रविवार 31 दिसंबर 2017 की अव्यक्त मुरली

> 31-12-07 om shanti avyakt baapdaadaamdhuban

``naye varsha ko samaapti varsha, shreshtha varsha aur duniya ko jagaane ka varsha, is roop mein manaao''

om shanti। sabhi jo bhi baithe hain, ek hi parivaar hai। aisa parivaar kabhi suna tha, dekha tha! nahin। aisa alaukik parivaar abhi hi dekha aur abhi sab bhavishya ke liye taiyaar ho rahe hain। to sabhi naya varsha, naya saal manaayenge, abhi apni woh nai duniya aa rahi hai, kitna badhiya hai, aap sab bhi bhavishya parivaar ke paatra taiyaar dikhaai de rahe hain। to sabhi ko naye varsha ki mubaarak ho, mubaarak ho, mubaarak ho।

naye varsha mein naya to kuchh dikhaana hi hai lekin aisa dikhaayen jo janma-janma uski praalabdha hamaare saath ho।

(nirvair bhaai aur brijmohan bhaai ne baapdaada se naye varsha ke liye vishesh prernaayen poochhi, jaise - naye varsha ko kya naam den, kya vishesh attention rakhen, ismen kya purooshaartha karen?)

naye varsha ko samaapti varsha, shreshtha varsha aur duniya ko jagaane ka varsha maanen aur dekhen ki kaise yeh varsha bhi kamaal dikhaata hai।jo bhi sabhi brahman hain woh sab umang mein hain ki aage kya hoga, jaante bhi hain ki kya hoga! abhi to nai duniya ka sabhi svapna dekh rahe hain ki abhi naya varsha, nai reeti, nai preet sab naya naya badal raha hai। jaise yug badal raha hai, vaise yug ke saath sab reeti-rivaaj, kaayde sab usi pramaan chalne hain। to aaj apne naye sansaar mein jaane ke liye yahi sankalp karna hai ki humein paas to hona hi hai। do paas, ek paas, paas (sameep) jaane ki aur doosri paas imtahaan paas karne ki, woh bhi paas milni hi hai। paas to aapko milegi hi lekin paas ke saath yahi baba chaahte hain ki har ek bachcha apne ko kisi bhi reeti se paas zaroor kare। yeh samay hi paas karne ka hai, iske liye abhi apne aapko check karo aur bhavishya ke oopar attention do, paas karna arthaat sab kuchh hote hue bhi jo bhavishya hai usko paas karne ke liye itna purooshaartha kare jo yahi bhavishya hamaare saath rahe aur sabke mukh se yahi nikle - paas paas paas। sabhi ki shaklen bata rahi hain ki sabhi ne abhi tak jo purooshaartha kiya hai, peechhe kiya hai va nahin kiya hai woh baat aur hai lekin abhi is samay full paas ki em rakhi hai aur brahman hi paas honge। brahman hain, to braahmanon ko pahli pahli saugaat yahi hai। aur saari sabha ke andar yahi umang hai to ab jaldi-jaldi ham paas ho jaayen to kitni sabko khushi hogi। sabhi khush hain abhi ham parivartan hone vaale hain।

(naye varsha ke liye desh videsh ke bhaai bahinon ke liye baba aapki kya prerna hai, sab sunna chaahte hain)

sabhi apne ko kya samajhte hain! samajhte hain ki hamaara adhikaar to hai hi hai ki samajhte hain pata nahin kya hoga, kaisa hoga! iske vichaar bhale chalen lekin thahar nahin jaayen। yeh thaharna achha nahin hai। abhi to hamko raajyabhaagya lena hai। pahle apne oopar raajya, doosron par to rehta hi hai, yeh to prasiddha ho rahe hain ki sva ka raajya bahut bada hai aur sab prash>> isi vishay par hain ya doosri koi vishay saamne hai? jaise abhi ka raajya hai, vaise abhi isse bhi majboot raajya aapka aa raha hai। har ek us bhavishya ko dekh khush ho raha hai aur aage ki prerna le raha hai। baapdaada bhi bachchon ko dekh khush hai aur samajhte hain ki bahut kuchh mil gaya hai aur milna hi hai।

seva ka tarna mahaaraashtra, mumbai, aandhrapradesh, telangaana ka hai, 15 hajaar sevaadhaari aaye hain, total 25 hajaar hain, 600 double videshi bhaai bahinen hain:-

sab umang-utsaah mein hain। baapdaada bhi bachchon ko dekh khush hai to har ek bachcha purooshaartha kar apna ya baap ka naam prasiddha kar rahe hain।aaj baap dekh raha tha ki kaun, kaun kahaan tak pahunchen hain! pahunchen hain, purooshaartha achha kiya hai। aage vijay bhi hai। baba ne dekha ki sabne jo lakshya rakha hai woh practical mein karke dikhaayenge। yahi sabmen umang hai। isi umang se yeh grupaaage badhta jaata hai। har ek bachche ki vijay nishchit hai। vijay to hai lekin yeh vijay apne mein aatma vishvaas aur parivaar mein nishchay ko badha deti hai। yahi donon baaten apne raajya mein kaam mein aayengi।

(sanskaar milan ke liye bahut purooshaartha karte hain, phir bhi abhi saphal nahin hain, woh saphalta kaise hogi, buddhi ko behad mein kaise le jaayen, jo in sab baaton se oopar chale jaayen) sabhi ke paas lakshya hai, plan hai, abhi us plan ke oopar attention thoda jyaada rahe, aur sabko uski bhaasna aave। bhaasna aane ke liye thoda sa attention ismen deven ki hamaare andar jo parivaar ka pyaar hai, parivaar ka pyaar sangam par hi jyaada anubhav kar sakte hain। phir to natural ho jaayega।

lakshya yahi rakhen ki hona hi hai। sabhi yahi soch rahe hain ki yeh is baat par kyon soch rahe hain। hamaari padhaai theek hai aur padhne vaale bhi theek hain to phir yeh question to hai hi nahin। abhi yahi lakshya rakho ki ham banne hi hain। usmein aapka part sirf sahayogi banne ka nahin hai lekin khud apne ko laayak banaana hai। attention apne oopar dena, yeh zaroori hai। aur baba ne dekha ki sabko iska bahut khyaal hai ki banna hi hai। ban rahe hain, purooshaartha anusaar number lenge lekin pahle yeh dhyaan rakho। jaise baba poochhte hain vaise aap bhi aapas mein roohrihaan karke jo raajdhaani ki seat hai woh avashya lenge। to abhi yeh sankalp rakho ki ab raajdhaani mein kya seat leni hai!

(brijmohan bhaai ko dekhkar baba bole)

abhi dilli ki raajdhaani mein baithe to hain lekin abhi dilli raajdhaani ke saath bhavishya ki raajdhaani bhi dhyaan par rakhni hai। (baba ismen bahinen number aage le leti hain) hamesha hi dekha gaya hai jab race hoti hai na tab maataayen, kanyaayen yeh number le leti hain। jab final hota hai to yahi result nikalti hai lekin aapke paas bhi lakshya hai ki hamko number lena hai aur paas hona hai। to baapdaada aaaur drama donon taraph dhyaan rakhta hai।

(follow father kaise karen) follow father ka agar attention hai to phir practical life mein sab practical dikhaai dena

chaahiye। to jaise baap abhi chaahta hai vaisa hi ho raha hai, time par sab theek ho jaata hai lekin sada hi yeh baat ho। woh bhi ho rahi hai aur hogi hi isliye yeh bhi phikra nahin hai। sabhi purooshaartha kar rahe hain aur abhi sabhi ki buddhi mein yahi hai ki ham number zaroor lenge। ho jaayenge। taiyaari ho gai hai। yeh to hua hi pada hai baaki sirf beech-beech mein thoda sa roop badalta hai, to us badalte hue roop se kisi na kisi reeti se koi baat hoti hai, phir theek ho jaati hai isliye baapdaada bhi itna nahin kah sakta hai kyonki purooshaartha ka swaroop dikhaai de raha hai। aisa nahin hai ki nahin dikhaai deta hai। deta hai lekin sada nahin dikhaai deta। kabhi kaise, kabhi kaise। abhi isko sthir karo aur sab josh dikhaao ki ham sab taiyaar hain paper dene ke liye। sabhi paper dene ke liye taiyaar hain, sabhi se poochho? paper dene ke liye taiyaar hain aur ummeend hai to praapti bhi itni hai। woh nasha sada nahin rehta hai, beech-beech mein thoda time rehta hai kyonki purooshaartha karte hain lekin yeh nasha sada rahe, iska abhi abhyaas chaahiye। attention thoda dena padega। padhaai hai na। padhaai mein attention diya jaata hai। to sabhi ko naye saal ki mubaarak bhi ho aur is naye saal mein kadam aage badhaane ka vardaan hai।

apne ko baap samaan bharpoor aur sada taiyaar rakhna। jo bhi samay hai us samay mein apne ko aise hi taiyaar karen jaise baap chaahte hain, jaise baap sarvagun sampanna hai, taaj, takhtadhaari hai, aise yeh visheshtaayen har ek bachcha apne mein anubhav kare। abhi bhi samay hai, jo kuchh raha hua hai woh sab apne mein dhaaran karke, dhaarna roop ka saakshaatkaar karaao। abhi kya karen, kaise hoga… nahin। iska question poochhne ki baat hi nahin hai। abhi baap ne sabko himmat di hai, umang diya hai to usi himmat aur umang in donon ko saath lekar sabhi jaldi-jaldi aage badho। achha।