रविवार 15 अक्टूबर 2023 की अव्यक्त मुरली

15-10-2023 madhuban avyakt baapdaada om shanti 15-10-2023

praanapyaare avyakt baapdaada ke ati laadle, parmaatma pyaar mein lavleen rahne vaale, brahma baap samaan vyartha se mukta, sangamayug ke suhaavne samay aur sankalp ko saphal karne vaali sabhi bhaagyashaali aatmaayen, vishesh nimitta teachers bahinen tatha desh videsh ke sarva brahman kul bhooshan baba ke noore ratna,

eeshvareey sneh sampanna madhur yaad sveekaar karna ji।

baad samaachaar - sabhi brahma vatsa sangathit roop mein baith apni avyakt sthiti dvaara avyakt milan ka sukh lene tatha anek divya vardaanon se apni jholi bharne ka sada hi intajaar karte hain। abhi vahi sukhad anubhooti karaane vaali ghadiyaan saamne aa pahunchi hain। avyakt milan ka yeh pahla tarna Indore zone (hema behen) ka hai। Indore, chhatteesgadh tatha bhaarat ke vibhinna sthaanon se hajaaron baba ke bachche shaantivan mein pahunch gaye hain। saath-saath is pahle tarna mein videsh se bhi anekaanek sthaanon se double videshi baba ke bachche madhuban mein pahunche hue hain। parmaatma avatran ki is bhoomi ke pavitra, shaktishaali prakampanna aane vaali har aatma mein naya umang-naya utsaah bhar dete hain।

pyaare baapdaada aur sabhi varishtha daadiyon ki chhatrachhaaya ka, unke pavitra shubh bhaavnaaon ke vaayumandal ka madhuban mein aate hi har ek ko anubhav hota hai। anek bhaai bahinon ki anubhav yukta classes, pavitra braahmanon ka sundar sangathan ek do ko aur bhi shaktishaali bana deta hai। sabhi yog ke bahut sundar gahre anubhav karke bharpoor hokar jaate hain।

abhi march 2024 tak desh-videsh ke anekaanek baba ke naye puraane bachche madhuban ghar mein aakar apni jholi vardaanon se bharte rahenge। achha - sabhi ko yaad… om shanti।

15-10-23 om shanti “avyakt-baapdaada'' revise 19-10-11 madhuban

“brahma baap samaan vyartha samay, vyartha sankalp ke vijayi, karmaateet ban mukti ka get kholne ke nimitta bano''

aaj baapdaada apne chaaron or ke meethe-meethe pyaare-pyaare bachchon ko dekh rahe hain। sabhi bade pyaar se apni yaad de rahe hain। itna pyaar sirf baap ko hi karte hain। yeh parmaatma pyaar sirf abhi praapta hota hai। har ek bachcha pyaar mein lavleen hai। baap bhi har bachche ko pyaar ka respond de rahe hain। vaah bachche vaah! chaahe sammukh hain, chaahe door hain lekin har ek bachcha baap ke dil mein samaaya hua hai। sabke dil mein yeh geet baj raha hai itna pyaar karega kaun! yeh baap aur bachchon ka aatmik pyaar har bachche ko deh se nyaara aur baap ka pyaara banaane vaala hai aur yeh pyaar abhi hi bachchon ko praapta hota hai। yeh pyaar bachchon ko kya se kya banaane vaala hai। yeh pyaar sirf is ek janma mein praapta hota hai। baap bhi bachchon ka sneh dekh bachchon ke sneh mein sama jaata hai।

aaj baapdaada har ek ke mastak mein teen bhaagya dekh rahe hain। ek baap ke swaroop mein praapta varse ka bhaagya, doosra shikshak ke roop mein shreshtha shiksha ka bhaagya aur teesra satguru ke roop mein vardaanon ka bhaagya। har ek ka mastak in teenon bhaagya se chamak raha hai। baapdaada bhi apne bhaagyashaali bachchon ko dekh harshit ho rahe hain। chaahe sammukh baithe hain, chaahe door baithe hain lekin dil mein najdeek hain। aise bachchon aur baap ka pyaar saare kalpa mein is samay hi praapta hota hai। yeh pyaar ka anubhav auron ko bhi kara rahe ho। abhi koi-koi log samajhte hain ki in brahman aatmaon ko kuchh mila hai। kya mila hai, uska spashteekran hota ja raha hai। abhi baap bachchon se kya chaahte hain? baap ko sada har bachche mein yahi aasha hai ki har bachcha baap samaan ban jaae। jaise brahma baap vijayi bane, aise har bachcha sada vijayi bane। iske liye jaise brahma baap ne kya kiya? follow father। to aap sabhi bhi har kadam uthaate pahle check karo ki yeh kadam brahma baap ne kiya? brahma baap ne har bachche prati, chaahe jaante the ki yeh bachcha kamjor hai, purushaartha mein bhi, seva mein bhi lekin kamjor ke oopar aur hi raham aur kalyaan ki bhaavna rahi। aise hi baapdaada sabhi bachchon ko bhi yahi kehte apne parivaar ke harek bhaai ya behen prati shubh bhaavna, shubh kaamna, raham aur kalyaan ki drishti se unke bhi sahayogi bano। baapdaada ne pahle bhi sunaaya ki pyaar ki subject mein har ek bachcha yatha shakti paas hai। pyaar ke kaaran hi aage badh rahe hain। abhi baapdaada bachchon ke pyaar ko dekh khush hai। pyaar ki subject ke kaaran har ek bachcha nambarvaar chal raha hai। abhi baapdaada chaahte hain ki pyaar mein kuchh kurbaani bhi ki jaati hai। baap se pyaar hai isliye kaun si kurbaani karni hai? jo baapdaada chaahta hai woh samajh to gaye ho, samajhte ho na baap kya chaahta hai? samajhte ho? kaandh hilaao। samajhte ho? to karna hai iski bhi himmat hai na! himmat hai to haath uthaao। himmat hai? achha। to himmate bachche madde baap hai hi।

abhi baapdaada chaahte hain, result mein dekha to abhi tak sampoorn pavitrata ke hisaab se vyartha sankalp bhi apvitrata ka beej hai। to baapdaada ne dekha yeh vyartha sankalp chalna, yeh majority bachchon mein ab bhi sanskaar raha hua hai। ek vyartha sankalp aur doosra vyartha samay yeh majority bachchon mein ab bhi dikhaai deta hai। aur vyartha sankalp ka aadhaar hai man, jo manamnaabhav hone nahin deta kyonki baapdaada ne kaaphi samay se ishaara de diya hai ki jo kuchh hona hai woh achaanak hona hai। to achaanak ke hisaab se baapdaada ne check kiya majority bachchon mein yeh vyartha sankalp ka sanskaar hai। to jab brahma baap vyartha samay, vyartha sankalp ke vijayi ban karmaateet hue to follow father।

baapdaada ne dekha ki man hai to aapki rachna, aap man ke rachta ho to man ko chalaane vaale ho। man ki controlling power, ruling power ke maalik ho lekin phir bhi man kahaan dhokha de deta hai। hai aapki rachna, mera hai na! lekin controlling power kam hone ke kaaran dhokha de deta hai। man ko ghoda bhi kaha jaata hai lekin aapke paas shreemat ki lagaam hai। hai na lagaam! agar man kabhi bhi vesta sankalp ki taraph le jaata to lagaam ko tight karne se vyartha sankalp ki thodi bhi apvitrata ko khatma kar sakte ho। man ke maalik ban, jaise brahma baap ne roz man ki checking ki, aise roz check karo aur vyartha sankalp ko samaapta karo। to aaj baapdaada yahi chaahta hai ki is vyartha sankalpon ko samaapta karo। bure sankalp kam hain, vyartha jyaada hain lekin ismen time bahut jaata hai। man ke maalik ban man ko aise busy karo jo aur taraph aakarshit ho aapki lagaam ko dheela nahin kare। ho sakta hai yeh? aaj baapdaada vyartha sankalp ke samaapti ka sabko sankalp de rahe hain। ho sakta hai? haath uthaao jo samajhte hain vyartha sankalp bhi samaapta, ceremony manaayenge। vyartha samay bhi bachaana hai। samay aur sankalp donon ko bachaana hai kyonki baapdaada sabka chart dekhte hain। to chart mein yeh kami majority mein dekhne aai। man ke maalik hi vishwa ke maalik banne hain। jaise brahma baap manjeet ban vishwa ka maalik ban gaya, abhi to aapke liye, bachchon ke liye aavaahna kar rahe hain, aapki advance party bhi aavaahna kar rahi hai। sunaaya tha chaar baje advance party vaale bhi vatan mein aate hain to poochhte hain kab mukti ka get kholenge? kisko kholna hai? aap sabhi mukti ka get kholne vaale ho na! aapka sampoorn banna arthaat mukti ka get khulna। to baapdaada se advance party roohrihaan karti hai, kab tak? to baap aapse poochhte hain kab tak? to kya javaab denge? pahli line vaale bolo, kab tak? har kaarya ke liye date fix karte ho na! to is kaarya ki date kab tak? brahma baap to pharishte roop mein aavaahna kar rahe hain। bata sakte ho date? bolo, date fix kar sakte hain? abhi date fix hai? paandav haath uthaao, date fix hai? nahin hai। kyon? deedi kehti hai baba ham logon ko lagan thi ghar jaana hai, ghar jaana hai, ghar jaana hai। daadi kehti hai hamko lagan thi karmaateet hona hai, karmaateet hona hai…। to aap sabhi ka to deedi daadi se pyaar hai na। hai to sabhi se kyonki jo bhi advance party mein gaye hain un sabhi se aapka pyaar to hai। abhi unke prashn ka uttar do। to aapas mein roohrihaan kar ab kuchh javaab taiyaar karna।

to abhi-abhi sabhi apne man mein yeh promise karo ki kabhi bhi vyartha sankalp nahin aane denge। yeh ho sakta hai? abhi se kehte hain now aar never, to kam se kam yeh sab promise karte hain ki abhi se na vyartha sankalp, na vyartha samay ganvaayenge? ismen jo taiyaar hain woh haath uthaao। majority ne uthaaya hai। jo samajhte hain ki time lagega, woh haath uthaao। koi nahin। thode-thode hain jo haath utha rahe hain। brahma baap ka janma hi dridh sankalp se hua hai। karna hai। sochenge nahin, kya karoon, kya nahin karoon, karna hai। us ek dridh sankalp ne itne bachchon ka bhavishya banaaya। ek brahma baap ne kitni himmat rakhi। aadha hissa mila aur yagya racha। yagya ke brahman rache aur ab desh videsh ki aatmaayen pahunch gai hain, ek brahma baap ke dridh sankalp ke kaaran। to dridh sankalp kya nahin kar sakta। yeh to aapke aage example hai। sankalp karte ho, bahut achhe achhe sankalp baap ke paas pahunchte hain lekin usmein dridhta kam hoti hai। koi baat saamne aai na to dridhta kam ho jaati hai। dridhta saphalta ki chaabi hai।

abhi yeh sankalp karo aaj vyartha samay, vyartha sankalp samaapta karna hi hai। jab vyartha samaapta ho jaayega to sada shreshtha sankalp ka khajaana kamaal dikhaayega।

baapdaada khush hai double videshi bachche chaaron or double seva achhi kar rahe hain। ek svayan ka purushaartha aur doosra aatmaon ki seva, donon baat mein achhi himmat rakh aage badh rahe hain। baapdaada is double seva ki mubaarak de rahe hain। mubaarak ho, mubaarak ho।

to baapdaada double videshiyon ko dekh khush hai, vriddhi bhi kar rahe hain aur double seva ki taraph attention achha hai। sirf baapdaada yeh ishaara phir bhi de raha hai ki aapas mein sanskaar milan ki raas karo। yeh nahin socho, centre to achha chal raha hai, service to achhi ho rahi hai lekin jab ek parivaar hai, prabhu parivaar hai, laukik parivaar nahin prabhu parivaar hai। prabhu parivaar ka arth hi hai ek do mein shubh bhaavna, kalyaan ki bhaavna। ek do mein yahi sankalp rahe ki ham sabhi ko saath-saath ek do ko aage badhaate mukti ka get kholke saath jaana hi hai, isliye har centre mein aisa vaayumandal ho jo samajh mein aave yeh 8 nahin, 10 nahin lekin 10 hi ek hain।

achha - chaaron or ke chaahe saamne baithe hain, chaahe kahaan bhi baithe hain lekin sabka attention madhuban mein hai। baapdaada ko dekh rahe hain, majority to dekh hi rahe hain। baapdaada bhi sabhi bachchon ko, chaaron or ke bachchon ko sada harshit rahne vaale, sada double purushaarthi, double purushaarthi arthaat sva ke purushaartha mein bhi aur seva ke purushaartha mein, aise double purushaarthi aur double nishchay aur nashe mein rahne vaale, sada baap ke saath rahne vaale, sada aapas mein bhi kalyaan aur raham ki shubh bhaavna mein rahne vaale, ek-ek bachche ko naam sahit baapdaada dil ki yaad pyaar de rahe hain।

seva ka tarna Indore zone (hema behen) ka hai:- achha।

vyartha sankalp ki samaapti ki, bhool nahin jaana। baapdaada ke paas record to pahunch hi jaata hai। baapdaada dekhenge kitne teevra purushaarthi bachche hain aur ek do ko bhi umang utsaah de aage badhaane vaale hain। agar koi galat bhi karta hai to uske prati woh galat karta hai, aur aap uski galti ka man mein sankalp karte ho, yeh karta hai, yeh karta hai, yeh karta hai… yeh bhi khatma karo। unko sahayog do, shreshtha bhaavna do, aisi seva karte saare sangathan ko shreshtha sankalp vaale banaana hi hai। koi centre par kabhi bhi ek do ke prati koi bhi aur bhaavna nahin ho, shubh bhaavna, shubh kaamna, theek hai na! bahut achha। abhi sabhi bachchon ko baapdaada mubaarak ke saath dil ka yaadapyaar bhi saath mein de rahe hain। achha।

* * * om shanti * * *