बुधवार 5 फ़रवरी 2020 की दैनिक मुरली

05-02-2020 praatahmurli om shanti "baapdaada"' madhuban

"meethe bachche - paas with honour hona hai to buddhiyog thoda bhi kahin na bhatke, ek baap ki yaad rahe, deh ko yaad karne vaale oonch pad nahin pa sakte''

prashn:- sabse oonchi manzil kaun-si hai?

uttar:- aatma jeete ji markar ek baap ki bane aur koi yaad na aaye, deh-abhimaan bilkul chhoot jaaye - yahi hai oonchi manzil। nirantar dehi-abhimaani avastha ban jaaye-yeh hai badi manzil। isi se karmaateet avastha ko praapta karenge।

geet:- tu pyaar ka saagar hai…

om shanti। ab yeh geet bhi wrong hai। pyaar ke badle hona chaahiye gyaan ka saagar। pyaar ka koi lota nahin hota। lota, ganga jal aadi ka hota hai। to yeh hai bhakti maarga ki mahima। yeh hai wrong aur woh hai right। baap pahle-pahle to gyaan ka saagar hai। bachchon mein thoda bhi gyaan hai to bahut oonch pad praapta karte hain। bachche jaante hain ki ab is samay ham barobar chaitanya delvaada mandir ke bhaati hain। woh hai jad delvaada mandir aur yeh hai chaitanya delvaada। yeh bhi wonder hai na। jahaan jad yaadgaar hai vahaan tum chaitanya aakar baithe ho। parantu manushya kuchh samajhte thode hi hai। aage chalkar samjhenge ki barobar yeh god fatherly university hai, yahaan bhagwan padhaate hain। isse badi university aur koi ho na sake। aur yeh bhi samjhenge ki yeh to barobar chaitanya delvaada mandir hai। yeh delvaada mandir tumhaara accurate yaadgaar hai। oopar chhat mein sooryavanshi-chandravanshi hain, neeche aadi dev aadi devi aur bachche baithe hain। inka naam hai-brahma, phir sarasvati hai brahma ki beti। prajaapita brahma hai to zaroor gop-gopiyaan bhi honge na। woh hai jad chitra। jo past hokar gaye hain unhon ke phir chitra bane hue hain। koi marta hai to jhat unka chitra bana dete hain, unki position, biography ka to pata hai nahin। occupation nahin likhen to woh chitra koi kaam ka na rahe। maaloom padta hai phalaane ne yeh-yeh kartavya kiya hai। ab yeh jo devtaaon ke mandir hain, unhon ke occupation, biography ka kisko pata nahin hai। oonch te oonch shivbaaba ko koi bhi nahin jaante hain। is samay tum bachche sabki biography ko jaante ho। mukhya kaun-kaun hokar gaye hain jinhon ko poojte hain? oonch te oonch hai bhagwan। shivraatri bhi manaate hain to zaroor unka avatran hua hai parantu kab hua, usne kya aakar kiya-yeh kisko bhi pata nahin hai। shiv ke saath hai hi brahma। aadi dev aur aadi devi kaun hain, unhon ko itni bhujaayen kyon di hain? kyonki vriddhi to hoti hai na। prajaapita brahma se kitni vriddhi hoti hai। brahma ke liye hi kehte hain-100 bhujaayen, hazaar bhujaaon vaala। vishnu va shankar ke liye itni bhujaayen nahin kahenge। brahma ke liye kyon kehte hain? yeh prajaapita brahma ki hi saari vanshaavli hai na। yeh koi baahon ki baat nahin hai। woh bhal kehte hain hazaar bhujaaon vaala brahma, parantu arth thode hi samajhte hain। ab tum practical mein dekho brahma ki kitni bhujaayen hain। yeh hai behad ki bhujaayen। prajaapita brahma ko to sab maante hain parantu occupation ko nahin jaante। aatma ki to baahen nahin hoti, baahen shareer ki hoti hain। itne karod brothers hain to unhon ki bhujaayen kitni hui? parantu pahle jab koi poori reeti gyaan ko samajh jaaye, tab baad mein yeh baaten sunaani hain। pahli-pahli mukhya baat hai ek, baap kehte hain mujhe yaad karo aur varse ko yaad karo phir gyaan ka saagar bhi gaaya hua hai। kitni athaah points sunaate hain। itni sab points to yaad rah na saken। tanta (saar) buddhi mein rah jaata hai। pichhaadi mein tanta ho jaata hai-manmanaabhav।

gyaan ka saagar krishna ko nahin kahenge। woh hai rachna। rachta ek hi baap hai। baap hi sabko varsa denge, ghar le jaayenge। baap ka tatha aatmaon ka ghar hai hi silence hom। vishnupuri ko baap ka ghar nahin kahenge। ghar hai mool vatan, jahaan aatmaayen rehti hain। yeh sab baaten sensible bachche hi dhaaran kar sakte hain। itna saara gyaan koi ki buddhi mein yaad rah na sake। na itne kaagaj likh sakte hain। yeh murliyaan bhi sabki sab ikatthi karte jaayen to is saare haal se bhi jaasti ho jaayen। us padhaai mein bhi kitne dher kitaab hote hain। imtahaan paas kar liya phir tanta buddhi mein baith jaata hai। bairistari ka imtahaan paas kar liya, ek janma liye alpakaal sukh mil jaata hai। woh hai vinaashi kamaai। tumko to yeh baap avinaashi kamaai karaate hain-bhavishya ke liye। baaki jo bhi guru-gosaai aadi hain woh sab vinaashi kamaai karaate hain। vinaash ke najdeek aate jaate hain, kamaai kam hoti jaati hai। tum kahenge kamaai to badhti jaati hai, parantu nahin। yeh to sab khatma ho jaana hai। aage raajaaon aadi ki kamaai chalti thi। abhi to ve bhi nahin hain। tumhaari kamaai to kitna samay chalti hai। tum jaante ho yeh bana banaaya drama hai, jisko duniya mein koi nahin jaante hain। tumhaare mein bhi nambarvaar hain, jinko dhaarna hoti hai। kai to bilkul kuchh bhi samjha nahin sakte hain। koi kehte hain ham mitra-sambandhiyon aadi ko samjhaate hain, woh bhi to alpakaal hua na। auron ko pradarshani aadi kyon nahin samjhaate? poori dhaarna nahin hai। apne ko miya miththu to nahin samajhna hai na। service ka shauk hai to jo achhi reeti samjhaate hain, unka sunna chaahiye। baap oonch pad praapta karaane aaye hain to purooshaartha karna chaahiye na। parantu takdeer mein nahin hai to shreemat bhi nahin maante, phir pad bhrashta ho jaata hai। drama plen anusaar raajdhaani sthaapan ho rahi hai। usmein to sab prakaar ke chaahiye na। bachche samajh sakte hain koi achhi praja banne vaale hain, koi kam। baap kehte hain ham tumko raajayog sikhlaane aaya hoon। delvaada mandir mein raajaaon ke chitra hain na। jo poojya bante hain vahi phir pujaari bante hain। raaja-raani ka martaba to oonch hai na। phir vaam maarga mein aate hain tab bhi raajaai athva bade-bade saahookaar to hain। jagannaath ke mandir mein sabko taaj dikhaaya hai। praja ko to taaj nahin hoga। taaj vaale raajaayen bhi vikaar mein dikhaate hain। sukh sampatti to unhon ko bahut hogi। sampatti kam jaasti to hoti hai। heere ke mahal aur chaandi ke mahlon mein pharka to hota hai। to baap bachchon ko kahenge-achha purooshaartha kar oonch pad paao। raajaaon ko sukh jaasti hota hai, vahaan sab sukhi hote hain। jaise yahaan sabko duhkh hai, beemaari aadi to sabko hoti hi hai। vahaan sukh hi sukh hai, phir bhi martabe to nambarvaar hain। baap sadaiv kehte hain purooshaartha karte raho, susta mat bano। purooshaartha se samjha jaata hai drama anusaar inki sadgati is prakaar itni hi hoti hai।

apni sadgati ke liye shreemat par chalna hai। teacher ki mat par student na chalen to koi kaam ke nahin। nambarvaar purooshaartha anusaar to sab hain। agar koi kehte hain ki ham yeh nahin kar sakenge to baaki kya seekhenge! seekhkar hoshiyaar hona chaahiye, jo koi bhi kahe yeh samjhaate to bahut achha hain parantu aatma jeete ji markar ek baap ki banen, aur koi yaad na aaye, deh-abhimaan chhoot jaaye-yeh hai oonchi manzil। sab kuchh bhoolna hai। poori dehi-abhimaani avastha ban jaaye-yeh badi manzil hai। vahaan aatmaayen hain hi ashareeri phir yahaan aakar deh dhaaran karti hain। ab phir yahaan is deh mein hote hue apne ko ashareeri samajhna hai। yeh mehnat badi bhaari hai। apne ko aatma samajh karmaateet avastha mein rehna hai। sarpa ko bhi akla hai na-puraani khaal chhod dete hain। to tumko deh-abhimaan se kitna nikalna hai। mool vatan mein to tum ho hi dehi-abhimaani। yahaan deh mein hote apne ko aatma samajhna hai। deh-abhimaan toot jaana chaahiye। kitna bhaari imtahaan hai। bhagwan ko khud aakar padhaana padta hai। aise aur koi kah na sake ki deh ke sab sambandh chhod mera bano, apne ko niraakaar aatma samjho। koi bhi cheej ka bhaan na rahe। maaya ek-do ki deh mein bahut phansaati hai isliye baba kehte hain is saakaar ko bhi yaad nahin karna hai। baba kehte tumko to apni deh ko bhi bhoolna hai, ek baap ko yaad karna hai। ismen bahut mehnat hai। maaya achhe-achhe bachchon ko bhi naam-roop mein latka deti hai। yeh aadat badi kharaab hai। shareer ko yaad karna-yeh to bhooton ki yaad ho gai। ham kehte hain ek shivbaaba ko yaad karo। tum phir 5 bhooton ko yaad karte rehte ho। deh se bilkul lagaav nahin hona chaahiye। braahmani se bhi seekhna hai, na ki unke naam-roop mein latakna hai। dehi-abhimaani banne mein hi mehnat hai। baba ke paas bhal chart bahut bachche bhej dete hain parantu baba us par vishvaas nahin karta hai। koi to kehte hain ham shivbaaba ke sivaae aur kisko yaad nahin karte hain, parantu baba jaante hain-paai bhi yaad nahin karte hain। yaad ki to badi mehnat hai। kahaan na kahaan phans padte hain। dehdhaari ko yaad karna, yeh to 5 bhooton ki yaad hai। inko bhoot pooja kaha jaata hai। bhoot ko yaad karte hain। yahaan to tumko ek shivbaaba ko yaad karna hai। pooja ki to baat nahin। bhakti ka naam-nishaan gum ho jaata hai phir chitron ko kya yaad karna hai। woh bhi mitti ke bane hue hain। baap kehte hain yeh bhi sab drama mein noondh hai। ab phir tumko pujaari se poojya banaata hoon। koi bhi shareer ko yaad nahin karna hai, sivaae ek baap ke। aatma jab paavan ban jaayegi to phir shareer bhi paavan milega। abhi to yeh shareer paavan nahin hai। pahle aatma jab satopradhaan se sato, rajo, tamo mein aati hai to shareer bhi us anusaar milta hai। abhi tumhaari aatma paavan banti jaayegi lekin shareer abhi paavan nahin hoga। yeh samajhne ki baaten hain। yeh points bhi unki buddhi mein baithengi jo achhi reeti samajhkar samjhaate rehte hain। satopradhaan aatma ko banna hai। baap ko yaad karne ki hi badi mehnat hai। kaiyon ko to zara bhi yaad nahin rehti hai। paas with honour banne ke liye buddhiyog thoda bhi kahin na bhatke। ek baap ki hi yaad rahe। parantu bachchon ka buddhiyog bhatakta rehta hai। jitna bahuton ko aap samaan banaayenge utna hi pad milega। deh ko yaad karne vaale kabhi oonch pad pa na saken। yahaan to paas with honour hona hai। mehnat bigar yeh pad kaise milega! deh ko yaad karne vaale koi purooshaartha nahin kar sakte। baap kehte hain purooshaartha karne vaale ko follow karo। yeh bhi purooshaarthi hai na।

yeh bada vichitra gyaan hai। duniya mein kisko bhi pata nahin hai। kiski bhi buddhi mein nahin baithega ki aatma ki change kaise hoti hai। yeh saari gupta mehnat hai। baba bhi gupta hai। tum raajaai kaise praapta karte ho, ladaai-jhagda kuchh bhi nahin hai। gyaan aur yog ki hi baat hai। ham koi se ladte nahin hain। yeh to aatma ko pavitra banaane ke liye mehnat karni hai। aatma jaise-jaise patit banti jaati hai to shareer bhi patit leti hai phir aatma ko paavan bankar jaana hai, bahut mehnat hai। baba samajh sakte hain-kaun-kaun purooshaartha karte hain! yeh hai shivbaaba ka bhandaara। shivbaaba ke bhandaare mein tum service karte ho। service nahin karenge to paai paise ka pad jaakar paayenge। baap ke paas service ke liye aaye aur service nahin ki to kya pad milega! yeh raajdhaani sthaapan ho rahi hai, ismen naukar-chaakar aadi sab banenge na। abhi tum raavan par jeet paate ho, baaki aur koi ladaai nahin hai। yeh samjhaaya jaata hai, kitni gupta baat hai। yogbal se vishwa ki baadshaahi tum lete ho। tum jaante ho ham apne shantidham ke rahne vaale hain। tum bachchon ko behad ka ghar hi yaad hai। yahaan ham part bajaane aaye hain phir jaate hain apne ghar। aatma kaise jaati hai yeh bhi koi samajhte nahin hain। drama plan anusaar aatmaon ko aana hi hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1. kisi bhi dehdhaari se lagaav nahin rakhna hai। shareer ko yaad karna bhi bhooton ko yaad karna hai, isliye kisi ke naam-roop mein nahin latakna hai। apni deh ko bhi bhoolna hai।

2. bhavishya ke liye avinaashi kamaai jama karni hai। sensible ban gyaan ki points ko buddhi mein dhaaran karna hai। jo baap ne samjhaaya hai woh samajhkar doosron ko sunaana hai।

vardaan:- sachche saaph dil ke aadhaar se number one lene vaale dilaaraam pasanda bhav

dilaaraam baap ko sachchi dil vaale bachche hi pasanda hai। duniya ka dimaag na bhi ho lekin sachchi saaph dil ho to number one le lenge kyonki dimaag to baap itna bada de deta hai jisse rachayita ko jaanne se rachna ke aadi, madhya, ant ki knowledge ko jaan lete ho। to sachchi saaph dil ke aadhaar se hi number bante hain, seva ke aadhaar se nahin। sachche dil ki seva ka prabhaav dil tak pahunchta hai। dimaag vaale naam kamaate hain aur dil vaale duaayen kamaate hain।

slogan:- sarva ke prati shubh chintan aur shubh kaamna rakhna hi sachcha paropkaar hai।