शुक्रवार 28 अगस्त 2020 की दैनिक मुरली

28-08-2020 praatahmurli om shanti "baapdaada"' madhuban

“meethe bachche - jitna samay mile ekaanta mein jaakar yaad ki yaatra karo, jab tum manzil par pahunch jaayenge tab yeh yaatra poori ho jaayegi''

prashn:- sangam par baap apne bachchon mein kaun-sa aisa gun bhar dete hain, jo aadhaakalpa tak chalta rehta hai?

uttar:- baap kehte - jaise main ati sweet hoon, aise bachchon ko bhi sweet bana deta hoon। devtaayen bahut sweet hain। tum bachche abhi sweet banne ka purooshaartha kar rahe ho। jo bahuton ka kalyaan karte hain, jinmen koi shaitaani khyaalaat nahin hain, vahi sweet hain। unhein hi oonch pad praapta hota hai। unki hi phir pooja hoti hai।

om shanti। baap baith samjhaate hain is shareer ka maalik hai aatma। yeh pahle samajhna chaahiye kyonki abhi bachchon ko gyaan mila hai। pahle-pahle to samajhna hai ham aatma hain। shareer se aatma kaam leti hai, part bajaati hai। aise-aise khyaalaat aur koi manushya ko aate nahin kyonki deh-abhimaan mein hain। yahaan is khyaal mein bithaaya jaata hai - main aatma hoon। yeh mera shareer hai। main aatma parampita paramatma ki santaan hoon। yeh yaad hi ghadi-ghadi bhool jaati hai। yeh pahle poori yaad karni chaahiye। yaatra par jab jaate hain to kehte hain chalte raho। tumko bhi yaad ki yaatra par chalte rehna hai, yaani yaad karna hai। yaad nahin karte, goya yaatra par nahin chalte। deh-abhimaan aata hai। deh-abhimaan se kuchh na kuchh vikarma ban jaata hai। aise bhi nahin manushya sadaiv vikarma karte hain। phir bhi kamaai to banda ho jaati hai na isliye jitna ho sake yaad ki yaatra mein dheela nahin padna chaahiye। ekaanta mein baith apne saath vichaar saagar manthan kar points nikaalni hoti hain। kitna samay baba ki yaad mein rehte hain, meethi cheez ki yaad padti hai na।

bachchon ko samjhaaya hai, is samay sabhi manushya maatra ek-do ko nuksaan hi pahunchaate hain। sirf teacher ki mahima baba karte hain, unmein koi-koi teacher kharaab hote hain, nahin to teacher maana teach karne vaala, manners sikhlaane vaala। jo religious minded, achhe svabhaav ke hote hain, unki chalan bhi achhi hoti hai। baap agar sharaab aadi peete hain to bachchon ko bhi woh sang lag jaata hai। isko kahenge kharaab sang kyonki raavan raajya hai na। raamraajya tha zaroor parantu woh kaise tha, kaise sthaapan hua, yeh wonderful meethi baaten tum bachche hi jaante ho। sweet, sweeter, sweetest kaha jaata hai na। baap ki yaad mein rahkar hi tum pavitra ban aur pavitra banaate ho। baap nai srishti mein nahin aate hain। srishti mein manushya, jaanvar, kheti-baadi aadi sab hota hai। manushya ke liye sab kuchh chaahiye na। shaastron mein pralay ka vritaanta bhi wrong hai। pralay hoti hi nahin। yeh srishti ka chakra phirta hi rehta hai। bachchon ko aadi se ant tak khyaal mein rakhna hai। manushyon ko to anek prakaar ke chitra yaad aate hain। mele malaakhde yaad aate hain। woh sabhi hain had ke, tumhaari hai behad ki yaad, behad ki khushi, behad ka dhan। behad ka baap hai na। had ke baap se sab had ka milta hai। behad ke baap se behad ka sukh milta hai। sukh hota hi hai dhan se। dhan to vahaan apaar hai। sab kuchh satopradhaan hai vahaan। tumhaari buddhi mein hai, ham satopradhaan the phir banna hai। yeh bhi tum abhi jaante ho, tumhaare mein bhi nambarvaar hain - sweet, sweeter, sweetest hain na। baba se bhi sweet hone vaale hain। vahi oonch pad paayenge। sweetest woh hain jo bahuton ka kalyaan karte hain। baap bhi sweetest hai na, tab to sab unko yaad karte hain। koi shahad ya cheeni ko hi sweetest nahin kaha jaata। yeh manushya ki chalan par kaha jaata hai। kehte hain na yeh sweet child (meetha bachcha) hai। satayug mein koi bhi shaitaani baat nahin hoti। itna oonch pad jo paate hain, zaroor yahaan purooshaartha kiya hai।

tum abhi nai duniya ko jaante ho। tumhaare liye to jaise kal nai duniya sukhdhaam hogi। manushyon ko pata hi nahin - shanti kab thi। kehte hain vishwa mein shanti ho। tum bachche jaante ho - vishwa mein shanti thi jo abhi phir sthaapan kar rahe ho। ab yeh sabhi ko samjhaayen kaise? aisi-aisi points nikaalni chaahiye, jiski bahut chaahna hai manushyon ko। vishwa mein shanti ho, iske liye radi maarte rehte hain kyonki ashaanti bahut hai। yeh lakshmi-naaraayan ka chitra saamne dena hai। inka jab raajya tha to vishwa mein shanti thi, unko hi heaven deity world kehte hain। vahaan vishwa mein shanti thi। aaj se 5 hazaar varsha pahle ki baaten aur koi nahin jaante। yeh hai mukhya baat। sab aatmaayen milkar kehti hain vishwa mein shanti kaise ho? sabhi aatmaayen pukaarti hain, tum yahaan vishwa mein shanti sthaapan karne ka purooshaartha kar rahe ho। jo vishwa mein shanti chaahte hain unhein tum sunaao ki bhaarat mein hi shanti thi। jab bhaarat svarga tha to shanti thi, ab narka hai। narka (kaliyug) mein ashaanti hai kyonki dharma anek hain, maaya ka raajya hai। bhakti ka bhi pomp hai। din-pratidin vriddhi hoti jaati hai। manushya bhi mele malaakhde aadi par jaate hain, samajhte hain zaroor kuchh sach hoga। abhi tum samajhte ho unse koi paavan nahin ban sakte hain। paavan banne ka raasta manushya koi bata na saken। patit-paavan ek hi baap hai। duniya ek hi hai, sirf nai aur puraani kaha jaata hai। nai duniya mein naya bhaarat, nai dehli kehte hain। nai honi hai, jismen phir naya raajya hoga। yahaan puraani duniya mein puraana raajya hai। puraani aur nai duniya kisko kaha jaata hai, yeh bhi tum jaante ho। bhakti ka kitna bada prastaav hai। isko kaha jaata hai agyaan। gyaan saagar ek baap hai। baap tumko aise nahin kehte ki raam-raam kaho va kuchh karo। nahin, bachchon ko samjhaaya jaata hai world ki history-geography kaise repeat hoti hai। yeh education tum padh rahe ho। iska naam hi hai roohaani education। spiritual knowledge। inka arth bhi koi nahin jaante। gyaan saagar to ek hi baap ko kaha jaata hai। woh hai - spiritual knowledgeful father। baap roohon se baat karte hain। tum bachche samajhte ho roohaani baap padhaate hain। yeh hai spiritual knowledge। roohaani knowledge ko hi spiritual knowledge kaha jaata hai।

tum bachche jaante ho parampita paramatma bindi hai, woh hamko padhaate hain। ham aatmaayen padh rahi hain। yeh bhoolna nahin chaahiye। ham aatma ko jo knowledge milti hai, phir ham doosri aatmaon ko dete hain। yeh yaad tab thahregi jab apne ko aatma samajh baap ki yaad mein rahenge। yaad mein bahut kachche hain, jhat deh-abhimaan aa jaata hai। dehi-abhimaani banne ki practice karni hai। ham aatma inko sauda dete hain। ham aatma vyaapaar karte hain। apne ko aatma samajh baap ko yaad karne mein hi phaayda hai। aatma ko gyaan hai ham yaatra par hain। karma to karna hi hai। bachchon aadi ko bhi sambhaalna hai। dhandha dhori bhi karna hai। dhandhe aadi mein yaad rahe ham aatma hain, yeh bada mushkil hai। baap kehte hain koi bhi ulta kaam kabhi nahin karna। sabse bada paap hai vikaar ka। vahi bada tang karne vaala hai। abhi tum bachche paavan banne ki pratigya karte ho। uska hi yaadgaar yeh raakhi bandhan hai। aage to paai paise ki raakhi milti thi। brahman log jaakar raakhi baandhate the। aajkal to raakhi bhi kitni pheshnebul banaate hain। vaastav mein hai abhi ki baat। tum baap se pratigya karte ho - ham kabhi vikaar mein nahin jaayenge। aap se vishwa ke maalik banne ka varsa lenge। baap kahenge 63 janma to vishay vaitarni nadi mein gote khaaye ab tumko ksheer saagar mein le chalte hain। saagar koi hai nahin। bhent mein kaha jaata hai। tumko shivaalay mein le jaate hain। vahaan athaah sukh hai। abhi yeh antim janma hai, he aatmaayen pavitra bano। kya baap ka kehna nahin maanenge। eeshvar tumhaara baap kehte hain meethe bachche vikaar mein nahin jaao। janma-janmaantar ke paap sir par hain, woh mujhe yaad karne se hi bhasma honge। kalpa pahle bhi tumko shiksha di thi। baap guarantee tab karte hain jab tum yeh guarantee karte ho ki baba ham aapko yaad karte rahenge। itna yaad karte raho jo shareer ka bhaan na rahe। sannyaasiyon mein bhi koi-koi teekhe bahut pakke brahm gyaani hote hain, woh bhi aise baithe-baithe shareer chhodte hain। yahaan tumko to baap samjhaate hain, paavan bankar jaana hai। woh to apni mat par chalte hain। aise nahin ki woh shareer chhodkar koi mukti-jeevanmukti mein jaate hain। nahin। aate phir bhi yahaan hi hain parantu unke followers samajhte hain ki woh nirvaan gaya। baap samjhaate hain - ek bhi vaapis nahin ja sakta, kaayda hi nahin। jhaad vriddhi ko zaroor paana hai।

abhi tum sangamayug par baithe ho, aur sab manushya hain kaliyug mein। tum daivi sampradaay ban rahe ho। jo tumhaare dharma ke honge woh aate jaayenge। devi-devtaaon ka bhi vahaan sijra hai na। yahaan badli hokar aur dharmon mein convert ho gaye hain, phir nikal aayenge। nahin to vahaan jagah kaun bharenge। zaroor woh apni jagah bharne phir aa jaayenge। yeh bahut maheen baaten hain। bahut achhe-achhe bhi aayenge jo doosre dharma mein convert ho gaye hain to phir apni jagah par aa jaayenge। tumhaare paas musalmaan aadi bhi aate hain na। badi khabardaari rakhni padti hai, jhat jaanch karenge, yahaan doosre dharma vaale kaise jaate hain? emergency mein to bahuton ko pakadte hain phir paise milne se chhod bhi dete hain। jo kalpa pahle hua hai, tum abhi dekh rahe ho। kalpa aage bhi aisa hua tha। tum abhi manushya se devta uttam puroosh bante ho। yeh hai sarvottam braahmanon ka kul। is samay baap aur bachche roohaani seva par hain। koi gareeb ko dhanvaan banaana - yeh roohaani seva hai। baap kalyaan karte hain to bachchon ko bhi madad karni chaahiye। jo bahuton ko raasta bataate hain woh bahut oonch chadh sakte hain। tum bachchon ko purooshaartha karna hai lekin chinta nahin, kyonki tumhaari responsibility baap ke oopar hai। purooshaartha jor se karaaya jaata hai phir jo phal nikalta hai, samjha jaata hai kalpa pahle misal। baap bachchon ko kehte hain - bachche, phikra mat karo। seva mein mehnat karo। nahin bante to kya karenge! is kul ka nahin hoga to tum bhal kitna bhi maatha maaro, koi kam tumhaara maatha khapaayenge, koi jaasti। baba ne kaha hai jab duhkh bahut aata jaayega to phir aayenge। tumhaara vyartha kuchh nahin jaayega। tumhaara kaam hai right bataana। shivbaaba kehte hain mujhe yaad karo to tumhaare vikarma vinaash honge। aise bahut kehte hain bhagwan zaroor hai। mahaabhaarat ladaai ke samay bhagwan tha। sirf kaun-sa bhagwan tha, usmein moonjh gaye hain। krishna to ho na sake। krishna usi features se phir satayug mein hi hoga। har janma mein features badalte jaate hain। srishti ab badal rahi hai। puraane ko naya ab bhagwan kaise banaate hain, woh bhi koi nahin jaante। tumhaara aakhir naam niklega। sthaapna ho rahi hai phir yeh raajya karenge, vinaash bhi hoga। ek taraph nai duniya, ek taraph puraani duniya - yeh chitra bada achha hai। kehte bhi hain brahma dvaara sthaapna, shankar dvaara vinaash… parantu samajhte kuchh nahin। mukhya chitra hai trimoorti ka। oonch te oonch hai shivbaaba। tum jaante ho - shivbaaba brahma dvaara hamko yaad ki yaatra sikhla rahe hain। baba ko yaad karo, yog akshar difficult lagta hai। yaad akshar bahut sahaj hai। baba akshar bahut lovely hai। tumko khud hi lajja aayegi - ham aatmaayen baap ko yaad nahin kar sakti hain, jinse vishwa ki baadshaahi milti hai! aapehi lajja aayegi। baap bhi kahenge tum to besmajh ho, baap ko yaad nahin kar sakte ho to varsa kaise paayenge! vikarma vinaash kaise honge! tum aatma ho main tumhaara parampita paramatma avinaashi hoon na। tum chaahte ho ham paavan ban sukhdhaam mein jaayen to shreemat par chalo। mujh baap ko yaad karo to vikarma vinaash honge। yaad nahin karenge to vikarma vinaash kaise honge! achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1. har prakaar se purooshaartha karna hai, phikra (chinta) nahin kyonki hamaara responsible svayan baap hai। hamaara kuchh bhi vyartha nahin ja sakta।

2. baap samaan bahut-bahut sweet banna hai। anekon ka kalyaan karna hai। is antim janma mein pavitra zaroor banna hai। dhandha aadi karte abhyaas karna hai ki main aatma hoon।

vardaan:- har kadam mein padmon ki kamaai jama karne vaale sarva khajaanon se sampanna va tripta aatma bhav

jo bachche baap ki yaad mein rahkar har kadam uthaate hain woh kadam-kadam mein padmon ki kamaai jama karte hain। is sangam par hi padmon ke kamaai ki khaan milti hai। sangamayug hai jama karne ka yug। abhi jitna jama karna chaaho utna kar sakte ho। ek kadam arthaat ek second bhi bina jama ke na jaae arthaat vyartha na ho। sada bhandaara bharpoor ho। apraapta nahin koi vastu...aise sanskaar hon। jab abhi aisi tripta va sampanna aatma banenge tab bhavishya mein akhut khajaanon ke maalik honge।

slogan:- koi bhi baat mein upset hone ke bajaae knowledgeful ki seat par set raho।