas bahutkaal ka hoga tab to second mein paas with honour banenge na! parmaatma student hain, parmaatma padhaai padh rahe hain, to paas with honour banna hi hai na! paas marks liya to kya hua। paas with honour। kya lakshya rakha hai?jo samajhte hain paas with honour banna hai woh haath uthaao,paas with honour,honour shabd underline karna। achha।

to abhi kya karna padega? minute motor to common hai, second ka kaam hai abhi। haan panjaab vaale,second ka maamla hai abhi। ismen number one kaun hoga?panjaab। kya badi baat hai। jitna phalak se kehte ho,bahut achha kehte ho, phalak se kehte ho,baapdaada jab sunte hain bahut khush hote hain, kehte ho - kya badi baat hai, baapdaada saath hai। to saath to authority hai,to kya karna hai abhi?teevra banna padega abhi। seva to kar rahe ho, aur seva ke bina aur karenge bhi kya? khaali baithenge kya?seva to brahman aatmaon ka dharma hai, karma hai। lekin abhi seva ke saath-saath samartha swaroop, jitna seva ka umang-utsaah dikhaaya hai, baapdaada khush hai, mubaarak bhi dete hain। lekin jaise seva ka taaj mila hai na, taaj pahna hua hai dekho kitna achha lag raha hai। abhi smriti swaroop banne ka taaj pahanke dikhaana। youth group hai na! to kamaal kya karenge? seva mein bhi number one aur samartha swaroop mein bhi number one। sandesh dena bhi brahman jeevan ka dharma aur karma hai lekin abhi baapdaada ishaara de raha hai ki parivartan ki machinery teevra karo। nahin to paas with honour hone mein mushkil ho jaayega। bahutkaal ka abhyaas chaahiye। socha aur kiya। sirf sochna swaroop nahin bano, samartha smriti so samartha swaroop bano। vyartha ko teevra gati se samaapta karo। vyartha sankalp, vyartha bol, vyartha karma, vyartha samay aur sambandh-samparka mein bhi vyartha vidhi, reeti sab samaapta karo। jab brahman aatmaayen teevragti se yeh sva ke vyartha ki samaapti karenge tab aatmaon ki duaayen aur apne punya ka khaata teevragti se jama karenge।

seva ka tarna panjaab ka hai:- aadha class to panjaab hai। bahut achha kiya hai। seva mein ever ready ban pahunch gaye ho, iski mubaarak hai। achha, panjaab vaale kya koi naya plan bana rahe hain? jo kisne nahin kiya ho, koi aisa plan touch hota hai? hota hai। subah ko ho jaayega। aisa karke dikhaao, jo sab brahman thanks bhi den,mubaarak bhi den, vaah! vaah! ke geet bhi gaayen। abhi tak jo kiya hai,woh to kar hi rahe hain, achha kar rahe hain। baapdaada seva ke samaachaar sunte rehte hain aur sunkar dil mein dil ka pyaar bhi dete hain। abhi kuchh aur naveenta karke dikhaao। panjaab ko sher kaha jaata hai na। to aisi koi gajghor karke dikhaao jo sabki nazar baapdaada ki taraph sahaj hi aa jaae। ho jaayega। baapdaada ko sankalp hai,panjaab koi naveenta karega hi। abhi bhi golden chance mila hai, seva ka golden chance liya aur har saal lete bhi rehte hain aur achhe himmat umang se sabhi mil karke kar bhi rahe hain। sankhya to bahut achhi aai hai। achhe-achhe mahaaveer hain। dekho brahma baap ka bhi panjaab se pyaar raha to panjaab mein pahunch gaye the। to brahma baap ka bhi vishesh pyaar dekha। sabhi mahaarthiyon ka bhi panjaab mein paanv pada hai। koi aisi naveenta karke dikhaao। kar sakte hain। panjaab ki paanch nadiyaan mashhoor hain। baapdaada to dekh rahe hain ki achhe brahma baap ki paalna vaale bhi hain। to paalna ka return to dena padega na। achha hai baapdaada ki bahut badhiya ummeend hai panjaab mein। karenge na! koi aisa kaarya karke dikhaao jo sabki nazar baap ki taraph pad jaae। hai paandavon mein himmat hai? paandav himmat vaale hain? achha hai, maataaon ki sankhya bhi kaaphi hai, teachers bhi bahut hain। achha - plan banaana aapas mein। paandav plan banaana। kamaal ka plan banaana। achha।