बुधवार 10 नवंबर 2021 की दैनिक मुरली

10-11-2021 praatahmurli om shanti "baapdaada"' madhuban

“meethe bachche - bhaarat sabhi ka teertha sthaan hai, isliye sab dharma vaalon ko bhaarat teertha ki mahima sunaao, sabko sandesh do''

prashn:- kis purushaartha se tumhaari ant mati so gati hogi? nindraajeet ban jaayenge?

uttar:- raat ko jab sone jaate ho to pahle baap aur varse ko yaad karo, svadarshan chakra phiraate raho। jab neend aaye to so jaao phir ant mati so gati ho jaayegi। savere uthenge to vahi point yaad aati rahegi। aisa abhyaas karte tum neend ko jeetne vaale ban jaayenge। jo karega so paayega। karne vaalon ki chalan prasiddha hoti jaati hai।

geet:- jo piya ke saath hai …

om shanti। jo piya ke saath hain। ab duniya mein baap to bahut hain parantu un sabka baap rachayita ek hi hai। vahi gyaan ka saagar hai। gyaan se hi sadgati hoti hai। sadgati bhi manushya ki tab hoti hai jab satayug ki sthaapna honi ho। baba amko hi kaha jaata hai sadgati daata। jab-jab sangam ka samay ho tab to gyaan saagar aakar sadgati mein le jaayenge। is samay durgati to sabki hai। durgati bhi sabki ek jaisi nahin hoti। sabse praacheen bhaarat hai। bhaaratvaasiyon ke hi 84 janma gaaye hue hain। zaroor jo pahle-pahle manushya honge vahi 84 janmon ke laayak honge। devtaaon ke 84 janma to braahmanon ke bhi 84 janma। mukhya ko hi uthaaya jaata hai। baap brahma dvaara nai srishti rachne ke liye pahle-pahle sookshm lok rachte hai phir nai srishti ki sthaapna hoti hai। trilokeenaath ek baap hai। baaki unke bachche bhi apne ko triloki ke naath kah sakte hain। yahaan to bahut manushyon ne naam bhi rakhva diye hain trilokeenaath। double devtaaon ke bhi naam rakhvaaye hain - gaureeshankar, raadheshyaam, ab raadhekrishna alag-alag raajaai ke the। jo achhe bachche hain unki buddhi mein bahut achhi points ki dhaarna rehti hai। jo hoshiyaar doctor hoga, unki buddhi mein bahut davaaiyaan hongi। yahaan bhi roz nai-nai points nikalti jaati hain। jinki achhi practice hogi woh nai-nai points dhaaran karte honge। jo dhaarna nahin karte hain unko mahaarthi nahin kaha jaayega। saara madaar buddhi par hai aur takdeer ki bhi baat hai। yeh bhi drama hai। drama ko koi jaante nahin। yeh bhi samajhte hain, ham aatma shareer dhaaran kar part bajaati hain। parantu drama ke aadi madhya ant ko nahin jaante goya kuchh nahin jaante। tumko to jaanna chaahiye। bachchon ka to farja hai auron ko baap ka parichay dena। saari duniya ko bataana hai, koi aisa na kahe ki hamko to maaloom hi nahin tha। foreign se bhi bahut aane vaale hain। un sabka prabandha karenge baambe mein। woh log to samartha bhi hain। paise to unhon ke paas bahut hain। shiv ko apna bada guru to maanenge na isliye samjhaaya jaata hai in dharma pitaaon ka bhi kuchh part hai। bachchon ne shuru mein saakshaatkaar kiya tha - yeh Christ, ibraaham aadi sab aayenge milne। to unki pheelda banaani chaahiye। sab tourist aadi baambe mein aate rehte hain। bhaarat sabko bahut kheenchata hai। asul bhaarat baap ka birth place hai। phir sabmen bhagwan kahne se behad ke baap ka mahatva gum kar diya hai। ab tum samjhaate ho ki bhaarat sabse bada teertha sthaan hai। baaki sab paigambar aate hain apna dharma sthaapan karne। unke pichhaadi phir unke dharma vaale bhi aate hain। ab hai ant। koshish karte hain, ham vaapis jaayen। parantu poochho unse tumko yahaan laaya kisne? Christ ne kishchiyan dharma sthaapan kiya, kya usne tumko kheenchakar yahaan laaya? abhi sab tang ho gaye hain vaapis jaane ke liye। sab aate hi hain part bajaane। part bajaate-bajaate aakhreen duhkh mein aana hi hai। phir duhkh se chhudaae sukh mein le jaana baap ka hi kaam hai। baap ka birth place bhaarat hai। itna mahatva tum bachche hi jaante ho। jo jaante hain unhon ko nasha chadha hua hai। kalpa-kalpa bhaarat mein baba aate hain। yeh sabko bataana hai, nimantran dena hai। rachna ki knowledge ko koi bhi jaante nahin। to aisa serviceable bankar apna naam baala karna chaahiye। yeh mela sab taraph jaayega। to jo teekhe bachche hain unki madad maangate rehte hain। unhon ke naam japte rehte hain। ek to shivbaaba ko japte hain doosra brahma baba ko teesra phir kumaarka, gange, manohar ko japenge। bhakti maarga mein haath mein maala pherte hain। ab mukh se naam japte hain। phalaani bahut serviceable hai। nirhankaari hai, meethi hai। deh-abhimaan nahin hai। kehte hain na - ghur ta ghuraay..(sneh do to sneh milega) ab baap kehte hain tum duhkhi bane ho। tum mujhe yaad karenge to main bhi madad karoonga। tum naphrat karenge to yeh to goya apne oopar naphrat karte hain, pad nahin milega। dhan kitna athaah milta hai। kisko lottery milti hai to kitna khushi hoti hai। unmein bhi kitne inaam aate hain। phir second prize, third prize bhi hoti hai। yeh bhi eeshvareey race hai। gyaan aur yog ki race hai, jo unmein teekhe jaayenge vahi gale ka haar banenge aur takhta par najdeek baithenge।

tum sab ho karmayogi। apne ghar ko bhi sambhaalo। class mein ek ghanta padhna hai। phir ghar mein jaakar revise karna hai। school mein bhi aise karte hain na। padhkar phir ghar mein jaakar revise karte hain। baap kehte hain ek ghadi aadhi ghadi.. din mein 8 ghadi hoti hain। unmein bhi baap kehte hain ek ghadi, achha aadhi ghadi, 15-20 minute bhi class mein padhkar dhaarna kar phir dhandhedhori mein chakra lagaao। aage tumko baba bithaate the to baap ki yaad mein baitho। svadarshan chakra phiraao। yaad ka gyaan to tha na। baap aur varse ko yaad karte, svadarshan chakra phiraate jab dekho neend aati hai to so jaao। phir ant mati so gati ho jaayegi। phir savere uthenge to vahi points yaad aati rahengi। aise abhyaas karte-karte tum neend ko jeetne vaale ban jaayenge। jo karega so paayega। karne vaale ka dekhne mein aata hai, chalan prasiddha hoti hai। dekha jaata hai yeh vichaar saagar manthan karte hain। dhaarna karte hain। koi lobh aadi to nahin hai। yeh shareer puraana hai, inka bhi bahut khyaal nahin karna hai। yeh theek bhi tab rahega jab gyaan yog ki poori dhaarna hogi। dhaarna nahin hogi to shareer aur sadta jaayega। sadte-sadte bilkul hi kabradaakhil ho jaayega। naya shareer phir bhavishya mein milna hai। aatma ko pavitra banaana hai। yeh to puraana moot paleeti shareer hai। inko kitna bhi powder lagaao to bhi worth not A penny hai। ab tum sabki sagaai shivbaaba se hai। jab shaadi hoti hai to us din puraane kapde pahante hain। ab is shareer ka sthool shrangaar jyaada nahin karna hai। gyaan yog se apne ko sajaayenge to pariyaan ban jaayenge। yeh hai gyaan maan sarovar। ismen gyaan ki dubki maarte raho to tum svarga ki pariyaan ban jaayenge। praja ko pari nahin kahenge। kehte hain krishna ne bhagaaya phir mahaaraani, patraani banaaya। aise to nahin kahenge bhagaakar praja mein chandaal banaaya। bhagaaya patraani banaane ke liye। tumko bhi aisa purushaartha karna chaahiye। aise nahin jo mila। yeh hai paathshaala। yahaan mukhya hai padhaai। geeta paathshaala bahut banaate hain। baithkar geeta sunaate hain, kantha karaate hain। koi ek shlok uthaakar phir us par vistaar se baith samjhaate hain। koi aise hi padhte hain, koi ek shlok par aadha pauna ghanta bhaashan karte, unse phaayda kuchh bhi nahin। yahaan to baap baith padhaate hain। em-object clear hai। aur koi bhi ved shaastra padhne mein em-object nahin hai। purushaartha karte raho। parantu milega kya? jab bahut bhakti karte hain tab bhagwan milta hai। so bhi raat ke baad din zaroor hoga। kalpa ki aayu koi kya bataate hain, ab samjhaane ki bhi taakat chaahiye। yogbal se kaam nikaalna hai। agar nahin kar sakte to goya taakat nahin hai। yog nahin hai। baba bhi madad unhon ko karte hain jo yogayukta bachche hain। drama mein jo hai woh repeat hota hai। second-second jo past hota jaata hai, tik-tik hoti jaati hai। ham shreemat se act mein aate hain। shreemat par nahin chalenge to shreshtha nahin banenge। nambarvaar to hain na। yeh log samajhte hain ham ek ho jaayen, par arth ka pata hi nahin। to ek kya ho jaayen, kya ek father ho jaana chaahiye ya ek brothers ho jaana chaahiye? agar brothers kehte ho to bhi theek hai। shreemat se barobar ham ek ban sakte hain। tum sab ek mat par chalte ho। tumhaara baap teacher guru ek hi hai। jo poora shreemat par nahin chalenge woh shreshtha nahin ban sakenge। agar ekdam nahin chalenge to khatma ho jaayenge। race mein jo laayak hoshiyaar hote hain unko hi rakhte hain। badi race mein achhe ghode nikaalte hain kyonki lottery bhi badi rakhte hain। yeh bhi human ashva race hai। husen ka bhi ghoda dikhaate hain। hinsa do prakaar ki hoti hai। number one hai kaam kataari, jo aadhaakalpa se apna bhi khoon, doosron ka bhi khoon karte aaye। is hinsa ko koi jaante hi nahin। sannyaasi bhi aise nahin samajhte hain, sirf woh kah dete hain yeh vikaar hai। baap to kehte hain bachche yeh kaam mahaashatru hai, yeh aadi madhya ant duhkh dene vaala hai। yeh bhi siddha kar bataana hai ki hamaara pravritti maarga hai, raajayog hai। tumhaara hathayog hai। tum shankaraachaarya se hathayog seekhte ho। ham shivaachaarya se raajayog seekhte hain। aage chalkar tumhaari pratyakshata hogi zaroor। koi prashn poochhte to devtaaon ke 84 janma 5 hajaar varsha mein hue, Christian ke kitne hue? Christ ko 2 hajaar varsha hue, ab hisaab karo unke average kitne janma hue? 30-32, yeh to clear hai। jo bahut sukh dekhte hain woh bahut duhkh bhi dekhte hain। aur dharma vaalon ko kam sukh, kam duhkh milta hai। average ka hisaab nikaalna hai। mukhya jo preceptors hain unka janma nikaalenge। peechhe jo aate hain woh thode-thode janma lete hain। buddha ka, ibraaham ka bhi hisaab nikaal sakte ho। karke ek do janma ka pharka padega। accurate to nahin bata sakte। about mein samjhaate hain। yeh sab baaten vichaar saagar manthan karne ki hain। koi poochhe to kya samjhaayen? phir bhi bolo pahle baap ko yaad karo kyonki baap se varsa lena hai। janma jitne liye honge utne hi lenge। baap se varsa lo। achhi reeti samjhaana hai। mehnat ka kaam hai।

bachche bambai mein bahut mehnat kar rahe hain kyonki unko bahut successful hona hai। ismen buddhi chaahiye, baba ke dhan se bahut lav chaahiye। koi to dhan nahin lete। are gyaan ratna lo aur dhaaran karo to kehte hain ham kya karen! ham samajhte nahin। nahin samajhte ho to tumhaari bhaavi। achha! meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shareer ko theek rakhne ke liye gyaan yog ki dhaarna karni hai। kisi bhi cheez ka lobh nahin rakhna hai। is gyaan yog se sajna hai, sthool shrangaar se nahin।

2) ek ghadi aadhi ghadi, padhaai avashya padhni hai। gyaan aur yog mein race karni hai।

vardaan:- sarva ke dilon ke raaz ko jaan sarva ko raazi karne vaale sada vijayi bhav

vijayi banne ke liye har ek ke dil ke raaz ko jaanna hai। kisi ke mukh dvaara nikalne vaale aavaaj se uske dil ke raaz ko jaan lo to vijayi ban sakte ho lekin dil ke raaz ko jaanne ke liye antarmukhta chaahiye। jitna antarmukhi rahenge utna har ek ke dil ke raaz ko jaankar use raazi kar sakenge। raazi karne vaale hi vijayi bante hain।

slogan:- vairaagya aisi yogya dharni hai jismen jo bhi phal daalenge woh phaleebhoot avashya hoga।