शुक्रवार 1 मई 2020 की दैनिक मुरली

01-05-2020 praatahmurli om shanti "baapdaada"' madhuban

“meethe bachche - anek dehdhaariyon se preet nikaal ek videhi baap ko yaad karo to tumhaare sab ang sheetal ho jaayenge”

prashn:- jo daiveekul ki aatmaayen hain, unki nishaani kya hogi?

uttar:- daivi kul vaali aatmaon ko is puraani duniya se sahaj hi vairaagya hoga। 2- unki buddhi behad mein hogi। shivaalay mein chalne ke liye woh paavan phool banne ka purooshaartha karenge। 3- koi aasuri chalan nahin chalenge। 4- apna potaamel rakhenge ki koi aasuri karma to nahin hua? baap ko sach sunaayenge। kuchh bhi chhipaayenge nahin।

geet:- na woh hamse juda honge…

om shanti। abhi yeh hain behad ki baaten। had ki baaten sab nikal jaati। duniya mein to anekon ko yaad kiya jaata hai, anek dehdhaariyon saath preet hai। videhi ek hi hai, jisko parampita paramatma shiv kaha jaata hai। tumhein ab unke saath hi buddhi ka yog jodna hai। koi dehdhaari ko yaad nahin karna hai। brahman aadi khilaana, yeh sab hui kaliyug ki rasam-rivaaj। vahaan ki rasam-rivaaj aur yahaan ki rasam-rivaaj bilkul alag hai। yahaan koi bhi dehdhaari ko yaad nahin karna hai। jab tak woh avastha aaye tab tak purooshaartha chalta rehta hai। baap kehte hain jitna ho sake puraani duniya ke jo hokar gaye hain ya jo hain un sabko bhool jaana hai। saara din buddhi mein yahi chale, kisko kya samjhaana hai। sabko bataana hai ki aakar world ke past, present, future ko samjho, jisko koi bhi nahin jaante। past arthaat kab se shuru hui। present ab kya hai। shuru hui hai satayug se। to satayug se lekar abhi tak aur future kya hona hai - duniya bilkul nahin jaanti। tum bachche jaante ho isliye chitra aadi banaate ho। yeh hai bada behad ka naatak। woh jhoothe had ke naatak to bahut banaate hain। stori banaane vaale alag hote hain aur naatak ki scene scenery banaane vaale doosre hote hain। yeh saara raaz abhi tumhaari buddhi mein hai। abhi jo kuchh dekhte ho woh nahin rahega। vinaash ho jaayega। to tumko satayugi nai duniya ki scene scenery bahut achhi dikhlaani pade। jaise ajmer mein soni dvaarika hai, to unmein se bhi scene scenery lekar nai duniya alag banaakar phir dikhaao। is puraani duniya ko aag lagni hai, inka bhi naksha to hai na। aur yeh nai duniya emerge ho rahi hai। aise-aise khyaal kar achhi reeti banaana chaahiye। yeh to tum samajhte ho। is samay manushyon ki bilkul hai jaise pattharbuddhi। kitna tum samjhaate ho phir bhi buddhi mein baithta nahin। jaise naatak vaale sundar scene scenery banaate hain, aise koi se madad le svarga ki scene scenery bahut achhi banaani chaahiye। vo log idea achhi denge। yukti bataayenge। unko samjhaakar aisa achha banaana chaahiye jo manushya aakar samjhen। barobar satayug mein to ek hi dharma tha। tum bachchon mein bhi nambarvaar hain jinko dhaarna hoti hai। deh-abhimaani buddhi ko chhi-chhi kaha jaata hai। dehi-abhimaani ko gul-gul (phool) kaha jaata hai। abhi tum phool bante ho। deh-abhimaani rahne se kaante ke kaante rah jaate। tum bachchon ko to is puraani duniya se vairaagya hai। tumhaari hai behad ki buddhi, behad ka vairaagya। hamko is veshyaalay se badi naphrat hai। abhi ham shivaalay jaane ke liye phool ban rahe hain। bante-bante bhi agar koi aisi kharaab chalan chalte hain to samjha jaata hai inmen abhi bhoot ki praveshta hai। ek hi ghar mein pati hans ban raha hai, patni nahin samajhti hai to difficulty hoti hai। sahan karna padta hai। samjha jaata hai inki takdeer mein nahin hai। sab to daiveekul ke banne vaale nahin hain, jo banne vaale honge vahi banenge। bahuton ki kharaab chalan ki reports aati hai। yeh-yeh aasuri gun hain isliye baba roz samjhaate hain, apna potaamel raat ko dekho ki aaj koi bhi aasuri kaam to hamne nahin kiya? baba kehte hain saari aayu mein jo bhool ki hai, woh bataao। koi kadi bhool karte hain to phir surgeon ko bataane mein lajja aati hai kyonki ijjat jaayegi na। na bataane se phir nuksaan ho jaae। maaya aise thappad maarti hai jo ekdam satyaanaash kar deti hai। maaya badi jabardasta hai। 5 vikaaron par jeet pa nahin sakte to baap bhi kya karenge।

baap kehte hain - main merciful bhi hoon to kaalon ka kaal bhi hoon। mujhe bulaate hi hain patit-paavan aakar paavan banaao। mera naam to donon hai na। kaise merciful hoon, phir kaalon ka kaal hoon, woh part abhi baja raha hoon। kaanton ko phool banaate hain to tumhaari buddhi mein woh khushi hai। amarnaath baap kehte hain tum sab paarvatiyaan ho। abhi tum maamekam yaad karo to tum amarpuri mein chale jaayenge। aur tumhaare paap naash ho jaayenge। us yaatra karne se tumhaare paap naash to hote nahin। yeh hain bhakti maarga ki yaatraayen। bachchon se yeh prashn bhi poochhte hain ki kharcha kaise chalta hai। parantu aisa koi samaachaar dete nahin ki hamne yeh respond kiya। itne sab bachche brahma ki aulaad brahman hain to ham hi apne liye kharcha karenge na। raajaai bhi shreemat par ham sthaapan kar rahe hain apne liye। raajya bhi ham karenge। raajayog ham seekhte hain to kharcha bhi ham karenge। shivbaaba to avinaashi gyaan ratnon ka daan dete hain, jisse ham raajaaon ka raaja bante hain। bachche jo padhenge vahi kharcha karenge na। samjhaana chaahiye ham apna kharcha karte hain, ham koi bheekh va donation nahin lete hain। parantu bachche sirf likh dete hain ki yeh bhi poochhte hain isliye baba ne kaha tha jo jo saare din mein service karte hain woh shaam ko potaamel bataana chaahiye। uski bhi peeth honi chaahiye। baaki aate to dher hain। woh sab praja banti hai, oonch pad praapta karne vaale bahut thode hain। raajaayen thode hote hain, saahookaar bhi thode bante hain। baaki gareeb bahut hote hain। yahaan bhi aise hain to daivi duniya mein bhi aise honge। raajaai sthaapan hoti hai, usmein nambarvaar sab chaahiye। baap aakar raajayog sikhlaae aadi sanaatan daivi raajdhaani ki sthaapna karaate hain। daivi dharma ki raajdhaani thi, abhi nahin hai। baap kehte hain main phir sthaapna karta hoon। to kisko samjhaane ke liye chitra bhi aisa chaahiye। baba ki murli sunenge, karenge। din pratidin correction to hoti rehti hai। tum apni avastha ko bhi dekhte raho kitna correct hoti jaati hai। baap aakar gandagi se nikaalte hain, jitna jo bahuton ko nikaalne ki service karenge utna oonch pad paayenge। tum bachchon ko to ekdam ksheerkhanda hokar rehna chaahiye। satayug se bhi yahaan baap tumko oonch banaate hain। baap eeshvar padhaate hain to unko apni padhaai ka jalva dikhaana hai tab to baap bhi kurbaan jaayenge। dil mein aana chaahiye - bas, abhi to ham bhaarat ko svarga banaane ka dhandha hi karenge। yeh naukri aadi karna, woh to karte rahenge। pahle apni unnati ka to karen। hai bahut sahaj। manushya sab kuchh kar sakte hain। grihastha vyavhaar mein rehte raajaai pad paana hai isliye roz apna potaamel nikaalo। saare din ka faayda aur nuksaan nikaalo। potaamel nahin nikaalte to sudharna bada mushkil hai। baap ka kehna maante nahin hain। roz dekhna chaahiye - kisko hamne duhkh to nahin diya? pad bahut ooncha hai, athaah kamaai hai। nahin to phir rona padega। race hoti hai na। koi to laakhon roopaya kama lete hain, koi to kangaal ke kangaal rah jaate hain।

abhi tumhaari hai eeshvareey race, ismen koi daudi aadi nahin lagaani hai sirf buddhi se pyaare baba ko yaad karna hai। kuchh bhi bhool ho to jhat sunaana chaahiye। baba hamse yeh bhool hui। karmendriyon se yeh bhool ki। baap kehte hain wrong right to sochne ki buddhi mili hai to ab wrong kaam nahin karna hai। wrong kaam kar diya - to baba tobaan-tobaan, kshama karna kyonki baap abhi yahaan baithe hain sunne ke liye। jo bhi bura kaam ho jaae to phauran bataao va likho - baba yeh bura kaam hua to tumhaara aadha maaph ho jaayega। aise nahin ki main kripa karoonga। kshama va kripa paai ki bhi nahin hogi। sabko apne ko sudhaarna hai। baap ki yaad se vikarma vinaash honge। past ka bhi yogbal se katta jaayega। baap ka bankar phir baap ki ninda nahin karaao। satguru ke nindak thaur na paayen। thaur tumko milti hai - bahut oonchi। doosre gurooon ke paas koi raajaai ki thaur thode hi hai। yahaan tumhaari em object hai। bhakti maarga mein koi em object hoti nahin। agar hoti bhi hai to alpakaal ke liye। kahaan 21 janma ka sukh, kahaan paai paise ka thoda sukh। aise nahin dhan se sukh hota hai। duhkh bhi kitna hota hai। achha - samjho koi ne hospital banaai to doosre janma mein rog kam hoga। aise to nahin padhaai jaasti milegi। dhan bhi jaasti milega। uske liye to phir sab kuchh karo। koi dharmashaala banaate hain to doosre janma mein mahal milega। aise nahin ki tandaroosta rahenge। nahin। to baap kitni baaten samjhaate hain। koi to achhi reeti samajhkar samjhaate, koi to samajhte hi nahin hain। to roz potaamel nikaalo। aaj kya paap kiya? is baat mein fail hua। baap raay denge to aisa kaam nahin karna chaahiye। tum jaante ho ham to ab svarga mein jaate hain। bachchon ko khushi ka paara nahin chadhta hai। baba ko kitni khushi hai। main boodha hoon, yeh shareer chhodkar ham prince banne vaala hoon। tum bhi padhte ho to khushi ka paara chadhna chaahiye। parantu baap ko yaad hi nahin karte hain। baap kitna sahaj samjhaate hain, woh angreji aadi padhne mein maatha kitna kharaab hota hai। bahut difficulty hoti hai। yeh to bahut sahaj hai। is roohaani padhaai se tum sheetal ban jaate ho। ismen to sirf baap ko yaad karte raho to ekdam sheetal ang ho jaayenge। shareer to tumko hai na। shivbaaba ko to shareer nahin hai। ang hain shreekrishna ko। unke ang to sheetal hain hi isliye unka naam rakh diya hai। ab unka sang kaise ho। woh to hota hi hai satayug mein। uske bhi aise sheetal ang kisne banaaye? yeh tum abhi samajhte ho। to ab tum bachchon ko bhi itni dhaarna karni chaahiye। ladna jhagadna bilkul nahin hai। sach bolna hai। jhooth bolne se satyaanaash ho jaati hai।

baap tum bachchon ko all-round sab baaten samjhaate hain। chitra bhi achhe-achhe banaao jo phir sabke paas jaayen। achhi cheez dekhkar kahenge chalkar dekho। samjhaane vaala bhi hoshiyaar chaahiye। service karna bhi seekhna hai। achhi braahmaniyaan bhi chaahiye jo aap samaan banaayen। jo aap samaan manager banaati hain unhein achhi braahmani kahenge। woh pad bhi oonch paayengi। baby buddhi bhi na ho, nahin to uthaakar le jaayenge। raavan sampradaay hain na। aisi braahmani taiyaar karo jo peechhe centre sambhaal sake। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ko apni padhaai ka jalva dikhlaana hai। bhaarat ko svarga banaane ke dhandhe mein lag jaana hai। pahle apni unnati ka khyaal karna hai। ksheerkhanda hokar rehna hai।

2) koi bhool ho to baap se kshama lekar svayan hi svayan ko sudhaarna hai। baap kripa nahin karte, baap ki yaad se vikarma kaatne hain, ninda karaane vaala koi karma nahin karna hai।

vardaan:- apni powerful stage dvaara sarva ki shubh kaamnaaon ko poorn karne vaale mahaadaani bhav

peechhe aane vaali aatmaayen thode mein hi raazi hongi, kyonki unka part hi kana-daana lene ka hai। to aisi aatmaon ko unki bhaavna ka phal praapta ho, koi bhi vanchit na rahe, iske liye abhi se apne mein sarva shaktiyaan jama karo। jab aap apni sampoorn powerful, mahaadaani stage par sthit honge to kisi bhi aatma ko apne sahayog se, mahaadaan dene ke kartavya ke aadhaar se, shubh bhaavna ka switch on karte hi nazar se nihaal kar denge।

slogan:- sada eeshvareey maryaadaaon par chalte raho to maryaada purooshottam ban jaayenge।