रविवार 2 फ़रवरी 2020 की अव्यक्त मुरली

> om shanti 02-02-20 “dincharya'' madhuban

praaneshvar avyakt baapdaada ke ati laadle, sada ek baap ko apna sansaar banaane vaale, man ko roohaani exercise mein busy rakh sarva shaktiyon se sampanna banne vaali nimitta teachers bahinen tatha sabhi teevra purushaarthi baba ke noore ratna, brahman kul bhooshan bhaai bahinen,

eeshvareey sneh sampanna madhur yaad sveekaar karna ji।

baad samaachaar - aap sabhi ne avyakt maas mein bahut achhi tapasya ki, sab taraph ke samaachaar aate rehte hain। har ek ne achhi race ki hai, bahut se sthaanon par 108 ghante ki akhanda bhatthiyaan bhi chali hain। sabhi ne bahut sundar anubhav kiye hain। abhi baapdaada ham bachchon ko vishesh ishaara karte hain, bachche samay pramaan paristhitiyaan apna vikraal roop leti rahengi, anek puraane hisaab-kitaab paper bankar saamne aayenge। aap bachche svayan ko itna shaktishaali bana lo, jo kisi bhi prakaar ke paper ko sahaj paar karke aage badh jaao। iske liye baba kehte bachche apne 5 svaroopon ki roohaani exercise din mein baar-baar karte raho to shakti sampanna ban jaayenge। bolo, aap sab roz yeh abhyaas karte ho na! tapasya to hamaari sada ke liye hai keval avyakti maas ke liye nahin। to aao, ham sab behad sevaaon ke saath-saath svayan ko shaktishaali banaane ke liye chalte phirte karma karte is roohaani drill ke abhyaas dvaara nirantar tapasvi banen।

abhi shivjayanti ka paavan parva sameep aa raha hai। sabhi bhaai bahinen bahut umang-utsaah se is yaadgaar parva ko manaate hain, sevaaon ki dhoom machaate hain। is 84veen trimoorti shiv jayanti ke yaadgaar din ko sabhi aisa manaao, jo har ek ke dil par shivbaaba ke avatran ka dhvaj phahra jaaye aur yahi hai, yahi hai… ka naara goonjane lage। pahle pratyakshata ho phir parivartan hoga।

to sva-sthiti aur seva ke balance ko dhyaan par rakhte hue vishesh is baar shaktishaali mansa ki sookshm vrittiyon dvaara aatmaon ka aahvaan karna hai, vishesh antarmukhi ban ekaagrata ke abhyaas dvaara mansa seva karni hai। sva-parivartan ke liye koi na koi dridh sankalp bhi pratigya ke roop mein avashya karne hain। shivjayanti ke liye vishesh bulletin madhuban se email dvaara aapke paas bheji ja chuki hai।

abhi to pyaare baapdaada ka yeh tarna vishesh dilli aagra zone ka hai, lagbhag 19 hajaar bhaai bahinen bahut umang-utsaah se baba ke ghar mein pahunche hue hain। double videshi bhi har tarna mein hote hi hain। sabhi madhuban ke shaktishaali vaataavran ke saath anubhvi bhaai bahinon ki classes se bhi khoob bharpoor hokar jaate hain। baapdaada bhi apne avyakti mahaavaakyon dvaara sabka bahut sundar shringaar kar dete hain। achha - sabhi ko bahut-bahut yaad… om shanti।

02-02-20 om shanti avyakt mahaavaakya - video 30-11-10 madhuban

“har ghante 5 svaroopon ki exercise kar man ko shaktishaali banaao, jab baba hi sansaar hai to sanskaar bhi baap jaise banaao''

aaj baapdaada sabhi ek deshi bachchon se milne aaye hain, jo original sabka desh hai। jaante ho na ek desh kitna pyaara hai! baapdaada bhi usi desh se sarva bachchon se milne aaye hain। bachchon ko baap se milne ki khushi hai aur baap ko bachchon se milne ki khushi hai। aaj baapdaada sabhi bachchon ke svaroopon ko, vishesh 5 roopon ko dekh rahe hain isliye 5 mukhi brahma ka bhi gaayan hai। to apne 5 roopon ko jaante ho na! pahla sabhi ka jyoti bindu roop, aa gaya aapke saamne! kitna chamakta hua pyaara roop hai। doosra devta roop, woh roop bhi kitna pyaara aur nyaara hai। teesra roop madhya mein poojyaneey roop, chautha roop brahman roop sangamvaasi, woh bhi kitna mahaan hai aur paanchava roop pharishta roop। yeh 5 hi roop kitne pyaare hain। baapdaada aaj bachchon ko man ki exercise sikhaate hain kyonki man bachchon ko kabhi-kabhi apne taraph kheench leta hai। to aaj baapdaada man ko ekras banaane ki exercise sikha raha hai। saare din mein in 5 roopon ki exercise karo aur anubhav karo jo roop socho uska man mein anubhav karo। jaise jyotibindu kahne se hi woh chamakta roop saamne aa gaya! aise 5 hi roop saamne laao aur us roop ka anubhav karo। har ghante mein 5 second is drill mein lagaao। agar second nahin to 5 minute lagaao। har ek roop saamne laao, anubhav karo। man ko is roohaani exercise mein busy karo to man exercise se sada theek rahega। jaise shareer ki exercise shareer ko tandaroosta rakhti hai, aise yeh exercise man ko shaktishaali rakhega। ek second bhi man mein us roop ko laao, samajhte ho sahaj hai na yeh, ki mushkil lagta hai? mushkil nahin lagega kyonki yeh exercise aapne anek baar ki hui hai। har kalpa ki hai। apna hi roop saamne laana yeh mushkil nahin hota। ek-ek roop ke saamne aate hi har roop ki visheshta ka anubhav hoga। kabhi-kabhi kai bachche kehte hain ki ham inheen roopon ka anubhav karne chaahte lekin man doosre taraph chala jaata hai। jitna samay jahaan man lagaane chaahte hain utna samay ke bajaae vyartha, aythaartha sankalp bhi aa jaate hain। kabhi man mein albelaapan bhi aa jaata, to baapdaada har ghante 5 second ya 5 minute is exercise mein anubhav karaane chaahte hain। 5 minute karke man ko is taraph chalaao। chalna to achha hota hai na! phir apne kaam mein lag jaao kyonki kaarya to karna hi hai। kaarya ke bina to chalna nahin hai। yagya seva, vishwa seva to sabhi kar rahe ho aur karni hi hai। yeh 5 minute ki drill karne ke baad jo apna kaarya hai usmein lag jaao। chaahe 5 second lagaao, chaahe 5 minute lagaao lekin koi aisa hai jisko itna time bhi nahin milta hai! hai koi haath uthaao, jisko 5 minute bhi nahin hain। koi nahin hai। hai koi? sab nikaal sakte hain। to baar-baar yeh exercise karo to kaarya karte bhi yeh nasha rahega kyonki baap ka matra bhi hai manamnaabhav। to yahi matra man ke anubhav se maayaajeet banne mein yatra ban jaayega kyonki baapdaada ne bata diya hai ki jitna samay aage badhega, us anusaar ek second mein stop lagaana hoga। to yeh exercise karne se manamnaabhav hone mein madad milegi kyonki baapdaada ne dekha ki jo bhi bhaashan karte ho ya kisko bhi sandesh dete ho to kya kehte ho? ham vishwa ko parivartan karne vaale hain। to jab vishwa ko parivartan karna hai to pahle apne man ko aisa shaktishaali banaao jo jis samay jo sankalp karne chaahe vahi man sankalp kar sakta hai। second mein order karo, jaise is shareer ki aur karmendriyon ko order karte ho, oopar ho, neeche ho to karti hain na! aise man vyartha aythaartha se bach jaaye, man ke maalik ho, mera man kehte ho na! to mera man itna order mein rahe uske liye yeh man ki exercise bataai।

baapdaada ne dekha har ek bachcha yahi chaahta hai ki humein man jeet jagatjeet banna hai isliye aane vaale samay ke pahle yeh abhyaas jahaan chaahen vahaan man sahaj tik jaae। to aaj baapdaada yahi chaahte hain ki har bachcha aisa shaktishaali bane jo jo sankalp kare usi anusaar man buddhi sanskaar order mein ho। jiska yeh abhyaas hoga woh jagatjeet avashya banega। baapdaada se, parivaar se pyaar to sabka hai। jitna bachchon ka baap se pyaar hai usse jyaada baap ka bachchon se pyaar hai। to bachchon ne chaturaai achhi ki hai, mera baba, mera baba kahkar mera bana liya hai। har ek bachcha yahi nishchay se kehta “mera baba''। aur baap bhi kehta mera bachcha। is mere shabd ne kamaal kar diya। har ek ke dil mein kitna umang aata hai mera baba, pyaara baba aur baap bhi baar-baar kehte mere bachche। koi bhi maaya ka vaar ho kyonki aadhaakalpa maaya ko apna banaaya hai na! to maaya ka bhi aap logon se pyaar to hoga na! to woh baar-baar aane ki koshish karti hai lekin jo dil se mera baba kehta hai to baap ka sahayog milta hai। ek baar dil se kaha mera baba to hajaar baar baap bandha hua hai, shaktishaali sahayog dene ke liye। anubhav hai na! sirf samay par is anubhav ko practical mein laao।

baapdaada bachchon ki ek baat dekhkar dil mein bachchon ke oopar muskaraata hai। jaante ho kaun si baat? sabhi kehte hain ki baba hi mera sansaar hai, kehte hain na baap hi hamaara sansaar hai! kehte ho, jo kehta hai baap hi mera sansaar hai woh haath uthaao। achha, baap hi sansaar hai। doosra to koi sansaar nahin hai na! sansaar doosra nahin hai lekin doosra kya hai? sanskaar। jab baap hi mera sansaar hai, doosra koi sansaar hai hi nahin। sansaar nahin hai lekin sanskaar kaise paida ho jaata hai? aajkal baapdaada samay pramaan sanskaar shabd ko mitaane chaahte hain। mit sakta hai? mit sakta hai? jo samajhte hain ki sanskaar vighna roop nahin ban sakta, yeh dridh sankalp kar sakte hain, dridh purushaartha dvaara aaj bhi dridh purushaartha kar sakte hain ki khatma karna hi hai। karenge, sochenge, dekhenge… yeh nahin। karna hi hai। sanskaar ka kaam hai aana aur bachchon ka kaam hai samaapta karna hi hai। hai himmat? hai himmat? pahle bhi haath uthaaya tha lekin check karo jo sankalp kiya woh ho raha hai? jo samajhte hain ki baap ne kaha, baap ka kaarya hai lakshya dena aur bachchon ka kaarya hai jo baap ne kaha woh karna hi hai। iski bhi ek date fix karo, jaise bhakta logon ne date fix ki hai, shivraatri, to manaate hain na! to iski date bhi fix karo। achha sabki ikatthi date nahin ho to pahle ek-ek apne liye to date fix kar sakte hain na! kar sakte hain! kar sakte hain to haath uthaao। to kiya! kar sakte hain to kiya? double videshiyon ne date fix kiya! achha saamne vaale, kiya fix? jo date fix ki na, woh baapdaada ko likhke dena। baapdaada bhi bachchon ko paper paas karne ki bahaaduri to denge na। phir geet gaayenge vaah bachche vaah! ceremony manaayenge jisne sankalp kiya aur usi anusaar practical kiya uski ceremony manaayenge kyonki pharka to aata rahega na! jo date fix karenge usmein aage badhne ke liye sameep to aayenge na। pharka to hona shuru hoga। to jiska date anusaar sampanna hoga uski baapdaada ceremony manaayenge। antar jo karenge to dekhne vaale bhi verify karenge kyonki samparka mein to aayenge na! sanskaar kisi na kisi ke saath nikalta hai na! kyonki baapdaada ne dekha ki har ek bachche ko yeh shuddh nasha to hai ki main master sarvashaktivaan hoon। master to ho na? jab sarvashaktivaan hain to sankalp ko poora karna yeh bhi shakti hai na! achha।

jo aaj pahli baari aaye hain woh utho। baapdaada mubaarak dete hain। madhuban mein aane ki mubaarak hai, mubaarak hai, mubaarak hai। baapdaada phir bhi aise samajhte hain ki toolate ka board lagne ke pahle aa gaye ho isliye saare parivaar ki, baapdaada ki to hai saare parivaar ki bhi aap sabhi mein yahi shubh aasha hai ki sada double purushaartha kar last aate hue bhi fast ja sakte ho। hai himmat! jo aaj aaye hain unhon mein yeh himmat hai! ki last aate bhi fast jaakar first aa jaao। first number mein। ek first nahin, first class mein first aao, ho sakta hai! jo samajhte hain ham fast jaake first ho sakte hain woh haath uthaao। apne mein nishchay hai? achha।

seva ka tarna dilli aur aagra zone ka hai:- baapdaada ne suna ki dehli shuru se leke seva ki nai-nai baaten karti aai hai। ki hai na! dehli ne ki hai। to abhi koi nai invention nikaalo seva ki। jo bhaashan chalte hain, programme chalte hain woh bhi achhe hain kyonki usse vriddhi hoti hai aur sambandh mein aate hain। jo abhi chal rahe hain woh bhi achhe hain lekin abhi yeh programmes bahut samay chale hain। abhi koi nai baat nikaalo jo seva karne vaalon ko naya umang, naya utsaah aaye। karenge na! achha hai। sabhi ko utsaah mein laakar sabhi ko usmein busy karo। achha।

dehli vaale purushaartha mein bhi number one len। baapdaada ne bahut samay se yeh kaha hai ki koi bhi centre chaahe desh, chaahe videsh ke centre aur uske connection ke centre 6 maas nirvighna rahkar dikhaaye, koi bhi vighna nahin aaye, nirvighna। ismen agar number one banega to uska bhi nirvighna bhav ka de (din) manaayenge। abhi 6 maas kah rahe hain, 6 maas ka abhyaas hoga to aage bhi aadat ho jaayegi। lekin inaam lene ke liye 6 maas ka time dete hain। to dehli kya number legi? pahla number। baapdaada ko khushi hai। saare parivaar ko bhi khushi hai। santushtata ka bolbaala ho। chaahe seva mein, chaahe jo niyam bane hue hain us niyam mein, to dekhenge, baapdaada ne kaha hai lekin abhi tak naam nahin aaya hai। zone nahin to jo bhi bade centre hain uske connection vaale centre itna bhi karenge to baapdaada dekhenge। abhi jaldi jaldi kadam ko aage karna, kyon? achaanak kya bhi ho sakta hai। taareekh nahin bataayenge। achha dehli vaale baith jaao।

aagra subzone:- aagra ko aisa koi kaarya ya seva karni hai jo jaise government ki list mein aagra mashhoor hai, aise aagra vaale koi na koi aisi seva dhoondho jo almighty government mein bhi mashhoor ho jaao। to jaise aagra mein taaj hain, vaise kuchh karo। hai, ummeend hai! ummeend hai uski mubaarak ho। kya karenge? lekin kitne samay mein karenge? aisa koi kaarya karo। sochna, amritvele baithna aur sochna to koi na koi touching aa jaayegi। theek hai, teachers haath uthaao। bahut hain। to kamaal karna। baaki baapdaada sabhi bachchon ko yahi kehte hain koi naveenta karo abhi। jo chal raha hai, samay anusaar woh naveenta hai lekin abhi aur naveenta invention karo, koi bhi zone kare, lekin naya nikaalo। baaki baapdaada ko har ek bachcha pyaara bhi hai aur baapdaada har ek bachche ki visheshta bhi jaante hain। har ek ki visheshta hai zaroor lekin koi kaarya mein lagaate hain, koi ki chhip jaati hai isliye baap kehte hain har bachcha baap ko pyaara hai, sikeeldha hai aur baap yahi chaahte ki udte raho, udaate raho।

double videshi bhaai bahinon se:- double videshi hamesha anubhav karte hain ki ham brahman parivaar aur baapdaada ke vishesh sikeeldhe hain। kyon! jitna hi desh ke hisaab se door hain utna hi baapdaada ke dil ke najdeek hain। yeh visheshta hai, baba jab kehte hain to baba kahne mein hi sabki shakla aisi pyaar mein lavleen ho jaati hai jo baap bhi dekh-dekh harshit hote hain aur ek baat ki visheshta hai ki jo bhi bhaarat ke niyam hain usko paalan karne mein himmat rakhte hain। shuru mein bhaarat ka culture hai yeh feel karte the lekin abhi baapdaada ne dekha ki abhi yeh kehte hain ki ham bhi pahle bhaarat ke the। bhaarat ka nasha, raajdhaani hai na bhaarat, woh achha dil mein baith gaya hai। seva bhi ab tak achhi ki hai aur aajkal dekha hai ki apne aaspaas jahaan seva nahin hai, vahaan bhi karne ka lakshya rakha hai aur result mein kai jagah success bhi hue hain। aise hai na! kar rahe hain na seva? haath uthaao jo seva aaspaas ki kar rahe hain, achha hai। baapdaada khush hai। achha!

chaaron or ke bachche baap ke dil ke dulaare hain, har ek bachcha yahi lakshya baar-baar smriti mein laate hain aur laana hai ki humein teevra purushaartha kar baap ko pratyaksha karna hai। jo sabki dil kahe mera baba aa gaya। aisa umang aur utsaah ka sankalp aajkal baapdaada ke paas pahunch raha hai। yeh umang utsaah majority ke dil mein aa gaya hai। baapdaada ki yahi aash hai ki abhi jaldi se jaldi sabko yeh sandesh pahunchaana hai, koi vanchit nahin rahe। kuchh na kuchh varsa le len। chaahe jeevanmukti ka nahin to pyaar se mukti ka varsa to le le kyonki baap ko sabko varsa dena hai। jitnon ko varsa dilaayenge utna aapko bhi apne raajya mein raajya adhikaari banne ka varsa milega। sabhi taraph ke har bachche ko baapdaada ka bahut-bahut pyaar aur duaayen sveekaar ho। achha!

daadi ratanmohini:- aaj ki sabha ko dekh karke aise lagta hai, abhi samay bahut najdeek hai isliye dinapratidin baap bhi hamko aage ke liye poora poora taiyaar kar rahe hain aur sabhi ke man mein yahi ichchha hai ki ab jo kuchh humein praaptiyaan hui hain woh jaldi se jaldi un sab baaton ko samajh len aur baap se harek apna-apna varsa le len। jitna ham baba ki baaton ko sunkar apne mein bharte jaayen aur doosron ko bhi baap ka parichay dekar unhon ko baap ki praaptiyaan karaate rahen to unhein bhi bahut anubhav hote rahenge।

ab to lagta hai ki jaldi se jaldi ab yeh duniya badal phir se hamaari nai duniya is srishti par aai ki aai। to baba ne jo baaten sunaai hain un par manan karte ham svayan ko aisa yogya banaayen to jo humein dekhe unko hamse baap ka parichay mil jaae। aap sabko dekhkar humein badi khushi hai ki baba ke bachchon ko kitna umang hai, aur kaise samay anusaar apna-apna varsa lene pahunch jaate hain। achha। om shanti।