गुरुवार 17 सितंबर 2020 की दैनिक मुरली

17-09-2020 praatahmurli om shanti "baapdaada"' madhuban

''meethe bachche - tumhein is purooshottam sangamayug par hi uttam se uttam purush banna hai, sabse uttam purush hain yeh lakshmi-naaraayan''

prashn:- tum bachche baap ke saath-saath kaun-sa ek gupta kaarya kar rahe ho?

uttar:- aadi sanaatan devi-devta dharma aur daivi raajdhaani ki sthaapna - tum baap ke saath gupta roop se yeh kaarya kar rahe ho। baap baagvaan hai jo aakar kaanton ke jangal ko phoolon ka bageecha bana rahe hain। us bageeche mein koi bhi khauphnaak duhkh dene vaali cheezen hoti nahin।

geet:- aakhir woh din aaya aaj…

om shanti। roohaani baap baith roohaani bachchon ko samjhaate hain। samjhaayenge to zaroor shareer dvaara। aatma shareer bigar koi bhi kaarya kar nahin sakti। roohaani baap ko bhi ek hi baar purooshottam sangamayug par shareer lena padta hai। yeh sangamayug bhi hai, inko purooshottam yug bhi kahenge kyonki is sangamayug ke baad phir satayug aata hai। satayug ko bhi purooshottam yug kahenge। baap aakar sthaapna bhi purooshottam yug ki karte hain। sangamayug par aate hain to zaroor woh bhi purooshottam yug hua। yahaan hi bachchon ko purooshottam banaate hain। phir tum purooshottam nai duniya mein rehte ho। purooshottam arthaat uttam te uttam puroosh yeh raadhe-krishna athva lakshmi-naaraayan hain। yeh gyaan bhi tumko hai। aur dharma vaale bhi maanenge barobar yeh heaven ke maalik hain। bhaarat ki badi bhaari mahima hai। parantu bhaaratvaasi khud nahin jaante। kehte bhi hain na-phalaana svargavaasi hua parantu svarga kya cheez hai, yeh samajhte nahin। aapehi siddha karte hain svarga gaya, iska matlab narka mein tha। heaven to jab baap sthaapan kare। woh to nai duniya ko hi kaha jaata hai। do cheezen hain na - svarga aur narka। manushya to svarga ko laakhon varsha kah dete hain। tum bachche samajhte ho kal svarga tha, inhon ki raajaai thi phir baap se varsa le rahe ho।

baap kehte hain - meethe laadle bachche, tumhaari aatma patit hai isliye hell mein hi hai। kehte bhi hain abhi kaliyug ke 40 hazaar varsha baaki hain, to zaroor kaliyug vaasi kahenge na। puraani duniya to hai na। manushya bichaare ghor andhiyaare mein hain। pichhaadi mein jab aag lagegi to yeh sab khatma ho jaayenge। tumhaari preet buddhi hai, nambarvaar purooshaartha anusaar। jitna preet buddhi hogi utna oonch pad paayenge। savere uthkar bahut pyaar se baap ko yaad karna hai। bhal prem ke aansu bhi aayen kyonki bahut samay ke baad baap aakar mile hain। baba aap aakar hamko duhkh se chhudaate ho। ham vishay saagar mein gote khaate kitna duhkhi hote aaye hain। abhi yeh hai raurav narka। abhi tumko baba ne saare chakra ka raaz samjhaaya hai। mool vatan kya hai - woh bhi aakar bataaya hai। pahle tum nahin jaante the, isko kehte hi hain kaanton ka jangal। svarga ko kaha jaata hai garden aaph allaah, phoolon ka bageecha। baap ko baagvaan bhi kehte hain na। tumko phool se phir kaanta kaun banaate hain? raavan। tum bachche samajhte ho bhaarat phoolon ka bageecha tha, ab jangal hai। jangal mein jaanvar, bichchhu aadi rehte hain। satayug mein koi khauphnaak jaanvar aadi hote nahin। shaastron mein to bahut baaten likh di hain। krishna ko sarpa ne dasa, yeh hua। krishna ko phir dvaapar mein le gaye hain। baap ne samjhaaya hai bhakti bilkul alag cheez hai, gyaan saagar ek hi baap hai। aise nahin ki brahma-vishnu-shankar gyaan ke saagar hain। nahin, patit-paavan ek hi gyaan saagar ko kahenge। gyaan se hi manushya ki sadgati hoti hai। sadgati ke sthaan hain do - muktidhaam aur jeevanmuktidhaam। abhi tum bachche jaante ho yeh raajdhaani sthaapan ho rahi hai, parantu gupta। baap hi aakar aadi sanaatan devi-devta dharma ki sthaapna karte hain, to sab apne-apne manushya chole mein aate hain। baap ko apna chola to hai nahin, isliye inko niraakaar god father kaha jaata hai। baaki sab hain saakaari। inko kaha jaata hai incorporeal god father, incorporeal aatmaon ka। tum aatmaayen bhi vahaan rehti ho। baap bhi vahaan rehte hain। parantu hai gupta। baap hi aakar aadi sanaatan devi-devta dharma ki sthaapna karte hain। mool vatan mein koi duhkh nahin। baap kehte hain tumhaara kalyaan hai hi ek baat mein - baap ko yaad karo, manamnaabhav। bas, baap ka bachcha bana, bachche ko varsa understood hai। alpha ko yaad kiya to varsa zaroor hai - satayugi nai duniya ka। is patit duniya ka vinaash bhi zaroor hona hi hai। amarpuri mein jaana hi hai। amarnaath tum paarvatiyon ko amar-katha suna rahe hain। teertho par kitne manushya jaate hain, amarnaath par kitne jaate hain। vahaan hai kuchh bhi nahin। sab hai thagi। sach ki ratti bhi nahin। gaaya bhi jaata hai jhoothi kaaya jhoothi maaya... iska bhi arth hona chaahiye। yahaan hai hi jhooth। yeh bhi gyaan ki baat hai। aise nahin ki glass ko glass kehna jhooth hai। baaki baap ke baare jo kuchh bolte hain woh jhooth bolte hain। sach bolne vaala ek hi baap hai। abhi tum jaante ho baba aakar sachchi-sachchi satya naaraayan ki katha sunaate hain। jhoothe heere-moti bhi hote hain na। aajkal jhooth ka bahut show hai। unki chamak aisi hoti hai sachche se bhi achhe। yeh jhoothe patthar pahle nahin the। pichhaadi mein vilaayat se aaye hain। jhoothe sachche saath mila dete hain, pata nahin padta hai। phir aisi cheezen bhi nikli jisse parakhte hain। moti bhi aise jhoothe nikle jo zara bhi pata nahin pad sakta। abhi tum bachchon ko koi sanshay nahin rehta। sanshay vaale phir aate hi nahin। pradarshani mein kitne dher aate hain। baap kehte hain ab bade-bade dukaan nikaalo, yeh ek hi tumhaara sachcha dukaan hai। tum sachchi dukaan kholte ho। bade-bade sanyaasiyon ke bade-bade dukaan hote hain, jahaan bade-bade manushya jaate hain। tum bhi bade-bade centre kholo। bhakti maarga ki saamagri bilkul alag hai। aise nahin kahenge ki bhakti shuru se hi chali aai hai। nahin। gyaan se hoti hai sadgati arthaat din। vahaan sampoorn nirvikaari vishwa ke maalik the। manushyon ko yeh bhi pata nahin ki yeh lakshmi-naaraayan vishwa ke maalik the। sooryavanshi aur chandravanshi, aur koi dharma hota nahin। bachchon ne geet bhi suna। tum samajhte ho aakhir woh din aaya aaj sangam ka, jo ham aakar apne behad ke baap se mile। behad ka varsa paane liye purooshaartha karte hain। satayug mein to aise nahin kahenge-aakhir woh din aaya aaj। vo log samajhte hain-bahut anaaj hoga, yeh hoga। samajhte hain svarga ki sthaapna ham karte hain। samajhte hain student ka naya blood hai, yeh bahut madad karenge isliye government bahut mehnat karti hai unhon par। aur phir patthar aadi bhi vahi maarte hain। hangaama machaane mein pahle-pahle student hi aage rehte hain। woh bade hoshiyaar hote hain। unka new blood kehte hain। ab new blood ki to baat nahin। woh hai blood connection, abhi tumhaara yeh hai roohaani connection। kehte hain na baba ham aapka do maas ka bachcha hoon। kai bachche roohaani birth de manaate hain। eeshvareey birth de hi manaana chaahiye। woh jismaani birth de cancel kar dena chaahiye। ham braahmanon ko hi khilaayenge। manaana to yeh chaahiye na। woh hai aasuri janma, yeh hai eeshvareey janma। raat-din ka farka hai, parantu jab nishchay mein baithe। aise nahin, eeshvareey janma manaakar phir jaae aasuri janma mein pade। aisa bhi hota hai। eeshvareey janma manaate-manaate phir raphu-chakkar ho jaate hain। aajkal to marriage de bhi manaate hain, shaadi ko jaise ki achha shubh kaarya samajhte hain। jahannum mein jaane ka bhi din manaate hain। wonder hai na। baap baith yeh sab baaten samjhaate hain। ab tumko to eeshvareey birth de braahmanon ke saath hi manaana hai। ham shivbaaba ke bachche hain, ham birth de manaate hain to shivbaaba ki hi yaad rahegi। jo bachche nishchaybuddhi hain unko janma din manaana chaahiye। woh aasuri janma hi bhool jaae। yeh bhi baba raay dete hain। agar pakka nishchay buddhi hai to। bas ham to baba ke ban gaye, doosra na koi phir ant mati so gati ho jaayegi। baap ki yaad mein mara to doosra janma bhi aisa milega। nahin to antakaal jo stri simre........ yeh bhi grantha mein hai। yahaan phir kehte hain ant samay ganga ka tat ho। yeh sab hai bhakti maarga ki baaten। tumko baap kehte hain shareer chhoote to bhi svadarshan chakradhaari ho। buddhi mein baap aur chakra yaad ho। so zaroor jab purooshaartha karte rahenge tab to antakaal yaad aayegi। apne ko aatma samjho aur baap ko yaad karo kyonki tum bachchon ko ab vaapis jaana hai ashareeri hokar। yahaan part bajaate-bajaate satopradhaan se tamopradhaan bane ho। ab phir satopradhaan banna hai। is samay aatma hi impure hai, to shareer pure phir kaise mil sakega? baba ne bahut misaal samjhaaye hain phir bhi jauhri hai na। khaad jevar mein nahin, sone mein padti hai। 24 carat se 22 carat banaana hoga to chaandi daalenge। abhi to sona hai nahin। sabse lete rehte hain। aajkal note bhi dekho kaise banaate hain। kaagaz bhi nahin hai। bachche samajhte hain kalpa-kalpa aisa hota aaya hai। poori jaanch rakhte hain। lokarsa aadi khulaate hain। jaise kiski talaashi aadi li jaati hai na। gaayan bhi hai-kinki dabi rahi dhool mein........ aag bhi jor se lagti hai। tum bachche jaante ho yeh sab hona hai isliye bag-baggage tum bhavishya ke liye taiyaar kar rahe ho। aur koi ko maaloom thode hi hai, tumko hi varsa milta hai 21 janma liye। tumhaare hi paise se bhaarat ko svarga bana rahe hain, jismen phir tum hi nivaas karenge।

tum bachche apne hi purooshaartha se aapehi raajtilak lete ho। gareeb nivaaz baba svarga ka maalik banaane aaye hain lekin banenge to apni padhaai se। kripa ya aasheervaad se nahin। teacher ka to padhaana dharma hai। kripa ki baat nahin। teacher ko government se pagaar milti hai। so to zaroor padhaayenge। itna bada izaapha milta hai। padmaapadmapti bante ho। krishna ke paanv mein padma ki nishaani dete hain। tum yahaan aaye ho bhavishya mein padmapti banne। tum bahut sukhi, saahookaar, amar bante ho। kaal par vijay paate ho। in baaton ko manushya samajh na sake। tumhaari aayu poori ho jaati hai, amar ban jaate ho। unhonne phir paandavon ke chitra lambe-chaude bana diye hain। samajhte hain paandav itne lambe the। ab paandav to tum ho। kitna raat-din ka farka hai। manushya koi jaasti lamba to hota nahin। 6 foot ka hi hota hai। bhakti maarga mein pahle-pahle shivbaaba ki bhakti hoti hai। woh to bada banaayenge nahin। pahle shivbaaba ki avyabhichaari bhakti chalti hai। phir devtaaon ki moortiyaan banaate hain। unke phir bade-bade chitra banaate hain। phir paandavon ke bade-bade chitra banaate hain। yeh sab pooja ke liye chitra banaate hain। lakshmi ki pooja 12 maas mein ek baar karte hain। jagat amba ki pooja roz karte rehte hain। yeh bhi baba ne samjhaaya hai tumhaari double pooja hoti hai। meri to sirf aatma yaani ling ki hi hoti hai। tumhaari saaligraam ke roop mein bhi pooja hoti hai aur phir devtaaon ke roop mein bhi pooja hoti hai। roodra yagya rachte hain to kitne saaligraam banaate hain to kaun bada hua? tab baba bachchon ko namaste karte hain। kitna oonch pad praapta karaate hain।

baba kitni guhya-guhya baaten sunaate hain, to bachchon ko kitni khushi honi chaahiye। hamko bhagwan padhaate hain bhagwan-bhagavti banaane ke liye। kitna shukriya maanna chaahiye। baap ki yaad mein rahne se svapna bhi achhe aayenge। saakshaatkaar bhi hoga। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apna eeshvareey roohaani birth de manaana hai, roohaani connection rakhna hai, blood connection nahin। aasuri jismaani birth de bhi cancel। woh phir yaad bhi na aaye।

2) apna bag baggage bhavishya ke liye taiyaar karna hai। apne paise bhaarat ko svarga banaane ki seva mein saphal karne hain। apne purooshaartha se apne ko raajtilak dena hai।

vardaan:- smriti ka switch on kar second mein ashareeri sthiti ka anubhav karne vaale preet buddhi bhav

jahaan prabhu preet hai vahaan ashareeri banna ek second ke khel ke samaan hai। jaise switch on karte hi andhakaar samaapta ho jaata hai। aise preet buddhi ban smriti ka switch on karo to deh aur deh ki duniya ki smriti ka switch oph ho jaayega। yeh second ka khel hai। mukh se baba kahne mein bhi time lagta hai lekin smriti mein laane mein time nahin lagta। yeh baba shabd hi puraani duniya ko bhoolne ka aatmik bomb hai।

slogan:- deh bhaan ki mitti ke bojh se pare raho to double light pharishta ban jaayenge।