रविवार 2 फ़रवरी 2020 की दैनिक मुरली

02-02-20 praatahmurli om shanti ''avyakt-baapdaada'' revise 18-11-85 madhuban

bhagwan ke bhaagyavaan bachchon ke lakshan

baapdaada sabhi bachchon ke mastak par bhaagya ki rekhaayen dekh rahe hain। har ek bachche ke mastak par bhaagya ki rekhaayen lagi hui hai lekin kis-kis bachchon ki spashta rekhaayen hain aur koi-koi bachchon ki spashta rekhaayen nahin hai। jab se bhagwan baap ke bane, bhagwan arthaat bhaagya vidhaata। bhagwan arthaat daata vidhaata isliye bachche banne se bhaagya ka adhikaar arthaat varsa sabhi bachchon ko avashya praapta hota hai, parantu us mile hae varse ko jeevan mein dhaaran karna, seva mein lagaakar shreshtha banaana, spashta banaana ismen nambarvaar hain kyonki yeh bhaagya jitna svayan prati va seva prati kaarya mein lagaate ho utna badhta hai arthaat rekha spashta hoti hai। baap ek hai aur deta bhi sabhi ko ek jaisa hai। baap nambarvaar bhaagya nahin baantata lekin bhaagya banaane vaale arthaat bhaagyavaan banne vaale itne bade bhaagya ko praapta karne mein yathaashakti hone ke kaaran nambarvaar ho jaate hain isliye koi ki rekha spashta hai, koi ki spashta nahin hai। spashta rekha vaale bachche svayan bhi har karma mein apne ko bhaagyavaan anubhav karte। saath-saath unhon ke chehre aur chalan se bhaagya auron ko bhi anubhav hota hai। aur bhi aise bhaagyavaan bachchon ko dekh sochte aur kehte ki yeh aatmaayen badi bhaagyavaan hain। inka bhaagya sada shreshtha hai। apne aap se poochho har karma mein apne ko bhagwan ke bachche bhaagyavaan anubhav karte ho? bhaagya aapka varsa hai। varsa kabhi na praapta ho, yeh ho nahin sakta। bhaagya ko varse ke roop mein anubhav karte ho? va mehnat karni padti hai? varsa sahaj praapta hota hai। mehnat nahin। laukik mein bhi baap ke khajaane par, varse par bachche ka svatah adhikaar hota hai। aur nasha rehta hai ki baap ka varsa mila hua hai। aise bhaagya ka nasha hai va chadhta aur utarta rehta hai? avinaashi varsa hai to kitna nasha hona chaahiye। ek janma to kya anek janmon ka bhaagya janmasiddha adhikaar hai। aisi phalak se varnan karte ho। sada bhaagya ki jhalak pratyaksha roop mein auron ko dikhaai de। phalak aur jhalak donon hain? merge roop mein hain va emerge roop hain? bhaagyavaan aatmaon ki nishaani - bhaagyavaan aatma sada chaahe godi mein palti, chaahe galeechon par chalti, jhoolon mein jhoolti, mitti mein paanv nahin rakhti, kabhi paanv maile nahin hote। vo log galeechon par chalte aur aap buddhi roopi paanv se sada pharsha ke bajaae pharishton ki duniya mein rehte। is puraani mitti ki duniya mein buddhi roopi paanv nahin rakhte arthaat buddhi maili nahin karte। bhaagyavaan mitti ke khilaune se nahin khelte। sada ratnon se khelte hain। bhaagyavaan sada sampanna rehte isliye ichchha maatram avidya, isi sthiti mein rehte hain। bhaagyavaan aatma sada mahaadaani punya aatma ban auron ka bhi bhaagya banaate rehte hain। bhaagyavaan aatma sada taaj, takhta aur tilakdhaari rehti hai। bhaagyavaan aatma jitna hi bhaagya adhikaari utna hi tyaagdhaari aatma hoti hai। bhaagya ki nishaani tyaag hai। tyaag bhaagya ko spashta karta hai। bhaagyavaan aatma, sada bhagwan samaan niraakaari, niranhakaari aur nirvikaari in teenon visheshtaaon se bharpoor hoti hai। yeh sab nishaaniyaan apne mein anubhav karte ho? bhaagyavaan ki list mein to ho hi na। lekin yathaashakti ho va sarvashaktivaan ho? master to ho na? baap ki mahima mein kabhi yatha shaktivaan va nambarvaar nahin kaha jaata sada sarvashaktivaan kehte hain। master sarvashaktivaan phir yathaashakti kyon? sada shaktivaan। yatha shabd ko badal sada shaktivaan bano aur banaao। samjha।

kaun se zone aaye hain? sabhi vardaan bhoomi mein pahunch vardaanon se jholi bhar rahe ho na। vardaan bhoomi ke ek-ek charitra mein, karma mein vishesh vardaan bhare hue hain। yagya bhoomi mein aakar chaahe sabji kaatte ho, anaaj saaph karte ho, ismen bhi yagya seva ka vardaan bhara hua hai। jaise yaatra par jaate hain, mandir ki saphaai karna bhi ek bada punya samajhte hain। is mahaateertha va vardaan bhoomi ke har karma mein har kadam mein vardaan hi vardaan bhare hue hain। kitni jholi bhari hai? poori jholi bhar karke jaayenge ya yathaashakti? jo bhi jahaan se bhi aaye ho, mela manaane aaye ho। madhuban mein ek sankalp bhi va ek second bhi vyartha na jaae। samartha banne ka yeh abhyaas apne sthaan par bhi sahayog dega। padhaai aur parivaar - padhaai ka bhi laabh lena aur parivaar ka bhi anubhav vishesh karna। samjha!

baapdaada sabhi zone vaalon ko sada vardaani, mahaadaani banne ki mubaarak de rahe hain। logon ka utsav samaapta hua lekin aapka utsaah bhara utsav sada hai। sada bada din hai isliye har din mubaarak hi mubaarak hai। mahaaraashtra sada mahaan ban mahaan banaane ke vardaanon se jholi bharne vaale hain। karnaatak vaale sada apne harshit mukh dvaara svayan bhi sada harshit aur doosron ko bhi sada harshit banaate, jholi bharte rehna। yu.pi. vaale kya karenge? sada sheetal nadiyon ke samaan sheetalta ka vardaan de sheetla deviyaan ban sheetal devi banaao। sheetalta se sada sarva ke sabhi prakaar ke duhkh door karo। aise vardaanon se jholi bharo। achha!

sada shreshtha bhaagya ke spashta rekhaadhaari, sada baap samaan sarva shaktiyaan sampanna, sampoorn sthiti mein sthit rahne vaale, sada eeshvareey jhalak aur bhaagya ki phalak mein rahne vaale, har karma dvaara bhaagyavaan ban bhaagya ka varsa dilaane vaale aise master bhagwan shreshtha bhaagyavaan bachchon ko baapdaada ka yaadapyaar aur namaste।

badi daadiyon se avyakt baapdaada ki mulaakaat

aadi se ab tak jo har kaarya mein saath chalte aa rahe hain, unhon ki yeh visheshta hai - jaise brahma baap har kadam mein anubhvi ban anubhav ki authority se vishwa ke raajya ki authority lete hain aise hi aap sabhi ki bahutkaal se har prakaar ke anubhav ki authority ke kaaran bahutkaal ke raajya ki athaarti mein bhi saathi banne vaale ho। jinhonne aadi se sankalp kiya - jahaan bithaayenge, jaise chalaayenge vaise chalte hue saath chalenge। to saath chalne ka pahla vaayda baapdaada ko nibhaana hi padega। brahma baap ke bhi saath rahne vaale ho। raajya mein bhi saath rahenge, bhakti mein bhi saath rahenge। jitna abhi buddhi se sada ka saath rehta hai usi hisaab se raajya mein bhi sada saath hain। agar abhi thoda-sa door to koi janma mein door ke ho jaayenge, koi janma mein najdeek ke। lekin jo sada hi buddhi se saath mein rehte hain woh vahaan bhi saath rahenge। saakaar mein to aap sab 14 varsha saath rahe, sangamayug ke 14 varsha kitne varshon ke samaan ho gaye। sangamayug ka itna samay saakaar roop mein saath rahe ho, yeh bhi bahut bada bhaagya hai। phir buddhi se bhi saath ho, ghar mein bhi saath honge, raajya mein bhi saath honge। bhale takhta par thode baithte hain lekin royal family ke najdeek sambandh mein, saare din ki dincharya mein saath rahne mein part zaroor bajaate hain। to yeh aadi se saath rahne ka vaayda saara kalpa hi chalta rahega। bhakti mein bhi kaaphi samay saath rahenge। yeh peechhe ke janma mein thoda-sa koi door, koi najdeek lekin phir bhi saath saara kalpa kisi na kisi roop se rehte hain। aisa vaayda hai na! isliye aap logon ko sabhi kis nazar se dekhte hain! baap ke roop ho। isko hi bhakti mein unhonne kaha hai - yeh sab bhagwan ke roop hain! kyonki baap samaan bante ho na! aapke roop se baap dikhaai deta hai isliye baap ke roop kah dete hain। jo baap ke saath rahne vaale hain unki yahi visheshta hogi, unko dekhkar baap yaad aayega, unko nahin yaad karenge lekin baap ko yaad karenge। unhon se baap ke charitra, baap ki drishti, baap ke karma, sab anubhav honge। woh svayan nahin dikhaai denge। lekin un dvaara baap ke karma va drishti anubhav hogi। yahi visheshta hai ananya, samaan bachche ki। sabhi aise ho na! aap mein to nahin phansate hain na! yeh to nahin kehte phalaani bahut achhi hai, nahin baap ne inhen achha banaaya hai। baap ki drishti, baap ki paalna inhon se milti hai। baap ke mahaavaakya inhon se sunte hain। yeh visheshta hai। isko kaha jaata hai - pyaara bhi lekin nyaara bhi। pyaara bhale sabka ho lekin phansaane vaala nahin ho। baap ke badle aapko yaad na karen। baap ki shakti lene ke liye baap ke mahaavaakya sunne ke liye aapko yaad karen। isko kehte hain - ‘pyaara bhi aur nyaara bhi'। aisa group hai na! koi to visheshta hogi na jo saakaar ki paalna li hai - visheshta to hogi na। aap logon ke paas aayenge to kya poochhenge - baap kya karta tha, kaise chalta tha… yahi yaad aayega na! aisi vishesh aatmaayen ho। isko kehte hain - divine unity। divine ki smriti dilaay divine banaate, isliye divine unity। 50 varsha avinaashi rahe ho to avinaashi bhav ki mubaarak ho। kai aaye kai chakra lagaane gaye। aap log to anaadi avinaashi ho gaye। anaadi mein bhi saath, aadi mein bhi saath। vatan mein saath rahenge to seva kaise karenge! aap to thoda-sa aaraam bhi karte ho, baap ko aaraam ki bhi aavashyakta nahin। baapdaada isse bhi chhoot gaye। avyakt ko aaraam ki aavashyakta nahin। vyakta ko aavashyakta hai। ismen aap samaan banaayen to kaam khatma ho jaae। phir bhi dekho jab koi seva ka chance banta hai to baap samaan athak ban jaate ho। phir thakte nahin ho। achha!

daadi ji se:- bachpan se baap ne taajdhaari banaaya hai। aate hi seva ki jimmevaari ka taaj pahnaaya aur samay prati samay jo bhi part chala - chaahe beggary part chala, chaahe maujon ka part chala, sabhi part mein jimmevaari ka taaj drama anusaar dhaaran karti aai ho isliye avyakt part mein bhi taajdhaari nimitta ban gai। to yeh vishesh aadi se part hai। sada jimmevaari nibhaane vaali। jaise baap jimmevaar hai to jimmevaari ke taajdhaari banne ka vishesh part hai isliye ant mein bhi drishti dvaara taaj, tilak sab dekar gaye isliye aapka jo yaadgaar hai na usmein taaj zaroor hoga। jaise krishna ko bachpan se taaj dikhaate hain to yaadgaar mein bhi bachpan se taajdhaari roop se poojte hain। aur sab saathi hain lekin aap taajdhaari ho। saath to sabhi nibhaate lekin samaan roop mein saath nibhaana ismen antar hai।

party se avyakt baapdaada ki mulaakaat

kumaaron se:- kumaar arthaat nirbandhan। sabse bada bandhan man ke vyartha sankalpon ka hai। ismen bhi nirbandhan। kabhi-kabhi yeh bandhan baandh to nahin leta hai? kyonki sankalp shakti har kadam mein kamaai ka aadhaar hai। yaad ki yaatra kis aadhaar se karte ho? sankalp shakti ke aadhaar se baba ke paas pahunchte ho na! ashareeri ban jaate ho। to man ki shakti vishesh hai। vyartha sankalp man ki shakti ko kamjor kar dete hain isliye is bandhan se mukta। kumaar arthaat sada teevra purooshaarthi kyonki jo nirbandhan hoga uski gati svatah teevra hogi। bojh vaala dheemi gati se chalega। halka sada teevragti se chalega। abhi samay ke pramaan purushaartha ka samay gaya। ab teevra purushaarthi ban manzil par pahun-chana hai।

2. kumaaron ne puraane vyartha ke khaate ko samaapta kar liya hai? naya khaata samartha khaata hai। puraana khaata vyartha hai। to puraana khaata khatma hua। vaise bhi dekho vyavhaar mein kabhi puraana khaata rakha nahin jaata hai। puraane ko samaapta kar aage khaate ko badhaate rehte hain। to yahaan bhi puraane khaate ko samaapta kar sada naye te naya har kadam mein samartha ho। har sankalp samartha ho। jaisa baap vaise bachche। baap samartha hai to bachche bhi follow father kar samartha ban jaate hain।

maataaon se:- maataayen kis ek gun mein vishesh anubhvi hain? woh vishesh gun kaun-sa? (tyaag hai, sahansheelta hai) aur bhi koi gun hai? maataaon ka swaroop vishesh merciful ka hota hai। maataayen merciful hoti hain। aap behad ki maataaon ko behad ki aatmaon ke prati raham aata hai? jab raham aata hai to kya karti hain? jo merciful hote hain woh seva ke sivaae rah nahin sakte hain। jab merciful bante ho to anek aatmaon ka kalyaan ho hi jaata hai isliye maataaon ko kalyaani bhi kehte hain। kalyaani arthaat kalyaan karne vaali। jaise baap ko vishwa kalyaankaari kehte hain vaise maataaon ko vishesh baap samaan kalyaani ka title mila hua hai। aise umang aata hai! kya se kya ban gaye! sva ke parivartan se auron ke liye bhi umang-utsaah aata hai। had ki aur behad ki seva ka balance hai? us seva se to hisaab chuktu hota hai, woh had ki seva hai। aap to behad ki sevaadhaari ho। jitna seva ka umang utsaah svayan mein hoga utna saphalta hogi।

2. maataayen apne tyaag aur tapasya dvaara vishwa ka kalyaan karne ke nimitta bani hui hain। maataaon mein tyaag aur tapasya ki visheshta hai। in do visheshtaaon se seva ke nimitta ban auron ko bhi baap ka banaana, isi mein busy rehti ho? sangamayugi braahmanon ka kaam hi hai seva karna। brahman seva ke bina rah nahin sakte। jaise naamdhaari brahman katha zaroor karenge। to yahaan bhi katha karna arthaat seva karna। to jagatmaata ban jagat ke liye socho। behad ke bachchon ke liye socho। sirf ghar mein nahin baith jaao, behad ke sevaadhaari ban sada aage badhte chalo। had mein 63 janma ho gaye, abhi behad seva mein aage badho।

vidaai ke samay sabhi bachchon ko yaadapyaar

sabhi taraph ke snahi sahayogi bachchon ko baapdaada ka vishesh sneh sampanna yaadapyaar sveekaar ho। aaj baapdaada sabhi bachchon ko sada nirvighna ban, vighna vinaashak ban vishwa ko nirvighna banaane ke kaarya ki badhaai de rahe hain। har bachcha yahi shreshtha sankalp karta hai ki seva mein sada aage badhen, yeh shreshtha sankalp seva mein sada aage badha raha hai aur badhaata rahega। seva ke saath-saath svaunnati aur seva ki unnati ka balance rakh aage badhte chalo to baapdaada aur sarva aatmaon dvaara jinhonke nimitta bante ho, unhon ke dil ki duaayen praapta hoti rahengi। to sada balance dvaara blessing lete hue aage badhte chalo। svaunnati aur seva ki unnati donon saath-saath rahne se sada aur sahaj saphalta swaroop ban jaayenge। sabhi apne-apne naam se vishesh yaadapyaar sveekaar karna। achha! om shanti।

vardaan:- sabko khushkhabri sunaane vaale khushi ke khajaane se bharpoor bhandaar bhav

sada apne is swaroop ko saamne rakho ki ham khushi ke khajaane se bharpoor bhandaar hain। jo bhi anginat aur avinaashi khajaane mile hain un khajaanon ko smriti mein laao। khajaanon ko smriti mein laane se khushi hogi aur jahaan khushi hai vahaan sadaakaal ke liye duhkh door ho jaate hain। khajaanon ki smriti se aatma samartha ban jaati hai, vyartha samaapta ho jaata hai। bharpoor aatma kabhi halchal mein nahin aati, woh svayan bhi khush rehti aur doosron ko bhi khushkhabri sunaati hai।

slogan:- yogya banna hai to karma aur yog ka balance rakho।