सोमवार 20 अप्रैल 2020 की दैनिक मुरली

20-04-2020 praatahmurli om shanti "baapdaada"' madhuban

“ meethe bachche - tumhaara yeh naya jhaad bahut meetha hai , is meethe jhaad ko hi keede lagte hain , keedon ko samaapta karne ki davaai hai manamnaabhav ''

prashn:- paas with honour hone vaale student ki nishaani kya hogi?

uttar:- woh sirf ek subject mein nahin lekin sabhi subject par poora-poora dhyaan denge। sthool service ki bhi subject achhi hai, bahuton ko sukh milta hai, isse bhi marks jama hoti hain lekin saath-saath gyaan bhi chaahiye to chalan bhi chaahiye। daiveegunon par poora attention ho। gyaan yog poora ho tab paas with honour ho sakenge।

geet:- na woh hamse juda honge…

om shanti। bachchon ne kya suna? bachchon ki kisse dil lagi hui hai? guide se। guide kya-kya dikhlaate hain? svarga mein jaane ka get dikhlaate hain। bachchon ko naam bhi diya hai get ve tu heaven। svarga ka phaatak kab khulta hai? abhi to hell hai na। heaven ka phaatak kaun kholte hain aur kab? yeh tum bachche hi jaante ho। tumko sadaiv khushi rehti hai। heaven mein jaane liye raasta tum jaante ho। mele pradarshani dvaara tum yeh dikhlaate ho ki manushya svarga ke dvaar kaise ja sakte hain। chitra to tumne bahut banaaye hain। baba poochhte hain in sab chitron mein kaun-sa aisa chitra hai jisse ham kisko bhi samjha saken ki yeh hai svarga mein jaane ka get? gole (srishti pa) ke chitra mein svarga jaane ka get siddha hota hai। yahi right hai। oopar mein us taraph hai narka ka get, us taraph hai svarga ka get। bilkul clear hai। yahaan se sab aatmaayen bhaagti hain shantidham phir aati hain svarga mein। yeh get hai। saare chakra ko bhi get nahin kahenge। oopar mein jahaan sangam dikhaaya hai woh hai poora get। jisse aatmaayen nikal jaati hain, phir nai duniya mein aati hain। baaki sab shantidham mein rehti hain। kaanta dikhaata hai - yeh narka hai, woh svarga hai। sabse achha first class samjhaane ka yeh chitra hai। bilkul clear hai, get ve tu heaven। yeh buddhi se samajhne ki baat hai na। anek dharmon ka vinaash aur ek dharma ki sthaapna ho rahi hai। tum jaante ho ham sukhdhaam mein jaayenge, baaki sab shantidham mein chale jaayenge। get to bada clear hai। yeh gola hi mukhya chitra hai। ismen narka ka dvaar, svarga ka dvaar bilkul clear hai। svarga ke dvaar mein jo kalpa pahle gaye the vahi jaayenge, baaki sab shanti dvaar chale jaayenge। narka ka dvaar banda ho shanti aur sukh ka dvaar khulta hai। sabse first-class chitra yeh hai। baba hamesha kehte hain trimoorti, do gole aur yeh chakra first class chitra hai। jo bhi koi aaye unko pahle is chitra par dikhaao svarga mein jaane ka yeh get hai। yeh narka, yeh svarga। narka ka abhi vinaash hota hai। mukti ka get khulta hai। is samay ham svarga mein jaayenge baaki sab shantidham mein jaayenge। kitna sahaj hai। svarga dvaar sabhi to nahin jaayenge। vahaan to in devi-devtaaon ka hi raajya tha। tumhaari buddhi mein hai svarga dvaar chalne ke liye abhi ham laayak bane hain। jitna likhenge padhenge honge navaab, rulenge pilenge to honge kharaab। sabse achha chitra yeh gole ka hai, buddhi se samajh sakte hain ek baar chitra dekha phir buddhi se kaam liya jaata hai। tum bachchon ko saara din yeh khyaalaat chalne chaahiye ki kaun-sa chitra mukhya ho, jis par ham achhi reeti samjha sakte hain। get ve tu heaven - yeh angreji akshar bahut achha hai। abhi to anek bhaashaayen ho gai hain। hindi akshar hindustaan se nikla hai। hindustaan akshar koi right nahin hai, iska asul naam to bhaarat hi hai। bhaaratkhanda kehte hain। yeh to galiyon aadi ke naam badle jaate hain। khanda ka naam thode hi badla jaata hai। mahaabhaarat akshar hai na। sabmen bhaarat hi yaad aata hai। gaate bhi hain bhaarat hamaara desh hai। hindu dharma kahne se bhaasha bhi hindi kar di hai। yeh hai unrighteous। satayug mein tha sach hi sach - sach pahanna, sach khaana, sach bolna। yahaan sab jhooth ho gaya hai। to yeh get ve tu heaven akshar bahut achha hai। chalo ham aapko svarga jaane ka get bataayen। kitni bhaashaayen ho gai hain। baap tum bachchon ko sadgati ki shreshtha mat dete hain। baap ki mat ke liye gaayan hai unki gat mat nyaari। tum bachchon ko kitni sahaj mat dete hain। bhagwan ki shreemat par hi tumko chalna hai। doctor ki mat par doctor banenge। bhagwan ki mat par bhagwan bhagavti banna hota hai। hai bhi bhagvaanuvaach isliye baba ne kaha tha pahle to yeh siddha karo bhagwan kisko kaha jaata hai। svarga ke maalik zaroor bhagwan bhagavti hi thahre। brahm mein to kuchh hai nahin। svarga bhi yahaan, narka bhi yahaan hota hai। svarga-narka donon bilkul nyaare hain। manushyon ki buddhi bilkul tamopradhaan ho gai hai, kuchh bhi samajhte nahin hain। satayug ko laakhon varsha de diya hai। kaliyug ke liye kehte hain 40 hazaar varsha pade hain। bilkul hi ghor andhiyaare mein hain।

abhi tum bachche jaante ho baap hamko heaven le jaane ke liye aisa gunvaan banaate hain। mukhya phurna hi yeh rakhna hai ki ham satopradhaan kaise banen? baap ne bataaya hai maamekam yaad karo। chalte phirte kaam karte buddhi mein yeh yaad rahe। aashik-maashuk bhi karma to karte hain na। bhakti mein bhi karma to karte hain na। buddhi mein unki yaad rehti hai। yaad karne ke liye maala pherte hain। baap bhi ghadi-ghadi kehte hain mujh baap ko yaad karo। sarvavyaapi kah dete to phir yaad kisko karenge? baap samjhaate hain tum kitne naastik ban gaye ho। baap ko hi nahin jaante ho। kehte bhi ho O god father। parantu woh hai kaun, yeh zara bhi pata nahin hai। aatma kehti hai O god father। parantu aatma kya hai, aatma alag hai, unko kehte hain param aatma arthaat supreme, oonch te oonch supreme soul param aatma। ek bhi manushya nahin jisko apni aatma ka gyaan ho। main aatma hoon, yeh shareer hai। do cheez to hain na। yeh shareer 5 tatvon ka bana hua hai। aatma to avinaashi ek bindi hai। woh kya cheez se banengi। itni chhoti bindi hai, saadhu-santa aadi koi ko pata nahin। isne to bahut guru kiye parantu koi ne yeh nahin sunaaya ki aatma kya hai? parampita paramatma kya hai? aise nahin sirf paramatma ko nahin jaante। aatma ko bhi nahin jaante। aatma ko jaan jaaen to paramatma ko phat se jaan jaayen। bachcha apne ko jaane aur baap ko na jaane to chal kaise sakte? tum to abhi jaante ho aatma kya hai, kahaan rehti hai? doctor log bhi itna samajhte hain - woh sookshm hai, in aankhon se dekhi nahin jaati phir sheeshe mein bhi banda karne se dekh kaise sakenge? duniya mein tumhaare jaisi knowledge koi ko nahin hai। tum jaante ho aatma bindi hai, paramatma bhi bindi hai। baaki ham aatmaayen patit se paavan, paavan se patit banti hai। vahaan to patit aatma nahin rehti hai। vahaan se sab paavan aate hain phir patit bante hain। phir baap aakar paavan banaate hain, yeh bahut hi sahaj te sahaj baat hai। tum jaante ho hamaari aatma 84 ka chakra lagaae ab tamopradhaan ban gai hai। ham hi 84 janma lete hain। ek ki baat nahin hai। baap kehte hain main samjhaata inko hoon, sunte tum ho। mainne inmen pravesh kiya hai, inko sunaata hoon। tum sun lete ho। yeh hai rath। to baba ne samjhaaya hai - naam rakhna chaahiye get ve tu heaven। parantu ismen bhi samjhaana pade ki satayug mein jo devi-devta dharma tha woh ab praayah lop hai। koi ko pata nahin hai। Christian bhi pahle satopradhaan the phir punarjanma lete-lete tamopradhaan bante hain। jhaad bhi puraana zaroor hota hai। yeh variety dharmon ka jhaad hai। jhaad ke hisaab se aur sab dharma vaale aate hi peechhe hain। yeh drama bana-banaaya hai। aise thode hi koi ko tarna mil jaayega satayug mein aane ka। nahin। yeh to anaadi khel bana hua hai। satayug mein ek hi aadi sanaatan praacheen devi-devta dharma tha। ab tum bachchon ki buddhi mein hai ki ham svarga mein ja rahe hain। aatma kehti hai ham tamopradhaan hain to ghar kaise jaayenge, svarga mein kaise jaayenge? uske liye satopradhaan banne ki yukti bhi baap ne batlaai hai। baap kehte hain mujhe hi patit-paavan kehte hain। apne ko aatma samajh baap ko yaad karo। bhagvaanuvaach likha hua hai। yeh bhi sab kehte rehte hain - Christ se itne varsha pahle bhaarat heaven tha। parantu kaise bana phir kahaan gaya, yeh koi nahin jaante। tum to achhi reeti jaante ho। aage yeh sab baaten thode hi jaante the। duniya mein yeh bhi kisko pata nahin ki aatma hi achhi va buri banti hai। sabhi aatmaayen bachche hain। baap ko yaad karte hain। baap sabhi ka maashook hai, sabhi aashik hain। abhi tum bachche jaante ho woh maashuk aaya hua hai। bahut meetha maashuk hai। nahin to sabhi unko yaad kyon karte? koi bhi aisa manushya nahin hoga jiske mukh se paramatma ka naam nahin nikle। sirf jaante nahin hain। tum jaante ho aatma ashareeri hai। aatmaon ki bhi pooja hoti hai na। ham jo poojya the woh phir apni hi aatma ko poojne lage। ho sakta hai aage janma mein brahman kul mein janma liya ho। shreenaath ko bhog lagta hai, khaate to pujaari log hain। yeh sab hai bhakti maarga।

tum bachchon ko samjhaana hai - svarga ka phaatak kholne vaala baap hai। parantu khole kaise, samjhaave kaise? bhagvaanuvaach hai to zaroor shareer dvaara vaach hogi na। aatma hi shareer dvaara bolti hai, sunti hai। yeh baba rezgaari bataate hain। beej aur jhaad hai। tum bachche jaante ho yeh naya jhaad hai। aahiste-aahiste phir vriddhi ko paate hain। tumhaare is naye jhaad ko keede bhi bahut lagte hain kyonki yeh naya jhaad bahut meetha hai। meethe jhaad ko hi keede aadi kuchh na kuchh lagte hain phir davaai de dete hain। baap ne bhi manamnaabhav ki davaai bahut achhi di hai। manamnaabhav na hone se keede kha jaate hain। keede vaali cheez kya kaam aayegi। woh to phenki jaati hai। kahaan oonch pad, kahaan neench pad। pharka to hai na। meethe bachchon ko samjhaate rehte hain bahut meethe-meethe bano। koi se bhi loon-paani na bano, ksheerkhanda bano। vahaan sher-bakri bhi ksheerkhanda rehte hain। to bachchon ko bhi ksheerkhanda banna chaahiye। parantu koi ki takdeer mein hi nahin hai to tadbeer bhi kya karen! naapaas ho jaate hain। teacher to padhaate hain takdeer oonch banaane। teacher padhaate to sabko hain। pharka bhi tum dekhte ho। student class mein jaan sakte hain, kaun kis subject mein hoshiyaar hain। yahaan bhi aise hain। sthool service ki bhi subject to hain na। jaise bhandaari hai, bahuton ko sukh milta hai, kitna sab yaad karte hain। yeh to theek hai, is subject se bhi marks milti hain। lekin paas with honour hone ke liye sirf ek subject mein nahin, sab subject mein poora dhyaan dena hai। gyaan bhi chaahiye, chalan bhi aisi chaahiye, daiveegun bhi chaahiye। attention rakhna achha hai। bhandaari ke paas bhi koi aaye to kahe manamnaabhav। shivbaaba ko yaad karo to vikarma vinaash honge aur tum svarga ke maalik ban jaayenge। baap ko yaad karte auron ko bhi parichay dete rahen। gyaan aur yog chaahiye। bahut easy hai। mukhya baat hai hi yeh। andhon ki laathi banna hai। pradarshani mein bhi kisko le jaao, chalo ham aapko svarga ka get dikhaayen। yeh narka hai, woh svarga hai। baap kehte hain mujhe yaad karo, pavitra bano to tum pavitra duniya ke maalik ban jaayenge। manamnaabhav। hoobhu tumko geeta sunaate hain isliye baba ne chitra banaaya hai - geeta ka bhagwan kaun? svarga ka get kaun kholte hain? kholta hai shivbaaba। krishna usse paar karta hai aur phir naam rakh diya hai krishna ka। mukhya chitra hai hi do। baaki to rezgaari hai। bachchon ko bahut meetha banna hai। pyaar se baat karni hai। mansa, vaacha, karmana sabko sukh dena hai। dekho bhandaari sabko khush karti hai to unke liye saugaat bhi le aate hain। yeh bhi subject hai na। saugaat aakar dete hain, woh kehti hai ham tumse kyon loon, phir tumhaari yaad rahegi। shivbaaba ke bhandaare se milega to hamko shivbaaba ki yaad rahegi। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni oonch takdeer banaane ke liye aapas mein bahut-bahut ksheerkhanda, meetha hokar rehna hai, kabhi loon-paani nahin hona hai। sabhi subject par poora attention dena hai।

2) sadgati ke liye baap ki jo shreshtha mat mili hai, us par chalna hai aur sabko shreshtha mat hi sunaani hai। svarga mein jaane ka raasta dikhaana hai।

vardaan:- shuddh sankalpon ki shakti ke stock dvaara mansa seva ke sahaj anubhvi bhav

antarmukhi ban shuddh sankalpon ki shakti ka stock jama karo। yeh shuddh sankalp ki shakti sahaj hi apne vyartha sankalpon ko samaapta kar degi aur doosron ko bhi shubh bhaavna, shubh kaamna ke swaroop se parivartan kar sakenge। shuddh sankalpon ka stock jama karne ke liye murli ki har point ko sunne ke saath-saath shakti ke roop mein har samay kaarya mein lagaao। jitna shuddh sankalpon ki shakti ka stock jama hoga utna mansa seva ke sahaj anubhvi bante jaayenge।

slogan:- man se sada ke liye eeshya-dvesh ko vidaai do tab vijay hogi।