रविवार 28 अक्टूबर 2018 की अव्यक्त मुरली

> om shanti 28-10-18 ''dincharya'' madhuban

praaneshvar avyakt baapdaada ke ati snehi, sada sachche aur saaph dil ke sneh se bholaanaath baap ko raazi karne vaale, sabhi raazayukta, yogayukta aur yuktiyukta ban sada nishchit bhaavi ko jaan, nishchint sthiti mein rahne vaale nimitta teachers bahinen tatha sarva brahman kul bhooshan bhaai bahinen,

eeshvareey sneh sampanna madhur yaad ke saath aaj in advance aane vaale sabhi utsavon ki sabko bahut-bahut badhaai ho।

dhanteras, deepaavli, naya varsha, bhaiya dooj… kitne sundar yaadgaar tyohaar bhaarat mein sabhi khoob dhoomdhaam se manaate hain। uski kitni taiyaariyaan karte, har ghar ke kone-kone ki saphaai karte, shreelakshmi ki vishesh pooja karte, deepmaala ke saath-saath khoob khushiyon mein pataake aadi jalaate, phir bhaai-bhaai ki smriti ka tilak de ek do ka mukh meetha karaate… yeh sabhi tyohaar anek aadhyaatmik rahasyon ko svayan mein samaaye hue sangamayug ke hi yaadgaar hain। apne yagya itihaas mein bhi in sabhi tyohaaron ka bahut bada mahatva hai। to sabhi ko in umang-utsaah bhare tyohaaron ki badhaai ho।

dekho, bhaaratvaasi bhaai bahinon ke liye pyaare avyakt baapdaada se mangal milan manaane ka yeh pahla tarna hai। pahle double videshi bhaai bahinen khoob refresh hokar gaye। abhi Indore zone (kamla behen), ki sevaaonka tarna hai। saath mein anya kai groups bhi aaye hue hain। kareeb 16-17 hajaar bhaai bahinon ka bahut pyaara sangathan hai।

pyaare avyakt baapdaada vatan se hi direct apne bachchon ko sarva shaktiyon, sarva vardaanon se bharpoor kar rahe hain। saakaar mein avyakt milan ki jigyaasa to har bachche ke dil mein sada rehti hi hai। lekin drama ki bhaavi, jo abhi tak pyaare baapdaada ka rath hamaari meethi daadi guljaar ji ham sabke beech madhuban mein nahin pahunch saki hain। sabke yog ki sookshm sakaash, shubh bhaavnaaonki shakti daadi ji ko sheeghra hi shaantivan mein lekar aayegi, aisi ham sabki shubh aashaayen hain।

baaki baapdaada ke avatran din par savere se hi sabhi bhaai bahinen avyakt sthiti dvaara avyakt vatan ki sair karte avyakt milan ki anubhootiyaan kar rahe hain। chaaron or silence ka bahut achha vaataavran hai। niyam pramaan sabhi pyaare avyakt baapdaada ki drishti, unke madhur mahaavaakya sabhi video dvaara sun aur dekh rahe hain। aise anubhav ho raha hai jaise baapdaada direct apne bachchon ko sarva shaktiyon, sarva vardaanon se bharpoor kar rahe hain। baapdaada ke mahaavaakya jo ham sabne video dvaara sune hain woh aapko bhi bhej rahe hain। class mein sabko refresh karna ji। achha - sabhi ko yaad…om shanti।

28-10-18 om shanti ''avyakt-baapdaada'' revise video 15-11-08 madhuban

''sachchi saaph dil se parmaatma snehi ban har praapti ke anubhav ki authority bano''

aaj baapdaada apne chaaron or ke apni sachchi dil, saaph dil ke sneh se bholaanaath baapdaada ko apna banaane vaale bachche, snehi bachche dekh rahe hain। aise dil ke snehi bachchon ko dekh baapdaada bhi geet gaate vaah! mere snehi bachche vaah! yeh parmaatma sneh sirf is sangam par hi anubhav kar sakte hain। to aise snehi bachche jo dil se baap ko yaad karte hain, woh sada hi baap ki yaad mein, baap ke diltakhtansheen bante hain। baapdaada aise snehi bachchon ko vishesh amritvele koi na koi vishesh vardaan dete hain kyonki sneh dene vaale dil ke snehi bachche baapdaada ko bhi apne taraph kheench lete hain kyonki dil ka sachcha sneh hai aur jeevan mein agar sneh nahin to jeevan mauj mein nahin rehti। aap sabhi anubhvi hain ki baap ka nihsvaartha avinaashi sneh har ek bachche ko kitna pyaara hai। to parmaatma sneh is brahman jeevan ka foundation hai isliye aap sab sneh ke paatra aur sneh ke anubhvi bachche hain। gyaan hai lekin gyaan ke saath parmaatma sneh bhi aavashyak hai kyonki jahaan sneh hai vahaan sab kuchh anubhav karna sahaj ho jaata hai। sneh ki shakti baap ke bahut hi najdeek le aati hai। sneh ki shakti sada aise anubhav karaati hai jaise baap ke vardaan ka haath sada apne sir par anubhav karte। baap ka sneh sada hi chhatrachhaaya ban jaata hai। snehi sada apne ko baap ke saathi samajhte hain। snehi aatma sada ramneek rehti hai। sookhe nahin rehte, ramneek rehte hain। snehi aatma sada nishchit aur nishchint rehti hai। snehi sada baap ko yaad karne mein apne ko sahaj yogi anubhav karte hain। gyaan beej hai lekin beej ke saath sneh paani hai, agar beej mein paani nahin milta to phal ki praapti ka anubhav nahin ho sakta। gyaan ke saath-saath yeh parmaatma sneh sada sarva praaptiyon ka phal anubhav karaata hai। sneh mein praaptiyon ka anubhav bahut sahaj hota hai। sirf gyaan hai lekin sneh nahin hai to phir bhi kyon, kya ke questions uth sakte hain lekin sneh hai to sada sneh ke saagar mein lavleen rehte hain। snehi aatma ko ek baap hi sansaar hai, sada shreemat ka haath mastak mein anubhav karte hain। avinaashi sneh saara kalpa snehi bana deta hai। to har ek apne aapko check karo ki sada dil ke sneh ke anubhvi hain? sneh ke beech mein koi leakage to nahin hai? agar koi bhi aatma ki taraph prabhaavit hain - chaahe unki visheshta par, chaahe vishesh gun par prabhaavit hain to parmaatma pyaarke andar avinaashi ke badle leakage ho jaata hai। isliye har ek apne aapko check kare ki sada ke snehi, sada baap ke saathi, sada baap ke vardaan ka haath maathe par anubhav hota hai ya koi leakage hai jis kaaran yeh anubhav nahin kar sakte? gyaani tu aatma baap ko priy hain lekin gyaan ke saath-saath sachchi dil, avinaashi baap ka sneh aavashyak hai। agar gyaan ke saath, sachchi dil saaph dil ka sneh thoda bhi kam hai to kahaan-kahaan mehnat karni padti hai। purushaartha mein yuddha karni padti hai। isliye nirantar yaad, nirantar lav mein leen hone vaali aatma sada hi pahaad ko bhi raai banaane vaali hoti hai kyonki sneh mein praaptiyaan spashta anubhav hoti hain aur jahaan muhabbat hai vahaan mehnat kam, agar muhabbat athva sneh kam to mehnat lagti hai।

to baapdaada aaj chaaron or ke bachchon ko sachchi dil se baap ke snehi, mehnat se mukta sada hi sneh ke saagar mein samaaye hue kahaan tak hain, woh check kar rahe the। gyaan beej hai lekin beej ko sneh ka paani aavashyak hai। nahin to sahaj phal, praaptiyon ka phal, anubhvon ka phal kam anubhav hota। to aajkal baapdaada har bachche 1ko, har praapti ke anubhvi moorta dekhne chaahte hain। apne aapko check karo har shakti ka, har praapti ka, har gun ka anubhav hai? agar anubhav ki authority hai to koi bhi paristhiti anubhav ki authority ke aage kuchh bhi prabhaav nahin daal sakti। sabhi bachche jaante hain, gyaan ki samajh se main aatma hoon, jaante bhi hain, bolte bhi hai lekin chalte phirte har samay aatma swaroop ki anubhooti hai? gyaan ki har pvaanit anubhav kar rahe hain? anubhvi moorta kabhi bhi kisi bhi paristhiti mein achal adol rehte hain। halchal mein nahin aate kyonki authorities to bahut hain lekin sabse bade mein badi authority anubhav hai। agar anubhav ki authority hai to har shakti, har gyaan ki point, har gun apne order mein honge। aahvaan karo jis samay jis shakti ka vo second mein sahayogi banegi। agar anubhav ki authority kam hai to mehnat karni padti hai। anubhvi master sarvashaktivaan hai। to master order kare aur shakti samay par kaam mein nahin aave, mehnat karni pade, samay lagaana pade to master sarvashaktivaan kaise hue! to har subject, gyaan ki har point ka anubhvi hoon, yaad ki shakti ka aisa anubhav hai jo ek second mein mera baba, meetha baba yaad kiya aur sama gaye? jis samay jo dhaarna aavashyak hai us samay woh dhaarna kaarya mein laga sakte hain ki kaarya samaapta ho jaae phir soch mein aave, isko anubhav ke authority moorta nahin kahenge। maalik shaktivaan hai to har shakti, har gun order mein hai? to har ek apne aapko dekho ki anubhav ki authority ke takhta par va seat par sada rehte hain? anubhav ki seat par set rahne vaale arthaat sankalp kiya aur hua, mehnat nahin karni padegi। samay nahin lagaana padega। har shreemat se jeevan natural sahaj sampanna hoga kyonki pahle sunaaya ki baapdaada bhi sachchi dil saaph dil par, snehi aatma par, lavleen aatma par haazir ho jaate hain। jo har shreemat par haajir hota hai to baap bhi kehte hain main bhi hazoor haajir hoon। aap ji hazoor karo to hazoor sada haajir hai। sahaj yaad to brahman jeevan ka natural gun hai।

to sabhi jo pahli baar bhi aaye hain ya bahutkaal se baap ke ban gaye hain, to har shakti, har gun natural nature bani hai? jaise har ek mein koi na koi nature natural hoti hai। jo kabhi-kabhi koi-koi bachche, kuchh bhi ho jaata hai, jo brahman jeevan ke yogya nahin hai to kya kehte hain? mera bhaav nahin tha lekin nature hai। jaise woh kamjor nature, natural ho gai hai, aise har shakti brahman aatma ki natural nature hai। yeh jo kamjor nature bani hai woh to deh-abhimaan ki nishaani hai। to samjha gyaani tu aatma ke saath baap se dil ka sneh sab sahaj kar deta hai। sneh bhi brahman jeevan mein sahayog deta hai aur sneh yaad mushkil nahin karaata, bhoolna mushkil hota hai। snehi ko bhoolna mushkil hota hai, yaad karna nature hoti hai।

to baapdaada vartamaan samay aap ek-ek bachche ko abhi kis roop mein dekhne chaahte hain? kyonki samay ki raphlaataar achaanak ke khel dikha rahi hai, isliye baapdaada har bachche ko baap samaan dekhne chaahte hain। har bachche ki soorat mein baap ki moorta pratyaksha ho। har bachche ke naynon mein roohaaniyat ka nasha ho। har chehre par sarva praaptiyon ki muskaraahat ho, har chalan mein nishchay ka nasha ho। sabhi aane vaale nishchaybuddhi hain na! nishchaybuddhi hain, haath uthaao। achha। mubaarak ho। lekin nishchay buddhi ki nishaani kya gaai jaati hai? nishchaybuddhi ke peechhe kya kaha jaata hai? nishchaybuddhi kya? vijayi। nishchaybuddhi ki nishaani vijayi। to sada nishchaybuddhi ki nishaani kya hui? sada vijayi va kabhi-kabhi vijayi? sada vijayi hoga na! to abhi samay pramaan nishchaybuddhi ka pratyaksha pramaan sada vijayi aatma, koshish shabd nahin, chaahta to hoon, koshish to karta hoon, hona to chaahiye...nahin, uske mukh se sada vijay ka pratyaksha pramaan dikhaai de।

aaj pahli baari kaun aaye hain woh khade ho jaao। achha, aadha class to pahle baari ka hai, bahut achha, baith jaao। phir bhi baapdaada khush hote hain ki letka board to lag gaya hai lekin toolate ka nahin laga hai। isliye aaye peechhe hain lekin teevra purushaarthi ban aage jaana hai। agar is sangam ke samay ko ek-ek second saphal karenge to saphalta aapka janma siddha adhikaar hai lekin attention please, second bhi vyartha na jaaye। attention ko bhi underline karke chalna pade। aise umang hai, jo pahle baari aane vaale hain woh himmat rakhte hain ki ham aage jaayenge? woh haath uthaao। T.vi. mein dikha lo, hisaab-kitaab poochhenge। phir bhi baapdaada aap sabhi ke oopar yahi shubh sankalp rakhte hain ki peechhe aate bhi aage jaakar dikhaayenge। dikhaayenge na! jitne saare uthe utne taali bajaao। achha umang hai, umang mein hi chalte rehna। achha।

Indore vaale utho, haath hilaao। Indore service to kar rahe hain lekin aise saathi nikaalo jo aapke madadgaar hoke sada aapke saath seva ka part bajaate rahe। beech-beech mein sahayogi bante hain, seva mein saathi bhi bante hain, lekin sada ke saathi taiyaar karo, jisse aapke saathi bankar jaldi-jaldi sabko sandesh de saken। baaki baapdaada khush hai, vriddhi bhi kar rahe hain lekin vidhi ko aur thoda fast karo। nai nai aatmaayen badh bhi rahi hain yeh dekhkar baba khush bhi hote hain lekin raphlaataar abhi aur tej karo, sva purushaartha aur seva ka purushaartha aur teevra gati mein laao।

achha। abhi ek second mein apne man ke, buddhi ke maalik ban, man buddhi ko paramdham mein ekaagra kar sakte ho? abhi ek minute baapdaada dekhne chaahte hain sabhi ekaagra ho paramdham nivaasi ban jaao। (drill)

aisi practice samay par bahut kaam mein aayegi। abhi naazuk samay najdeek aa raha hai isliye yeh ekaagrata ka abhyaas bahut-bahut-bahut aavashyak hai। isko halka nahin karna। ek second mein kya se kya ho jaayega isliye baapdaada pahle se hi ishaara de raha hai। achha।

chaaron or ke teevra purushaarthi aatmaaonko sada sachchi dil ke baap ke snehi dilaaraam ke bachchon ko sada svayan aur seva mein aage se aage udne vaale udti kala ke bachchon ko, sada amritvele se raat tak har shreemat ko jeevan mein laane vaale baap samaan bachchon ko baapdaada ka yaadapyaar, dil ke vardaan sveekaar ho, saath saath baapdaada ki desh videsh ke sabhi bachchon ko dil mein samaate hue namaste।