गुरुवार 20 फ़रवरी 2020 की अव्यक्त मुरली

> om shanti 20-02-20 madhuban

praanapyaare avyakt moorta maat-pita baapdaada ke ati snehi, apni sachchi dil se bholaanaath baap ko raazi karne vaale, sada pavitrata ka vrat lene vaale, brahmaachaari nimitta teachers bahinen tatha desh videsh ke sarva brahman kul bhooshan bhaai bahinen,

eeshvareey sneh sampanna madhur yaad ke saath aaj trimoorti shiv jayanti so geeta jayanti, so svarnim yug jayanti ki sabko bahut-bahut dil se sneh bhari badhaaeeyaan।

ham sabhi apne ati priy shiv bholaanaath baap ki heere tulya trimoorti shivjayanti bade umang-utsaah ke saath manaate, jhanda phahraate, sva-parivartan aur vishwa parivartan nimitta pratigyaayen karte, saath-saath anek aatmaon ko shivbaaba ke avatran ka divya sandesh dene ki sevaayen karte hain। sarva ke kalyaankaari, svayambhu paramatma shiv is dhara par pichhle 84 varsho se avatrit ho, vishwa parivartan ka mahaan kaarya gupta reeti se kar rahe hain, baba kehte bachche yeh shubh sandesh har aatma tak pahunchna chaahiye। is sandesh se koi bhi aatma vanchit na rah jaae, iske liye ham sabko jo baba ka pahla-pahla vardaan mila hai “bi holi, bi yogi'', uska practical swaroop ban apni shreshtha chalan aur charitra dvaara baap ko pratyaksha karna hai। jab chaaron or “yahi hai, yahi hai''… ki aavaaj ke saath jayjaykaar ka naara bulanda ho tab vishwa parivartan ka mahaan kaarya sampanna ho aur har aatma mukti aur jeevanmukti ka varsa janma siddha adhikaar ke roop mein praapta kar sake। isi shubh bhaavna se ab rahi hui sevaaon ko jaldi se jaldi sampanna karna hai saath-saath vishesh teevra purushaartha kar apni karmaateet sthiti ko praapta kar sampoorn banna hai। bolo, yahi lakshya hai na!

dekho, madhuban vardaan bhoomi mein yeh vishesh tyohaar ek saptaah tak chalta hai। baba ke sabhi sthaanon par sabhi bhaai bahinen milkar jhanda phahraate, mukh meetha karte, khushiyaan manaate hain। pichhle varsha ki bhaanti behad sevaaon nimitta is varsha bhi shaantivan ke paas ek school mein bahut sundar 5 din ke liye “maha shivraatri mahotsav'' ka aayojan kiya gaya hai, jismen amarnaath gupha, 12 jyortiling darshan vishesh aakarshan ka kendra hai। chaaron or ke gaanvon se anekaanek log is mele ke darshanaartha aate rehte hain।

baapdaada ki season ke is seva tarna mein bhopaal zone ke bhaai bahnen pahunche hue hain। saath mein double videshi bhaai bahinen bhi kaaphi sankhya mein aaye hue hain, jo bahut achhi gyaan ki gahri roohrihaan karte vishesh tapasya kar rahe hain। videsh ki sabhi mukhya badi bahinen bhi is samay madhuban mein hain। shiv raatri ke pashchaat sva-unnati aur vishwa seva nimitta sabhi milkar poore varsha ke plans banaayenge।

ham sabki prernaasrot daadi jaanki ji ka kuchh samay se svaasthya theek na hone kaaran ve ahamdaabaad memangar sevaakendra par hain, 2-3 din mein madhuban aa jaayengi। unhonne ahamdaabaad se vishesh sabhi ko yaadapyaar aur shivjayanti ki badhaaeeyaan di hain।

baaki ham sabki ati priy baapdaada ka anmol rath daadi guljaar ji abhi tak mumbai gaamdevi sevaakendra par hi hain। sabhi brahman bachchon ka vishesh sankalp baapdaada ke paas pahunchta rehta hai, baapdaada avashya bachchon ki aash poori kar daadi ji ko madhuban lekar aayenge। baapdaada ke is gupta part mein ham sabhi sada raazi rah drama ke patte par achal adol hain। achha!

sabhi ko bahut-bahut sneh sampanna yaad… om shanti।

20-2-20 om shanti “avyakt mahaavaakya video dvaara” 15-02-07 madhuban

“albelepan, aalasya aur bahaane baaji ki neend se jaagna hi shivraatri ka sachcha jaagran hai”

aaj baapdaada vishesh apne chaaron or ke ati laadle, ati sikeeldhe, parmaatma pyaar ke paatra bachchon se milne aur vichitra baap bachchon ka birth de manaane aaye hain। aap sabhi bhi aaj vishesh vichitra birth de manaane aaye ho na! yeh birth de saare kalpa mein kisi ka nahin hota। kabhi bhi nahin suna hoga ki baap aur bachche ka ek hi din mein birth de ho। to aap sabhi baap ka birth de manaane aaye ho va bachchon ka bhi manaane aaye ho? kyonki saare kalpa mein parmaatma baap aur parmaatma bachchon ka itna athaah pyaar hai jo janma bhi saath-saath hai। baap ko akela vishwa parivartan ka kaarya nahin karna hai, bachchon ke saath-saath karna hai। yeh alaukik saath rahne ka pyaar, saathi banne ka pyaar is sangam par hi anubhav karte ho। baap aur bachchon ka itna gahra pyaar hai, janma bhi saath hai aur rehte bhi kahaan ho? akele ya saath mein? har ek bachcha umang-utsaah se kehte hain ki ham baap ke saath combined hain। combined rehte ho na! akele to nahin rehte ho na! saath janma hai, saath rehte hain aur aage bhi kya vaayda hai? saath hai, saath rahenge, saath chalenge apne sweet hom mein। itna pyaar koi aur baap bachchon ka dekha hai? koi bhi bachcha ho, kahaan bhi hai, kaisa bhi hai, lekin saath hai aur saath hi chalne vaale hain। to aisa yeh vichitra aur pyaare te pyaara janma din manaane aaye hain। chaahe sammukh mana rahe ho, chaahe desh videsh mein chaaron or ek hi samay saath-saath mana rahe hain।

baapdaada chaaron or dekh rahe hain ki kaise sabhi bachche umang-utsaah se dil hi dil mein vaah baba! vaah baba! vaah birth de! ka geet ga rahe hain। agar switch kholte hain to chaaron or ke aavaaj, dil ke aavaaj, umang-utsaah ke aavaaj baapdaada ke kaanon mein sunaai de rahe hain। baapdaada sabhi bachchon ka utsaah dekh bachchon ko bhi apne divya janma ki padam-padam-padamguna badhaaeeyaan de rahe hain। vaastav mein utsav ka arth hi hai umang-utsaah mein rehna। to aap sabhi utsaah se yeh utsav mana rahe hain। naam bhi bhakton ne shivraatri rakha hai।

aaj baapdaada us bhakta aatma ko mubaarak de rahe the, jisne aapke is vichitra janma din manaane ki kaapi bahut achhi ki hai। aap gyaan aur prem roop mein manaate aur us bhagat aatma ne bhaavna, shraddha ke roop mein aapke manaane ki kaapi ki hai। to aaj us bachche ko mubaarak de rahe the ki kaapi karne mein achha part bajaaya hai। dekho har baat ko kaapi ki hai। kaapi karne ka bhi to akla chaahiye na! mukhya baat to is din bhakta log bhi vrat rakhte hain, woh vrat khaane peene ka rakhte hain, bhaavna mein vritti ko shreshtha banaane ke liye vrat rakhte hain, unhon ko har varsha rakhna padta aur aapne kya vrat liya? ek hi baar vrat lete ho, varsha-varsha vrat nahin lete। ek hi baar vrat liya pavitrata ka। sabhi ne pavitrata ka vrat liya hai, pakka liya hai? jinhonne pakka liya hai woh haath uthaao, pakka, thoda bhi kachcha nahin। pakka? achha। doosra bhi prashn hai, achha vrat to liya mubaarak ho। lekin apvitrata ke mukhya paanch saathi hain, theek hai na! kaandh hilaao। achha paanchon ka vrat liya hai? ya do teen ka liya hai? kyonki jahaan pavitrata hai vahaan agar ansh maatra bhi apvitrata hai to kya sampoorn pavitra aatma kaha jaayega? aur aap brahman aatmaon ki to pavitrata brahman janma ki property hai, personality hai, royalty hai। to check karo ki mukhya pavitrata ke oopar to attention hai lekin sampoorn pavitrata ke liye aur bhi jo saathi hain, usko halka to nahin chhoda hai? chhoton se pyaar rakha hai aur bade ko theek kiya hai। to kya baap ki chhutti hai ki aur jo chaar hain unhein bhal saathi banaao? pavitrata sirf brahmacharya ko nahin kaha jaata lekin brahmacharya ke saath brahmaachaari banna arthaat pavitrata ka vrat paalan kiya। kai bachche roohrihaan mein kehte hain, roohrihaan to sabhi karte hain na। to bahut meethi-meethi baaten karte hain। kehte hain baba mukhya to achha hai na, baaki chhote-chhote aise kabhi mansa sankalp mein aa jaate hain। mansa mein aate hain, vaacha mein nahin aate aur mansa ko to koi dekhta nahin hai। aur koi phir kehte hain ki chhote chhote baal bachchon se pyaar hota hai na। to in chaaron se bhi pyaar ho jaata hai। krodh aa jaata hai, moh aa jaata hai, chaahte nahin hain aa jaata hai। baapdaada kehte hain koi bhi aata hai to aapne darvaaja khola hai tab aata hai na! to darvaaja khola kyon hai? kamjori ka darvaaja khola hai, to kamjori ka darvaaja kholna arthaat aahvaan karna।

to aaj ke din baap ka aur apna birth de to mana rahe ho lekin jo janmate vrat ka vaayda kiya hai। pahla-pahla vardaan baap ne kya diya, yaad hai? birth de ka vardaan yaad hai? kya diya? pavitra bhav, yogi bhav। sabhi ko vardaan yaad hai na? yaad hai bhool to nahin gaye? pavitra bhav ka vardaan ek ka nahin diya, paanchon ka diya। to aaj baapdaada kya chaahte hain? birth de manaane aaye ho, baap ka bhi manaane aaye ho na। shivraatri manaane aaye ho, to birth de ki saugaat laaye ho ya khaali haath aaye hain?

aaj ke din baapdaada ki shubh aasha hai apne aashaaon ke deepak bachchon prati। woh shubh aasha kaun si hai, bataayen? bataana va sunna maana kya? ek kaan se sunna aur dil mein sama dena, aise? nikaalenge to nahin, itna to nahin hai lekin dil mein hi sama dete hain। to aaj ke din woh shubh aasha bataayen, pahli line vaale bolo, kaandh hilaao, teachers kaandh hilaao। double foreigners bataayen! apne ko baandhana padega, tabhi kaho haan, aise hi nahin।

to aaj ke din bhakta jaagran karte hain, sote nahin hain, to aap bachchon ka jaagran kaun sa hai? kaun si neend mein ghadi-ghadi so jaate ho, albelaapan, aalasya aur bahaane baaji ki neend mein aaraam se so jaate hain। to aaj baapdaada in teen baaton ka har samay jaagran dekhne chaahta hai। kabhi bhi dekho krodh aata hai, abhimaan aata hai, lobh aata hai, kaaran kya bataate hain? baapdaada ko ek trademark dikhaai deti hai, koi bhi baat hoti hai na! to kya kehte hain, yeh to chalta hai…, pata nahin kisne chalaaya hai? lekin shabd yahi kehte hain - yeh to hota hi hai, yeh to chalta hi hai। yeh koi nai baat thode hi hai, yeh hota hi hai। yeh kya hai? albelaapan nahin hai? yeh bhi to karta hai, majority krodh se bachne ke liye yeh kiya tab hua। mainne wrong kiya, woh nahin kahenge। isne yeh kiya na, yeh hua na, isliye hua। doosre par dosh rakhna bahut sahaj hai। yeh na kare to nahin hoga। aur baap ne jo kaha woh nahin hoga। woh kare to hoga, baap ki shreemat par kya krodh ko nahin khatma kar sakte? aajkal krodh ka bachcha rob, rob bhi bhinna-bhinna prakaar ke hain। to kya aaj chaar ka bhi vrat lenge? jaise pahli baat ka vishesh dridh sankalp majority ne kiya hai। kya aise hi chaar ka bhi sankalp karenge! yeh bahaana nahin dena, isne yeh kiya tab mera hua, aur baap jo baar-baar kehta hai, woh yaad nahin, usne jo kiya woh yaad aa gaya, to yeh bahaanebaaji hui na! to aaj baapdaada birth de ki gift chaahte hain yeh teen baaten, jo chaar ko halka kar deti hain। sanskaar ka saamna to karna hi hai, sanskaar ka saamna nahin, yeh paper hai। ek janma ki padhaai aur saare kalpa ki praapti, aadhaakalpa raajya bhaagya, aadhaakalpa poojya, saare kalpa ki ek janma mein praapti, woh bhi chhota janma, full janma nahin hai, chhota janma hai। to kya himmat hai? jo samajhte hain, himmat rakhenge zaroor, aise nahin purushaartha karenge, attention rakhenge… ge ge nahin chaahiye।

baapdaada dekh rahe hain ki samay ka koi bharosa nahin aur is gyaan ke aadhaar par har purushaartha ki baat mein bahutkaal ka hisaab hai। achha abhi-abhi kar lenge, parantu bahutkaal ka hisaab hai kyonki praapti har ek kya chaahta hai? abhi haath uthvaate hain, koi raam seeta banega? jo raamseeta banne chaahte hain woh haath uthaao, raajaai milegi। koi haath utha rahe hain - raam seeta banenge? lakshmi-naaraayan nahin banenge? double foreigners mein koi haath uthaata hai? (koi nahin) jab bahutkaal ka bhaagya praapta karne chaahte ho, lakshmi-naaraayan banna arthaat bahutkaal ka raajya bhaagya praapta karna। to bahutkaal ki praapti hai। to har baat mein bahutkaal to chaahiye na! abhi 63 janma ke bahutkaal ka sanskaar hai to kehte ho na, hamaara bhaav nahin hai, bhaavna nahin hai, sanskaar hai 63 janma ka। to bahutkaal ka hisaab hai na। iseelie baapdaada yahi chaahte hain ki sankalp mein dridhta ho, dridhta ki hi kami ho jaati hai, ho jaayega… chalta hai, chalne do, kaun bana hai, aur ek to bahut achhi baat sabko aati hai, baapdaada ne baaten note kiya hai, apni himmat nahin hoti hai to kehte hain mahaarthi bhi aise karte hain, hamne kiya to kya hua? lekin baapdaada poochhte hain ki kya jis samay mahaarthi galti karta hai, us samay mahaarthi hai? to mahaarthi ka naam kyon kharaab karte ho? us samay woh mahaarthi hai hi nahin, to mahaarthi kahke apne ko kamjor karna yeh apne ko dhokha dena hai। doosre ko dekhna sahaj hota hai, apne ko dekhne mein thodi himmat chaahiye। to aaj baapdaada hisaab ka kitaab khatma karaane ki gift lene aaye hain। kamjori aur bahaanebaaji ka hisaab-kitaab ka bahut bada kitaab hai, usko khatma karna hai। to har ek jo samajhte hain ham karke dikhaayenge, karna hi hai, jhukna hi hai, badalna hi hai, parivartan ceremony manaani hi hai, jo samajhte hain sankalp karenge woh haath uthaao। dridh ya chaalu? chaalu sankalp bhi hota hai aur dridh sankalp bhi hota hai। to aap sabne dridh uthaaya hai? dridh uthaaya hai? madhuban vaale bada haath uthaao। yahaan saamne madhuban vaale baithte hain, bahut najdeek baithne ka chance hai। pahli seat madhuban vaalon ko milti hai, baapdaada khush hai। pahle baithe ho, pahle hi rehna।

to aaj ki gift to badhiya hui na। baapdaada ko bhi khushi hai kyonki aap ek nahin ho। aapke peechhe apni raajdhaani mein aapki royal family, aapki royal praja, phir dvaapar se aapke bhakta, sato rajo tamoguni, teen prakaar ke bhakta, aapke peechhe lambi line hai। jo aap karenge woh aapke peechhe vaale karte hain। aap bahaanebaaji dete ho to aapke bhakta bhi bahut bahaanebaaji karte hain। abhi brahman parivaar bhi aapko dekh, ulti kaapi karne mein to hoshiyaar hote hain na। to abhi dridh sankalp karo, sanskaar ka takkar ho, svabhaav ka matbhed ho, teesri baat kamjoron ki hoti hai, koi ne kisi ke oopar jhoothi baat kah di, to kai bachche kehte hain hamko jyaada krodh aata hai jhooth par। lekin sachche baap se verify karaaya, sachcha baap aapke saath hai, to saari jhoothi duniya ek taraph ho aur ek baap aapke saath hai, vijay aapki nishchit hui padi hai। koi aapko hila nahin sakta, kyonki baap aapke saath hai। kah rahe hain jhooth hai। to jhooth ko jhootha hi kar do na, badhaate kyon ho! to baap ko bahaanebaaji achhi nahin lagti, yeh hua, yeh hua, yeh hua… yeh yeh ka geet ab samaapta hona chaahiye। achha hua, achha hoga, achha rahenge, achha sabko banaayenge। achha-achha-achha ka geet gaao। to pasanda hai? pasanda hai? bahaanebaaji ko khatma karenge? karenge? donon haath uthaao। haan, achhi tarah se hilaao। achha, dekhne vaale bhi haath hila rahe hain। kahaan bhi dekh rahe hain, haath hilaao। aap to hila rahe ho। achha abhi neeche karo, abhi apne parivartan ki taali bajaao। (sabhi ne jordaar taaliyaan bajaai) achha।

yeh din, yeh samay, sangathan ka chitra sada apne saamne rakhna। kabhi bhi kamjori aa jaae, aane nahin dena, get banda। get to pata hai na! banda karo। double banda karo, double taala lagaana, aajkal single taala nahin chalta। ek yaad ka, ek man ko seva mein busy rakhne ka, yeh do almighty taale laga dena। gaadrej ka nahin god ka। pakka jaagran karna, pakka vrat rakhna।

baapdaada ko har bachche se ati pyaar hai। chaahe last number bhi ho phir bhi baapdaada ka us bachche par bhi ati pyaar hai। kyon? aise bachche koi baap ko milne hain? ek hi baapdaada hai jisko brahman bachche milte hain। koi bhi mahaatma ho, mahaamandeshvar ho, dharmapita ho, koi ko bhi aise bachche mile hain, jo har bachcha kahe mera baba। hai koi, history mein hai? iseelie baapdaada har bachche ke mahatva ko jaante hain। bachche kehte hain ham geet gaate hain vaah baba vaah! baap kehte hain aapse bhi 100 guna jyaada baap geet gaata hai, vaah bachche vaah! theek hai na! vaah vaah ho na! madhuban vaale vaah vaah bachche ho na! peechhe vaale vaah vaah bachche ho na! achha।

bhopaal zone ki seva ka tarna hai:- achha hai, bhopaal bhi madhyapradesh mein hai aur madhyapradesh bahut bada hai। bhopaal ko baapdaada vishesh do sevaayen dena chaahte hain, bataayen kaun si? teachers sunna dhyaan se।

aise kai vishesh vi.aai.pi. madhya pradesh mein hain, baapdaada jaante hain, chhipe hue hain, sirf usko maidaan par laana hai। aur doosra jo bhi bade-bade sevaakendra hain, jisko aap bade kehte ho woh list dena। to har ek bade centre jiske andar chhote upsevaakendra, geeta paathshaalaayen bahut-bahut hain un bade centres ko kam se kam ek saal ke andar, bahut time de rahe hain, itna dena nahin chaahiye। lekin ek saal ke andar kam se kam bade centre ko apna ek vaaris quality saamne laana hai।

chaahe abhi ho bhi, lekin yagya ke andar woh vaaris quality prasiddha ho। aise nahin, hain to bahut। kai centre kehte hain hamaare paas vaaris hain, lekin vaaris chhip nahin sakte। vaaris ki quality hogi to woh chhip nahin sakta। baapdaada gupta vaaris ko nahin maanta hai। uska connection, uska relation kaayde pramaan hona hi chaahiye। aisa vaaris harek bada centre saamne laaye। la sakte hain na bade centres? ismen nahin kehna ham to chhote hain। chhote nahin banna। chhote bhi bade banna। theek hai teachers? theek bola। haath uthaao। to yeh do kaarya bhopaal ko karna hai, theek hai bhopaal vaale, aapmen se hi to koi vaaris banenge na। to dekhenge, vaise to 6 maas mein taiyaar hona chaahiye lekin phir bhi baapdaada ek varsha ki chhutti dete hain। theek hai। baaki seva ka yeh golden chance lete ho, yeh achha hai। baapdaada sada hi sunaate hain ki sva-unnati ke liye bahut achha chance hai kyonki seva ki jimmevaari bhi alag nahin hai, yagya seva ki jimmevaari hai। vahaan to phir bhi samay aur attention dena padta hai, yahaan to ek hi attention hai sva unnati ya yagya seva। yagya seva ka punya agar har samay jama karo to aapke punya ka khaata bahut-bahut jaldi badh sakta hai। to achha kiya hai, sankhya bhi achhi laaye hain। chance achha liya hai। abhi aage ki result dekhenge। achha।

double videshi aaye hain:- baapdaada ko double videshiyon ko dekh ek baat ki vishesh khushi hoti hai, extra khushi hoti hai। woh is baat ki ki shuru shuru mein jab double foreigners aaye the, teachers ko yaad hoga to bhinna-bhinna culture se transfer hone mein badi mehnat lagti thi lekin abhi baapdaada ne dekha hai ki iski charcha itni nahin hoti hai, kyon kaaran kya hai? kyonki ek do ke sangathan ko dekh vriddhi achhi hui hai na! aur baapdaada ne suna bhi hai ki majority apne-apne aaspaas sandesh dene ka koi na koi saadhan apnaate hain, sandesh dene ka umang achha hai। to uski result mein dekha gaya hai ki har tarna mein videshiyon ka group kam nahin hota hai। quality bhi achhi hai aur quantity bhi badhti jaati hai isliye ek chandan ka vriksha ban gaye hain। to chandan ka vriksha dekh baapdaada khush hote hain।

samaachaar to baapdaada ke paas pahunch hi jaata hai। chaahe aap email mein bhejte ho, to baapdaada ke paas to kaapi pahle aati hai। seva ka umang achha hai। abhi sirf aaj ka vrat pakka karna hai। number lenge na videshi? number lena hai? kaun sa number? pahla ki doosra bhi chalega? (pahla) jiska ek baap se pyaar hai woh ek ke samaan ek hi number banenge। jo slogan hai - ek baap hi sansaar hai, jab hai hi ek sansaar to number ek hua na। jaise aapka title hai double foreigners। to purushaartha mein sankalp ke dridhta mein bhi double force ka purushaartha karke dikhaao। attention rakhte hain, sirf antar kya ho jaata hai? teevrata ki dridhta kam ho jaati hai, programme bahut achha banaate ho, baapdaada bhi topic sunte hain, group group ke purushaartha ke vishay dekhkar bahut khush hote hain lekin kya hai, jab topic shuru karte ya lakshya rakhte ho woh bahut force ka rakhte ho phir kuchh na kuchh paper to aata hi hai, aur aana hi hai, bina paper koi paas nahin hota। usmein dridhta ki kami ho jaati hai aur saadhaaran purooshaartha ho jaata hai। sada dridhta rahe iski kami ho jaati hai। to sabmen double purushaarthi। karke hi dikhaayenge, banke hi dikhaayenge। theek hai na। itna umang-utsaah hai na! hai? hai, sirf dridhta ko check karo, baaton mein nahin jaao। dridhta ko dekho। achha।

baaki baapdaada dekh rahe hain - jo bhi sabhi ne card bheje hain, patra bheje hain, greetings bheje hain, woh baapdaada ne sveekaar ki aur return mein ek ek ko naam aur visheshta sahit yaadapyaar aur duaayen de rahe hain। jinhonne card aur patra dvaara nahin lekin dil se, sankalp se bhi apna umang-utsaah bheja hai, un sabhi bachchon ko bahut-bahut padamguna yaadapyaar aur baap ke dil ki duaayen।

baaki aap sabhi sammukh baithe ho, sammukh ka maja apna hi hai। science ke saadhnon dvaara chaahe kitna bhi spashta ho, kitna bhi achha lagta ho, lekin sammukh madhuban mein unnati ka dvaar apna hi anubhav karaata hai।

achha abhi jo baapdaada ne kaha woh harek ek minute ke liye dridh sankalp swaroop mein baitho ki bahaanebaaji, aalasya, albelaapan ko har samay dridh sankalp dvaara samaapta kar bahutkaal ka hisaab jama karna hi hai। kuchh bhi ho, kuchh nahin dekhna hai lekin baap ke diltakhtansheen banna hi hai, vishwa ke takhtansheen banna hi hai। is dridh sankalp swaroop mein sabhi baitho। achha।

chaaron or ke sada umang-utsaah ke anubhav mein rahne vaale, sada dridhta saphalta ki chaabi ko kaarya mein lagaane vaale, sada baap ke saath aur har kaarya mein saathi ban rahne vaale, sada eknaami aur economy, ekaagrata swaroop mein aage se aage udte rahne vaale, baapdaada ke ati laadle, sikeeldhe, vishesh bachchon ko baapdaada ka yaadapyaar aur namaste।

diamond haal ki stage par shiv baba ka dhvaj phahraaya gaya।

daadi ratanmohini ji ne aur bhraata nirvair ji ne sabko shiv jayanti ki badhaaeeyaan di

aaj ke din baba ke mahaavaakya sunte jaise sabhi khushiyon mein naach rahe hain। aise sada khushnuma rahen aur sada khushiyaan hi baantate rahen।

aap sabhi ne milkar man se shivbaaba ka jhanda lahraaya। 84veen trimoorti shiv jayanti ki samasta desh videsh ke bhaai bahinon ko bahut bahut bahut koti koti mubaarak ho, mubaarak ho।