गुरुवार 12 नवंबर 2020 की दैनिक मुरली

12-11-2020 praatahmurli om shanti "baapdaada"' madhuban

“meethe bachche - baap jo padhaate hain, use achhi reeti padho to 21 janmon ke liye source aaph income ho jaayegi, sada sukhi ban jaayenge''

prashn:- tum bachchon ke ateendriy sukh ka gaayan kyon hai?

uttar:- kyonki tum bachche hi is samay baap ko jaante ho, tumne hi baap dvaara srishti ke aadi madhya ant ko jaana hai। tum abhi sangam par behad mein khade ho। jaante ho abhi ham is khaari chenal se amrit ke meethe chenal mein ja rahe hain। humein svayan bhagwan padha rahe hain, aisi khushi braahmanon ko hi rehti hai isliye ateendriy sukh tumhaara hi gaaya hua hai।

om shanti। roohaani behad ka baap roohaani behad ke bachchon prati samjha rahe hain - yaani apni mat de rahe hain। yeh to zaroor samajhte ho ki ham jeev aatmaayen hain। parantu nishchay to apne ko aatma karna hai na। yeh koi ham naya school nahin padhte hain। har 5 hajaar varsha ke baad padhte aate hain। baba poochhte hain na aage kabhi padhne aaye ho? to sab kehte hain ham har 5 hajaar varsha baad purooshottam sangamayuge baba ke paas aate hain। yeh to yaad hoga na ki yeh bhi bhool jaate ho? student ko school to zaroor yaad aayega na। em object to ek hi hai। jo bhi bachche bante hain phir do din ka bachcha ho ya puraana ho parantu em object ek hai। koi ko bhi ghaata nahin ho sakta। padhaai mein income hai। woh bhi granth baith padhkar sunaate hain to kamaai hoti hai, jhat shareer nirvaah nikal aayega। saadhu bana ek do shaastra baith sunaaya, income ho jaayegi। abhi yeh sab source aaph income hai। har ek baat mein income chaahiye na। paise hain to kahaan bhi ghoom phir aao। tum bachche jaante ho - baba hamko bahut achhi padhaai padhaate hain jisse 21 janmon ki income milti hai। yeh income aisi hai jo ham sada sukhi ban jaayenge। kabhi beemaar nahi honge, sada amar rahenge। yeh nishchay karna hota hai। aise-aise nishchay rakhne se tumko hullaas aayega। nahin to koi na koi baat mein ghutka aata rahega। andar mein simran karna chaahiye - ham behad ke baap se padh rahe hain। bhagvaanuvaach - yeh to geeta hai। geeta ka bhi yug aata hai na। sirf bhool gaye hain - yeh hai paachvaan yug। yeh sangam bahut chhota hai। vaastav mein chauthaai bhi nahin kahenge। percentage laga sakte hain। so bhi aage chal baap batlaate rahenge। kuchh to baap ke batlaane ki bhi noondh hai na। tum sabhi aatmaon mein part ki noondh hai jo repeat ho rahi hai। tum jo seekhte ho woh bhi repetition hai na। repetition ke raaz ka tum bachchon ko maaloom hua hai। kadam-kadam par part badalta ja raha hai। ek second na mile doosre se। joon misal tik-tik chalti rehti hai। tik hui second paas hua। abhi tum behad mein khade ho। doosra koi bhi manushya maatra behad mein nahin khada hai। koi ko bhi behad ki arthaat aadi-madhya-ant ki knowledge nahin hai। abhi tumko future ka bhi maaloom hai। ham nai duniya mein ja rahe hain। yeh hai sangamayug, jisko cross karna hai। khaari chenal hai na। yeh hai meethe-meethe amrit ki chenal। woh hai vish ki। abhi tum vish ke saagar se ksheer saagar mein jaate ho। yeh hai behad ki baat। duniya mein in baaton ka kuchh bhi pata nahin hai। nai baat hai na। yeh bhi tum jaante ho bhagwan kisko kaha jaata hai। woh kya part bajaate hain। topic mein bhi bataate ho, aao to parampita paramatma ki biography tumko samjhaayen। yoon to bachche baap ki biography sunaate hain। common hai। yeh to phir baapon ka baap hai na। tumhaare mein bhi nambarvaar purooshaartha anusaar jaante hain। ab tumko yathaartha reeti baap ka parichay dena hai। tumko bhi baap ne diya hai tab to samjhaate ho aur to koi behad ke baap ko jaan na saken। tum bhi sangam par hi jaante ho। manushya maatra devta ho va shoodra ho, punya aatma ho, paap aatma ho, koi bhi nahin jaante sirf tum brahman jo sangamayug par ho, tum hi jaan rahe ho। to tum bachchon ko kitni khushi honi chaahiye। tab to gaayan bhi hai - ateendriy sukh poochhna ho to gop gopiyon se poochho।

baba baap bhi hai, teacher, satguru bhi hai, supreme akshar to zaroor daalna hai। kabhi-kabhi bachche bhool jaate hain। yeh sab baaten bachchon ki buddhi mein rahni chaahiye। shivbaaba ki mahima mein yeh akshar zaroor daalne hain। sivaae tumhaare aur to koi jaante hi nahin। tum samjha sakte ho to goya tumhaari vijay hui na। tum jaante ho behad ka baap sarva ka shikshak, sarva ka sadgati daata hai। behad ka sukh, behad ka gyaan dene vaala hai। phir bhi aise baap ko bhool jaate ho। maaya kitni samartha hai। eeshvar ko to samartha kehte hain parantu maaya bhi kam nahin hai। tum bachche abhi accurate jaante ho - inka to naam hi rakha hai raavan। raamraajya aur raavanraajya। is par bhi accurate samjhaana chaahiye। raam raajya hai to zaroor raavan raajya bhi hai। sadaiv raamraajya to ho na sake। raam raajya, shreekrishna ka raajya kaun sthaapan karte hain, yeh behad ka baap baith samjhaate hain। tumko bhaarat khanda ki bahut mahima karni chaahiye। bhaarat sachkhanda tha, kitni mahima thi। banaane vaala baap hi hai। tumhaara baap ke saath kitna lav hai। em object buddhi mein hai। yeh bhi jaante ho ham student ko apni padhaai ka nasha hona chaahiye। character ka bhi khyaal hona chaahiye। vivek kehta hai jabki godly padhaai hai to usmein ek din bhi miss nahin karna chaahiye aur teacher ke aane baad let bhi nahin pahunchna chaahiye। teacher ke baad aana yeh bhi ek insult hai। school mein bhi pichhaadi mein aate hain to unko teacher baahar mein khada kar dete hain। baba apne chhotepan ka misaal bhi bataate hain। hamaara teacher to bahut sakhta tha। andar aane bhi nahin deta tha। yahaan to bahut hain jo deri se aate hain। service karne vaala sapoot bachcha zaroor baap ko pyaara lagta hai na। abhi tum samajhte ho - aadi sanaatan devi devta dharma to yeh tha na। inka dharma kab sthaapan hua। jara bhi kiski buddhi mein nahin hai। tumhaari buddhi se bhi ghadi-ghadi khisak jaata hai। tum abhi devi devta banne ke liye purooshaartha kar rahe ho। kaun padha rahe hain? khud parampita paramatma। tum samajhte ho hamaara yeh brahman kul hai। dynasty nahin hoti hai। yeh hai sarvottam brahman kul। baap bhi sarvottam hai na। oochan te oonch hai to zaroor unki aamadni bhi oonchi hogi। unko hi shri shri kehte hain। tumko bhi shreshtha banaate hain। tum bachche hi jaante ho ki hamko shreshtha banaane vaala kaun hai? aur kuchh bhi nahin samajhte। tum kahenge - hamaara baap, baap bhi hai, teacher bhi hai, satguru bhi hai, padha rahe hain। ham aatmaayen hain। ham aatmaon ko baap ne smriti dilaai hai। tum hamaari santaan ho। brotherhood hai na। baap ko yaad bhi karte hain। samajhte hain woh niraakaari baap hai to zaroor aatma ko bhi niraakaar hi kahenge। aatma hi ek shareer chhod doosra leti hai। phir part bajaati hai। manushya phir aatma ke badle apne ko shareer samajh lete hain। main aatma hoon, yeh bhool jaate hain। main kabhi bhoolta nahin hoon। tum aatmaayen sabhi ho saaligraam। main hoon parampita maana param aatma। unke oopar koi doosra naam nahin hai। us param aatma ka naam hai shiv। ho tum bhi aise hi aatma parantu tum sab saaligraam ho। shiv ke mandir mein jaate ho, vahaan bhi saaligraam bahut rakhte hain। shiv ki pooja karte hain to saaligraam ki bhi saath mein karte hain na। tab baba ne samjhaaya tha ki tumhaari aatma aur shareer donon ki pooja hoti hai। hamaari to sirf aatma ki hi hoti hai। shareer hai nahin। tum kitna oonch bante ho। baba ko to khushi hoti hai na। baap gareeb hota hai, bachche padhkar kitna chadh jaate hain। kya se kya ban jaate hain। baap bhi jaante hain tum kitne oonch the। ab kitne orphan ban gaye ho, baap ko hi nahin jaante। abhi tum baap ke bane ho to saare vishwa ke maalik ban jaate ho।

baap kehte hain - mujhe kehte hi ho - heavenly god father। yeh bhi tum jaante ho abhi svarga ki sthaapna ho rahi hai। vahaan kya-kya hoga - yeh sivaae tumhaare aur koi ki buddhi mein nahin hai। tumhaari buddhi mein hai ki ham vishwa ke maalik the, ab ban rahe hain। praja bhi aise kahegi na ki ham maalik hain। yeh baaten tum bachchon ki hi buddhi mein hain to khushi rahni chaahiye na! yeh baaten sunkar phir doosron ko bhi sunaani hai, isliye centre va museum kholte rehte hain। jo kalpa pahle hua tha vahi hota rahega। museum centres aadi ke liye tumko bahut offer karenge, phir bahut nikal padenge। sabki haddiyaan narma hoti jaati hain। saari duniya ki ab tum haddiyaan narma karte jaate ho। tumhaare yog mein taakat kitni jabardasta hai। baap kehte hain tumhaare mein taakat bahut hai। bhojan tum yog mein rahkar banaao, khilaao to buddhi is taraph kheechengi। bhakti maarga mein to gurooon ka jootha bhi khaate hain। tum bachche samajhte ho bhakti maarga ka vistaar to bahut hai, unka varnan nahin kar sakte। yeh beej woh jhaad hai। beej ka varnan kar sakte hain। baaki koi ko bolo ped ke patte ginti karo to kar nahin sakenge। athaah patte hote hain। beej mein to patte ki nishaani dikhaai nahin padti hai। wonder hai na। inko bhi kudrat kahenge। jeev jantu kitne wonderful hain। anek prakaar ke keede hain, kaise paida hote hain, bahut wonderful drama hai, isko kaha hi jaata hai nature। yeh bhi bana banaaya khel hai। satayug mein kya-kya dekhenge। woh bhi nai cheejen hi hongi, everything new hota hai। mor ke liye to baba ne samjhaaya hai unko bhaarat ka national bird kehte hain kyonki shreekrishna ke mukut mein mor ka pankh dikhaate hain। mor aur del khoobsoorat bhi hote hain। garbha bhi aansu se hota hai, isliye national bird kehte hain। aise khoobsoorat pakshi vilaayat ke taraph bhi hote hain।

ab tum bachchon ko saare srishti ke aadi madhya ant ka raaz samjhaaya hai jo aur koi nahin jaante। bolo, ham aapko parampita paramatma ki biography bataate hain। rachta hai to zaroor unki rachna bhi hogi। unki history-geography ham jaante hain। oonch te oonch behad ke baap ka kya part hai yeh ham jaante hain, duniya to kuchh bhi nahin jaanti। yeh bahut chhi-chhi duniya hai। is samay khoobsoorti mein bhi museebat hai। bachchiyon ko dekho kaise-kaise bhagaate rehte hain। tum bachchon ko is vikaari duniya se to naphrat honi chaahiye। yeh chhi-chhi duniya, chhi-chhi shareer hain। hamko to ab baap ko yaad kar apni aatma ko pavitra banaana hai। ham satopradhaan the, sukhi the। abhi tamopradhaan bane hain to duhkhi hain phir satopradhaan banna hai। tum chaahte ho ham patit se paavan banen। bhal gaate bhi hain patit-paavan parantu naphrat kuchh bhi nahin aati। tum bachche samajhte ho - yeh chhi-chhi duniya hai। nai duniya mein hamko shareer bhi gul-gul milega। abhi ham amarpuri ke maalik ban rahe hain। tum bachchon ko sadaiv khush, harshitmukh rehna chaahiye। tum bahut sweet children ho। baap 5 hajaar varsha baad unheen bachchon se aakar milte hain। to zaroor khushi hogi na। ham phir se aaye hain bachchon se milne। achha - meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham godly student hain, isliye padhaai ka nasha bhi rahe to apne characters par bhi dhyaan ho। ek din bhi padhaai miss nahin karni hai। der se class mein aakar teacher ki insult nahin karna hai।

2) is vikaari chhi-chhi duniya se naphrat rakhni hai, baap ki yaad se apni aatma ko pavitra satopradhaan banaane ka purooshaartha karna hai। sadaiv khush, harshitmukh rehna hai।

vardaan:- antahvaahak shareer dvaara seva karne vaale karmabandhan mukta double light bhav

jaise sthool shareer dvaara saakaari eeshvareey seva mein busy rehte ho aise apne aakaari shareer dvaara antahvaahak seva bhi saath-saath karni hai। jaise brahma dvaara sthaapna ki vriddhi hui vaise abhi aapke sookshm shareeron dvaara, shiv shakti ke combined roop ke saakshaatkaar dvaara saakshaatkaar aur sandesh milne ka kaarya hona hai। lekin is seva ke liye karma karte bhi kisi bhi karmabandhan se mukta sada double light roop mein raho।

slogan:- maan ke tyaag mein sarva ke maanneey banne ka bhaagya samaaya hua hai।