गुरुवार 17 अक्टूबर 2019 की अव्यक्त मुरली

> 17-10-2019 Avyakt BapDada 17-10-2019

praanapyaare avyakt baapdaada ke ati snehi, sada parmaatma milan ki anubhootiyon mein magan rahne vaale, apni shreshtha vritti dvaara shaktishaali vaayumandal banaane vaale teevra purushaarthi nimitta teachers bahinen tatha desh videsh ke sarva bhaai bahinen,

eeshvareey sneh sampanna madhur yaad sveekaar karna ji।

baad samaachaar - pyaare baapdaada ke ghar mein avyakt anubhootiyaan karne ki alaukik season shuru ho gai hai। aktoobar maas mein yeh pahla tarna uttarapradesh aur pashchim nepaal ki sevaaon ka hai। bhaarat ke vibhinna praanton ke saath-saath anek deshon ke double videshi bhaai bahinen bhi madhuban pahunch gaye hain। drama mein is adbhut milan mele ki bhi apni nyaari pyaari raunak hai। hamaari meethi guljaar daadi ko pyaare baapdaada ne saakshi drishta banaae, mumbai gaamdevi mein bithaaya hua hai। vahaan se unki tapasya ke sookshm vibration madhuban mein baapdaada ki upasthiti ka anubhav kara rahe hain। har ek ke dil mein pyaare baapdaada ke saath daadi ki bhi yaad samaai hui hai। daadi jaanki ji sabhi ko bahut achhi bhaasna, sneh aur pyaar ki paalna de rahi hain। drama ki yeh bhi wonderful scene hai jo abhi tak avyakt roop se saakaar ki paalna milti rahi, abhi niraakaar roop se har bachche ko baapdaada har prakaar se bharpoor kar rahe hain। madhuban ghar ke pavitra vibration, sangathan ki shakti, anubhvi bhaai bahinon ke anubhvayukta classes tatha avyakt baapdaada ki video dvaara revise murli sabhi ko khoob refresh kar rahi hai। baba ke ghar mein jo bhi aate hain sab bahut achhe-achhe anubhav karke jaate hain।

gyaan sarovar aur paandav bhavan mein double videshi bhaai bahinon ki alag-alag classes tatha varkashaap chalti rehti hain। iske pahle pees aaph mind tatha kaal aaph time ke kaaryakramon mein lagbhag 55 deshon ke bhaai bahinen baba ke ghar mein pahunche aur sabhi khoob refresh hokar gaye। abhi to 3 April 2020 tak aap sabko apne apne tarna mein madhuban ghar mein aane ka aahvaan hai। sabhi isi nishchay aur bhaavna ke saath madhuban mein aate hain ki ham baba ke ghar mein sarva vardaanon se apni jholi bharne ja rahe hain।

humein poori ummeend hai ki ham aap sabhi brahman aur bhi shaktishaali shubh bhaavnaaon ki sakaash daadi guljaar ji ke prati bhejenge to doctors daadi ji ko madhuban aane ki chhutti avashya de hi denge। achha - sabhi ko bahut-bahut yaad… om shanti।

17-10-2019 avyakt mahaavaakya video 17-03-07 madhuban

“shreshtha vritti se shaktishaali vibration aur vaayumandal banaane ka teevra purushaartha karo, dua do aur dua lo''

aaj pyaar aur shakti ke saagar baapdaada apne snehi, sikeeldhe, laadle bachchon se milne ke liye aaye hain। sabhi bachche bhi door-door se sneh ki aakarshan se milan manaane ke liye pahunch gaye hain। chaahe sammukh baithe hain, chaahe desh videsh mein baithe hue sneh ka milan mana rahe hain। baapdaada chaaron or ke sarva snehi, sarva sahayogi saathi bachchon ko dekh harshit hote hain। baapdaada dekh rahe hain majority bachchon ke dil mein ek hi sankalp hai ki abhi jaldi se jaldi baap ko pratyaksha karen। baap kehte hain sabhi bachchon ka umang bahut achha hai, lekin baap ko pratyaksha tab kar sakenge jab pahle apne ko baap samaan sampanna sampoorn pratyaksha karenge। to bachche poochhte hain baap se ki kab pratyaksha hoga? aur baap bachchon se poochhte hain ki aap bataao aap kab svayan ko baap samaan pratyaksha karenge? apne sampanna banne ki date fix ki hai? foreign vaale to kehte hain ek saal pahle date fix ki jaati hai। to apne ko baap samaan banne ki aapas mein meeting karke date fix ki hai?

baapdaada dekhte hain aajkal to har varga ki bhi meetings bahut hoti hain। double foreigners ki bhi meeting baapdaada ne suni। bahut achhi lagi। sab meetings baapdaada ke paas to pahunch hi jaati hain। to baapdaada poochhte hain ki iski date kab fix ki hai? kya yeh date drama fix karega ya aap fix karenge? kaun karega? lakshya to aapko rakhna hi padega। aur lakshya bahut achhe te achha, badhiye te badhiya rakha bhi hai, abhi sirf jaisa lakshya rakha hai usi pramaan lakshan, shreshtha lakshya ke samaan banaana hai। abhi lakshya aur lakshan mein antar hai। jab lakshya aur lakshan samaan ho jaayenge to lakshya practical mein aa jaayega। sabhi bachche jab amritvele milan manaate hain aur sankalp karte hain to woh bahut achhe karte hain। baapdaada chaaron or ke har bachche ki roohrihaan sunte hain। bahut sundar baaten karte hain। purushaartha bhi bahut achha karte hain lekin purushaartha mein ek baat ki teevrata chaahiye। purushaartha hai lekin teevra purushaartha chaahiye। teevrata ki dridhta uski addition chaahiye।

baapdaada ki har bachche ke prati yahi aash hai ki samay pramaan har ek teevra purushaarthi banen। chaahe nambarvaar hain, baapdaada jaante hain lekin nambarvaar mein bhi teevra purushaartha sada rahe, uski aavashyakta hai। samay sampanna hone mein teevrata se chal raha hai lekin abhi bachchon ko baap samaan banna hi hai, yeh bhi nishchit hi hai sirf ismen teevrata chaahiye। har ek apne ko check kare ki main sada teevra purushaarthi hoon? kyonki purushaartha mein paper to bahut aate hi hain aur aane hi hain lekin teevra purushaarthi ke liye paper mein paas hona itna hi nishchit hai ki teevra purushaarthi paper mein paas hua hi pada hai। hona hai nahin, hua hi pada hai, yeh nishchit hai। seva bhi sabhi achhi roochi se kar rahe hain lekin baapdaada ne pahle bhi kaha hai ki vartamaan samay ke pramaan ek hi samay par mansa-vaacha aur karmana arthaat chalan aur chehre dvaara teenon hi prakaar ki seva chaahiye। mansa dvaara anubhav karaana, vaani dvaara gyaan ke khajaane ka parichay karaana aur chalan va chehre dvaara sampoorn yogi jeevan ke practical roop ka anubhav karaana, teenon hi seva ek samay karni hai। alag-alag nahin, samay kam hai aur seva abhi bhi bahut karni hai। baapdaada ne dekha ki sabse sahaj seva ka saadhan hai -vritti dvaara vibration banaana aur vibration dvaara vaayumandal banaana kyonki vritti sabse tej saadhan hai। jaise science ki rocket fast jaati hai vaise aapki roohaani shubh bhaavna, shubh kaamna ki vritti, drishti aur srishti ko badal deti hai। ek sthaan par baithe bhi vritti dvaara seva kar sakte hain। suni hui baat phir bhi bhool sakti hai lekin jo vaayumandal ka anubhav hota hai, woh bhoolta nahin hai। jaise madhuban mein anubhav kiya hai ki brahma baap ki karmabhoomi, yog bhoomi, charitra bhoomi ka vaayumandal hai । ab tak bhi har ek usi vaayumandal ka jo anubhav karte hain woh bhoolta nahin hai। vaayumandal ka anubhav dil mein chhap jaata hai। to vaani dvaara bade-bade programme to karte hi ho lekin har ek ko apni shreshtha roohaani vritti se, vibration se vaayumandal banaana hai, lekin vritti roohaani aur shaktishaali tab hogi jab apne dil mein, man mein kisi ke prati bhi ulti vritti ka vibration nahin hoga। apne man ki vritti sada svachchha ho kyonki kisi bhi aatma ke prati agar koi vyartha vritti ya gyaan ke hisaab se negative vritti hai to negative maana kichda, agar man mein kichda hai to shubh vritti se seva nahin kar sakenge। to pahle apne aapko check karo ki mere man ki vritti shubh roohaani hai? negative vritti ko bhi apni shubh bhaavna shubh kaamna se negative ko bhi positive mein change kar sakte ho kyonki negative se apne hi man mein pareshaani to hoti hai na! vesta thoughts to chalte hain na! to pahle apne ko check karo ki mere man mein koi khitkhit to nahin hai? nambarvaar to hain, achhe bhi hain to saath mein khitkhit vaale bhi hain, lekin yeh aisa hai, yeh samajhna achha hai। jo wrong hai usko wrong samajhna hai, jo right hai usko right samajhna hai lekin dil mein bithaana nahin hai। samajhna alag hai, knowledgeful banna achha hai, wrong ko wrong to kahenge na! kai bachche kehte hain baba aapko pata nahin yeh kaise hain! aap dekho na to pata pad jaae। baap maante hain aapke kahne se pahle hi maante hain ki aise hain, lekin aisi baaton ko apni dil mein vritti mein rakhne se svayan bhi to pareshaan hote ho। aur kharaab cheez agar man mein hai, dil mein hai to jahaan kharaab cheez hai, vesta thoughts hain, woh vishwa kalyaankaari kaise banenge? aap sabhi ka occupation kya hai? koi kahega ham london ke kalyaankaari hain, dilli ke kalyaankaari hain, yu.pi. ke kalyaankaari hain? ya jahaan bhi rehte ho, chalo desh nahin to centre ke kalyaankaari hain, occupation sab yahi bataate ki vishwa kalyaankaari hain। to sab kaun ho? vishwa kalyaankaari ho? hain to haath uthaao। (sabhi ne haath uthaaya) vishwa kalyaankaari! vishwa kalyaankaari! achha। to man mein koi bhi kharaabi to nahin hai? samajhna alag cheez hai, samjho bhale, yeh right hai yeh wrong hai, lekin man mein nahin bithaao। man mein vritti rakhne se drishti aur srishti bhi badal jaati hai।

baapdaada ne hom work diya tha - kya diya tha? sabse sahaj purushaartha hai jo sabhi kar sakte hain, maataayen bhi kar sakti hain, boodhe bhi kar sakte hain, yuva bhi kar sakte hain, bachche bhi kar sakte hain, woh yahi vidhi hai sirf ek kaam karo kisi se bhi samparka mein aao - “dua do aur dua lo।'' chaahe woh baddua deta hai, lekin aap course kya karaate ho? negative ko positive mein badalne ka, to apne ko bhi us samay course karaao। challenge kya hai? challenge hai ki prakriti ko bhi tamoguni se satoguni banaana hi hai। yeh challenge hai na! hai? aap sabne yeh challenge ki hai ki prakriti ko bhi satopradhaan banaana hai? banaana hai? kaandh hilaao, haath hilaao। dekho, dekhaadekhi nahin hilaana। dil se hilaana, kyonki abhi samay pramaan vritti se vaayumandal banaane ke teevra purushaartha ki aavashyakta hai। to vritti mein agar zara bhi kichda hoga, to vritti se vaayumandal kaise banaayenge? prakriti tak aapka vibration jaayega, vaani to nahin jaayegi। vibration jaayega aur vibration banta hai vritti se, aur vibration se vaayumandal banta hai। madhuban mein bhi sab ek jaise to nahin hain। lekin brahma baap aur ananya bachchon ke vritti dvaara, teevra purushaartha dvaara vaayumandal bana hai।

aaj aapki daadi yaad aa rahi hai (daadi ji tabiyat ke kaaran bombe hospital mein thi), daadi ki visheshta kya dekhi? kaise control kiya? kabhi bhi kaisi bhi vritti vaale ki kami daadi ne man mein nahin rakhi। sabhi ko umang dilaaya। aapki jagdamba maa ne vaayumandal banaaya। jaante hue bhi apni vritti sada shubh rakhi, jiske vaayumandal ka anubhav aap sabhi kar rahe ho। chaahe follow father hai lekin baapdaada hamesha kehte hain ki har ek ki visheshta ko jaan us visheshta ko apna banaao। aur har ek bachche mein yeh note karna, baapdaada ka jo bachcha bana hai us ek ek bachche mein, chaahe teesra number hai lekin yeh drama ki visheshta hai, baapdaada ka vardaan hai, sabhi bachchon mein chaahe 99 galtiyaan bhi hon lekin ek visheshta zaroor hai। jis visheshta se mera baba kahne ka hakdaar hai। parvash hai lekin baap se pyaar atoot hota hai। iseelie baapdaada abhi samay ki sameepta anusaar har ek jo bhi baap ke sthaan hain, chaahe gaanv mein hain, chaahe bade zone mein hain, centres par hain lekin har ek sthaan aur saathiyon mein shreshtha vritti ka vaayumandal aavashyak hai। bas ek akshar yaad rakho agar koi baddua deta bhi hai, to lene vaala kaun? kya dene vaala, lene vaala ek hota hai ya do? agar koi aapko koi kharaab cheez de, aap kya karenge? apne paas rakhenge? ya vaapas karenge ya phenk denge ki almaari mein sambhaal ke rakhenge? to dil mein sambhaal ke nahin rakhna kyonki aapki dil baapdaada ka takhta hai। iseelie ek shabd abhi man mein pakka yaad kar lo, mukh mein nahin man mein yaad karo - dua dena hai, dua lena hai। koi bhi negative baat man mein nahin rakho। achha ek kaan se suna, doosre kaan se nikaalna to aapka kaam hai ki doosre ka kaam hai? tab hi vishwa mein, aatmaon mein fast gati ki seva vritti se vaayumandal banaane ki kar sakenge। vishwa parivartan karna hai na! to kya yaad rakhenge? yaad rakha man se? dua shabd yaad rakho, bas kyonki aapke jad chitra kya dete hain? dua dete hain na! mandir mein jaate hain to kya maangate hain? dua maangate hain na! dua milti hai tabhi to dua maangate hain। aapke jad chitra last janma mein bhi dua dete hain, vritti se unki kaamnaayen poori karte hain। to aap baar-baar aise dua dene vaale bane ho tab aapke chitra bhi aaj tak duaayen dete hain। chalo parvash aatmaon ko agar thoda sa kshama ke saagar ke bachche kshama de di to achha hi hai na! to aap sabhi kshama ke master saagar ho? ho ya nahin ho? ho na! kaho pahle main। ismen he arjun bano। aisa vaayumandal banaao jo koi bhi saamne aaye woh kuchh na kuchh sneh le, sahayog le, kshama ka anubhav kare, himmat ka anubhav kare, sahayog ka anubhav kare, umang-utsaah ka anubhav kare। aise ho sakta hai? ho sakta hai? pahli line vaale ho sakta hai? haath uthaao। pahle karna padega। to sabhi karenge? teachers karengi? achha।

abhi vishwa ko bahut aavashyakta hai। aap nivaaran moorta ban jaao। aapke nivaaran moorta banne se aatmaayen nirvaan mein ja sakengi। agar aap nivaaran moorta nahin banenge to aatmaayen bichaari nirvaan mein ja nahin sakengi। nirvaan ka get aapko hi kholna hai। baap ke saath-saath get kholenge na! get ki ceremony karenge na? abhi date banaana aapas mein। achha।

jagah jagah se bachchon ke email aur patra to aate hi hain। to jinhonne patra nahin likha hai lekin sankalp kiya hai to sankalp vaalon ka bhi yaadapyaar baapdaada ke paas pahunch gaya hai। patra bahut meethe meethe likhte hain। patra aise likhte hain jo lagta hai ki yeh umang-utsaah mein udte hi rahenge। phir bhi achha hai, patra likhne se apne ko bandhan mein baandh lete hain, vaayda karte hain na। to chaaron or ke jo jahaan dekh rahe hain ya sun rahe hain, un sabhi ko bhi baapdaada sammukh vaalon se bhi pahle yaadapyaar de rahe hain kyonki baapdaada jaante hain ki kahaan koi time hai, kahaan koi time hai lekin sab bade utsaah se baithe hain, yaad se sun bhi rahe hain। achha।

seva ka tarna - yu.pi. banaaras aur pashchim nepaal ka hai:- achha hai, baapdaada ko teachers par bhi naaz hai kyonki himmat rakhkar surrender hoke saari jeevan seva ke prati lagaane ka sankalp le liya hai। teachers pakki hain na? pakke hain ki thode thode kachche hain? teachers kachche nahin banna। teachers arthaat apne features se future dikhaane vaali। abhi sangamayug ka future hai - pharishta bhav। aur bhavishya ka features hai - devta bhav। to jo bhi sevaadhaari group aaya hai, unko double nasha hai ki pharishta so devta banna hi hai! sabhi pakke hain na? haan dekho, aapka photo aa raha hai, to aisa nahin ho ki photo dikhaai nahin de, pakke rehna। kyonki jab kahaan thodi bahut halchal hoti hai na to kai bahut jaldi ghabra jaate hain। gahraai mein nahin jaate, ghabra jaate hain। agar gahraai mein jaaye na, to kabhi bhi kitna bhi bada halchal vaala paper ho ya baat ho lekin gahraai mein jaane vaale jaise samudra hota hai na, to samudra ke tale mein jaane vaale bahut maal leke aate hain। oopar-oopar vaale nahin, oopar vaalon ko to machhli milegi lekin gahraai mein jaane vaale bahut cheezen le aate hain। to yahaan bhi koi bhi baat hove, baaten to aayengi, baaten nahin aayengi - yeh baapdaada nahin kahega। jitna aage jaayenge utni sookshm baaten aayengi kyonki paas with honour hona hai na। teachers ne kya socha hai? paas with honour hona hai ya 33 marks se paas hona hai? paas with honour hona hai to haath uthaao। inhon ka achhi tarah se photo nikaalo। achha। to halchal mein ghabraana nahin। baapdaada ko us samay bhool jaate ho, akele ban jaate ho na to chhoti baat bhi badi lagti hai। baapdaada combined hai, combined rakho, anubhav karo to dekho pahaad bhi rooi ban jaayega। koi badi baat nahin hai। kitne baari paas hue ho, kitne kalpa paas hue ho, pata hai? nasha hai? anek baar main hi paas hua hoon, abhi repeat karna hai। nai baat nahin hai, sirf repeat karna hai, yeh smriti rakho।

achha - sabhi ne sankalp kiya, teevra purushaartha kar number one banna hi hai, kiya? haath uthaao। achha abhi teachers utha rahi hain। pahli line to hai hi na। achha hai - baapdaada ne yeh bhi direction diya ki saare din mein beech-beech mein 5 minute bhi mile, usmein man ki exercise karo kyonki aajkal ka jamaana exercise ka hai। to 5 minute mein man ki exercise karo, man ko paramdham mein leke aao, sookshm vatan mein pharishtepan ko yaad karo phir poojya roop yaad karo, phir brahman roop yaad karo, phir devta roop yaad karo। kitne hue? paanch। to paanch minute mein 5 yeh exercise karo aur saare din mein chalte phirte yeh kar sakte ho, iske liye maidaan nahin chaahiye, daud nahin lagaani hai, na kursi chaahiye, na seat chaahiye, na masheen chaahiye। jaise aur exercise shareer ki aavashyak hai, woh bhale karo, uski mana nahin hai। lekin yeh man ki drill, exercise, man ko sada khush rakhegi। umang-utsaah mein rakhegi, udti kala ka anubhav karaayegi। to abhi-abhi yeh drill sabhi shuru karo - paramdham se devta tak। (baapdaada ne drill karaai) achha

chaaron or ke sada apne vritti se roohaani shaktishaali vaayumandal banaane vaale teevra purushaarthi bachchon ko, sada apne sthaan aur sthiti ko shaktishaali vibration mein anubhav karaane vaale dridh sankalp vaale shreshtha aatmaon ko, sada dua dene aur dua lene vaale merciful aatmaon ko, sada apne aapko udti kala ka anubhav karne vaale double light aatmaon ko baapdaada ka yaadapyaar aur namaste।

daadi jaanki:- kal raat ko guljaar daadi ko phone kiya। daadi yahaan aao na। do saal ho gaya hai na। drama aur baba। baba jaise chalaaye, hamko baba ne achhi tarah se hatheli par bithaake paalna diya hai। abhi jo baba karaaye। baba ke saamne sabhi ne haath uthaaya। abhi ham shanti mein baithe hain। sabhi ki khushi ko dekh mujhe bhi bahut khushi ho rahi hai। O.ke.।