मंगलवार 12 मई 2020 की दैनिक मुरली

12-05-2020 praatahmurli om shanti "baapdaada"' madhuban

“meethe bachche - tumhein khivaiya mila hai is paar se us paar le jaane ke liye, tumhaare pair ab is puraani duniya par nahin hain, tumhaara langar uth chuka hai”

prashn:- jaadoogar baap ki wonderful jaadoogri kaun-si hai jo doosra koi nahin kar sakta?

uttar:- kaudi tulya aatma ko heere tulya bana dena, baagvaan bankar kaanton ko phool bana dena - yeh bahut wonderful jaadoogri hai jo ek jaadoogar baap hi karta hai, doosra koi nahin। manushya paisa kamaane ke liye sirf jaadoogar kahlaate hain, lekin baap jaisa jaadu nahin kar sakte hain।

om shanti। saare srishti chakra va drama mein baap ek hi baar aate hain। aur koi satsang aadi mein aise nahin samajhte honge। na woh katha karne vaala baap hai, na woh bachche hain। woh to vaastav mein followers bhi nahin hain। yahaan to tum bachche bhi ho, student bhi ho aur followers bhi ho। baap bachchon ko saath mein le jaayenge। baba jaayenge to phir bachche bhi is chhi-chhi duniya se apni gul-gul duniya mein chalkar raajya karenge। yeh tum bachchon ki buddhi mein aana chaahiye। is shareer ke andar jo rahne vaali aatma hai woh bahut khush hoti hai। tumhaari aatma bahut khush honi chaahiye। behad ka baap aaya hua hai jo sabhi ka baap hai, yeh bhi sirf tum bachchon ko samajh hai। baaki saari duniya mein to sab besmajh hi hain। baap baith samjhaate hain raavan ne tumko kitna besmajh bana diya hai। baap aakar samajhdaar banaate hain। saare vishwa par raajya karne laayak, itna samajhdaar banaate hain। yeh student life bhi ek hi baar hoti hai, jabki bhagwan aakar padhaate hain। tumhaari buddhi mein yeh hai, baaki jo apne dhandhe dhori aadi mein phanse hue bahut rehte hain, unko kabhi yeh buddhi mein aa na sake ki bhagwan padhaate hain। unhein to apna dhandha aadi hi yaad rehta hai। to tum bachche jabki jaante ho bhagwan hamko padhaate hain to kitna harshit rehna chaahiye aur to sab hain paai-paise vaalon ke bachche, tum to bhagwan ke bachche bane ho, to tum bachchon ko athaah khushi rahni chaahiye। koi to bahut harshit rehte hain। koi kehte hain baba hamaari murli nahin chalti, yeh hota…। are, murli koi mushkil thode hi hai। jaise bhakti maarga mein saadhu-santa aadi se koi poochhte hain - ham eeshvar se kaise milen? parantu woh jaante nahin। sirf anguli se ishaara karenge ki bhagwan ko yaad karo। bas, khush ho jaate hain। woh kaun hai - duniya mein koi bhi nahin jaante। apne baap ko koi bhi nahin jaante। yeh drama hi aisa bana hua hai, phir bhi bhool jaayenge। aise nahin ki tumhaare mein sabhi baap aur rachna ko jaante hain। kahaan-kahaan to chalan aisi chalte hain, baat mat poochho। woh nasha hi ud jaata hai। abhi tum bachchon ka pair puraani duniya par jaise ki hai nahin। tum jaante ho kaliyugi duniya se ab pair uth gaya hai, boat (naanv) ka langar uthaaya hua hai। abhi ham ja rahe hain, baap hamko kahaan le jaayenge yeh buddhi mein hai kyonki baap khivaiya bhi hai to baagvaan bhi hai। kaanton ko phool banaate hain। un jaisa baagvaan koi hai nahin jo kaanton ko phool bana de। yeh jaadoogri koi kam thode hi hai। kaudi tulya aatma ko heere tulya banaate hain। aajkal jaadoogar bahut nikle hain, yeh hai thagon ki duniya। baap hai satguru। kehte bhi hain satguru akaal। bahut dhun se kehte hain। ab jabki khud kehte hain satguru ek hai, sarva ka sadgati daata ek hai, phir apne ko guru kyon kahlaana chaahiye? na woh samajhte hain, na log hi kuchh samajhte hain। is puraani duniya mein rakha hi kya hai। bachchon ko jab maaloom hota hai, baba naya ghar bana rahe hain to aisa kaun hoga jo naye ghar se naphrat, puraane ghar se preet rakhenge। buddhi mein naya ghar hi yaad rehta hai। tum behad baap ke bachche bane ho to tumhein smriti rahni chaahiye ki baap hamaare liye new world bana rahe hain। ham us new world mein jaate hain। us new world ke anek naam hain। satayug, heaven, paradise, vaikuntha aadi...... tumhaari buddhi ab puraani duniya se uth gai hai kyonki puraani duniya mein duhkh hi duhkh hai। iska naam hi hai hell, kaanton ka jangal, raurav narka, kansapuri। inka arth bhi koi nahin jaante। pattharbuddhi hain na। bhaarat ka dekho haal kya hai। baap kehte hain is samay sab pattharbuddhi hain। satayug mein sab hain paarasbuddhi, yatha raaja raani tatha praja। yahaan to hai hi praja ka praja par raajya isliye sabki stamp banaate rehte hain।

tum bachchon ki buddhi mein yeh yaad rehna chaahiye। oonch te oonch hai baap। phir second number mein oonch kaun hai? brahma, vishnu, shankar ki to koi oonchaai nahin hai। shankar ki to paharvaais aadi hi kaisi bana di hai। kah dete hain woh bhaang peete, dhatoora khaate....... yeh to insult hai na। yeh baaten hoti nahin। yeh apne dharma ko hi bhoole hue hain। apne dev-taaon ke liye kya-kya kehte rehte hain, kitni beijjati karte hain! tab baap kehte hain meri bhi beijjati, shankar ki, brahma ki bhi beijjati। vishnu ki beijjati nahin hoti। vaastav mein gupta unki bhi karte hain, kyonki vishnu hi raadhe-krishna hain। ab krishna chhota bachcha to mahaatma se bhi oonch gaaya jaata hai। yeh (brahma) to peechhe sannyaas karte hain, woh to chhota bachcha hai hi pavitra। paap aadi ko jaante nahin। to oonch te oonch hai shivbaaba, phir bhi bichaaron ko pata nahin hai ki prajaapita brahma kahaan hona chaahiye। prajaapita brahma ko dikhaate bhi shareerdhaari hain। ajmer mein unka mandir hai। daadhi moonchh dete hain brahma ko, shankar va vishnu ko nahin dete। to yeh samajh ki baat hai। prajaapita brahma sookshm vatan mein kaise hoga! woh to yahaan hona chaahiye। is samay brahma ki kitni santaan hain? likha hua hai prajaapita brahmaakumaar-kumaariyaan itne dher hain to zaroor prajaapita brahma hoga। chaitanya hai to zaroor kuchh karte honge। kya prajaapita brahma sirf bachche hi paida karte hain ya aur bhi kuchh karte hain। bhal aadi dev brahma, aadi devi sarasvati kehte hain parantu unka part kya hai, yeh kisko bhi pata nahin hai। rachta hai to zaroor yahaan hokar gaya hoga। zaroor braahmanon ko shivbaaba ne adopt kiya hoga। nahin to brahma kahaan se aaye? yeh nai baaten hain na। jab tak baap nahin aaya hai tab tak koi jaan nahin sakte। jiska jo part hai vahi bajaate hain। buddha ne kya part bajaaya, kab aaya, kya aakar kiya - koi nahin jaante। tum abhi jaante ho kya woh guru hai, teacher hai, baap hai? nahin। sadgati to de na sake। woh to sirf apne dharma ke rachta thahre, guru nahin। baap bachchon ko rachte hain। phir padhaate hain। baap, teacher, guru teenon hi hain। doosre koi ko thode hi kahenge ki tum padhaao। aur koi ke paas yeh knowledge hai hi nahin। behad ka baap hi gyaan ka saagar hai। to zaroor gyaan sunaayenge। baap ne hi svarga ka raajya-bhaagya diya tha। abhi phir se de rahe hain। baap kehte hain tum phir se 5 hazaar varsha baad aakar mile ho। bachchon ko andar mein khushi hai jisko saari duniya dhoondh rahi hai, woh humein mil gaya। baba kehte hain bachche tum 5 hazaar varsha ke baad phir se aakar mile ho। bachche kehte - haan baba, ham aapko anek baar mile hain। bhal kitna bhi koi tumko maare-peete andar mein to woh khushi hai na। shivbaaba ke milne ki yaad to hai na। yaad se hi kitne paap katte hain। ablaaon, baandheliyon ke to aur hi jaasti katte hain kyonki woh jaasti shivbaaba ko yaad karti hain। atyaachaar hote hain to buddhi shivbaaba ki taraph chali jaati hai। shivbaaba raksha karo। to yaad karna achha hai na। bhale roz maar khaao, shivbaaba ko yaad karengi, yeh to bhalaai hai na। aise maar par to balihaar jaana chaahiye। maar padti hai to yaad karte hain। kehte hain ganga jal mukh mein ho, ganga ka tat ho, tab praan tan se niklen। tumko jab maar milti hai, buddhi mein alpha aur be yaad ho। bas। baba kahne se varsa zaroor yaad aayega। aisa koi bhi nahin hoga, jisko baba kahne se varsa yaad na pade। baap ke saath milkiyat zaroor yaad aayegi। tumko bhi shivbaaba ke saath varsa zaroor yaad aayega। woh to tumko vish ke liye (vikaar ke liye ) maar dekar shivbaaba ki yaad dilaate hain। tum baap se varsa paate ho, paap kat jaate hain। yeh bhi drama mein tumhaare liye gupta kalyaan hai। jaise kaha jaata hai ladaai kalyaankaari hai to yeh maar bhi achhi hui na।

aajkal bachchon ka pradarshani melon ki service par zor hai। nav nirmaan pradarshani ke saath-saath likh do get ve tu heaven। donon akshar hone chaahiye। nai duniya kaise sthaapan hoti hai, unka exhibition hai to manushyon ko sunkar khushi hogi। nai duniya kaise sthaapan hoti hai, unke liye yeh chitra banaaye hain। aakar dekho। get ve tu new world, yeh akshar bhi theek hai। yeh jo ladaai hai inke dvaara gates khulte hain। geeta mein bhi hai bhagwan aaya tha, aakar raajayog sikhaaya tha। manushya se devta banaaya to zaroor nai duniya sthaapan hui hogi। manushya kitna koshish karte hain moon (chaand) mein jaane ki। dekhte hain dharti hi dharti hai। manushya kuchh bhi dekhne mein nahin aate। itna sunaate hain। isse phaayda hi kya! abhi tum real silence mein jaate ho na। ashareeri bante ho। vo hai silence world। tum maut chaahte ho, shareer chhod jaana chaahte ho। baap ko bhi maut ke liye hi bulaate ho ki aakar apne saath mukti-jeevanmukti mein le jaao। parantu samajhte thode hi hain, patit-paavan aayenge to jaise ham kaalon ke kaal ko bulaate hain। abhi tum samajhte ho, baba aaya hua hai, kehte hain chalo ghar aur ham ghar jaate hain। buddhi kaam karti hai na। yahaan kai bachche honge jinki buddhi dhandhe aadi taraph daudti hogi। phalaana beemaar hai, kya hua hoga। anek prakaar ke sankalp aa jaate hain। baap kehte hain tum yahaan baithe ho, aatma ki buddhi baap aur varse taraph rahe। aatma hi yaad karti hai na। samjho koi ka bachcha london mein hai, samaachaar aaya beemaar hai। bas, buddhi chali jaayegi। phir gyaan buddhi mein baith na sake। yahaan baithe hue buddhi mein unki yaad aati rahegi। koi ka pati beemaar ho gaya to stri ke andar uthal-paathal hogi। buddhi jaati to hai na। to tum bhi yahaan baithe sab kuchh karte shivbaaba ko yaad karte raho। to bhi aho saubhaagya। jaise woh pati ko athva guru ko yaad karte hain, tum baap ko yaad karo। tumhein apna ek minute bhi vesta nahin karna chaahiye। baap ko jitna yaad karenge to service karne mein bhi baap hi yaad aayega। baba ne kaha hai mere bhakton ko samjhaao। yeh kisne kaha? shivbaaba ne। krishna ke bhakton ko kya samjhaayenge? unko kaho krishna nai duniya sthaapan kar rahe hain। maanenge? creator to god father hai, krishna thode hi hai। parampita paramatma hi puraani duniya ko nai bana rahe hain, yeh maanenge bhi। nai so puraani, puraani so phir nai hoti hai। sirf time bahut de dene se manushya ghor andhiyaare mein hain। tumhaare liye to ab hatheli par bahishta hai। baap kehte hain main tumko us svarga ka maalik banaane aaya hoon। banenge? vaah, kyon nahin banenge! achha, mujhe yaad karo, pavitra bano। yaad se hi paap bhasma ho jaayenge। tum bachche jaante ho vikarmon ka bojh aatma par hai, na ki shareer par। agar shareer par bojha hota to jab shareer ko jala dete hain to uske saath paap bhi jal jaate। aatma to hai hi avinaashi, usmein sirf khaad padti hai। jinko nikaalne ke liye baap ek hi yukti batlaate hain ki yaad karo। patit se paavan banne ki yukti kaisi achhi hai। mandir banaane vaale, shiv ki pooja karne vaale bhi bhakta hain na। pujaari ko kabhi poojya kah na saken। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jise saari duniya dhoondh rahi hai, woh baba humein mil gaya - isi khushi mein rehna hai। yaad se hi paap katte hain isliye kisi bhi paristhiti mein baap aur varse ko yaad karna hai। ek minute bhi apna samay vesta nahin karna hai।

2) is puraani duniya se buddhi ka langar utha dena hai। baba hamaare liye naya ghar bana rahe hain, yeh hai raurav narka, kans puri, ham jaate hain vaikunthapuri mein। sada is smriti mein rehna hai।

vardaan:- chalte-phirte pharishte swaroop ka saakshaatkaar karaane vaale saakshaatkaarmoorta bhav

jaise shuru mein chalte phirte brahma gum hokar shreekrishna dikhaai dete the। isi saakshaatkaar ne sab kuchh chhuda diya। aise saakshaatkaar dvaara abhi bhi seva ho। jab saakshaatkaar se praapti hogi to banne ke bina rah nahin sakenge isliye chalte phirte pharishte swaroop ka saakshaatkaar karaao। bhaashan vaale bahut hain lekin aap bhaasna dene vaale bano - tab samjhenge yeh allaah log hain।

slogan:- sada roohaani mauj ka anubhav karte raho to kabhi bhi moonjhenge nahin।