शनिवार 10 दिसंबर 2016 की दैनिक मुरली

⁰10/12/16 praatahmurli om shanti "baapdaada"' madhuban ¹``meethe bachche - baap aaye hain tumhein bhakti ka phal dene, bhakti ka phal hai gyaan, gyaan se hi sadgati hoti hai'' ²prashn:- prashn:- is brahman kul mein bada kisko kahenge?

³unki nishaani sunaao? ⁴uttar:- brahman kul mein bade se bade woh hain jo achhi service karne vaale hain। ⁵jinhen sadaiv apni unnati ka hi ona (khyaal) rehta hai, jo padhaai kar bahut teekhe jaate hain।

⁶aise mahaaveer bachche apna tan-man-dhan sab eeshvareey seva mein hi saphal karte hain। ⁷apni chalan par bahut dhyaan dete hain। ⁸geet:- toone raat gavaai soke…

⁹om shanti। ¹⁰yeh geet anakrekta hai।

¹¹is duniya mein tum jo bhi sunte ho sab hai anakrekta arthaat jhooth। ¹²baap baith samjhaate hain he bhaaratvaasi bachchon, bachche jo sammukh hain, unhon ko hi kahenge। ¹³tumko abhi maaloom pada hai woh hai bhakti maarga।

¹⁴ved, shaastra, upnishad aadi kitne bhakti maarga mein janma-janmaantar padhte aate hain। ¹⁵ganga snaan karte aaye hain। ¹⁶poochho, yeh kumbha ka mela kab se lagta aaya hai?

¹⁷kahenge yeh to anaadi hai। ¹⁸kab se karte aaye hain? ¹⁹yeh bata nahin sakenge।

²⁰unko yeh pata hi nahin hai ki bhakti maarga kab se shuru hota hai। ²¹kalpa ki aayu hi ulti kar di hai। ²²kehte hain shaastron mein likha hua hai - brahma ka din aur brahma ki raat।

²³yeh ek geeta mein hi hai। ²⁴ab baap samjhaate hain tum braahmanon ka din aur raat hai behad ki। ²⁵aadhaakalpa din, aadhaakalpa raat। ²⁶zaroor equal chaahiye na।

⁰ 10/12/16 Morning Murli Om Shanti BapDada Madhuban

²⁷aadhaakalpa se bhakti maarga shuru hota hai, yeh kisko pata nahin hai। ²⁸somnaath ka mandir kab bana? ²⁹pahle-pahle somnaath ka mandir hi bana hai - avyabhichaari bhakti ke liye।

³⁰tum jaante ho aadhaakalpa poora hota hai tab brahma ki raat shuru hoti hai। ³¹laakhon varsha ki to baat ho na sake। ³²kehte hain 13-14 sau varsha hue honge jabki muhammad gajanvi mandir se khajaana lootkar le gaya।

³³ab tum samajhte ho is puraani duniya se hamaara koi tailuk nahin hai, aur-aur dharma vaale jo aate hain woh sab beech-beech ke by-plot hain। ³⁴abhi to unhon ki bhi ant hai। ³⁵tamopradhaan hain।

³⁶kitni variety hai।

³⁷sooryavanshi phir chandravanshi hue, do kala kam hui phir doosre variety aate gaye hain। ³⁸is samay hai hi bhakti maarga। ³⁹gyaan se hota hai din, sukh।

⁴⁰bhakti se hoti hai raat, duhkh। ⁴¹jab bhakti poori ho tab gyaan mile।

⁴²gyaan dene vaala ek hi gyaan saagar baap hai। ⁴³woh kab aate hain, shiv jayanti kab manaai jaati hai, yeh bhi kisko pata nahin hai। ⁴⁴abhi tumko baba baith samjhaate hain ki bhakti kitna samay chalti hai phir gyaan kab milta hai।

⁴⁵aadhaakalpa se yeh bhakti maarga chalta hi aaya hai। ⁴⁶satayug treta mein yeh bhakti maarga ke chitra aadi kuchh bhi hote nahin। ⁴⁷bhakti ka ansh bhi nahin rehta।

⁴⁸ab kaliyug ka ant hai tab bhagwan ko aana padta hai। ⁴⁹beech mein kisko bhagwan milta hi nahin। ⁵⁰kehte hain pata nahin kis roop mein bhagwan milega?

⁵¹geeta ka bhagwan agar krishna hai to woh phir kab aayenge - raajayog sikhaane? ⁵²manushyon ko kuchh bhi pata nahin hai। ⁵³bhakti maarga bilkul hi alag hai, gyaan bilkul alag hai।

⁵⁴geeta mein hai bhagvaanuvaach।

⁵⁵gaate bhi hain he patit-paavan aao। ⁵⁶ek taraph pukaarte rehte hain; doosre taraph phir ganga snaan karne jaate hain। ⁵⁷nishchay kuchh bhi nahin hai ki patit-paavan paramatma kaun hai।

⁵⁸tum bachchon ko ab gyaan mila hai। ⁵⁹tum jaante ho abhi ham yogbal se sadgati ko paate hain। ⁶⁰baba kehte hain - maamekam yaad karo to vikarma vinaash honge।

⁶¹main guarantee karta hoon - patit-paavan baap kehte hain mainne 5 hajaar varsha pahle bhi aise kaha tha ki he bachche deh sahit deh ke sab sambandhon se buddhiyog tod mujhe yaad karo। ⁶²yeh geeta ke mahaavaakya hain। ⁶³parantu geeta mainne kab sunaai, yeh kisko maaloom nahin hai।

⁶⁴main batlaata hoon to 5 hajaar varsha pahle mainne tumko geeta sunaai thi। ⁶⁵is samay saara manushya srishti roopi jhaad jadajdeebhoot avastha ko paaya hua hai। ⁶⁶tumko bhi ab baap ne aakar drama ke aadi-madhya-ant ka, saare chakra ka raaz samjhaaya hai।

⁶⁷baap to zaroor ant mein hi aayega na। ⁶⁸tum jaante ho nai duniya ki sthaapna, puraani duniya ka vinaash kaise ho raha hai। ⁶⁹ab tumhaari buddhi mein hai ki ham nai duniya svarga ke maalik banenge।

⁷⁰yeh raajayog hai to phir ham praja kyon banen। ⁷¹jabki mama baba raaja-raani bante hain to ham bhi kyon na raaja-raani banen। ⁷²mama to javaan thi।

⁷³yeh baba to boodha hai phir bhi sabse oonch padhte rehte hain na। ⁷⁴javaan to sabse teekhe hone chaahiye na। ⁷⁵baap kehte hain sirf mujhe yaad karo, jitna ho sake।

⁷⁶baaki sabko bhool jaao। ⁷⁷puraani duniya se vairaagya। ⁷⁸jaise naya makaan banta hai to buddhi us taraph chali jaati hai na।

⁷⁹woh aankhon se dekha jaata hai। ⁸⁰yeh buddhi se jaante ho। ⁸¹bahuton ko saakshaatkaar bhi hota hai।

⁸²barobar vaikuntha paradise, heaven bhi kehte hain। ⁸³zaroor kab tha na। ⁸⁴abhi nahin hai।

⁸⁵abhi phir tum raajaai praapta karne ke liye raajayog seekh rahe ho। ⁸⁶pahli-pahli mukhya baat hi yeh hai - shiv bhagvaanuvaach। ⁸⁷krishna to bhagwan ho na sake।

⁸⁸woh to poore 84 janma lete hain।

⁸⁹bhagwan to janma-maran mein aa na sake, yeh to bada saaph hai। ⁹⁰krishna ka woh roop satayug mein jo tha woh to phir ho na sake। ⁹¹punarjanma lete-lete naam roop badal jaata hai।

⁹²is samay woh aatma bhi tamopradhaan hai। ⁹³koi kahe krishna dvaapar mein the parantu unka woh roop to dvaapar mein ho na sake। ⁹⁴dvaapar mein patit se paavan banaane aa nahin sakta।

⁹⁵krishna to satayug mein hi rehte hain। ⁹⁶unko patit-paavan kaha nahin ja sakta। ⁹⁷geeta ka bhagwan krishna nahin, shiv hai।

⁹⁸woh aate bhi zaroor hain।

⁹⁹shiv jayanti bhi hai, zaroor koi rath mein pravesh karenge। ¹⁰⁰khud bhi kehte hain main saadhaaran tan mein aata hoon, jinka naam brahma rakhta hoon। ¹⁰¹brahma dvaara vishnupuri ki sthaapna hoti hai।

¹⁰²mahaabhaarat ladaai bhi saamne khadi hai। ¹⁰³yeh knowledge achhi tarah buddhi mein yaad rakhni hai। ¹⁰⁴buddhi mein yeh yaad rahe ki ham student hain।

¹⁰⁵baap padha rahe hain। ¹⁰⁶baaki thoda samay hai। ¹⁰⁷phir baba hamko vaapis le jaayenge।

¹⁰⁸jo apne ko oonch banaayenge, vahi ooncha pad paayenge। ¹⁰⁹parantu maaya aisi hai jo ekdam tavaai bana deti hai। ¹¹⁰kai bachchon ko service ka bahut shauk hai।

¹¹¹chhote-chhote gaanv mein projector lekar service kar rahe hain। ¹¹²bahut praja banaate hain to khud zaroor raaja banenge। ¹¹³grihastha vyavhaar mein rehte pavitra bhi rehna hai।

¹¹⁴bahut mehnat karni hai। ¹¹⁵maataayen pavitra banti hain to pati banne nahin dete, to jhagda bhi chalta hai। ¹¹⁶sanyaasi khud pavitra bante hain to stri ko chhod dete hain।

¹¹⁷phir unko koi kuchh nahin kehta ki apni rachna ko chhod kyon bhaagte ho। ¹¹⁸pavitra banne ke liye koi mana nahin kar sakta। ¹¹⁹ham kisko gharbaar chhodne ke liye kehte nahin hain।

¹²⁰sirf kehte hain pavitra banna chaahiye to ismen mana kyon honi chaahiye। ¹²¹parantu ismen taakat bahut chaahiye baat karne ki। ¹²²bhagvaanuvaach - tum pavitra banenge to pavitra duniya ka maalik banenge।

¹²³ismen avastha badi achhi majboot chaahiye, moh aadi nahin chaahiye, jo phir yaad padti rahe। ¹²⁴buddhiyog kutumba ki taraph jaata rahe, isliye phir service laayak ban nahin sakte। ¹²⁵yahaan to behad ka sanyaas chaahiye।

¹²⁶yeh to kabristaan hai। ¹²⁷hamko yaad karna hai - baap ko।

¹²⁸woh paristaan mein le chalne vaala hai। ¹²⁹is brahman kul mein jo achhi service karte hain, woh bade thahre। ¹³⁰unhon ka bada regard rakhna chaahiye, un jaisi service karni chaahiye tab hi oonch pad paayenge।

¹³¹abhi to apni unnati ka ona rehna chaahiye। ¹³²apne ko dekhna chaahiye ham baba se varsa paane ke laayak bane hain! ¹³³baap aaya hai paavan banaakar saath le jaane।

¹³⁴woh thukraayenge kaise? ¹³⁵baba sabse poochhte hain to kehte hain ham to mahaaraani banenge। ¹³⁶to aisi chalan bhi ho na।

¹³⁷kai to bahut achhe bachche hain। ¹³⁸parantu jo purooshaartha hi nahin karenge to woh kya pad paayenge। ¹³⁹har baat mein purooshaartha se hi praalabdha milti hai।

¹⁴⁰koi beemaar pad jaate hain phir theek hone se hi din raat purooshaartha mein lag padhaai mein teekhe ho jaate hain। ¹⁴¹yahaan bhi service mein lag jaana hai। ¹⁴²service ki yuktiyaan to baba bahut batlaate hain।

¹⁴³pradarshani par samjhaane ka abhyaas karo। ¹⁴⁴baba to kehte hain apni unnati kar jeevan banaao। ¹⁴⁵yeh ona rehna chaahiye ki mainne kitni service ki, kitnon ko aap samaan banaaya।

¹⁴⁶kisko aap samaan nahin banaaya to oonch pad kaise paayenge। ¹⁴⁷phir samjha jaata hai praja mein chale jaayenge athva daas daasiyaan banenge। ¹⁴⁸dher service padi hai।

¹⁴⁹abhi tumhaara jhaad chhota hai। ¹⁵⁰majboot nahin hai। ¹⁵¹toofaan lagne se kachche gir padenge।

¹⁵²maaya bada hairaan karti hai।

¹⁵³maaya ka kaam hi hai baba se bemukh karna। ¹⁵⁴chalte-chalte grahchaari jab utarti hai tab kehte hain ab to ham baba se poora varsa lenge। ¹⁵⁵tan-man-dhan se poori seva karenge।

¹⁵⁶kahaan-kahaan maaya gaflat karaati hai phir shreemat par chalna chhod dete hain। ¹⁵⁷phir kabhi smriti aati hai to shreemat par chalte hain। ¹⁵⁸is samay duniya mein hai raavan sampradaay।

¹⁵⁹yeh devtaayen hain raam sampradaay।

¹⁶⁰raavan sampradaay vaale raam sampradaay ke aage maatha tekte hain। ¹⁶¹tum jaante ho ham vishwa ke maalik the। ¹⁶²84 janma lete-lete ab kya haal ho gaya hai।

¹⁶³ab baap sabko purooshaartha karaate hain। ¹⁶⁴nahin to bahut pachhtaana padega। ¹⁶⁵ham bhagwan ki shreemat par na chale, baba to roz samjhaate hain bachche gaflat mat karo।

¹⁶⁶service karne vaalon ko dekhte ho kaise achhi service karte hain। ¹⁶⁷phalaana first grade, phalaane second grade mein service karne vaale hain। ¹⁶⁸farka to rehta hai na।

¹⁶⁹baap bachchon ko samjhaayenge to sahi na। ¹⁷⁰agyaan kaal mein baap thappad bhi maarte hain। ¹⁷¹yahaan yeh behad ka baap to pyaar se samjhaate hain, apni unnati karo।

¹⁷²jaisa ho sake purooshaartha karna chaahiye।

¹⁷³baap ko khushi hoti hai ki 5 hajaar varsha ke baad phir aakar bachchon se mila hoon। ¹⁷⁴raajayog sikhla raha hoon। ¹⁷⁵geet hai na - tum bhi vahi ham bhi vahi hain।

¹⁷⁶to baap kehte hain tum bachche bhi vahi ho। ¹⁷⁷in baaton ko aur koi samajh na sake। ¹⁷⁸achha।

¹⁷⁹meethe meethe sikeeldhe bachchon prati maat-pita baapdaada ka yaad-pyaar aur good morning। ¹⁸⁰roohaani baap ki roohaani bachchon ko namaste। ¹⁸¹dhaarna ke liye mukhya saar:-

¹⁸²1) svayan ko service ke laayak banaana hai। ¹⁸³jo achhi service karte hain unka poora-poora regard rakhna hai। ¹⁸⁴apni unnati ka khyaal karna hai।

¹⁸⁵2) tan-man-dhan se poori seva karni hai। ¹⁸⁶shreemat par chalna hai, gaflat nahin karni hai। ¹⁸⁷vardaan:- vishwa parivartan ke shreshtha kaarya mein apni anguli dene vaale mahaan so nirmaan bhav

¹⁸⁸jaise koi sthool cheez banaate hain to usmein sab cheejen daalte hain, koi saadhaaran meetha ya namak bhi kam ho to badhiya cheez bhi khaane yogya nahin ban sakti। ¹⁸⁹aise hi vishwa parivartan ke is shreshtha kaarya ke liye har ek ratna ki aavashyakta hai। ¹⁹⁰sabki anguli chaahiye।

¹⁹¹sab apni-apni reeti se bahut-bahut aavashyak, shreshtha mahaarthi hain isliye apne kaarya ki shreshthata ke moolya ko jaano, sab mahaan aatmaayen ho। ¹⁹²lekin jitne mahaan ho utne nirmaan bhi bano। ¹⁹³slogan:- apni nature ko easy (saral) banaao to sab kaarya easy ho jaayenge।