गुरुवार 20 अगस्त 2020 की दैनिक मुरली

20-08-2020 praatahmurli om shanti "baapdaada"' madhuban

“meethe bachche - apni safety ke liye vikaaron roopi maaya ke chambe se sada bachkar rehna hai, deh-abhimaan mein kabhi nahin aana hai''

prashn:- punya aatma banne ke liye baap sabhi bachchon ko kaun-si mukhya shiksha dete hain?

uttar:- baba kehte - bachche, punyaatma banna hai to 1. shreemat par sada chalte raho। yaad ki yaatra mein gaphlat nahin karo। 2. aatma-abhimaani banne ka poora-poora purooshaartha kar kaam mahaashatru par jeet praapta karo। yahi samay hai - punyaatma ban is duhkhadhaam se paar sukhdhaam mein jaane ka।

om shanti। baap hi roz bachchon se poochhte hain। shivbaaba ke liye aise nahin kahenge ki bachdevaal hai। aatmaayen to anaadi hain hi। baap bhi hai। is samay jabki baap aur daada donon hain tab hi bachchon ki sambhaal karni hoti hai। kitne bachche hain jinki sambhaal karni hoti hai। ek-ek ka potaamel rakhna hota hai। jaise laukik baap ko bhi phurna rehta hai na। samajhte hain - hamaara bachcha bhi is brahman kul mein aa jaae to achha hai। hamaare bachche bhi pavitra ban pavitra duniya mein chalen। kahaan is puraane maaya ke naale mein bah na jaayen। behad ke baap ko bachchon ka phurna rehta hai। kitne centres hain, kis bachche ko kahaan bhejna hai jo safety mein rahen। aajkal safety bhi mushkil hai। duniya mein koi bhi safety nahin hai। svarga mein to har ek ki safety hai। yahaan koi ki safety nahin hai। kahaan na kahaan vikaaron roopi maaya ke chambe mein phans padte hain। abhi tum aatmaon ko yahaan padhaai mil rahi hai। sat ka sang bhi yahaan hai। yahaan hi duhkhadhaam se paar sukhdhaam mein jaana hai kyonki ab bachchon ko pata pada hai duhkhadhaam kya hai, sukhdhaam kya hai। barobar abhi duhkhadhaam hai। hamne paap bahut kiye hain aur vahaan punya aatmaayen hi rehti hain। hamko abhi punya aatma banna hai। abhi tum har ek apne 84 janmon ki history-geography jaan gaye ho। duniya mein koi bhi 84 janmon ki history-geography nahin jaante। abhi baap ne aakar saari jeevan kahaani samjhaai hai। abhi tum jaante ho humein poora punya aatma banna hai - yaad ki yaatra se। ismen hi bahut dhokha khaate hain gaphlat karne se। baap kehte hain is samay gaphlat achhi nahin hai। shreemat par chalna hai। usmein bhi mukhya baat kehte hain ek to yaad ki yaatra mein raho, doosra kaam mahaashatru par jeet paani hai। baap ko sab pukaarte hain kyonki unse shanti aur sukh ka varsa milta hai aatmaon ko। aage deh-abhimaani the to kuchh pata nahin padta tha। abhi bachchon ko aatma-abhimaani banaaya jaata hai। naye ko pahle-pahle ek had ke, doosra behad ke baap ka parichay dena hai। behad ke baap se svarga (bahishta) naseeb hota hai। had ke baap se dozak (narka) naseeb hota hai। bachcha jab baalig banta hai to property ka hakdaar banta hai। jab samajh aati hai phir dheere-dheere maaya ke adheen ban padte hain। woh sab hai raavan raajya (vikaari duniya) ki rasma rivaaz। abhi tum bachche jaante ho yeh duniya badal rahi hai। is puraani duniya ka vinaash ho raha hai। ek geeta mein hi vinaash ka varnan hai aur koi shaastra mein mahaabhaarat mahaabhaari ladaai ka varnan nahin hai। geeta ka hai hi yeh purooshottam sangamayug। geeta ka yug maana aadi sanaatan devi-devta dharma ki sthaapna। geeta hai hi devi-devta dharma ka shaastra। to yeh geeta ka yug hai, jabki nai duniya sthaapan ho rahi hai। manushyon ko bhi badalna hai। manushya se devta banna hai। nai duniya mein zaroor daivi gunon vaale manushya chaahiye na। in baaton ko duniya nahin jaanti। unhon ne kalpa ki aayu ka time bahut de diya hai। abhi tum bachchon ko baap samjha rahe hain - tum samajhte ho barobar baba hamko padhaate hain। krishna ko kabhi baap, teacher ya guru nahin kah sakte। krishna teacher ho to seekha kahaan se? unko gyaan saagar nahin kaha ja sakta।

abhi tum bachchon ko bado-badon ko samjhaana hai, aapas mein milkar raay karni hai ki service ki vriddhi kaise ho। vihang maarga ki service kaise ho। brahmaakumaariyon ke liye jo itna hangaama karte hain phir samjhenge yeh to sachche hain। baaki duniya to hai jhoothi, isliye sach ki naeeya ko hilaate rahenge। toofaan to aate hain na। tum naeeya ho jo paar jaati ho। tum jaante ho hamko is maayaavi duniya se paar jaana hai। sabse pahle number mein toofaan aata hai deh-abhimaan ka। woh hai sabse bura। isne hi sabko patit banaaya hai। tab to baap kehte hain kaam mahaashatru hai। yeh jaise bahut tez toofaan hai। koi to in par jeet paaye hue bhi hain। grihastha vyavhaar mein gaye hue hain phir koshish karte hain bachne ki। kumaar-kumaariyon ke liye to bahut sahaj hai isliye naam bhi gaaya hua hai kanhaiya। itni kanyaayen zaroor shivbaaba ki hogi। dehdhaari krishna ki to itni kanyaayen ho na saken। abhi tum is padhaai se patraani ban rahe ho, ismen pavitrata bhi mukhya chaahiye। apne aapko dekhna hai ki yaad ka chart theek hai? baba ke paas koi ka 5 ghante ka, koi ka 2-3 ghante ka bhi chart aata hai। koi to likhte hi nahin hain। bahut kam yaad karte hain। sabki yaatra ekras ho na sake। ajun dher bachche vriddhi ko paayenge। har ek ko apna chart dekhna hai - main kahaan tak pad pa sakoonga? kahaan tak khushi hai? hamko sadaiv khushi kyon nahin honi chaahiye। jabki oonch te oonch baap ke bane hain। drama anusaar tumne bhakti bahut ki hai। bhakton ko phal dene ke liye hi baap aaya hai। raavan raajya mein to vikarma hote hi hain। tum purushaartha karte ho - satopradhaan duniya mein jaane ka। jo poora purushaartha nahin karenge to sato mein aayenge। sab thode hi itna gyaan lenge। sandesh zaroor sunenge। phir kahaan bhi honge isliye kone-kone mein jaana chaahiye। vilaayat mein bhi mission jaani chaahiye। jaise bauddhiyon ki, christians ki yahaan mission hai na। doosre dharma vaalon ko apne dharma mein laane ki mission hoti hai। tum samjhaate ho ki ham asul mein devi-devta dharma ke the। ab hindu dharma ke ban gaye hain। tumhaare paas bahut karke hindu dharma vaale hi aayenge। unmein bhi jo shiv ke, devtaaon ke pujaari honge woh aayenge। jaise baba ne kaha - raajaaon ki seva karo। woh aksar karke devtaaon ke pujaari hote hain। unhon ke ghar mein mandir rehte hain। unhon ka bhi kalyaan karna hai। tum bhi samjho ham baap ke saath doordesh se aaye hain। baap aaye hi hain nai duniya sthaapan karne। tum bhi kar rahe ho। jo sthaapna karenge woh paalna bhi karenge। andar mein nasha rehna chaahiye - ham shivbaaba ke saath aaye hain daivi raajya sthaapan karne, saare vishwa ko svarga banaane। aashcharya lagta hai is desh mein kya-kya karte rehte hain। pooja kaise karte hain। navraatri mein deviyon ki pooja hoti hai na। raatri hai to din bhi hai। tumhaara ek geet bhi hai na - kya kautak dekha… mitti ka putla banaae, shrringaar kar uski pooja karte hain, unse phir dil itni lag jaati hai jo jab dubone jaate hain to ro padte hain। manushya jab marte hain to arthi ko bhi le jaate hain। hareebol, hareebol kar dubo dete hain। jaate to bahut hain na। nadi to sadaiv hai। tum jaante ho yeh jamuna ka kantha tha, jahaan raas vilaas aadi karte the। vahaan to bade-bade mahal hote hain। tumko hi jaakar banaane hain। jab koi bada imtahaan paas karte hain to unki buddhi mein chalta hai - paas hokar phir yeh karenge, makaan banaayenge। tum bachchon ko bhi khyaal rakhna hai - ham devta bante hain। ab ham apne ghar jaayenge। ghar ko yaad kar khush hona chaahiye। manushya musaaphiri kar ghar lautte hain to khushi hoti hai। ham ab ghar jaate hain। jahaan janma hua tha। ham aatmaon ka bhi ghar hai mool vatan। kitni khushi hoti hai। manushya itni bhakti karte hi hain mukti ke liye। parantu drama mein part aisa hai jo vaapis jaane ka koi ko milta nahin hai। tum jaante ho unhon ko aadhaakalpa part zaroor bajaana hai। hamaare ab 84 janma poore hote hain। ab vaapis jaana hai aur phir raajdhaani mein aayenge। bas ghar aur raajdhaani yaad hai। yahaan baithe bhi koi-koi ko apne kaarkhaane aadi yaad rehte hain। jaise dekho bidla hai, kitne unke kaarkhaane aadi hain। saara din unko khyaalaat rehti hogi। unko kahen baba ko yaad karo to kitni unko atak padegi। ghadi-ghadi dhandha yaad aata rahega। sabse sahaj hai maataaon ko, unse bhi kanyaaon ko। jeete ji marna hai, saari duniya ko bhool jaana hai। tum apne ko aatma samajh shivbaaba ke bante ho, isko jeete ji marna kaha jaata hai। deh sahit deh ke sab sambandh chhod apne ko aatma samajh shivbaaba ka ban jaana hai। shivbaaba ko hi yaad karte rehna hai kyonki paapon ka bojha sir par bahut hai। dil to sabki hoti hai, ham jeete ji markar shivbaaba ka ban jaayen। shareer ka bhaan na rahe। ham ashareeri aaye the phir ashareeri bankar jaana hai। baap ke bane hain to baap ke sivaae doosra koi yaad na rahe। aisa jaldi ho jaae to phir ladaai bhi jaldi lage। baba kitna samjhaate hain ham to shivbaaba ke hain na। ham vahaan ke rahne vaale hain। yahaan to kitna duhkh hai। abhi yeh antim janma hai। baap ne bataaya hai tum satopradhaan the to aur koi nahin tha। tum kitne saahookaar the। bhal is samay paise kaudi hain parantu yeh to kuchh hai nahin। kaudiyaan hain। yeh sab alpakaal sukh ke liye hai। baap ne samjhaaya hai - past mein daan-punya kiya hai to paisa bhi bahut milta hai। phir daan karte hain। parantu yeh hai ek janma ki baat। yahaan to janma-janmaantar ke liye saahookaar bante hain। jitna bada kahaavna, utna bada duhkh paana। jinko bahut dhan hai woh phir bahut phanse hue hain। kabhi thahar na saken। koi saadhaaran gareeb hi surrender honge। saahookaar kabhi nahin honge। woh kamaate hi hain putra-potron ke liye ki hamaara kul chalta rahe। khud us ghar mein nahin aane vaale hain। putra potre aayen, jinhonne achhe karma kiye hain। jaise bahut daan jo karte hain to woh raaja bante hain। parantu ever healthy to nahin hain। raajaai ki to kya hua, avinaashi sukh nahin hai। yahaan kadam-kadam par anek prakaar ke duhkh hote hain। vahaan yeh sab duhkh door ho jaate hain। baap ko pukaarte hain ki hamaare duhkh door karo। tum samajhte ho duhkh door sab hone hain। sirf baap ko yaad karte rahen। sivaae ek baap ke aur koi se varsa mil nahin sakta। baap saare vishwa ka duhkh door karte hain। is samay to jaanvar aadi bhi kitna duhkhi hain। yeh hai hi duhkhadhaam। duhkh badhta jaata hai, tamopradhaan bante jaate hain। abhi ham sangamayug par baithe hain। woh sab kaliyug mein hain। yeh hai purushottam sangamayug। baba hamko purooshottam bana rahe hain। yeh yaad rahe to bhi khushi rahe। bhagwan padhaate hain, vishwa ka maalik banaate hain। yeh bhala yaad karo। unke bachche bhagwan-bhagavti hone chaahiye na padhaai se। bhagwan to sukh dene vaala hai phir duhkh kaise milta hai? woh bhi baap baith samjhaate hain। bhagwan ke bachche phir duhkh mein kyon hain, bhagwan duhkh harta sukh karta hai to zaroor duhkh mein aate hain tab to gaate hain। tum jaante ho baap hamko raajayog sikha rahe hain। ham purushaartha kar rahe hain। ismen sanshay thode hi ho sakta hai। ham bi.ke. raajayog seekh rahe hain। jhooth thode hi bolenge। koi ko yeh sanshay aaye to samjhaana chaahiye, yeh to padhaai hai। vinaash saamne khada hai। ham hain sangamayugi brahman choti। prajaapita brahma hai to zaroor brahman bhi hone chaahiye। tumko bhi samjhaaya hai tab to nishchay kiya hai। baaki mukhya baat hai yaad ki yaatra, ismen hi vighna padte hain। apna chart dekhte raho - kahaan tak baba ko yaad karte hain, kahaan tak khushi ka paara chadhta hai? yeh aantarik khushi rahni chaahiye ki hamko baagvaan-patit paavan ka haath mila hai, ham shivbaaba se brahma dvaara hand-shek karte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne ghar aur raajdhaani ko yaad kar apaar khushi mein rehna hai। sada yaad rahe - ab hamaari musaaphiri poori hui, ham jaate hain apne ghar, phir raajdhaani mein aayenge।

2) ham shivbaaba se brahma dvaara hand shek karte hain, woh baagvaan humein patit se paavan bana rahe hain। ham is padhaai se svarga ki patraani bante hain - isi aantarik khushi mein rehna hai।

vardaan:- avyabhichaari aur nirvighna sthiti dvaara first janma ki praalabdha praapta karne vaale sameep aur samaan bhav

jo bachche yahaan baap ke gun aur sanskaaron ke sameep hain, sarva sambandhon se baap ke saath ka va samaanta ka anubhav karte hain vahi vahaan royal kul mein first janma ke sambandh mein sameep aate hain। 2-first mein vahi aayenge jo aadi se ab tak avyabhichaari aur nirvighna rahe hain। nirvighna ka arth yeh nahin hai ki vighna aaye hi nahin lekin vighna vinaashak va vighnon ke oopar sada vijayi rahen। yeh donon baaten yadi aadi se ant tak theek hain to first janma mein saathi banenge।

slogan:- silence ki power se negative ko positive mein parivartan karo।