सोमवार 3 जनवरी 2022 की दैनिक मुरली

03-01-2022 praatahmurli om shanti "baapdaada"' madhuban

“meethe bachche - brahma so vishnu, vishnu so brahma kaise bante hain, donon ek do ki naabhi se kab nikalte hain, yeh raaz siddha kar samjhaao''

prashn:- kaun si gupta baat maheen buddhi vaale bachche hi samajh sakte hain?

uttar:- ham sabki badi maa, yeh brahma hai, jiske ham mukh vanshaavli hain। yeh badi gupta baat hai। brahma ki beti hai sarasvati। woh hai sabse hoshiyaar, goddess aaph knowledge। baap ne gyaan ka kalash maataaon par rakha hai। maata ki lori gaai hui hai। woh sabko samjhaaye ki vishwa mein shanti kaise ho sakti hai।

geet:- bholenaath se niraala…

om shanti। bigdi ko banaane vaala zaroor bhagwan ko hi kahenge na ki shankar ko। bholaanaath bhi shiv ko hi kahenge, shankar ko nahin। khivaiya bhi shiv ko hi kahenge, na shankar ko, na vishnu ko। khivaiya athva god father kahne se buddhi niraakaar taraph chali jaati hai। trimoorti ka chitra to naameegraami hai। government ka jo kot aaph arms hai, woh jaanavron ka bana diya hai। aur us par likh diya hai satyamev jayte। ab jaanavron ke saath to koi arth nikalta nahin। government ke kot oph arms ki mohar hoti hai। jo bhi badi-badi raajdhaaniyaan hain un sabke kot oph arms hain। bhaarat mein trimoorti mashhoor hai। brahma vishnu shankar, usmein shiv ka chitra gum kar diya hai kyonki unki knowledge hi nahin hai। god father kahne se buddhi niraakaar ki taraph chali jayegi। brahma, vishnu, shankar ko god father nahin kahenge। god father hai aatmaon ka। woh oonche te ooncha thahra। dikhaate bhi hain oonche te ooncha bhagwan। aise nahin oonche te ooncha brahma kahenge va vishnu va shankar ko kahenge। nahin, oonche se ooncha ek bhagwan hai। yeh sabhi jaante hain। sikkha log bhi unki mahima gaate hain। guru naanak ko bhi yeh gyaan tha ki manushya ko devta banaane vaala parampita paramatma ke sivaay koi ho nahin sakta। satayug mein to devtaayen rehte hain zaroor। parantu devtaaon ko rachne vaala paramatma hi hai। woh devtaaon ko kaise rachte hain, yeh nahin jaante। mahima gaate hain - moot paleeti kappad dhoe। to jo manushya moot paleeti the unko devta banaaya। parantu banaaya kab yeh nahin likha hai। tum jaante ho barobar is samay paramatma manushya ko devta bana rahe hain। zaroor durgati se sadgati ki hogi, bhrashtaachaari ko shreshthaachaari banaaya hoga! tum samjha sakte ho is bhaarat mein hi shreshthaachaari devta the। guru naanak jab aaye tab to bhrashtaachaari duniya thi na, tab to gaate the। lakshmi-naaraayan aadi ke chitra to rehte hain na, jinke saath hi inki kampeeteeshan hoti hai। guru govindasinh ka janma bade dhoomdhaam se manaate hain। sikkha dharma ka rachayita hai। khud kehte hain bhagwan niraakaar-nirhankaari hai। aakar manushya ko patit se paavan devta banaate hain। shreekrishna manushya ko devta nahin bana sakte। geeta mein bhi hai main tumko sahaj raajayog sikhlaakar shreshthaachaari mahaaraaja mahaaraani banaata hoon। patit-paavan god father ko hi kahenge। woh zaroor aayenge bhrashtaachaari duniya mein। unko kehte hain aakar paavan banaao। shreshthaachaari banaane vaala to ek hi niraakaar baap oonche te ooncha bhagwan hai phir hai brahma, vishnu, shankar, yeh hui rachna parampita paramatma ki। jiska chitra to hai nahin। ab baap samjhaate hain vishnu ki naabhi se brahma nikla phir brahma ki naabhi se vishnu kaise niklenge kyonki brahma so vishnu, vishnu so brahma bante hain। brahma dvaara sthaapna phir vahi brahma sarasvati doosre janma mein vishnu ke do roop lakshmi-naaraayan ban paalna karte hain। to brahma sarasvati so lakshmi-naaraayan। brahma kahenge ham so vishnu ke do roop lakshmi-naaraayan bante hain। lakshmi-naaraayan phir kahenge ham so brahma sarasvati to ek do ke naabhi se nikle na। ham so devta phir kshatriy, vaishya, shoodra banen। yeh bahut samajhne ki baaten hain। baba ne samjhaaya jis brahma ke tan mein mainne pravesh kiya hai unke poore 84 janma hue hain। baaki koi rath aadi ki baat nahin। woh sab jhooth hai। is sangam ke samay ka kisko pata nahin hai। manushyon ko ghor andhakaar mein daal diya hai। kaliyug ki aayu itne laakhon varsha ki hai। satayug ki aayu itni hai। aisi-aisi baaten sunaae ghor andhakaar mein daal diya hai। baap kehte hain main un bachchon ke aage sammukh hota hoon jo mujhe pahchaante hain। baaki to mujhe pahchaante hi nahin। woh samjhenge bhi nahin ki yeh kaun hain। koi badi sabha mein jaao to woh samjhenge thode hi। tumhaare mein bhi mushkil hi samajhte hain। ghadi-ghadi bhool jaate hain। yeh to bade te badi highest authority hai। pope ka dekho kitna regard rakhte hain। pope kaun hai? woh hai Christian gharaane ka। yeh hai antim janma। Christ ke samay se punarjanma lete ab tamopradhaan avastha mein hai। sabhi patit hain। ek do ko duhkh dete rehte hain। baap kehte hain - yeh bhi bana banaaya khel hai। to oonche te ooncha hai niraakaar bhagwan phir brahma vishnu shankar। brahma dvaara sthaapna। jisse sthaapna hoti hai unse hi paalna hogi। to in brahma sarasvati ko phir lakshmi-naaraayan banna hai। lakshmi-naaraayan hi abhi aakar brahma sarasvati bane hain। prajaapita ki yeh hain mukh vanshaavli। krishna ko prajaapita nahin kahenge। inka naam hi prajaapita brahma hai। brahma dvaara zaroor brahman chaahiye। baap kehte hain brahma ko adopt karta hoon। mujhe unko hi brahma banaana hai, jo poore 84 janma bhog abhi antim janma mein hai। brahma to ek hi hoga na। yeh apne janmon ko nahin jaante hain to jaise brahma ko baith samjhaate hain to zaroor brahman bhi honge। brahman hain brahma ke mukh vanshaavli। yeh sab adopted children kumaar-kumaariyaan hain। prajaapita ke zaroor mukh vanshaavli honge। yeh bahut samajhne ki baaten hain। khud samjhaate hain mujhe bahut janmon ke ant mein aana padta hai। satayug mein pahle-pahle yeh lakshmi-naaraayan the। zaroor inhonne hi 84 janma liye honge। auron ne zaroor kam liye honge। yeh brahma-sarasvati hi phir vishnu yugal banega। to kitni samajhne ki baaten hain। pahle-pahle to yeh nishchay chaahiye ki yeh knowledge krishna nahin de sakte। achha phir gaate hain aapehi poojya, aapehi pujaari। bhakti maarga mein pujaari hain, gyaan maarga mein poojya hain। vishnu ke do roop barobar poojya the। phir yeh brahma hi pujaari ban vishnu ki pooja karte the। kehte hain ham so pujaari the vishnu ke। ab ham so vishnu poojya ban raha hoon, tattvam। isko guhya te guhya baat kahi jaati hai। brahma kahaan se aaya! vishnu kahaan gaya! yeh tum hi jaante ho। vishnu ke do roop lakshmi-naaraayan ko 84 janma poore kar ant mein patit banna hai। dynasty hi patit ho tab to main aakar sthaapna karoon aur sab dharmon ko khalaas kar doon। phir se sahaj raajayog sikhlaakar shreshthaachaari devi-devta dharma ki sthaapna kar, baaki jo bhrashtaachaari dharma hain un sabka vinaash karaata hoon। raamraajya mein doosra koi dharma hota nahin। abhi sab dharma hain। bhaarat ka asli dharma hai nahin, woh phir se sthaapan ho raha hai। chitra bhi hain। trimoorti ke oopar shiv bhi hai। brahma sarasvati so lakshmi-naaraayan, vahi raadhe krishna the। raajdhaani raadhe ki apni thi। to krishna apni raajdhaani ke the। gyaan ki sitaar raadhe ke paas nahin hai। sarasvati knowledge se bhavishya mein raadhe bani hai। sarasvati ko goddess aaph knowledge kehte hain। unko zaroor baap dvaara knowledge mili hogi। sarasvati hai brahma ki beti। prajaapita brahma hai to jagat amba bhi chaahiye। vaastav mein yeh hai gupta baat। badi amba to yeh brahma hai। in dvaara gyaan dete hain maataaon ko। woh badi beti jagat amba gaai jaati hai। nahin to brahma mukh dvaara adopt hote ho to maata yeh ho gai। hoshiyaar mein hoshiyaar brahma ki beti sarasvati hai। woh kahaan se aai? brahma ko stri to nahin hai। woh hai hi prajaapita। to woh hai mukh vanshaavli। yeh drama bhi anaadi bana banaaya hai। to goddess aaph knowledge sarasvati hai। ab religious conference hoti hai usmein niraakaar shivbaaba to ja nahin sakte। brahma ko bhi nahin bitha sakte। maata ki mahima hai। sabhi dharma vaalon ki head maata honi chaahiye। sabhi ki maata jagat amba baith lori de। bachche paida hote hain maa dvaara। jagat amba sabki maata thahri, to sabko unke aage maatha jhukaana pade। maata samjha sakti hai - yeh bhrashtaachaari duniya shreshthaachaari kaise bane va is bhaarat mein shanti kaise sthaapan ho। raavanraajya mein shanti ho na sake। shanti kahaan se milti hai - yeh maata hi samjha sakti hai। shantidham hai nirvaandhaam। yeh hai duhkhadhaam। satayug hai sukhdhaam। barobar satayug mein ek raajya tha। sukh shanti pavitrata sab kuchh tha। abhi nahin hai। to zaroor drama poora hoga। jhaad ki bhi aayu poori hui hai। devtaaon ke bhi 84 janma poore hue hain। 84 laakh janma to ho na sake। islaami, bauddhi dharma vaalon ko itne varsha hue to phir 84 laakh janma kaise honge। baal yuva vriddha hone mein samay lagta hai। 84 laakh janma ho to phir lamba chauda kalpa ho jaae। to yeh maata samjhaayegi tumhaara parampita paramatma se kya sambandh hai। woh to father rachayita hai na। pahle brahma, vishnu shankar ko rachte honge phir brahma dvaara manushya srishti rachte hain। aise nahin koi nai duniya rachte hain। agar aisa ho to phir manushya aise nahin kahen ki patit-paavan aao। is samay saari duniya patit hai, sab durgati ko paaye hue hain। yaad karte rehte hain O god father raham karo। hamko in maayaavi duhkhon se chhudaao। to woh phir duhkh kaise denge। duhkh dene vaala zaroor aur hai। satayug mein jab ek dharma tha to aur sab dharma ki aatmaaen nirvaandhaam mein thi। abhi to sabhi aatmaaen yahaan hain to phir zaroor baap ko aakar ek dharma ki sthaapna karni hai। brahma dvaara sthaapna phir vahi brahma, vishnu bante hain। phir vishnu ki naabhi se brahma nikalte hain। unse baith gyaan deta hoon jo phir devta bante hain। raajayog seekhte hain। baaki duniya vaalon ne jo anek chitra banaaye hain, woh hain sab danta kathaayen। mukhya baat hai geeta maata ka bhagwan kaun? samjhaana hai - parampita paramatma janma dete hain vishnu ko। brahma ko bhi janma denge na। woh to devtaaye hain satayug ke। brahma kahaan ka? zaroor kaliyug ka hoga। bahut janmon ke ant ka janma zaroor devtaaon ka hi hoga। jo shreshthaachaari the, ab bhrashtaachaari hain। do yug mein sooryavanshi, chandravanshiyon ka raajya, 4 bhaag hain। laakhon varsha ki baat nahin। kehte hain Christ se 3 hajaar varsha pahle bhaarat svarga tha। yeh sab achhi tarah samjhaana pade। baap kehte hain yeh sab adopted children hain। ab vinaash saamne khada hai। bhrashtaachaari bhaarat ko koi manushya shreshthaachaari bana nahin sakta। baba ne samjhaaya hai to jab devtaayen vaam maarga mein jaate hain to phir yeh sannyaasi pavitrata ke bal se bhaarat ko thamaate hain। is samay to sab patit ban gaye hain। nadi to saagar se nikalti hai, nadiyon ko patit-paavni kah usmein snaan karte hain। ab nadiyaan to sab jagah hain। nadi kaise patit-paavan ho sakti hai। patit-paavan to ek hi parampita paramatma hai। yahaan to gyaan gangaayen chaahiye jo manushya ko bhrashtaachaari se shreshthaachaari banaayen - sahaj raajayog se। baap kehte hain main sarvashaktimaan hoon, mere se yog lagaane se hi sarva vikarma vinaash honge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar-

1) sabse bade te badi highest authority baap hai, use yathaartha roop se pahchaan kar regard rakhna hai। unki shreemat par poora-poora chalna hai।

2) baap ne gyaan ka kalash maataaon ko diya hai, unhein aage rakhna hai।

vardaan:- sab kuchh baap havaale kar double light rahne vaale baap samaan nyaare-pyaare bhav

double light ka arth hai sab kuchh baap havaale karna। tan bhi mera nahin। ye tan seva arth baap ne diya hai। aapka to vaayda hai ki tan-man-dhan sab tera। jab tan hi apna nahin to baaki kya raha। to sada kamal pushpa ka drishtaanta smriti mein rahe ki main kamal pushpa samaan nyaara aur pyaara hoon। aise nyaare rahne vaalon ko parmaatma pyaar ka adhikaar mil jaata hai।

slogan:- maryaadaaon ki lakeer ke andar rahne vaale hi maryaada purooshottam hain।

lavleen sthiti ka anubhav karo

aapke naynon mein aur mukh ke har bol mein baap samaaya hua ho। to aapke shaktishaali swaroop dvaara sarvashaktivaan nazar aayega। jaise aadi sthaapna mein brahma roop mein shreekrishna dikhaai deta tha, aise abhi aap bachchon dvaara sarvashaktivaan dikhaai de।