रविवार 26 जुलाई 2020 की दैनिक मुरली

26-07-20 praatahmurli om shanti ''avyakt-baapdaada'' revise 27-02-86 madhuban

roohaani sena kalpa-kalpa ki vijayi

sabhi roohaani shakti sena, paandav sena, roohaani sena sada vijay ke nishchay aur nashe mein rahete hai na, aur koi bhi sena jab ladaai karti hai to vijay ki guarantee nahin hoti hai। nishchay nahin hota ki vijay nishchit hi hai। lekin aap roohaani sena, shakti sena sada is nishchay ke nashe mein rehte ki na sirf ab ke vijayi hai lekin kalpa-kalpa ke vijayi hain। apne kalpa pahle ke vijay ki kathaayen bhi bhakti maarga mein sun rahe ho। paandavon ke vijay ki yaadgaar katha abhi bhi sun rahe ho। apne vijay ke chitra ab bhi dekh rahe ho। bhakti mein sirf ahinsak ke bajaae hinsak dikha diya hai। roohaani sena ko jismaani saadhaaran sena dikha diya hai। apna vijay ka gaayan abhi bhi bhakton dvaara sun harshit hote ho। gaayan bhi hai prabhu-preet buddhi vijayanti। vipreet buddhi vinshanti। to kalpa pahle ka aapka gaayan kitna prasiddha hai! vijay nishchit hone ke kaaran nishchaybuddhi vijayi ho isliye maala ko bhi vijay maala kehte hain। to nishchay aur nasha donon hain na। koi bhi agar poochhe to nishchay se kahenge ki vijay to hui padi hai। svapna mein bhi yeh sankalp nahin uth sakta ki pata nahin vijay hogi va nahin, hui padi hai। past kalpa aur bhavishya ko bhi jaante ho। trikaaldarshi ban usi nashe se kehte ho। sabhi pakke ho na! agar koi kahe bhi ki socho, dekho to kya kahenge? anek baar dekh chuke hain। koi nai baat ho to sochen bhi, dekhen bhi। yeh to anek baar ki baat ab repeat kar rahe hain। to aise nishchay buddhi gyaani tu aatmaayen yogi tu aatmaayen ho na!

aaj aphreeka ke group ka tarna hai। aise to sabhi ab madhuban nivaasi ho। permanent address to madhuban hai na। woh to sevaasthaan hai। seva-sthaan ho gaya daphtar, lekin ghar to madhuban hai na। seva ke arth aphreeka, yu.ke. aadi chaaron taraph gaye hue ho। chaahe dharma badli kiya, chaahe desh badli kiya lekin seva ke liye hi gaye ho। yaad kaun-sa ghar aata hai? madhuban ya paramdham। seva sthaan par seva karte bhi sada hi madhuban aur murli yahi yaad rehta hai na! aphreeka mein bhi seva arth gaye ho na। seva ne gyaan ganga bana liya। gyaan gangaaon mein gyaan snaan kar aaj kitne paavan ban gaye! bachchon ko bhinna-bhinna sthaanon par seva karte hue dekh baapdaada sochte hain ki kaise-kaise sthaanon par seva ke liye nirbhay ban bahut lagan se rahe hue hain। African logon ka vaayumandal, unhon ka aahaar-vyavhaar kaisa hai, phir bhi seva ke kaaran rahe hue ho। seva ka bal milta rehta। seva ka pratyaksha phal milta hai, woh bal nirbhay bana deta hai। kabhi ghabraate to nahin ho na! aur opheeshal nimantran pahle yahaan se mila। videsh seva ka nimantran milne se aise-aise deshon mein pahunch gaye। nimantran ki seva ka foundation yahaan se hi shuru hua। seva ke umang-utsaah ka pratyaksha phal yahaan ke bachche ne dikhaaya। balihaari us ek nimitta banne vaale ki jo kitne achhe-achhe chhipe hue ratna nikal aaye। abhi to bahut vriddhi ho gai hai। woh chhip gaya aur aap pratyaksha ho gaye। nimantran ke kaaran number aage ho gaya। to aphreeka vaalon ko baapdaada aaphreen lene vaale kehte hain। aaphreen lene ka sthaan hai kyonki vaataavran ashuddha hai। ashuddha vaataavran ke beech vriddhi ho rahi hai। iske liye aaphreen kehte hain।

shakti sena aur paandav sena donon hi shaktishaali hain, majority indiyansa hain। lekin India se door ho gaye, to door hote bhi apna hak to nahin chhod sakte। vahaan bhi baap ka parichay mil gaya। baap ke ban gaye। nairobi mein mehnat nahin lagi। sahaj hi bichhude hue pahunch gaye aur gujraatiyon ke yeh vishesh sanskaar hain। jaise unhon ki yeh reeti hai - sabhi milkar garba raas karte hain। akele nahin karte। chhota ho chaahe mota ho, sab milkar garba dance zaroor karte hain। yeh sangathan ki nishaani hai। seva mein bhi dekha gaya hai gujraati sangathan vaale hote। ek aata to 10 ko zaroor laata। yeh sangathan ki reeti achhi hai unhon mein, isliye vriddhi jaldi ho jaati hai। seva ki vriddhi aur vistaar bhi ho raha hai। aise-aise sthaanon par shanti ki shakti dena, bhay ke badle khushi dilaana yahi shreshtha seva hai। aise sthaanon par aavashyakta hai। vishwa kalyaankaari ho to vishwa ke chaaron or seva badhni hai, aur nimitta banna hi hai। koi bhi kona agar rah gaya to ulhana denge। achha hai himmate bachche madde baap। hands bhi vahaan se hi nikal aur seva kar rahe hain। yeh bhi sahayog ho gaya na। svayan jage ho to bahut achha lekin jagkar phir jagaane ke bhi nimitta banen, yeh double phaayda ho gaya। bahut karke hands bhi vahaan ke hi hain। yeh visheshta achhi hai। videsh seva mein majority sab vahaan se nikal vahaan hi seva ke nimitta ban jaate। videsh ne bhaarat ko hands nahin diya hai। bhaarat ne videsh ko diye hain। bhaarat bhi bahut bada hai। alag-alag zone hain। svarga to bhaarat ko hi banaana hai। videsh to picnic sthaan ban jaayega। to sabhi ever ready ho na। aaj kisko kahaan bhejen to ever ready ho na! jab himmat rakhte hain to madad bhi milti hai। ever ready zaroor rehna chaahiye। aur jab samay aisa aayega to phir order to karna hi hoga। baap dvaara order hona hi hain। kab karenge, woh date nahin bataayenge। date bataaven phir to sab number one paas ho jaaen। yahaan date ka hi achaanak ek hi question aayega! ever ready ho na। kahen yahaan hi baith jaao to baal-bachche ghar aadi yaad aayega? sukh ke saadhan to vahaan hain lekin svarga to yahaan banna hai। to sada ever ready rehna yeh hain brahman jeevan ki visheshta। apni buddhi ki line clear ho। seva ke liye nimitta maatra sthaan baap ne diya hai। to nimitta bankar seva mein upasthit hue ho। phir baap ka ishaara mila to kuchh bhi sochne ki jaroorat hi nahin hai। direction praamaan seva achhi kar rahe ho, isliye nyaare aur baap ke pyaare ho। aphreeka ne bhi vriddhi achhi ki hai। vi.aai.pi. ki seva achhi ho rahi hai। government ke bhi connection achhe hain। yeh visheshta hai jo sarva prakaar vaale varga ki aatmaon ka samparka koi na koi samay sameep le hi aata hai। aaj samparka vaale kal sambandh vaale ho jaayenge। unhon ko jagaate rehna chaahiye। nahin to thodi okh khol phir so jaate hain। kumbhakran to hain hi। neend ka nasha hota hai to kuchh bhi kha-pi bhi lete to bhool jaate। kumbhakran bhi aise hain। kahenge haan phir aayenge, yeh karenge। lekin phir poochho to kahenge yaad nahin raha, isliye baar-baar jagaana padta hai। gujraatiyon ne baap ka banne mein, tan-man-dhan se svayan ko seva mein lagaane mein number achha liya hai। sahaj hi sahayogi ban jaate hain। yeh bhi bhaagya hai। sankhya gujraatiyon ki achhi hai। baap ka banne ki lottery koi kam nahin hai।

har sthaan par koi na koi baap ke bichhude hue ratna hain hi। jahaan bhi paanv rakhte hain to koi na koi nikal hi aate। beparvaah, nirbhay ho karke seva mein lagan se aage badhte hain to padam guna madad bhi milti hai। official nimantran to phir bhi yahaan se hi aarambha hua। phir bhi seva ka jama to hua na। woh jama ka khaata samay par kheenchega zaroor। to sabhi number one, teevra purooshaarthi aaphreen lene vaale ho na। number one sambandh nibhaane vaale number one seva mein saboot dikhaane vaale sabmen number one hona hi hai, tab to aaphreen lenge na। aaphreen te aaphreen lete hi rehna hai। sabhi ki himmat dekh baapdaada khush hote hain। anek aatmaon ko baap ka sahaara dilaane ke liye nimitta bane hue ho। achhe hi parivaar ke parivaar hain। parivaar ko baba guldasta kehte hain। yeh bhi visheshta achhi hai। vaise to sabhi braahmanon ke sthaan hain। agar koi nairobi jaayenge va kahaan bhi jaayenge to kahenge hamaara centre, baba ka centre hai। hamaara parivaar hai। to kitne lucky ho gaye! baapdaada har ek ratna ko dekh khush hote। chaahe koi bhi sthaan ke hain lekin baap ke hain aur baap bachchon ka hai, isliye brahman aatma ati priy hai। vishesh hai। ek do se jaasti pyaare lagte hain। achha।

ab roohaani personality dvaara seva karo (avyakt mahaavaakya chune hue)

1- aap braahmanon jaisi roohaani personality saare kalpa mein aur kisi ki bhi nahin hai kyonki aap sabki personality banaane vaala oonche te ooncha svayan param aatma hai। aapki sabse bade te badi personality hai - svapna va sankalp mein bhi sampoorn purity। is purity ke saath-saath chehre aur chalan mein roohaaniyat ki bhi personality hai - apni is personality mein sada sthit raho to seva svatah hogi। koi kaisi bhi pareshaan, ashaanta aatma ho aapki roohaani personality ki jhalak, prasannata ki nazar unhein prasanna kar degi। nazar se nihaal ho jaayenge। abhi samay ki sameepta ke anusaar nazar se nihaal karne ki seva karne ka samay hai। aapki ek nazar se woh prasannachit ho jaayenge, dil ki aash poorn ho jaayegi।

jaise brahma baap ke soorat va seerat ki personality thi tab aap sab aakarshit hue, aise follow father karo। sarva praaptiyon ki list buddhi mein emerge rakho to chehre aur chalan mein prasannata ki personality dikhaai degi aur yeh personality har ek ko aakarshit karegi। roohaani personality dvaara seva karne ke liye apni mood sada cheerful aur careful rakho। mood badalni nahin chaahiye। kaaran kuchh bhi ho, us kaaran ka nivaaran karo। sada prasannata ki personality mein raho। prasannachitta rahne se bahut achhe anubhav karenge। prasannachit aatma ke sang mein rehna, unse baat karna, baithna sabko achha lagta hai। to lakshya rakho ki prashnachitta nahin, prasannachitta rehna hai।

aap bachche baahar ke roop mein bhal saadhaaran personality vaale ho lekin ruhaani personality mein sabse number one ho। aapke chehre par, chalan mein purity ki personality hai। jitna-jitna jo pure hai utni unki personality na sirf dikhaai deti hai lekin anubhav hoti hai aur woh personality hi seva karti hai। jo oonchi personality vaale hote hain uski kahaan bhi, kisi mein bhi aankh nahin jaati kyonki woh sarva praaptiyon se sampanna hain। ve kabhi apne praaptiyon ke bhandaar mein koi apraapti anubhav nahin karte। woh sada man se bharpoor hone ke kaaran santushta rehte hain, aisi santushta aatma hi doosron ko santushta kar sakti hai।

jitni pavitrata hai utni brahman jeevan ki personality hai, agar pavitrata kam to personality kam। ye purity ki personality seva mein bhi sahaj saphalta dilaati hai। lekin yadi ek vikaar bhi anshamaatra hai to doosre saathi bhi uske saath zaroor honge। jaise pavitrata ka sukh-shanti se gahra sambandh hai, aise apvitrata ka bhi paanch vikaaron se gahra sambandh hai isliye koi bhi vikaar ka anshamaatra na rahe tab kahenge pavitrata ki personality dvaara seva karne vaale।

aajkal do prakaar ki personality gaai jaati hai - ek shaareerik personality, doosri position ki personality। brahman jeevan mein jis brahman aatma mein santushtata ki mahaanta hai - unki soorat mein, unke chehre mein bhi santushtata aur shreshtha sthiti ke position ki personality dikhaai deti hai। jinke nayan-chain mein, chehre mein, chalan mein santushtata ki personality dikhaai deti hai vahi tapasvi hain। unka chitta sada prasanna hoga, dil-dimaag sada aaraam mein, sukh-chain ki sthiti mein hoga, kabhi bechain nahin honge। har bol aur karma se, drishti aur vritti se roohaani personality aur royalty ka anubhav karaayenge।

vishesh aatmaon va mahaan aatmaon ko desh ki va vishwa ki personalities kehte hain। pavitrata ki personality arthaat har karma mein mahaanta aur visheshta। roohaani personality vaali aatmaayen apni energy, samay, sankalp vesta nahin ganvaate, saphal karte hain। aisi personality vaale kabhi bhi chhoti-chhoti baaton mein apne man-buddhi ko busy nahin rakhte hain। roohaani personality vaali vishesh aatmaon ki drishti, vritti, bol… sabmen alaukikta hogi, saadhaaranta nahin। saadhaaran kaarya karte bhi shaktishaali, karmayogi sthiti ka anubhav karaayenge। jaise brahma baap ko dekha - chaahe bachchon ke saath sabji bhi kaatte rahe, khel karte rahe lekin personality sada aakarshit karti rahi। to follow father।

brahman jeevan ki personality ‘prasannata' hai। is personality ko anubhav mein laao aur auron ko bhi anubhvi banaao। sada shubh-chintan se sampanna raho, shubh-chintak ban sarva ko snehi, sahayogi banaao। shubh-chintak aatma hi sada prasannata ki personality mein rah vishwa ke aage vishesh personality vaali ban sakti hai। aajkal personality vaali aatmaayen sirf naameegraami banti hain arthaat naam bulanda hota hai lekin aap roohaani pasnailiti vaale sirf naami-graami arthaat gaayan-yogya nahin lekin gaayan-yogya ke saath poojneey yogya bhi bante ho। kitne bhi bade dharma-kshetra mein, raajya-kshetra mein, science ke kshetra mein personality vaale prasiddha hue hain lekin aap roohaani personality samaan 63 janma poojneey nahin bane hain।

vardaan:- combined swaroop ki smriti dvaara shreshtha sthiti ki seat par set rahne vaale sada sampanna bhav

sangamayug par shiv shakti ke combined swaroop ki smriti mein rahne se har asambhav kaarya sambhav ho jaata hai। yahi sarva shreshtha swaroop hai। is swaroop mein sthit rahne se sampanna bhav ka vardaan mil jaata hai। baapdaada sabhi bachchon ko sada sukhdaai sthiti ki seat dete hain। sada isi seat par set raho to ateendriy sukh ke jhoole mein jhoolte rahenge sirf vismriti ke sanskaar samaapta karo।

slogan:- powerful vritti dvaara aatmaon ko yogya aur yogi banaao।