गुरुवार 5 नवंबर 2020 की दैनिक मुरली

05-11-2020 praatahmurli om shanti "baapdaada"' madhuban

“meethe bachche - baap aaye hain tum bachchon ko shanti aur sukh ka varsa dene, tumhaara svadharma hi shant hai, isliye tum shanti ke liye bhatakte nahin ho।''

prashn:- abhi tum bachche 21 janmon ke liye akhut khajaanon mein vazan karne yogya bante ho - kyon?

uttar:- kyonki baap jab nai srishti rachte hain, tab tum bachche unke madadgaar bante ho। apna sab kuchh unke kaarya mein saphal karte ho isliye baap uske return mein 21 janmon ke liye tumhein akhut khajaanon mein aisa vazan karte hain jo kabhi dhan bhi nahin khutta, duhkh bhi nahin aata, akaale mrityu bhi nahin hoti।

geet:- mujhko sahaara dene vaale…

om shanti। meethe-meethe roohaani bachchon ko om ka arth to sunaaya hai। koi-koi sirf om kehte hain, parantu kehna chaahiye om shanti। sirf om ka arth nikalta hai om bhagwan। om shanti ka arth hai main aatma shant swaroop hoon। ham aatma hain, yeh hamaara shareer hai। pahle hai aatma, peechhe hai shareer। aatma shant swaroop hai, unka nivaas sthaan hai shantidham। baaki koi jangal mein jaane se sachchi shanti nahin milti hai। sachchi shanti milni hi tab hai jab ghar jaate hain। doosra shanti chaahte hain jahaan ashaanti hai। yeh ashaanti ka duhkhadhaam vinaash ho jaayega phir shanti ho jaayegi। tum bachchon ko shanti ka varsa mil jaayega। vahaan na ghar mein, na baahar raajdhaani mein ashaanti hoti। usko kaha jaata hai shanti ka raajya, yahaan hai ashaanti ka raajya kyonki raavan raajya hai। woh hai eeshvar ka sthaapan kiya hua raajya। phir dvaapar ke baad aasuri raajya hota hai, asuron ko kabhi shanti hoti nahin। ghar mein, dukaan mein jahaan tahaan ashaanti hi ashaanti hogi। 5 vikaar roopi raavan ashaanti phailaate hain। raavan kya cheez hai, yeh koi bhi vidvaan pandit aadi nahin jaante। samajhte nahin hain ham varsha-varsha raavan ko kyon maarte hain। satayug-treta mein yeh raavan hota hi nahin। woh hai hi daivi raajya। eeshvar baba daivi raajya ki sthaapna karte hain tumhaare dvaara। akele to nahin karte hain। tum meethe-meethe bachche eeshvar ke madadgaar ho। aage the raavan ke madadgaar। ab eeshvar aakar sarva ki sadgati kar rahe hain। pavitrata, sukh, shanti ki sthaapna karte hain। tum bachchon ko gyaan ka ab teesra netra mila hai। satayug-treta mein duhkh ki baat nahin। koi gaali aadi nahin dete, gand nahin khaate। yahaan to dekho gand kitna khaate hain। dikhaate hain krishna ko gaooyen bahut pyaari lagti thi। aise nahin ki krishna koi gvaala tha, gau ki paalna karte the। nahin, vahaan ki gau aur yahaan ki gau mein bahut-bahut farka hai। vahaan ki gaayen satopradhaan bahut sundar hoti hain। jaise sundar devtaayen, vaise gaayen। dekhne se hi dil khush ho jaae। woh hai hi svarga। yeh hai narka। sabhi svarga ko yaad karte hain। svarga aur narka mein raat-din ka farka hai। raat hoti hai andhiyaari, din mein hai sojhra। brahma ka din goya brahmaavanshiyon ka bhi din ho jaata। pahle tum bhi ghor andhiyaari raat mein the। is samay bhakti ka kitna zor hai, mahaatma aadi ko sone mein vazan karte rehte kyonki shaastron ke bahut vidvaan hain। unhon ka prabhaav itna kyon hai? yeh bhi baba ne samjhaaya hai। jhaad mein naye-naye patte nikalte hain to satopradhaan hain। oopar se nai soul aayegi to zaroor unka prabhaav hoga na alpakaal ke liye। sone athva heeron mein vazan karte hain, parantu yeh to sab khalaas ho jaane hain। manushyon ke paas kitne laakhon ke makaan hain। samajhte hain ham to bahut saahookaar hain। tum bachche jaante ho yeh saahookaari baaki thode samay ke liye hai। yeh sab mitti mein mil jaayenge। kinki dabi rahi dhool mein........ baap svarga ki sthaapna karte hain, usmein jo lagaate hain unhon ko 21 janmon ke liye heeron-javaahron ke mahal milenge। yahaan to ek janma ke liye milta hai। vahaan tumhaara 21 janma chalega। in aankhon se jo kuchh dekhte ho shareer sahit sab bhasma ho jaana hai। tum bachchon ko divya drishti dvaara saakshaatkaar bhi hota hai। vinaash hoga phir in lakshmi-naaraayan ka raajya hoga। tum jaante ho ham apna raajya-bhaagya phir se sthaapan kar rahe hain। 21 peedhi raajya kiya phir raavan ka raajya chala। ab phir baap aaya hai। bhakti maarga mein sab baap ko hi yaad karte hain। gaayan bhi hai duhkh mein simran sab karen........। baap sukh ka varsa dete hain, phir yaad karne ki darkaar nahin rehti। tum maat-pita........ ab yeh to maa-baap honge apne bachchon ke। yeh hai paarlaukik maat-pita ki baat। abhi tum yeh lakshmi-naaraayan banne ke liye padhte ho। school mein bachche achha paas hote hain to phir teacher ko inaam dete hain। ab tum unko kya inaam denge! tum to unko apna bachcha bana lete ho, jaadoogri se। dikhlaate hain - krishna ke mukh mein maa ne dekha maakhan ka gola। ab krishna ne to janma liya satayug mein। woh to maakhan aadi nahin khaayenge। woh to hai vishwa ka maalik। to yeh kis samay ki baat hai? yeh hai abhi sangam ki baat। tum jaante ho ham yeh shareer chhod bachcha jaae banenge। vishwa ka maalik banenge। donon Christian aapas mein ladte hain aur maakhan milta hai tum bachchon ko। raajaai milti hai na। jaise vo log bhaarat ko ladaakar makkhan khud kha gaye। Christian ki raajdhaani paun hisse mein thi। peechhe aahiste-aahiste chhootti gai hai। saare vishwa par sivaae tumhaare koi raajya kar na sake। tum abhi eeshvareey santaan bane ho। abhi tum brahmaanda ke maalik aur vishwa ke maalik bante ho। vishwa mein brahmaanda nahin aaya। sookshm vatan mein bhi raajaai nahin hai। satayug-treta...... yeh chakra yahaan sthool vatan mein hota hai। dhyaan mein aatma kahaan jaati nahin। aatma nikal jaae to shareer khatma ho jaae। yeh sab hain saakshaatkaar, riddhi-siddhi dvaara aise bhi saakshaatkaar hote hain, jo yahaan baithe vilaayat ki paarliyaamenta aadi dekh sakte hain। baba ke haath mein phir hai divya drishti ki chaabi। tum yahaan baithe london dekh sakte ho। aujaar aadi kuchh nahin jo khareed karna pade। drama anusaar us samay par woh saakshaatkaar hota hai, jo drama mein pahle se hi noondh hai। jaise dikhaate hain bhagwan ne arjun ko saakshaatkaar karaaya। drama anusaar unko saakshaatkaar hona tha। yeh bhi noondh hai। koi ki badaai nahin hai। yeh sab drama anusaar hota hai। krishna vishwa ka prince banta hai, goya makkhan milta hai। yeh bhi koi jaante nahin ki vishwa kisko, brahmaanda kisko kaha jaata hai। brahmaanda mein tum aatmaayen nivaas karti ho। sookshm vatan mein aana-jaana saakshaatkaar aadi is samay hota hai phir 5 hazaar varsha sookshm vatan ka naam nahin hota। kaha jaata hai brahma devta namah phir kehte hain shiv parmaatmaae namah to sabse oonch ho gaya na। unko kaha jaata hai bhagwan। woh devtaayen hain manushya, parantu daivi-gun vaale hain। baaki 4-8 bhuja vaale manushya hote nahin। vahaan bhi 2 bhuja vaale hi manushya hote hain, parantu sampoorn pavitra, apvitrata ki baat nahin। akaale mrityu kabhi hoti nahin। to tum bachchon ko bahut khushi rahni chaahiye। ham aatma is shareer dvaara baba ko to dekhen। dekhne mein to shareer aata hai, paramatma athva aatma ko to dekh nahin sakte। aatma aur paramatma ko jaanna hota hai। dekhne liye phir divya drishti milti hai। aur sab cheezen divya drishti se badi dekhne mein aayegi। raajdhaani badi dekhne mein aayegi। aatma to hai hi bindi। bindi ko dekhne se tum kuchh bhi nahin samjhenge। aatma to bahut maheen hai। bahut doctors aadi ne koshish ki hai aatma ko pakadne ki, parantu kisko pata nahin padta। vo log to sone-heeron mein vazan karte hain। tum janma-janmaantar padmapti bante ho। tumhaara baahar ka show zara bhi nahin। saadhaaran reeti is rath mein baith padhaate hain। unka naam hai bhaageerath। yeh hai patit puraana rath, jismen baap aakar oonch te oonch service karte hain। baap kehte hain mujhe to apna shareer hai nahin। main jo gyaan ka saagar, prem ka saagar.... hoon, to tumko varsa kaise doon! oopar se to nahin doonga। kya prerna se padhaaoonga? zaroor aana padega na। bhakti maarga mein mujhe poojte hain, sabko pyaara lagta hoon। gaandhi, nehru ka chitra pyaara lagta hai, unke shareer ko yaad karte hain। aatma jo avinaashi hai usne to jaakar doosra janma liya। baaki vinaashi chitra ko yaad karte hain। woh bhoot pooja hui na। samaadhi banaakar un par phool aadi baith chadhaate hain। yeh hai yaadgaar। shiv ke kitne mandir hain, sabse bada yaadgaar shiv ka hai na। somnaath mandir ka gaayan hai। muhammad gajanvi ne aakar loota tha। tumhaare paas itna dhan rehta tha। baba tum bachchon ko ratnon mein vazan karte hain। khud ko vazan nahin karaata hoon। main itna dhanvaan banta nahin hoon, tumko banaata hoon। unko to aaj vajan kiya, kal mar jaayenge। dhan koi kaam nahin aayega। tumko to baap akhut khajaane mein aisa vajan karte hain jo 21 janma saath rahega। agar shreemat par chalenge to vahaan duhkh ka naam nahin, kabhi akaale mrityu nahin hoti। maut se darenge nahin। yahaan kitna darte hain, rote hain। vahaan kitni khushi hoti hai - jaakar prince banenge। jaadoogar, saudaagar, ratnaagar, yeh shiv paramatma ko kaha jaata hai। tumko bhi saakshaatkaar karaate hain। aise prince banenge। aajkal baba ne saakshaatkaar ka part banda kar diya hai। nuksaan ho jaata hai। abhi baap gyaan se tumhaari sadgati karte hain। tum pahle jaayenge sukhdhaam। abhi to hai duhkhadhaam। tum jaante ho aatma hi gyaan dhaaran karti hai, isliye baap kehte hain apne ko aatma samjho। aatma mein hi achhe va bure sanskaar hote hain। shareer mein hon to shareer ke saath sanskaar bhasma ho jaaen। tum kehte ho shivbaaba, ham aatmaayen padhti hain is shareer dvaara। nai baat hai na। ham aatmaon ko shivbaaba padhaate hain। yeh to pakka-pakka yaad karo। ham sab aatmaon ka woh baap bhi hai, teacher bhi hai। baap khud kehte hain mujhe apna shareer nahin hai। main bhi hoon aatma, parantu mujhe paramatma kaha jaata hai। aatma hi sab kuchh karti hai। baaki shareer ke naam badalte hain। aatma to aatma hi hai। main param aatma tumhaare muaaphik punarjanma nahin leta hoon। mera drama mein part hi aisa hai, jo main inmen pravesh kar tumko suna raha hoon isliye inko bhaagyashaali rath kaha jaata hai। inko puraani jutti bhi kehte hain। shivbaaba ne bhi puraana long boot pahna hai। baap kehte hain mainne ismen bahut janmon ke ant mein pravesh kiya hai। pahle-pahle yeh bante hain tat tvam। baba kehte hain tum to javaan ho। mere se jaasti padhkar oonch pad paana chaahiye, parantu mere saath baba hai to mujhe ghadi-ghadi unki yaad aati hai। baba mere saath sota bhi hai, parantu baba mujhe bhaaki nahin pahan sakte। tumko bhaaki pahante hain। tum bhaagyashaali ho na। shivbaaba ne jo shareer loan liya hai tum unko bhaaki pahan sakte ho। main kaise pahnoon! mujhe to yeh bhi naseeb nahin hai isliye tum lucky sitaare gaaye hue ho। bachche hamesha lucky hote hain। baap paise bachchon ko de dete hain, to tum lucky sitaare thahre na। shivbaaba bhi kehte hain tum mere se lucky ho, tumko padhaakar vishwa ka maalik banaata hoon, main thode hi banta hoon। tum brahmaanda ke bhi maalik bante ho। baaki mere paas jaasti divya drishti ki chaabi hai। main gyaan ka saagar hoon। tumko bhi master gyaan saagar banaata hoon। tum is saare chakra ko jaan chakravarti mahaaraaja-mahaaraani bante ho। main thode hi banta hoon। boodhe hote hain to phir bachchon ko will kar khud vaanaprastha mein chale jaate hain। aage aisa hota tha। aajkal to bachchon mein moh jaakar padta hai। paarlaukik baap kehte hain main inmen pravesh kar tum bachchon ko kaanton se phool vishwa ka maalik banaae, aadha-kalpa ke liye sada sukhi banaae main vaanaprastha mein baith jaata hoon। yeh sab baaten shaastron mein thode hi hain। sannyaasi, udaasi shaastron ki baaten sunaate hain। baap to gyaan ka saagar hai। khud kehte hain yeh ved-shaastra aadi sab bhakti maarga ki saamagri hain। gyaan saagar to main hi hoon। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) in aankhon se shareer sahit jo dikhaai deta hai, yeh sab bhasma ho jaana hai isliye apna sab kuchh saphal karna hai।

2) baap se poora varsa lene ke liye padhaai padhni hai। sada apne luck ko smriti mein rakh brahmaanda va vishwa ka maalik banna hai।

vardaan:- maaya ke royal roop ke bandhanon se mukta, vishwa jeet, jagatjeet bhav

mera purooshaartha, meri invention, meri service, meri touching, mere gun achhe hain, meri nirnay shakti bahut achhi hai, yeh mera pan hi royal maaya ka roop hai। maaya aisa jaadu mantra kar deti hai jo tere ko bhi mera bana deti hai isliye ab aise anek bandhanon se mukta ban ek baap ke sambandh mein aa jaao to maayaajeet ban jaayenge। maaya jeet hi prakriti jeet, vishwa jeet va jagatjeet bante hain। vahi ek second ke ashareeri bhav ke direction ko sahaj aur svatah kaarya mein laga sakte hain।

slogan:- vishwa parivartak vahi hai jo kisi ke negative ko positive mein badal de।