शुक्रवार 12 नवंबर 2021 की दैनिक मुरली

12-11-2021 praatahmurli om shanti "baapdaada"' madhuban

“meethe bachche - har ek paartadhaari aatma aadha samay sukh, aadha samay duhkh ka part bajaati hai - yeh bhi eeshvareey law hai''

prashn:- baap jo samjhaate hain, yeh samjhaani bachchon ki buddhi mein yathaartha reeti kab baithegi?

uttar:- jab buddhi shuddh banegi। jitna-jitna jo purushaartha kar khaad nikaalte jaayenge, utna baap ki samjhaani buddhi mein baithti jaayegi। abhi tak bachche sato tak bhi mushkil panhuche hain। har ek ka purushaartha apna hai। koi sato hain to koi tamo bhi hain। lekin banna hai satopradhaan।

geet:- door desh ka rahne vaala…

om shanti। jab mele va pradarshani mein bachche samjhaate hain to jo samjhaane laayak baaten hain, woh zaroor samjhaani pade। ismen yeh to zaroor samjhaana pade ki sab brothers (aatmaon) ka behad ka baap ek hi hai। yeh bhi poochhna padta hai ki bhaarat ka aadi sanaatan dharma kya hai? ve to aadi sanaatan hindu hi samajhte hain। islaami, bauddhi, Christian aadi ko maaloom hai ki hamaara dharma kisne aur kab sthaapan kiya। bhaaratvaasiyon ka hindu dharma hai va devi-devta? yeh kisne aur kab sthaapan kiya? yeh bhaaratvaasi bilkul hi nahin jaante। yeh bilkul zaroori baat hai samjhaane ki। yeh kiske bhi dhyaan mein nahin aata hai। praacheen bhaarat desh gaaya jaata hai। parantu unhon ko yeh pata nahin ki hamaara aadi sanaatan devi-devta dharma hai। hindu to koi dharma hi nahin hai। ab tum bachche jaante ho ki 5 hajaar varsha pahle devi-devta dharma tha। barobar us samay lakshmi-naaraayan raajya karte the। woh apne ko hindu nahin kahlaate the। achha hindu dharma ka bhi koi sanvat hona chaahiye। vikram sanvat jo kehte hain, ho sakta hai jab se devtaayen vaam maarga mein jaate hain to apne ko hindu kahlaana shuru karte hon, tab se vikram sanvat bhi kehte ho। to aadha-aadha ho gaya। us samay unko aadi sanaatan devi-devta nahin kahenge। sanvat kaha jaata hai jab dharma sthaapan hota hai। woh kisne sthaapan kiya? vikarma sanvat to raavan ne sthaapan kiya। us samay sabke karma, vikarma hote rahe। karma, akarma, vikarma naam to hai na। to vikram raaja ka bhi sanvat chalta hai। woh ho gaya aadha samay। ab yeh vikram sanvat hinduon ka sanvat to nahin hai? to yeh poochhna chaahiye ki bhaarat ka aadi sanaatan devi-devta dharma kab sthaapan hua? maaloom to pade na। yeh bahut naazuk baaten hain। jab yeh maaloom pade tab hisaab laga saken ki nai duniya thi phir din-raat zaroor hote hain। aadha-aadha zaroor hoga। yeh ek eeshvareey law hai, yeh samjhaani dena hai zaroor। aisa kabhi koi ne samaachaar nahin diya hai। Christian ka bhi aadha sukh, aadha duhkh ka part chalega। yeh jo ham samjhaate hain, ismen saari history geography aa jaati hai। manushya jo bhi aate hain unko duhkh sukh ka part mila hua hai। ek do janma liye aayenge to bhi aadha-aadha hoga। yeh ek eeshvareey law hai। pradarshani mein jab sunte hain, achha-achha karte hain। baahar nikalne se hi bhool jaate hain। birla koi dhyaan dete hain। koi ek maas aakar bhi gum ho jaate hain। koi 10 minute samajhte, koi ek ghanta, koi to kuchh samay aakar chalte-chalte thak jaate hain। aise centres par hota rehta hai। kaise daivi sampradaay ban rahe hain। yeh bhi wonder hai - nai duniya ka dharma puraani duniya mein sthaapan ho raha hai। yeh baaten tum bachchon ki buddhi mein aati hain। baap dvaara tum apne 84 janmon ko jaan chuke ho। baap kehte hain main 84 janmon ki kahaani sunaane aata hoon, to zaroor pichhaadi mein hi aakar sunaayenge na। dvaapar ke beech mein to suna na saken। jabki pichhaadi vaale janma abhi liye nahin hain। raajayog ka gyaan dvaapar mein mil na sake। mahaabhaarat ladaai bhi dvaapar mein lag na sake। mahaabhaarat ladaai ke baad hi satayug sthaapan hota hai arthaat devi-devta dharma sthaapan hota hai। unse pahle brahman dharma sthaapan hota hai to zaroor brahma dvaara sthaapan karte honge। to brahman janma lete honge na। viraat roop jo dikhaaya hai, usmein shiv ko bhi nahin dikhaaya hai to braahmanon ki choti bhi nahin dikhaai hai। pradarshani mein bhi viraat roop vaala chitra hona zaroori hai। brahma dvaara pahle zaroor brahman rachenge। phir woh brahman kab aur kahaan rachte hain। braahmanon ka hai sangam। shoodron ka hai kaliyug। ab tum apne ko kahlaate ho prajaapita brahmaakumaar kumaariyaan। praja maana hi manushya srishti to zaroor brahman honge। Christ ko Christian dharma ka pita kahenge। yeh hai prajaapita। bhagwan brahma dvaara manushya srishti rachte hain। aise nahin Christ dvaara, bauddhiyon dvaara rachte hain। manushya srishti shuru hi brahma se hoti hai। to zaroor pahle-pahle brahman hi rachenge। braahmanon ko phir devta banaate hain। viraat roop bhi bhaarat mein hi dikhaate hain aur dharma vaale viraat roop bana na saken। yeh nai-nai baaten baap hi samjhaate hain। nai points bhi nikalti rehti hain, puraani bhi nikalti rehti hain kyonki naye-naye bachchon ko bhi kuchh nai, kuchh puraani point milni chaahiye, jo samjhen। jab tak alpha be buddhi mein nahin ho to aur kya samjhenge। tum jaante ho alpha be kisko samjhaana bada sahaj hai। baap to sabka ek hai, woh aate bhi zaroor hain। shiv jayanti bhaarat mein hi manaate hain। parantu bhaaratvaasiyon ko yeh pata nahin ki shiv jayanti kya hai। na brahma, vishnu, shankar ka pata hai, na shreekrishna ka। shri lakshmi-naaraayan ka raajya kab tha, yeh bhi nahin jaante। Christ hokar gaye, unke pope ki saari list hogi। parantu bhaaratvaasiyon ko yeh pata nahin ki yeh lakshmi-naaraayan bhi bhaarat mein raajya karke gaye hain। jo bhi chitra banaate hain pooja karte, unka occupation bilkul hi nahin jaante। devtaaon se phir kshatriyon ne raajaai kaise li, kya ladaai ki? raajaai badli hoti hai to zaroor koi ne vijay paai। vahaan to yeh baat hi nahin। woh to achhi tarah raajya dete hain। manushya to kitne andhiyaare mein hain। tumko kitni roshni milti hai। aise bhi nahin sab baaten kisko yaad rehti hain। nahin to baba ne jo samjhaaya woh sab pradarshani mein samjhaana chaahiye। pradarshani mein ek din aate hain phir doosre din aate nahin। kuchh bhi pata nahin padta hai ki samajhte hain va nahin। opinion mein likhaana chaahiye ki pahle hamko yeh pata nahin tha to devi-devta dharma kahaan gaya। sanvat bataao। hindu dharma kab se shuru hua? har ek kya-kya samjhaate hain, yeh kisko pata nahin padta। opinion rakhne vaala bhi chaahiye। tum siddha karke bataate ho। 5 hajaar varsha ka yeh chakra hai, likho। sanvat aadi ka kisko maaloom to hai nahin। yeh baaten koi shaastra mein suni hain? phir hamne kahaan se seekhi? to hamko sikhaane vaala zaroor bhagwan hoga। bhagwan bigar yeh baaten koi samjha na sake। woh bhi zaroor koi tan mein aayega। paramatma gyaan ka saagar hai। parampita paramatma brahma dvaara sthaapna karte hain। aadi madhya ant ki knowledge dete hain। unka naam hai shiv। bhakti maarga mein unke dher naam rakh diye hain। kam se kam dedh laakh apni-apni bhaasha mein unke naam rakhte hain।

bachchon ko roz kitna samjhaate hain। parantu ajun shuddh buddhi bane nahin hain। purushaartha karte rahenge to khaad nikal jaayegi। ab tak to bachche sato tak bhi mushkil pahunche hain। usmein bhi koi tamo, satopradhaan, sato, rajo, tamo ismen bhi nambarvaar hain। har ek ka purushaartha apna-apna chalta hai। is samay manushyon ki hai vinaash kaale vipreet buddhi। sirf paandavon ki thi preet buddhi। unhon ki vijay hui। asur aur devta, hain donon manushya। aise nahin ki asuron ki koi bhayaanak shakla hoti hai। woh to ladaai mein gole gas aadi se bachne liye dress pahante hain। woh hai aasuri sampradaay, tum ho raam sampradaay kyonki tumne 5 vikaar chhode hain। pavitra ban saare vishwa par tum raajya karenge। tumhaari koi ke saath ladaai nahin hai। baba kitni baaten samjhaate hain। koi maas do aakar phir thak jaate hain। phir samjha jaata hai takdeer mein nahin hai। saadhaaran praja mein to aayenge, praja to dher banne vaali hai। abhi bhi dekho praja kitni hai। kis taraph anna ki kami hone kaaran manushya bhookh mein bhi mar jaate hain। koi taraph baaris nahin hone kaaran akaal bhi pad jaata hai। ismen government kya karegi! ye to natural kailemeteez hai। ab to moosaldhaar barsaat bhi padegi। vinaash to hona hai। to tumne jo saakshaatkaar kiya hai, woh sab practical mein hoga। saakshaatkaar mein ek krishna ka mahal dekhenge। saara to nahin dekh sakenge। achha dekhenge vinaash hua, shareer chhodenge to sab kuchh bhool jaayenge। saari duniya khatma ho jaane vaali hai। phir duniya hi badal jaayegi, tumko sab kuchh bhool jaayega। abhi tumhaare mein shuru se lekar ant tak sab knowledge hai। mool vatan, sookshm vatan ka chakra kaise phirta hai, saari knowledge baap ne di hai। jismen jitna jaasti gyaan utna jaasti nasha rehta hai। abhi ham master knowledgeful ho gaye, phir jab vinaash hoga hamaara shareer khalaas ho jaayega। is janma tak hi knowledge rehti hai। to itna buddhi mein nasha rehna chaahiye ki ham yeh shareer chhod jaakar prince princess banenge। manushya to padhkar jaakar apni-apni kamaai karte hain। baap kehte hain - ham koi kamaai nahin karte। ham to tumko sikhlaakar apne ghar le jaate hain। tum kamaai karte ho to ganvaate bhi ho। tumko saara aadi madhya ant ka gyaan hai। baba ko bhi gyaan hai, jo baithkar samjhaate hain part anusaar। phir baba bhi chale jaate hain nirvaandhaam। sabhi aatmaayen bhi chali jaayengi। vahaan phir jin-jin ka part hoga woh phir raajdhaani mein aate jaayenge। baaki time shantidham mein rahenge। bachchon ko kitna gyaan mil raha hai, oonch pad paane ke liye। naye kiski buddhi mein baith na sake। sirf itna kahenge gyaan bahut achha hai। phir apne dhandhedhori mein chale jaayenge। baahar jaane se maaya bhula deti hai, taala laga deti hai, kai bachchon ka bhi aisa haal hota hai। poori dhaarna hoti nahin। pahle andar koi aaye to bolo, yeh sab hain brahmaakumaar-kumaariyaan। shivbaaba brahma dvaara vishnupuri ki sthaapna kar rahe hain। abhi kaliyug ant hai phir satayug hoga। to brahma ke bachche sab brahmaakumaar hain jo phir devta banenge। aisa service samaachaar baba ko milta rahe to baba raay den। parantu baba ko poora sunaate nahin। bahuton par grahchaari lagti hai। abhi-abhi dekho first class, kal dekho third class ban padte hain। grahchaari na hoti to aashcharyavat bhaaganti kyon hote? jo bachche pradarshani mein achhi tarah jaakar service karte hain, woh apna samay bhi saphal karte hain। baapdaada ko kabhi nahin chhodna chaahiye। baba bachchon ko kuchh bhi bolega phir phauran pyaar bhi karega। baba ki dil par bachchon ka kuchh bhi rehta nahin hai। yeh sirf shiksha dene ke liye sikhlaate hain।

yahaan bachchon ko toli khilaai jaati hai kyonki behad ka baap hai na। laukik baap baajaar se aate hain to bachche zaroor yaad padenge। kuchh na kuchh toli le aate hain। baahar centre par toli nahin milti। yahaan baap sammukh baitha hai। baba sab kuchh bachchon ko samjhaate hain। yeh dvaapar se rishi-muni jo satopradhaan the, jinki buddhi ko taala laga hua nahin tha, ve bhi kehte the rachta aur rachna ko ham nahin jaante hain। aaj kaliyug mein sabki buddhi ko taala laga hua hai, phir woh kaise jaan sakenge। shaastra to woh rishi-muni bhi padhte the। tumko point bahut milti hain samjhaane ke liye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bhagwan hamko padhaakar bhagavti bhagwan banaate hain - isi khushi va nashe mein rehna hai। rachta aur rachna ka gyaan buddhi mein rakh doosron ko sunaana hai।

2) jaise baap kisi bachche ki baat dil par nahin rakhte hain, aise kisi ki bhi baat dil par nahin rakhni hai।

vardaan:- karaavanhaar ki smriti se seva mein sada nirmaan ka kaarya karne vaale karmayogi bhav

koi bhi karma, karmayogi ki stage mein parivartan karo, sirf karma karne vaale nahin lekin karmayogi hain। karma arthaat vyavhaar aur yog arthaat parmaartha donon ka balance ho। shareer nirvaah ke peechhe aatma ka nirvaah bhool na jaae। jo bhi karma karo woh eeshvareey seva arth ho। iske liye sevaaon mein nimitta maatra ka mantra va karanhaar ki smriti ka sankalp sada yaad rahe। karaavanhaar bhoole nahin to seva mein nirmaan hi nirmaan karte rahenge।

slogan:- seva va sambandh-samparka mein vighna padne ka kaaran hai puraane sanskaar, un sanskaaron se vairaagya ho।