गुरुवार 17 अक्टूबर 2019 की दैनिक मुरली

17-10-2019 praatahmurli om shanti "baapdaada"' madhuban

"meethe bachche - baap ki yaad ke saath-saath gyaan dhan se sampanna bano, buddhi mein saara gyaan ghoomta rahe tab apaar khushi rahegi, srishti chakra ke gyaan se tum chakravarti raaja banenge''

prashn:- kin bachchon (manushyon) ki preet baap se nahin ho sakti hai?

uttar:- jo raurav narka mein rahne vaale vikaaron se preet karte hain, aise manushyon ki preet baap se nahin ho sakti। tum bachchon ne baap ko pahchaana hai isliye tumhaari baap se preet hai।

prashn:- kise satayug mein aane ka hukm hi nahin hai?

uttar:- baap ko bhi satayug mein aana nahin hai to vahaan kaal bhi nahin aa sakta hai। jaise raavan ko satayug mein aane ka hukm nahin, aise baba kehte bachche mujhe bhi satayug mein aane ka hukm nahin। baba to tumhein sukhdhaam ka laayak banaakar ghar chale jaate hain, unhein bhi limit mili hui hai।

om shanti। roohaani baap baith roohaani bachchon ko samjhaate hain। roohaani bachche yaad ki yaatra mein baithe hue ho? andar mein yeh gyaan hai na ki ham aatmaayen yaad ki yaatra par hain। yaatra akshar to zaroor dil mein aana chaahiye। jaise woh yaatra karte hain haridvaar, amarnaath jaane ki। yaatra poori ki phir laut aate hain। yahaan phir tum bachchon ki buddhi mein hai ki ham jaate hain shantidham। baap ne aakar haath pakda hai। haath pakadkar paar le jaana hota hai na। kehte bhi hain haath pakad lo kyonki vishay saagar mein pade hain। ab tum shivbaaba ko yaad karo aur ghar ko yaad karo। andar mein yeh aana chaahiye ki ham ja rahe hain। ismen mukh se kuchh bolna bhi nahin hai। andar mein sirf yaad rahe - baba aaya hua hai lene liye। yaad ki yaatra par zaroor rehna hai। is yaad ki yaatra se hi tumhaare paap katne hain, tab hi phir us manzil par pahunchenge। kitna clear baap samjhaate hain। jaise chhote bachchon ko padhaaya jaata hai na। sadaiv buddhi mein ho ki ham baba ko yaad karte ja rahe hain। baap ka kaam hi hai paavan banaakar paavan duniya mein le jaana। bachchon ko le jaate hain। aatma ko hi yaatra karni hai। ham aatmaon ko baap ko yaad kar ghar jaana hai। ghar pahunchenge phir baap ka kaam poora hua। baap aate hi hain patit se paavan banaakar ghar le jaane। padhaai to yahaan hi padhte hain। bhal ghoomo phiro, koi bhi kaam-kaaj karo, buddhi mein yeh yaad rahe। yog akshar mein yaatra siddha nahin hoti hai। yog sanyaasiyon ka hai। woh to sab hai manushyon ki mat। aadha-kalpa tum manushya mat par chale ho। aadhaakalpa daivi mat par chale the। abhi tumko milti hai eeshvareey mat।

yog akshar nahin kaho, yaad ki yaatra kaho। aatma ko yeh yaatra karni hai। woh hoti hai jismaani yaatra, shareer ke saath jaate hain। ismen to shareer ka kaam hi nahin। aatma jaanti hai, ham aatmaon ka woh sweet ghar hai। baap hamko shiksha de rahe hain jisse ham paavan banenge। yaad karte-karte tamopradhaan se satopradhaan banna hai। yeh hai yaatra। ham baap ki yaad mein baithte hain kyonki baba ke paas hi ghar jaana hai। baap aate hi hain paavan banaane। so to paavan duniya mein jaana hi hai। baap paavan banaate hain phir nambarvaar purooshaartha anusaar tum paavan duniya mein jaayenge। yeh gyaan buddhi mein rehna chaahiye। ham yaad ki yaatra par hain। hamko is mrityulok mein lautkar nahin aana hai। baba ka kaam hai hamko ghar tak pahunchaana। baba raasta bata dete hain abhi tum to mrityulok mein ho phir amar-lok nai duniya mein honge। baap laayak banaakar hi chhodte hain। sukhdhaam mein baap nahin le jaayenge। inki limit ho jaati hai ghar tak pahunchaana। yeh saara gyaan buddhi mein rehna chaahiye। sirf baap ko yaad nahin karna chaahiye, saath mein gyaan bhi chaahiye। gyaan se tum dhan kamaate ho na। is srishti chakra ki knowledge se tum chakravarti raaja bante ho। buddhi mein yeh gyaan hai, ismen chakra lagaaya hai। phir ham ghar jaayenge phir nayesir chakra shuru hoga। yeh saara gyaan buddhi mein rahe tab khushi ka paara chadhe। baap ko bhi yaad karna hai, shantidham, sukhdhaam ko bhi yaad karna hai। 84 ka chakra agar yaad nahin karenge to chakravarti raaja kaise banenge। sirf ek ko yaad karna to sanyaasiyon ka kaam hai kyonki woh inko jaante nahin hain। brahm ko hi yaad karte hain। baap to achhi reeti bachchon ko sam-jhaate hain। yaad karte-karte hi tumhaare paap kat jaane hain। pahle to ghar jaana hai, yeh hai roohaani yaatra। gaayan bhi hai chaaron taraph lagaaye phere phir bhi hardam door rahe arthaat baap se door rahe। jis baap se behad ka varsa milna hai unko to jaante hi nahin। kitne chakra lagaaye hain। har varsha bhi kai yaatra karte hain। paise bahut hote hain to yaatra ka shauk rehta hai। yeh to tumhaari hai roohaani yaatra। tumhaare liye nai duniya ban jaayegi phir to nai duniya mein hi aane vaale ho, jisko amarlok kaha jaata hai। vahaan kaal hota nahin jo kisko le jaaye। kaal ko hukm hi nahin hai nai duniya mein aane ka। raavan ki to yeh puraani duniya hai na। tum bulaate bhi yahaan ho। baap kehte hain main puraani duniya mein puraane shareer mein aata hoon। mujhe bhi nai duniya mein aane ka hukm nahin। main to patiton ko hi paavan banaane aata hoon। tum paavan ban phir auron ko bhi paavan banaate ho। sanyaasi to bhaag jaate hain। ekdam gum ho jaate hain। pata hi nahin padta hai, kahaan chala gaya kyonki woh dress hi badal lete hain। jaise actors roop badalte hain। kabhi mel se female ban jaate hain, kabhi female se mel ban jaate hain। yeh bhi roop badalte hain। satayug mein thode hi aisi baaten hongi।

baap kehte hain ham aate hain nai duniya banaane। aadhaakalpa tum bachche raajya karte ho phir drama plan anusaar dvaapar shuru hota hai, devtaayen vaam maarga mein chale jaate hain, unhon ke bahut gande chitra bhi jagannaathpuri mein hain। jag-nnaath ka mandir hai। yoon to unki raajdhaani thi jo khud vishwa ke maalik the। woh phir mandir mein jaakar banda hua, unko kaala dikhaate hain। is jagat naath ke mandir par tum bahut samjha sakte ho। aur koi inka arth samjha nahin sakte। devta hi poojya se pujaari bante hain। woh log to har baat mein bhagwan ke liye kah dete aapehi poojya, aapehi pujaari। aap hi sukh dete ho, aap hi duhkh dete ho। baap kehte hain main to kisko duhkh deta hi nahin hoon। yeh to samajh ki baat hai। bachcha janma to khushi hogi, bachcha mara to rone lag padenge। kahenge bhagwan ne duhkh diya। are, yeh alpakaal ka sukh-duhkh tumko raavan raajya mein hi milta hai। mere raajya mein duhkh ki baat nahin hoti। satayug ko kaha jaata hai amarlok। inka naam hi hai mrityulok। akaale mar padte hain। vahaan to bahut khushiyaan manaate hain, aayu bhi badi rehti hai। badi mein badi aayu 150 varsha ki hoti hai। yahaan bhi kabhi-kabhi aise koi ki hoti hai parantu yahaan to svarga nahin hai na। koi shareer ko bahut sambhaal se rakhte hain to aayu badi bhi ho jaati hai phir bachche bhi kitne ho jaate hain। parivaar badhta jaata hai, vriddhi jaldi hoti hai। jaise jhaad se taal-taaliyaan nikalti hain - 50 taaliyaan aur unse aur 50 niklengi, kitna vriddhi ko paate hain। yahaan bhi aise hai isliye inka misaal bad ke jhaad se dete hain। saara jhaad khada hai, foundation hai nahin। yahaan bhi aadi sanaatan devi-devta dharma ka foundation hai nahin। koi ko pata hi nahin devtaayen kab the, woh to laakhon varsha kah dete hain। aage tum kabhi khyaal bhi nahin karte the। baap hi aakar yeh sab baaten samjhaate hain। tum abhi baap ko bhi jaan gaye ho aur saare drama ke aadi-madhya-ant, duration aadi sabko jaan gaye ho। nai duniya se puraani, puraani se nai kaise banti hai, yeh koi nahin jaante। abhi tum bachche yaad ki yaatra mein baithte ho। yeh yaatra to tumhaari nitya chalni hai। ghoomo phiro parantu is yaad ki yaatra mein raho। yeh hai roohaani yaatra। tum jaante ho bhakti maarga mein ham bhi un yaatraaon par jaate the। bahut baar yaatra ki hogi jo pakke bhakta honge। baba ne samjhaaya hai ek shiv ki bhakti karna, woh hai avyabhichaari bhakti। phir devtaaon ki hoti hai, phir 5 tatvon ki bhakti karte hain। devtaaon ki bhakti phir bhi achhi hai kyonki unhon ka shareer phir bhi satopradhaan hai, manushyon ka shareer to patit hai na। woh to paavan hain phir dvaapar se lekar sab patit ban pade hain। neeche girte aate hain। seedhi ka chitra tumhaare liye bahut achha hai samjhaane ka। jinna ki bhi kahaani bataate hain na। yeh sab drishtaanta aadi is samay ke hi hain। sab tumhaare oopar hi bane hue hain। bhramri ka misaal bhi tumhaara hai jo keedon ko aapasmaan brahman banaate ho। yahaan ke hi sab drishtaanta hain।

tum bachche pahle jismaani yaatra karte the। abhi phir baap dvaara roohaani yaatra seekhte ho। yeh to padhaai hai na। bhakti mein dekho kya-kya karte hain। sabke aage maatha tekte rehte hain, ek ke bhi occupation ko nahi jaante। hisaab kiya jaata hai na। sabse jaasti janma kaun lete hain phir kam hote jaate hain। yeh gyaan bhi abhi tumko milta hai। tum samajhte ho barobar svarga tha। bhaaratvaasi to itne patthar buddhi bane hain, unse poochho svarga kab tha to laakhon varsha kah denge। abhi tum bachche jaante ho ham vishwa ke maalik the, kitne sukhi the ab phir hamko beggar tu prince banna hai। duniya nai se puraani hoti hai na। to baap kehte hain - mehnat karo। yeh bhi jaante hain maaya ghadi-ghadi bhula deti hai।

baap samjhaate hain buddhi mein sadaiv yeh yaad rakho ham ja rahe hain, hamaara is puraani duniya se langar utha hua hai। naeeya us paar jaani hai। gaate hain na naeeya hamaari paar le jaao। kab paar jaani hai, woh jaante nahin hain। to mukhya hai yaad ki yaatra। baap ke saath varsa bhi yaad aana chaahiye। bachche baalig hote hain to baap ka varsa hi buddhi mein rehta hai। tum to bade ho hi। aatma jhat jaan leti hai, yeh baat to barobar hai। behad ke baap ka varsa hai hi svarga। baba svarga ki sthaapna karte hain to baap ki shreemat par chalna pade। baap kehte hain pavitra zaroor banna hai। pavitrata ke kaaran hi jhagde hote hain। woh to bilkul hi jaise raurav narka mein pade hain। aur hi jaasti vikaaron mein girne lag padte hain isliye baap se preet rakh nahin sakte hain। vinaash kaale vipreet buddhi hain na। baap aate hi hain preet buddhi banaane। bahut hain jinki rinchak bhi preet buddhi nahin hai। kabhi baap ko yaad bhi nahin karte hain। shivbaaba ko jaante hi nahin hain, maante hi nahin hain। maaya ka poora grahan laga hua hai। yaad ki yaatra bilkul hi nahin। baap mehnat to karaate hain, yeh bhi jaante ho sooryavanshi, chandravanshi raajdhaani yahaan sthaapan ho rahi hai। satayug-treta mein koi bhi dharma sthaapan hote nahin। raam koi dharma sthaapan nahin karte। yeh to sthaapna karne vaale baap dvaara yeh bante hain। aur dharma sthaapak aur baap ke dharma sthaapna mein raat-din ka pharka hai। baap aate hi hain sangam par jabki duniya ko badalna hai। baap kehte hain kalpa-kalpa, kalpa ke sangamayuge aata hoon, unhonne phir yuge-yuge akshar wrong likh diya hai। aadhaakalpa bhaktimaarga bhi chalna hi hai। to baap kehte hain bachche in baaton ko bhoolo mat। yeh kehte hain baba ham aapko bhool jaate hain। are, baap ko to jaanvar bhi nahin bhoolte hain। tum kyon bhoolte ho? apne ko aatma nahin samajhte ho! deh-abhimaani banne se hi tum baap ko bhoolte ho। ab jaise baap samjhaate hain, vaise tum bachchon ko bhi tev (aadat) rakhni chaahiye। bhabhke se baat karni chaahiye। aise nahin, bade aadmi ke aage tum funk ho jaao। tum kumaariyaan hi bade-bade vidvaan, panditon ke aage jaati ho to tumhein nidar ho samjhaana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi mein sadaiv yaad rahe ki ham ja rahe hain, hamaari naeeya ka langar is puraani duniya se uth chuka hai। ham hain roohaani yaatra par। yahi yaatra karni aur karaani hai।

2) kisi bhi bade aadmi ke saamne nirbhayta (bhabhke) se baat karni hai, funk nahin hona hai। dehi-abhimaani bankar samjhaane ki aadat daalni hai।

vardaan:- sada halke ban baap ke naynon mein samaane vaale sahajyogi bhav

sangamayug par jo khushiyon ki khaan milti hai woh aur kisi yug mein nahin mil sakti। is samay baap aur bachchon ka milan hai, varsa hai, vardaan hai। varsa athva vardaan donon mein mehnat nahin hoti isliye aapka title hi hai sahajyogi। baapdaada bachchon ki mehnat dekh nahin sakte, kehte hain bachche apne sab bojh baap ko dekar khud halke ho jaao। itne halke bano jo baap apne naynon par bithaakar saath le jaaye। baap se sneh ki nishaani hai - sada halke ban baap ki najron mein sama jaana।

slogan:- negative sochne ka raasta band kar do to saphalta swaroop ban jaayenge।